Hvar er blessaða fjórfrelsið?

sem Evrókratarnir lofsyngja sýknt og heilagt? Og við förum með oftar en faðirvorið.

Frétt í Mogga:

"Evr­ópu­sam­bandið bann­ar birgj­um í lönd­um inn­an sam­bands­ins að selja and­lits­grím­ur og ann­an per­sónu­leg­an hlífðarbúnað út fyr­ir sam­bandið. Þetta þýðir að slík­ar vör­ur eru ekki send­ar til Íslands. Af­greiðslu­bannið gild­ir í sex vik­ur. And­lits­grím­ur og ann­ar hlífðarbúnaður, sem heil­brigðis­starfs­fólk og aðrir í fram­lín­unni þurfa, er þegar upp­seld­ur hjá birgi hér á landi.  

Fyr­ir­tækið Dynj­andi, sem sel­ur ör­ygg­is­vör­ur hér á landi, fékk þessi svör í gær frá birgj­um sín­um í Þýskalandi og Ítal­íu. Það sama gild­ir um Nor­eg."

Aldrei er tekið mark á því ef einhver hér bendir á eiginhagsmunaþjónkun Evrópusambandsríkja. Þetta blessaða fjórfrelsi er okkar heilaga ritning sem við megum ekki efast um að gildi hérlendis án undanbragða.  

Veljum innflytjendur

til Íslands en ekki láta þeim valið eftir.

Haukur Ágústsson skrifar ágæta grein um þetta mál í Morgunblað dagsins.

Lokaorð hans eru þessi:

",,Það er viðtekin pólitísk rétthugsunarskoðun að engin trúarbrögð verði fyrir meiri ofsóknum og andúð en íslam – hugmyndakerfi múslima.

Þó greina mörg mannréttindasamtök frá því að fylgjendur engra trúarbragða verði fyrir viðlíka ofsóknum og þeir sem fylgja hinum kristna boðskap. Að minnsta kosti er það svo að í þeim heimshluta sem kristnin á uppruna sinn í – í Mið-Austurlöndum – hefur þeim sem játa kristna trú fækkað gífurlega á síðustu áratugum.

Frá þessu er lítið greint í íslenskum fjölmiðlum en þó er þetta staðreynd. Ef til vill er hin pólitíska rétthugsun hér enn að verki.

Það virðist viðtekið að halda fram „ágæti“ íslams og því hve illa sé að fylgjendum þess búið. „Friðartrúna“ má ekki styggja (sem væri efni í aðra grein).

Að lokum: Það virðist nokkuð undarlegt að ekki skuli vera valdir til komu hingað til lands sem kvótaflóttamenn hinir kristnu, einkum í ljósi þeirra staðreynda sem hér hefur verið á drepið. Þeir ættu að eiga greiðari leið en múlimar inn í íslenskt samfélag. Það byggist þó á kristnum grunni en ekki alls óskyldri hugmyndafræði íslam."

Manni virðist af fréttum að flestir hælisleitendur séu af múslimsku kyni og samúðinni hjá mótmælendahópunum sé ausið yfir þetta fólk og krafist landvistar og ríkisborgararéttar fyrir það.

Haukur vekur athygli á því að réttar sé og skynsamlegra að velja innflytjendur með tilliti til hvernig þeir geti auðveldar fallið að íslensku samfélagi heldur en óskyldir menningarlega og trúarlega muni fljótar geta gert.

 

Staðreyndin um smáflokkaglundroðann

á Alþingi Íslendinga hefur lengi blasað við. Upphlaup pópúlistanna úr kraðakinu eru stöðug og skringileg en hafa sem betur fer ekki haft nein stjórnmálaleg áhrif ennþá þó að táfýla og skrípalegur klæðaburður sé talin til slíkra áhrifa af gerendum.

Páll Vilhjálmsson orðar vandamálið á sinn hátt:

„Þjóðverjar lokuðu landamærum sínum áður en landamærum Evrópu var lokað gagnvart umheiminum. Þjóðverjar vildu ekki COVID-19 smit frá Austurríki og Ítalíu. Veiran kom úr austri, frá Kína, það var vitað um áramótin. Hvers vegna var landamærum Evrópu ekki lokað strax í janúar? Vegna þess að það var ekkert traust.

Íslendingar eru eyþjóð og háðir samgöngum í austur og vestur. Það kom ekki til greina að loka landamærum Íslands vegna þess að fyrirsjáanlega myndi kórónuveiran koma hingað fyrr en síðar. Sá kostur var tekinn, í samræmi við íslenska hagsmuni að hafa landið opið og setja þá landa okkar í sóttkví sem komu sýktir frá útlöndum. Evrópa í heild gæti aldrei farið sömu leið og Ísland, álfan er of stór og talar of mörg tungumál.

Farsóttin mun drepa þá hugmyndafræði alþjóðahyggjunnar að yfirþjóðlegt vald sé betra en staðbundið. Þess sjást þegar merki í íslenskum stjórnmálum.

Flokkar alþjóðahyggju, Samfylking, Viðreisn og Píratar, eru eins og úldnir kartöflusekkir. Þeir hafa ekkert til málanna að leggja og híma úti í horni, illa þefjandi og skömmustulegir. ESBguðinn var afhjúpaður sem forneskja og hindurvitni.“

Ég sé ekki betur en að Páll komi vel orðum að því sem um er að ræða. Þröskuldurinn inn á Alþingi þyrfti að hækka frekar en að lækka til að hamla á móti smáflokkaglundroðanum.

Útibú bandarískra demókrata

stendur föstum fótum á Fréttablaði Helga Magnússonar.

Þar birtir fyrrum formaður Sjálfstæðisflokksins ritsmíð sem tekur flestu fram í áróðurstilraun gegn Bandaríkjunum, repúblikönum og Trump og sem ég hef lengi lesið.

Bútar úr þessari furðusmíð er hér nokkrir:

 

"....Fyrir vikið eru Bandaríkin nú úr leik sem forysturíki fyrir þeirri alþjóðlegu samvinnu, sem nú er svo rík þörf á þegar neyðarástand ríkir í heiminum öllum.

Og Evrópusambandið er af sömu ástæðu ekki eins samhent og kröftugt og vera þyrfti. Ábyrgð og þekking skiptir sköpum Í þeim heilsufarslegu og efnahagslegu hamförum sem þjóðir heims standa andspænis, skiptir ekki öllu máli hvort ríkisstjórnir standa til hægri eða vinstri eða einhvers staðar þar á milli. Hitt skiptir sköpum, hvort ábyrgð, vitsmunir, þekking og yfirvegun ræður för.

Þjóðir eru verr staddar eftir því sem þær eiga meira undir lögmálum lýðskrumara. Það er sárt að horfa til Bandaríkjanna í þessu ljósi. Þau eru mesta efnahagsveldi í heimi og þar er saman komin meiri og fjölþættari þekking en annars staðar.

En Bandaríkjamenn kusu eigi að síður sjálfhverfan, dómgreindarlítinn og óábyrgan popúlista sem forseta..." 

 

"...Í þessu efni hefur forseti Bandaríkjanna enn minna traust en fyrr. Ríkisstjórn Íslands sýnist hins vegar hafa óskorað traust til þess að sigla þjóðinni í gegnum þennan brimgarð. Skýringin liggur nær eingöngu í ólíku vitsmunastigi æðstu stjórnar ríkjanna og mismunandi viðhorfi til þekkingar og ólíkri ábyrgðarkennd.

Þar munar miklu um framgöngu forsætisráðherra..."

Ég hef ævilangan pólitískan móral af því að hafa stutt þennan vinstri sinnaða Evrókrata, Þorstein Pálsson, gegn Davíð Oddssyni á Landsfundi á sínum tíma. Sá mórall batnaði ekki við lestur á þessari grein. Sem betur fór hafði þessi vitleysa mín ekki meiri áhrif á íslenska stjórnmálasögu heldur en þessi grein Þorsteins mun hafa á niðurstöðu bandarísku Forsetakosningarnar í nóvember.

Í leiðaranum sem ég renni nú sjaldnast yfir yfir í þessu blaði  skrifar Kolbrún Bergþórs svo framboðsgrein fyrir demókratana þar sem þessar klausur standa:

"...Vitanlega yrðu bæði Joe Biden og Bernie Sanders himnasending í embætti forseta Bandaríkjanna miðað við það stórslys sem Donald Trump er. Freistandi er að ætla að Bandaríkjamenn hefðu getað fundið ferskari frambjóðendur. En ekki vildu þeir konu með hugmyndir og lausnir og ekki vildu þeir heldur nútímalegan samkynhneigðan frambjóðanda..."

"...Eitt af fáum gleðilegum uppbrotum í þessari karlasamsetningu er þegar Nancy Pelosi, forseti fulltrúadeildar Bandaríkjaþings, sýnir af sér alkunnan skörungskap, 79 ára gömul. Hún er undantekning frá því sem virðist vera regla, að konur sem komnar eru af léttasta skeiði fái ekki vinnu..."

"...Fyrir fram hefði mátt ætla að fjarska auðvelt yrði að vinna Donald Trump í forsetakosningum, eftir að hann hefur hvað eftir annað opinberað algjöra vanhæfni sína í embætti.

Stórum hópi kjósenda þykir samt töff að hann skuli líta á konur sem leikföng, stimpla múslima sem hryðjuverkamenn og flokka stóra hópa innflytjenda sem glæpamenn. Hann þykir ímynd hins sterka karlmanns sem segir það sem aðrir hugsa en þora ekki að segja upphátt..."

Það er kannski ágætt að kona komin af léttasta skeiði skuli hafa vinnu við að skrifa í einkablað fyrrum Hafskipsendurskoðandans Helga Magnússonar.Sömuleiðis að gamall hvítur fíll af vettvangi stjórnmálanna skuli fá að dunda sér við að skrifa áróðursgrein fyrir demókrata í Bandaríkjunum með þessum hætti og reyna að hafa áhrif á bandarísk stjórnmál eins og Mueller reyndi að klína á Pútín. 

En ég hygg að áhrifin af þessum skrifum muni ekki koma í veg fyrir yfirburða sigur Trump í forsetakosningunum í nóvember að honum heilum heilsu sem demókratar óska honum áreiðanlega ekki.

Donald Trump hefur sýnt það og sannað að tilkoma hans í Hvítahúsið hefur leitt til þess að margt hefur snúist til betri vegar í heimsmálum og innanlands í Bandaríkjunum. 

Sem betur fer mun útibú demókrata á Íslandi á Fréttablaðinu og umboðsskrifstofa Evrópusambandsins ekki ráða þar úrslitum.

Krónan íslenska og kórónuvírusinn

Páll bloggkóngur skrifar svo í dag:

"Án krónu væri Ísland illa statt. Krónan bar tiltölulega háa vexti þegar atvinnulífið var í þenslu. Við getum lækkað vextina núna þegar kreppir að vegna efnahagskreppa knýr dyra.

Hvað getur Evrópa með sina evru gert?

Ekkert. Vextir í Evrópu voru fyrir farsóttarkreppu á núlli.

Evran er ónýtur gjaldmiðill. Krónan aftur bjargvættur lands og lýðs, eins og einatt áður."

Hvað skyldu þeir Talna-Bensi og Bieltved segja við þessu. Logi Már skilur þetta kannski öðruvísi en Páll. Það væri fróðlegt að heyra hans skoðun? Ætli hann haldi áfram að prédika um inngöngu í ESB  vegna ónýta Íslands? Ekki fannst manni mikið mark tekið á Ursúlu formanni? Jafnvel Macron var nú skiljanlegri. Og vandamál Evrunnar hafa þau breyst eitthvað frá því í gær niðri á Ítalíu, Spáni eða Grikklandi þó þeir hafi ekki Ásgeir í Seðlabankanum?

Annars er ég ekki bjartsýnn á framhaldið fyrir heiminn með þessu áframhaldi lengi enn.

Þessi vírus verður að klárast von von bráðar, heimurinn hefur ekki ráð á að loka svona.

Makalaust ef ekki er hægt að vinna ónæmislyf úr fólkinu sem er búið að ná sér. Manni skilst að slíkt sé í gangi en það þarf víst svoddan ósköp af rauðulímbandi í kringum þetta. En kannski finnst leið?

En Vírusinn fer líklega bráðum stjórnlaust í heimsbyggðina og kostar okkur ræflana lífið sem enn hjörum ef vísindunum tekst ekki að sequensera genomið í vírusnum sem þeir eru á fullu með. Ég veit að ég á aðdáendur í athugasemdunum sem segja good riddance ef íhaldinu fækkar. En ég reyni samt að hjara eitthvað  enn varlega þó ekki nema ef væri til að svekkja helvítis kommana.Já innrætið batnar lítið.

Það var saga um bindindismann sem sagði við Einar Benediktsson skáld, að það hefðu verið 2 mýs sem komu að brennivínsskál. Önnur drakk og er dauð. En hin lifir enn góðu lífi sagði bindindismaðurinn. Einar hummaði lítið eitt og bætti svo við: "Og öllum til ama."

En mannkynið kemst af hvernig sem fer og það léttir á pressunni með sumrinu.En eins og er þorir maður varla út fyrir dyr.

En hefur mannkynið efni á þessari tillitssemi við þá veikluðu  ef ekki finnst önnur lausn? Leysir vírusinn þetta sjálfur fyrir okkur? 

Með krónunni íslensku ef ekki vill betur.

Schadenfreude

gæti einhverjum dottið í hug þegar Sólaveig Anna spólar í verkfallinu sínu. COVID19 ætlar að sjá til þess að ekki verður samið við hana í bráð.Liðsmenn hennar skrifa Ármanni bæjarstjóra bréf og heimta samninga.

En er eitthvað að semja um þegar ekki er hægt að gera neitt vegna veirunnar?

Sólveig skrifar:

„Samninganefnd sveitarfélaganna frestar fundum. Eftir hverju er verið að bíða? Við setjum fram þá kröfu að unnið verði hratt og markvisst svo hægt sé að ganga frá kjarasamningi við félagsmenn Eflingar, sem nú hafa verið samningslausir í rétt tæpt ár! Þetta er ólíðandi framkoma við fólk sem sinnir undirstöðustörfum, fólk sem er algjörlega ómissandi. Hingað og ekki lengra, setjist niður og skrifið undir!“

Skipað gæti ég væri mér hlýtt sagði kellingin.  Það er vonandi að verkfallsjóður Eflingar tæmist ekki svo að Gunnar Smári þurfi að þola skerðingu.

Schadenfreude?

 

ESB

hefur afhjúpað sig rækilega á síðustu tímum sem mislukkað stjórnunarlegt apparat. Það er ófært um að taka nokkrar ákvarðanir nema minniháttar sem ókjörnir embættismenn skrifræðisins í Brüssel sem aldrei hefur getað skilað ársreikningi,taka. Ursula van der Leyen er að reyna að ná athygli manna en það bara hlustar enginn á hana heldur bara sína innlendu leiðtoga. Af tvennu illu þá myndi ég heldur hlusta á Loga Má heldur en hana.

Jón Magnússon veltir þessu ginnheilaga fjórfrelsi fyrir sér sem við íslendingar virðum meira en okkar Stjórnarskrá. Hann segir svo í niðurlagi:

"Þessar staðreyndir ættu þó að færa íslenskum ráðamönnum heim sanninn um það, að fjórfrelsið margrómaða er ekki merkilegra en svo þegar kemur að mikilvægum hagsmunum stærstu þjóðríkja E, að þeim finnst sjálfsagt að brjóta gegn því. Af hverju ættum við í EES samstarfinu ekki að hafa sömu viðmið þegar kemur að mikilvægustu hagsmunum íslensku þjóðarinnar og segja þegar kemur að vitlausum orkupökkum sem öðru, það sama og einn framsýnasti forustumaður í íslenskri pólitík sagði forðum.

"Heyra má ég erkibiskups dóm, en ráðinn er ég í að hafa hann að engu." "

Það er ömurlegt hvernig íslenskir atvinnustjórnmálamenn eins og Björn Bjarnason hafa gagnrýnislítið mælt fyrir hverskyns undirgefni við Evrópusambandið. Mér finnst að þeir hafi í allt of litlum mæli reynt að hugsa málin frekar út frá íslenskum sérhagsmunum heldur en sameiginlegum hagsmunum Evrópuríkjanna. Ég tek dæmi þegar RARIK var gert að skipta sér upp sem hefur ekki haft neitt nema ókosti í för með sér og engum manni gagnast að því að ég best veit nema þeim sem fengu nýjar en óþarfar stjórnunarstöður með digrum eftirlaunum. Sömuleiðis eru Persónuverndarlögin algerlega út úr kú að mínu mati og að Helga Þórsdóttir sé búin að fá heimild til að sekta fólk að sínum geðþótta.

ESB er apparat sem hefur mistekist í grunninn. Það er beinlínis hlægilegt að halda því fram að það gæti farið með hervald svo ósamstætt sem það er í samanburði við Rússland og Bandaríkin. Og Evran og myntbandalagið er líka hlægilegt dæmi um mislukkun sem aðeins örfáir stjórnmálamenn hérlendir reyna enn að klóra í bakkann með en erindislítið.

ESB- Nei Takk!

 

Egill Helgason

er mikill meistari í að gera sögulega þætti.

Ég var að horfa á einn þátta hans frá 2014 sem hann gerði í bænum  Riverton.Aldeilis frábær þáttur.

Það vildi svo til að ég kom í þennan bæ þegar ég fór í bændaferð til Kanada fyrir margt löngu. Þar kom ég í Kaupfélagið í bænum og þar töluðu konurnar á kössunum íslensku. Á ganginum frammi hitti ég mann á miðjum aldri  sem sagðist aldrei hafa komið til Íslands. Hann hét Austmann. Hann gæti þess vegna hafa verið frændi minn þar sem afkomendur Jóns Ólafssonar langafa fyrir vestan tóku nafnið Austmann en við gátum samt ekki rakið okkur saman.  En mér fannst hann tala betri íslenzku en ég. 

Það var ógleymanlegt að koma á þessar slóðir landnemanna, sjá öll þessi nöfn, Gunnlaugsson Auto Paint, Hnausar, Eyrarbakki og svo framvegis. 

Mér er sagt að til sé jafnstór þjóð af íslensku bergi brotin þeirri sem við teljum vera hér á landi, að minnsta kosti núna áður en Arabarnir og Múslímarnir sem snjóar inn sem hælisleitendum  velja að taka okkur yfir og skipta um þjóð í landinu.

Við Íslendingar ættum að leggja meiri rækt við tengslin vestur um haf og hætta þessu kratíska Evrópusnobberíi. Við höfum auðvitað það besta frá öllum, sitjandi hér mitt á milli heimanna í austri og vestri.  Mér finnst ég aldrei vera neinn sérstakur Evrópumaður þrátt fyrir langdvalir í Þýzkalandi. Mér finnst ég oft finna til meiri skyldleika við Norður-Ameríkumenn þegar ég er þarlendis.

Styrjöldin þeytti okkur Íslendingum inn í tækniöldina og við náðum fram úr Evrópumönnum á mörgum sviðum. Mér var sagt að varla engin jarðýta hafi verið til í Danmörku 1945 þegar þær voru algengar hér.Og Netið og tölvurnar kom  þetta ekki einna fyrst hingað á leiðinni frá Ameríku til Evrópu?

Snorra-verkefnið og Þjóðræknisfélagið þurfum við að styrkja.

Ég er þakklátur Agli Helgasyni fyrir þessa góðu sögulegu þætti sem hann hefur gert svo marga.

Skemmtiferðaskip

fá ekki lengur að leggjast að í Skandinavíu. Hér skilst manni að séu viðskipti eins og venjulega.

Eða er ekki svo með skemmtiferðaskipin?

Ides Mars

var í Rómverska tímatalinu trúarlegur merkisdagur. 15.mars sem var í dag. 

Þann dag árið 44 f.Kr. var Júlíus Sesar myrtur í öldungaráðinu í Róm.  Síðustu orð hans voru einhvernvegin svona: Et tu mon fil Brutus. Þú líka sonur minn Brutus þegar sá skálkur lagði hann með rýtingi sínum með samsærismönnum sínum.Valdamenn þá fengu hnífasett í bakið eins og íslenskir framsóknarmenn að launum fyrir að reyna að hafa forystu fyrir lýðnum.  

Sesar var orðinn of valdamikill að dómi samþingmannanna sinna. Einskonar Pírataflokkur myndaðist í öldungaráðinu sem sá ofsjónum yfir athöfnum hans  rétt eins og okkar dusilmenni gera á sokkaleistum sínum og malbikunarjökkum á Alþingi Íslendinga í dag. En niðurstaðan varð auðvitað engin af þessum athöfnum nema neikvæð fyrir allan almenning.

Júlíus var búinn að vinna mörg stórvirki við uppbyggingu Rómaríkis sem þarna stóð með blóma. Minni menn  þoldu það auðvitað ekki frekar en þetta kjaftagleiða vinstra undirmálsliðið í íslenskum stjórnmálum í dag sem allt þykist vita en ekkert getur þegar til stykkisins kemur. Eins og sannaðist á samsærismönnunum eftir morðið. Þeir gátu engu til leiðar komið pólitískt frekar en okkar lið myndi geta væri eftir því kallað. 

Með mörgu öðru byggði þessi Júlíus eitt sinn brú fyrir herinn sinn yfir Rín á skemmri tíma heldur en Bandamenn þurftu 1944 fyrir samskonar framkvæmd. Það væru ekki margir verkfræðingar tilbúnir að leika slíkt eftir í dag. 

Ekki veit ég hvernig Júlíus hefði viljað taka á málum eins og þeim sem við okkur blasa í dag með COVID-19. En líklega hefði hann ekki lengi hikað við að taka þær ákvarðanir sem hann hefði talið nauðsynlegar frekar en þegar hann kastaði teningunum og fór yfir Rubikon.

En mælist þér best  verða aðrir hljóðir sagði Einar Benediktsson.

Rás sögunnar breytir enginn afturvirkt. Júlíus varð of stór fyrir samtímann. Því mætti hann örlögum sínum Ides mars árið 44 f.Kr.