Þarf þjóðin Þorgerði?

virðist Páll Vilhjálmsson velta fyrir sér.

" Frá einum flokki í annan elta lán og kúlur formann Viðreisnar. Ef það er kreppa er Þorgerður Katrín mætt til að undirstrika að Jón og séra Jón eru ekki sami maðurinn.

Frjálslyndi Viðreisnar er frjáls umgengni við lög og reglur, boð og bönn.

Undanþágur eru stefna Viðreisnar og lífstíll formannsins ."

Endurtekin atvik almenns dómgreindarleysis fólks sem vill hafa vit fyrir okkur sauðsvörtu virðast ekki kalla á framhald fylgisspektar.

Þarf þjóðin þetta fólk?

Athyglisverðar pælingar

hjá Sigurjóni M. Egilssyni um stjórnmál.

Hann segir á Miðjunni sinni:

"Engum dylst að Katrín Jakobsdóttir er kona og að Bjarni Benediktsson sé karl. Katrín er forsætisráðherra og Bjarni er fjármálaráðherra. Sjálfstæðisflokkur Bjarna leggur til sextán þingmenn í ríkisstjórnina. Vinstri græn Katrínar eru nú með níu þingmenn. Allt eru þetta staðreyndir.

Við erum mörg þeirrar skoðunar að hugsjónir og hagsmunir Sjálfstæðisflokksins séu til muna oftar ofan á. Að Bjarni hafi náð mun meiri árangri í stjórnarsamstarfinu en Katrín. Það hefur ekkert með kynferði þeirra að gera. Alls ekki neitt. Það að Katrín er kona veitir henni ekki friðhelgi.

Katrín er grunuð um að hafa leikið af sér strax í upphafi. Skoðum söguna.

Þegar Davíð Oddsson og Jón Baldvin Hannibalsson hittust á fyrsta fundi sínum í Viðey þegar þeir mynduðu Viðeyjarstjórnina 1991 komu þeir báðir undirbúnir til fundarins. Davíð vissi hvert var helsta mál Jóns Baldvins. Jón Baldvin vissi að sama skapi að Davíð var algjörlega ósammála sér.

Þeir settust niður.

Jón Baldvin byrjaði og sagði að áður en lengra yrði haldið vildi hann taka fram að umsókn að evrópska efnahagssvæðinu, EES, væri ófrávíkjanleg krafa síns og Alþýðuflokksins.

Davíð horfði á Jón Baldvin. Þagði smástund. Svaraði síðan: „Yes sir.“

Jón Baldvin náði fram sinni helstu kröfu. Bara sisona. Hann gáði ekki að Davíð vissi að þetta myndi koma. Samþykkti og eftir það réði hann öllu hið minnsta því sem hann vildi.

 

Sagan endurtók sig árið 2017.

Sagan endurtók sig árið 2017. Bjarni Benediktsson vissi hug Katrínar. Hún var með mun minni þingflokk og vitað var að þar var ekki eining um fyrirhugað samstarf. Þegar hún sagði Bjarna að hún setti fram skilyrði um að hún yrði forsætisráðherra, samþykkti hann það samstundis.

Rétt eins og Jón Baldvin árið 1991 fékk hún samþykkta sína stærstu og fyrstu kröfu. Og sagan hefur endurtekið sig.

Katrín hefur valdið mörgu vinstrisinnuðu fólki sárum vonbrigðum. Engu skiptir að hún er kona. Hver sem er forsætisráðherra verður að þola gagnrýni. Samstarfsfólk hennar verður líka að gera sér grein fyrir að allir forsætisráðherrar eru gagnrýndir. Bæði sanngjarnt og ósanngjarnt, að mati ráðherrans og samherja hans.

Ljósmynd: Stjórnarráðið.

Senn kemur að kosningum. Flokkarnir þurfa að sýna sérstöðu. Hver frá öðrum. Sjálfstæðisflokkurinn býr við að hafa tryggustu kjósendurna. Það er af þeim sem enn styðja flokkinn. Því getur flokkurinn leyft sér meira en hinir flokkarnir.

Að auki eru allar líkur  á að Sjálfstæðisflokkurinn verði ráðandi afl í næstu ríkisstjórn. Ekki Vinstri græn, hvað þá Framsókn. Sjálfstæðisflokkurinn mun reyna á þolrif hinna flokkanna. Hann mun beita sínum harða stálhnefa í ríkisstjórninni.

Bjarni afhenti Karínu lyklana að stjórnarráðshúsinu. En völdin, afhenti hann þau?" 

Það styttist í kosningar. Ekkert afgerandi hefur gerst á kjörtímabilinu sem toppar vandann af COVID. Hverjum verður refsað fyrir pláguna? Það skiptir hinsvegar máli ef einhverjum sem ekki hafa unnið til þess verður umbunað með atkvæðum. Það' er það óvænta.

Ef Inga Sæland og Píratar komast í stjórn þá er framtíðin óviss sem aldrei fyrr. Hvað þá ef Samfylkingarflokkarnir sem báðir vilja koma Íslandi í Evrópusambandið og taka upp Evru geta notað það eins og Jóhanna til að versla með í þeim stíl sem Grjóni er að lýsa.

Pólitísk hrossakaup hafa alltaf viðgengist. Nú talar Framsókn um að rúlla EES samningnum til baka. Má vera að það sé beita sem hefur óvænt áhrif í kosningunum og hægt sé að ná fram breytingum í skiptum fyrir eitthvað annað án þess að Björn Bjarnason verði kallaður að borðinu í það sinn. 

Og hælisleitendamálin eru farin að ganga svo fram af mörgu fólki að það gæti orðið afdrifaríkt að láta sem þau séu ekki til.

Sigmundur Davíð er hinn dökki riddari í öllum þessum málum. Hann hefur margt í hendi sér þar sem hann er ekki bundinn af neinu sem hann þarf að svara fyrir né hefur han látið hanka sig á ábyrgðarlausu kjaftæði einsog flestir hinna sem á þinginu sitja. Mörgum fannst gaman að sjá þá Bjarna og hann hlið við hlið á sínum tíma. Píratar eða Flokkur Fólksins eru ekki raunverulegur valkostur í samanburði við Sigmund Davíð. Og vandséð er hvernig kjósendur vilja gefa VG einkunn fyrir þess tíma á sólarströmdinni.

Það er skemmtilegt að spá í spilin eins og Sigurjón gerir út frá gamalli reynslu.

Því það sem aldrei hefur gerst getur nefnilega alltaf gerst aftur eins og gamli verkstjórinn sagði þegar hann þurfti að pæla í erfiðum málum.

 

54 hælisleitendur

á 3 vikum.

Ásmundur Friðriksson Alþingismaður upplýsir:

"

Í gær kom farþegavél frá Ítalíu en með flugvélinni voru 35 farþegar. Þar af voru 14 hælisleitendur.Mér er sagt að kostnaður (óstaðfest) vegna hvers hælisleitenda sé 6 milljónir og þessir 14 kosta ríkissjóð því 84 milljónir.

Síðustu þrjár vikur hafa komið 54 hælisleitendur og kostnaðurinn vegna þeirra fyrir ríkissjóð því 324 milljónir."

Hver stjórnar þessu brjálæði? Af hverju er ekki hægt að stöðva þetta? Af hverju er þetta lið ekki sett um borð í vélina aftur og sent burtu?  Hversu margir af þessum koma inn á Landspítalann fljótlega? 

Hvað græðir Magnús Norðdahl mikið á því að fá þetta lið í land?

Eru 54 hælisleitendur á 3 vikum náttúrulögmál sem enginn getur stöðvað? 

Gefum okkur tíma

til að kanna málið.

Ólafur Jóhann Ólafsson er fluttur hingað frá New York. Hann lýsir ástandinu þar sem er eiginlega hryllingssaga. Líkhús í Central Park og flutningabílar með kælibúnað í röðum sem líkhús.Þar á alvaran heima um þessar mundir.

Hér heima erum við í alvöru að pexa við allskyns spekinga sem vilja sleppa öllu lausu vegna blandaðra hagsmuna. Vilja ekki leyfa okkar yfirvöldum að reyna að ná smitunum niður með beitingu varúðarráðstafana.Þeim liggur svo á að sleppa sér eins og gerðist þegar við hlýddum þeim of snemma í Ágúst.Þau mistök erum við að upplifa núna. Samt halda þessir aðilar áfram með bullið.

Ólafur segir í bréfi:

 “  Á  fyrstu dög­um mars­mánaðar var ég stadd­ur á góðgerðarsam­komu í New York. Þar var glatt á hjalla þótt talið bær­ist öðru hverju að veirunni sem ný­lega hafði sprottið upp í Wu­h­an í Kína. Spritt­brús­um hafði verið komið fyr­ir við inn­gang­inn, annað var það ekki. Um kvöldið átti ég meðal ann­ars fjör­ugt spjall við tvö lands­fræg leik­skáld sem bæði höfðu verið viðriðin leik­húsið sem gest­ir voru komn­ir til að styrkja. Við töluðum um næsta leik­ár, lífið og til­ver­una. Mánuði síðar voru þess­ir menn látn­ir. Ann­ar um átt­rætt, hinn á sex­tugs­aldri. Sá eldri hafði fyr­ir nokkr­um árum unnið bug á ill­víg­um sjúk­dómi. Sá yngri var hraust­ur og bar það með sér að hann lagði rækt við lík­amann. Hvor­ug­ur þeirra hagaði sér eitt­hvað öðru­vísi en ég þetta kvöld. Ég var bara hepp­inn.

Þegar fyrsta bylgja far­ald­urs­ins reið yfir vor­um við Íslend­ing­ar óviðbún­ir eins og mest­all­ur heim­ur­inn en grip­um skjótt til varna. Við gerðum það sem fyr­ir okk­ur var lagt. Orð þríeyk­is­ins voru guðspjöll dags­ins. Hér ríkti samstaða og það fólk sem lagði sig í líma – og hættu – til að verja okk­ur hin og sinna þeim sem veikt­ust fékk það þakk­læti sem það átti skilið. Veir­an var að miklu leyti kveðin niður og líf margra færðist nær vana­horfi. Úti í heimi var dáðst að fram­gangi okk­ar.

Nú erum við stödd í nýrri bylgju og ólíkt því sem áður var erum við ekki sam­stiga leng­ur. Það er stutt í þræt­urn­ar sem við get­um verið svo dug­leg við. Sótt­varna­lækn­ir er tal­inn ganga of langt. Þríeykið þarf að tönnlast á sömu leiðbein­ing­un­um við okk­ur eins og ung­ling á mótþróa­skeiði. Það spyrst út að óein­ing sé í rík­is­stjórn. Og spek­úlönt­um og sum­um stjórn­mála­mönn­um þykir þetta heppi­leg­ur tími, nú þegar far­ald­ur­inn geis­ar og sjúkra­hús eru byrjuð að fyll­ast, að viðra kenn­ing­ar sín­ar um frelsi ein­stak­lings­ins sem þeir lásu kannski um þegar þeir voru ung­ir og mót­tæki­leg­ir en eiga lítið er­indi í því stríði sem nú er háð – við óvin sem kann ekki einu sinni þá kurt­eisi að klæðast ein­kenn­is­bún­ingi svo við sjá­um hann á færi.

Kvitt­ur um óein­ingu meðal þess fólks sem er kosið til að leiða þjóðina er ekki hjálp­leg­ur. Og aka­demísk­ar hug­leiðing­ar um frelsi eru best geymd­ar þar til þessi plága er geng­in yfir.

Upp á okk­ur hin stend­ur að hrökkva í sama far og í vor. Fara eft­ir ein­föld­um leiðbein­ing­um. Þó ekki væri nema til að vernda þá sem eiga það á hættu að veikj­ast illa. Kannski er það líka auk­inn hvati að minn­ast þess að það gæt­um verið við sjálf sem stæðum í þeim spor­um – ef marka má reynsl­una, þar á meðal mína af góðgerðarsam­kom­unni í vor. Þar hagaði ég mér í einu og öllu eins og þeir sem nú eru ekki leng­ur á meðal okk­ar.”

Í Kára Stefánsson segir tilvitnað í Morgunblaðinu:

“ Kári Stef­áns­son, for­stjóri Íslenskr­ar erfðagrein­ing­ar, sagði á Bylgj­unni í morg­un að töl­ur dags­ins geti verið að þetta bendi til þess að far­ald­ur­inn sé í rén­un. Hann von­ast til þess, en kvaðst ekki geta full­yrt það. 

Tvö­föld skimun áfram nauðsyn­leg

Kári sagði að Ísland væri lík­lega eina þjóðin sem stundaði raðgrein­ingu á af­brigðum veirunn­ar í eins mikl­um mæli og hér er gert. Á grund­velli henn­ar megi álykta að sú veira sem nú er út­breidd um sam­fé­lagið hafi komið inn í landið áður en tvö­föld skimun við landa­mæri tók gildi 19. ág­úst.

Sum­ir vilja að sögn Kára kljást við far­ald­ur­inn með því að hunsa hann.

„Það er hægt að rök­styðja á ýms­an máta þá leið en mér finnst hún ansi óaðlaðandi vegna þess að þú ert raun­veru­lega með því að fórna þeim sem eiga und­ir högg að sækja, gömlu fólki, því sem er með und­ir­liggj­andi sjúk­dóma. Ef þú ætl­ar að fara þá leið að reyna að hemja þessi smit er al­veg nauðsyn­legt á landa­mær­um að hafa tvö­falda skimun,“ sagði Kári.

Nokk­ur umræða hef­ur verið í þriðju bylgju far­ald­urs­ins um að fara ekki í eins harðar sótt­varnaaðgerðir vegna áhrifa þess á aðra þætti í sam­fé­lag­inu en Kári ef­ast um að til sé milli­leið. Annaðhvort hemji maður út­breiðsluna eða leyfi veirunni að flakka: „Ég held að milli­leiðin sem menn eru að tala um sé bara ósköp ein­fald­lega ekki til.“

Fyr­ir­komu­lagið um tvö­falda skimun á landa­mær­un­um virðist ekki á för­um, held­ur er nú miðað við að það gildi til 1. des­em­ber. Þórólf­ur Guðna­son sótt­varna­lækn­ir hef­ur bent á að miðað við þann fjölda sem hef­ur greinst með veiruna í þess­um skimun­um sé ljóst að þær hafi haft til­skil­in áhrif. Án þeirra hefðu þau smit getað hreiðrað um sig í sam­fé­lag­inu.

Áður greindi mbl.is frá því að smit­in væru 75 tals­ins, þar sem það kom fram í máli Kára Stef­áns­son­ar, for­stjóra Íslenskr­ar erfðagrein­ing­ar í Sprengisandi á Bylgj­unni. Frétt­in hef­ur nú verð upp­færð í sam­ræmi við op­in­ber­ar töl­ur.”

 

Á ég að hunsa þessa menn og ekki gefa þeim tækifæri til að rökstyðja sitt mál og gerðir? Fara að trúa einhverjum heimaöldum sérfræðingum sem þykjast allt vita betur en þetta fólk?

Nei, gefum þessum sjónarmiðum tíma til mánaðarmóta til að reyna að ná smitunum niður og heyrum ekki röflið í þeim sem allt þykjast vita betur á meðan.

Ef þetta mistekst þá skulum við fara að reisa bráðabirgða líkhús og safna að okkur kælibílum til að geyma líkin.

Gefum okkur tíma.

Óviðfelldið fólk

finnst mér þessi söfnuður vera sem er kenndur við góða fólkið sem heimtar að öllum hælisleitendum sé hleypt inn til Íslands af mannúðarástæðum. Þetta fólk hefur aldrei sést í hópi sjálfboðaliða hjá fjölskylduhjálpinni hennar Ágerðar Flosadóttur. Það segir fleira en mörg orð um innræti þessa fólks. Það þykist vera svo gott en gerir ekkert í kærleiksverkum sem aðrir svo sitja uppi með og annast eins og fólkið hjá Fjölskylduhjálpinni sem berst í bökkum með allt hjálparstarf. Þar skortir allt frá degi til dags auk samúðarfullra handa.

Eina sem Reykjavíkurborg undir stjórn Dags B. Eggertssonar gerir er að rukka samtökin um húsaleigu í peningum sem verður þá ekki notaður til að kaupa til dæmis 550 lítra af mjólk handa hungruðum daglega.

Það er í rauninni óskiljanlegt hvernig Ásgerður Flosadóttir hefur getað starfað við þessi skilyrði í áratugi.Helmingurinn af öllum matvælum sem Fjölskylduhjálpin útdeilir fer í sama hælisleitendafólkið sem hingað kemur með hjálp þess góða fólks  sem þarna hjálpa ekki með neitt nema kröfugerð og kjaftæði og dansi og söng á torgum.Hræsnarar upp til hópa er þetta fólk. 

Hvað hefur sést til Semu Erlu gera til að hjálpa sveltandi hælisleitendum sem eru áralangir áskrifendur af matarúthlutun fjölskylduhjálparinnar? Eða annars vinstra fólks sem stendur galandi fyrir utan dómsmálaráðuneytið til að afla stökum múhameðskum frekjuhundum samúðar sem eins geta verið stórlygarar eða glæpamenn. 

Við höldum áfram að taka við tugum umsækjenda um alþjóðlega vernd á hverri viku? Góða fólkið segir að þetta fólk sé að koma hingað í atvinnuleit sem er trúlega lítið annað en fyrirsláttur. Hælisleitendurnir eru að koma hingað til að fá frítt uppihald og þjónustu af okkar velferðarkerfi.Á yfirfullum Landspítalanum er þetta fólk að verða auþekktara með hverju degi.

Af hverju í ósköpunum er ekki hægt að snúa þessu dóti við á púnktinum í stað þess að vera að borga lagasnápum fyrir að djöflast á kerfinu og hvetja samúðarhræsnarana áfram?

Ásgerður Flosadóttir situr svo uppi með vandann við að reyna að sjá til þess að þetta sama fólk svelti ekki í hel.Sama fólkið er áskrifendur að hjálpinni ár eftir ár. Hvar er Sema Erla með samúðarhræsnina í þeim biðröðum sem myndast á hverjum degi hjá Fjölskylduhjálpinni?

Mér  býður við hræsnurum og finnst þeir vera óviðfelldið fólk  sem er að reyna að upphefja sjálft sig en ekki að gera neinn hræranlega hlut til raunverulegrar hjálpar.

Kommalygin hrakin

sem Haukur Arnþórsson er búinn að vera að dæla yfir þjóðina í Mogganum og Vísi. 

Kári Stefæansson svarar bullinu svona:

"

Á liðnum vikum hefur Haukur Arnþórsson tjáð sig á prenti um þær aðferðir sem beita mætti í baráttunni við Cov-19 og virðist helst á þeirri skoðun að flest það sem íslensk sóttvarnaryfirvöld hafi gert í því sambandi sé rangt og allt sem Svíar hafi gert sé rétt og göfugt. Þetta er svo sannarlega skoðun sem hægt er að styðja alls konar rökum og töluvert af ágætis fólki hefur stutt. Mér finnst þessi rök slæm og að þau vegi að einni af grundvallarforsendum þess samfélags sem mig langar að búa í sem er sú að við hlúum að þeim sem minna mega sín. Í mínum huga varpaði nefnilega sænska leiðin öldruðum og veikum fyrir ætternisstapa. Kannski Haukur sé mér sammála um þetta atriði málsins en honum finnist eldri borgarar landsins geti einfaldlega dáið drottni sínum af þessari veiru fyrst þeir höfðu ekki vit á því að kjósa hann sem formann félags síns (ég er viss um að Haukur er mér sammála um að þetta sé virkilega slæmur brandari). Þarna rekast hins vegar á tvær skoðanir, mín og Hauks og það vill svo til að íslensk sóttvarnaryfirvöld aðhyllast að nokkru leyti mína skoðun en að engu leyti hans. Ef marka má grein sem Haukur birti á Vísi í dag virðist hann líta svo á að ég sé ábyrgur fyrir vitleysu sóttvarnaryfirvalda eða að ég hafi í það minnsta framið illvirki með því að styðja þau og hann ryður út úr sér staðlausum stöfum um Íslenska erfðagreiningu sem sumar eru aðdróttanir en aðrir ásakanir um glæpi. Nú skulum við skoða staðhæfingar hans:

 

Vitlaus í báða enda.

1. DeCode – sem þjóðin hafnaði að gefa lífsýni fyrir nokkrum misserum – safnar nú lífsýnum þjóðarinnar sem aldrei fyrr.

Svar: Þessi setning er vitlaus í báða enda. Í fyrsta lagi hefur þjóðin aldrei hafnað að taka þátt í rannsóknum Íslenskrar erfðagreiningar. Meira en helmingur þjóðarinnar hefur skrifað undir upplýst samþykki fyrir hinum ýmsu rannsóknum sem við erum að vinna og það er líklega ekkert það athæfi í sögu þjóðarinnar sem stærri hundraðshluti hennar hefur tekið þátt í nema kosningar. Hitt er svo líka rangt, að ÍE sé að safna lífsýnum sem aldrei fyrr. Það er ekkert átak í gangi hjá okkur til þess að safna miklu magni af lífsýnum.

2. Fyrirtækið er í eigu Amgen líftæknifyrirtækisins í Kaliforníu sem segist nota getu og uppgötvanir DeCode til eigin rannsókna og lyfjaframleiðslu.

Svar: Íslensk erfðagreining birtir allar uppgötvanir sem eru gerðar í fyrirtækinu eins hratt og mögulegt er þannig að þær eru öllum lyfjafyrirtækjum aðgengilegar til þess að nýta, ekki bara Amgen. Við höfum oft sagt þetta opinberlega og þar með er það partur af upplýstu samþykktunum sem þátttakendur skrifa undir. Það er hins vegar hagur sjúklinga að það sé í það minnsta eitt lyfjafyrirtæki sem vilji eyða í það orku að skoða uppgötvanir um sjúkdóma þeirra með það í huga að búa til lyf. Það er ekki alltaf sjálfgefið að svo sé.

3. Við erum að gefa bandarísku stórfyrirtæki dýrmætustu upplýsingar um okkur sem við getum gefið um þessar mundir. Fyrr eða síðar getur það kallað til sín eignir sínar á Íslandi og flutt starfsemina milli landa.

 

Hann hefur tekið sér fasta búsetu út í mýri.

Svar: Íslensk erfðagreining á engin gögn um fólk og hefur engan umráðarétt yfir slíkum gögnum og getur því hvorki veitt aðgang að slíkum gögnum né flutt úr landi. Ég, Kári Stefánsson, er ábyrgðarmaður allra gagna um fólk sem eru notuð til rannsókna hjá Íslenskri erfðagreiningu. Ég á ekki gögnin en ég er vörslumaður þeirra og aðgangur minn að þeim er takmarkaður við leyfi Vísindasiðanefndar og blessun Persónuverndar. Ég hef enga heimild til þess að flytja þau úr landi og má svo sannarlega hvorki selja þau eða né nota þau sem veð eða fjalla um þau á annan hátt en Vísindasiðanefnd veitir mér leyfi til

4. Þær rannsóknir sem DeCODE framkvæmir nú eru hins vegar gerðar án samþykkis Vísindasiðanefndar og virðast þær undanþegnar almennum skilyrðum stjórnvalda fyrir vinnslunni. Þannig virðist DeCode og eigendur fyrirtækisins hafa frítt spil með nýjum lífsýnum.

Svar: Það er nokkuð ljóst á þessari staðhæfingu Hauks að hann hefur tekið sér fasta búsetu út í mýri. Skimanir sem ÍE hefur framið í sóttvarnarskyni og fyrir sóttvarnarlækni leiða ekki til söfnunar lífsýna. Strok úr nefholi og munni sem eru notuð til þess að leita að veirunni og allt sem má rekja til þeirra er hent þegar búið er að framkvæma prófið og raðgreina veiruna. Til að byrja með framkvæmdu rannsóknarstofa í veirufræði við Landspítalann og rannsóknarstofa okkar prófin á sama máta en á sitt hvorum stað en nú er búið að sameina þær til þess að samnýta fólk og tæki. Skimunin er aðferð sem sóttvarnaryfirvöld nýta sér til þess að reyna að hemja útbreiðslu veirunnar og er ekki í vísindarannsókn. Það er hins vegar ljóst að Hauki finnst skimunin vond af því hann vill ekki að útbreiðsla veirunnar sé heft heldur hafi hún fullt ferðafrelsi um íslenskt samfélag.

Einu lífsýnin sem eru geymd hjá ÍE eru þau sem hafa fengist frá fólki sem hefur veitt upplýst samþykki og þau eru öll á ábyrgð Kára Stefánssonar en ekki fyrirtækisins vegna þess að Vísindasiðanefnd veitir ekki fyrirtækjum eða háskólum leyfi til rannsókna heldur fólki. Aðgengi mitt, Kára Stefánssonar, að lífsýnunum er með öllu háð leyfum Vísindasiðanefndar. Það hefur engin vísindarannsókn verið gerð hjá ÍE án leyfis Vísindasiðanefndar og engin slík er í gangi.

Hins ber svo að geta að þær ásakanir Hauks að ÍE sé að brjóta lög með því að vinna rannsóknir án tilskyldra leyfa eru alvarlegar og ekki útilokað að hann verði að standa fyrir máli sínu frammi fyrir dómstólum ."

Kommarnir eru alltaf samir við sig. Þeir eru alltaf fyrstir til að fórna þeim sem þeir þykjast þykja vænst um sbr.Stalín sem drap fátæku kúlíana fyrstra manna.

Það er lofsvert af Kára að keyra kommalygina öfuga ofan í Hauk.

Tvíhyggja

okkar Sjálfstæðismanna gagnvart grunnhugsun Sjálfstæðisstefnunnar og Kvótakerfisins í sjávarútvegi kemur fram í grein Gunnars Inga Birgissonar í Morgunblaðinu í dag.Þar segir Gunnar Ingi:

"Ég skrifaði grein í þetta blað í fyrra með sömu fyrirsögn. Margir höfðu samband og voru ánægðir. En þáverandi yfirboðarar í Fjallabyggð brugðust hins vegar ókvæða við, því ég hafði ekki fengið leyfi þeirra fyrir birtingu greinarinnar. Þannig er nú málum háttað á þeim bæ.

Aðför verkalýðshreyfingarinnar, Pírata og Samfylkingarinnar að Flugleiðum hefur verið alveg með ólíkindum. Þetta fólk vildi knésetja fyrirtækið með öllum ráðum og beitti fyrir sig meðal annars lífeyrissjóðum. En þeim varð ekki að ósk sinni þar sem 11.000 einstaklingar keyptu hlut í félaginu, margir hverjir til að sýna stuðning í verki, þannig að atlaga þessara niðurrifsafla geigaði.

Þegar fyrrverandi forsætisráðherra þjóðarinnar lagðist á árar með niðurrifsöflunum fannst mörgum að langt væri seilst. Mér virðist forysta verkalýðshreyfingarinnar þjást af pólitísku ofstæki og skilningsleysi á hvaðan lífsviðurværi þeirra eigin félagsmanna er upprunnið, sem minnir óneitanlega á máltækið „vitið verður ekki í askana látið“.

Kvótakerfið er vinsælt deiluefni meðal þjóðarinnar og sitt sýnist hverjum. Ég hef verið dyggur stuðningsmaður þessa kerfis og stutt með ráðum og dáð. Nú eru hins vegar farnar að renna á mig tvær grímur.

Veiðiheimildum er úthlutað af ríkinu til útgerðanna til mjög langs tíma, á ríflega 10 krónur fyrir hvert þorskígildiskíló. Veiðiskylda útgerðanna er á bilinu 50- 70% og útgerðirnar geta því framleigt 30-50% af úthlutuðum aflaheimildum til annarra kvótalítilla eða kvótalausra útgerða.

En þá kemur að merg málsins, leiguverðið á þessum vægast sagt skrítna markaði er í kringum 200 krónur á hvert þorskígildiskíló. Ég tel að þetta hafi aldrei verið meiningin með kvótakerfinu.

Tökum dæmi; útgerð sem aðallega er með uppsjávarkvóta og einnig botnfiskkvóta getur leigt botnfiskkvótann frá sér. Tvö þúsund þorskígildistonn gefa 400 milljónir í leigutekjur á ári, en greiðsla til ríkisins er 20 milljónir, þannig að nettó-ávinningurinn fyrir útgerðina er 380 milljónir króna.

Það er því augljóslega hagkvæmara að leigja frá sér kvóta en veiða. Breyta þarf tilhögun kvótakerfisins til að skiptingin verði sanngjarnari fyrir ríkissjóð í slíkum tilfellum.

Þetta er því miður í boði míns flokks, Sjálfstæðisflokksins. Fólk og fyrirtæki í landinu fara stöðugt fram á fjármuni úr ríkissjóði vegna kórónuveirunnar. Það sér það hver heilvita maður að slíkt er ekki gerlegt nema með endalausri seðlaprentun og lántökum sem einungis getur endað með skelfingu.

Rétt er að minna landsfeðurna á afleiðingar slíkrar aðferðar í Úganda forðum. Þegar prentvélarnar biluðu og ekki fengust varahlutir varð einræðisherrann, Idi Amin, að flýja land."

Tölur Gunnars um þan gífurlega hagnað sem fólginn er í kvótaeign tala sínu máli. 10 krónu kostnaður gefur tekjur upp á 200 krónur.Árlega!

Vissulega eru glæsileg sjálfbær fiskvinnslufyrirtæki með útópíska tækni um landið aðdáunarverð meðan fiskveiðar í öðrum löndum berjast í bökkum. Og mikið af kvótanum hafa útgerðir keypt til sín ofan ú fyrri úthlutanir.  Einkaleyfisrekstur er auðvitað allstaðar glæsilegur þar sem engin samkeppni er til staðar.En mér er til efa að höfundar Sjálfstæðisstefnunnar um atvinnufrelsi og einstaklingsfrelsi  hafi séð þetta fyrir 1929.

Hvað er þá að?

10 krónur verða að 200 krónum. Er það ekki málið að ríkið sem eru við almenningur fær of lítið í sinn hlut? Stýrikerfið er að virka en það er bara vitlaust gefið eins og skáldið sagði.

Þjáumst við Sjálfstæðismenn ekki af tvíhyggju sem við þurfum að horfast í augu við ef við eigum að ná sáttum við okkur sjálfa?

Verkfræðilegt Vændi

 

Jóhann Elíasson stýrimaður skrifar:

"Að nokkrum heilvita manni detti í hug að senda svona brandara frá sér er alveg með ólíkindum.  Það er alveg á hreinu að ef allar áætlanir hefðu verið raunhæfar þá alveg öruggt að "ábatinn" af verkefninu hefði verið neikvæður. 

Menn geta "reiknað" það út að eitthvað verkefni sé hagkvæmt með því að setja inn hagstæðar forsendur.  Þetta minnir mig á söguna af þremur mönnum, sem fóru  atvinnuviðtal lögfræðingur, verkfræðingur og hagfræðingur.  Sá sem tók atvinnuviðtalið spurði þá alla sömu spurningar,það er "HVAÐ ERU TVEIR PLÚS TVEIR?  verkfræðingurinn og hagfræðingurinn svöruðu eftir bestu samvisku að útkoman væri fjórir en lögfræðingurinn horfði á spyrjandann  og sagði:HVER VILTU AÐ ÚTKOMAN SÉ?  Og lögfræðingurinn fékk vinnuna. 

Er það virkilega svo að allir í meirihluta sveitastjórna á höfuðborgarsvæðinu, séu svo auðtrúa að þeir láti ljúga sig fulla af draumórum þeirra sem eru í meirihluta í einu sveitarfélagi án nokkurra athugasemda??????????"

Að reikna sig í hagnað á grundvelli sparaðs tíma vegna umferðartafa þegar götur hafa verið þrengdar eða aflagðar er stórkostlegt hugmyndaflug.

Manni dettur í hug :Verkfræðilegt Vændi

Lok,Lok og Læs

er eina sem þýðir núna ef takast á að þétta skipið sem er að sökkva undir okkur. Að hlusta á kjaftæði um að slaka á landamærum svo að komi túristar á ekki að ræða heldur keyra áfram grimma stefnu þar til eitthvað gerist, til bóta eða verra. Fyrst ef smitum fer að fækka getum við rætt breytingar. En ekki núna. Það þýðir ekki að tjarga þilfarið ef botnventillinn er opinn

Höldum út í næstu viku og sjáum hvað gerist. Og fíflumst ekki til að slaka allt of fljótt.

Hvað hefur Landlæknir gert í að tala við Moderna eða aðra? Við verðum að fá mótefni eða bóluefni annars drepumst við.

Núna gildir bara Lok,Lok og Læs.

Löngu tímabært

að einangra hælisleitendur og hleypa þeim ekki inn á samfélagið.

Fáráðarnir í Open Borders sleppa sér yfir sjálfsögðum hugmyndum dómsmálaráðherra.

"

„Í óundirbúnum fyrirspurnatíma hér í gærmorgun átti dómsmálaráðherra orðastað við háttvirtan þingmann Þorstein Sæmundsson um málefni fólks sem hefur sótt hér um alþjóðlega vernd. Til að gera langa sögu stutta benti ráðherrann á að í löndum í kringum okkur sé sums staðar sá háttur á að fólk sem bíður brottvísunar sé vistað á „afmörkuðum brottvísunarsvæðum“ á meðan það bíður brottvísunar,“ skrifar Bjarkey Olsen Gunnarsdóttir formaður þingflokks Vinstri grænna.

„Það sem um ræðir er að sjálfsögðu ekkert annað en flóttamannabúðir eða fangelsi og það kemur ekki til greina að setja slíkar á laggirnar af hálfu þingflokks Vinstri grænna. Eins og ráðherrann sagði þyrfti lagabreytingu til að slíkt yrði að raunveruleika og ég leyfi mér að fullyrða að slíkt frumvarp kæmist ekki í gegnum minn þingflokk. Enda er slíkt mál hvergi að finna á þingmálaskrá ráðherrans og ekkert sem hún sagði gefur til kynna að það eigi að hrinda slíku í framkvæmd. Og þó að þingmálaskrár séu oft uppfærðar með tilliti til stöðunnar í samfélaginu myndi afstaða Vinstri grænna ekki breytast ef slíkt mál myndi þar birtast.

Umræðan sem hefur skapast í kjölfarið að um sé að ræða stefnu ríkisstjórnar Katrínar Jakobsdóttur á sér heldur enga stoð í raunveruleikanum. Enda segir í stjórnarsáttmálanum með leyfi forseta

 

„Aldrei hafa fleiri verið á flótta vegna stríðsátaka, ofsókna og umhverfisvár. Ísland mun leggja sitt af mörkum til lausnar á flóttamannavandanum og taka á móti fleiri flóttamönnum. Mannúðarsjónarmið og alþjóðlegar skuldbindingar verða lögð til grundvallar og áhersla á góða og skilvirka meðhöndlun umsókna um alþjóðlega vernd. Auk þess verður tryggð samfella í þjónustu og aðstoð við þá sem fá slíka vernd. Þverpólitískri þingmannanefnd verður falið að meta framkvæmd útlendingalaga og eftir atvikum endurskoða þau.“

Nú vill svo til að ég sit í téðri þingmannanefnd eins og fulltrúar allra flokka hér á Alþingi. Ég hef áður sagt og segi enn að þar mun ég berjast fyrir því að fólk sem hingað sækir fái sanngjarna, réttláta og mannúðlega málsmeðferð. Ég vona að aðrir þingmenn hér inni og þá sérstaklega þeir sem hafa tjáð sig um þessi orð dómsmálaráðherra muni standa með mér í því.

Hugmyndin er fráleit og þetta kemur ekki til greina.“

Bravó áslaug Arna. Drífa í þessu ef þess er einhver kostur eða helst vísa þessu liði úr landi um hæl umsvifalaust.