Mergurinn málsins

þrátt fyrir væl Sólveigar Önnu og annarra komma um hversu allt sé ömurlegt á Íslandi og hversu illviljað íhaldið er sem hefur komið mest að hagstjórn undanfarinna áratuga, þá eru eftirfarandi staðreyndir í borði:

"Bjarni Benediktsson á Alþingi:

„Þótt vissulega hafi eiginfjárstaða íslenskra heimila versnað tímabundið vegna verðbólguskota hafa laun fimmfaldast og fasteignaverð rúmlega sexfaldast ef litið er aftur 25 ár. Launin fimmfalt upp, fasteignaverðið sexfalt upp.

Á sama tíma hefur verðlag einungis hækkað þrefalt.

Á heildina litið hefur eiginfjárstaða heimila því hækkað mjög mikið þennan aldarfjórðung.“

Lífskjör hafa því batnað í þessu landi síðustu áratugi.

Samfylkingin, Píratar og Viðreisn hafa næsta lítið  lagt til þeirrar þróunar.

Mergurinn málsins er að halda þessum öflum frá áhrifum.

Uppivöðslulýður

fámennur og nöturlegur ræðst á Ráherrabústaðinn og orsakar nauðsyn á lögregluverði.

 Þetta fólk ætlar að garga inn landvistarleyfi fyrir egypsku fjölskylduna sem á að fara úr landi. Beita stofnanir lýðveldisins ofbeldi fyrir sértækt ofstæki.

 Það bíða 80 svona aðilar sem sem eiga að fara úr landi samkvæmt alþjóðlegum reglum og áttu ekkert með að koma hingað eftir að hafa verið vísað frá í öðrum löndum.

Þessi lýður virðist ætla að ákveða það með ofbeldi hverjir hér fá landsvistarleyfi.

Og biskupan blandar sér auðvitað í málið eins og hún sé ekki búin að skandalíséra nóg síðustu daga. Mörgum  finnst kominn tími á að hún taki pokann sinn og láti af embætti fyrir auðsýnt dómgreindarleysi.

 

Egypska fjölskyldan á að fara úr landi án frekari tafa og honórara til Magnúsar Davíðs Norðdahls sem og upphlaupa af uppivöðslulýð.

 

Er krafan um almenningssamgöngur?

Frétt í Morgunblaðinu:

"Tæplega 4.400 bílaleigubílar hafa verið teknir úr umferð það sem af er ári. Alls hafa um níu þúsund bílar verið teknir úr flotum bílaleiga, en samkvæmt tölum Hagstofunnar hefur um helmingur þeirra verið seldur en hinn helmingurinn mun vera án númera.

Fyrstu sjö mánuði ársins seldust 5.673 nýir fólksbílar, eða um þriðjungi færri en á sama tímabili í fyrra. Samdrátturinn felst mest í mun færri bílaleigubílum, en fjöldi þeirra dróst saman um 60% fyrstu sjö mánuði ársins. Liðlega 9.300 færri bílaleigubílar voru í umferð nú í júlí en í sama mánuði á síðasta ári. Þá höfðu ríflega sexfalt fleiri bílar verið teknir úr umferð en árið áður.

Alls voru rúmlega 15.600 bílaleigubílar í umferð í júlí, en leita þarf aftur til ársins 2014 til þess að finna færri bílaleigubíla á götunum. Vextir bílalána einnig lækkað

Sennilegt er að margir af þeim bílaleigubílum sem nú eru án númera verði settir á sölu á næstu mánuðum. Rétti ferðaþjónustan ekki úr kútnum á næstunni má svo búast við að fleiri bílar bætist við þann fjölda.

Kórónuveiran hefur haft meiri áhrif á bílamarkaðinn, sem birtast í sögulega lágum vöxtum. Vextir af lánum til bíla- og tækjakaupa hafa lækkað samhliða vaxtalækkunum Seðlabankans, en sú þróun hefur vafalaust örvað söluna. Vaxtakjör eru mismunandi eftir fjármögnunarhlutfallinu, en gróft á litið má segja að vextir á bílalánum hafi almennt lækkað um tvö prósent."

Skoði maður blöðin þá sýnist manni umfjöllunin vera um bíla og aftur einkabíla. Ekki strætóa, hjól eða labbitúra. 

Þorarinn Hjaltason umferðarverkfræðingur telur augljóst að Reykjavík sé bílaborg eins og aðrar ungar borgir Vesturlanda og færir glögg rök fyrir.

Einkabíllinn er sá samgöngumáti sem nútímamaðurinn hefur valið sér og engin almenn krafa er um auknar almenningssamgöngur.

Burt með þau

stöndum í lappirnar og förum eftir lögum og reglum en ekki tilfinningum.

"Til stóð að vísa þeim úr landi í febrúar

Dooa og Ibrahim segjast hafa orðið fyrir ofsóknum í Egyptalandi vegna þátttöku Ibrahim í stjórnmálastarfi. Útlendingastofnun synjaði þeim um vernd í lok júlí í fyrra og mat að fjölskyldan væri örugg í Egyptalandi.

Var sú ákvörðun staðfest af kærunefnd útlendingamála rúmum 15 mánuðum síðar en til stóð að fjölskyldunni yrði vísað úr landi í febrúar. Tafðist það vegna heimsfaraldurs kórónaveiru.

Magnús D. Norðdahl, lögmaður fjölskyldunnar, hefur áður sagt þau vera ósammála niðurstöðunni og að þau óttist mjög að verða bæði handtekin í Egyptalandi. Þá hafa á tólfta þúsund manns sett nafn sitt við undirskriftalista þar sem brottvísun fjölskyldunnar er mótmælt."

Af hverju á að láta upphlaupslið ráða lögum og lofum?

Hversvegna bíða 80 manns sem svipað er ástatt um brottvísunar?Af hverju líðst þetta sleifarlag hjá Útlendingastofnun? 

Þetta fólk á ekkert erindi hérna og á skilyrðislaust að fara eins og lög og reglur mæla fyrir um.

Stjórnmálastarf mannsins í egypsku fjölskyldunni  er þátttaka í múslímska bræðralaginu sem eru jafnvel hryðjuverkasamtök. Þurfum við að taka afstöðu í slíku innanríkismáli Egypta? Fjölskyldan er búin að njóta gestrisni okkar alveg nógu lengi og má bara vera þakklát fyrir.

 

Við getum fengið þúsundir af svona fjölskyldum til að koma hingað og leggjast upp á okkur.Höfum við efni á svona afgreiðslum?

Burt með þetta egypska fólk og hina 80.

Hvert beinum við mannúðinni?

Gunnar Smári skrifar:

Mig grunar að fólk geri sér ekki almennt grein fyrir hvaðan flóttafólkið kemur, sem hér hefur fengið vernd eða mannúðarleyfi til dvalar hér. Hér er listi yfir þau lönd þaðan sem það fólk hefur komið, sem fékk vernd eða leyfi í fyrra og fyrstu sjö mánuði:

 

 

 

• Venesúela: 282

 

 

• Írak: 91

 

 

• Afganistan: 56

 

 

• Íran: 41

 

 

• Sýrland: 40

 

 

• Sómalía: 37

 

 

• Palestína: 35

 

 

• Nígería: 27

 

 

• Egyptaland, El Salvador, Hondúras, Pakistan og Tyrkland: 6

 

 

• Kamerún og Líbýa: 5

 

 

• Mósambík, Serbía og Túnis: 4

 

 

• Kenía, Perú, Senegal og Súdan: 3

 

 

• Aserbaijan, Chile, Kólumbía, Panama, Tajikstan og Jemen: 2

 

 

• Albanía, Alsír, Bangladess, Erítrea, Fílabeinsströndin, Kenía, Kína, Líbanon, Malí, Marokkó, Óman, Sri Lanka, Úganda og ríkisfangslaus.

 

Ef við skiptum þessu upp í svæði þá eru flest flóttafólkið frá Suður-Ameríku (303), ívið fleiri en frá Norður-Afríku og Austurlöndum nær (300). Næst kemur Afríka sunnan Sahara (87), þá Evrópa (5), Austurlönd fjær (3) og ríkisfangslaus (1)."

 

Margt af af þessum lýð er að flýja sæluríki kommúnistans Gunnars Smára í Venzuela. Er eitthvað að flýja þaðan annað en efahagsmálin? Vantar bara fríkost hjá okkur? Lofsyngur Gunnar Smári ekki þjóðskipulagið sem þar ríkir? Eða jarmar hann hér um mannúð og mildi? Hver trúir svona hentistefnu manni og trúskiptingi?

Meirihluti þessa lýðs sem á þessari skrá á hingað ekkert erindi nema til að betla sér framfæri.Það er ekki að flýja neitt áþreifanlegt umfram það sem almenningur í þessum löndum býr við. Þetta er ekkert spes fólk sem er hundelt vegna skoðana sinna. Þetta er bara betlilýður sem við höfum ekkert við að gera.Og líklega eftirlýstir glæpamenn í bland.

Svo gjósa upp annars samviskulaus kvikindi hér innanlands til að afla því samúðar og græða sjálf á því um leið og tefja afgreiðslur sjálfsagðrar brottvísunar úr hömlu.

Allt kemur þetta niður á íslenska velferðarkerfinu beint.

Þess minna verður afgangs af mannúð fyrir okkar vesalinga.

Vælurnar

um mannúð og mildi standa hástöfum upp úr Magnúsi Norðdahl sem græðir á málarekstri fyrir Egyptana.

Af hverju á ekki að reikna fjölskyldunni til tekna að hafa fengið frítt uppihald hérlendis í 2 ár vegna ræfildóms íslenskra embættismanna í  Útlendingastofnun?  Er íslenskunám barnanna einskis virði? Er dvölin hér í lúxus eisnkis virði fyrir fjölskylduna? Fyrir okkur var hún bar kostnaður sem okkur bar engin skylda til að leggja fram..

Er fjölskyldufaðirinn ekki bara ótíndur hryðjuverkamaður á flótta undan réttvísinni í Egyptalandi og ber börnin fyrir sig að hætti heigla?  Getur hann sannað að svo sé ekki

 

 

„Við telj­um ákaf­lega sorg­legt að láta fjöl­skyld­una und­ir­gang­ast þetta próf eins og þessa brott­vís­un alla í heild sinni. Það skýt­ur auðvitað skökku við að á sama tíma og for­sæt­is­ráðherra lands­ins stíg­ur fram og tal­ar með þeim hætti sem hún gerði í Sprengisandi þá sé verið að und­ir­búa þenn­an brott­flutn­ing eins og eng­inn sé morg­undag­ur­inn,“ seg­ir Magnús Davíð Norðdahl, lögmaður egypskr­ar fjöl­skyldu sem senda á úr landi á miðviku­dag. 

Und­ir­bún­ing­ur fyr­ir brott­vís­un er nú í gangi og er skimun fyr­ir kór­ónu­veirunni hluti af þeim und­ir­bún­ingi. Magnús tel­ur að und­ir­bún­ing­ur­inn sé ekki í sam­ræmi við um­mæli for­sæt­is­ráðherra um að skoða þurfi lang­an málsmeðferðar­tíma fjöl­skyld­unn­ar sér­stak­lega, sem er 15-16 mánuðir eft­ir því hvernig litið er á málið, og að biðin eft­ir úr­lausn hafi verið ómannúðleg. Magnús tel­ur að orð Katrín­ar, sem hún lét falla í Sprengisandi um helg­ina, hafi verið stuðnings­yf­ir­lýs­ing við fjöl­skyld­una. 

„Það þarf ekki annað en að hlusta á það sem hún seg­ir. Hún til­tek­ur að það sé ómannúðlegt gagn­vart þess­um börn­um að láta þau und­ir­gang­ast meðferð af þessu tagi og líka þá önn­ur börn í sam­bæri­legri stöðu. Þetta verður ekki skilið á ann­an hátt en stuðnings­yf­ir­lýs­ing við fjöl­skyld­una.“

Ómannúðlegt ef svör fást ekki frá rík­inu

Aðstæður geti breyst hratt

Magnús seg­ir að þrátt fyr­ir að brott­vís­un sé fyr­ir­huguð á miðviku­dag geti margt enn gerst. 

„Dag­ur­inn er ný­byrjaður. Það er fyr­ir­hugaður rík­is­stjórn­ar­fund­ur á morg­un sem og í alls­herj­ar­nefnd. Aðstæður geta breyst hratt. Það sem ég vil taka fram líka er að það hlýt­ur að hafa ein­hverja merk­ingu þegar for­sæt­is­ráðherra tal­ar með þess­um hætti. Hún fer fyr­ir rík­is­stjórn­inni.“

Frétt af mbl.is

„Kerf­is­bundið of­beldi“ gegn hæl­is­leit­end­um

Heild­stæð skoðun á mála­flokkn­um mun ekki bjarga fjöl­skyld­unni, að sögn Magnús­ar. Spurður hvað myndi forða þeim frá brott­vís­un seg­ir Magnús: 

„Áslaug Arna gæti til að mynda breytt reglu­gerð 540/​2017 með mjög ein­föld­um hætti til þess að koma í veg fyr­ir að mál af þessu tagi komi upp. Hún seg­ir ekki kær­u­nefnd út­lend­inga­mála fyr­ir verk­um en ráðherra get­ur að sjálf­sögðu gefið út ein­hvers kon­ar al­menn leiðbein­andi til­mæli út til stjórn­sýsl­unn­ar. Nær­tæk­ast væri að breyta reglu­gerðinni.“

Hafa dvalið rúma 16 mánuði hér­lend­is

Magnús er ósam­mála full­yrðingu Áslaug­ar Örnu um að ekki sé við kerfið að sak­ast hvað varðar lang­an málsmeðferðar­tíma í máli egypsku fjöl­skyld­unn­ar. Hann bend­ir einnig á að ef ekki er kveðinn upp úr­sk­urður inn­an 16 mánaða á stjórn­sýslu­stigi sé heim­ilt að veita barni dval­ar­leyfi á grund­velli mannúðarsjón­ar­miða. 

„Þegar niðurstaða var kveðin upp í þeirra máli og þeim birt sú niðurstaða voru liðnir 15 mánuðir og 11 dag­ar. Þá var þeim gef­inn 30 daga frest­ur til þess að yf­ir­gefa landið. Á meðan þess­ir 30 dag­ar líða eru þau í lög­legri dvöl í land­inu. Þau ná 16 mánuðum og 11 dög­um í lög­legri dvöl á land­inu,“ seg­ir Magnús og bæt­ir við:

„Það er aft­ur á móti spurn­ing um það hvar þú átt að draga mörk­in. Hvort það sé við upp­kvaðningu úr­sk­urðar eða þegar frest­ur til að yf­ir­gefa landið renn­ur út ell­egar við fram­kvæmd frá­vís­un­ar eða brott­vís­un­ar. Það eru ólík­ar túlk­an­ir á því hvernig eigi að meta þenn­an málsmeðferðar­tíma sem slík­an. Stóru breyt­ing­arn­ar sem við mun­um sjá í mála­flokkn­um eru ef­laust breyt­ing­ar á því hvernig þessi málsmeðferðar­tími er túlkaður.“

Magnús tel­ur að orðræða dóms­málaráðherra um málið sé ólík orðræðu for­sæt­is­ráðherra. Áslaug sagði þó í sam­tali við mbl.is í gær að hún væri sam­mála Katrínu um það að ómannúðlegt gæti tal­ist að láta fólk dvelja hér­lend­is of lengi í óvissu um hvort það yrði sent úr landi. 

„Áslaug Arna er auðvitað hluti af rík­is­stjórn­inni. Það hlýt­ur að hafa ein­hverja merk­ingu þegar for­sæt­is­ráðherra, sem fer fyr­ir rík­is­stjórn­inni, fer fram með þeim hætti sem hún gerði í Sprengisandi í gær. Rík­is­stjórn­in verður að koma fram sem ein heild í mál­um sem þessu.“

Vill Magnús gefa upp hvað hann er búinn að græða á málarekstrinum fyrir fjölskylduna?

Er fjölskyldan ekkki búin að fá bara ágæta 16 mánaða ókeypis frí á Íslandi?

 

Þessar reglubundnu vælur vegna ræfildómsíslenskra embættismanna og lagasnápa sem eru að gera út á eigin hag undir yfirskyni mannúðar er hundleiðinlegar.

•  

Ef Biden vissi?

hvað var að í Ameríku?

 

Já hversvegna sagði hjenn ekkrt þá?

Borgarlínan

er lífseigt umræðuefni. Mikið af því stafar frá því að formælendurnir eru rökheldir.

Það er ekki hægt að rökræða við Dag B. Eggertsson, Hjálmar Sveinsson eða Sigurborgu Ósk Haraldsdóttur um kosti og galla Borgarlínu  þar sem þau hafa niðurstöðu sem ekki verður frá kvikað.Þetta fólk hefur höndlað stórasannleika sem ekki verður breytt.

Almenningssamgöngur skulu verða 12 % af öllum ferðum hvernig sem allt veltur. Í þeirri vegferð skal einkabílnum gert sem öndugast að komast leiðar sinnar og ekkert opinbert fé skal sett í að greiða fyrir umferð.

Sundabraut eða nýbyggingarsvæði skulu  ekki lögð fyrir bílaumferð heldur fyrir almenningssamgöngur og "gangandi og hjólandi" umferð. Ekkert skal byggt af nýjum íbúðum nema almenningssamgöngur hafi verið settar upp fyrst. 

Við þessar aðstæður stoðar lítt að koma með rök eða dæmi frá erlendum borgum.Niðurstaðan er þegar  fengin. Og það sem merkilegra er að skoðanakannanir benda til þess að þessi stefna verði endurkosin.

Það er því lofsvert þegar maður eins og Þórarinn Hjaltason umferðarverfræðingur með áratuga reynslu hérlendis sem erlendis  tekur til máls um samgöngur á höfuðborgarsvæðinu þó ekki nema til annars en að vekja athygli á rökleysunni.

Þórarinn er þekktur að því að segja fremur minn en meira  í rökræðum og láta andstæðinga njóta vafans fremur en hitt.

Þórarinn skrifar svo í laugardagsblað Morgunblaðsins sem ástæða er til að staldra við:

 

" Í umræðum um borgarlínuna hefur komið fram að ein helsta fyrirmyndin sé fyrirhugað 50 km hraðvagnakerfi (Bus Rapid Transit, BRT) á Stavanger-svæðinu, þar sem búa 242.000 manns (2015) og reiknað með fjölgun upp í 300.000 árið 2040.

Hlutur almenningssamgangna í Stavanger er 8% af ferðum og áætlað er að auka hann í 15% árið 2040. Í Noregi eins og reyndar víðast hvar í Evrópu eru borgir mun eldri en höfuðborgarsvæðið og miðborgirnar gjarnan frá miðöldum. Götur eru þröngar og sums staðar varla bíllengd á milli húsa.

Einkabíllinn rúmast illa í evrópskum miðaldaborgum og þess vegna er eðlilegt að strætó og lestir gegni þar stærra hlutverki heldur en hér á höfuðborgarsvæðinu. Í samræmi við þetta er bílaeign á álíka fjölmennum borgarsvæðum í Evrópu yfirleitt miklu lægri en á höfuðborgarsvæðinu.

Með tilkomu borgarlínu er áætlað að auka hlut strætó úr 4% upp í 12% af ferðum árið 2040, sem er 200% hlutfallsleg aukning. Höfuðborgarsvæðið er bílaborg og áratuga hefð fyrir því að fólk noti þá bíla sem það hefur til umráða.

Skráð ökutæki á Íslandi eru yfir 1.000 á hverja 1.000 íbúa. Það er því afar hæpið að markmiðið um að þrefalda hlut strætó náist.

Bílaborgir

Trúlega er Reykjavík mesta bílaborg í Evrópu miðað við höfðatölu. Það segir e.t.v. ekki mikið, þar eð lítið er um bílaborgir í Evrópu.

Hins vegar eru borgir í BNA, Kanada, Ástralíu og Nýja-Sjálandi, sem eru álíka stórar og höfuðborgarsvæðið, bílaborgir. Hver er skýringin?

Þessi lönd eiga það sameiginlegt að þar bjuggu tiltölulega fáir frumbyggjar á miðöldum. Síðan hefst bylgja innflytjenda til þessara landa fyrir 100-200 árum.

Vöxtur borgarsvæða með 200.000-300.000 íbúa hefur því að mestu átt sér stað eftir að bíllinn kemur til sögunnar. Það sama gildir um höfuðborgarsvæðið, sem taldi aðeins um 10.000 íbúa um aldamótin 1900. Það er því eðlilegt að höfuðborgarsvæðið sem og borgarsvæði af svipaðri stærð í ofangreindum löndum séu skipulögð sem bílaborgir.

Reynsla af borgarlínu á Eugene-svæðinu í Oregon

Fyrir rúmum tveim árum síðan kannaði ég samgönguáætlanir 36 borgarsvæða í BNA með 200.000 – 300.000 íbúa. Á aðeins tveim þessara borgarsvæða voru hraðvagnakerfi í uppbyggingu.

Annað borgarsvæðanna í BNA með 200.000 - 300.000 íbúa, sem hefur tekið í gagnið hraðvagnakerfi, er Eugene-svæðið í Oregon. Áætlað er að íbúum á svæðinu muni fjölga úr 252.000 upp í 307.000 á tímabilinu 2015-2035.

Fyrsti áfangi kerfisins var tekinn í notkun 2007, þriðji og síðasti áfanginn 2017. Á svæðinu eru komnir um 28 km af BRT-leiðum. Fróðlegt er að skoða hvernig ferðavenjur til vinnu breyttust á tímabilinu 2009-2018.

Á Eugenesvæðinu fækkaði ferðum með strætó til vinnu um 10% á tímabilinu, þrátt fyrir töluverða uppbyggingu hraðvagnaleiða og 6% fjölgun íbúa.

Ferðum með fólksbíl til vinnu, sem voru að jafnaði um 87.000 árið 2009, hafði aftur á móti fjölgað upp í tæp 100.000 árið 2019.

Leiðakerfi strætó á Eugenesvæðinu er í endurskoðun. Væntanlega verður niðurstaðan sú að leiðum verði fækkað og ferðatíðni aukin á þeim leiðum sem eftir verða. Þótt farþegum hafi fækkað í kerfinu í heild þá fjölgaði þeim í BRT-hluta kerfisins. Árlegur fjöldi farþega er um 10 milljónir. Til samanburðar er árlegur fjöldi farþega með strætó á höfuðborgarsvæðinu um 12 milljónir.

Reynsla af borgarlínum í stærri bílaborgum

Í BNA, Kanada og Ástralíu er búið að byggja upp nokkrar borgarlínur í meðalstórum og stórum bílaborgum. Reynslan af þeim hefur verið misjöfn. Yfirleitt hefur farþegafjöldi aukist umtalsvert, eða að jafnaði um nokkra tugi prósenta á samgönguásum borgarlínanna.

Hins vegar er þó nokkuð breytilegt hve stór hluti nýrra farþega er fyrrverandi bílstjórar. Það þykir gott ef fyrrverandi bílstjórar eru meira en 20% af nýjum farþegum og sjaldgæft að hlutur þeirra sé meiri en 50%. Aðrir nýir farþegar eru þeir sem höfðu áður verið farþegar í fólksbíl, gengið eða hjólað. Eða þá að þeir hefðu hreinlega ekki ferðast nema vegna þess að þjónusta almenningssamgangna var bætt.

Eftir því sem bílaborgir stækka er yfirleitt auðveldara fyrir strætó/ lestir að keppa við einkabílinn. Í Los Angeles er hlutur almenningssamgangna um 10% af öllum ferðum.

Í litlum bílaborgum í BNA er hlutur strætó yfirleitt aðeins örfá prósent. Ofangreind reynsla frá erlendum bílaborgum gefur ekki tilefni til bjartsýni um að markmiðið um 12% hlut almenningssamgangna af ferðum á höfuðborgarsvæðinu náist."

Það er merkilegt hvernig stjórnmálahreyfing eins og sú sem sameinuð stendur i Reykjavík í skipulagsmálum, skuli geta háð styrjöld gegn svo mörgum mismunandi sjónarmiðum kjósenda  í í einu.

Það er hugsanlega að átökin eru um svo margar vígstöðvar að athyglin nær aldrei að stöðvast við eitt atriði i einu.

Dagur B. Eggertsson heldur langar ræður með mikilli orðanotkun um allt og ekki neitt þannig að umræðan verður einn hrærigrautur þar sem enginn sér til lands eða niðurstöðu.

Umræðan um Borgarlínu og raunar Sundabraut einnig er stödd á þeim stað og kemst ekki upp úr þeim hjólförum með meðvirkni annarra sveitarstjórna á höfuðborgarsvæðinu.

Moderna

er að búa til bóluefni sem er ekkert tengt veirunni heldur erfðafræðilega hannað.

Núna eru 23 497 manns í prófun hjá fyrirtækin. Ekkert slæmt hefur komið í ljós og bóluefnið virkar í mannöpum.

Það eru verulegar vonir með að það komi jákvæðar fréttir af þessu efni á næstu mánuðum. Vonandi tekst að ná í næga sjálfboðaliða til að prófa.Því miður er það bara í gangi í  USA og gengu því frekar of hægt.

En heimurinn verður fljótur að taka við sér ef næst að útbreiða ónæmi fyrir Kínapestinni áður en sú næsta þaðan dynur yfir. Menn hugsi sér bara hvað gerist ef þetta tekst.Allt á fljúgandi ferð aftur.

Vonandi getur Moderna hert á rannsóknunum á mRNA í þessum 3. fasa rannsóknanna og vísindi þess og annarra sem eru með langt komin bóluefni  verði brátt mögulegt að fara að frelsa mannkynið úr þessari úlfakreppu.

Enrollment Update:

23,497 participants enrolled

in the COVE Phase 3 Study as of Friday, September 11, 2020 at 5:00 pm ET

 

Enrollment Trends by Week:

Gangandi og hjólandi

samgöngur eru það sem eru leiðarljós  við alla byggð nýja og gamla í Reykjavík. Almenningssamgöngur verða að koma á undan allri skipulagningu nýrra íbúðabyggða eins og Keldnalandsins.Ef Sundabraut er aðeins til að minnka loftgæði með aukinni bílaumferð  þá er meirihluti Borgarstjórnar á móti lagningu hennar.Það eru almenningssamgöngur sem öllu máli skipta í uppbyggingu nýrra íbúðarhverfa segir Sigurborg Ósk Haraldsdóttir Pírati og forystumaður allra samgöngumála Reykjavíkur.

 

 

Eyþór Arnalds bendir á að hlutfall almenningssamgangna sé 4 % og meirihlutinn hafi sett sér að auka í 8 % án þess að nokkuð hafi gengið eftir.Nú sé stefnan sett á 12 % án sýnilegs árangurs.

Hann spyr hvar séu hundruð milljarða að finna í Borgarlínu sem engin rekstraráætlun sé til fyrir og nýjan flugvöll fyrir innanlandsflugið sem nú sé verið að niðurgreiða. Borgin hafi sjálf fest flugvöllinn í sessi og Sundabraut í Samgönguáætlun.  

Það er eiginlega ekki hægt að ætlast til þess að meðalsnoturt fólk eigi að hlusta á málflutning eins og Sigurborgar Óskar svo gersamlega hann er úr takti við alla heilbrigða skynsemi.

Hún er algerlega rökheld í raunverulegum vandamálum umferðar og hvernig fólk vill lifa og starfa. Svo þegar hún gat ekki meira rætt um raunveruleg mál þá réðist hún persónulega á Eyþór og svo Sjálfstæðisflokkinn í heild  fyrir viðskipti hans við Samherja og þá sjálfkrafa tengsli í við alþjóðlegar mútugreiðslur.

Neðar getur ekki nokkur stjórnmálamaður lagst.

Ég held að ég hafi aldrei orðið vitni að annarri eins heimsku, fáfræði og ósvífni í málflutningi neins sem er í stjórnmálum og þessarar  Sigurborgar Óskar Haraldsdóttur. Manneskju sem hefur það að æðsta markmiði sem formaður skipulagsmála í Reykjavík að útrýma einkabílnum, þeim samgöngumáta sem 96 % íbúa og kjósenda í Reykjavík hefur valið sér.

Við manneskju eins Sigurborgu Ósk er að mínum dómi ekki hægt að eiga vitrænar samræður um raunveruleg stjórnmál.

Eyþóri var vorkunn að þurfa að sitja andspænis slíkri foráttuheimsku um ferðamáta fólks og samankomin er í þessum formanni skipulagsmála í Reykjavík  sem íbúar geta ekki farið ferða sinna gangandi og hjólandi þó ekki væri nema vegna veðurfars á Íslandi auk vegalengda.