Leita í fréttum mbl.is

Kvótaflóttamenn

er eitthvað jarðarmen sem íslenskum krötum hefur tekist að að lát íslenska þjóð undirgangast sér til bölvunar eins og flest allt sem þaðan hefur komið. 

Sú tillaga hefur komið fram að Íslendingar skuli framvegis velja sér flóttamenn til að uppfylla þessar skyldur.

Í fyrsta lagi skuli kristnir flóttamenn valdir úr hópum fullorðinna flóttamanna vegna aukinna líkinda á því að þeir falli fyrr inn í íslenskt samfélag.

Í öðru lagi skulu munaðarlaus ung börn hafa forgang til að fylla kvótana. Íslendingar ættleiði þessi börn sem sín eigin sem þá falla algerlega inn í okkar þjðfélag.

Börn verða okkur auðveldari viðfangs heldur en búrkuklæddar kellingar og uppgjafa stríðsmenn Allah.

 


Siðgæðisverðirnir

úr öllum kommaflokkunum hafa nú sinn dag í réttinum.

Þeir andskotast á Sigmundi og konunni hans og RÚV og Stöð 2 liggja í landsmönnum með fréttir að þeir allir séu að undirbúa vantrausttillögu.

Fólk bíður í ofvæni að fá að sjá hvort þeir eru nógu vitlausir að leggja slíkt fram. Það eina sem þeir mega vera pottþétt vissir um að Sjálfstæðisflokkurinn rýkur upp í næstu skoðanakönnun og Sigmundur og Framsókn fá þvílíkt tækifæri að fara yfir það sem áunnist hefur í rikisfjármálunum og bera saman við þeirra eigin afglöp sem eru Legíó.

Siðgæðisverðirnir sjálfir eru líka hvítskúraðir englar. Björn Valur með grónar fjármálagrundir að baki sér og ódáínsvelli, (Arnarson&)Hjörvar með allar þjóðlífsumræður að baki, Össur sem var auðvitað sýknaður sem vinstri gepill af öllum grunsemdum um innherjatengsli, meðan Baldur Sjálfstæðismaður fór í tukthúsið fyrir innherjasvik þó báðir seldu sömu vöru á sama tíma, Árni Páll Gullkistuvörður Samfylkingarinnar skilaði ekki eyri af Landsbankapeningunum meðan Bjarni rústaði Valhöll, eitthvað seldi Árni Þór líka og Steingrímur hjartasorgar-Landsdómsákærandinn nær ekki upp í nef sér af hneykslun og siðferðisbrestum annarra. Algert einvalalið.

Sigmundur þarf endilega að fá þessa tillögu fram. Betra tækifæri til að jafna um stjórnarandstöðuna og siðgæðisverðina getur ekki fengist. 


Kaninn kemur aftur

að því að grein í Christian Sience Monitor þ. 27.Marz segir.

P8 ICELAND_standardÞar segir að brottför varnarliðsins hafi verið þungt högg sem hafi skilið fólk eftir ringlað og skyldi aldrei hafa verið gert.

Nú eiga að koma hingað P8 kafbátavélar sem gegna sama hlutverki og gömlu Orion vélarnar. Og það sem meira er þá er 21.4 milljónir dollara fjárveiting sem fylgir þessu sem er enn innspýting í íslenskt efnahagslíf.Og ekki síst er þetta kærkomið aukið öryggi fyrir Íslendinga á tímum sem þessum. 

 

Nú geta kommarnir gargað yfir einhverju öðru en Sigmundi Davíð þegar Kaninn er að koma aftur.

 


Hversvegna hata þau okkur svona mikið?

er fyrirsögn á grein Styrmis Gunnarssonar í Mbl. á laugardaginn var.

Styrmir veltir fyrirsögninni fyrir sér og mér finnst hann komast að þeirri niðurstöðu helst að við eigum að rétta fram hinn vangann þegar hryðjuverkamenn slá okkur. Við höfum verið svo vondir við þessi grey á árum aður að þeir eigi mikið inni hjá okkur.

 En grein Styrmis er hér:

"Þýzkur þingmaður Græningja, Franziska Brantner að nafni, varpaði fram spurningu á Twitter í kjölfar hryðjuverkanna í Brussel og hún var svona: „Hvers vegna hata þau okkur svona mikið?“

Eitt svar við þeirri spurningu má finna í hinni athyglisverðu bók Gunnars Þórs Bjarnasonar sagnfræðings, „Þegar siðmenningin fór fjandans til“ – Íslendingar og stríðið mikla 1914-1918, sem út kom fyrir síðustu jól.

Þótt þar sé fjallað um samskipti Belga og Kongóbúa eiga þær lýsingar efnislega við um samskipti hinna kristnu evrópsku menningarþjóða við nýlendur sínar víða um heim og þá m.a. í Norður-Afríku og Mið-Austurlöndum.

Gunnar Þór segir: „Mannréttindi voru ekki Evrópubúum efst í huga í Afr- íku, þótt þeir hafi ekki átt í neinum vandræðum með að réttlæta nýlendustefnuna með göfugum markmiðum. Þau fólust í því að breiða út kristna trú, útrýma þrælahaldi og siðmennta Afríkubúa

… Fyrst og fremst sóttust Evrópubúar þó eftir landi, auðlindum álfunnar, mörkuðum og vinnuafli innfæddra … Átakanlegt dæmi um það hvernig Afríkubúar urðu fyrir barðinu á græðgi nýlenduherranna eru örlög innfæddra í Kongó.

Leópold annar Belgíukonungur hafði augastað á þessu feiknastóra landflæmi í suðurhluta Afríku, sem var töluvert stærra en Frakkland, Þýzkaland, Ítalía og Spánn til samans. Árið 1885 stofnaði hann fríríkið Kongó og tókst að fá stórveldin til að viðurkenna yfirráð sín. Kongó var um tveggja áratuga skeið í reynd persónuleg eign konungs en varð belgísk nýlenda árið 1908.

Leópold talaði hátíðlega um að mennta Kongóbúa og lyfta þeim á hærra menningarstig. Raunverulegur ásetningur hans var þó að kreista eins mikinn ágóða út úr þessari eign sinni og framast var unnt. Verzlun með fílabein var afar arðbær en eftir að farið var að nota loftfyllta gúmmíhjólbarða á reiðhjól og bifreiðar um 1890 varð fjandinn laus. Gúmmí varð mjög eftirsótt en það var á þessum árum eingöngu unnið úr kvoðu gúmmítrjáa

… Ástandið í Kongó var skilgetið afkvæmi nýlendustefnunnar. Framferði Evrópumanna var hrottalegt, þeir svifust einskis í gróðafíkn sinni, líkast því sem þeir hafi vonast til að frumskógurinn skýldi þeim fyrir augum umheimsins. Konum og börnum var haldið gíslum þar til karlmennirnir höfðu reitt af hendi tilskilið magn af gúmmíkvoðu

… Fólk var hýtt miskunnarlaust, limlest fyrir minnstu sakir og jafnvel myrt í hópum. Heilu þorpin voru brennd til grunna. Stundum var vopnuðum sveitum nýlenduherranna gert að skila inn afskornum útlim fyrir hverja byssukúlu, sem þær höfðu notað.“

Og svo spyr þingmaður á þýzka þinginu nú: Hvers vegna hata þeir okkur svona mikið? Þetta er að vísu ekki lýsing á því, sem gerðist í Mið- Austurlöndum, en dettur einhverjum í hug að áþekkir atburðir hafi ekki gerzt annars staðar þar sem fulltrúar hinna evrópsku menningarþjóða fóru um fyrir rúmum hundrað árum?

Þar bjuggu þær gjarnan til ný lönd, sem tóku ekkert mið af stöðu mála á staðnum heldur hentuðu þeirra hagsmunum. Þannig urðu Írak, Sýrland og Líbanon til. Svona eins og Danir hefðu ákveðið að Vestfirðir skyldu tilheyra Grænlandi.

Þetta er ekki tilraun til að afsaka hryðjuverk. En þetta er tilraun til að skilja hvað veldur þeim ósköpum, sem eru að dembast yfir Evrópu og hafa m.a. þau áhrif að Íslendingar – sem og aðrir – hljóta að spyrja sig spurninga áður en þeir taka ákvörðun um að heimsækja helztu menningarborgir Evrópu.

Þótt ekki sé lengur krafizt afskorins útlims fyrir hverja byssukúlu (áttu refaskyttur hér ekki í eina tíð að skila refaskottum?) varð hugsunarháttur nýlenduherranna býsna lífseigur.

Sumarið 1956 lærði ég ensku á skóla í London og fylgdist því grannt með Súez-deilunni sem þá varð til. Sir Anthony Eden, forsætisráðherra Breta, talaði um það eins og sjálfsagðan hlut að Bretar og Frakkar ættu Súez-skurðinn, sem lá um land Egypta. Það var eins og ef Bandaríkjamenn hefðu kastað eign sinni á Miðnesheiði og talað eins og okkur kæmi ekki við hvað þar gerðist.

Þjóðverjar voru látnir borga svo þungar stríðsskaðabætur eftir heimsstyrjöldina fyrri að önnur heimsstyrjöld brauzt út. Það er hægt að færa rök fyrir því að Evrópuþjóðirnar, þ.e. þær sem hlut eiga að máli, eigi að borga fyrrverandi nýlendum sínum bætur fyrir meðferð- ina á fólkinu og stuld á auðlindum þessara þjóða.

Það er skollið á eins konar stríð í Evrópu og því mun ekki linna fyrr en nýlenduþjóðirnar horfast í augu við eigin sögu og afleiðingar hennar. Forseti Íslands, Ólafur Ragnar Grímsson, segir réttilega að í hryðjuverkunum í Evrópu felist „atlaga að lýðræði okkar og siðmenningu, mannréttindum, jafnrétti og frálsri umræðu“.

En á móti má spyrja: Í nafni hvaða siðmenningar voru útlimir skornir af í Kongó fyrir hverja byssukúlu fyrir rúmum hundrað árum? Hryðjuverkamennirnir sem vaxa upp á götum Parísar, Brussel, Lundúna og fleiri borga í Evrópu munu ekki hætta að drepa fólk fyrr en hinar siðuðu þjóðir Evrópu hætta að bregðast við aðsteðjandi vandamálum með gaddavírsgirðingum, táragasi og gúmmíkúlum og hótunum um að beita alvörubyssukúlum.

Það er kominn tími á að rétta fram höndina til fátæka fólksins í heiminum. Ella mun það storma um borgarhliðin í Evrópu, eins og það gerði í París fyrir rúmlega 200 árum."

Þarna finnst mér ritstjórinn fara út á hála gler í málflutningi sínum.

Eigum við að fara sýna ISIS vináttu af því að Bretar hafi verið svo vondir við þeirra fólk? Að þeir hafi bara verið að kvitta reikninginn í París eða Lahore? Eigum við að hleypa hér inn á okkar sósíal hverskyns múslímskum trantaralýð og efnahagsflóttamönnum af því að einhver Belgíukóngur hafi verið svo vondur við forfeður þeirra?

Hvert er maðurinn að fara?

Vesturlönd verða að vera reiðubúin að beita alvörubyssukúlum  því "Það er skollið á eins konarstríð í Evrópu og því mun ekki linna fyrr en nýlenduþjóðirnar horfast í augu við eigin sögu og afleiðingar hennar."  

Styrmir virðist vilja endurreisa friðkaupastefnu Chamberlains sem höfundur Reykjavíkurbréfsins í Sunndudagsblaðinu fer ágætlega í þá sömu helgi. Hvernig honum getur dottið í hug að styrjöldinni muni ljúka með því að við gefumst bara upp, iðrumst beisklega og réttum þeim aleiguna?

Efnahagsflóttamennirnir Sómölsku sem hafa flykkst til Svíþjóðar ætla sér ekki annað en að sækja þessar skaðabætur til Svía, láta þá borga eins og þeim þóknast. Þessi skríll ætlar ekki að gerast Svíar eða taka þátt í sænsku þjóðfélagi á nokkurn hátt nema til að hafa það til átu.

Mig varðar ekkert um það af hverju múslímar hata okkur svona mikið. Mér er alveg nóg að vita að þeir hata okkur nægilega mikið til að drepa 12 kristna menn á klukkutíma 24/7. Svo er RÚV að birta myndir af Páfanum heimta að við borgum bara meira til flóttamanna? Ekki gaf Páfagarmurinn mikið til að bjarga Gyðingum á sinni tíð þó Hitler byði honum það víst.

Af hverju megum við ekki reyna að hegða okkur í samræmi við það sem er staðreynd?  Þeir hata okkur svona mikið.

Hvort eigum við að gera, kyssa á vönd þeirra eða taka upp lurka.


og frelsa oss

Olipaskafrá ...

 

 

 

 

 

 

 

Plís..

 


Fokið í flest Schengenskjól

ef marka má Staksteina Moggans í dag. Þar segir:

 

 

"Belgíska lögreglan hefur sætt ámæli í kjölfar hryðjuverkanna miklu í Brussel. Ráðherrar buðust til að segja af sér en það var afþakkað. 

Í raun situr bráðabirgðastjórn í Belgíu og ekki hefur tekist mánuðum saman að koma saman ríkisstjórn. Belgía hefur lengi verið brotakennt land. Það kemur því ekki á óvart.

 En fyrir okkur Íslendinga hlýtur sú umræða sem orðið hefur um upplýsingakerfi Schengensamstarfsins að koma mjög á óvart. 

Ástandið í flóttamannamálum kallar á að Ísland komi sér út úr Schengen sem allra fyrst. Röksemdin gegn því hefur verið sú að þá félli Ísland út úr hinu mikilvæga upplýsingakerfi Schengen. 

Nú hafa bæði belgískir og franskir ráðherrar sagt opinberlega að þetta kerfi sé vita gagnslaust! Og ekki bara þeir.

 Ísjónvarpsviðtali við fyrrverandi forstjóra leyniþjónustu Bandaríkjanna í fyrradag tók hann undir þetta og sagði að einstakar leyni- þjónustur treystu kerfinu ekki fyrir upplýsingum.

 Það er ekki góð ástæða til þess að hanga áfram í Schengen, gegn augljósum hættum, að embættismönnum þyki eftirsóknarvert að komast til Brussel og haldi því að ráðamönnum að þeir hafi merkilegar upplýsingar upp úr krafsinu.

Það hefur verið afhjúpað sem firra." 

 

Hvernig stendur á því í íslensk stjórnvöld eða Alþingi heyri ekkert af þessum röddum?  Hvernig má það vera að bara almenningur á Íslandi sjái hverslags andvaraleysi og verkleysi einkenni meðferð Íslands á Schengen Samningnum? Hvernig það blasir við öllum hversu auðveldlega má bæta öryggi Íslands gagnvart hryðjuverkamönnum og óþolandi aðstreymi efnahagslegra hælisleitenda.

Af hverju ekki að losa heljartök samningsins á okkar embættiskerfi, sem sér enga hækkun á vástigi nauðsynlega heldur stendur fyrir tilgangslausum byssusýningum í flugstöðinni í staðinn?. 

Jafnvel Björn Bjarnason hefur lýst efasemdum um óbreytt ágæti þess.

Er ekki fokið í flest Schengenskjól?


Sámur fóstri

er kominn út.

Endilega kíkið á blaðið

http://issuu.com/radandi_auglysingastofa/docs/samur_fostri_1_tbl_mars_2016_280x42

Tökum gjarnan við commentum á blaðið í hvora átt sem er.


Hanna Birna

hefur unnið sér ódauðlegan sess í stjórnmálasögu Sjálfstæðisflokksins.

Við Vallarvinir mun héreftir fylgjast með hverju hennar pólitíska fótmáli og sjá til þess að jafnan verði ýtrustu athygli beitt til þess að við fáum fylgst með athöfnum skörungsins.

Við þurfum að rifja um stórar stundir í lífi hennar og valdatafli í Valhöll og sjá til þess að þær gleymst engum flokksmanni. Slíkur er sess Hönnu Birnu stjórnmálamanns, fyrrum borgarstjóra, fyrrum ráðherra, fyrrum leiðtoga úr Sjálfstæðisflokknum. 


Össur

kom eins og menn bjuggust við.

Flennti út landsföðurlega Forsetagrein yfir þvert málgagnið.

Nú fara menn að koma að máli við hann og hann fer að kikna í hnjáliðunum af föðurlandsást.

Þá er það spurning hvort næsti kafli atburðarásarinnar fer í gang.

Össur er búinn að segja A. Hvenær kemur B? Og hvort þá kemur C? Ja, eða D?

 


Revíuviðbrögð

finnast manni sumar opinberar ráðstafanir vera, bæði hérlendis og erlendis, þegar hryðjuverk eiga sér stað.

Það er verið að setja á allskyns byssusýningar og sérsveitarviðburði allt af því að ISIS er búið að fremja sín hryðjuverk í bili. Þetta hljóta að vera viðbrögð vanmáttugra stjórnmálamanna sem vita ekki í hvorn fót þeir eiga að stíga.

ISIS er búið að skila af sér sínu verki. Þetta hefur áreiðanlega gengið nærri þeim, skipulag, mannfórnir og flótti. Þeir eru ekki líklegir til frekari stórræða í bili.

Hér á Íslandi eru viðbrögð stjórvalda engu skárri. Það er sett á svona sýning í Leifsstöð og einhver nefnd um vástig heldur fund og sér enga ástæðu til að gera neitt.

Stjórnvöld hérlendis segjast vera tilbúin að bregðast við með öllum tiltækum ráðum. Nema því eina sem gæti dugað.  Ytri  landamæri Schengen eru þeim Humpfrey og Bernard svo mikilvæg að allt hverfur í skuggann. Það má ekki krefjast vegabréfa af þeim sem koma til landsins nema þeim sem eru Íslendingar eða fólk frá löndum utan ESB. Hælisleitendur og hverskyns flóttamenn frá EES geta valsað hér inn og út. Það hlýtur að vera mikið atriði að sýna þeim að löggan hérna eigi byssur þó að við höfum endursent til Noregs síðustu byssugjöfina. 

Mér finnst þetta vera revíukennt allt saman og í besta falli bara dýrt og minna en einskis virði. Enda fráleitt að komið sé að næsta hryðjuverki ISIS. Þeir eru ekki svo vitlausir að velja sér ekki betri tíma en núna rétt eftir.

En hversvegna bara revíusýning en ekkert raunhæft?


Misskilningur í Mogga

nánar tiltekið í Staksteinum:

"Í nýjasta hefti Þjóðmála er birt grein eftir Hersi Sigurgeirsson, dósent í fjármálum við viðskiptafræðideild Háskóla Íslands, um kostnað- inn sem Íslendingar stæðu frammi fyrir ef Svavars-samningarnir svokölluðu hefðu verið sam- þykktir. Vinstri stjórnin beitti ótrúlegum vinnubrögðum til að þvinga þessa Icesavesamninga í gegnum þingið og í framhaldinu til að reyna að sannfæra þjóðina um að yrðu þeir ekki samþykktir biði landsmanna eymd og volæði.

Þetta var eitthvert ógeðfelldasta áróðursstríð nokkurrar ríkisstjórnar gegn þjóð sinni og þjóðarhagsmunum. Má með ólíkindum telja að forsprakkar þessarar ríkisstjórnar telji að þjóðin taki mark á þeim eftir þetta þegar þeir hefja upp raust sína.

Útreikningar Hersis sýna að hefði vinstristjórnin komið samningunum í gegn hefði skuldin sem þar með hefði verið hengd á þjóðina stað- ið í 208 milljörðum króna hinn 5. júní næstkomandi.

Greiðslur hefðu numið 26 milljörðum króna árlega á næstu átta árum með tilheyrandi lífskjaraskerðingu almennings. Enn hafa þau sem studdu þennan samning ekki útskýrt af hvaða hvötum þau fóru með offorsi gegn vilja og hagsmunum þjóðarinnar og reyndu að hengja á hana slíkan skuldaklafa.

Er ekki tímabært að þau geri hreint fyrir sínum dyrum? "

Þetta er kolröng ályktun eftir góðan pistil.

Fólk hefur ekki minnsta áhuga á hvað þau Steingrímur J og Jóhanna Sigurðardóttir segja hér eftir. Þau eru búin að sýna hvers þau eru megnug. Það er okkar kjósenda að gæta þess að þau komist aldrei aftur í áhrifastöður. Það getur haft stórslys í för með sér sem ekki er víst að þjóðin sleppi eins vel frá og því sem Hersir lýsir.

Það er misskilningur í Mogga að nokkur hafi áhuga á að hlusta á eitt né neitt sem þessi skötuhjú hafa að segja. Þau eru búin að tala og gera og þau hafa engu við að bæta. Þau voru sjálf miskilningur í valdastólum. 

 


RÚV í pólitíkk!

RÚV vill, RÚV ætlar, RÚV leggur til,...að  að

1. þjóðfundur um heilbrigðiskerfið er í kvöld. Þar verða ráðherrar teknir á beinið. Kári klári þorir ekki íðá hjá RÚV! 

Hvað ætlið þið að segja ykkur til málsbóta af þessu pólitíska þingliði? Hvern fjandann eruð  þíð að ybba gogg við okkur útvarpskommana? Sliljið þið ekki að það erum við sem mótum vilja kjósenda?

2.þjóðfundur verður boðaður með dagskrá.Hann mun taka fyrir málefni hælisleitenda og flóttamanna. Það kemur hinsvegar þegar við erum búnir að móta landinu stefnu og setja kvóta á það hversu marga við viljum. Og búið ykkur undir það að við verðum rausnarlegir þegar kemur að íslensku ríkisfangi.

RÚV, RÚV skín á mig....


« Fyrri síða | Næsta síða »

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (22.7.): 0
  • Sl. sólarhring: 3
  • Sl. viku: 45
  • Frá upphafi: 0

Annað

  • Innlit í dag: 0
  • Innlit sl. viku: 41
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband