Á að versla við Vðreisn?

Hér fer á eftir ræða Styrmis Gunnarssonar á stofnfundi félags um fullveldi Islands í ágúst 2018.

 

"Hvers vegna að stofna félag um fullveldismál Íslands?

“We’ve learned that quiet isn’t always peace”
Amanda Gorman

 

Flestir Íslendingar telja að Íslandi eigi að vera frjálst og óháð land. Þannig er hagur þjóðarinnar best tryggður og þannig getum við með stolti tekið þátt í alþjóðlegri samvinnu án þess að aðrar þjóðir geti sagt okkur fyrir verkum. Á þann hátt verða tækifæri okkar fleiri bæði heima og að heiman og við getum komið fram við aðrar þjóðir með stolti og virðingu og án þess að vera leppar einhverra annarra ríkja.  Þannig getum við lagt mest að mörkum í síbreytilegum og ótryggum heimi.

Sjálfstæðisflokkurinn var á sínum tíma stofnaður um frelsi þjóðarinnar. Hans aðalstefnumál  var skýr og óumsemjanleg krafa um frjálsa þjóð í frjálsu landi. Fyrsta aðalstefnumálið var „að Ísland taki að fullu öll sín mál í sínar eigin hendur og gæði landsins til afnota fyrir landsmenn“ og hitt var „að vinna í innanlandsmálum að víðsýnni og þjóðlegri umbótastefnu á grundvelli einstaklingsfrelsis og atvinnufrelsis með hagsmuni allra stétta fyrir augum.“ Þessi aðalstefnumál eru enn grunngildi flokksins. Það eru sagnfræðilegar ástæður fyrir því að flestir Íslendingar vilja ekki inngöngu í  Evrópusambandið (ESB). Sumir segja þetta tilfinningar en eins og með margar tilfinningar byggir þessi tiltekna tilfinning á gefinni reynslu.

Í þessu ljósi getur verið að einhverjir hafi orðið hissa þegar fréttist af stofnun sérstaks félags sjálfstæðismanna um fullveldismál 1. desember 2019. Undir öllum venjulegum kringumstæðum stofnun slíks félags innan flokksins að vera óþörf

Í dag er öldin önnur. Nýlega samþykktu allir þingmenn Sjálfstæðisflokksins innleiðingu þriðja orkupakka ESB (OP#3) í íslensk lög, að aðeins einum þingmanni undanskildum (Á.F.). Hvað veldur? Skýringuna er ekki að finna í lögum eða reglugerðum Sjálfstæðisflokksins því í 1. kafla, 7.gt. skipulagsskrár flokksins segir um landsfund:

“Landsfundur hefur æðsta vald í málefnum flokksins. Hann markar heildarstefnu flokksins í landsmálum og setur reglur um skipulag hans.”

Á landsfundi Sjálfstæðisflokksins, haldinn í Laugardalshöll 16. – 18. mars 2018 segir eftirfarandi í Ályktun Atvinnuveganefndar í kaflanum um Iðnaðar- og orkumál:

“Sjálfstæðisflokkurinn hafnar frekara framsali á yfirráðum yfir íslenskum orkumarkaði
til stofnana Evrópusambandsins.”(leturbreyting bloggarans)

Lögfræðingar sem sérfróðir eru um stjórnskipunarrétt og stjórnarskrármálefni hafa lýst áhyggjum af því að Alþingi hafi með innleiðingu OP#3 í íslenskan rétt yfirstigið mörk stjórnarskrárinnar með því að opna fyrir framsal yfirráða yfir orkuauðlindum Íslands til erlends yfirþjóðlegs valds. Mörgum kann að koma þetta á óvart, einkum þar að lýðræðislega kjörnir fulltrúar Sjálfstæðisflokksins stóðu allir sem einn fyrir og stóðu þétt að baki þessum gjörning, sem er framsal á fullveldi landsins í eigin orkumálum. Íslenska þjóðin hefur aldrei verið spurð að því hvort hún er sammála þessum gjörningi.

Félag Sjálfstæðismanna um fullveldismál er stofnað í þeim tilgangi að efla samhug sjálfstæðismanna um fullveldið með því að halda til haga og verja, með fræðslu og upplýsingu, þau grunngildi Sjálfstæðisflokksins sem fjalla um frjálsa og fullvalda þjóð. Ekki er þar vanþörf á."

Margir Sjálfstæðismenn spyrja í dag hver stefna flokksins sé í Evrópumálum.Fá svör fást og ekki hefur Birgir Ármannsson mér vitanlega rætt mikið við Sjálfstæðismenn um þau mál sem þá voru umdeild sem 3.Orkupakkinn var.

Er einhver verslunarsamningur í bígerð við Viðreisn þeirra Þorgerðar Katrínar, Þorsteins Pálssonar og Benedikts Jóhannessonar?

A ég að trúa því ?

að Vladimir Pútín sé bara ótíndur glæpamaður og eiturbyrlari. Ofsæki Navalny varnarlausan?

Ég sem alltaf hef trúað því besta um Pútín. Á ég virkilega að fara að skipta um skoðun á honum? Er hann bæði fífl og drullusokkur eins og verstu úrrhrök KGB voru að atvinnu?

Pútín minn, sýndu nú stjórnvisku og bregstu mér ekki svo ég þurfi að fara að trúa því versta um þig. 

Fyrri bólusetning

barst okkur hjónum (83) með Pfizer bóluefni kl 10:00 í morgun hér í Sunnuhlíð. Við þökkum yfirvöldum fyrir þessa fyrri bólusetningu.

Raunveruleg skelfing

Skelfingartíðindi af klerkabrjálæðingunum í Persíu.

Spurningin er hvað Joe Biden ætlar að gera í þessu? Og svo líka í dæmi Kim Jong Un. Trump var að vinna á móti þessu en hann er ei meir. 

"Tuesday, 02 February 2021 4:57 PM

Iran's representative to the Vienna-based organizations says the country has installed new cascades of advanced centrifuges at two nuclear sites in Natanz and Fordow to increase enrichment capacity.

"Thanks to our diligent nuclear scientists, two cascades of 348 IR2m centrifuges with almost 4 times the capacity of IR1 are now running with UF6 successfully in Natanz," Kazem Gharibabadi said in a post on his Twitter account on Tuesday.

He added that Iran also started the installation of two "cascades of IR6 centrifuges" at its Fordow nuclear facility.

"There's more to come soon," the ambassador said.

In another tweet, Gharibabadi said Iran has informed the International Atomic Energy Agency of the progress as planned, adding that the IAEA "is yet able to verify."

Back in May 2018, former US President Donald Trump pulled Washington out of the multilateral nuclear agreement, officially known as the Joint Comprehensive Plan of Action (JCPOA), reached between Iran and major world states in 2015 and adopted the so-called maximum pressure campaign against Iran with the declared aim of forcing Tehran to negotiate a new deal.

Iran remained fully compliant with the JCPOA for an entire year but as the remaining European parties failed to fulfill their end of the bargain, Iran began in May 2019 to scale back its JCPOA commitments under Articles 26 and 36 of the accord covering Tehran's legal rights.

In one of its latest steps away from the deal, Iran on January 4 announced the beginning of the process to enrich uranium to 20-percent purity at Fordow in its latest step to reciprocate the American withdrawal and the European failure.

New US President Joe Biden, who was vice president when the deal was signed, has said he hopes to return Washington to the deal. However, his foreign policy team has said Iran should take the first step by coming back into "full compliance" with the JCPOA.

Iran, however, says it will only reverse its reciprocal measures if the United States lifts its sanctions as a prelude to rejoining the deal."

Þetta eru skuggaleg tíðindi því að Persarnir eru ekki að auðga úran nema til þess að búa til sprengjur á Israel. Hvað gera Ísraelar. ? Horfa þeir bara á þetta gerast?

Þetta eru raunveruleg skelfingartíðindi.

Bóluefnisslys Íslendinga

tekur Gunnar Rögnvaldsson fyrir í færslu dagsins:

"Bóluefnaskorts-lest Evrópusambandsins og EES brunar fram af brúninni

Það nýjasta sem gerst hefur í bóluefnaskorts-apparati Evrópusambandsins síðan á sunnudag, er að forseti framkvæmdaleysisstjórnar þess, Ursula von der Lygar, reynir nú að kenna undirmönnum sínum um og hendir þeim hverjum á fætur öðrum undir járnbrautarlest veruleikans sem nú brunar bóluefnislaus fram á egyptalandsteinum Evrópusambandsins, á meðan fólkið fellur, og stefnir þráðbeint í gerræðislegt allsherjar slys sem taka mun allt þetta ár og næsta að hrúgast upp með ærandi hávaða – til að byrja með. Síðan mun stund sannleikans taka við og taka ruslahrúgur Evrópusambandsins yfir og snúa það niður. Vonandi, því frá og með nú nú er því algjörlega sjálfhætt. Það sjá allir

Þarna átti að hefja Evrópusambandið á loft og sýna heiminum hversu máttvana sjálfstæð og fullvalda ríki jarðar væru með því að láta umboðslaust fjölþjóðaapparat en ekki ríkin sjálf um að bjarga sér úr verstu áföllum sem dunið hafa á Evrópu síðan 1945

En það fór heldur betur ekki þannig, því nú skín Stóra-Bretland –ásamt öðrum vestrænum ríkjum utan sambandsins– sem fullvalda, sjálfstæð og fögur borg á hæstu hæð í þessu máli öllu

En við sem hins vegar lutum svo örkumlandi bænaskjals lágt að láta EES-samninginn koma okkur þarna á kaldan og bóluefnislausan klaka Evrópusambandsins, erum varnalaus og munum heldur betur þurfa að éta skít þegar að bata og framförum í efnahagsmálum okkar kemur þetta árið og það næsta, og svo koll af krónískum ESB-kolli eftir það, einungis vegna EES-tengingar okkar við svarthol Evrópusambandsins. Út með þetta lamandi ees-ekkert!

Úr leiðara Morgunblaðsins í dag þriðjudaginn 2. febrúar 2021: Bóluefnastríð ESB

"Eft­ir á að hyggja hefði sjálfsagt ekki veitt af sam­keppni, því Evr­ópu­sam­bandið hef­ur full­kom­lega brugðist á hverju ein­asta stigi bólu­efnisáætl­un­ar sinn­ar. Fyr­ir vikið má heita ómögu­legt að það ná­ist að bólu­setja Evr­ópu­búa að því marki á þessu ári að ein­hver vörn sé í. Það er hörmu­legt fyr­ir al­menn­ing í Evr­ópu, þar með talið á Íslandi, en ís­lensk stjórn­völd ákváðu af ein­hverj­um enn ótil­greind­um ástæðum að binda trúss sitt við þessa ólán­legu áætl­un Evr­ópu­sam­bands­ins. Af því súp­um við nú seyðið og rík­is­stjórn Íslands þarf að gera hreint fyr­ir sín­um dyr­um um það." [krækja]

Mætti ég spyrja af hverju heilbrigðismálaráðherra okkar er enn með stól þess almennings sem hún hafði að háði og spotti í þessu máli undir sér? Hvers vegna er hún enn þá í því embætti? Hér ríkir gerræðislegur bóluefnisskortur einungis vegna EES-tengingar okkar við svarthol – á meðan ný Oxford/Spitfire æðir um og þekur Stóra Bretland og verndar þjóð þess með bóluefni, til dæmis með 600 þúsund skotum á laugardag

Er ekki komið nóg af engu? Ísland hefur mátt éta skít í bráðum fimmtán ár vegna EES-tengingar við svarthol þjóða."

Bara af því að Björn Bjarnason vill vera í EES þá búum við í Bóluefnisslysi ESB.?

Hinn bíllausi lífsstíll Borgarstjóra

er G.Tómasi Gunnarssyni umfjöllunarefni:

"Borgarstjóri ræktar "garð sinn" og bílastæði

Það er rétt að taka það fram í upphafi að þessi færsla er tengd við ríflega 3ja ára gamla frétt af mbl.is.  Ég minnist þess ekki að hafa tengt færslu við jafn gamla frétt.

En í fréttinni kemur fram að Umhverfis- og skipulagsráð Reykjavíkurborgar hafi samþykkt á fundi sínum stækkun á lóð í eigu Dags B. Eggertssonar, borgarstjóra.

Það kemur jafnframt fram að lóð nágranna minnki samsvarandi.

Ekkert við það að athuga og um eðlileg viðskipti virðist að ræða.  Dagur segir í svari til mbl.is, að bætt hafi verið við lóð hans "órækt og rósarunnum".

Þar kemur einnig fram að lóðin sem minnkar, er skilgreind sem íbúðahúsalóð.  Þar sé þó ekki bygging, heldur sé hún nýtt að mestu leyti sem bílastæði.

Ég held því að öllum sem hefðu lagt á sig lágmarks heimildavinnu hafi mátt vera ljóst að ekkert óeðlilegt sé við að húseign Dags (og konu hans) hafi 2. til 3. einkabílastæði (ég veit ekki hver heildarfjöldinn er, þó að keypt hafi verið 2. af nágranna).

Sjálfur hefði ég líklega ekki hikað við að taka sömu ákvörðun, hefði verðið verið ásættanlegt, enda líklegt að verðgildi húseignarinnar hækki með aðgangi að bílastæðum.

En það sem vekur ef til vill upp pólitískar spurningar, er hvers vegna oddviti þess meirihluta í borgarstjórn sem hefur tekið "bíllausan lífstíl" upp á sína arma, og talið byggingar fjölda íbúða án bílastæða til framfara, telur sig þurfa þessi bílastæði?

Ef til vill er þetta gott dæmi um stjórnmálamenn sem segja, ekki gera eins og ég geri, gerið eins og ég segi?

Slíkt væri vissulega ekkert einsdæmi, en það væri fróðlegt ef fjölmiðlar myndu beina slíkum spurningum að borgarstjóra."

Hverjar voru réttlætingarnar fyrir hinum miklu forgangsframkvæmdum við Óðinstorg þar sem Dagur býr umfram önnur svæði?

Finnst kjósendum Dags B. Eggertssonar og fylgismönnum hins bíllausa lífsstíls þessi hegðun Borgarstjórans vera bara í lagi?

Ga ga!

Birgir Þórarinsson gerir athugasemdir við frumvarp Félagsmálaráðherra um hælisleitendur. Enda ekki að ástæðulausu.

Það er eins og að stefna ríkisstjórnarinnar sé að fjölga hælisleitendum til landsins sem allra mest og auka kostnað við móttöku þeirra.

Þvert á stefnu Dana um þessar mundir sme reyna að fækka umsónum um alþjóðlega vernd sem allra mest. Hér eru afleiðingar stefnunnar að fjöldi hælisleitenda er sexfaldur við það sem á Norðurlöndum gerist.Og kostnaður keyrir úr hópi fram eins og enginn sé morgundagurinn.

Á ég sem Sjálfstæðismaður að styðja þessa þróun? Þróun sem mér hreinlega finnst vera GA-Ga!

Birgir Þórarinsson alþingismaður Miðflokksins skrifar eftirfarandi í Morgunblaðið í dag: Bloggari leyfir sér að breyta letri á stöku stað til að vekja athygli á kjarnaatriðum.

"Félagsmálaráðherra Framsóknar hefur lagt fram á Alþingi frumvarp um málefni innflytjenda. Megintilgangur frumvarpsins er að samræma móttöku flóttafólks.

Í greinargerð með frumvarpinu er setning sem vekur athygli en þar segir: „Með samræmdu móttökukerfi er unnið að því að tryggja flóttafólki jafna þjónustu óháð því hvernig það kemur til landsins.“

Hér þarf að staldra við og skoða hvað þetta þýðir í reynd. Frumvarpið var lagt fram á Alþingi á síðasta ári en hlaut ekki afgreiðslu. Ljóst er að ríkisstjórnin ætlar sér að koma málinu í gegnum þingið fyrir kosningar.

Í umræðunni spurði ég ráðherra hvort með þessu frumvarpi væri enginn greinarmunur gerður á kvótaflóttamönnum og hælisleitendum sem fá dvalarleyfi, þegar kemur að þjónustu. Svaraði ráðherra því að þeir myndu fá sömu þjónustu.

Kvótaflóttamenn og hælisleitendur ekki það sama

Verði frumvarpið að lögum munu hælisleitendur með dvalarleyfi og kvótaflóttamenn fá sömu þjónustu. Hér er um grundvallarbreytingu að ræða sem mun hafa veruleg aukin fjárútlát í för með sér fyrir ríkissjóð.

Á síðasta ári tók Ísland á móti 85 kvótaflóttamönnum en 631 hælisleitandi fékk dvalarleyfi. Meðalkostnaður vegna móttöku kvótaflóttafólks fyrir einhleypa er um 6 milljónir á ári.

Það er sérkennilegt að yfirfæra réttindi kvótaflóttafólks yfir á hælisleitendur. Þetta er tvennt ólíkt. Fólk sem við samþykkjum að taka við og sjá um og síðan fólk sem kemur hingað á eigin vegum, sem ekki er ljóst hvort uppfyllir alþjóðleg skilyrði þess að vera flóttamenn.

Ísland þekkt fyrir bestu þjónustuna

Hér eru nokkur dæmi um þjónustuna sem yrði þá í boði fyrir hælisleitendur:

Greidd er framfærsla í eitt ár, desemberuppbót og barnabætur í eitt ár.

Greitt er fyrir leikskóla, 100 þúsund á mánuði í 11 mánuði,

skólamáltíðir í 9 mánuði,

frístundaheimili í 9 mánuði,

styrk við skólabyrjun og eingreiðslu fyrir íþróttir og tómstundir.

Meðlag í tvo mánuði.

Framhaldsskóli í tvær annir.

Heilbrigðisþjónusta og lyf í sex mánuði.

Tannlæknir 115 þúsund. Sálfræðiþjónusta fyrir 264 þúsund á einstakling og önnur sérfræðileg ráðgjöf í 12 mánuði.

Stuðningur heim er greiddur, um 100 þúsund á fjölskyldu.

Handleiðsla starfsmanna er greidd, 390 þúsund á fjölskyldu.

Túlkaþjónusta, 270 þúsund á fjölskyldu.

Húsaleiga í 2 mánuði og húsnæðisbætur sveitarfélags í 12 mánuði.

Sími og net í 1 mánuð.

Strætókort.

Einnig gera stjórnvöld samning við Rauða krossinn um þjónustu. Nemur kostnaðurinn um 600 þúsund á einstakling og er það viðbót við það sem að ofan greinir.

 

Fjöldi umsókna um hæli á Íslandi myndi margfaldast

Íslendingar hafa tekið vel á móti kvótaflóttamönnum en þeir koma iðulega frá stríðshrjáðum löndum. Við eigum áfram að sinna þessum hópi vel og aðstoða við aðlögun þeirra í íslensku samfélagi. Hafa ber þó í huga að fyrir hvern einn flóttamann sem hingað kemur er hægt að aðstoða 12 á heimaslóðum. Með því að veita hælisleitendum og kvótaflóttamönnum sömu þjónustu er gengið of langt.

Kostnaðurinn fyrir ríkissjóð yrði verulegur.

Skilaboðin berast hratt út í heim og viðbúið er að umsóknir um hæli á Íslandi muni margfaldast og skipta þúsundum á skömmum tíma. Enda Ísland þekkt fyrir að veita eina bestu þjónustuna í málaflokknum.

Dómsmálaráðuneytið hefur gefið það út að fjöldi umsækjenda um alþjóðlega vernd á Íslandi sé orðinn einn sá mesti í Evrópu og langmestur á Norðurlöndum miðað við höfðatölu.

Sjálfstæðisflokkurinn hefur haft málaflokkinn á sinni könnu um árabil og er greinilega ófær um að leysa vandann.

Frumvarp félagsmálaráðherra er haldið verulegum ágöllum. Það getur einungis til um kostnaðarauka við tvö stöðugildi hjá Fjölmenningarsetri upp á 24 milljónir króna árlega. Þegar kostnaðaraukinn verður í reynd milljarðar króna og við myndum missa málaflokkinn úr böndunum.

Miðflokkurinn leggst gegn frumvarpinu í núverandi mynd."

Ætlast Sjálfstæðisflokkurinn  til þess að þessi stefna verði keyrð ofan í kok á flokksmönnum eins og Birgir Ármannsson og hans nótar gerðu í tilviki 3.Orkupakkans? Hversu mikið fé á að renna í gegn um Rauða Krossinn til íslenskra lögfræðinga á borð við Helgu Völu alþingismanns og Magnúsar Norðdahl fyrir að þvæla mál og auka kostnað?

Hvar á flokkshollusta Sjálfstæðismanna að enda í svona Ga-Ga máli?

Skríll

virðist hafa þá náttúru að þurfa að hlaupa til að finna sér einhverja réttlætingu í að setja bletti sína  á atburði hversdagsins.

Skríllinn sem réðst á Þinghúsið í Washington er algerlega sömu gerðar og fiflið sem fannst sniðugt að skjóta á bíl borgarstjórans.

Hvað gengur svona heimskingja til? Hvað þykist hann vera? Einhver stjórnmálaspekingur?

Ég gef ekkert fyrir Dag B. Eggertsson og hans borgarstjórn. það sem ég er hinsvegar mest á móti í hans fari og fylgihnatta er umferðarstefna hans.

Hann þarf fleiri en eitt bílastæði fyrir sig þar sem hann er auðvitað ekki að hjóla á milli atburða í sínu starfi. Sigurborg Ósk Haraldsdóttir lætur líka keyra sig milli góðbúanna þar sem hún hjólríður ekki daglega og Hjálmar Sveinsson ekki heldur að ég best veit. Þetta fólk er þess vegna líka ómerkilegt til viðbótar við delluna sem það heldur fram og praktísérar ekki það sem það prédikar.

En að fara að skjóta á bílinn hans Dags er meiri heimska en að slíkir menn eigi að eiga skotvopn eða ganga lausir.

Og af hverju er Bolli að búa til ágætt myndband til að vekja athygli á spillingu og sérgæsku Dags þegar meirihlutinn um bílastæðakaup Dags er sannur. Dagur hefur keypt sér bílastæði og ráðstafað óhemju fé í fegrunaraðgerðir við heimili sitt. Af hverju er Bolli að bakka með þetta? Dagur er ekki óspilltur stjórnmálamaður á Óðinstorgi.

En skríl þarf með einhverjum ráðum að hindra í óhæfuverkum. Það síðasta sem við andstæðingar Dags þurfum er að einhverjir fái samúð með honum. Berjum á honum með orðsins brandi en ekki skrílslátum.

Alvörumál

fjallar Sigmundur Davíð Gunnlaugsson um í Mbl. í dag.

Þar rekur hann hverskonar öfugþróun Íslendingar reka gagnvart hælisleitendum. Engu líkara er að Íslendingar vilji fjölga umsóknum til landvistar hérlendis sem allra mest. 

En hver er kostnaðurinn við þessa stefnu? Hefur þjóðin ráð á því að taka við þúsund hælisleitendum á mánuði og taka þá til framfærslu að borði og sæng?

En Sigmundur skrifar:

"Fyrr í vetur skrifaði ég grein um þá staðreynd að fjöldi hælisumsókna á Íslandi er nú orðinn margfalt meiri en í öðrum ríkjum Norðurlandanna miðað við fólksfjölda. Síðan þá hafa birst nýjar tölur sem draga þetta enn betur fram eins og fjallað hefur verið um í Morgunblaðinu. Ekki er langt síðan hlutfall umsókna var langlægst á Íslandi enda landið ekki fyrsti áfangastaður hælisleitenda.

Það sem hefur gerst síðan þá er að hin Norðurlandaríkin hafa markvisst unnið að því að draga úr slíkum umsóknum á meðan íslensk stjórnvöld hafa tekið ákvarðanir sem auglýsa Ísland sem vænlegan áfangastað.

Hlutfallslega eru umsóknir á Íslandi nú sexfalt fleiri en í Noregi og Danmörku. Það er afleiðing þeirra skilaboða sem þau lönd hafa sent frá sér og þeirra skilaboða sem berast frá Íslandi.

Nýverið sagði forsætisráðherra Danmerkur að markmiðið væri að enginn sækti um hæli í Danmörku. Landið mun áfram taka við flóttafólki en það vill hafa stjórn á því hverjum er boðið þangað.

Þrátt fyrir takmarkanir

Athygli vekur að þrátt fyrir verulegar ferðatakmarkanir vegna kórónuveirunnar hefur dregið mun minna úr hælisumsóknum á Íslandi en í fyrrnefndum nágrannalöndum.

Í júlí síðastliðnum, eftir að lítillega var slakað á ferðatakmörkunum, kom mesti fjöldi sem komið hefur til landsins á einum mánuði frá því 2017 en það ár sóttu 1.096 manns um hæli hér á landi.

 

Flestir þeirra sem leita hælis á Íslandi hafa þegar fengið hæli (alþjóðlega vernd) annars staðar, eiga ekki rétt á hæli eða áttu að sækja um í löndunum sem þeir fóru í gegnum á leiðinni til Íslands. Það er þrátt fyrir að skilyrðin fyrir hælisveitingum hafi verið rýmkuð verulega á Íslandi að undanförnu.

Það virðist ganga óhemju erfiðlega að afgreiða hinn mikla fjölda umsókna.

Það er afleiðing af ákvörðunum stjórnvalda fremur en vinnu þeirra sem falið er að sjá um verkefnið.

Á síðasta ári lagði Miðflokkurinn fram þingsályktunartillögu um hvernig bæta mætti þar úr m.a. með beitingu 48 tíma reglunnar svo kölluðu sem Norðmenn hafa beitt árum saman.

Stjórnvöld bæta í

Viðbrögð íslensku ríkisstjórnarinnar ganga áfram þvert á það sem er að gerast í hinum Norðurlandaríkjunum.

Nú birtist aftur frumvarp félagsmálaráðherra og ríkisstjórnarinnar um málefni innflytjenda.

Það tókst að taka málið út af dagskrá síðasta þings og það var hvergi að finna á þingmálaskrá ríkisstjórnarinnar við upphaf þessa þings. Tilgangur málsins er sá að jafna stöðu þeirra sem leita til Íslands hvernig sem þeir koma. Hvort sem þeim er boðið hingað eftir að staða þeirra hefur verið metin í samráði við flóttamannastofnanir eða mæta sjálfir til landsins, löglega eða ólöglega.

Ef slíku fyrirkomulagi, með úthlutun húsnæðis og öðrum stuðningi, yrði komið á hér á sama tíma og nágrannalöndin fara í þveröfuga átt væri verið að setja stóran rauðan hring um Ísland sem áfangastað, meðal annars fyrir glæpagengi sem taka oft aleiguna af fólki með því að selja því væntingar um betra líf á nýjum stað.

Eftir að breytingar voru gerðar á móttökukerfi flóttamanna í Finnlandi komu þangað fljótlega 50-60.000 flóttamenn frá tilteknu landi. Í ljós kom að straumurinn hefði áður legið til Belgíu en breytingin sem Finnarnir töldu smávægilega hafði fært hann til þeirra.

Breytingin sem íslensk stjórnvöld boða er hins vegar ekki smávægileg. Afleiðingin yrði sú að þúsund umsóknir á ári gætu margfaldast hratt. Ef ekki yrði stefnubreyting myndi umsóknum halda áfram að fjölga þangað til ekki yrði við neitt ráðið fyrir 350.000 manna þjóð.

Reynsla nágrannalandanna sýnir að það er ólíklegt að gripið yrði til ráðstafana í tæka tíð. Á meðan mun kostnaðurinn við málaflokkinn margfaldast og geta okkar til að hjálpa þeim sem þurfa mest á hjálp að halda mun líða fyrir.

Eðli vandans

Stefnumótun eins og sú sem ríkisstjórnin boðar virðist byggjast á því að menn skilji ekki vandann en vinni þess í stað stefnu út frá yfirbragðinu (eins og algengt er nú til dags). Stefnu byggða á sýndarmennsku fremur en raunverulegum lausnum.

Það var lærdómsríkt að ferðast til Möltu og Líbanons til að kynna sér vandann af eigin raun. Langflestir þeirra sem bjuggu í flóttamannabúðunum þráðu að komast aftur heim. Það skortir hins vegar mjög á að Vesturlönd veiti þann stuðning sem þarf á slíkum stöðum. E.t.v. telja menn að góðmennska þeirra sé ekki nógu sýnileg ef hún birtist í fjarlægu landi.

Evrópusambandið viðurkennir að flestir þeirra sem sækja um hæli séu í leit að betri kjörum og betra lífi fremur en eiginlegir flóttamenn. Fyrir liggur að stórhættuleg glæpagengi skipuleggi þessar ferðir að miklu leyti. Þau halda úti facebooksíðum, dreifa auglýsingum á götuhornum og leita allra leiða til að selja fólki óraunhæfar vonir um betri kjör.

Upplýsingar um bestu áfangastaðina dreifast hratt á samfélagsmiðlum. Á Möltu var ég upplýstur um hvernig glæpagengin starfa í Norður-Afríku. Fólk sem hefur oft borgað um 10.000 dollara eða evrur á mann er flutt víða að frá Afríku og Asíu og svo sett í ofhlaðna báta á norðurströnd Afríku.

Yfirleitt fylgja björgunarvesti og einn gervihnattasími ásamt símanúmerum hjá strandgæslum vestrænna ríkja eða bátum hjálparsamtaka. Markmiðið er að komast út fyrir landhelgi (oftast landhelgi Líbíu) og hringja þá eftir aðstoð og gefa upp staðsetninguna.

Þannig eru strandgæslan og hjálparsamtök komin í þá sérkennilegu stöðu að veita þjónustu fyrir glæpasamtök og gera þeim kleift að selja fólki lífshættulega bátsferð.

Í heimsóknum til stofnana sem vinna á vettvangi við að fást við straum flótta- og förufólks var ég sérstaklega varaður við því að sett yrðu sérstök lög um móttöku barna á flótta. Slíkar reglur hafa valdið því að í mörgum löndum eru börn send af stað til Vesturlanda í von um að þau komist á áfangastað og tryggi fjölskyldunni réttinn á að fylgja á eftir.

Ekkert barn gengur eitt frá Afganistan eða Bangladess til Grikklands. Þau eru því oft sett í umsjá glæpamanna sem geta haft önnur markmið en að skila þeim á áfangastað.

Að læra af reynslunni

Vilji menn raunverulega hjálpa flóttafólki er mikilvægt að líta á staðreyndir en falla ekki í þá gryfju að vilja sýna eigin dyggð heima fyrir með aðferðum sem oft geta reynst skaðlegar. Fyrir þingkosningar í Danmörku kynntu Sósíaldemókratar tímamótastefnu í innflytjendamálum. Þar var leitast við að læra af biturri reynslu og tekið á flestu því sem misfarist hefur á liðnum árum og áratugum.

Lögð var áhersla á að Danir hefðu sjálfir stjórn á því hverjum væri boðið til landsins. Gerð var krafa um að þeir sem fengju hæli löguðu sig að samfélaginu og rakin atriði sem voru til þess ætluð að draga úr líkunum á því að glæpamenn seldu fólki Danmörku sem áfangastað.

Danir gera sér nú grein fyrir því að sterkt velferðarkerfi og opin landamæri fari ekki saman. Við ættum að líta til reynslu Dana og ígrundaðrar stefnu danskra jafnaðarmanna.

Hverfum frá þeirri yfirborðsmennsku sem einkennt hefur umræðu um þessi mál. Umræðu þar sem þeir sem sem benda á staðreyndir og leita leiða til að hjálpa þeim sem þurfa mest á hjálp að halda eru kallaðir öllum illum nöfnum til að hindra rökræðu og viðhalda tálsýn.

Fyrsta skrefið er að hætta að gera ástandið verra með frumvörpum eins og því sem ríkisstjórnin boðar nú."

Ég sé ekki annað en að hér sé um kosningamál að ræða. Ég sé ekki betur en að hugsandi fólk muni velta stefnu stjórnmálaflokkanna  í innflytjendamálum vandlega fyrir sér og meta þann kostnað sem stefnan er að hafa í för með sér.

1000 hælisleitendur á mánuði kosta ef til vill 50 milljónir. Hefur íslenska velferðarkerfið ráð á þessu? Húsnæðiskerfið? Heilbrigðiskerfið?

Eru hælisleitendamálin ekki alvörumál og jafnvel meiriháttar kosningamál?