Borgarlínuheilkennið

er Jónasi Elíassyni prófessor viðfangsefni í Morgunblaðinu í dag.

Jónas veltir fyrir sér hvort hægt sé að lækna þráhyggjuna í Borgarstjórnarmeirihlutanum varðandi fjandskap við mislæg gatnamót og Borgarlínuþráhyggjuna.

Jónas skrifar:

"Samtökin ÁS hafa leitt í ljós offjárfestingu í borgarlínuverkefninu sem er að minnsta kosti 40 milljarðar króna umfram faglega þörf. Umframfjárfesting sem skilar engu til farþega, hvorki í þægindum né hraða, en eykur áhættuna við að komast um borð í vagnana. Þetta er hundrað sinnum meira en bragginn frægi og líkast til tíu sinnum meira en Sorpuævintýrið. Í versta falli gæti þetta orðið 80 milljarðar. Og þar við bætist aukin slysahætta. Eigi að síður heldur undirbúningur áfram á fullum krafti. Búið er að benda á hvernig á að gera jafn góða létta borgarlínu á kostnaðarlega viðunandi hátt, en ekkert gerist nema öllum ráðgjöfum er haldið að þungu borgarlínunni með því er virðist ótakmörkuðu fjármagni.

Reykjavík fer á svig við samgöngusáttmálann

Á meðan situr allt annað á hakanum, samgönguráðherra taldi sig búinn að tryggja mislægu gatnamótin Bústaðavegur/Reykjanesbraut 2021, en nei. Því er frestað til 2025, það þarf að gera borgarlínu fyrst. Þessi mótþrói borgarstjórnar gegn mislægum gatnamótum situr jafn djúpt og barnatrúin. Einu rökin gegn þeim eru að þau séu ljót í umhverfinu, en í reynd geta þau verið mjög lík göngubrúnum sem borgarstjórnin er búin að byggja út um allt. Auk þess eru mislæg gatnamót eins og fegurð himinsins miðað við fyrirhugaða borgarlínubrú yfir Elliðaárósa, bara fyrir borgarlínu og enga aðra. Það hafa verið háðar hönnunarsamkeppnir af minna tilefni. Af hverju er þetta verkefni, að hanna umhverfislega viðunandi mislæg gatnamót, ekki sett í slíka samkeppni? Við þessu er ekkert svar nema eitt: Mótþróaröskun hins pólitíska meirihluta í Reykjavík, hún kallast mislæg gatnamótaþrjóska, hvað ætli sá sjúkdómur heiti á latínu? Ætli séu til pillur við honum? En nú fer að sverfa til stáls í þessu. Samkvæmt erlendum mælingum vaxa umferðartafir í Reykjavík hröðum skrefum. Þær eru út af öllum umferðarljósunum sem komin eru í stað mislægu gatnamótanna. Umferðartafir vaxa um leið og Covid-hömlum er aflétt og ferðamenn koma aftur. Meðaltafir, sem voru 13-16%, eru nú komnar upp í 22%. Hámarkstafir á annatíma eru komnar í 60%, það þýðir að 10 mínútna ferð tekur 16 mínútur. Ef fram fer sem horfir fjúka tafirnar upp í 100% þegar í haust. Þá mun það taka klukkutíma að komast frá Breiðholti eða Garðabæ inn á stóra vinnustaðasvæði höfuðborgarsvæðisins, sem er miðborgin, Landspítalinn og Háskóli Íslands.

Samfélagskostnaður vegna umferðartafa er að fara úr böndunum

Þessum auknu umferðartöfum fylgir mikill samfélagslegur kostnaður, 40-50 milljarðar króna á ári. Þetta er það sem mislæga gatnamótaþrjóskan kostar Ísland. Ekki bara íbúa höfuðborgarsvæðisins; sá sem vill fara ofan úr Borgarfirði og til Keflavíkur lendir í þessu líka. Borgaryfirvöld virðast ekki kunna á samfélagslegan kostnað af umferðartöfum. Skýrsla sem þeir birtu um samfélagslegan ávinning af borgarlínu reyndist röng. Sjá grein Ragnars Árnasonar prófessors í Mbl. 16. nóvember 2020. Höfuðviðfangsefni samgöngumála ætti að vera að lækka þennan tafakostnað. Engin sjáanleg merki eru um að slíkt verkefni sé í gangi. Enginn hefur bent á þetta nema ÁS. Sjá (https://samgongurfyriralla.files.wordpress.com/2021/03/ greining-umferdatafa_ebe-032021.pdf).

Alvarlegur galli í stjórnun samgöngumála

Þetta er alvarleg misfella í vinnu opinberra aðila við samgöngumál. Upphæðin sem þarna er um að ræða er 1% af þjóðarframleiðslu. Þetta mun hækka í 2% á örfáum árum nema eitthvað sé að gert. Slík lækkun á þjóðarframleiðslu er alvarlegt efnahagslegt áfall. Borgarstjórn Reykjavíkur er farin að verða of dýr. Ekki bara fyrir Reykjavík heldur allt landið. Þeir sem þurfa að koma vörum til og frá Keflavíkurflugvelli, eða Sundahöfn, lenda í þessu, hvað ætla þeir að gera?

Mislæg gatnamót eru nauðsynlegir innviðir

Ef Reykjavík rankar ekki við sér, rífur sig upp úr borgarlínudraumnum og byrjar að byggja þessi mislægu gatnamót sem reiknað hefur verið með síðan 1965 og allir vissu að þyrftu að koma þarf ríkisstjórnin að grípa inn í og bjarga sínum þjóðvegum frá hruni. Annars geta menn deilt út síldar- og þorskkvóta eins og þeir vilja, og vaxandi umferðartafir í Reykjavík éta það upp jafnóðum. Borgarstjórn Reykjavíkur getur glott út í annað og hugsað mér sér, að því meiri umferðartafir því meiri tekjur af borgarlínu, og ríkið borgar kostnaðinn. Fyrst með beinum framlögum í samgönguáætlun, síðar með tafagjöldum, sjá (https://samgongurfyriralla.com/2021/05/23/ minnisblad-vegna-fundar-medpawel-bartoszek/). En sannleikurinn er sá, að Reykjavík verður fyrsta fórnardýrið í þessari efnahagslegu umferðarkreppu, versnandi hagur þjónustufyrirtækja bitnar fyrst og fremst á Reykjavík. Það eru þau sem halda efnahag hennar uppi, og það er nákvæmlega það sem hún fékk smjörþefinn af í Covid-kreppunni. En þetta sér borgarstjórnin ekki. Hún heldur að með því að ríkissjóður borgi borgarlínu og hún hirði tekjurnar sé hún að skapa fjármagnsflæði sér í hag. Þá er bara ein spurning eftir: Ætla menn að gera eitthvað í þessu eða ekki? "

Samskonar offorsi er beitt gegn Reykjavíkurflugvelli.Meirihlutinn trúir því að hann geti selt landið undir flugvellinum en Ríkið eigi að byggja nýjan flugvöll á sinn kostnað ofan á næsta eldfjalli.

Þessi meirihluti verður ekki frelsaður úr heilkennum sínum með neinum þekktum pillum að lækningaaðferðum. Aðeins kosningarnar eftir ár geta frelsað oss frá illu og Borgarlínuheilkenninu.

Vatn á virkjunina!

Björn Gíslason, borgarfulltrúi Íhaldsins og þar af einn af þeim fáu með fullu viti í þeim hópi, skrifar góða grein um Árbæjarstöðina í Mogga.

Hann endar hana svona:

"..Ég tel því að engin rök hafi staðið til þess að hleypa úr lóninu og að aðgerð OR hafi auk þess verið ólögmæt og gerræðisleg framkvæmd án samráðs við yfirvöld eða íbúa. Eftir stendur svæðið eins og flakandi sár og horfa vegfarendur yfir beran leirinn ofan í þær fleyguðu og sprengdu vatnsrásir sem gerðar voru á sínum tíma til að koma vatni ofan af Breiðunni sem áður var aðalhluti lónsins.

Fuglalíf ofan við stífluna er nú nánast ekkert í stað þess sem áður var en þá var lónið fullt af fjölbreyttu fuglalífi. Öllum þeim sem fara á svæðið í dag og kynna sér ástand þess og bera það saman við myndir af því lóni sem þar var áður, má vera ljóst að unnið hefur verið skemmdarverk á svæðinu með því að hleypa úr lóninu.

Ég er þeirrar skoðunar að það eigi án tafar að leiðrétta þá ólögmætu framkvæmd að tæma Árbæjarlónið og að yfirborði lónsins verði aftur komið í það horf sem það á að vera samkvæmt deiliskipulagi og það hefur verið í meira en hundrað ár. Í framhaldi verði það skoðað í samræmi við lög og í samráði við íbúa í aðliggjandi hverfum og aðra Reykvíkinga svo og þá hagsmunahópa sem eiga hagsmuna að gæta á svæðinu, þ.á.m. stangveiðimenn, Hollvinasamtök Elliðaárdals, Íbúasamtök, náttúruvernd, Hafrannsóknastofnun og Heilbrigðiseftirlit Reykjavíkur, hver eigi að vera næstu skref varðandi mótun svæðisins til framtíðar.

Ég tel jafnframt að framkvæmdin eigi að eiga sér stað undir stjórn Reykjavíkurborgar sem eiganda svæðisins en ekki Orkuveitu Reykjavíkur enda eru skipulagsmál sem þessi langt utan verksviðs Orkuveitunnar, þ.e. að móta umhverfi Reykvíkinga og sýsla með skipulagsmál íbúa.

Eftir Björn Gíslason "

Furðufuglinn sem kallar sig  Vagn sendir þessa skýringu, hvaðan sem hann hefur nú hana:

""Rafmagnsframleiðslu var hætt í gömlu Rafstöðinni við Elliðaár árið 2014 eftir að aðfallspípa stöðvarinnar hafði ítrekað bilað. Hún er metin ónýt. Í tengslum við undirbúning OR að fyrirhugaðri sögu- og tæknisýningu í dalnum var skoðað hvort hagkvæmt væri að halda áfram raforkuvinnslu í stöðinni í nýrri aflvél sem komið væri fyrir neðanjarðar við hlið Elliðaárstöðvarinnar. Hún yrði sjálfvirk en raforkuvinnsla með upphaflegu vélunum, sem voru teknar í notkun 1921, var dýr og verð rafmagns frá stöðinni stóðst ekki samkeppni á markaði. Hugmyndir um nýja aflvél höfðu verið kynntar stjórnvöldum og fleiri.

Frekari könnun og forhönnun á vinnslunni leiddi í ljós að orkuvinnsla í ánum, með þeim eðlilegu umhverfiskröfum sem til hennar á að gera, myndi ekki svara kostnaði. Þess vegna hefur OR ákveðið að setja hugmyndirnar til hliðar en einbeita sér að undirbúningi sögu- og tæknisýningar þar sem hin merku mannvirki tengd þessari fyrstu virkjun Reykvíkinga verða gerð almenningi aðgengilegri. Unnið hefur verið að hönnun hennar með sigurvegurum í samkeppni sem haldin var snemma árs 2019."

 

Ég vissi um að gamla pípan var ónýt og að það myndi þurfa nýa. En ég vissi ekki að það væri ekki hægt að starta gömlu vélunum sem ég efast um að sé rétt.Bjarni Bjarnason  getur útskýrt þann þátt betur en Vagn.

En Það eru aðrar eins vitleysur gerðar en að taka þetta í einhvern rekstur aftur með fullu lóni, fuglalífi og laxagegnd.

 

Bráðum fer þessi vitlausi meirihluti í Borgarstjórn Reykjavíkur frá og endurnýjað lónið er ágætt kosningamál.

Vatn á virkjunina sem verður eftirsóttur ferðmannastaður. 

Elliðaárstöðin

er 100 ára.

Hún var auglýst til sýnis í útvarpi í hádeginu. Ég mætti kl 5 en auðvitað var allt harðlæst.

Dagur B. dillaði sér í sjónvarpinu um kvöldið eins og hann væri höfundurinn að þessu öllu saman og mér skildist hérumbil að hefði líklega fundið upp rafmagnið líka.

Elliðaárstíflan er tóm, aðfærslupípan farin og heilleg stöðin kyrrstæð

Er það virkilega svo dýrt að láta þetta vera bara í gangi og leyfa fólki aðgang að þessu tímamótamannvirki frekar en að hafa Dag B. til sýnis með hundrað manna aðstoðarliði í Ráðhúsi Reykjavíkur, hossandi sér í afkáralistasýningum í Hafnarhúsinu og árlegum endurmalbikunum gatnakerfisins með tilheyrandi svifryksframleiðslu í stað steyptra slitlaga sem eru laus við slíkt, fækkun bílastæða fyrir borgarana og bensínstöðva fyrir bílana, Borgarlínunni  og engrar Sundabrautar?

Hvað segir Bjarni Bjarnason um hvað þetta kosti að hafa bara Elliðaárstöðina í gangi eins og hún var lengst af?

 

Hrunið á húsinu í Florida

var hræðilegt að horfa á.

Ég var að horfa á myndirnar í sjónvarpinu.Á þeim hluta hússins sem eftir stendur virðist allur útveggurinn standa á þremur pinnasúlum. Hafi byggingin verið samhverf þá hafa samskonar pinnasúlur verið undir útveggnum á hlutanum sem hrundi.

Þungur vörubíll sem æki á eina af súlunum gæti brotið hana. Afleiðingin er óhjákvæmileg skelfing.

Ég var alla mína verkfræðitilveru skíthræddur við að láta heilu mannvirkin velta á einum þætti. Ameríkaninn hefur boðorðið "Fail Safe" yfirleitt í huga sem er hollt að minnast. 

Enginn veit enn hvað olli hruninu á húsinu í Miami í Florida.

Pírataspiling

ld Pírata 2014-2020 (ásamt áætlun fyrir 2021) bráðabirgðatölur áætlun 2014 2015 2016 2017 2018 2019 2020 2021 Innkoma Framlag frá ríkissjóði 15,883,711 15,479,575 36,395,346 57,445,594 69,465,704 70,495,186 72,491,258 75,516,317

Félagsgjöld og styrkir 650,156 1,353,035 9,196,376 9,856,738 2,111,158 419,850 1,748,145 7,500,000 Aðrar tekjur (leiga, varningur, ofl.) 0 0 750,292 59,528 4,000 0 0

Rekstur Laun, launatengdur kostnaður og aðkeypt þjónusta -4,960,362 -312,900 -12,171,571 -25,502,649 -43,096,321 -43,858,987 -32,137,610 - þar af laun og launatengd gjöld -4,915,182 0 -6,245,644 -12,850,826 -19,958,271 -40,612,865 -29,298,949 - þar af aðkeypt þjónusta vegna kosningavinnu 0 0 -5,141,306 -9,502,152 -19,066,961 0 0 -

þar af, önnur aðkeypt þjónusta -45,180 -312,900 -784,621 -3,149,671 -4,071,089 -3,246,122 -2,838,661 Annar starfsmannakostnaður (bílastyrkir, námskeið o.þ.h.) 0 0 0 0 -68,221 -376,352 0 Sími og póstburðargjöld -266130 -53434 -714394 -1508817 -702050 -585538 0 Samtals rekstur ársins m/ kosningum -82,920,000 Ritföng, pappír og prentun -133,755 -145,123 -785,512 -269,634 -161,718 -281,435 -3,234,003 Bækur og fagtímarit -659 0 -8,221 -23,503 -33,153 -146,678 0

Auglýsingar og kynningarkostnaður -357,066 -1,175,518 -9,096,735 -6,339,608 -10,729,900 -1,051,132 -2,085,731 - þar af vegna kosningavinnu -183,501 0 -7,942,931 -5,831,741 -10,489,240 0 0 Rekstur tölvukerfis, hugbúnaður og tækni -238,379 -1,368,354 -1269283 -1510771 -2113937 -4311055 -5,009,285 - þar af tækjakaup -14,632 -986,782 -146,789 -798,865 -499,430 -2,067,416 -1,848,758 Húsaleiga/salarleiga -1,353,475 -4,352,650 -5,048,707 -6,513,692 -5,569,319 -6,255,793 -5,613,733 - þar af vegna kosningavinnu -599,000 0 -1,081,759 -63,600 -722,110 0 0

Viðhald og rekstur húsnæðis -3,947 -415,592 -1,072,276 -1,401,807 -2,610,697 -2,140,992 -1,982,040

Gjaldfærð húsgögn/húsbúnaður 0 0 0 0 -1,583,601 -110,211 0 Aðkeyptur akstur og bílastæðagjöld 0 -32,001 0 -98,726 -88,316 -92,880 0 Fundarkostnaður -707,428 -1,082,361 -3,312,386 -1,744,509 -2,981,726 -1,924,135 -1,069,399 - þar af vegna kosningavöku -241,154 0 -1,364,306 -693,111 -633,855 0 0 Bílaleiga 0 0 0 0 -803,483 0 0 Ferðakostnaður -65,812 -314,068 -1,865,771 -241,388 -527,756 -642,258 -170,852 Leyfisgjöld/árgjald fyrir erlent samstarf 0 0 -28,000 -20,500 0 -127,692 0 Gjafir og styrkir 0 0 -306000 -55440 -23250 -112880 0

Bókhald og reikningsskil, kostnaður -256,182 -312,395 -506,711 -781,976 -1,491,115 -1,369,252 0 Endurskoðun og reikningsskil samstæðu, kostnaður 0 -329,508 -329,460 -397,582 0 -250,046 0

Lögfræðikostnaður 0 0 0 -77,800 0 0 0 Fjármagn til aðildarfélaga Reykjavíkurkjördæmi 0 0 -138,152 0 -1,500,000 0 0 -800000 Norðvesturkjördæmi 0 0 -570,000 -940,000 -2,400,000 -400,000 0 -2,800,000 - Píratar í Borgarbyggð 0 0 -4,096 0 0 0 0 0 - Píratar á Grundarfirði 0 0 0 0 -100,000 0 0 0 Norðausturkjördæmi 0 0 -540,000 -564,760 -910,000 -528,103 0 -2,435,000 - Píratar á Austurlandi 0 0 -10,565 0 0 0 0 0 Suðurkjördæmi 0 0 0 0 0 0 0 0 - Píratar í Reykjanesbæ 0 0 0 0 -1,654,000 -860,000 0 -3,500,000 - Píratar á Suðurlandi 0 0 -25,000 -774,721 -930,000 0 0 0 - Píratar á Suðurnesjum 0 0 0 -60,900 0 0 0 0 Suðvesturkjördæmi 0 0 0 0 0 0 -1,500,000 0 - Píratar í Hafnarfirði 0 0 0 0 -1,200,000 0 0 -2,885,000 - Píratar í Mosfellsbæ 0 0 0 0 -1,000,000 0 0 0.00 - Píratar í Kópavogi 0 0 0 0 0 -400,000 0 0.00 Ungir Píratar 0 0 -50,000 -356,586 -50,000 -502,554 -500,000 0.00

Samtals til aðildarfélaga 0 0 -1,337,813 -2,696,967 -9,744,000 -2,690,657 -1,545,880 -12,420,000

Þeir borga sjálfum sér út helming ríkisstyrksins sem laun. Þeir virðast svo bara leggja fyrir af afganginum.

Þetta virðist bara vera góður bísness einhverra að reka svona Pírataflokk.

Nei af og frá er þetta einhvera Pírataspilling?

 

Ísland opnar, Ísrael lokar

 

"Prime Minister Benjamin Netanyahu said on Thursday the stricter measures were a necessity.

"Wake up. Enough is enough. We are in a different reality. Something needs to be done and it must be done now."

Under the latest restrictions, almost all businesses have been told to close for at least the next two weeks, with a possibility the lockdown might be extended depending on the situation. Restaurants are only being permitted to serve home-deliveries."

Er enginn hræddur við þessi tíðindi frá hinu bólusetta ríki hans BiBis? 

Ísland opnar þegar Ísrael lokar?

 

Rosaleg er umhyggjan fyrir mér

sem þessir mannkynsfrelsarar í Viðreisn, Þorgerður Katrín  og Benedikt Jóhannesson, sýna á hverjum degi. Þau eru með böggum Hildar  vegna þess að það sé verið að leika mig grátt af einhverjum spillingaröflum sem píni mig og kvelji á hverjum degi með arðráni, evruleysi og Evrópubandalagsleysi og stjórnarskrárskorti. Jésús hvað þetta er gott og umhyggjusamt fólk.

Bensi tók meira að segja að sér að vera fjármálaráðherra fyrir mig um tíma þó ég tæki nú ekki eftir breytingunni. Og Togga tók að sér að grenja sig inn í varaformannsembætti Sjálfstæðisflokksins fyrir mig án þess að ég fyndi fyrir breytingunni eftir það.

Þvílíka fórnfýsi sýnir þetta fólk af sér. Fær það eitthvað borgað fyrir þessi óeigingjörnu störf?

Björn Bjarnason veltir þessu fyrir sér:

"

Flokksfrumkvöðullinn Benedikt Jóhannesson tilkynnti í samtali við mbl.is miðvikudaginn 23. júní að hann hefði sagt sig úr framkvæmdastjórn Viðreisnar. Hann gæti „bara ekki hugsað“ sér að sitja þar áfram.

Framganga Þorgerðar Katrínar flokksformanns veldur Benedikt mestum vonbrigðum. Hún hafi fyrst viljað karla í efstu sæti landsbyggðarlista flokksins til að geta raðað konum í efstu sætin í þéttbýlinu í nafni kynjajafnréttis. Litill hópur í kringum formanninn hafi öll ráð flokksins í hendi sér.

Það rennur Benedikt til rifja að flokkur með slagorðið „almannahagsmunir framar sérhagsmunum“ nái ekki að starfa eftir þeirri línu.

Í samtalinu slær Benedikt ekki út af borðinu að hann stofni nýjan flokk, margir „landlausir“ séu í sambandi við sig.

Á visir.is er síðan skýrt frá því að 23. júní að Benedikt og Ingólfur Hjörleifsson íhugi að stofna nýjan flokk. Flokkssproti birtist með Facebook-hópnum C++ frelsi og frjálslynd hugsun!. C sé listabókstafur Viðreisnar „og gæti því einhver skilið nafn flokksins sem Viðreisn 2.0, uppfærða og betri,“ segir í fréttinni.

 

Jón Steindór Valdimarsson, þingmaður Viðreisnar, sem Benedikt lýsir sem peði klækjastjórnmálamanna flokksins, birti 23. júní færslu á Facebook þar sem hann harmar að Benedikt „hafi valið þá leið að gera forystu og stofnanir flokksins tortryggilegar í kjölfar þess að hann fékk ekki vilja sínum framgengt við uppstillingar á lista.“ Segist hann hræddur um „að eigin hagsmunir [Benedikts] blindi honum sýn og hann sjái ekki lengur þá almannahagsmuni sem við ætluðum saman að setja ofar sérhagsmunum“.

 

Viðreisn var á sínum tíma stofnuð vegna þess að Benedikt og Þorgerður Katrín fengu ekki vilja sínum framgengt í Sjálfstæðisflokknum – sérhagsmunirnir þeirra valda nú vandræðum í Viðreisn."

Ég sakna Ingólfs míns úr Tennisnum sem mér finnst að hann ætti frekar að sinna heldur an að stofna einhvern nýjan flokk með Bensa til að bjarga mér frá bráðum bana í þjóðlífinu.

Já það eru fleiri en ég sem komast við af þessari umhyggju sem þetta fólk sýnir okkur sauðsvörtum.

Af hverju er hann Palli að þessu röfli um Viðreisnina? Ég bara tárast af allri þessari umhyggju þessa fólks fyrir mér óvitandi um eymd mína sem þetta fólk vill endilega laga í sjálfboðavinnu bara ef ég vil kjósa það á kjördegi.

 

Páll Vilhjálmsson um Viðreisn

hefur þetta að segja:

"

Frambjóðandi Viðreisnar útskýrir baktjaldamakkið í flokknum sem kennir sig við frjálslyndi. Fámenn klíka ræður ferðinni. Fundir eru haldnir með fyrirframgefinni niðurstöðu.

Flokkur eins og Viðreisn er lítið annað en skúffufélag sem útdeilir væntanlegum þingsætum. Skúffufélagið er á fjárlögum og þarf ekki að reiða sig á frjáls framlög flokksmanna.

Frjálslyndi Viðreisnar er í raun frelsi örfárra til þægilegrar innivinnu á þokkalegum launum."

Og þetta tvöfaldar ESB-kostnaðinn fyrir skattgreiðendur því stefnan er bara afrit af Samfylkingunni þannig að Viðreisnarvitleysa Þorgerðar og Bensa  er á tvöföldu kostnaðarverði í stað þess að láta bara Loga um að stjórna fullveldisframsalinu.

Það er engin loftslagsvá Katrín mín

það geturðu sannfærst um með því að lesa það sem Vilhjálmur Eyhþórsson tekur saman um jarðsögulegar staðreyndir:

"Það er skrýtið, aåð það þurfi mann eins og mig, mann utan úr bæ til að benda á hlut sem hefur verið fullsannaður og óumdeildur í meira en hundrað ár, nefnilega, að jörðin hefur verið að kólna og þorna í um átta þúsund ár. Raunar vær lægsta punktinum í þessari kólnun náð um aldamótin 1900, þegar jöklar voru þeir mestu frá „ísöld“ (jökulskeiði) en síðan hefur dálítil uppsveifla verið, um 0,8 gráður frá 1880.
Þetta ættu allir, sem titla sig „vísindamenn“ og gefa yfirlýsingar um loftslagsmál að vita. Viti þeir þetta ekki eru þeir einfaldlega ekki marktækir.

Það var nefnilega fyrir langalöngu, um aldamótin 1900, sem Norðmaðurinn Aksel Blyth og Svíinn Rutger Sernander gerðu grein fyrir rannsóknum sínum á gróðri í mýrum Skandínavíu með tilliti til loftslags fyrri alda og árþúsunda. Nýrri rannsóknir, m.a. á borkjörnum í Grænlandsjökli og Suðurskautlandinu hafa síðan fyllt út í myndina en í raun litlu bætt við niðurstöður Blyth-Sernanders.

Menn, allra helst vísindamenn, ættu að vita, að fyrir rúmlega tíu þúsund árum varð gífurleg „hamfarhlýnun“  (án afskipta mannanna) þegar hitastig hækkaði skyndilega um tíu stig eða meira á örstuttum tíma þannig að jökulskildirnir miklu bráðnuðu og yfirborð sjávar hækkaði um marga tugi metra. Þetta flokkast undir mannkynssögu, ekki jarðsögu, en allt of margir skilja ekki hvað „ísöldin“ er í raun nálægt okkur í tíma. Sé sagan rakin aftur til þess tíma sem pýramídarnir voru reistir og Súmerar skráðu Gilgamesh- kviðuna, fyrstu söguna af syndaflóði, eru menn þegar komnir hálfa leið aftur á „ísöld“ .

Má t.d. benda á ágæta bók Helga Björnssonar jöklafræðings, en þar kemur m.a. fram, að Vatnajökull fór fyrst að myndast um sama leyti og Forn- Egyptar reistu pýramída sína, þ.e. fyrir um 4.500 árum.

Slík „hamfarahlýnun“ hefur orðið í upphafi hvers þeirra um 20 hlýskeiða sem orðið hafa á ísöldinni miklu sem við lifum á, eða kvarterímanum, sem hófst fyrir 2,5-3 milljónum ára. Enn fyrr, á tertíertíma var loftlag hér svipað og nú í Norður- Kaliforníu eins og steingervingar risatrjáa bera vott um. En það er jarðsaga, ármilljónir, ekki árþúsundir.

Hvert hlýskeið stendur í 10-12 þúsund ár en jökulskeiðin standa í um og yfir hundrað þúsund ár. Því má búast við nýju jökulskeiði („ísöld“) á þessu eða næsta árþúsundi og vitlegra að búa sig undir kólnun en hlýnun, sem væri raunar hið besta mál.

Það sem hér var rakið eru sjálfsagðir hlutir og alveg óumdeildir. Sjálfur lærði ég um þetta í barna- og gagnfræðaskóla fyrir hálfri öld, en nú virðast allir vera búnir að gleyma þessu.

Fyrrnefnd „hamfarahlýnun“ náði hámarki fyrir um átta þúsund árum, þegar hin elstu hinna dularfullu eisteinungsmannvirkja Vestur- Evrópu svo sem Carnac á Bretagne- skaga fóru að rísa, en það tímaskeið nefndu Blyth- Serander „atlantíska skeið bórealska tímans“, sem líka er kallað „hólósen- hámarkið“,  en síðan hefur loftslag verið að kólna og þorna. Þessi kólnun og þornum verður í sveiflum og rykkjum, en þrátt fyrir allar sveiflur og sveiflur innan í öðrum sveiflum kólnar og þornar jörðin hægt og sígandi og stefnir óhjákvæmilega í nýtt jökulskeið („ísöld“),

Meðan sólin skín mun ferskt vatn gufa upp úr höfunum og því meira sem loftslag er hlýrra. Einnig eykst rakadrægni loftsins gífurlega við tiltölulega litla hækkun hitastigs. Gróflega þýðir þetta að hlýnun gufuhvolfsins um eitt stig veldur hækkun vatnsgufu í því um sjö rakastig.  Ef loftslag skyldi hlýna mundi að því þýða stóraukna úrkomu, svipað og var fyrir 7-8 þúsund árum þegar Ísland var jöklalaust og Sahara gróin eins og aðrar eyðimerkur. Hlýnun þýðir því stóraukið vatn, ekki síst á þurrlendum svæðum, öfugt við það sem fáfróðir ímynda sér.

Nýlegar rannsóknir á Norður- Grænlandi og Svalbarða sýna, að á atlantíska skeiðinu uxu þar jurtir sem þurfa um sjö stiga hærri meðalhita en nú er þar. Þetta þýðir, að íshafið hefur verið að mestu eða öllu íslaust a.m.k. á sumrin. Meðal sjávarstaða, að frátöldu landrisi og landsigi, var  þó aðeins einhverjum fáum tugum sentimetra hærri en nú. Miklu meira vatn var bundið í gufuhvolfinu, sem stuðlar að lækkun sjávarmáls og ekki síður hitt, að þrátt fyrir hærri meðalhita var enn frost mestallt eða allt árið á hábungu meginjökla, en það er ákoma, þ.e. snjókoma umfram sumarbráðnun sem mestu ræður um vöxt og viðgang jökla. Miklu meiri snjór olli því hækkun jöklanna, þótt kvarnaðist úr nær sjávarmáli. Ísbirnir lifðu líka góðu lífi og lifa enn þó sum hinna ýmsu hlýskeiða kvartertímans hafi verið miklu hlýrra en það núverandi. Grænland og Suðurskautið hafa líka verið á sínum stað í gegnum öll hlýskeiðin þótt sjávarborð hafi hækkað eitthvað."

Var ekki minningarathöfnin um Okið heldur illa tímasett og óþarfi að vera stöðugt að gráta minnkun jöklanna. Ætli jörðin stjórni ekki stærð þeirra hér eftir sem hingað til hvað sem vísindamaðurinn Gréta litla Thunberg segir með stuðningi AlGore?

Segja Surtarbrandslögin okkar enga sögu þar sem ljóst er að hér uxu suðrænar jurtir þegar hlýnunin stóð sem hæst?

Katrín mín góð, hættu að vera með þessum sífelldu böggum hildar yfir einhverri loftslagsvá svo a'ð jafnvel allt NATO stendur á öndinni.

Það er sólin sem stjórnar öllu hér á jörðinni en ekki útblástur álveranna og flugsins á CO2.

 

Svifryks og nagladekkjabullið

er mönnum tamt á tungu.

G.Tómas Gunnarsson skrifar svo:

"

Ég held að varla verði um að deilt að nagladekk slíta götunum meira en önnur dekk. 

Það er því æskilegt að dregið verði úr notkun þeirra eins og mögulegt er. Hitt er svo að hvaða marki það er mögulegt?

Sjálfur hef ég ekki ekið á nagladekkjum síðan áríð 2003, eftir minu besta minni.

Síðan þá hef ég ekið á snjódekkjum yfir "háveturinn" og svo yfirleitt "all season" þess á milli.

En auðvitað skiptir máli hvar er ekið, veðráttan þar og svo ekki síður hvort að snjóhreinsun og annað því um líkt sé eins og best verður á kosið.

Það vakti nokkra athygli mína í þessari frétt að loftgæði í Tallinn væru verulega betri en í Reykjavík.

Ég hef oft dvalið (og ekið) í Tallinn og bjó þar um all nokkra hríð.  Loftgæði þar geta verið misjöfn, þar er mikið af dísilbílum og mikið um að hús séu kynt upp með timburafurðum (dulítið misjöfnum að gæðum), jafnvel kolum og sorpi er þar brennt til rafmagnsframleiðsu og miðlægrar húshitunar (þess má til gamans geta að fyrrverandi forstjóri þeirrar orkustöðvar er núverandi forseti Eistlands).

Í Tallinn myndi ég álíta að meirihluti bíla sé ekið á nagladekkjum, en líklega í skemmri tíma en á Íslandi, í það minnsta flest ár.

En í viðtali lét aðstoðarborgarstjóri Tallinn hafa eftir sér í viðtali árið 2020:

"Deputy Mayor of Tallinn Kalle Klandorf (Center) said that driving with studded winter tires kicks up dust in the air and wears out the roads.

"We have measured the dust molecules and they are at quite a high limit even though we are washing the roads all the time. We have never showered the roads as much as we have this year. We are washing the streets every evening with water, and when the winter tires drive on it, then just as soon the dust is back there again," Klandorf said."

Ekki ætla ég að segja að þetta sé eina skýringin, en líklega all nokkur hluti.

Leyfilegur tími fyrir nagladekk er í Eistlandi frá 15.okt til 1. maí."

Þetta er dæmigert fyrir bullumræðuna í gatnamálum. Horfa fram hjá því sem við blasir með ótal dæmum.

Gunnar Birgisson heitinn lét steypa 14 cm slitlag við Smáralind um 2000. Á þessu sér varla slit eftir 20 ár. Þarafleiðandi ekkert svifryk. Ekkert viðhald eða árleg endurmalbikun til að búa til svifryk.Miklu ódýrara í raun.

Í Kollafirði er 50 ára gömul steypa sem eiginlega sér ekkert á slit. Ekkert svifryk eða viðhald.

Samt vilja gatnamálastjórar allir malbika lag ofan á lag af því að það er svo fljótlegt.

Það er til vél, Gomaco 2500B skriðmótavél með öllum búnaði  uppi í Borgarnesi sem getur steypt hárnákvæmt.

Hana má bara ekki nota af því að það er meira vesen einu sinni en svo ekki meir. Og Gunnars Birgissonar nýtur ekki lengur við, hvað þá Ingólfs Jónssonar sem lét steypa Vesturlandsveginn í Kollafjörð 1970.

Nei það er bullað endalaust um nagladekk og svifryk sem er ekkert vandamál á steyptu slitlagi.

Furðulegt þegar þessi vél getur steypt Ultra Thin Whitetopping ofan á malbik og útrýmt svifrykinu. Nei það er talað um að setja moltu frá GAJU ofan á Laugaveginn sem göngugötu til að gera hann vistvænni með grasi, þá verður ekkert svifryk. Hversu mikið geta menn lagt á sig til að hugsa ekki?

Höldum bara áfram að malbika ár eftir ár og hugsum ekki heldur höldum áfram að bulla um svifryk og að banna nagladekk sem eru ekkert vandamál á steyptu slitlagi. 

Sámur fóstri - 1. tbl. 3. árg. Apríl 2017 by Ráðandi ... - Issuu

 

Bara ekki beita skynseminni heldur bulla um svifryk og að banna nagladekk.

Pestin er í sókn

í Skotlandi. 40 % aukning smita í síðustu viku. Nicola Sturgeon frestar rýmkun takmarka til 19 Júlí í það minnsta.

Ferðakallarnir hér vilja bara galopna hér allt.

Pestin er í sókn eiginlega allstaðar nema bara hér af því að Þórólfur hefur verið svona harður.

 

Hamfarahlýnun forsætisráðherra

er það málefni sem sem virðist yfirskyggja allt annað hjá henni?

Svo segir Trausti Jónsson á Hungurdiskum:

"Meðalhiti fyrstu 20 daga júnímánaðar í Reykjavík er +8,0 stig, -1,5 stigum neðan meðallags áranna 1991 til 2020 og -1,7 stigum neðan meðallags síðustu tíu ára. Hitinn er í næstlægsta sæti á öldinni, kaldara var 2001, meðalhiti þá 7,8 stig. Hlýjastir voru þessir sömu dagar 2002, meðalhiti 11,5 stig. Á langa listanum er hitinn nú í 118. sæti (af 147). Hlýjast var 2002, en kaldast 1885, meðalhiti þá aðeins 6,6 stig.

Á Akureyri er meðalhiti nú +8,2 stig, -0,8 stigum neðan meðallags 1991 til 2020, og -1,2 neðan meðallags síðustu tíu ára.

Hiti er neðan meðallags um nær land allt. Þetta er kaldasti júní (hingað til) á Suðausturlandi, en að tiltölu hefur verið hlýjast á Norðurlandi eystra. Þar er hitinn í 15. hlýjasta sæti aldarinnar (af 21). Hiti er í meðallagi síðustu tíu ára á einni stöð, Gjögurflugvelli, en kaldast að tiltölu hefur verið í Þúfuveri þar sem hiti er -3,3 stig undir meðallagi.

Úrkoma hefur mælst 27,8 mm í Reykjavík, eða í rétt tæpu meðallagi. Á Akureyri hefur úrkoman mælst 12,4 mm og er það líka rétt undir meðallagi. Sólskinsstundir hafa mælst 94,7 í Reykjavík og er það um 30 stundum minna en að meðallagi."

Auðvitað er ekkert að marka smá úrtök um lítið tímabil.

En er þetta mál sem fyrst fæst rökstutt eftir áratugi héðan í frá það sem hlýtur að hafa algeran forgang í hugum kjósenda?

Eða eru Evrópumál, Varnarmál, Viðskiptamál, Atvinnumál eitthvað sem máli munu skipta í kosningunum í haust?

Er einhverskonar hamfarahlýnun að eiga sér stað í stjórnmálaveröld forsætisráðherra?