Af hverju ekki Sjálfstæði Íslands?

og fullveldi?

Af hverju erum við að elta kratísk mýrarljós út í hafsaugu fremur en að vera sjálfstæð þjóð með sérstöðu og yfirburði landgæða og taka það eitt í lög sem er Íslendingum hagstætt? Á landi þar sem loftmengun getur sjaldnast stöðvast nema örsjaldan í logni gengur allt af göflunum út af augnablikslangri svifryksmengun.! Og annað eftir því.

Allt að 35% hækkun bílverðs 

er fyrirsögn Morgunblaðsins.Svo segir:

 

"Bílgreinasambandið hefur þrýst á íslensk stjórnvöld frá því í vetur að gera ráðstafanir til þess að draga úr fyrirsjáanlegri hækkun á verði bifreiða vegna nýs mengunarmælikvarða Evrópusambandsins.

Þetta segir Jón Trausti Ólafsson, formaður sambandsins. Hann fagnar nýjum og réttlátari mengunarmælikvarða en gagnrýnir stjórnvöld fyrir seinagang í aðgerðum til þess að mæta hækkunum sem nýjum mælikvarða fylgir. Jón Trausti telur að of seint sé að bregðast við væntanlegri 10 til 15% hækkun á innfluttum bílum 1. september en stjórnvöld geti gripið til aðgerða til þess að koma í veg fyrir aðra slíka hækkun í byrjun janúar og jafnvel gert ráðstafanir til þess að leiðrétta væntanlega hækkun í september. Evrópusambandið hefur hvatt aðildarríkin til þess að gera ráðstafanir til að sporna við hækkunum. Danir munu lækka tolla og Svíar fresta gildistöku til 2020"

Annar þáttur Sjálfstæðisstefnunnar er að standa ævarandi vörð um sjálfstæði Íslands.

Er ekki nóg að Þorgerður Katrín og þessi svokallaði flokkur Viðreisn hafi sagt sig frá Sjálfstæðisstefnunni?

Þarf allur Sjálfstæðisflokkurinn nauðsynlega að fylgja á eftir?

Af hverju bara við?

Íslendingar sem eigum að borga í topp þegar rætt er um heimslosun af CO2?

Heimslosunin af CO2  er sögð vera 40 GT/ári. Af  henni eru Íslendingar sagðir losa 4000 kílótonn/ári (með eða án millilandaflugsins?) eða 0.004 Gigatonn á ári. Við leggjum sem sagt 0.004 Gigatonn/ár til heimslosunarinnar af áætlaðri losun af mannavöldum uppá 40 Gigatonn eða 0.1 prómille !

Hverjir voru að losa CO2 á síðustu 6000 milljón árum þegar styrkur CO2 í andrúmsloftinu var þúsund sinnum meiri en hann er í dag?

Er það skiljanlegt að við Íslendingar ætlum að eyða 7 milljörðum á næstu árum til að uppfylla Parísarsamkomulagið um að loftslag skuli ekki hitna meira en 2 gráður á öldinni þegar bara Kínverjar, sem eru  minnst tíuþúsundsinnum fleiri en Íslendingar,  munu líklega ekki gera neitt marktækt í orkumálum?

Í hlutfalli við ríkisstjórn Katrínar Jakobsdóttur ættu Kínverjar að eyða 70.000 milljörðum til loftslagsmála og aðrir í hlutfalli við það.

Bara við eigum að moka ofan í skurði, eyðileggja tún  bænda og kaupa losunarheimildir af ESB?

Af hverju látum bara við algerlega undan ýtrustu kröfum fjörtíuþúsund fífla í París  um losun á CO2 vegna ósannaðra tilgáta um hnattræna hlýnun?

"Umræðan"

er hugtak sem vinstra liðið sem dómínerar hana á Íslandi í dag notar til að blaðra á öllum opinberum vettvangi um það sem því hentar eða reyna að sveigja mál til réttarar niðurstöðu fyrir sig.

 

Dæmi:

Vandamál=Hvernig markaðshagkerfið kemst ekki að réttlátri niðursöðu fyrir hugsjónir vinstimanna,

Kynjamisrétti=Nauðsyn þess að velja ætíð konur í stað karla.

Fátækt=Of lág skattheimta á þá efnameiri.

Almenningssamgöngur=Gera þeim  sem vilja eiga bíl lífið bölvaðra með umferðarteppum og sköttum.

Borgarlíf=Bíllaus og Flugvallarlaus tilvera í gömlum húsum í Kvosinni þaðan sem stutt er að fara til að sækja bæturnar eða Borgaralaunin.

Menningarlíf=Kaffihúsasetur við Latté, sígarettur og rauðvín í Kvosinni.

Bóklestur=Liggja afturábak í sóffa og lesa bækur eftir  höfunda samkvæmt meðmælum Egils Helgasonar, sem skrifa sérstaklega fallega um fátækt, kynjakúgun, mansal og atvinnuleysi,

Líkamsrækt=Að hjóla í stað þess að keyra í bíl

Víðsýni= Leyfa hunda og hjólhesta í strætó og standa vörð um verkalýðsbaráttuna.

Trúfrelsi= Banna Gídeón að dreifa Nýja Testamentinu í skólum. Gefa lóð undir Mosku en láta Hjálpræðisherinn borga

Húsnæðisumbætur= Niðurgreitt húsnæði í stórum stíl af almannafé helst rekið af opinberum aðilum.

Skóli án aðgreiningar= Staður þar sem enginn getur lært vegna vandamála mállausra og minnihlutahópa, sbr. PISA- Kannanir. 

Persónuvernd=Standa vörð um að wkki sé hæðst ekki að vinstrimönnum.

Gegnsæi=Birta öll skjöl sem viðkoma hægri mönnum, sérstaklega um þjófstolin einkamál þeirra.

Einkamál= Það sem vinstrimenn vilja hafa í leyni fyrir sig, Stundina og Kjarnann.

Lýðræðishalli= Ef hallar á vinstri menn.

Auðvald og kúgun=Kvótakerfið og markaðslaun.

Drifkraftur samfélagsins= Hatur á náunganum.

Félagslegt réttlæt=Að náunginn borgi en ekki þú.

Verkalýðsbarátta=Skæruverkföll.

Til þess að fá fram rétta niðurstöðu þarf umræðu á réttum nótum.

 

Er ekkert lágmark

 sem hægt er að nota fyrir fólk í pólitík?

"Að auki hefði Elsa H. Yeom­an, borg­ar­full­trúi Bjartr­ar framtíðar, viðhaft per­sónu­leg­ar aðdrótt­an­ir í hans garð með því að spyrja hann end­ur­tekið hvort hann væri með Alzheimer-sjúk­dóm­inn, að því er fram kem­ur í Morg­un­blaðinu í dag."

Eða er kannski allt í lagi að setja sjimpansa eða páfagauka á framboðslita til að uppfylla stjórnmálaleg lágmörk?

 

Gee !

I wish we had one of them Doomsday Machines (ég vildi að við ættum eina af þessum dómsdagsvélum) sagði brjálaði Generállinn í Myndinni Dr. Strangelove.

"We have made it very clear that if Iran acquires a nuclear capability we will do everything we can to do the same," Saudi Arabia's Foreign Minister Adel al-Jubeir said in an interview with CNN."

Vér eplin með sögðu hrossataðskögglarnir.

Akkúrat það sem alla brjálæðinga vantar mest.

Dómsdagsvél.Gee!

Forstokkuð fjölmenning

birtist sem fyrr í Krataskrifunum hjá Loga Má og Kolbrúnu Bergþórsdóttur.

Sér í lagi er Kolbrún furðuleg í rökfærslum sínum að halda því fram að fjölmenning ríki á Suðurnesjum af því að þar býr svo margt fólk af framandi þjóðum?

Stenst þetta?

Ég held því fram að á Suðurnesjum búi Íslendingar og Suðurnesin séu hluti af Íslandi. Alveg eins og Florida er hluti af Bandaríkjunum þó að margir íbúar tali spænsku. Þetta eru bandarískir þegnar sem eru reiðubúnir að bera vopn fyrir  bandaríska fánann og Forseta sinn.

Fjölmenningarbull í Kolbrúnu þessari er merkingarlaust. Fjölmenning ríkir ekki á Íslandi þó hér séu staddir útlendingar.

Hvernig var þetta á stríðsárunum hér á Íslandi þegar mátti segja að hér byggju tvær þjóðir eða fleiri? Var það fjölmenning?

Kratar eru svo forstokkaðir í umsnúnum málflutningi og útúrsnúningum um fjölmenningu og Borgarlínu eins og þessi Helga Vala í Mogganum í dag  að það er eiginlega varla að maður nenni að pexa við þá.

Fyrir Sjálfstæðismenn

eingöngu er pistill Vilhjálms Bjarnasonar, sem formaður Sjálfstæðisflokksins persónulega svipti þingsæti sínu á aðalfundi Kjördæmisráðs.Þetta átti þá að vera svo rosalega sniðugt fyrir kynjajafnréttið að það varð að skipta á Villa og konu og eyðileggja heilagt prófkjörið sem hafði sett Villa Bjarna í sitt sæti.

Og hverju hefur þetta svo skilað spyr Vilhjálmur?

"Flestir dægurlagatextar eru algerlega merkingarlausir. Textarnir eru settir saman fyrir melódíuna, í hæsta lagi að textinn verði einhvers konar lýsing á ástum karls og konu. Textinn um Sumarliða, sem var fullur, er mjög umhugsunarverður, raunar vekur mun fleiri spurningar en hann svarar því hann svarar engu.

„Ég veit allt! Ég get allt!

Geri allt miklu betur en fúll á móti!

Ég kann allt! Ég skil allt!

Fíla allt miklu betur en fúll á móti!

Smíða (þjóðar)skútu, skerpi skauta,

bý til þrumu ost og grauta!

Haltu kjafti!!“

Óánægja veldur ógleði í huga fólks. Ánægjuefni geta verið margvísleg. Það sem er verst með óánægjuna er að ef óánægjuefnið hverfur verður ekki ánægja. Miklu heldur að ástandið verði „fúll á móti“. Auðvitað verður ánægja alltaf eftirsóknarverð og því er nauðsynlegt að vita hvað það er, sem veldur ánægju. Það getur verið að bið eftir lyftu valdi óánægju. Hin augljósa lausn er að bæta við annarri lyftu. Það er verkfræðilegt vandamál og lausnin dýr. Lausnin kann að vera sú að setja spegil við lyftudyr. Þá hverfur óánægjan því þá hittir sá sem bíður „fúlan á móti“. Þá skiptir einnig máli hvort sá er bíður tilheyrir neikvæðum eða jákvæð- um hópi. Það er tiltölulega einfalt að átta sig á hvort tiltekinn homo sapiens tilheyrir vinstri hlið eða hægri í upptalningu hér að neðan;

Nei           Já

Ekki          Jú

Kalt          Heitt

Hálftómt      Hálffullt

Þeir, sem mynda setningar í talmáli þar sem orð úr vinstri hlið koma fram, eru í raun óánægðir án þess að ná því nokkru sinn að verða ánægðir. Þeir verða aðeins „fúll á móti“ ef óánægjuefni hverfur. Þeir, sem svo er komið fyrir, eiga að vera í stjórnarandstöðu eins og vinstriflokkum fer best og skaða minnst.

Fylgi flokka

Sá er þetta ritar hefur um langt skeið velt fyrir sér hví stjórnmálaflokkur, sem hefur haft Whiskey-styrkleika í fylgi, stefnir hraðfari í Port-styrkleika í fylgi. Slíkt er að sjálfsögðu með öllu óviðunandi. Stjórnmálaflokkur, sem hefur haft forgöngu um að fella niður tolla og vörugjöld af heimilistækjum og fatnaði, hefur ekki náð vopnum sínum. Óánægjuflokkur, sem er vanur stjórnarandstöðu, barðist mjög gegn þessum breyttu aðstæðum til bættra lífskjara. Tollar og vörugjöld voru greinilegt óánægjuefni en við hvarf þeirra varð ekki ánægja. Í versta falli varð „fúll á móti“.

Fjöldafylgi

Til þess að stjórnmálaflokkur nái fjöldafylgi þarf ánægjuefni. Þannig dugar lítt að tala um jákvæðan greiðslujöfnuð eða afgang á fjárlögum. Svo virðist sem sameining gegn ímynduðum óvini sé líkleg til fjöldafylgis. Nærtækt dæmi er stjórnmálamaður sem kaupir kröfur á þrotabú, í von um fjárhagslegan ávinning. Sá hinn sami talar um kröfuhafa sem „hrægamma“, sem hann þó tilheyrir sjálfur. Síðan tekst honum að sameina hóp að baki sér gegn þessum „hrægömmum“ og nær fjöldafylgi og heldur landsfund sem líkist trúarsamkomu. Fjöldafylgi sem er byggt á ímynduðum óvini eða óánægju hefur þó reynst fallvalt og svo verður vonandi áfram. Fjöldafylgi, sem er byggt á traustum kjósendum, er eftirsóknarvert fyrir stjórnmálaflokk, sem vill að tekið sé mark á sér. Þá þarf að stýra eftir stjörnum en ekki eftir því hvernig vindar blása hverju sinni. Það kann að vera að í slíkum flokki þurfi málamiðlanir. Hvaða ávinningi skilaði það fyrir Sjálfstæðisflokkinn að standa að þings- ályktunartillögu um afturköllun aðildarumsóknar að Evrópusambandinu? Máli sem lá í dvala! Ávinningurinn var Viðreisn! Var nú þörf á því?

Ósamrýmanleg markmið

Hvernig er hægt á sama tíma að berjast fyrir auknum jöfnuði og að menntun verði metin til launa? Hvernig er hægt að berjast fyrir réttlæti og jöfnuði á sama tíma og þeir sem hafa lagt á sig byrðar í fortíð fá aðeins refsingar og skerðingar í framtíð? Hvernig er hægt að útskýra það fyrir venjulegu fólki að „óverðtryggð“ lán séu með hærri ávöxtun en verðtryggð lán? Ávöxtun verðtryggðra lána er ákveðin með hlutlægum mælingum í nútíð en ávöxtun „óverðtryggðra“ lána er ákveðin með væntingum inn í framtíð auk varúðarálags. Eða eru „óverðtryggð“ lán til? Ef þau eru til, hvað þá með greiðslur úr lífeyrissjóðum? Skerðast ekki bætur vegna slíks óréttlætis sem felst í gjafvöxtum?

Ánægjuefni

Það á að vera markmið í stjórnmálum að skapa ánægju og von. Þannig á stjórnmálamaður að tala við þjóð sína með ávarpi en ekki andvarpi. Verkefni framtíðar eiga að vera ánægjuefni innan samrýmanlegra markmiða. Vissulega verða stjórnmálamenn að hafa persónutöfra til að verða trúverðugir. Ráðherrar eiga ekki að nota sína málaflokka til að bæla niður óánægju, heldur til að skapa ánægju.

Stytting biðlista í læknisaðgerðir sem lina kvalir er leið til að bæla niður óánægju. Kvalinn kjósandi er aldrei ánægður kjósandi. Sá, sem hefur beðið lengi eftir aðgerð en er sinnt að lokum, verður aðeins „fúll á móti“ þegar upp er staðið.Biðraðir eru kommúnismi.

Sá er þetta ritar var um tíma kjörinn fulltrúi. Á þeim tíma spurði hann sig stundum hvort áherslur í málefnum, sem Flokkurinn hafði á sinni könnu, væru réttar! Og ekki síður hvort rétta fólkið væri í framvarðarsveit. Tekið skal fram, að sá er þetta ritar tók aldrei þátt í umræðu um stefnuræðu forsætisráðherra eða eldhúsdagsumræðum. Ef til vill ekki rétti maðurinn?

Það kann að vera að Flokkurinn þurfi naflaskoðun því Port-styrkleikafylgi er ekki ásættanlegt. Og verða „fúll á móti !"

 

Niðurlag

Það er ekki það að Sjálfstæðisflokkurinn hafi ekki glæsilegasta fólkið og best máli farið.Flokkurinn bara gengir ekki neitt.Ég spyr mig að því hvort forystuliðið hreinlega nenni ekki að útbreiða grunngildi flokksins heldur einblína á karpið á Alþingi og klakningu reglugerða á vegum EES? 

Ég heyrði ræðu hjá Hildi Björnsdóttur sem er 2. maður á lista Sjálfstæðisflokksins í Reykjavík. Þar heyrði ég talað um Sjálfstæðisstefnuna í fyrsta sinn í langan aldur. Hvað skilur þann flokk frá öðrum flokkum og hefur hann upp úr karpinu um spillingu einstakra manna. 

En eins og Bjarni Benediktsson hefur sjálfur sagt, þá eru flokkar ekki kosnir út á það sem þeir hafa gert heldur hvað þeir ætla að gera.

Þar sem Bjarni Benediktsson hefur höfuð og herðar yfir alla aðra þingmenn hvað glæsileika varðar og rökfimi í málflutningi sem snýr hvern þeirra meðaljón auðveldlega niður, þá getur maður spurt sig af hverju flokkurinn nær bara púrtvínsstyrkleika?

Er talað nógu skýrt um það, hvað flokkurinn ætlar að gera og hvers vegna?

Er það  einskis metið það sem hann hefur gert?

Er flokksforystan  með rangar áherslur og það þurfi að gera breytingar?

Þetta er fyrir Sjálfstæðismenn eingöngu og asnaskrif í athugasemdum frá vinstrimönnum eru frábeðin.

 

 

 

 

DRACO

,(Double-stranded RNA Activated Caspase Oligomerizers), er heiti á nýju lyfi sem vísindamenn við Lincoln Laboratory við MIT hafa fundið að vinnur á mörgum tegundum vírussýkinga.Frá þessu er skýrt í Medica1XPress.com

Todd Rider, einn vísindamannanna,segir að hugsanlega vinni þetta lyf á öllum vírusum.

Lyfið er enn á tilraunastigi.

Bloggara verður hugsað til vísindamanns sem hann hitti fyrir skemmstu af tilviljun á tennisvelli á Florida, dr. Anthony J. Luskas sem hefur skrifað bók sem heirir Cancer Cure via DNA  um þær kenningar sínar,að öll krabbamein orsakist af vírusum.

Það en líklegra en ekki að mannkynið standi um þessar mundir á stórum þröskuldi til að finna lækningar við mörgum sjúkdómum sem nú eru ólæknanlegir. CAR T frumulækningar við mörgum nú ólæknanlegum krabbameinum eru í sókn og geta breytt mörgu í framtíðinni.

DRACO getur verið ein af þeim lækningum.

 

 

Þetta þarf að stöðva

sem áframhaldandi aðför að Reykjavíkurflugvelli.

Svo segir í Mogga:

"Borgarráð hefur samþykkt að veita lóðavilyrði fyrir 200 íbúðum á þróunarreit í Skerjafirði, rétt við Reykjavíkurflugvöll. Um er að ræða Bjarg hses. sem fær leyfi fyrir 100 íbúðum og sömuleiðis fær Félagsstofnunar stúdenta lóð fyrir 100 íbúðir.

Vilyrðin eru veitt með fyrirvara um gildistöku deiliskipulags sem heimili lóðaafmörkunina og stað- festi byggingarréttinn.

Borgarráðsfulltrúar Sjálfstæðisflokksins sátu hjá við afgreiðslu málsins.

Skipulagssamkeppni var haldin um skipulag í Skerjafirði í fyrra og er verið að vinna að deiliskipulagstillögu á grundvelli niðurstöðu samkeppninnar. Tillaga ASK arkitekta, sem unnin var í samstarfi við Landslag og Eflu, var vinningstillaga í hugmyndaleitinn. Áætlanir gera ráð fyrir að allt að 1.400 íbúðir rísi á svæðinu auk 20.000 fermetra atvinnu- og þjónustuhúsnæðis. Húsin verða 2-5 hæðir. sisi@mbl."

Þarna verður girt fyrir stækkunarmöguleika Flugvallarins á fyllingu út í sjó sem blasir við.

Reykjavíkurflugvöllur virðist því eiga fáa vini þegar hér er komið sögu.

Nýr meirihluti mætti endurskoða þessa ráðstöfun.

Eru Reykvíkingar ráðþægir?

umfram annað fólk?

Valur Arnarson veltir því fyrir sér hver séu efndir hjá meirihlutanum í Borgarstjórn Reykjavíkur.

"Fyrir kosningarnar 2014 lofaði Samfylkingin því að öll börn fengju pláss í leikskóla við 18 mánaða aldur.Í dag eru yfir 1600 börn á biðlista eftir leikskólaplássi í Reykjavík.

Lang stærsta loforðið fyrir kosningarnar 2014 hjá Samfylkingunni var þó átakið sem átti að fara af stað í húsnæðismálum, byggja átti 4000 – 6000 íbúðir árin 2014 – 2019.

Í dag eru 1613 íbúðir tilbúnar í það heila hjá Reykjavíkurborg – á öllu kjörtímabilinu.

Lang, lang, lang stærsta loforðið var þó bygging 2500 – 3000 leiguíbúða.

138 slíkar íbúðir voru fullkláraðar á yfirstandandi kjörtímabili."

Flugvöllurinn átti að fara úr Vatnsmýrinni fyrir 2023. Nýjan flugvöll á að byggja í Hvassahrauni fyrir 1-200 milljarða. Þetta er líklega alveg að fara að gerast.

Fjármögnun er líklega tryggð og líka hver á að borga. Dagur hefur ekki sett neitt til hliðar vegna þessa og Ríkissjóður ekki heldur.

Borgarsjóður er rekinn með halla og skuldir hafa aukist um tugi milljarða meðan önnur sveitarfélög hafa verið rekin með afgangi og minnkað skuldir.

Ráðþægir Reykvíkingar ætla að endurkjósa Dag.B. Eggertsson þann 26.maí n.k. skv. Fréttablaðinu.