Kveðjustund

kemur í lífi hvers manns. Margir tjá sínar tilfinningar á bókfelli  við slík tímamót.Þó mönnum takist misjafnlega er hugurinn að baki ávallt það sem máli skiptir. 

 

Eina slíka hugleiðingu las ég á dögunum sem kom við mig vegna einlægninnar og ástúðarinnar sem að baki orðunum býr.Og því sem máli skiptir mestu i þessu lífi, móðurástin, kærleikurinn og umhyggjan fyrir öðrum sem skín eins og sólin sjálf yfir fjallsbrún að dimmum dal. Ást sonar og þakklæti til móður sinnar að lífi hennar loknu.

Ég leyfi mér að tilfæra þessi orð hér mér til minnis fremur en annað. Hverjir eiga í hlut skiptir ekki máli og ég vona að mér fyrirgefist framhleypnin gagnvart mér bláókunngu fólki að taka þennan texta upp án leyfis. Því er ég mjög efins um hvort ég eigi að gera þetta og ef til vill á ég að eyða þesu þessu bloggi sem óþörfu. Því textinn stendur sjálfur fyrir sér og varðveittur annarsstaðar.    

Það er fegurðin ein og ástúðin sem skiptir máli fyrir mig og knýr mig til ljóða sem áminningu til mín og okkar allra sem fjölskyldna, um nauðsyn þess að að vanda okkur í hinu hversdagslega lífi. Einn daginn er það of seint að ráðstafa nokkru betur.

 "Elsku mamma. Hvernig kveður maður þig í hinsta sinn? Hvernig þakkar maður fyrir alla ástina og umhyggjuna sem þú hjúpaðir mig alla ævi? Hvernig get ég sýnt þér hversu mikið ég elskaði þig og hversu mikið ég reiddi mig á þig sem örugga höfn í lífsins brotsjó?

 Ég sit hérna hjá þér á sjúkrahúsinu með hönd þína í minni og bið þess að þú vaknir hraustari eftir þessa löngu nótt. Ég þrái að fá að tala við þig um svo margt og óska svo heitt að þú verðir hjá okkur aðeins lengur. Þetta gerist allt svo hræðilega hratt. Svo vek ég þig við sólarupprás, horfi í augu þín og uppsker bros.

Þú segist enn vera þreytt og að þú viljir ekki vakna strax – jánkar því að vilja hvíla þig aðeins lengur og ég ákveð að bíða með spjallið.

Ég næ þó að skjóta inn með innlifun „...en þú veist að þú ert besta mamma í heimi!“ og uppsker þetta yndislega bros þitt sem einkennir þig svo ótrúlega. Hvernig þú brosir líka alltaf svo sterkt með þínum skörpu en blíðu augum.

Þetta eru síðustu samskipti okkar – stuttu seinna ertu horfin af þessari jörð.

En kannski eru þessi stuttu samskipti þau einu sem þurfti. Þau einu sem í raun skipta máli nú þegar við lokum hringnum frá fæðingu til dauða. Ég horfi út um gluggann yfir Eiríksgötuna á húsið þar sem þú fæddir mig fyrir hálfri öld og okkar sameiginlega ferðalag hófst á fæðingardeildinni. Einungis 150 metrar eru þarna á milli – frá upphafi til enda okkar samveru á þessari jörð. Lífið er skrýtið.

Þú varst besta mamma í heimi, það er eina sem ég get sagt um okkar samveru. Ég naut alltaf góðs af endalausri gæsku þinni og ró í öllu sem á dundi á ferðalagi mínu með þér sem barn, strákur, maður og svo loks fjölskyldufaðir. Alltaf mætti maður skilningi og ást hjá þér, þegar þú horfðir á mann með skilyrðislausri ást og hallaðir höfði til hliðar með blíðu andvarpi.

Takk fyrir allt elsku mamma. Ég mun sakna þín mikið, en mikið óendanlega er ég þakklátur fyrir allar stundirnar sem við áttum saman og allt sem þú gafst mér í veganesti í lífinu"

Mér finnst þarna sagt flest sem máli skiptir af syni við góða móður af nærfærni og sannleika.Slík orð geta vakið söknuð og eftirsjá fyrir eitthvað sem við sjálf hefðum viljað haga öðruvísi  í okkar eigin  lífi en létum ógert.

Þarna er sögð ævisaga í fáum orðum sem mega gjarnan geymast sem sjálfstæð fegurð um kveðjustund. 

Svo bregðast krosstré

sem önnur.

Í Morgunblaðinu er þessi frétt:

"Það kvað við nýj­an tón í mál­flutn­ingi Stef­ans Löf­ven, for­sæt­is­ráðherra Svíþjóðar, í viðtali í frétta­skýr­ing­arþætti sænska rík­is­sjón­varps­ins, Aktu­ellt, í fyrra­dag.

Þar játaði Löf­ven í fyrsta sinn að glæpa­gengi sem hafa hreiðrað um sig í land­inu mætti rekja til mik­ils fjölda inn­flytj­enda sem komið hafa til lands­ins á und­an­förn­um árum. „Með mikl­um inn­flytj­enda­straumi er ljóst að við get­um ekki staðið und­ir aðlög­un fólks. Þannig eykst hætt­an á vanda­mál­um sem við sjá­um í dag. Það er dags­ljóst,“ sagði Löf­ven i þætt­in­um.

 

Þrátt fyr­ir að glæpatíðni í Svíþjóð sé al­mennt lág, hafa of­beld­is­brot og skotárás­ir sem rekja má til glæpa­gengja farið vax­andi und­an­far­in ár, og kem­ur landið illa út úr sam­an­b­urði við ná­grannaþjóðir í þeim efn­um. Um þrjúhundruð voru í land­inu í fyrra og lét­ust 32. Hef­ur fjöldi slíkra árása fimm­fald­ast frá ár­inu 1996, en Löf­ven og flokk­ur hans, Sósí­al­demó­krat­ar, hafa hingað til ekki viljað tengja ris glæpa­gengja við auk­inn fjölda inn­flytj­enda — eitt­hvað sem flokk­ar á borð við þjóðern­is­flokk­inn Svíþjóðardemó­krata hafa hamrað á.

„Við verðum að tak­ast á við það sem er að, hver sem or­sök þess er. En ég vil ekki tengja af­brot við upp­runa fólks,“ sagði for­sæt­is­ráðherr­ann sem seg­ist hafa áhyggj­ur af því að inn­flytj­end­ur skorti tæki­færi til að aðlag­ast sænsku sam­fé­lagi. All­ir sem geta unnið eiga að vinna, seg­ir Löf­ven, en ef börn al­ast upp við að full­orðnir í kring­um þá séu ekki í vinnu haldi þau kannski að það sé hefðbundið líf og eigi á meiri hættu að leiðast á glap­stigu."

Líklega er Ísland ekki eins aðlaðandi til aðseturs venjulegra ofbeldisglæpasamtaka sem byggja á kúgun fjöldans eins og meðal stórþjóðanna.Hingað flýja fremur einstakir glæpamenn á flótta sem eru komnir í öngstræti.Hér er ekki spurt um uppruna þeirra eða feril heldur aðeins hversu mörg börn þeir eiga og hversu aumlega þeir bera sig.

Afgreiðslulaust kerfið okkar tekur allt trúanlegt sem þeir segja og frásögn þeirra að þeir séu ofsóttir í heimalandinu af ótilgreindum ástæðum teknar trúanlegar. Íslenskir lögfræðingar sjá svo um að afla börnunum samúð með frestun á endursendingum og þegar barnið getur talað íslensku eftir skólavist er forsvarsmaðurinn gleymdur og möguleg fortíð hans. Þó hann vinni hér aldrei handtak þá er framtíð hans hér tryggð á okkar kostnað.

Efist Stefan Löfven um kosti hömlulítils innflutning á svokölluðum hælisleitendum þá ættu Íslendingar að hlusta og líta í eigin barm. Má spyrja um reynsluna af atvinnuþátttöku hælisþiggjenda sem hér hafa vistast síðustu ár? Við því munu líklega engin svör fást.

Af hverju getum við ekki rekið Útlendingastofnun á skilvirkan hátt? Af hverju þurfum við að framleiða vandamál fyrir okkar litla þjóðfélag eftir gargi hjá upphlaupsfólki sem vill fjölga innflutningi hælisleitenda sem allra mest?

Ef krosstré félagslegrar getu íslensks efnahagslífs bregðast sem auðséð er af kveini örorkufólks og bótaþega þegar hælisleitendur síðustu mánaða á framfæsrlu er jafn íbúafjölda Blönduóss, þá er augljóst að dæmið getur ekki gengið upp. 

 

Kirkjuþing?

í einhverri mynd stendur víst  yfir.

Nýlegar ráðstafanir biskups hafa ná því að  þúsund manns til viðbótar hafa séð ástæðu til að segja sig úr þjóðkirkjunni. Var þó víst ærið fyrir.

Skyldi þetta brottfall koma til umræðu á þessu nýmóðins túlkunar-og myndlistar kirkjuþingi? Maður gæti jafnvel látið sér detta í hug að maður á borð við Gunnar Smára hefði verið ráðinn upplýsingafulltrúi kirkjunnar, slíkur er krafturinn í boðskapnum um þessar mundir.

Hvað skyldu múslímar á heimsvísu annars hafa sagt og gert ef spámaðurinn hefði verið sýndur við þvílíkar athafnir og menn teikna nú Jesú Krist við að framkvæma?

Siðmennt ætti kannski að láta sér detta í huga að mæta með flögg og fána fyrir utan stássið hjá nýlista-kirkjuþinginu  til að láta í ljósi að vinsældirnar kunni að hafa dalað fá því sem áður var.

Framtíðarspá

ætla ég að lofa mér að gefa hér og nú. Ekki af því að ég sé spámannalega vaxinn heldur af því að mér finnst vanta dálítið af hvað ef í umræðuna.

Ef Kínverjar hleypa ekki annarri drepsótt af stað af matarmörkuðunum sínum í á næstu mánuðum þá sé ég ekki annað en að bóluefni við COVID verði á boðstólum í vestrænum ríkjum  á fyrstu 3 mánuðum næsta árs. 3 mánuði þar í frá munu flugsamgöngur fara að færast í eðlilegra horf með auknu hjarðónæmi.

Löngu fyrir þann tíma verðum við Íslendingar búnir að ná tökum á nýgenginu hérlendis og farnir að bjóða ferðamönnum áhyggjulaus frí hérlendis eftir inngönguskimun og útgönguskimun sem verður svo sérstætt að ferðamenn munum fara að koma í auknum mæli.

Flugleiðir munu hafa bjargast að hluta um mitt næsta ár og útlitið verður þá mun bjartara.Fáránleiki þess að halda að arftakar WOW muni leysa einhvern vanda liggur æ ljósara fyrir og við  verðum því að veðja á Icelandair  til næsta árs.

Sjáum við ekki fyrir hvaða breyting verður á heiminum ef vísindunum tekst að sigrast á COVID19 og ekkert nýtt af sömu nál kemur í kjölfarið? 

Er ekki auðvelt að gera framtíðarspá við ekki verri væntingar en nú eru uppi?

Stjórnarskrárumræðan

er fyrir löngu hætt að höfða til mín.

Við höfum haft stjórnarskrá frá 1944 sem hefur akkúrat engu máli hefur skipt utan einu sinni. Það var þegar Ólafur Ragnar nýtti ákvæði hennar um málskotsrétt sem enginn hafði tekið  alvarlega til þess dags.

Að öðru leyti hefur Alþingi farið með ákvæði stjórnarskrárinnar eins og því hefur hentað. Kært sig kollótt um jafnan atkvæðisrétt og gefið skít í sameignarákvæði auðlinda og sjálfstæði landsins eftir sínum hentugleikum. Stjórnglæpamenn hafa yfirleitt farið sínu fram alveg óháð einhverri stjórnarskrá og munu gera það áfram.

Sirkusinn sem Jóhönnustjórnin efndi til að búa til nýja Stjórnarskrá endaði út í mýri. Allskyns sérvitringar og ofstækismenn  á borð við Þorvald Gylfason komu saman og sömdu hundrað síðna langhund af meira og minna bulli þar sem margt rakst á annars horn. Gersemalega ónothæft plagg í stíl við höfundana sem voru voru vel þekktir að almennri ruglandi. Sem þeir halda áfram að jarma um að þjóðin hafi samþykkt tillö0guna  í ómarktækri atkvæðagreiðslu án þess að hafa hinn minnsta árangur til þessa sem betur fer.

Pétur Gunnlaugsson virðist hafa hlotið varanlegt áfall af starfinu í stjórnarskrárnefndinni og þrumar dag hvern í Útvarpi Sögu um kosti þess að leggja af fulltrúalýðræðið og afgreiða allt með einhverju beinu lýðræði sem hann kallar svo.  Sem allir sjá að getur ekki leitt til annars en skrílræðis lítilla hópa upphlaupsmanna og ofstækismanna eins og þeirra sem mest hafa verið áberandi í síbyljunni um nauðsyn nýrrar stjórnarskrár. Nægir að þekkja sífellda innhringjendur á Útvarp Péturs til að að sjá afleiðingar slíks beins lýðræðis fyrir. 

Stjórnarskrá verður að vera fáorð og gagnorð sem er nokkuð sem fæstir þeirra  sem sátu að samningi endemisplaggsins þeirra Þorvaldar á sinni tíð verða nokkru sinni færir um að framkvæma.

Því er betur heima setið en af stað farið í þessu eilífa Stjórnarskrármáli. Auk þess myndi svo þjóðin þurfa að virða sína stjórnarskrá, sem verður erfitt verk hjá því hentistefnu fólki sem til Alþingis er valið að stórum hluta vegna lýðræðisskortsins.

Því komumst við Íslendingar ákaflega vel af með að vera laus við afskipti þessa söfnuðar af stjórnarskrármálum um fyrirsjáanlega framtíð. Við erum nefnilega ófær um það sem þjóð að viðurkenna lýðræði.

Því erum við bara allt í plati fólk þegar kemur að umræðum um nauðsyn á nýrri stjórnarskrá vegna sérhagsmunanna sem við setjum ofar öðru þegar á reynir. 

  

 

 

 

 

Kellingavæðingin

í  þjóðfélaginu er að verða alger.

Palli Vil blogggkóngur skrifar:

"Um 90 prósent kennara í grunnskólum eru konur. Drengir fá ekki karlkyns fyrirmyndir þar. Í framhaldsskólum er brottfall drengja um 30 prósent en stúlkna um 20 prósent. Þegar komið er í háskóla er kynjahlutfall nemenda þannig að karlar eru minnihlutahópur: 70 prósent háskólanema eru konur en minna en þriðjungur karlar.

Ísland á heimsmet í lágu hlutfalli karla í háskóla, segir Hermundur Sigmundsson, prófessor í lífeðlislegri sálfræði.

Hvers vegna? 

Jú, skólakerfið er gegnsósa af kvenmenningu. Þöggun drengja byrjar strax í leikskóla og heldur áfram upp öll skólastig. 

Stúlkum er kennt að vera stoltar en drengjum að skammast sín. Kvenmenningin talar með fyrirlitningu um ,,drengjamenningu" og býr til hugtök eins og ,,eitruð karlmennska."

Yfirtaka kvenna á skólakerfinu getur ekki endað vel."

Ég man glöggt  hversu virðulegir karlkennararnir voru í GaggóAust á minni tíð  1950. Stóri Rauður, Litli Rauður, Sveinbjörn Sigurðsson, GUÐMUNDUR ÞORlÁKSSON,ÁRNI MAGISTER ENSKUMAÐUR, HELGI ÞORLÁKSSON, Björgvin Magnússon, GUNNGEIR PÉTURSSON. Ingimar skólastjóri ......,Ástráður Sigursteinsdórsson,  og fleiri.  Meirihluti kallar  og svo kellingarnar færri  færri. Ætli nú séu nokkrir kallar eftir?

Í M.R. voru svo mun fleiri kallar. Þóroddur Basi, Jón Júl,Mangi Finnboga,Mangi franski,Magnús eðlisfræði, Hjörtur Hansson,  GUÐMUNDUR ARNLAUGSSON, BJÖRN BJARNASON, PÁLMI HANNESSON,   GYLFI Þ. GÍSLASON  , Guðni kjaftur, EINAR MAGNÚSSON, GUNNAR NORLAND, Kristinn Ármansson, SIGGI Vegamála, Skúli kollega Þórðarson, Halldór hlaupara. Svo man ég Bodil Sahn eina kvenna þar. Ekki veit ég hvernig hlutfallið er þar núna?

Yfir allt finnst mér helst vera viðtöl við kellingar í öllum blöðum og rásum.Þær eru yfirleitt með allar skoðanirnar. 

En strákar horfa nú yfirleitt heldur meira á stelpur en stráka af einhverjum ástæðum svo kellingavæðingin hefur kannski líka sína kosti?

 

Vitleysan veður á súðum

þegar þjóðir heims taka matinn frá sveltandi fólki í Afríku til að búa til úr honum lífdísil til að gera bensínið fyrir einstæðu móðurina uppi á Íslandi sem  þarf að keyra krakkann sinn í skólann, bæði  verra og dýrara.

Allt eftir forskrift unglingsins með Asberger- Heilkennið sem heldur að hlýnun jarðar geti ekki stafað af sveiflum í útgeislun sólar heldur að útblæstri gróðurhúsalofts af mannavöldum.

Geir Ágústsson skrifar svo:

"Matarsóun

Í rándýrri viðleitni til að reyna minnka notkun á jarðefnaeldsneyti hafa menn dottið niður á svolitla aðferð: Að brenna matvæli!

Þannig er eldsneyti með mikinn orkuþéttleika tekið úr umferð, a.m.k. að hluta, og eldsneyti með lítinn orkuþéttleika notað í staðinn.

Þetta hefur allskyns afleiðingar. Til að byrja með leiðir þetta til verra eldsneytis og dýrara. Vefþjóðviljinn tók þetta ágætlega fyrir í mörgum pistlum, t.d. með eftirfarandi orðum:

Í tíð vinstri stjórnarinnar voru leiddar í lög kvaðir sem þvinga bensínstöðvar til að blanda dýrum og orkusnauðum jurtaafurðum í bensín og Dieselolíu. ... Vínandinn eða korn-etanólið, sem nú er blandað í bensín, er dýrara í innkaupum en bensín. Etanólið er einnig um þriðjungi orkuminna en óblandað bensín. Íblöndunin leiðir því til aukinnar eyðslu í bílvélum og fleiri ferða á bensínstöðvar og þar með aukins innflutnings eldsneytis.

Enn er þessi kjánalega kvöð í gildi, því miður.

En þar með er ekki öll sagan sögð. Hvaðan eiga öll þessi matvæli að koma? Jú, frá ökrum bænda. Bændur senda uppskeru sína í bílvélarnar og hin aukna eftirspurn eftir afurðum þeirra þrýstir upp verði á mörkuðum, m.a. þeim þar sem fólk er að reyna kaupa sér í matinn. Hið hækkandi verð hvetur svo bændur til að leggja enn meira land undir ræktunina, þá vitaskuld á kostnað náttúrunnar. Lokaniðurstaðan er: Fátækt fólk hefur minna að borða, og náttúran fær skellinn.

Af því við viljum ekki nota jarðefnaeldsneyti sem liggur bara í jörðinni og bíður eftir því að breytast í hagkvæma orku."

Umhverfisfasismi vinstra liðsins sem umhverfisráðherrann okkar sem engin kaus er  ötull málsvari fyrir gengur út í þessar öfgar.  Gæska þessa liðs í garð lítilmagnans er óendanleg þó það sjái ekki niður á tærnar á sér í rauntímanum.

Það veður á súðum í umhverfisvitleysunni hjá vinstra líðinu og skálknum AlGore  um allan heim.

Viðreisn veður á súðum

þegar Þorgerður Katrín virkjar Borgarlínuna sem sitt baráttumál.

Hún segir:

"Þorgerður Katrín hefur miklar áhyggjur:

„Með þessu er ég að segja að ég hef verulegar áhyggjur af því að ríkisstjórnin, fjármálaráðherra og aðrir, eins og Vinstri græn í þessari ríkisstjórn, skynji ekki þann mikla bráðavanda sem íslensk þjóð stendur frammi fyrir.

Vissulega hefur margt verið vel gert en atvinnuleysi er mikið og það mun bara aukast á næstu mánuðum og þá þurfum við aðgerðir strax, ekki eitthvað sem ríkisstjórnin er að boða í fjármálastefnu eftir eitt, tvö eða þrjú ár.

Við þurfum að gera þetta strax því að við þurfum að svara aðkallandi ákalli fólks um allt land, ekki síst af Suðurnesjunum, um að það þurfi vinnu.

Þess vegna vil ég hvetja ríkisstjórnina, fólk í Vinstri grænum sem er haldið ákveðinni vanlíðan innan ríkisstjórnarinnar, til að fara í það að hvetja fjármálaráðherra til að ýta við borgarlínu og fara strax í hana, ekki bíða með hana.“

Sem sagt: Gegn atvinnuleysinu á Suðurnesjum vill Þorgerður Katrín vaða í Borgarlínuna í Reykjavík !.

Já mikil er trú þín kona gæti einhverjum dottið í hug.Finnst engum hér vera vaðið á súðum við að klekkja á ríkisstjórninni?

 

 

Af hverju er ekki sópað út úr Útlendingastofnun?

Af hverju er þessari Útlendingastofnun liðinn þetta verkleysi í vinnubrögðum og aðgerðaleysi sem leiðir ítrekað til uppsöfnunar fölskyldna hælisleitenda hérlendis sem enga kröfu eiga á málsmeðferð hérlendis? 

Hversvegna er svona greinilega óhæf Útlendingastofnun látin komast upp með svona sleifarskap sem leiðir til alþekktra fjölskylduharmleikja með samúðarleiksýningum , burtséð frá óþarfa milljarðakostnaði við þetta leikhús fáránleikans?

Til hvers er verið að safna saman í svona leiksýningar í mannúð með reglubundnum hætti eins og góðu og Guðhræddu fólki er boðið upp á í RÚV? 

Af hverju eru mál ekki afgreiða málin jafnóðum eins og lög mæla fyrir? 

Má ekki bjóða svona afgreiðslustarfsemi út? Af hverju er ekki sópað út úr þessu duglausa verkleysisbæli sem Útlendingastofnun greinilega er?

Samúðarfjölskyldan

egypska er á sjónvarpinu. Konu minni finnst hræðilegt að senda þetta fólk úr landi og hefur ákafa samúð með  henni. 

Ég reyni að brynja mig upp og heimta þá sem hafa orsakað núverandi ástand með töfum og vífillengjum verði dregnir til ábyrgðar.Staðan er þeim að kenna að þetta fólk sé ekki löngu farið héðan. 

Ég segist kannski geta samþykkt að þessi fjölskylda fái að vera áfram á framfærslu okkar af mannúðarástæðum sem hún ber enga ábyrgð á heldur íslenskir lagaskúmar. Langt verður til að þessi strangmúslímska fjölskylda  skapi einhver verðmæti fyrir okkar samfélag og verður því áfram byrði á okkur. 

En ég heimta garantí fyrir því að ekki sé verið að vinna samskonar mál með einhverri annarri fjölskyldu sem komi til samúðar eftir svona 2 ár á sömu forsendum.  Er það í boði eða eru lögfræðingar á fullu með fleiri svona fjölskyldur til traktéra okkar samúðarfullu konur á?

Jón Magnússon lögmaðurinn ljúfi skrifar svo:

" Egypska fjölskyldan

Í gær hófst lokaþátturinn í leikritinu um Egypsku fjölskylduna í fréttatíma Stöðvar 2. Áður hafa verið sýndir samskonar lokaþættir leikrita m.a. um albönsku fjölskylduna og afgönsku fjölskylduna o.s.frv. o.s.frv.

Fyrsti þáttur leikritsins: Egypska, albanska eða afganska fjölskyldan kemur til landsins og óskar eftir alþjóðlega vernd, sem hún á engan rétt á. Búinn er til saga, sem stenst ekki þegar betur er að gáð (semsagt lygi). Fjölskyldan nýtur fáránlegra útlendingalaga, fær húsnæði, dagpeninga og læknisaðstoð frá skattgreiðendum. Í ljós kemur að fjölskyldan á ekki rétt á alþjóðlegri vernd og er vísað úr landi. 

Annar þáttur leikritsins:

Synjuninni er mótmælt og vísað til úrskurðarnefndar og málið rekið þar á lögfræðilegum forsendum á grundvelli vitlausu útlendingalaganna, á kostnað skattgreiðenda. Niðurstaðan skv. íslenskum lögum og rétti,: Egypska fjölskyldan á ekki rétt á alþjóðlegri vernd á Íslandi. 

Þriðji þáttur leikritsins: Lögmaður egypsku fjölskyldunnar kemur í einhliða fréttþátt á Stöð 2 og lýsir fjálglega hvílíkt óréttlæti það sé, að fara skuli eftir íslenskum lögum, sem þó eru hvað vilhöllust hælisleitendum í okkar heimshluta. Vísað er til þess, að á þeim tíma sem honum hefur tekist að tefja málið allt á kostnað íslenskra skattgreiðenda, hafi fjölskyldan myndað tengsl og börnin tali hrafl í íslensku. Börnin fá síðan sinn skerf í þessari einhliða frétt. 

Lokaþáttur leikritsins er síðan mótmæli við dómsmálaráðuneytið og þess freistað að fá ráðherra dómsmála til að kikna í hnjáliðunum og víkja til hliðar allri málsmeðferðinni og íslenskum réttarreglum. Geri ráðherra það ekki verður flogið með egypska fjölskyldan til Egyptalands á kostnað íslenskra skattgreiðenda og úti er ævintýri. 

Fari hinsvegar svo, að ráðherra dómsmála kikni í hnjáliðunum og ómerki allt það sem undirmenn hennar hafa gert á grundvelli íslenskra laga, þá heldur egypska fjölskyldan áfram að búa á Íslandi á kostnað skattgreiðenda og fer til Egyptalands eftir hentugleikum í fríum og til að rækta fjölskyldutengsl. 

Skyldi endalaust vera hægt að blekkja fólk til fylgis við málstað kerfisbundins smygls á ólöglegum innflytjendum til landa Evrópu á þeim grundvelli að um mannúðarmál sé að ræða? 

Síðustu 20 mánuði hafa álíka margir hælisleitendur fengið hæli á landinu og íbúar Blönduóss. Munurinn er sá, að íbúar Blönduóss þurfa að vinna fyrir sínu daglega brauði, húsnæði o.s.frv. en skattgreiðendur borga þetta og meira til, að mestu til frambúðar fyrir hælisleitendurna"

Hvað er í gangi á þessari stundu? Hversu margar svona fjölskyldur eru í uppbyggingu á þessari stundu hér í okkar þjóðfélagi sem koma til samúðar hjá konu minni eftir 2 ár?

Hvað er þetta lögfræðingastóð að brugga til að skaða þjóðfélagið með næstu fjölskyldu á grundvelli lagakróka sinna?  Sjálfum sér til framdráttar og tekna auðvitað N.B.

Hvað er þetta  egypska fólk ekki búið að fá í sinn hlut af okkur?  Frían kost og logi í öll þessi ár? Menntun fyrir börnin sín sem hefðu líklega enga fengið annars?  Er þetta ekki bara talsvert?

Fjölskyldufaðirinn getur allt eins verið á flótta undan réttvísinni í sínu heimalandi en sé ekki að flýja ofsóknir vegna hugsjóna sem einhver merkismaður? Slíkt hlotnast yfirleitt aðeins þeim sem fram úr skara á pólitísku sviði. Ekki einhverjum venjulegum meðaljónum eða einhverjum  venjulegum lýð af götunni. Félagar í múslímska bræðralaginu sem eru nú stundum ekki talin fjarskyldir venjulegum hryðjuverkasamtökum sem starfa í Egyptalandi.

 

Allir þessir hælisleitendur, jafnmargir og íbúar Blönduóss á ekki tveimur árum,  hola íslenska verlferðarkerfið að innan þar sem þeir leggja ekkert til nema vandræði. Svo getum við ekki séð fyrir okkar eigin öryrkjum?

Hversu margar samúðarfjölskyldur getum við flutt inn til að standa í sömu sporum efir 2 ár?