Á að stórhækka einkabíla?

Frétt í Morgunblaðinu:

"Nýjar mengunarreglur gætu hækkað opinber gjöld á nýjar bifreiðar um tugi prósenta. Til dæmis gætu opinber gjöld á nýja og mikið selda bifreið hjá einu umboðanna hækkað úr 1,75 milljónum í tæpar 2,6 milljónir króna.

Þetta má lesa úr útreikningum Bílgreinasambandsins. Tilefnið er að nýjar mengunarmælingar eru að taka gildi í ESB. Þær eiga að endurspegla betur en núverandi reglur hvað bílar menga í raun með því að byggja á raunhæfari aðstæðum við akstursprófanir. Með því eykst mæld eldsneytisnotkun og þar með losun koldíoxíðs.

Reglurnar munu að óbreyttu taka gildi á Íslandi. Fram kom í Morgunblaðinu í júní að starfshópur í fjármálaráðuneytinu er að skoða málið. Bílgreinasambandið hefur stillt upp tíu dæmum um áhrif þessara breytinga á opinber gjöld á nýjar bifreiðar. Annað dæmi bendir til að opinber gjöld á tiltekna nýja bifreið muni hækka úr 1,059 milljónum í 1,518 milljónir. Hækkunin er rúm 43%.

Mengunargildin hækka Þriðja dæmið er að opinber gjöld á nýja bifreið hækka úr 950 þúsund í 1.300 þúsund. Sú bifreið mengaði samkvæmt gömlu skilgreiningunni 119 grömm af CO2 á km en 139 grömm með nýju aðferðinni. Gildin geta því breyst mikið og gjöldin þar með. Frá 2011 hafa vörugjöld á bíla á Íslandi tekið mið af losun koldíoxíðs. Sama gildir um bifreiðagjöld.

María Jóna Magnúsdóttir, framkvæmdastjóri Bílgreinasambandsins, segir breytingarnar geta fært bifreiðar upp um tollflokka. Útreikningar sambandsins bendi til að í einhverjum dæmum geti vörugjöld hækkað um 90% á dæmigerðum fjölskyldubíl. María segir rannsóknarskýrslur ESB benda til að sparneytnari bifreiðar með minni vélar muni frekar mælast með hærra gildi en eyðslufrekari bílar með stórar vélar. Að óbreyttu muni hækkun mælds útblásturs leiða til þess að bílar hækki í verði, einkum þeir sparneytnustu.

María bendir jafnframt á að verð á bílum hafi farið lækkandi. Það hafi átt þátt í að halda niðri verðbólgu. Árið 2017 var metár í sölu nýrra bifreiða á Íslandi. Sala til bílaleiga vó þungt. Fyrir vikið hefur meðalaldur bílaflotans farið lækkandi. María segir að ef nýju reglurnar taka gildi á Íslandi án mótvægisaðgerða geti bílverð hækkað um tugi prósenta. Sagan sýni að slíkar hækkanir dragi verulega úr sölu. Afleiðingin verði sú að það hægi á endurnýjun bílaflotans. Með því muni flotinn menga meira en ella.

„Með yngri bílum á götunni erum við ekki aðeins að færast nær markmiðum okkar um að draga úr útblæstri heldur fáum við einnig bíla á götuna sem búa yfir öflugri öryggisbúnaði,“ segir María.

„Bílgreinasambandið hefur fulla trú á að íslensk stjórnvöld séu tilbúin til að fara í mótvægisaðgerðir svo innflutningstollarnir haldist sambærilegir. Ef ekkert er gert má reikna með að verð á bílum hækki mikið í haust og í vetur. Þetta mun ekki einungis bitna á fyrirtækjum og einstaklingum, því einnig munu bílaleigubílar hækka mikið í verði sem getur aftur dregið úr eftirspurn í ferðaþjónustu.“ 

Gunnar Rögnvaldsson hefur þetta um þetta að segja á sínu bloggi:

"Bjarni Benediksson formaður Sjálfstæðisflokksins er kannski við það að hefja lokaatrennuna gegn flokknum með því að framkvæma endanlegt pólitískt harakiri á Sjálfstæðisflokknum. En svo gæti farið ef lappirnar bregðast honum aftur, með þeim afleiðingum að vélknúin farartæki verða skattlögð út úr íslenska draumnum, sem þá breytist í enn verri ESB-martröð en orðið er. Enn svartari en þá martröð sem EES-samningurinn er að kalla yfir Ísland.

Uggandi Sjálfstæðimenn eru að komast í svo slæmt skap vegna þessa máls, að þeir mega varla mæla. Miðflokkurinn bíður eftir enn einni léttu bráðinni, fljótandi í innfluttu vatni."

Ætla stjórnvöld að láta þessar fyrirætlanir ESB yfir almenning ganga? Enn eitt CO2 bullið sem almennigur á að borga?

Á að stórhækka einkabíla og gleðja þar með Dag Bergþóruson og Hjálmar í meirihlutanum í Reykjavík?

Lokum Fréttastofu RÚV

því að allur ófriðurinn er í kring um hana.

RÚV getur sagt veðurfregnir  og lesið upp úr fyrirsögnum fyrirfram ákveðinna fjölmiðla sem Útvarpsráð velur. 

Annað óbreytt fyrst um sinn  eftir lokun Fréttstofunnar.

Af hverju ekki að mæla

hvað gamlir framræsluskurðir eru að gefa frá sér af CO2. Og þá flokkað eftir aldri þeirra.

Hér er  alhæft um kosti ofanímoksturs án þess að nokkrar innlendar mælingar liggi fyrir mér vitanlega. 

Allskyns fólk fimbulfambar um hvað megi græða á því að spilla náttúrunni með þvi að hindra byggingarefni lífsins CO2 að komast út í andrúmsloftið. Sem hefur verið skortur á í 600 milljón ár áður en AlGore og fjörtíuþúsund fíflin fæddust.

Af hverju má ekki mæla?

 

Grundvallarspurningar

Styrmis Gunnarssonar frá 24.júní finnst mér að þurfi að skoða nánar.

" Það er orðinn nánast fastur liður í þjóðfélagsumræðum tvisvar á ári að umræður hefjist um neyðarástand á heilbrigðisstofnunum samfélagsins. Það gerist í aðdraganda sumarfría og þegar fjárlagafrumvarp er tekið til umræðu á Alþingi. Þannig hefur þetta verið í áratug og jafnvel lengur.

Það var hægt að skilja þetta fyrstu árin eftir hrun en ekki lengur.

Það er eins og aldrei sé tekizt á við grundvallarvanda í heilbrigðiskerfinu.

Á ítrekuð vandamál af þessu tagi í einkarekstri væri litið sem merki um óhæfa stjórnendur. Í þessu tilviki eru þeir stjórnendur sem ábyrgðina bera stjórnmálamenn og æðstu embættismenn.

Það er ýmislegt sem bendir til að á síðasta aldarfjórðungi eða svo hafi verið teknar rangar ákvarðanir um vissa meginþætti í þróun heilbrigðisþjónustunnar. Það getur t.d. átt við um sameiningu þeirra þriggja spítala, sem störfuðu í Reykjavík í einn, þ.e. sameiningu Landspítala, Landakots og Borgarspítala.

Nú er hrunið ekki lengur handhæg skýring.

Getur verið að svokölluð "mannleg mistök" eigi hér hlut að máli?

Eitt er víst:

Þjóðin er áreiðanlega búin að fá nóg af þessum sömu umræðum ár eftir ár.

Það er hægt að gera þá kröfu til stjórnmálamanna og æðstu embættismanna að þeir taki til hendi og leysi þennan ítrekaða vanda. "

Þetta er rétt athugað hjá Styrmi.Nema það að við sjáum stjórnmálamennina ekki nema auka á vandann sem fyrir er.

Það eru stjórnmálamennirnir sem bera ábyrgðina á stöðu mála í heilbrigðiskerfinu. En hafa þeir vilja eða hugsjónir til að leysa hann?

Getur Ríkisrekstur nokkru sinni orðið með öðrum hætti en þessum?

Fer þar ekki fram kapphlaup um að ná til sín hluta af takmörkuðum "fjárveitingum"?

Hefur samhjálparhugsjónin ekki verið einkavædd með skrúðmælgi um eigið ágæti og ómissanleika?

Er ekki kerfið komið í öngstræti?

Þarf ekki að spyrja hversu mikið hver þjóðfélagsþegn geti borgað fyrir einstakan þjónustuþátt? 

Alveg eins og að slá garð, klippa haus á rakarastofu, skipta um liði í útlimum, skera úr botnlanga, taka á móti barni, kenna því að lesa og reikna í skólabekk?

Hafa stjórnmálamenn lægt öldurnar sem Styrmir talar um?

Getur aukinn einkarekstur lægt  öldurnar?

Grundvallarspurningar þó þeim verði seint svarað?

 

    

Stálhólkur

bólstraður að innan með manhole og með dreng innanborðs og opinn súrefniskút og útblástursventil hefði manni dottið í hug að mætti draga í kafi í gegn um djúpa vatnið í hellinum í Thailandi. 

En maður er líklega of vitlaus til að koma með hugmyndir um svona einfalda stálhólka.

55% fer í 85 ára og eldri

af heildarkostnaði heilbrigðiskerfisins í Bretlandi.

Liggur ekki í augum uppi hvað þarf að gera ef vantar fé fyrir þá ungu? 

Hvers virði eru 85 ára og eldri í samanburði við æskuna?

 

Er 6 ára háskóli of mikið ?

Hér áður voru yfirsetukonur í hverri sveit sem höfðu aflað sér starfsreynslu. Þær voru margar taldar heppnar. Auðvitað tókst ekki allt þá og margt skorti.Einn  bóndi á Horni gerði eina þeirra ólétta í tvö ár í röð þegar hann var að sækja hana til konu sinnar.

Fram á þessa öld voru yfirsetukonur sóttar til sængurkvenna þar sem læknar voru ekki tiltækir. En hvenær varð 6 ára háskólanám nauðsynlegt til taka á móti börnum? 

Gætu útlenskar  ljósmæður opnað hér fæðingarheimili úr því að erlendir verkfræðingar mega starfa hér? Eða er þetta vernduð starfsgrein gegn samkeppni?

Er heilbrigðiskerfið íslenska ofverndað? Eru ekki Íslendingar að fara til A-Evrópu í læknisaðgerðir þar sem íslenskir biðlistar teljast óþolandi? Eru þar ekki nú gerðar  stofnfrumuaðgerðir í stað liðskipta? Tannviðgerða, klippinga ? Jafnvel ónæmisaðgerðir gegn krabbameinum?

Hvar á að draga línurnar? Hvenær koma flugumferðarstjórarnir aftur? Ætla menn að hætta lifi og limum án þeirra þó það hafi nú verið gert.

Því miður er ég ekki ómissandi. Enginn mætir á fjöldamótmæli þó enginn vilji borga mér almennilega. Hvenær er 6 ára háskóli of mikið ef hægt er að sleppa með minna?

 

Skipulagsflotterí

blasir það ekki við í landlausum Kópavogi?

Hvað erum við að þvælast með golfvöll inni í miðjum bæ? Sport fyrir fáeina útvalda? Er ekki hægt að byggja háhýsi á þessum víðáttum og fá inn útsvarsgreiðendur?

Eða þá breiðu af illa þefjandi mengandi hrosshúsum? Er ekki búið að ráðstafa gamla Glaðheimasvæðinu og allir ánægðir?

Í alvöru þá er Kópavogur bráðhuggulegur bær um þessar mundir. Gróðurinn aldrei verið fallegri.

En eru bæir fyrir almennt fólk  sem vantar húsnæði til að búa í eða einhverja fáa?

Er ekki eitthvað skipulagsflotterí í gangi sem við höfum bara ekki nein ráð á? 

10 % launalækkun á línuna?

fyrir alla.

Hver yrðu áhrifin af slíku?

Myndi gengið styrkjast?

Myndi erlend vara lækka?

Myndi húsnæðisverð lækka?

Yrði samdráttur í fjárfestingum í atvinnuvegunum? 

Myndi kreppa halda innreið sína?

Þrífumst við aðeins í verðbólgu?

Er launalækkun möguleg?

Verkfræðingar á eftirlaunum

verði ljósmæður eftir hraðkúrs í fæðingarhjálp og naflastrengsbindingum.

Úr því að dýralæknar henta sem vegamálastjórar ætti þetta að verða lítið mál.

Þeir geta líka sem best orðið biskupar eða bankastjórar.Þar er pláss fyrir fjóra fyrir eina stelpu hjá Landsbankanum.

Ríkið er greinilega örviti í heilbrigðri skynsermi. Ráðherrarnir horfa með opnum augum á ástandið á launamarkaði en gera ekkert. 

Til hvers er þessi ríkisstjórn?  Bara að halda flotta fundi á Sauðaárkróki og Þingvöllum fyrir milljónatugi? Hún er líklega ekki til að stjórna einu né neinu sem máli skiptir? Ekki getur hún selt inn á Geysissvæðið til dæmis.

Er ekki bara auðveldast að sleppa öllu lausu og veita launþegum bara sjálftökurétt.Afnema kannski um leið allar menntunarkröfur. Er einhver þörf á starfsmenntun? Geta ekki allir allt?

Verkfræðingar á eftirlaunum gætu orðið ódýr starfskraftur til að redda ástandinu.