Ukraina-Rússland

43 milljónir Úkraínumanna, meðalaldur 40 ár og Rússland 143 milljónir og 38 ára meðalaldur sem skilja hvorir aðra. Eru þeir ekki óskynsamir að mynda ekki sambandsríki og verða þar með stórveldi?

Hvað skyldi valda því að þeir geti ekki rætt saman um að stofna sambandsríkið Rússland-Ukraína sem voru saman í Sovétinu öll þessi ár?

Þroskalausir þingmenn

fara á fyllerí á opinberum stað. Algerir apar.

 

Opinberar persónur ættu að vita að þeir geta ekki delerað fullir á almannafæri. Þetta eru allt hálfvitar að þessu leyti og opinbera heimsku sína og vanþroska þarna svo eftirminnilega.Þeir eru hvergi óhultir með fyllerí sin nema prívat.

 

Og auðvitað verða kannski allir almennilegir karlmenn að fá að drekka sig fulla ef þá langar. En þá verða þeir að passa sig hvar þeir eru staddir.

En það er slæmt ef annars góðir kallar opinbera vanþroska sinn. Og mér finnst ekki við hæfi að menn tali svona siðlaust fullir eða ófullir eins og Trump í búningsklefanum fyrir löngu .

Keppast þeir um á Klaustrinu

í kláminu þingmennirnir að rífa kjaftinn um kollegana, einkum þá með .... 

Af hverju athuga þingmenn ekki að opinberir menn eru hvergi hultir fyrir skítseiðunum af Stundinni frekar en Sigmundur í Ráðherrabústaðnum. Aftur húkkar Stundin Sigmund og nú á fylleríi í Klaustrinu í klámkjaftahóp. Keyptu svo Píratarnir upptökuna?

Hver er eigandi Klaustursins,sem ber auðvitað alla ábyrgð á öryggi gesta sinna? Hann er sekur og enginn heiðvirður maður á að stíga þarna inn sínum fæti aftur. Af hverju er þessi maður ekki kallaður í yfirheyrslu á hinu siðavanda RÚV?

Ekki eiga þingmenn að kássast framar  inn á Klaustrið til að tæma kollurnar sínar.

Leiðari Morgunblaðsins

er tímabær viðvörun fyrir skipulagða aðför kommúnista að efnahag almennings og þjóðfélagsfriðinum. 

"Styrmir Gunnarsson skrifar: „Innan einstakra stjórnarflokka verður vart þeirrar skoðunar að ástæðulaust sé að hafa miklar áhyggjur af stöðunni á vinnumarkaðnum þrátt fyrir herskáar yfirlýsingar einstakra verkalýðsforingja og fyrir því eru færð tvenns konar rök. Önnur eru þau að fólk vilji ekki fara í verkföll og hin að bakland VR sé allt annað en annarra verkalýðsfélaga og muni rísa upp gegn forystunni gangi hún of langt. Þeir, sem þannig tala, eru í raun að segja að verkalýðshreyfingin sé eins konar pappírstígrisdýr.“

Sumt er rétt í þessum orðum en annað síður. Í ritstjórnarefni hér hefur verið bent á að tal um að verkalýðshreyfingin sé máttlaus standist ekki. Í því felst einnig að hreyfing hafi ekki haft atbeina að lífskjarabyltingu síðustu áratuga. Eiga þá stjórnmálamenn og forkólfar atvinnulífs allan heiðurinn? Ísland er bundið fastar á klafa verkalýðsfélaga en flest ríki og eru þá kommúnistaríki undanskilin. Þetta hefur gerst í „samsæri“ SA og verkalýðsfélaganna sem tryggja í bróðerni að nánast hver maður skuli bundinn slíkum félögum og greiða gjöld til þeirra.

Dómstólar láta þetta sjónarspil yfir sig og landsmenn ganga og þá um leið að félagafrelsi á Íslandi sé takmarkað, og tárvot stjórnarskráin verði að kyngja því. En þessu fylgir ofurvald stéttarfélaga sem geta knúið í gegn þær launahækkanir sem þau vilja. Eftir örfárra daga verkfallsofbeldi hljóta vinnuveitendur að skrifa undir hvað sem er enda fyrirtækin þá komin á ystu brún svo þrot blasir við.

Áratugum saman var gengið mjög langt í þessum efnum, þó sjaldan farið alla leið, því að einhverjir með glóru fengu loks einhverju ráðið. Þá var hætt og skrifað upp á kjarasamninga sem öllum viðstöddum var ljóst að voru illa samin revía sem gekk ekki upp. Þá var haldið á vit ríkisins og (með þegjandi samkomulagi við verkalýðsforingja, sem þó mótmæltu hressilega) var gengið fellt og ýmsar aðrar tilfærslur gerðar. Það var hrossalækning enda engin önnur til sem þýddi um áratugaskeið óþarfa verðbólgu sem skók þjóðfélagið og fór ójöfnum höndum um fólk. Viðsemjendur fordæmdu hana báðir en áttu þó höfundarréttinn.

Íslensk verkalýðshreyfing hefur talið sér rétt að ganga úr vinnu til að fylgja eftir kjarakröfum. Það er þungt högg. Hún telur sig iðulega jafnframt geta bannað þeim fáu sem eftir eru á vinnustaðnum að reyna að bjarga því sem bjarga má. Oftar en ekki er þetta ólögmætt framferði. Stundum voru lögbannsaðgerðir reyndar gegn ofbeldinu. En handhafar fógetaréttar hættu að taka slík mál fyrir því að lögreglan neitaði að fylgja ákvörðunum þeirra eftir, þar sem hún vildi ekki „blanda sér í vinnudeilur“.

Verkalýðshreyfingin er ekki „pappírstígrisdýr“. Hún er langstærsta dýrið í skóginum. Beiti það sínu ógnarafli þar sem varnarleysi einkennir umhverfið nær hún sér ekki aðeins í þá steik sem hún vill. Hún getur klára allt hænsnabúið á dagparti og kálfahjörðina í framhaldinu.

Bent hefur verið á að nýir talsmenn stéttarfélaga segi að kominn sé tími til að beita afli þeirra til fulls. Undir það ýta kjaftaskar sem eiga þann einstæða feril að hafa eyðilagt allt sem þeir komu nálægt.

Umræðan fer fram á grundvelli stjórnlausrar andúðar á staðreyndum. Mjög er hatast út í þá staðreynd að lægstu laun hafi hækkað meir hér en annars staðar.

Enn meiri heift beinist að þeirri staðreynd að launamunur sé minni hér á landi en í öðrum löndum og eru þá þau undanskilin þar sem allir lepja dauðann úr skel í alsælu jöfnuðar og eymdar. Atvinnuleysi er minna hér en annars staðar þar sem staðan þykir best og er sú staðreynd fyrirlitin.

Hér eru fleiri fermetrar á mann í íbúðarhúsnæði en víðast, og húsin betur byggð, öruggari og kostar mun minna að kynda þau, þótt rekstur Orkuveitu og stefna Landsvirkjunar haldi verði of háu og þessi fyrirtæki selji vottorð til útlanda um að Íslendingar noti kjarnorku til rafmagnsframleiðslu! Heilbrigðisþjónusta er með því besta sem þekkist þótt öðru sé haldið að almenningi.

Almenningur greiðir minna fyrir öfluga heilbrigðisþjónustu en krafist er í flestum ríkjum. Þetta má þó ekki nefna upphátt svo „RÚV“ heyri sem er sérlega uppsigað við staðreyndir. Flestir hafa óbeit á einelti og því er sérkennilegt hversu lengi þetta samfellda einelti við aðgengilegar staðreyndir heldur áfram. Nú styttist í raunheima kjarasamninga og það styttist mjög í 1. des. Vonandi mun vísan góða þó ekki eiga við að breyttu breytanda:

Situr einn með súldarfés

Seðlabanka Jóhannes,

Fellir gengið 1. des.

Fer þá allt til helvítes."

Að hugsa sér að til valda í öflugasta verkalýðsfélagi landsins Eflingu með ráðgjafa með annan eins feril að baki eins og fjögralaufa Smárann, sé kominn sanntrúaður kommúnisti að virðist,  Sólveig Anna Jónsdóttir sem vill bara verkföll og sem mestan ófrið, rústa almannafriðnum helst með skæruverkföllum fyrst og svo allsherjarverkfalli til að kollvarpa stjórn landsins.

Og svo úlfurinn í sauðargærunni Ragnar Þór Íngólfsson, sem tekur undir þetta allt. Og þau draga eldriborgarann Vilhjálm Birgisson með sér sem var þó stundum farinn að sýna einhver þroskamerki.

Allt þetta byltingarfólk er komið til valda með miklum minnihluta félagsmanna sem hafa ekki gert sér ljóst frekar en almenningur í Tékkóslóvakíu 1947-1949, hvað þetta gæti haft í för með sér að leiða svona öfgafólk til áhrifa. 

Samtök atvinnurekenda þurfa að fara hugleiða til hvaða ráða þau geta gripið gegn ófriðaráætlunum kommúnistanna áður en til óefnis kemur.

Alþingi þarf að gera sér ljósa ábyrgð sína ef það blasir við að litlir minnihlutahópar með öfgaskoðanir geta náð þeim völdum í þjoðfélaginu í gegn um svokallaða verkalýðshreyfingu á grundvelli gallaðra leikreglna, að ríkið sjálft og almannafriður sé í hættu.

Leiðari Mogga í dag á erindi við alla.

Hverjum er treystandi?

þegar kemur að pólitík? Hvað knýr menn áfram?

Lenín, Stalín, Hitler,Pol Pot? Hugsið það?

Neituðu bolsévikkar sér sjálfum um betri lífskjör  þegar þeir voru búnir að kála keisaraanum?

 

Sækja ekki allir í þægindin fyrir sig þegar þeir geta náð þeim? Eru Píratar eitthvað öðruvísi.Sjáið Birgittu, Friðrik Sóf með  Báknið Burt og hvað þeir heita, Vilhjálm Birgisson, Hönnu Birnu, Geir Haarde, Svavar Gestsson, Jón Baldvin,osfrv.Það er helst Davíð Oddsson sem virðist elska bardagann meira en lúxusinn og líkist því Alexander.   

Alexander mikli breiddi úr sér íkeisarahöllinni í Persíu og sagði við Hepastion ástmann sinn. Ja svona er að vera kóngur lagsi. En hann elskaði stríðið meira en einhvern lúxus og í hans augum var það herförin sjálf, núið það sem skipti máli í lífinu. Erfiðið og hættan eins og fram kemur í ræðunnni sem hann flutti við Hindu Kusk yfir hernum sínum sem var búinn að fá nóg og vildi fara heim.

Þannig eru flestir og Píratar sem aðrir, vilja bara puð í stuttan tíma. Grabba svo fyrir sig og og grafa beinið sitt eins og aðrir hundar og fara svo á öruggan atað  með það sem þeir hafa.

Menn eins og Alexander eru fágætir enda var hann aðeins um og fyrir þritugt þegar þetta var, Hann var samt meðvitaður um að lífið er stutt.Hann brast í grát þegar hann horfði yfir herinn sinn fyrir orrustuna við Issos. Af hverju Alexander? Eftir örfá ár  er allur þessi dýrðarher dauður svaraði hann.

Flestir sem eru yfir þríturgt eru farnir að hugsa meira um framtíðinma og þægindin.  Sá ungi lifir meira í núinu og bardaganum. Senatið hugsar öðruvísi en hermaðurinn. Þessvegna eiga menn helst afrekstíma sína fyrir þrítugt. Það kom lítið nýtt frá Einstein eftir þann aldur. Hetjudáðir eru þá drýgðar eða ekki. Auðvitað yfirleitt. 

 

Það er  þessvegna sem ég treysti Trump meira en einhverjum venjulegum blókum. Hann þarf ekki meiri peninga.Soros þarf ekki meiri peninga heldur en hann er öðruvísi maður en Trump.Ég treysti ekki Hillary eða Bill því þau eru á eftir peningum fyrir sig, hafa ekki nóg.Sama gildir um þingmenn Pírata. Bjarni á meira í handraðanum og því getur hann hugsað eitthvað út fyrir sinn eigin kassa. Kata getur það ekki.Sigmundur getur það.Pútín getur það.

Er þeim hungraða og blanka best treystandi til að vera gjaldkeri? 

Pí-lögmál Halldórs virkar!

Lögmál mitt segir:

"Raunkostnaður við framkvæmdir stjórnmálamanna verður pí sinnum hærri en áætlunin."

Nægir að nefna Gröndalshús, Braggann. Hörpuna, Vaðlaheiðargöng, Mathallir á Hlemmi og Granda til að sjá að lögmálið er yfirleitt miklu nær raunveruleikanum en áætlunin.

Verkalýðshetjurnar berja á pönnurnar

á forsíðu Mogga í dag.

Þeir ætla að stjórna kjarabaráttunni sem er framundan og velja einvígisstaðina og vopnin.

"Á annan tug milljarða eru í verkfallssjóðum verkalýðsfélaganna í ASÍ, sem þau geta gripið til komi til verkfallsátaka í vetur.

Drífa Snædal, forseti ASÍ, staðfestir að vinnudeilusjóðir félaganna standi almennt vel enda hafi safnast í þá á löngum tíma.

Um 3,6 milljarðar eru í vinnudeilusjóði VR og tæpir 2,7 milljarðar voru í verkfallssjóði Eflingar um áramót. Ragnar Þór Ingólfsson, formaður VR, segir verkfallssjóðina vera mjög sterka. „VR á um tólf milljarða í eignum og sjóðum. Af því eru 3,6 milljarðar í vinnudeilusjóði og hann fer stækkandi. Við getum hæglega fært til hærri upphæðir ef við viljum.

Við gerðum það síðast árið 2015 þegar litlu munaði að það yrðu átök á vinnumarkaði,“ segir hann.

,,Ef við förum hins vegar í einhvers konar verkfallsskærur með öðrum stéttarfélögum eða t.d. á ASÍ-grunni, þá munu fjármagnstekjur þessara sjóða duga til þess að halda því úti í mjög langan tíma. Þar erum við að tala um mun smærri hópa, sem gætu þá verið í einhvers konar átökum eða aðgerðum en væru á fullum launum.

En ef við förum í allsherjarverkfall þá dugar þetta náttúrlega skammt.“ Takist að loka þessu án átaka Hann tekur þó fram að fólk eigi ekki að óttast að allt muni loga í allsherjarátökum „þar sem við munum ekki fara í allsherjarverkföll,“ segir Ragnar Þór.

,,Það er ekki sú leið sem við viljum fara. Við teljum að það sé mun árangursríkara að vinna þá frekar með öðrum stéttarfélögum í að mynda einhvers konar pressu ef til þess kemur en ég náttúrlega vonast til þess að við náum að loka þessu,“ segir hann um kjaraviðræðurnar."

Sólveig Anna situr prúð á palli við hlið þessa snillings og bak við hana finnst manni að sjáist í skugga sf fjögurraralaufasmára.

Vinnuveitendur þurfa ekki að taka við skæruverkföllum. Þeir geta framkallað allsherjarverkfall með verksviptingu.

Alþingi getur kyrrsett verkfallsjóði.

Ragnar Þór er sagður ekki geta lagalega beitt Lífeyrissjóði Verslunarmanna til verkfallsaðgerða þó hann telji svo vera.

Allar þessar verkalýðshetjur eru kosnar til embætta af  því að kjörsókn var nær engin.

Hvað gerir Helga Vala 1.des?

þegar Danskir fjölmenna á fagnaðinn?

Sýr hún skutinum í þá?

Leysir hún kannski niðrum sig til áherzlu og "moonar" á  Margréti Þórhildi Danadrottningu sem mætir fyrir hönd allra Dana undanskilur ekki hana Píu Kærsgård?

Og hífir svo upp aftur þegar kemur að kampavíninu og kruðeríiunu með Steingrími J., Þorgerði og Loga? 

Og svo er spurningin um það hvernig hún greiðir atkvæði um 3. orkupakkann? Tilheyrir hún ekki Viðreisnar-Samfylkingar öxulveldunum og elskar allt sem frá ESB kemur til viðbótar við hælisleitendurna hjá Rauða Krossinum sem geta gefið vel af sér svona prívat og persónulega?

Og talandi um ESB, eru ekki að myndast möguleiki fyrir eftirspenntar sjálegar kapalstrengdar orkubrýr milli Samfylkingar og Sjálfstæðisflokks aftan til á veglegum skut Helgu Völu? 

Ekki missa sig í Marokkó

í byrjun desember. Þá á að prakka langhundi frá SÞ inn á okkur til að auðvelda efnahagsflóttamönnum för inn á sósíal vesturlanda.

 

GLOBAL COMPACT FOR SAFE, ORDERLY AND REGULAR MIGRATION INTERGOVERNMENTALLY NEGOTIATED AND AGREED OUTCOME 13 July 2018

We, the Heads of State and Government and High Representatives, meeting in Morocco on 10 and 11 December 2018, reaffirming the New York Declaration for Refugees and Migrants and determined to make an important contribution to enhanced cooperation on international migration in all its dimensions, have adopted this Global Compact for Safe, Orderly and Regular Migration:

DF ætlar ekki að samþykkja fjárlögin í Danmörku nema stjórnin hætti við að skrifa undir þennan langhund í Marokkó  upp á 34 síður. Þeir halda því fram að þetta muni aðeins stórauka vandann sem sækir að vegna efnahagsflóttamanna sem streyma til þróaðra ríkja.Það væri æskilegt að ríkisstjórn okkar færði rök fyrir þeim kostum sem hún sér við þetta plagg áður en hún skrifar undir.

Við Íslendingar ættum þegar að vera búnir að fá smjörþefinn af því að taka við ómenntuðu fólki frá þriðja heiminum. Þetta fólk lærir ekki málið okkar, vinnur helst ekki því það skilur ekki út á hvað vinna gengur og er þjóðinni einungis til byrði. Sækir svo ættingja sína hingað til lands sem eru af sama sauðahúsi og auka enn á vandann.

Við eigum að fara mun sparlegar en við gerum með íslenskt ríkisfang og vanda val okkar á þeim sem við ætlum að taka við ef ekki verður hjá því komist. Við eigum ekki að láta rétta okkur kvótaflóttamenn nema þá að velja þá sérstaklega fyrirfram. 

Það þarf að afstýra því að ríkisstjórn okkar missi sig í Marokkó og  skrifi undir þetta plagg sem verður okkur aðeins til vandræða.

 

Silfur Egils

var athyglisvert að þessu sinni.

Það fyrsta var að Egill puntaði sig upp og leit nú út eins og maður með slifsi í stað þess að vera eins og útburður til fara. Meira að segja blái liturinn á jakkanum og slifsinu gæti bent til þess að hann hefði sveigst örlítið til hægri í skoðunum sem mér eiginlega fannst á honum þegar hann talaði við Jón Baldvin.

Það viðtal var mjög að mínu skapi og skoðanir Jóns fara um margt að mínum hvað varðar íslensku krónuna og Evrópusambandið.

Svo skilur á milli okkar þegar Jón talar um Evrópuhugsjónina sem eitthvað sérlega góða.  Hann gleymir því að Evrópuhugsjónin,( byrjaði hún ekki sem eitthvað Kola-og Stálbandalag með kallinum Schumann og svo Rómarklúbbur ? Ég man þetta ekki svo vel),  var fyrst og fremst sett á til að reyna að tryggja friðinn milli Frakka og Þjóðverja sem voru stórveldin sem skiptu máli og voru reglulega að berjast. 

Útvíkkun þess í 27 þjóðir með sameiginlega mynt var náttúrlega tómt bull og Jón sýndi fram á að það verður að vera gengisaðlögunarmöguleiki fyrir allar þjóðir til þess að geta mætt erfiðleikum. Bretar héldu sínu pundi alla tíð og það bjargaði þeim í mörgum tilvikum. 

Evrubjálfarnir okkar íslensku sem skrifa reglulega í Mogga skilja þetta atriði ekki og fimbulfamba um nauðsyn þess að Íslendingar taki upp Evru og gangi í ESB á sama tíma og Bretar eru að fara út.

Ætla Bretar að ganga í EES? Jón Baldvin ráðlagði þeim að ganga í Bandaríkin í heilu lagi ef þeir þá ekki klofni í 4 parta sem nú hanga saman aðallega á konungdæminu einu.

Jón gat náttúrlega ekki nema farið með trúarjátninguna hvað varðar heilagleika EES samningsins sem hann sagði að væri í stöðugri endurskoðun rétt eins og það væri gagnkvæmt. Er ekki endurskoðunin meira þannig að okkur eru réttir nýir pakkar til að samþykkja en við fáum  ekkert að leggja til málanna? Hvernig er með 3. orkupakkann til dæmis? Finnst Jóni að hann sé í einhverri endurskoðun hjá okkur? Og Jón fór rækilega yfir hversvegna hann er svona til umræðu hjá okkur. Gróðaöflin sjá sér leik á borði að græða á sæstreng og einkavæðingu orkumarkaðarins á Íslandi. Þúsund milljarðar eru bara pínöts fyrir þá kalla.

Þá segja okkar Evrópubullarar að það sé á okkur hallað  af því að við höfum ekki sæti við borðið. Sjá menn áhrifin af því að sitja þar með  Þýskalandi? Sem Jón segir réttilega að öllu ráði í ESB og hafi notað völd fjármagnsins til að pína alla alþýðu manna í Evrópu, eyðileggja Grikkland sem dæmi og skilji það eftir í rúst, gjaldþrota, atvinnulaust og eignalaust. Grímulaus kúgun allrar alþýðu í Evrópu fyrir hagsmuni elítunnar miðevrópsku. 

Á meðan sé stærsta hagkerfi heims hið alþjóðlega skattsvikakerfi þýsks fjármagns sem Juncker passi uppá í Luxemburg. EES sé grundvöllur allra framfara á Íslandi segir Jón svo og tryggi okkur aðgang að innri markaði Evrópu. Er ekki kallinn kominn í mótsögn við sjálfan sig? Fyrst segir hann að við höfum rétt fyrst við af þeim sem verst fóru út úr hruninu. Og síðan skulum við áfram hlýða EES í einu og öllu en ekki taka upp Evru eða ganga í ESB?

Þessi sífelldi EES lofsöngur er auðvitað endemis bull. Evrópusambandið er bara tollabandalag gegn heiminum sem er miklu stærri en Evrópa sem við höfum ekkert að gera með að öðru leyti þar sem við erum ekki nein sérstök Evrópuþjóð heldur 100 ára fullvalda þjóð sem getur verslað við hvern sem er og vill kaupa af okkur.

Svo þessi lofsöngur um þennan EES samning er bara klisja sem þarf að fara að ræða í alvöru. Hverjir eru kostirnir og hverjir eru gallarnir? Má engu breyta? Má ekki einu sinni ræða þetta án þess að þingmenn rjúki upp með hallelúja söng og húrrahróp? 

Bretar eru að fara úr þessum dýrðarmarkaði vegna þess að þeir vilja ekki þessa frjálsu för vinnuafls og fjármagns, eyðingu fiskimiða sinna af ósvífnum ryksugum Spánverja og þeirra frænda og hömlulauss innflutnings allskyns flóttafólks og hælisleitenda.

Sama er uppi á skilningsteningi EES hjá venjulegum íslenskum íslenskum stjórnmálamönnunum. Sem sýnishorn voru þær þingkonur flestar sem voru hjá Agli í fyrrihluta þáttarins.

Þar þuldi Þorgerður Katrín rulluna sína um frelsi í fiskveiðum, markaðslausnir í sjávarútvegi  og nauðsyn meiri skattlagningar á sjávarútveginn við undirspil Ólínu Kérúlf. Lilja Rafney kom mér á óvart með skeleggum málflutningi sínum þar sem hún rassskellti þær báðar þannig að þær voru rökþrota og muldrandi  eftir.

Hildur Sverrisdóttir stóð sig vel með prúðmannlegum málflutningi sínum og rökföstum. Var hún bara ekki sú eina sem ekki lofsöng EES samninginn án þess að þær þrjár færðu nein rök fyrir lofsöng sínum um að sá samningur sé að færa okkur Íslendingum nokkuð nema vandamál þegar allt er skoðað núna.

Þetta er  orðið eins og trúarjátning kirkjunnar, órökstudd þula sem enginn hefur neitt handfast um nema utanaðbókartexta sem enginn veit lengur hver samdi eða hver sé sífellt að bæta í refsiákvæðum sem Alþingi samþykkir án skilnings.

Silfur Egils var bara gott í dag.