"Afnám verðtryggingar"

er slagorð allskyns pótentáta sem eru að reyna að slá sig til riddara á félagsmálasviðinu. Dæmigerður er einhver í útvarpinu sem er að reyna að pota sjálfum sér áfram með því að komast til áhrifa í verkalýðsfélagi. Hann skilur ekkert i því að ASÍ taki ekki undir með sér um nauðsyn afnáms verðtryggingar.

Hvað er þetta fólk að bulla? Er það að krefjast afnáms lífeyriskerfisins? Vill það afhenda lífeyrissjóðina gefins á verðbólgubálið svo að lántakendur í núinu geti fengið niðurgreidd lán, þeir sem eru búnir að borga lánin sín fái skertan lífeyri og framtíðarfólkið fái engin lán því að sjóðirnir séu búnir?. Og þeir sjálfir búnir að fá stjórnarjeppa og launað sæti í stórfyrirtækjum um sína hundstíð?

Á sama tíma finnst þeim ótækt að Íslendingar taki lán í erlendri mynt? Svo tala þeir um að erlend húsnæðislán beri bara 1 % vexti og finnst það eigi að gilda um krónulánin hér líka, án verðtryggingar?  Þeir nefna aldrei sambandið milli gengis erlendra gjaldmiðla, krónunnar sem styrkist núna og verðbætur og vísitala eru í mínus og verðtryggingar þegar illa gengur?

Mikið lifandis skelfing er þetta ómerkilegur málflutningur um nauðsyn afnáms verðtryggingar.Hvað var fyrir upptöku verðtryggingarinnar? Auðn og tóm, allt brann upp, engir lífeyrissjóðir eða sparnaður var mögulegur. Að svona fólk  skuli komast upp með þetta bull endalaust í eiginhagsmunaskyni? Sér enginn í gegn um þessa ómerkinga og sjálfhverfan slagorðavaðal þeirra?

Enginn nefnir að varðveita þurfi sparnað fólks. Enginn banki gerir fólki kleyft að varðveita peninga sína öðruvísi en að tapa allri verðbólgunni. Þeir leyfa ekki verðtryggða reikninga til skammtíma  heldur með svo langri bindingu að enginn venjulegur maður þorir að taka svoleiðis. Sparandinn er kvikindi sem enginn elskar.

Allir framagosar tala bara um nauðsyn þess að allir fái óverðtryggð lán sem brenni upp í verðbólgunni. Þeim finnst skelfilegt ef verðbólgan er lítil því þá léttast óverðtryggð lánin ekkert miðað við kaupið.Þeir vilja ekki borga til baka það sem þeir fá lánað frekar en þeir sem tóku gengislánin fyrir hrun og sluppu sumir á afturvirkum lagakrókum.

Það er kominn tími til að þessir menn séu teknir fram af skaftinu og látnir útskýra bull sitt um " afnám verðtryggingar".

"Tax and Spend"

er allt hugmyndaflug og hagfræði  kommanna sem birtist á Alþingi.

"Tax and Spend".

"Skattleggjum og eyðum".

Að hugsa sér að þessi Steingrímur hafi verið lausnari þjóðarinnar eftir hrunið.

"Fimm þing­menn Vinstri grænna hafa lagt fram frum­varp um sér­stak­ar fjár­öfl­un­ar­ráðstaf­an­ir í vega­mál­um. Þar er lagt til sér­stakt vöru­gjald af bens­íni, bens­íngjald og ol­íu­gjald um u.þ.b. þriðjung verðlags­hækk­un­ar tíma­bils­ins 2005-2017, í þeim til­gangi að auka tekj­ur til vega­mála um nærri 2 millj­arða króna.

Frum­varpið ger­ir ráð fyr­ir að bens­íngjaldið hækki um 8,75 krón­ur og ol­íu­gjaldið um 8,52 krón­ur. Þá yrði Vega­gerðinni heim­ilt að færa af viðhalds- og þjón­ustuliðum allt að 500 millj­ón­ir króna til ný­fram­kvæmda.

„Frum­varp það sem hér er flutt geng­ur út á að taka skref í átt til þess að færa helstu markaði tekju­stofna til vega­mála, þ.e. aðra en kíló­metra­gjald, í átt til þess að vera full­nýtt­ir miðað við þróun verðlags frá því að þeir voru upp­haf­lega ákv­arðaðir. Er ekki vanþörf á, sbr. sí­end­ur­tekn­ar frétt­ir af ófremd­ar­ástandi á veg­um lands­ins og há­vær mót­mæli vegna þess niður­skurðar frá samþykktri sam­göngu­áætlun sem mest er rætt um þessa dag­ana,“ seg­ir í grein­ar­gerð með frum­varp­inu.

Þá er bent á að um sé að ræða gjald á jarðefna­eldsneyti.

„Um­hverf­i­s­vænni orku­gjaf­ar á borð við raf­orku og met­an eru und­anþegn­ir álög­um á borð við bens­ín- og ol­íu­gjald en lágt verð á jarðefna­eldsneyti und­an­farið hef­ur dregið úr því að neyt­end­ur breyttu hátt­um sín­um og tækju að nota um­hverf­i­s­vænni orku. Hækk­un gjalda á jarðefna­eldsneyti ger­ir þannig um­hverf­i­s­vænu orku­kost­ina hag­stæðari fyr­ir neyt­end­ur og greiðir fyr­ir nauðsyn­leg­um og tíma­bær­um orku­skipt­um í sam­göng­um.“"

Það er illa komið fyrir þjóð sem þarf ráð frá þessu fólki. Hugmyndaflug og hagfræði kommanna á sér bara eina birtingarmynd utan veggja Landsdóms.

"Skattleggjum og eyðum".

Framkvæmdanefnd Byggingaáætlunar

-man einhver eftir þessu nafni?

Kom þetta ekki upp úr júnísamkomulaginu? Voru það ekki Bjarni Ben og Edvarð Árnason, menn af sinn hvorum kanti stjórnmálanna, sem gerðu samkomulag um að leysa hin ferlegu húsnæðisvandamál í Reykjavík fyrir verkalýðinn með samstilltu áhlaupi? Það var neyðarástand. 

Það voru þá engir verktakar til að framkvæma. Það þurfti að stofna Breiðholt hf. og sækja Guðmund Einarsson verkfræðing suður á Keflavík til að veita þessu forystu, taka upp óþekkt vinnubrögð í massaframleiðslu íbúða, reisa fyrstu byggingakranana, nota fyrstu kerfismótin og ótal nýjungar þurfti að innleiða.

Breiðholtið reis og fólkið fékk íbúðir. Inn í þær fluttu ekki kjósendur Sjálfstæðisflokksins í Reykjavík og íhaldið missti Borgina í framhaldinu. Davíð kom svo og endurheimti hana að vísu en svo tók sundrungin aftur við, R-listinn, Ingibjörg Sólrún  og hrossakaupin, Alfreð og allt það. Eða var það ekki einhvernvegin svona, maður er farinn að ryðga í þessu. 

En núna er staðan bara orðin svona aftur. Það er algert neyðarástand í húsnæðismálum í Reykjavík. Nú eru bara ekki Eðvarð og Bjarni lengur með okkur heldur einhverjir nýmóðins skeggjaðir skrifstofumenn sem hafa kannski ekki miklar hugsjónir aðrar en sjálfa sig, jeppa og ESB.

Er ekki bara annað júnísamkomulag og framkvæmdanefnd byggingaáætlunar framundan þó að Guðmundur Einarsson sé ekki lengur til að byggja á þessu plani heldur frekar á Astralplaninu? Verður ekki að gera eitthvað stórt og mikið með pólitísku átaki til að leysa húsnæðismálin? Nýtt Breiðholt? 

Markaðurinn og pólitíkin hefur ekki skapað lausnir í húsnæðismálunum. Ekkert nýtt Smáíbúðahverfi er sýnilegt eða væntanlegt. Fólk liggur úti í tjöldum í Laugardal meðan hælisleitendur hafa það huggulegt í íbúðunum.Og engar lóðir eru sýnilegar.

Kemur þá ekki bara ný pólitísk framkvæmdanefnd byggingaáætlunar fyrst  búið er að klúðra öllu í húsnæðismálunum eins og staðan er í dag? 

Jón Gunnarsson

samgönguráðherra var hjá Binga á ÍNN.

Jón vekur athygli fyrir sinn yfirvegaða og æsingalausa málflutning. Hann er pottþéttur í röksemdum sínum gegn æsingamönnunum, flestum af vinstra kantinum, sem hafa risið öndverðir gegn hugmyndum Jóns og að leita nýrra leiða til að leysa þá skelfingu sem við blasir í vegamálum landsins. En Jón fór yfir það kalt og rólega að það vantar að lágmarki 75 milljarða til brýnustu aðgerða í samgöngumálum. Ekki einhvern tímann í framtíðinni heldur núna.

Það gefur auga leið að venjubundið kukl Alþingis með einhverja örfáa milljarða hér og þar í kjördæmapot og spottagerðir einstakra þingmanna duga hvergi til. Vegakerfið er brotið, brýr sprungnar, jarðgöng vantar hér og þar, flugmál í uppnámi vegna pólitískra skemmdarverka. Ferðamenn brenna upp vegina sem aldrei fyrr, banaslys éta upp þjóðarhag meðan við sinnum þessum málum eins slælega og raun ber vitni og menn sjá endurspeglast í Alþingi þar sem nú eru samankomnir fleiri furðugripir en nokkru sinni fyrr og ekki virðast færir um eitt eða neitt sem afgreiða þarf af röskleika.

Það er því gott að hlusta á nútímamanninn Jón Gunnarsson ræða um viðblasandi vandamál á sinn yfirvegaða hátt. Maður með nýja hugsun og lausnamiðaða. Það er átakanlegt að hlusta á hann lýsa því hvernig steinaldarmennirnir í Borgarstjórn Reykjavíkur þvælast fyrir öllum framförum og reyna að eyðileggja allt sem til framfara horfir.

Það er morgunljóst að ekki verður hægt að taka á neinum málum af alvöru á höfuðborgarsvæðinu fyrr en það lið hefur verið kosið frá Borgarstjórninni.  Fyrr en til valda kemur nýtt nútímafólk sem áttar sig á því að Reykjavíkurflugvöllur er ekkert að fara enda er hann þvílík ómissandi perla fyrir allt atvinnulíf landsmanna að það eru aðeins blindir fornmenn sem ekki sjá það.Fólk sem virðir val íbúanna á eigin samgöngumáta en er ekki upptekið af því að láta vatnið streyma upp í móti.

Að það skuli vera til menn á tuttugustu og fyrstu öld sem bulla um það að byggja nýjan flugvöll ofan á virku eldfjalli á Reykjanesi fyrir 150 milljarða eins og það sé skiptimynt  þegar við höfum prýðilegan flugvöll sem getur þjónað okkur lengi enn. Bulla um borgarlínur í stað mislægra gatnamóta fyrir þann ferðamáta einkabílinn sem fólkið hefur kosið sér í stað hjólhesta og strætisvagna, gersamlega ónæmt fyrir þeim banaslysum sem þessi sleifargangur hefur þegar kostað og á eftir að kosta, fólk sem er heltekið af eigin firrum að það sér ekki næsta nærumhverfi sitt eða nútímann.

Það er algerlega fáránlegt að menn sem eiga heima á Sturlungaöld frekar en í nútímanum skuli fara með öll skipulagsvöld á höfuðborgarsvæðinu og halda öllu mannlífi þar í gíslingu sakir tröllskapar síns og fordæðuháttar eins og meirihlutinn í Borgarstjórn Reykjavíkur stendur fyrir með náð Píratans. 

Það er ekkert hægt að gera í þeim aðkallandi málum sem samgöngumál landsmanna eru í komin, nema með nýrri hugsun. Þegar fram kemur nútímamaður eins og Jón Gunnarsson og vill leita leiða til að finna lausnir á þessu þá rís allt afturhald landsins af vinstra vængnum upp á afturlappirnar og gargar órökstuddar fullyrðingar og slagorð gegn öllum breytingum.

Það sem þarf að gera er að fá hundraðmilljarða lánalínu til samgöngumála og byrja á framkvæmdum hið fyrsta. Það er skítnóg af billegum peningum til í heiminum ef við ekki bara prentum þá sjálf eins og bankarnir okkar gera daglega. Ef við höfum það að leiðarljósi að láta notendur sem mest borga fyrir afnot af nýframkvæmdum, eins og til dæmis þeir fyrir norðan vilja láta yfir sig ganga gegn því að fá úrbætur strax, þá eru við á réttri leið. Við þurfum að drífa í því að hanna Sundabraut og setja í hana einkaframkvæmd með gjaldtöku, við þurfum nýja brú eða göng á Ölfusá,við þurfum göng í gegn um Reynisfjall, við þurfum göng undir Fjarðarheiði og margt fleira sem við blasir. Hætta að hugsa í hjólhestum og einhverjum Hjöllum í stað nútíma lausna.

Ef við berum ekki gæfu til að hlusta á Jón Gunnarsson en ætlum að bíða úrræða frá næsta samgönguráðherra Vinstri Grænna í fyllingu tímans, þá verðum við fyrst komin í alvarleg vandræði.

Tækifærið er núna og við eigum að nota Jón Gunnarsson til að drífa málin áfram.

 

Dettur engum í hug?

að láta bílaleigubíla og rútubíla borga sérstakt kílómetragjald?

Alveg hefði mér dottið það í hug ef ég hefði verið spurður um það hvað gæti komið í stað ferðamannapassans hennra Ragnheiðar Elínar. 

En ég var ekki spurður og engum dettur heldur í hug að spyrja mig um neitt, sem vonlegt er.

Aðeins við einkaframkvæmdir

og nýframkvæmdir er hægt að innheimta vegatolla.

Það er líklega  ekki hægt að fela ríkinu að innheimta vegatolla í neinni mynd.

Ástæðan er sú að pólitíkusar stela öllu steini léttara. Ljúga og svíkja samviskulaust. Því miður, oftlega gersamlega óorðheldnir laupar sem enginn getur treyst neinu hjá. Alvega sama hvort aldraðir, öryrkjar eða aðrir vesalingar eiga í hlut. Aðeins í einhverri fíflsku fyrir kynvillinga, femínisma, hælisleitendur, flóttamenn,eða loftslagsvitleysu er hægt að treysta því að þeir vilji standa við eitthvað, sem kemur okkur þegnunum þá yfirleitt illa.

Sjáið nefskattinn til RÚV sem Þorgerður Katrín kom á? Stolið hægri og vinstri. Bensínskattar, bílatollar.Öllu stolið hægri- vinstri. Gjöldin í Hvalfjarðargöng? Fóru bara þangað sem þau áttu að fara af því að þau eru einkaframkvæmd.

Vegatollurinn á Keflavíkurveginn var eyðilagður af því að það var ríkið sem innheimti hann. Skýlið brennt og allt eyðilagt.

Það er bara því hægt að innheimta veggjöld af einkaframkvæmdum í nýframkvæmd vegna sviksamlegs  eðlis stjórnmálamanna. Þeir komast upp með að ljúga og svíkja í hvaða málum sem eru. Því miður er þetta fremur reglan  um íslenska stjórnmálamenn frekar  en undantekningin. Fólk treystir þeim illa vegna fenginnar reynslu. 

Þess vegna er aðeins hægt að innheimta veggjöld af einkaframkvæmdum í vegamálum.

Það er hinsvegar hægt að skattleggja þá bíla sérstaklega sem eyðileggja vegina núna. Trukka og rútur.

Það er það sem hægt er að gera strax Jón minn Gunnarsson því þeir eru einkaframkvæmd gróðapunga og eiga að borga fyrir skemmdirnar.

 

Ný hugsun í vegamálin

er nauðsynleg ef við eigum að búa við viðunandi vegi á Íslandi.

Landið er svo stórt og við svo fá að við ráðum ekkert við vegamálin ef aðeins við 300.000 manns eigum að borga vegina fyrir 2 milljónir ferðamanna og rúturnar sem þrælast með þá um allar trissur. Ferðamennirnir verða að borga þetta með okkur.

Gullfossvegurinn er hérumbil ófær á stundum vegna djúpra holumyndana. Fullt af köllum, á gulum göllum að klessa ofan í þær dýpstu.

Samgönguráðherrann Jón Gunnarsson á í hugmyndafræðilegri baráttu við afturhaldið í landinu vegna þessara mála. Hann vill að við Íslendingar förum að hugsa meira eins og Bandaríkjamenn sem reyna að lát þá borga sem nota.

Svo segir í Mogga:

"»Að ekki fáist meiri peningar í vegamálin eru vonbrigði. Því þurfti að taka verkefnalista þessa árs upp og forgangsraða. Sumt bíður svo sem ýmsar stórframkvæmdir sem þó eru aðkallandi,« segir Jón Gunnarsson. »Vegna sífellt meiri umferðar er nauðsynlegt að ræða hvort veggjöld séu valkostur. Við þurfum að vera opin fyrir nýjum hugmyndum svo ganga megi í málin sem fyrst. En ég vænti þess líka að svigrúm verði til að fá meira af fjárlögum til vegamála, samanber stjórnarsáttmálann um átak í innviðauppbyggingu á næstu árum.«

 Samgönguráðherra segir að bollaleggingar um vegagjöld séu í bili að minnsta kosti bundnar við vegi og önnur mannvirki næst borginni. Fyrir liggur að bæta þarf enn vegina frá Keflavíkurflugvelli og inn til Reykjavíkur og leiðina austur fyrir fjall svo sem með breikkun vega, nýframkvæmdum í Ölfusi og Flóa og byggingu nýrrar brúar á Ölfusá við Selfoss. Einnig þarf að fara í framkvæmdir á Vesturlandsvegi alveg upp í Borgarnes, með Sundabraut, nýjum Hvalfjarðargöngum og fleiru.

 

»Ef hægt er að taka þessi stóru verkefni næst borginni út fyrir sviga, og innheimta vegagjöld, myndast ruðningsáhrif. Meira verður til skiptanna og hægt að setja í verkefni annars staðar á landinu sem ella þurfa að bíða,« segir Jón Gunnarsson. Hann kveðst sýna sjónarmiðum þeirra sem gagnrýna vegagjaldahugmyndina eða eru henni mótfallnir skilning. Þó verði þeir sem þar leggja orð í belg að brjóta málið til mergjar enda verði þeim ávinningurinn þá ef til vill ljós.

Gjaldtöku segir Jón að stýra megi þannig að innheimtustöðvar verði á þeim stöðum þar sem best næðist til ferðamanna. Þeir fari í flestum tilvikum aðeins stakar ferðir og myndu greiða meira en til dæmis þeir sem eru í daglegum ferðum sem aftur myndu njóta góðra afsláttarkjara, samanber það sem tíðkast í Hvalfjarðargöngum. Þeir sem oftast fara um þau göng kaupa yfirleitt veglykil og greiða 283 krónur fyrir hverja ferð.

 »Framkvæmdir á vegum næst borginni myndu ekki stytta leiðirnar ýkja mikið. Hins vegar myndi ferðatími væntanlega styttast og á beinum og breiðum vegum er frekar en ella hægt að halda jöfnum aksturshraða og spara þar með bensín og draga úr mengun. Stærsti ávinningurinn yrði samt minni slysahætta,« segir Jón.

 

Samgönguráðherra vekur athygli á því að eftir breikkun hluta Reykjanesbrautarinnar fyrir um áratug hafi þar ekki orðið alvarleg umferðarslys. Reynslan af sambærilegum framkvæmdum á Hellisheiði sé sömuleiðis góð. Einboðið sé því að halda áfram á sömu braut. Það hvernig þessar framkvæmdir megi útfæra og hvernig þær yrðu fjármagnaðar sé hins vegar óskrifað blað og þar muni starfshópur sem Eyjólfur Árni Rafnsson verkfræðingur fer fyrir, leggja línurnar með skýrslu sem er væntanleg í maí.

 

Þá segir ráðherrann að veggjöld séu alsiða í nágrannalöndunum og sennilega sé andstaðan við þau hér minni en ætla megi af umræðunni. Þannig hafi t.d. fulltrúar Seyðfirðinga sagst tilbúnir að skoða veggjaldahugmyndina, megi slíkt verða til að flýta gerð jarðganga undir Fjarðarheiði. Mýrdælingar taka í svipaðan streng, en þar í sveit hefur lengi verið rætt um að gera jarðgöng í gegnum Reynisfjall, sem kæmu í stað fjallvegarins yfir Gatnabrún. Fleiri dæmi megi nefna.

 

En er það svo að stærstu samgöngubætur hér á landi þurfi að fjármagna með sértækum aðferðum? Minna má á að fyrstu árin eftir að Keflavíkurvegurinn var steyptur fyrir um hálfri öld var þar innheimtur vegtollur, slegið var lán hjá Alþjóðabankanum vegna framkvæmda við Suðurlandsveg úr Reykjavík austur á Selfoss árið 1972, efnt var til happadrættis árið 1974 svo loka mætti hringveginum og byggja Skeiðárbrú og einkafyrirtækið Spölur á og rekur Hvalfjarðargöngin sem verða uppgreidd á næsta ári og þá fær ríkið göngin til eignar. 

»Skoðanir og viðfangsefni samfélagsins eru alltaf að breytast og sú sprenging sem orðið hefur í fjölda ferðamanna sem til Íslands koma kallar á alveg nýja nálgun í ákveðnum málum,« segir Jón Gunnarsson. »Það er sammerkt með Íslendingum og öllum samanburðarþjóðum okkar að æ meiri fjármuni þarf í skólakerfið og velferðina og þeir málaflokkar verða áfram frekir til fjárins. Því er það bókstaflega skylduverk að kanna hvort vegtollar séu valkostur þegar þarf að leggja þarf vegi, byggja brýr, grafa göng og fleira slíkt sem allt kostar sitt.«"

Það er nauðsynlegt að hlusta á Jón Gunnarsson um úrbætur og gjaldtöku í vegamálum. Við höfum einfaldlega ekki afl til að borga vegamálin af hefðbundnum fjárlögum.

Það er staðreynd að við verðum að fá nýja hugsun í vegamálin.

 

 

Er tímabært að afnema Landsdóm?

núna?  

Er ekki rétt að draga Steingrím J. Sigfússon fyrir Landsdóm fyrst fyrir ráðstafanir hans í fjármálum þjóðarinnar sem margir álíta að hafa valdið heimilum landsins ómældum skaða? 

Svo getum við ákveðið að fara að ráðum Forsetans og breyta Stjórnarskránni með því að afnema Landsdóm.

Trump trompar

út og stendur sig í takmörkun innflæðis allskyns fólks sem er að snapa sér betri lífskjör á kostnað þeirra sem fyrir eru. 

Það er munur en linkan sem ríkir á Íslandi þar sem hælisleitendum er hlaðið upp hundruðum saman og teppa allt laust húsnæði meðan innfæddir  Íslendingar liggja úti í tjöldum, bílum eða hreysum.

Íslenskir þingmenn telja sig hafa ráð á að kalla Trump Bandaríkjaforseta fasista fyrir að standa við yfirlýsta stefnu sína frá því í kosningabaráttu sinni.

 

Þvílíkir skörungar sem trompa út á okkar Alþingi.

Borgar Bláa Lónið ?

fyrir vatnið sem það fær frá Orkuveitu Suðurnesja?

Eiga þeir ekki að borga auðlindagjald sem nýta þjóðareignir almennt?

Eiga virkjunaraðilar ekki að borga fyrir afnot af auðlindum landsmanna?

Eiga útgerðarmenn ekki borga þjóðinni auðlindagjald fyrir fiskinn?

Á ekki Hótel Geysir að borga fyrir aðstöðuna við Geysir?

Hótel Gullfoss fyrir Gullfoss?

Á eigandi vindmyllu að borga þjóðinni fyrir vindinn?

Hverjir eiga yfirleitt auðlindirnar?

Getur Landsbankinn átt veð í óveiddum fisknum?

Eiga notendur ekki að borga fyrir afnot sameiginlegra auðlinda?