Góður Geir

Ágústsson sem skrifar:

"Stundum kemur náttúran okkur á óvart þrátt fyrir öll mælitækin, módelin og metnaðarfullu vísindamennina. Stundum reynist fyrirsögnin ekki vera rétt jafnvel þótt enginn hafi vísvitandi reynt að ljúga og hafi haft aðgang að fullkomnustu tækni til að leggja mat á tiltekið ástand. 

Við erum minnt á það aftur og aftur að oft er betra að staldra við og hugsa en grípa til róttækra aðgerða sem geta haft neikvæðar afleiðingar.

Umræðan um nagladekk í Reykjavík er gott dæmi. Menn sjá svifryk og nagladekk og álykta að nagladekkin valdi svifryki. Svifryk er slæmt og nagladekkin hljóta því að vera það líka, hvað sem líður ástandi vega og umferðaröryggi utan við miðbæ Reykjavíkur.

Síðan koma í ljós vísbendingar um að rykið eigi kannski uppruna sinn á hálendi Íslands og tengist miklu frekar vindátt en notkun nagladekkja. Kannski léleg þrif á götum séu því vandamálið en ekki nagladekkin?

Eða kemur rykið frá Sahara-eyðimörkinni? Þá eru nagladekkin kannski ekki svo slæm.

Það er í tísku núna að hrópa sem hæst að húsið sé að brenna og að við eigum að yfirgefa eigur okkar, lífsstíl og velmegun í hvínandi hvelli.

Hvað með að staldra við? Ísbjörnum fjölgar, eyjar eru ekki að sökkva og sólvirkni að minnka. Kannski höfum við ekki náð að grípa allt með módelunum fínu."

Við höfum ríkisstjórn í þessu landi sem styður þá starfsemi að taka maísinn frá hungruðum og sveltandi til að búa til ethanól til að gera bensínið verra og dýrara fyrir okkar minnstu bræður og systur.

Leggur á okkur skatta eftir forskrift hinna fjörtíuþúsund fífla AlGore frá Párís þegar CO2, byggingarefni lífsins, hefur ekki verið lægra í andrúmsloftinu í 600 milljón ár? Ríkisstjórn sem heldur að sólin stjórni engu í andrúmslofti jarðar.

Það er ömurlegt að maður þurfi að kjósa þetta fólk á þing bara til að forðast frekari fífl úr öðrum flokkum.

"Munið þið piltar að þó við séum vondir þá eru aðrir verri." Það er allur hugsjónaeldurinn í pólitíkinni um þessar mundir.

En Geir var góður í .þessum pistli. 

Bardaginn við vindmyllurnar

hans Don Kíkóta eru bara smámunir við bardagann við íslenskar kellingar sem þola ekki tilhugsunina um að sjá einhversstaðar vindmyllu.

Fjandskapur við vindmyllur vex nefnilega í öfugu hlutfalli við fjarlægðina frá myllunni.

Kelling ein í sumarbústað frá Kópavogi í 3 km fjarlægð frá fyrirhugaðri myllu hans Steingríms Erlingssonar og á Skeiðum á hans eigin landi NB gat æst upp svo mikið hysterí að sveitarstjórnin pissaði í buxurnar og Steingrímur var flæmdur úr sveitinni niður í Þykkvabæ þar sem hann setti myllurnar upp með atbeina Drífu Hjartardóttur sveitarstjóra. Mátti ekki nýta eigið keypt land á Skeiðunum undir eigin vindmyllur. Situr bótalaust uppi með ónýtt land og sveitin varð af búsetu hans og miklum byggingum.

Í Þykkvabæ risu svo síðar upp samskonar kellingar og eyðilögðu öll áform um frekari framkvæmdir við vindmyllugarð þegar fyrstu tvær höfðu snúist í nokkur ár í góðu sambýli við alla íbúa, náttúruna og búsmalann þarna í kartöflugörðunum heima í Þykkvabænum.Engir fuglar drápust og kinmdurnar lágu í skugganum af myllununm.

Bara af því að þeim kellingunum finnast vindmyllur ljótar pissaði  sveitarstjórnin á Hellu í buxurnar og stoppaði allt hjá Steingrími. Enda var þá Drífa Hjartar hætt sem sveitarstjóri en Ágústi gekk síður aðð lægja öldurnar.

Engar vindmyllur né 100 Mw virkjun sem Steingrímur vildi byggja fyrir sveitina munu rísa þarna né nokkurs staðar annarsstaðar sem allt var klárt að gera þarna.

Kellingarnar eyðilögðu þetta allt alveg eins og á Skeiðunum.

Vitleysingarnir ráða yfirleitt ferðinni í öllum framfaramálum á Íslandi eins og þegar Skeiðamenn riðu suður á móti símanum sællar minningar 1905.

Ég glotti því út í annað þegar ég les um áaætlanir um nýja vindorkugarða einkaaðila. Sannið til að það munu rísa upp samskonar kellingar þarna og hvar sem er og stöðva öll slík  mál,

Það rísa engar vindmyllur neins staðar á vegum einkaaðila.

Aðeins ríkið getur reist vindmyllur með ofbeldi þar sem því sýnist.

Þannig fer bardaginn við vindmyllurnar á Íslandi.

Skoðanir

bloggvina minna eru ekki fjarri mínum þegar þeir skrifa svo:

Hrólfur Hraunfjörð segir svo:

 

"Píratar eru náttúrulega bara uppsóp af Austur velli, sem farist hefur fyrir að setja með öðru slíku í tunnuna.  " 

Benedikt Warén segir svo:.

Ríkissjóður, hvað er það? Eitthvað ótilgreint fyrirbrigði, sem er að framfæra fólki sem er ófært að ala önn fyrir sér.  Á sama tíma á þetta kerfi að reka sig án þess að tekna sé aflað, nema það sé gert eftir öðrum leiðum?!??

Sama gildir um almannatryggingakerfin almennt.  Það á að greiða bætur og innkoman á að koma frá einhverri töframaskínu sem framleiðir peninga.

Þetta er Pírata-hagfræðin. "'

Ég held að það sé talsverður sannleikur í þessum orðum þessarra góðu manna hvað sem orðalaginu líður.

Skoðanir hins þögla meirihluta skipta hugsanlega einhverju máli. 

Bullið við brýrnar

einbreiðu birtist í hraðatakmörkunum, skiltum og hvaðeina.

Af hverju ekki umferðarljós, annaðhvort er grænt í 5  mínútur eða rautt í 5 mínútur. Má enginn vera að því að slaka á í 5 mínútur?

Ódýrara, öruggara og klikkar ekki.

Bullið við brýrnar lýsir sér svo í því að það liggi einhver ósköp á að eyða hundruðum milljóna í að breikka þær þegar það má vel bíða fyrir bundnu slitlagi.

Gulli á valtaranum

valt upp á stein!

Svo segir Styrmir Gunnarsson í dag:

 

"Grein eftir Sigurð Inga Jóhannsson, formann Framsóknarflokksins, á vefritinu Kjarnanum í dag sætir tíðindum.

Segja má að með þeirri grein hafi Sigurður Ingi sett gult ljós á Orkupakka 3. Það er skref í rétta átt.

Sigurður Ingi segir:

"Þrátt fyrir álit fjölmargra lögspekinga þá hefur ekki náðst að sannfæra meirihluta þjóðarinnar um að nóg sé að gert með þeim fyrirvörum, sem kynntir hafa verið".

Sigurður Ingi lýsir umræðum um málið á þann veg að þær séu "hatrammar" en bætir því við að það sé "skiljanlegt" og því sé "mikilvægt að leitað sé sáttar og niðurstöðu, sem almenningur trúir og treystir að gæti hagsmuna þjóðarinnar í bráð og lengd."

Þetta er skynsamlega sagt.

Grein sinni lýkur Sigurður Ingi með þessum orðum:

"Ég tel mjög mikilvægt að í vinnu þingsins við orkupakka þrjú vinni allir þingmenn samkvæmt samvizku sinni að því að tryggja hagsmuni Íslands og gleymi ekki að hlusta eftir þeim röddum, sem hljóma utan þinghússins. Þeim tíma sem fer í að skapa sátt og einingu er ætíð vel varið."

Það fer ekki á milli mála hvað formaður Framsóknarflokksins, eins þriggja stjórnarflokka, er að segja. Hann er einfaldlega að benda á að fyrirvarar þeir, sem utanríkisráðherra hefur kynnt dugi ekki til vegna þeirrar andstöðu, sem er við málið utan þings.

Vonandi hlusta forystumenn hinna stjórnarflokkanna tveggja á Sigurð Inga."

Allir þingmenn Sjálfstæðisflokksins hafa valtað slétt yfir allar mótbárur flokksmanna. Forysta sem þarf ekki á flokki að halda að baki sér er einbeitt í visku sinni að hætti gömlu kónganna sem sögðu :"Vi alene vider."

Sagt er að oft velti lítil þúfa þungu hlassi.

Sigurður Ingi getur hugsanlega orðið að stærri þúfu en einhverjir bjuggust við.

Sjálfstæðisvaltarinn greinilega bifast við og Gulli og félagar hossast. 

Mannvitsbrekkan Áslaug Arna

og þingmaður Sjálfstæðisflokksins lýkur skrifi sínu í Morgunblaðið í dag með þessum orðum:

"... Alþingi ætti ekki og mun ekki hika við að nýta rétt sinn til að hafna innleiðingu og upptöku EES-reglna ef íslenskum hagsmunum er verulega ógnað.

Ekkert í þriðja orkupakkanum, eins og upptaka hans og innleiðing liggur nú fyrir Alþingi, gefur hins vegar tilefni til að nota þann öryggisventil í fyrsta sinn.

Það er og verður stefna Sjálfstæðisflokksins að standa vörð um fullveldi landsins og yfirráð Íslendinga yfir þeim auðlindum sem hér er að finna.

Það á ekki síður við í þessu máli.

[e-mail]"

 

Í Orkupakka 3 stendur svo:

"Aðildarríkin skulu vinna náið saman og

fjarlægja hindranir í vegi 

viðskipta

með raforku og jarðgas 

yfir landamæri  

í því skyni að ná fram markmiðum

Bandalagsins á sviði orku."

Hvar skyldi þeirra orsaka vera að leita sem gera það að verkum að ég get svo illa skilið samhengið skrifum þessa þingmanns Sjálfstæðisflokksins og fleiri slíkra og textans í 3. orkupakkanum?

Eitthvað sem mér er gersamlega hulið.

Hlýt ég ekki greinilega að þurfa á endurhæfingu að halda hjá þessum mannvitsbrekkum flokksins eins og Áslaugu Örnu eða viðeigandi stofnunum þjóðfélagsins á heilbrigðissviði?.

Notre Dame bruninn

sýnir okkur hversu illa menn geta staðið  sig í að hugsa fram´í tímann.

Það var ekki lagður sprinkler í gamla þakið sem var ein tundurgeymsla gamals timburs  úr stórum skóglendum hins forna Frakklands.

Ástæðan sem yfirvöld kirkjunnar bera fram núna  núna er að sprinklerinn myndi skapa eldhættu vegna raflagna sinna!

Þvílíkt og annað eins bull. Ruglað er saman brunaviðvörunarkerfi sem hefði ekki veriðtil mikilla nota þarna, og sprinkler. 

Sprinkler er ekki rafknúinn heldur eldknúinn. Ekkert af þessu hefði orðið svona slæmt ef þakið hefði verið sprinklervarið. Hvað þá öll kirkjan.

Við Íslendingar eigum sjálfsagt ekkert sambærilegt mannvirki við Frúarkirkjuna. En við eigum Viðeyjarstofu, Menntaskólann og Nesstofu, Bessastaðakirkju, Alþingishúsið, Hóladómkirkju og kannski fleiri byggingar sem ekki er beinlínis hagvöxtur af því að brenni.

 

Eru þessi menningarhús sprinklervarin? Eða höldum við að sprinklerkerfi séu bara vesen?

Ýtir NotreDame bruninn ekkert við okkur íslendingum?

 

Þjóðarsjóður

sem ég hef engan heyrt tala fyrir nema Bjarna Benediktsson er hugmynd sem ég ef alls ekki skilið til hver sé.

Peningar þjóðarinnar finnst mér að eigi að fara í innviði en ekki prívatstýrt brask í lífeyrissjóðskum stíl í útlöndum.

Þórólfur Gíslason kaupfélagsstjóri segir svo í Mogga:

"Þórólfur Gíslason, kaupfélagsstjóri Kaupfélags Skagfirðinga á Sauðárkróki, gagnrýnir stofnun þjóðarsjóðs svokallaðs í ítarlegu samtali við ViðskiptaMoggann í dag.

Hugmyndir eru uppi um að arður af rekstri Landsvirkjunar renni inn í slíkan sjóð, sem mæta eigi ófyrirséðum áföllum sem þjóðarbúið verður fyrir í framtíðinni.

„Ég hef miklar efasemdir um þjóðarsjóðinn. Ég held að þar séu menn á villigötum,“ segir Þórólfur.

„Við erum eyja úti í miðju Atlantshafi, en við erum með stórt land með miklar auðlindir og þurfum ekki að hafa neina minnimáttarkennd. Það eru fiskimið í kringum landið, landið sjálft nýtist til matvælaframleiðslu og hingað koma ferðamenn. Landið er orkuríkt, bæði varðandi háhita og fallvötn. Þetta vegur upp á móti fámenninu, og vegur upp á móti því að við erum með mjög dýran aðgang að mörkuðum vegna legu landsins.“

Þórólfur bætir við að nýta þurfi auðlindirnar skynsamlega, og þar með raforkuna því hún þurfi að vega upp á móti öðrum kostnaði sem Íslendingar hafi af vörum og flutningi og slíku.

„Því finnst mér miklu eðlilegra að fallorkan sé nýtt til að auka samkeppnishæfni samfélagsins og fyrirtækja og auka kaupmátt almennings, frekar en að ríkið sé með orkuna á sínum vegum að gera einhvern sjóð sem ég hef miklar efasemdir um að menn hafi einhverja stjórn á, og ætli að láta verða einhvern öryggissjóð.

Ég held að þetta verði bara einhver framkvæmdasjóður.

Við höldum ekki kaupmætti uppi í samfélaginu nema samkeppnishæfni samfélagsins sé í lagi,“ segir Þórólfur. Þá telur hann að menn eigi ekki að vera fikta við lagningu sæstrengs."

Til hvers að búa til sjóð með skattfé?

Þar sem eru peningar eru þjófar á ferð. Áhætta. Alltaf.

Af hverju á ríkið að skattleggja þegna sína og búa til sjóð?

Er Landsvirkjun þá að selja okkur of dýrt ef það er svona mikill afgangur?

Mér finnst það lítið viturlegt. Allsendis ótengt olíusjóði Norðmanna þar sem gróðinn var svo mikill að efahagskerfið þoldi ekki að honum yrði sleppt lausum. Alaska sjóðurinn rann til fólksins.

Ekkert slíkt á við um Landsvirkjun. Þjóðarsjóður er hugmynd sem mér ekki  hugnast.

Orkuskipti?

er orð sem ég var mörg ár að skilja. Þau þýða að skipta út bensíni og olíu svonefndu jarðefnaeldsneyti fyrir tískuorku eins og rafhlöðum, sólar-og vindorku. Heimurinn gengur hinsvegar á jarðefnaeldsneyti og í vaxandi mæli en ekki minnkandi.

Bandaríkin hafa tekið forystuna í olíuframleiðslu heimsins eins og í flestu öðru eftir að Trump tók við embætti.

Enda er grátbroslegt að fylgjast með dagvaxandi örvæntingu demókratanna hér í USA sem vita ekki sitt rjúkandi ráð og ætla jafnvel að bjóða fram ellihruman hálfkommúnista og milljónera Bernie Sanders á móti Trump. Að vísu eru fleiri vænlegri í boði og ekkert er vitað hver verður ofaná. Strákur að nafni Buttikieg borgarstjóri  er ekki óásjáleg Kennedy-typa en bara nafnið, sem hægt væri að snúa út úr sem Bossaklípari er ekki söluvænlegt veganesti að mér myndi finnast.Tala ekki um ef hann stæði undir því því nafni. 

En þetta með orkuna. Hún kemur úr olíunni og gasinu að mestu leyti. Raforka er miklu dýrari hvernig sem reynt er að gera hana vænlegri og gylla hana. Það er iðnaðurinn sem velur.

Hvað er hægt að gera við úrganginn er annað mál sem verður leyst með tímanum og tækninni.

Þetta tal um orkuskipti er meira og minna bara bull sem heimurinn er ekki að fara eftir.

Er sólin hlutlaus?

þegar kemur að veðurfari jarðarinnar? Væri ekki fróðlegt ef ríkisstjórn Íslands myndi tjá sig um þetta atriði svo  við velkjumst ekki í vafa hvað er að valda hlýnunni sem er undirstað tekjuöflunar með kolefnisgjöldum?

Rómverska hlýskeiðið stafaði sem sagt af einhverskonar losun gróðurhúsalofttegunda. Hugsanlega frá útblæstri hesta en rómverski herinn notuðu þá mjög í uppbyggingu heimsveldisins.Svo kom Maunder-Minimum tíminn frá því um 1400 og veðurfar kólnaði mjög allt framundir aldamótin 1900 með meðfylgjandi hörmungum fyrir heimsbyggðina, uppskerubresti og þjóðflutningum okkar fólks til Vesturheims með þeim afleiðingum að þar búa nú jafnmargir Íslendingar og á skerinu sem eftir var.

Þetta skeði auðvitað vegna þess hve Sturlungar og eftirkomendur þeirra tóku myndarlega á útblástursvandanum og hættu Flugumýrarbrennum og slíku athæfi, líklega um of.

Nú stendur ríkisstjórn okkar gagnvart þeim vanda sem útblástur eldfjallanna og flugfélaganna er. Hún hefur samt losunarkvóta WOW Air upp á að hlaupa  sem hún var búin að gefa félaginu af mildi sinni og breytist ekki í CO2 heldur bara í peninga fyrir Skúla og þrotabúið. 

Sólin heldur áfram að skína yfir stjórn og stjórnarandstöðu. Algerlega hlutlaust streymir frá henni óumbreytanleg orka, fasti í öllum útreikningum um hnattræna hlýnun, sem er þó alltaf eitthvað hlutlaust til að  byggja á hvernig sem allt annað veltist og snýst.