Leita í fréttum mbl.is

Bloggfærslur mánaðarins, apríl 2019

Gefur Dagur frítt í Strætó?

í dag?

Svo segir í Mogga:

"Loftgæði sums staðar á höfuðborgarsvæðinu voru mjög lítil í gær, samkvæmt vef Umhverfisstofnunar, Loftgæði.is.

Morgunblaðið fjallaði um það í vikunni að rykmökkur frá Saharaeyðimörkinni væri á leið til landsins en rykmistrið sem lá yfir höfuðborgarsvæðinu var einmitt ættað frá Sahara.

Veðurstofan hafði spáð sólríkum degi í höfuðborginni en mistrið skemmdi fyrir því að spárnar yrðu að veruleika, að því er fram kemur í færslu Veðurstofunnar á Facebook. Svifryk mældist einnig meira en venjulega í gær. "

Dagur gaf milljón á dögunum af peningum Strætós í tilefni svifryks. Hann er alltaf flott á því blessaður þegar peningar almennings eru annars vegar.


Ónefnd listakona

sem ég vil ekki nefna að svo stöddu, hennar vegna, kom gangandi til mín í gær og færði mér þessa styttu að gjöf. En ég hafði áður látið í ljós ágirnd á henni vegna fegurðarinnar.

Hún sagðist vera löngu hætt að fást við þessa listgrein og búin að snúa sér að öðru.

IMGP0237

 

Ég rifjaði upp fyrir henni orð Göbbels þegar hann sagði við hina þá heimsfrægu söngkonu Söru Leander:"Kunst kommt nicht vom Wollen sondern Können."

Mér finnst þessi listakona kunna en vilja ekki. Sem mér finnst of sparlega með kunnáttuna hennar  farið fyrir hönd mína og þjóðarinnar eins og sjá má af þessari styttu.

Ég hreinlega komst við af þakklæti til listakonunnar fyrir þessa gjöf til mín, óskylds mannsins,og veit ekki hvernig né hvort  ég fæ henni nokkru sinni fullþakkað fyrir hennar höfðingsskap í minn óverðuga garð.

IMGP0240Listin kemur ekki af því að vilja heldur af því að geta.

Mér finnst oft að margar háværar listaspírur  sem vilja telja sig eiga að fá opinbera framfærslu fyrir séu þess stundum lítt verðugar vegna hæfileikaskorts.

Stundum ratast kjöftugum satt á munn. Það eru hæfileikarnir sem til þarf í listinni sem þessi vinkona mín og hér ónefnda listakona hefur í svo ríkum mæli.


Af hverju Björn Bjarnason?

er þetta ekki rétt hjá þeim Páli Vilhjálms og  Jóni Baldvin?

Páll bloggkóngur segir svo:

"Einfalt er að fá undanþágu frá 3. orkupakkanum enda Ísland ekki tengt raforkukerfi ESB.

Við erum með undanþágur frá reglum um járnbrautir og skipaskurði.

Guðfaðir EES-samningsins, Jón Baldvin Hannibalsson, fyrrverandi utanríkisráðherra, segir að innleiðing orkupakkans muni eyðileggja samninginn. Rökin eru þessi:

Stuðning­ur við EES-samn­ing­inn bygg­ir að lok­um á póli­tískri af­stöðu kjós­enda í aðild­ar­ríkj­un­um.

Ef hinn vold­ugi samn­ingsaðili, Evr­ópu­sam­bandið, hætt­ir að virða í reynd þetta grund­vall­ar­atriði EES-samn­ings­ins og krefst þess að EFTA-rík­in samþykki skil­yrðis­laust það sem að þeim er rétt, án til­lits til eig­in þjóðar­hags­muna, er hætt við að stuðning­ur við EES-samn­ing­inn fari þverr­andi.

Þar með get­ur EES-samn­ing­ur­inn, með öll­um þeim ávinn­ingi sem hann hef­ur tryggt Íslandi á und­an­förn­um ald­ar­fjórðungi, verið í upp­námi.

Rök Jóns Baldvins eru trúverðugri en þeirra sem segja EES-samninginn í uppnámi ef við samþykkjum ekki orkupakkann. Þegar þjóðarhagsmunir eru í húfi er skynsamlegast að gæta varúðar.

Og varúðarreglan býður að við breytum ekki ástandi sem almenn sátt er um og köllum yfir þjóðina óvissu um eignarhald og forræði auðlindanna.

Það er beinlínis vond pólitík að samþykkja 3. orkupakkann. "

Af hverju segir Björn Bjarnason, sá annars vísi maður, á okkar virðulega Alþingi að samþykkja þingályktunartillögu um að styðja verslun með orku yfir landamæri?

Forseta Íslands kemur slík ályktun stjórnskipulega ekkert við og getur engin afskipti haft af henni þó einhverjir haldi það.

Hverjir eru hinsvegar kostirnir fyrir Ísland að mati Björns míns  Bjarnasonar?


...norpaði hún Kolbrún nakin

svo nett og umhverfisvæn. Svo var niðurlag snjallrar vísu eftir Jón Kristjánsson fyrir margt löngu. Ég man ekki alveg fyrri partinn um bárujárnshúsið til að fara með hann.

Og ekki var önnur vísa verri sem einhver annar orti í orðastað Jóns. Mig minnir að hún hafi verið svona: "Í tvílyftu timburhúsi, titraði Kolbrún öll, og þar hefði Jón viljað vera og vinna umhverfisspjöll."

En það var hann Sveinn Rósinkrans Pálsson sem skrifaði svo á sitt blogg sem vakti athygli mína:

"Nú er komið í ljós að hinir umhverfisvænu menga meira en jeppakarlarnir í úthverfunum.

Þetta stafar af því að flugvélar brenna mun meiri olíu en jeppar og umhverfisvæna fólkið í miðbænum fer oftar til útlanda.

Einnig fer umhverfisvæna fólkið oftar í strætó og einn strætó mengar jafn mikið og 50 bílar, þannig að jafnvel fullur strætisvagn veldur mun meiri CO2 útblæstri en samsvarandi fjöldi einkabíla. Yfirleitt eru strætisvagnarnir hálf tómir og valda því gríðarlegum umhverfisspjöllum."

Er ekki Borgarstjórnarmeirihlutinn í því að lækka hámarkshraða, breyta akstursstefnum í trássi við íbúa,setja götur niður í stokka með lægri hámarkshraða, þar sem útblæstrinum verður safnað saman í einn stóran?

Og ekki dregur sjálfur kolefnispáfinn og olíufjárfestirinn AlGore á einkaþotunni af sér í umhverfismálunum.

 

Er þetta ekki allt fremur umhverfismengandi en hitt fyrir hana Kolbrúnu?

 

 


O3 verður frestað

til haustsins finnst mér líklegra en ekki.

Ég  held að Bjarni Benediktsson, þó einþykkur sé í besta lagi eins og ég , muni ekki fórna formennsku sinni og flokki  við það óvissuspil að keyra þetta mál i gegn með því offorsi sem nú við blasir að til þarf, eigi að sætta flokksmenn innbyrðis og sér í lagi hversu hlutfallslega lítilfjörlegt málið er miðað við mörg önnur meiri.

Mér finnst trúlegt , og í ljósi þess að Sigurður Ingi er farinn að sýna  einhver merki um efasemdir innan Framsóknar, að málinu verði frestað til hausts að minnsta kosti.

Þetta er eiginlega þannig mál, að það er varla þess virði til að Bjarni taki einhvern séns á því þegar nóg er af öðru til að taka.

Enda hefur maður tekið eftir því að hann lætur Gulla gelta fyrir flokkinn og þingmennina leysa niðrum sig hvern af öðrum fyrir höfuðkirkjum og játa sinnaskiptin grátandi og taka þannig skriftir stórar eins Sturla Sighvatsson forðum í Róm, en er sjálfur þögull sem Sfinxinn.

Annars er mér orðið slétt sama um þetta allt, sæstrengi eða ekki. Það er hugsanlega mögulegt að þjóðin græði meira á sæstreng en  miðað við núveranmdi söluverð.

Vetnisframleiðsluhugmyndir mínar vill hvort sem er enginn heyra né sjá, hvað þá að mengandi verksmiðjur rísi hér frekar en annarsstaðar.

Ég er víst orðinn of gamall og vitlaus til þess að vera að blanda mér í svona mál sem góða fólkið, Austurvallarkrakkarnir og NoBorders hefur meira vit á.

Einar S.Hálfdánarson sá ástæðu til að stappa stálinu i hann Óla Björn vegna bréfsins í Mogganum svofellt:

"Sæll Óli Björn

 

Ég sá að Dóri í Steypustöðinni, gamall og góður samstarfsfélagi minn er að spyrja þig út í Orkupakkann. „Viltu kannski útskýra kosti O3 fyrir mér Öli Björn?“

Ég ráðlegg þér að reyna ekkert slíkt. Dóri og fáeinir aðrir sem skrifa á síðuna hans vilja ekkert hafa með staðreyndir að gera. Ekki frekar en SDG og Gunnar á Klaustri.

Ég bað einn trúboðann, Bjarna Jónsson; um konkret tilvitnanir til vitnis um landsöluna. Þau reyndust (að sjálfsögðu) ekki vera fyrir hendi. Og ég er búinn að reyna, en Dóri er búinn að skrúfa fyrir skilningarvitin í þessu efni.

Við verðum bara að vona að honum Dóra elni ekki sóttin. Það gæti endað með ósköpum eins og hjá Styrmi sem endurskrifar núna gamlar lummur um sig úr Þjóðviljanum og snýr þeim upp á aðra. Eða endar Dóri sem kommi? – Svei mér þá!

 

Kv.

Einar"

 

Þannig að ég er víst búinn að mála mig út í eitthvað kommahorn hjá vitmönnunum þessa lands og Sjálfstæðisflokksforystunni og enginn á að taka mark á mér eða að vera að pexa við mig.Og Einar nær ekki að skilja Kollega Bjarna Jónsson, enda bara lögfræðingur og revisor þótt góður sé.

En ég held nú samt að O3 verði bara frestað fyrir friðinn.

 


Deutschland!, Deutschland! über alles

 

verður Styrmi Gunnarssyni að yrkisefni um þjóðernisástina í dag. Hann segir m.a.:

"Að einhverju leyti er þessi afstaða til föðurlandsástar eða þjóðerniskenndar skiljanleg í ljósi sögu Þriðja ríkisins. "Deutschland über alles"hljómar ekki vel í dag."

Þetta er rangt hjá Styrmi.

Föðurlandsástin lifir með hverjum óbrjáluðum Þjóðverja sem er ekki heilaþveginn No Borders Krati. Þeir finnast mjög víða í Þýskalandi  sem geta enn tárast yfir þessu orðum.

Það er föðurlandsástin sem gerir Evrópusambandið vonlaust. Föðurlandsástin í 27 mismunandi myndum gerir grundvöll þess vonlausan í samkeppni við Bandaríkin sem eru ein þjóð undir einum fána og einum Guði.Eitt sjálfstætt föðurland í 50 fylkjum  en ekki 27 sjálfstæð föðurlönd. 

Evrópusambandið er aðeins hagsmunabandalag og tollabandalag gegn restinni af heiminum. Það er grundvallar misskilningur að Þjóðverjar elski ekki sitt föðurland fyrst. 


Bensínið allsstaðar yfir 200 kalli

er frétt í dag.10 % hækkun á heimsmarkaði þýðir aðeins 3.7 % hækkun á lítranum hér.Gjaldtaka ríkisins blasir því við og líka ömurlegt ástand vegakerfisins okkar  sem skattarnir áttu að bæta.

Hér í Florída kostar bensínið víða 2.5 $ gallónið sem er 3.79 L. Lítrinn þá svona 80 kall á núverandi gengi dollars á 122 kall. Mikið er um það hér að þeir borgi sem nota vegi með mislægum gatnamótum í formi vegatolla. En tími mislægra gatnamóta er sem kunnugt er liðinn í Reykjavík samkvæmt Degi B. Eggertssyni.

Hversu mikil búbót væri það fátækum Íslendingum eins og einstæðum mæðrum með mörg börn  að geta keypt ódýrara bensín?

Vegatollar eru víðast á stærri vegum hérna en ekki innan bæjanna. Hugsanlega gæti bensín á Íslandi lækkað í framtíðinni á móti vegatollum ef við gætum hugsað þá hugsun til enda hversu mikið efnahagslífið og þar með lífskjörin byggjast á bílnum og bensíninu en ekki einhverju orkuskiptabulli og kolefnisgjöldum.

Drottni sé lof og dýrð fyrir Trump.

Vonandi lækkar bensínið niður fyrir 200 kall á Íslandi einhvern tímann.


Dómadags rugl

er það í þessum Hreiðari á Stracta Hotelum  að stofnun nýs flugfélags sé nauðsynlegt vegna almennings?

Halda menn að til dæmis Bónus hafi verið stofnaður til annars en að græða peninga á almenningi?

Til hvers stofnaði þessi Hreiðar Stracta Hótel? Vegna mín eitthvað?

Nei menn stofna fyrirtæki til að græða peninga á almenningi. Sem mest. Það bara tekst ekki alltaf eins og hjá Skúla Mog.Hefði hann selt fsarmiðann á þúsundkall hærra verði væri WOW enn að fljúga. Það er síðasta krónan sem skiptir yfirleitt öllu máli.

Þvílíkt bull í  mönnum sem þykjast vera einhverjir mannkynsfrelsarar. Svona dómadags rugl væri óhugsandi hér í Ameríku. 


Viltu kannski útskýra fyrir mér Óli Björn?

Hvernig ég á að skilja þriðja orkupakkann?

Í honum stendur svo:

„Aðildarríkin skulu vinna náið saman og fjarlægja hindranir í vegi viðskipta með raforku og jarðgas yfir landamæri í því skyni að ná fram markmiðum Bandalagsins á sviði orku.“

Hvernig ætlar þú, Óli Björn, að vinna á þessum grundvelli?

Halldór Jónsson

Höfundur er verkfræðingur

Í einhverju bríarí sendi ég þessa klausu í Mogga í dag.Vona að þetta verði ekki mjög óþægilegt fyrir Óla Björn að svara.

Ég gæti sjálfur snúið út úr þessu einhvern veginn svona:

Viltu vinsamlega útskýra fyrir mér hvernig við  Íslendingar seljum orku yfir landamæri okkar öðruvísi en sem bundna í framleiðsluvörum eins og til dæmis áli og kísilmálmi?

 

Ef við seljum hana sem raforku á samkeppnismarkaði ESB hvernig fer það fram?

 

Þjóðin getur vel fengið meira fyrir orkuna í heild í gegn um sæstreng þar sem allir borga samkeppnisverð heldur en nú er.

 

En munu þeir smáu þá ekki borga meira? Er það ekki ígildi  nýrrar skattlagningar?

Ertu ekki á móti meiri sköttum Óli Björn?

 

Og hvað verður um staðarhagkvæmni Íslands fyrir framleiðslufyrirtæki þar sem Íslendingar fengju vinnu?

Viltu kannski útskýra kosti O3 fyrir mér 

Öli Björn?


Flett ofan af flautuleikaranum

AlGore sem hefur heiminn að fífli og féþúfu.

https://skolli.blog.is/blog/skolli/

 

Meiri flautuleikari en AlGore hefur ekki lengi verið uppi síðan sá frá Hamlin var á dögum. 


« Fyrri síða | Næsta síða »

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (28.3.): 5
  • Sl. sólarhring: 5
  • Sl. viku: 52
  • Frá upphafi: 3417960

Annað

  • Innlit í dag: 5
  • Innlit sl. viku: 49
  • Gestir í dag: 5
  • IP-tölur í dag: 5

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband