Ljósmæður eru terroristar

samkvæmt skilgreiningunni um að hver sem tekur annan í gíslíngu með hótunum um tjón ef hann láti ekki undan kröfum um lausnargjald sé terroristi.

Fámenn stétt í lögvernduðu starfsumhverfi sem beitir samtakamætti gegn samfélaginu er terroristi. Af hverju ekki lögreglan, flugumferðarstjórar, læknar eða sjúkraflutningamenn?

Ég get ekki tekið þjóðfélagið í gíslingu því það eru nógu margir aðrir til að ganga í mín störf. Katrín Jakobsdóttir ekki heldur hvað þá Bjarni Ben. 

Einkavæðing í stað sósíalisma í heilbrigðiskerfinu og víðar   er eina lausnin gegn framhaldandi terrorisma.

Lúpínubreiðan bláa

stendur í blóma á holtum og hæðum í allt í kring um og líka innan höfuðborgarsvæðisins.

Þeir sem muna hvernig þetta leit um út um miðja síðustu öld geta vart trúað sínum eigin augum.Þá voru bar gróðurlausir melar, grjót og rofabörð ráðandi.

Allt þetta breyttist þegar lúpínan fór að breiðast út.Hún myndar samfelldar breiður sem nú standa í blóma. Lengi hafði vinstra fólkið horn í síðu hennar og gerðu jafnvel út flokka til að eyða henni. Sem betur fer fundust færri kommúnistar en fleiri lúpínur áður en sú fyrirætlun tækist. 

Ég sé að víða kemur upp birki og víðikjarr upp úr breiðunum. Lúpínan býr í haginn fyrir annan gróður.

Sú saga er til að Alaska-lúpínan hafi  komið til landsins eftir stríðið í vestisvasa Hákonar Bjarnason þá skógræktarstjóra. Hákon kom líka með Sitkagrenið og Alaska-Öspina sem nú hafa gerbreytt ásýnd bæja á Íslandi frá því sem áður var.

Ég man efir því að gárungar tóku dvergfururnar við Rauðavatn sem dæmi um það að Hákon og hans menn ætluðu  að rækta eldspýtur á Íslandi.Annað hærra myndi ekki vaxa á því landi veðra og vindgangs.

 Einn daginn þegar ég var að vinna hjá Einari G.E.Sæmundsen í Skógræktarfélagi Reykjavíkur sagði Einar við okkur að nú væri nóg komið.  Hann fór með okkur upp að Rauðavatni og lét okkur planta Sitka. Nú er samfelldur skógur af þessum trjám meðfram veginum fram hjá Norðlingaholti . Og viti menn, gömlu dvergfururnar frá 1905 eru enn á lífi á vatnsbakkanum og hafa ekki hækkað mikið ef nokkuð.

Ef maður keyrir Heiðmörkina frá Vífilsstöðum til Rauðhóla þá verður maður oft hissa hvílíkt afrek var unnið í að gera þetta friðland Reykvíkinga. Þar voru framarlega með Hákoni þeir Valtýr Stefánsson, Guðmundur Marteinsson og Einar Sæmundsen og margir aðrir áhugamenn.

Borgarlandið hefur gerbreytt um svip. Lundirnir við Bugðu eru einstaklega fagrir og ásýnd gatnanna í bæjunum er gerólík því sem var í mínu ungdæmi. Trjálundir prýða flesta húsagarða og eldspýtnabrandararnir eru öllum gleymdir.

Og lúpínubreiðan bláa bylgjast  í blænum hvarvetna meðfram ökuleiðunum frá þéttbýlinu.

Evrópusambandið virkar aldrei

Páll Vilhjálmsson segir svo á sínu bloggi:

" Ef ríkisstjórn Merkel kanslara Þýskalands fellur verður uppnám í Evrópusambandinu, segir Sigmar Gabriel fyrrum formaður flokks Sósíaldemókrata í Þýskalandi.

Ekki er langt síðan að Merkel sjálf sagði að falli evran muni Evrópusambandið falla.

Flóttamenn og viðtaka þeirra setur Evrópusambandið í uppnám þessa stundina; fyrir fáeinum misserum var það gjaldmiðillinn.

Evrópusambandið hefur þann hæfileika að ramba frá einni tilvistarkreppu yfir í aðra. Þriðja áfallið á sama tímabili er úrsögn Bretlands úr sambandinu, Brexit.

Tímabilið 2008 til 2018 verður fært í annála Evrópusögunnar sem upphaf að endalokum tilraunar sem hófst eftir seinna stríð - og mistókst."

Ímyndið ykkur að 52 sjálfstæðar þjóðir byggju í fylkjum Bandaríkjanna með sitt hvern fánann. Myndi alríkið virka?

Þess vegna virkar Evrópusambandið aldrei þótt ríkin séu helmingi færri.

Nýtt upphaf?

"Upp­sagn­ir tólf ljós­mæðra á Land­spít­al­an­um taka gildi í dag, en þær sögðu all­ar upp störf­um vegna kjara­deildu Ljós­mæðrafé­lags Íslands og rík­is­ins. Ljós­mæðurn­ar tólf hafa kvatt vinnustaðinn með tákn­ræn­um hætti á sam­fé­lags­miðlum með því að birta mynd­ir af vinnu­skón­um sín­um og starfs­manna­skír­teini. All­ar kveðja þær með mikl­um trega. Enn fleiri ljós­mæður hafa sagt upp á heil­brigðis­stofn­un­um víða um land og bú­ast má við því að upp­sögn­un­um fjölgi enn frek­ar verði ekki samið fljót­lega."

Er þetta ekki fyrsta skrefið í einkavæðingu heilbrigðiskerfisins? Gengur þessi sósíalismi endalaust? Verður ekki að byggja meira á einkarekstri og að ríkið fyrir hönd notenda nái samkomulagi fyrir veitta þjónustu? Er ekki klíníkin í Ármúla nauðsynlegt skref?

Talað var um það á sinni tíð að kostnaður í menntakerfinu ætti að fylgja nemanda? Hann mætti velja skóla? Þarf þetta ekki að verða almennara heldur en að byggja sífellt á verkföllum og óánægju miðstýringarinnar sem í raun gengur ekki nema undir einræði og ofbeldis.

Getur þetta ekki verið nýtt upphaf?