Matarbombur

mætti hugsa sér handa börnunum í Jemen sem RÚV eru svo hugleikin.

Af hverju sendum við ekki Útvarpsstjórann og Forsetann með honum með þessar myndir til Saudí Arabíu sem ber ábyrgð á þessu öllu og bendum þeim á að það megi líka bomba börnin með matvælum eins og púðri og blýi.

Getum við áhorfendur RÚV  gert í svona málum annað en að signa okkur kvöld eftir kvöld?

Sáda Kóngur gæti kannski gert eitthvað með Matarbombum.

Útvarpskommarnir

eru byrjaðir að skapa heimspólitíkina eftir að Trump tilkynnir upptöku efnahagsrefsiaðgerða gegn Íran.

Hjá RÚV er byrjað að fimbulfamba um, að hann ætli í stríð?

Hversvegna eru útvarpskommarnir með svona fréttaskýringar sem þrumur úr heiðskíru lofti?

Lagið en ekki loddarinn

er það sem skiptir máli í sönglagakeppni Júróvisjón.

Ég heyrði í tónskáldum í útvarpi. Einn þeirra sagði að þetta væri sönglagakeppni og vildi ráða menn í að semja sönglög.

Ég man þegar Fúsi Halldórs samdi Litlu Fluguna. Menn sungu og flautuðu lagið í Strætó daginn eftir af því að þetta var náttúrlegt lag.Eins var Nú birtist mér í draumi eftir Fúsa og fleiri lög hans. Menn lærðu þau á stundinni.

Okkar framlög í Júróvisjón hafa bara verið mismunandi útgáfur af gargi sem enginn getur lært.Nema helst Syngjum öll um Sókrates eftir Stormskerið og jafnvel Gleðibankinn líka.

Á ekki fyrst að búa til lagið og svo finna Ara, Salóme og dillibossana til að flytja?

Ekki öfugan hring því það er lagið en ekki loddararnir sem er verið að spyrja um.

 

Dagur var á valtaranum

í Gamla Bíó í morgun.

Ég var þar ekki sjálfur en talaði við áheyranda sem ég tek mark á. Í stuttu máli sagt valtaði Dagur yfir alla aðra fundarmenn, greip fram í, tók orðið og hætti ekki hvað sem fundarstjóri sagði.Eiginlega enginn annar komst að, ekki frekar  Eyþór Arnalds en aðrir oddvitar framboða.

Dagur hefur lært vel af Ingibjörgu Sólrúnu sem gargaði viðmælendur sína niður og lét alla svona fundi snúast um sig eina.

Dagur er seigur hvernig hann nær yfirtökum allsstaðar með frekju og yfirgangi.En viðmælendur hans eru að reyna að vera kurteisir og virða mannasiði. Dagur tekur hinsvegar ekki mark á neinu svoleiðis hjali frekar en aðrar bullur.

Dagur B. Eggertsson er bara á valtaranum og ekkert stenst fyrir honum frekar en Ingibjörgu Sólrúnu á sinni tíð.

 

Trump er ákveðinn

við Iran.

101 stefnan í utanríkismálum Evrópusambandsins og Íslands er hinsvegar sú, að skemmirðu ekki skálkinn þá  skaði hann þig kannski ekki núna.

Það er dálítið annað að semja við lýðræðisríki eða grimmar einræðisstjórnir. Klerkaveldi Ayjatolla Khomeinis sem ræður ríkjum í Persíu er ekki neitt virðingarvert lýðræðisfyrirkomulag.  En til eru þeir sem halda því fram að þetta séu orðnir miklu betri menn en hann Khomeini var. Þeir séu orðnir skárri og  KimJongUn sé í rauninni besti strákur. Sádarnir og Yemen stríðið geti beðið.

Nú þegar dollaraflæðið frá olíuútflutningi Iran mun truflast þá verða margvíslegar afleiðingar af því. Olían mun varla lækka á heimsmarkaði og bæði Airbus og Boeing missa af miklum viðskiptum. KimJongUn getur leitað eftir auknum viðskiptum við klerkana sem vantar hitt og þetta sem hann kann. Spurning er hvaða leið hann velur þegar Trump hvessir á hann sjónirnar.Hefur hann ráð á öðru en að halda aftur af sér?

Og hvað velja klerkarnir núna? Vilja þeir semja við Trump eða hvað geta þeir gert? Og hverjir vilja núna selja þeim skilvindur og halda það að Trump fylgist ekki með þeim? Bæði Merkel og Macron verða líklega að passa á sér puttana þó útflutninghungrið sverfi að.

Hver annar en Trump getur verið nægilega ákveðinn við einræðisríkin?

 

Flottur kosningafundur með Degi B.

var í sjónvarpinu í gær.

Þar raðaði Dagur bæjarstjórum úr  nágrannasveitarfélögunum með sér við borð og tilkynnti að nú ætlaði hann að fara að framleiða snjó í Bláfjöllum. Og auðvitað borga meiripartinn af kostnaðinum í ljósi góðrar stöðu Borgarsjóðs. Vonandi hefur hann gefið gestunum kaffi og með því.

Ætli verði ekki annar svona fundur hjá Degi bráðum  þar sem hann fer yfir nýjustu afbrigði af Borgarlínunni með hinum borgarstjórunum af Seltjarnarnesi, Kópavogi, Garðabæ og Mosó.

Jahá, Dagur virðist skilja að kosningar nálgast og þá er um að gera að skella á sýningum.Ekki bara glærusjóum heldur LIVE! 

Enda er Samfó með yfirburða fylgi í Reykjavík segir Fréttó í morgun, nærri með þriðjung atkvæða meðan Íhaldið er hinsvegar "Tot gewesen sein" eins og einn kunningi minn í pólitík myndi orða það.

Bravó Dagur, þú kannt að halda kosningafundi!

Viðvörun

frá Páli Vilhjálmssyni konungi bloggaranna.

Hann skrifar svo í dag:

"Sigmundur Davíð, þá forsætisráðherra, bjó í haginn fyrir góðæri síðustu þriggja ára. Í fyrsta lagi með leiðréttingunni og í öðru lagi með samningum um uppgjör þrotabúa gömlu bankanna.

Einhverjir hafa notað góðærið til að lækka skuldir og eiga borð fyrir báru þegar slakar á þenslunni. Aðrir haga sér eins og fífl í fjármálum og trúa á betri hag til eilífðarnóns. Þannig er sumt fólk. En hagkerfið er eins og annað í heimi hér, það skiptast á skin og skúrir.

Krónan hefur gefið eftir síðustu daga á gjaldeyrismarkaði. Þeir sem gerðu ráð fyrir sumarfríi í útlöndum þar sem dollarinn væri á 95-kall og evran á 115 kr. verða að endurskoða eyðsluáætlunina. Gjaldeyrisflæðið inn í landið ætti að vera með mesta móti núna, þegar erlendir ferðamenn staðfesta bókanir. En krónan lækkar sem sagt, dollarinn kominn í 102 kr. og evran 121. Í lok sumars, þegar innstreymið minnkar, lækkar krónan meira.

Næstu vikur og mánuðir verða aðlögunartími í hagkerfinu. Hugsum með hlýju til Sigmundar Davíðs og reynum að láta aðlögunina ekki verða að brotlendingu. "

Að vísu voru þarna tveir menn að verki. Páll má hafa sína skoðun á því hvor hafi verið hinum meiri. En stjórn þessara tveggja flokka var sú skásta sem við höfum lengi fengið og þykir mörgum að hún Snorrabúð hafi verið hálfgerður stekkur síðan.

En þegar eyðslan er svona brjáluð í þjóðfélaginu þá gefur eitthvað eftir. Það er komið að þolmörkum þegar ferðamönnum er boðið upp á plokkfisk á 40 dollara.

Enn á að halda áfram að láta farþega risaskipanna troða niður landið og þjóðvegina og skilja ekkert eftir í þjórfé né öðrum peningum utan fáeinar krónur fyrir eina máltíð og niðurpínda gjaldtöku fyrir rútur og hámenntaða leiðsögumenn á verkamannataxta.

Og leyfa skipunum svo að blása út meira afgasi en allir bílarnir gera meðan þau liggja í höfnunum, er ekki hægt að flokka undir neitt nema aumingjaskap okkar sem fellum bara gengið til að þóknast seljendum þessara Billig-Touren. 

Ef nú hefjast svo skæruverkföll á eftir því að ríkið gefst upp fyrir ljósmæðrunum, þá flytur dollarinn sig fljótt yfir í átt til Paradísar. 

Páll gefur út viðvörun sem vert er að virða.

Á morgun

verða Íslendingar slegnir út úr Júróvisjón ef að líkindum lætur og okkar lið sent heimt. Austurevrópuliðið stendur saman og sópar okkur útaf. Og við verðum öldungis hissa að vanda.

Ég er búinn að sjá helling af myndum af stráknum Ara. Allt í lagi með hann.  En ég er ekki búinn að heyra lagið ennþá. Af einhverjum ástæðum er það aukaatriði.

Þetta verður brandari ársins að venju. En dásamleg er bjartsýnin okkar sem ræður ríkjum alveg fram að einkunnagjöfinni.

Allt þetta verður á morgun.

 

Fylgjum við norrænni stefnu í hælisleitendamálum?

eða ætlum við að vera með eigin stefnu samkvæmt sérstæðum Útlendingalögum okkar?

Svo segir í Mogga:

"...„Já þýðir já og nei þýðir nei“

Meðal ann­ars vilja sænsk­ir jafnaðar­menn að tíma­bundn­ar strang­ari regl­ur um mál­efni hæl­is­leit­enda sem sett­ar voru árið 2016 verði fest­ar var­an­lega í sessi þar til Evr­ópu­sam­bandið hafi samþykkt nýj­ar regl­ur í þeim efn­um. Enn­frem­ur til að mynda að eft­ir­lit með skil­ríkj­um þeirra sem koma til Svíþjóðar verði hert og sett­ar verði skorður við frelsi þeirra sem fengið hafa hæli til þess að velja hvar í land­inu þeir setj­ist að. 

Stefn­an ger­ir sömu­leiðis meðal ann­ars ráð fyr­ir því að þeir sem neitað hafi verið um hæli í Svíþjóð þurfi að bíða í tvö­falt lengri tíma en nú er áður en þeir geti sótt um hæli á nýj­an leik og að þeim hæl­is­leit­end­um sem neita að yf­ir­gefa landið af fús­um og frjáls­um vilja eft­ir að um­sókn þeirra hef­ur verið hafnað verði bannað að koma þangað aft­ur. 

Haft er eft­ir Stef­an Löf­ven, for­sæt­is­ráðherra Svíþjóðar og leiðtoga Jafnaðarmanna­flokks­ins, í sænsk­um fjöl­miðlum að aðal­atriðið væri það að hæl­is­leit­end­ur yf­ir­gæfu landið ef um­sókn þeirra væri hafnað. „Grund­vall­ar­atriðið verður að vera að já þýðir já og nei þýðir nei. Ef þú átt eng­an rétt á að vera í Svíþjóð þá get­urðu ekki notið sænskr­ar vel­ferðar. 

Fram kem­ur í frétt Bloom­berg að sænsk­ir jafnaðar­menn færu með þessu í fót­spor jafnaðarmanna í Dan­mörku sem kynnt hafi herta inn­flytj­enda­stefnu og væru með það til skoðunar að starfa með Danska þjóðarflokkn­um, sem lengi hef­ur talað fyr­ir harðri inn­flytj­enda­stefnu, að lokn­um þing­kosn­ing­um þar í landi á næsta ári."

Ætla Íslendingar að spila sóló í þessum málum eða fara að norrænni fyrirmynd? 

 

Hvert er hugsjónin um Frjálst Ísland farin?

þegar Alþingi er löngu hætt að beita rökhyggju á tilskipanir ESB sem embættaliðið í Brüssel er stöðugt að senda okkur? Af hverju er ekki hægt að endurskoða EES samninginn í heild nú þegar aðrir tímar með brotthvarfi Breta úr Sambandinu, eru runnir upp?

Sem dæmi um algeran óþarfa er stofnun risavaxinnar  Persónuverndar stofnunar. Ósnertanleg með afskiptaheimildir að smekk stofnunarinnar sjálfrar og óáfrýjanlegar fyrir almenning.

Enn eitt dæmi um algera bilun Alþingis við að gæta hagsmuna Íslendinga gagnvart yfirþjóðlegu valdi ESB.

Svo segir á heimasíðu www.frjalstland.is:

"Þann 25. maí 2018 á reglugerðin um „vernd einstaklinga“ í tengslum við vinnslu persónuupplýsinga og um frjálsa miðlun þeirra taka gildi í ESB (General Data Protection Regulation,”GDPR”) og átti líka að taka gildi í EES-löndum. Hér heima hefur upplýsingagjöfin um þessi fyrirhuguðu lög verið á skjön eins og svo margt í EES samningnum. Á vefsíðu Stjórnarráðsins er gefið í skyn að lögin, sem enn hafa ekki verið samþykkt í sameiginlegu EES-nefndinni, séu beint framhald fyrri laga um sama efni og þar með jafnvel óþarfi að taka þau upp í nefndinni. En ráðuneytið lætur hafa eftir sér að,þó málið hafi ekki enn verið afgreitt hjá nefndinni, hafi vinna við frumvarpið verið á fullu um skeið. Þetta vinnulag Stjórnarráðsins er dálítið sérstakt svo ekki sé meira sagt. Þrátt fyrir tregður hjá nefndum og ráðum, andstöðu við frumvarpið, vafa um stjórnarskrárbrot og takmarkaða umræðu virðist eiga að keyra það í gegn. Ákvæði ítilskipuninni samrýmast auk þess illa EES-samningnum og s.k. „tveggja stoða“ kerfi. En svo vill til að tilskipunin er nú komin í skriffinnskuflækju hjá EES og Brussel og tefst því „innleiðing“ hennar hjá EES-löndunum Noregi, Íslandi og Liechtenstein.

Dómsmálaráðuneytið upplýsti Samtök atvinnulífsins um málið: „ … m.a. um samhengið milli persónuverndarsjónarmiða og rétt almennings til aðgangs að upplýsingum og gögnum. …málið væri núna til athugunar hjá sérfræðingahóp EFTA og hefði enn ekki verið tekið upp í EES samninginn. Vinna við undirbúning í ráðuneytinu hafi engu að síður verið á fullu síðan í vor og vinna við frumvarpsgerð hafin. Lagði … áherslu á að innleiðingin væri samstarfsverkefni og stjórnvöld þyrftu á atvinnulífinu að halda til að tryggja raunhæfa útfærslu.“

Dómsmálaráðuneytið segir á heimsíðu sinni:

Ný persónuverndarlöggjöf 2018. Framundan eru miklar breytingar á persónuverndarlöggjöfinni. Áætlað er að vorið 2018 komi til framkvæmda ný persónuverndarlöggjöf hér á landi þegar ný reglugerð Evrópusambandsins (ESB) um persónuvernd leysir af hólmi núgildandi Evrópulöggjöf. Öll fyrirtæki, stofnanir og aðrir sem vinna með persónuupplýsingar einstaklinga, hvort heldur um viðskiptavini, notendur hugbúnaðar, nemendur, eigið starfsfólk eða aðra, verða að fylgja hinni nýju löggjöf. Hið nýja regluverk markar tímamót í sögu persónuverndarlöggjafar í Evrópu(les ESB). Um er að ræða umfangsmestu endurbætur sem gerðar hafa verið á löggjöfinni í tvo áratugi. (Athugið! Í gögnum frá ESB þýðir „Evrópa“ það sama og Evrópusambandið)

Í frumvarpi til laga um persónuvernd 2018 stendur:

„…Sérstök stofnun, Persónuvernd, annast eftirlit með framkvæmd reglugerðarinnar, laga þessara og reglna sem settar verða samkvæmt þeim, sbr. nánar ákvæði VII. kafla laganna… …Persónuvernd er sjálfstæð stofnun með sérstaka stjórn. Hún tekur ekki við fyrirmælum frá stjórnvöldum eða öðrum aðilum. Ákvörðunum Persónuverndar samkvæmt lögum þessum verður ekki skotið til annarra stjórnvalda, en aðilum máls er heimilt að að leggja ágreining sinn fyrir dómstóla…

…Evrópsk eftirlitsstofnun samkvæmt VII. Kafla reglugerðarinnar er Evrópska persónuverndarráðið… …stofnun á vegum ESB og skal hafa réttarstöðu lögaðila…“

Í lögfræðiumsögn á Samráðsgátt stendur:

„…Ljóst er að upptaka og innleiðing almennu persónuverndarreglugerðarinnar felur í sér stjórnskipuleg álitaefni, sérstaklega í ljósi þess að í málinu hefur verið horfið frá tveggja stoða lausn. Hins vegar fylgir ekki í greinargerð með drögunum til umsagnar úttekt á stjórnskipulegum álitaefnum sem þó er vísað til á samráðsgátt. Er því erfitt að leggja mat á það að svo stöddu hvort og hvernig stjórnskipuleg álitaefni koma til skoðunar í þessu máli. Almennt má þó slá því föstu að framsal valdheimilda til evrópskrar stofnunar á borð við Evrópska Persónuverndarráðið (e. European Data Protection Board) vekur upp spurningar um hvort slíkt framsal rúmist innan heimilda stjórnarskrá til framsals valds eins og það hefur verið túlkað sl. 25 ár. Væri því til bóta að birt yrði greining stjórnvalda á stjórnskipulegum álitaefnum…“. (úr umsögn fráADVEL-lögmenn á Samráðsgátt)

Stjórnarskrárbrot í uppsiglingu?

Með lögunum verður íslensk stjórnsýslustofnun, Persónuvernd, sett undir erlent stjórnvald ESB-stofnunar sem heitir „Evrópska persónuverndarráðið“. Íslensk stjórnvöld afsala sér þar með stjórn íslenskrar stjórnvaldsstofnunar sem er hluti af lýðræðislega uppbyggðu framkvæmdavaldi landsins. Ekki er enn ljóst hvort ESB-dómstólnum („Evrópudómstólnum“), sem hefur ekki lögsögu hérlendis, verður fengið dómsvald yfir málaflokknum. Skýr svör við „stjórnskipulegum álitaefnum“, þ.e. hvort stofnanir ESB fái löggjafar-, framkvæmda- og dómsvald hérlendis, hafa ekki komið fram frá yfirvöldum hér og óvissa er einnig í Noregi (Nei til EU). Það lítur út fyrir að öll kurl séu ekki komin til garfar og stjórnvöld hér og í Noregi skilji ekki, eða vilji ekki skilja, inntak tilskipunarinnar. Eins og kunnugt er má skilja stjórnarskrá Íslands þannig að löggjafarvald, framkvæmdavald og dómsvald eigi að vera í höndum íslenskra stofnana.

Lögin eins og þau liggja fyrir í lagafrumvarpi nú verða brot á stjórnarskrá Íslands. Af umfjöllun í Noregi er svipað hægt að segja þar. Stjórnvaldsstofnun ESB (EDPB) fær stjórnvald yfir þjóðríkisstofnunum og lýðræðislega kjörin stjórnvöld Íslands og Noregs afsala sér öllum völdum yfir þeim og verða þær því eingöngu undir valdi ESB. Lögin verða andstæð íslenskum hefðum um takmörkuð og lýðræðisleg stjórnvaldsafskipti."

Á síðunni eru mörg mál rakin sem sýna glöggt hvílíkur dragbítur EES samningurinn er orðinn fyrir frjálst Ísland. Hvenær skyldi Alþingi verða fært um að taka á þessum málum af sjálfstæði í stað þess að telja sig síbundið af ráðstöfunum Jóns Baldvins Hannibalssonar fyrir margt löngu. Jón er löngu hættur og Bretar gengnir úr ESB og EES samningurinn gagnvart þeimn því úreltur.

Af hverju erum að halda áfram við að samþykkja allt sem Evrópusambandið rekur í andlit Fjallkonunnar?

Hvert er hugsjónin um ævarandi Frjálst Ísland farin hjá Sjálfstæðisflokknum?