Er gróði að innflytjendum?

Það eru til þeir sem reikna sig í gróða af "innflytjendum" þegar teknar eru skatttekjurnar af launum þeirra sem eru að vinna úti í þjóðfélaginu. Ef lagður er við þær sem hagnaður það sem það kostar okkar samfélag að ala upp jafnaldrann, en dregið frá það sem þessi "innflytjandi" tekur úr kerfinu af bótum meðan hann er að vinna, þá kemur út stórhagnaður. 

En "innflytjandi" er ekki sama og innflytjandi. Það er reginmunur á til dæmis Pólverja sem kemur hingað til þess eins að afla sér tekna, borgar skattinn sinn, kjaftar ekki í gemsa í vinnutímanum, er aldrei veikur eða heima yfir veiku barni.

Til viðbótar er að hann tekur trúlega aldrei eftirlaun úr lífeyrissjóðnum sem hann er látinn borga í,verður gamall og deyr heima hjá sér,  þá er auðvitað rokgróði af þessum "innflytjanda". Sé svo kostnaðurinn af  því að ala upp jafnaldra hans íslenskan lagður við þessa tölu er allt komið í plús.

En þessi Pólverji er bara ekki endilega innflytjandi heldur gestavinnumaður. Hann fer alveg eins heim til sín þegar hann er búinn að græða hér fyrir húsi, bíl og ísskáp í heimalandinu og kemur ekki aftur.En flest er þrisvar sinnum ódýrara í Póllandi en hér, bæði hús og  matur en viskíið er hinsvegar fjórum sinnum dýrara hér en þar.

Innflytjendur frá Afríku, Sýrlandi eða öðrum arabaríkjum og suðrænum spænskumælandi löndum, sem eru allt aðrir menningarheimar en okkar, eiga erfitt með að fá vinnu. Þeir eru staddir svipað eins og Egill Skallagrímsson væri ef hann birtist skyndilega meðal okkar í nútímanum með kjálkana tilbúna að bíta á barkann á þeim sem hann teldi það verðskulda. Þeirra bíður því miður að fara á sósíalinn því þeir fóta sig ekki í daglegu lífi okkar. Og þegar við bætist vanþóknun þeirra sem fyrir eru á siðum þeirra þá verður lítill hagnaður af tilkomu þeirra og líklega verða þeir seint hamingjusamir hjá okkur.Af þessum innflytjendum er erfitt að reikna út gróða.

En sé stungið upp á því að Ísland velji úr framboðnum flóttamannafjölda vegna einhvers alþjóðlegs þrýstings  þá er stutt í vandlætinguna hjá góða fólkinu.Þetta eru svo mikil kærleiksverk að bjóða flóttafólki hingað að raunsæi má hvergi heyrast nefnt.

En það má reikna og reikna sig í gróða ef maður gefur sér þær forsendur í innflytjendamálum sem maður telur sér henta hverju sinni.

 

 

-Það rignir líkast til fljótlega-

segja Íslendingar gjarna þegar þeir spóka sig í sólskini og blíðu. -Þetta gengur ekki svona áfram-, þegar tveir sólardagar í röð hafa komið.-Þetta tekur enda, blessaður vertu-.

Ég man alltaf eftir "Wirtschaftswundersyndrominu" sem þjakaði þýskan almúga 1958. -Svona getur þetta ekki gengið áfram- sögðu þeir þegar glýjan af gullinu og efnahagsundrinu blasti við hvarvetna. -Þetta tekur enda-, -þetta er of gott til að vera satt- og stríðið bara rétt búið. Allstaðar byggt, allstaðar kranar og nýjir Bensar brunuðu um göturnar. 

Þegar fréttist af því að uppgjör slitabúanna hjá okkur lækki hreinar ríkisskuldir úr þriðjungi af landsframleiðslu í tíunda hluta, þá dæsa menn mæðulega. -Þetta tekur enda- og stynja. -Allt stefnir í nýtt hrun--, sömu gæjarnir allstaðar komnir aftur-.

Er ekki rétt að spyrja sig hvort of lág upphæð hafi verið sett upp miðað við píslirnar?  Var ekki grunsamlega hratt gengið að afarkostunum um stöðugleikaframlag eða stöðugleikaskatt, af hálfu kröfuhafanna? Eða eigum við að vera ánægðir sem töpuðum öllum sparnaðinum í bankahruninu? Við fáum ekki neitt. Nema Bjarni standi við hugmyndina um að senda öllum landsmönnum hlutabréf í Landsbankanum. Af hverju ekki í fleiri ríkisbönkum og stærri hlut en 5 %?

Nefndi Sigmundur nokkuð við Cameron þegar þeir voru komnir í glasið í Þjóðmenningarhúsinu í gærkvöldi og ég komst ekki í bílastæðahúsið vegna þess, að við ættum að fá skaðabætur hjá John Bull?

En annars eigum við ekki bara að njóta sólarinnar meðan hún skín  án þess að vera þjakaðir af rigningu morgundagsins?

Framtíðarsýn Þýzkalands

án orða:

http://www.thegatewaypundit.com/2015/10/germans-panic-as-muslims-march-through-city-this-is-our-future-video/

Er þessi sýn að auðga Þýzkaland?

Mitt gamla góða gistiland með sínar gömlu borgir og bæi. Er þetta þín framtíð? Eða kemur einhver sem gerir eitthvað í þessu?

Enn um "Góðafólkið"

að þessu sinni er það Ólína Kjerúlf Þorvarðardóttir nýbakaður varaforseti Norðurlandaráðs sem talar máli þess.

Hún ræðir málefni flóttmanna af miklum móð við Arnþrúði Karlsdóttur á Úrvarpi Sögu núna rétt áðan. Hún fer mikinn í því að Íslendingar verði að gera eins og Svíar að taka við mörgum flóttamönnum vegna mannúðarsjánarmiða. Hún fer mikinn og er krefjandi í röddinni þangað til að Arnþrúður spyr hvers vegna Danir auglýsi núna að þeir vilji enga flóttamenn til sín, hversvegna norska ríksistjórnin  beinir  því til sinna sveitarfélaga að taka ekki við neinum  flóttamönnum og Finnar segi að  þeir taki ekki við neinum  flóttamönnum heldur.

En Íslendingar verði að fara að dæmi Svía að mati Ólínu og opna allar gáttir eins og fjölmenni þjóðarinnar býður frekast uppá, án þess að nein tala komi fram hjá henni frekar en öðrum sem um þessi mál fjalla.  

Hversvegna eiga Íslendingar að gera bara eins og Svíar? Af hverju gera hinar Norðurlandaþjóðirnar ekki eins og Svíar ef þeir hafa alltaf rétt fyrir sér? Flóttamenn séu bara þverskurður af þjóðfélögum sínum segir Ólína Alþingismaður og innan um þá geti leynst nýtir borgarr sem kunni sitthvað fyrir sér. Já sjálfsagt geta flóttamenn haft ýmsa hæfileika og þekkingu sem nýtist hérlendis.

En gallinn er sá að í heild þá virðast múslímar hata alla vestræna menn sem trúleysingja. Þeir eru því ekki að koma hingað til að samlagast okkur heldur að láta okkur samlagast þeim. Þeir sem eru ekki múslímatrúar geta sjálfsagt horfið í fjöldann hjá okkur slæðulausir og lausir við fordæðuskap úr þeirri trú eins og umskurn kvenna og heiðursmorð. En hinir réttrúuðu ekki.

Mér finnst ótækt að Ólína komist upp með svona alhæfingar og heimtufrekju.Við sem ekki eru "góðafólkið" viljum fara með gát í því hvað fólk kemur hingað og vanda valið ef eitthvað á að velja. 

Austurískar konur undirbúa móttöku flóttamanna

með því að kaupa upp öll skotvopn og skotfæri í landinu. 

Byssulög eru mjög ströng í Þýskalandi, Bretlandi, Danmörku og Hollandi er varla gerlegt fyrir venjulegan borgara að kaupa slíkt. Það er krafist sálfræðiprófs í Þýskalandi og sjálfsvörn er ekki tekin gild sem ástæða í þessum löndum. Austurríkismenn hafa eilítið vægari lög.

Fréttir frá Tékklandi herma að byssur hafi flogið út í Austurríki og meirihluti kaupenda séu konur. Það sé hinsvegar of seint að kaupa sér byssur í því landi þar sem þær séu uppseldar!

Hvað er á seyði? Vita austurrískar konur ekki að það á að taka vel á móti hælisleitendum og flóttamönnum samkvæmt Landsfundarályktunum Sjálfstæðisflokksins? 

Read more at http://www.wnd.com/2015/10/islamic-invasion-pulls-trigger-europeans-scramble-for-guns/#kqdqcu4fVfzk1txv.99

 

"Góðafólkið"

á iðinn málsvara í Árna Matthíassyni á Morgunblaðinu.

Þar lýsir Árni þessi atburðum á Landsfundi, sem hann væntanlega sem vinstrimaður hefur ekki upplifað sjálfur heldur reiðir sig á frásagnir annarra.

"Svo gerðist það í vikunni að tveir dánumenn úr Sjálfstæðisflokknum tóku til máls undir lok landsfundar flokksins. Annar fékk gott hljóð, eins og hann lýsir því sjálfur (ég var ekki viðstaddur), en hinum var ekki eins vel tekið, því »lýðurinn« ærðist, stappaði í gólfið og baulaði að sögn ræðumannsins sem varð að hætta máli sínu vegna óánægju viðstaddra. Þetta kemur nokkuð á óvart í ljósi þess að hann var aðeins að bergmála Útvarp Sögu og því hefði ég búist við því að salurinn hefði sprungið af hlátri, hlegið viðkomandi uppistandara niður úr ræðupúltinu frekar en að baula."

Hann lýsir velþóknun sinni á atburðarásinni með setningunnni:

"Nú er það rétt hjá viðkomandi ræðumanni að hver á að hafa rétt til að taka til máls en þeir eiga ekki síður rétt til að tjá sig sem eru ósammála honum. Þeir mega líka segja skoðanir hans galnar og rasískar ef þeim sýnist svo - málfrelsi er fyrir alla. Svo á maður ekki að bera virðingu fyrir öllum skoðunum, sumar skoðanir eru nefnilega svo galnar að ekki er hægt annað en hafna þeim án umræðu."

Það var gegn svona skoðunum sem leiða til uppþota á frjálsum fundum sem Hitler stofnaði stormsveitirnar. Þá ferðaðist Hitler borg úr borg og barðist fyrir sínum skoðunum. Fyrst í miklum minnihluta hrakinn og hæddur.  "Besserwisserarnir" þá, hugsanlega jafn víðsýnir eins og Árni þessi, töldu nefnilega réttlætanlegt að henda bjórköllum og grjóti í Hitler og hans fólk í stað þessa að rökræða. Eða með orðum Árna sjálfs:" Svo á maður ekki að bera virðingu fyrir öllum skoðunum, sumar skoðanir eru nefnilega svo galnar að ekki er hægt annað en hafna þeim án umræðu."

Akkúrat kjarni málsins.  Stormsveitirnar voru upphaflega stofnaðar til þess að fleygja ólátabelgjunum út og koma skikk á fundina fyrir óeirðaseggjum sem hegðuðu sér í átt til þess sem um ræðir á Landsfundi Sjálfstæðisflokksins. Reyndu að hleypa upp fundunum af því að þeir vildu ekki því að : " sumar skoðanir eru nefnilega svo galnar að ekki er hægt annað en hafna þeim án umræðu." að dómi Árna þessa.  Stormsveitirnar voru upphaflega stofnaðar til að verja fundafrelsið svo fyndið sem það er nú í ljósi þess sem síðar varð.

Auðvitað var ástandið í Þýzkalandi á þeim tíma þannig að jaðraði við borgarastríð lengi vel. En þessir tímar geta komið aftur þegar stjórnmálamenn eins og Merkel ganga gersamlega gegn þjóðarvitundinni að mönnum er nóg boðið og reisa höfuð sín til varnar eins og hinn traðkaði aumasti ormur. 

Ekkert er nýtt undir sólinni og mikil hitamál geta leitt til óeirða eins og við sáum í Gúttóslagnum og árás kommúnista  á lýðræðið á Austurvelli 30 marz. Svo næst í búsáhaldabyltingunni sem  æst var upp af kommúnistum innan úr Alþingishúsinu að hluta til. 30 marz varð að kalla út varalögreglu en í búsáhaldabyltingunni munaði hársbreidd þegar almennir borgarar gengu fram fyrir skjöldu að verja úttaugaðar hetjur okkar.

"Góðafólkið" eins og Árni þolir ekki rökræður.Það vill bara berja okkur "rasistana" til hlýðni fyrir að hafa skoðanir á innflutningi flóttamanna af því bara að þær séu "galnar"

Er það sjálft bara ekki með speldi fyrir augunum og neitar að ræða það hvort hópar innflytjenda hafi hugsanlega reynst í ætt við það sem Árni skrifar:" ..múslímar (sem= innskot mitt) séu upp til hópa blóðþyrstir villimenn - eigum við að viðurkenna það sem skoðun?"

Það eru býsna margir sem benda á múslímahverfin í Svíþjóð og spyrja hvað það sé sem fælir lögregluna frá því að fara inn í þessi hverfi. Styður það þá skoðun að innfluttir múslímar hafi reynst í því landi upp til hópa sérstakir dánumenn? Eru fjöldagöngur hvítserkja í London sem öskra "Breska lögreglan fari til helvítis" tákn um rangindi "rasista" sem "góðafólkið" verði að standa vörð um að nái ekki til innflytjenda? 

"Góðafólkið" er að verða að vandamáli meðal almennings með upphlaupum sínum sem vonandi leiðir þá ekki til stormsveita á móti.

Von fyrir Ísland

eru þau tíðindi að 70 % launþega séu innan hins nýja bandalags sem framhalds af SALEK hópnum sem undirritaði stofnskjöl sín í gær.

Þau 30 % launþega sem utan standa mega ekki fá tækifæri til að kollvarpa stofnun þessara samtaka. Stjórnvöld verða að beita öllu afli til þess að Íslendingar geti komið böndum á kjaramálin og komið þannig stjórn á sjálfa sig til þess að hér geti ríkt stöðugleiki svipað og í nágrannalöndum okkar. Annars dragast lífskjör þjóðarinnar aftur úr.

Verðbólgan er óvinur launafólks og almennings númer eitt. Hófstilling í taxtahækkunum í anda Ludwigs Erhardt´s er grunnurinn undir allri lífskjarasókn eins og dæmi Þjóðverja sannar. Kjarabætur vegna eftirspurnar eru annars eðlis en vopnuð rán. Í Svíþjóð eru víst bara þrír aðilar sem semja við vinnuveitendur um taxta. Í Noregi mun svipað fyrirkomulag gilda.  

Ég hrópa ferfalt húrra fyrir því góða fólki sem þarna hefur komið að verki.Þarna hefur Ísland eignast von.

Veljum flóttamenn

hingað ef við verðum að skríða fyrir ESB og láta þá skipa okkur fyrir.

Við höfum samt engin ráð á að hleypa óskilgreindum hópum inn í landið. Við eigum ekkert húsnæði aflögu, við eigum ekki peninga aflögu, við eigum ekki mat aflögu fyrir okkar eigið fólk. Í útvarpinu lýsir fátæk kona því í gær hvernig hælisleitendur ryðjast fram fyrir hana í matargjafabiðröðinni, hrifsa allt úr kössunum og fara með svo að hún fer bónleið til búðar.

Þetta "góðafólk" hugsar þetta ekki málin til enda. Það sem fer í þennan lýð er tekið frá okkar eigin fólki. Að vera að viðurkenna Albani sem flóttamenn er aldeilis fráleitt. Þar ríkir ekkert stríð.

Vegabréfaskylda losar okkur við flesta þessa hælisleitendur sem er góð byrjun. Við getum þá frekar valið okkur menntaða raunverulega flóttamenn sem eru líklegir til að koma þjóðfélaginu að gagni en ekki óflokkaðan múslímaskríl eins og forpestar spítalana núna í Þýzkalandi þannig að lögregla með grimma hunda verður að gæta starfsfólksins.

Það lýtur að mega velja sér flóttamenn. Saudi Arabía á tilbúnar búðir fyrir milljónir manna með öllum þægindum. Þeir taka hinsvegar ekki við neinum af nágrönnum sínum frá Sýrlandi af því að þeirra trúarafbrigði passar ekki fyrir Saudana. Vill Forsetinn okkar ekki tala við kunningja sína í Saudi Arabíu um þetta mál?

Aðalatriðið er að fá hingað ekki annað flóttafólk en það sem getur orðið þjóðfélaginu að liði. Okkur vantar ekki vana hryðjuverkamenn hingað.

Sko VG!

Ég gluggaði í afrakstur Landsfundar VG. Þeir ályktuðu meðal annars sem svo:

"Aðild Íslands að Schengen-samkomulaginu um afnám vegabréfaskoðunar var óheillaskref. Í því felst að Íslendingar taka að sér vörslu ytri landamæra Evrópusambandsins og girðingar eru hækkaðar gagnvart öðrum ríkjum og heimshlutum. Schengensamstarfið er að auki kostnaðarsamt og felur í sér víðtæka og varhugaverða skráningu persónuupplýsinga."

Mikið væri ég glaður ef eitthvað svona vitrænt hefði komið frá Sjálfstæðisflokknum. Því var hinsvegar ekki að heilsa.

En svo er það spurningin um það hverju maður eigi að trúa í yfirlýsingum þeirra VG manna með tilliti til reynslunnar.

"Hugsanlegur ávinningur af aðild Íslands að Evrópusambandinu réttlætir ekki frekara framsal á ákvörðunarrétti um málefni íslensku þjóðarinnar og er aðild að Evrópusambandinu því hafnað.....Hugsanlegur ávinningur af aðild Íslands að ESB réttlætir ekki frekara framsal á ákvörðunarrétti um málefni íslensku þjóðarinnar."

Hvað þýðir þetta á mæltu máli? Á hugsanlega að sækja um aðild að ESB eins og Steingrímur J. gerði með Jóhönnu?  Hver er raunverulega stefnan? Ég vildi svo sannarlega að ég gæti trúað þessu eins og maður les það. En hver getur treyst því?

Ályktun VG um málefni flóttamanna er stórum skynsamlegri en ályktun ungliðanna í Sjálfstæðisflokknum. VG virðist gera sér grein fyrir að móttakan er vandaverk og kostnaðarsamt. Hinsvegar leggja þeir ekki áherslu á það að innflytjendur verði Íslendingar þegar þeir segja:"Þá þurfa innflytjendur að hafa raunveruleg tækifæri til að rækta eigin menningu og tungu og halda tengslum við heimaland sitt."

Ég finn hvergi að VG vilji slíta stjórnmálasambandi við Ísrael heldur segja þeir:"Hernámi Ísraelsríkis á palestínsku landi og langvarandi kúgun Ísraels á Palestínumönnum verður að linna. Íslensk stjórnvöld eiga að krefjast þess að Ísraelsríki standi við gerða samninga og hlíti alþjóðalögum." sem er náttúrlega óupplýst bull.

Í heild eru stefnumálin sosum stútfull af almennri manngæsku en á köflum barnaleg óskhyggja sem á lítið erindi inn í alvöru þjóðmálaumræðu. Nema að flokkurinn hafi fundið Gróttakvörnina.

En svo er hugsanlega bara allt til sölu við réttar aðstæður á þeim bænum eins og dæmin sanna.Og þá jafnvel Ísland í NATO og herinn kjurt en ekki úr og burt  blási vindurinn úr þeirri átt.

Ég held að flokksþing verði almennt að setja sér vinnureglur um að litlir hópar geti ekki skipulagt yfirtöku á svona Landsfundum þegar margir eru búnir að fá nóg og farnir heim. Allir fulltrúar verða að taka þátt í afgreiðslu mála og fundirnir mega því ekki standa of lengi.

En VG er ekki alls varnað þvert á það sem ég hélt.

Kalda stríðið

er að hugsanlega að færast í aukana.

Rússar eru farnir að sniglast óþyrmilega við kaplana sem tengja Bandaríkin við Evrópu. Við strendur Bandaríkjanna út af Kúbu. Herfræðingar segja vaxandi umsvif herja Rússa beina ógnun þar sem erindi þeirra getur bara verið eitt. Vera tilbúnir að skera á sambandið.

Pútín Rússakeisari getur hugsanlega einhvern tímann gengið of langt eins og Hitler gerði á sínum tíma. Hugsanlega gæti honum orðið á að vanmeta Obama forseta.

Við Íslendingar getum alveg hugsað okkar stöðu ef við misstum skyndilega allt net-og símasamband við umheiminn. Kannski rétt að spyrja VG ráða?

 

Kalda stríðið er ekki horfið. 

 

Tillaga á Landsfundi

frá Jóni Magnússyni hæstaréttarlögmanni um málefni útlendinga sem ekki fékk framgang á Landsfundi fylgir hér á eftir. Formaður Allsherjarnefndar, Áslaug Friðriksdóttir Sophoníassonar sagði hana alltof langa og vísaði henni þar með í hafsauga. Ungliðarnir sáu svo um að fella hana með rauðu spjöldunum.  Sjálfur kom liðurinn Málefni Útlendinga ekki á dagskrá fyrr en fundurinn var svo langt liðinn að hálfur salurinn hafði yfirgefið sæti sín nema ungliðarnir sem sátu sem fastast. Einhverjum gat dottið í hug að hér hefðu verið samantekin ráð.

En tillagan er svona:

            "Allsherjar- og menntamálanefnd

Breytingartillögur við drög að landsfunarályktun:

                  Málefni útlendinga

Kaflinn orðist svo:

Ísland hefur frá því að land byggðist tekið við erlendum hugmyndum og menningarstraumum. Innflytjendur hafa komið til landsins,  lagað sig að og orðið hluti af íslensku samfélagi. Íslenska þjóðin hefur jafnan tekið við erlendum áhrifum á móðurmál sitt og menningu á eigin forsendum. Með þeim hætti hefur hún varðveitt tungumál sitt og fornan menningararf í samfélagi þjóðanna. Eitt af hlutverkum Sjálfstæðisflokksins er að standa vörð um þessar meginstoðir þjóðernisvitundar okkar, ef þær bresta, gæti sjálfstæði Íslendinga og þjóðarvitund verið í hættu.

Á síðustu áratugum hefur fjöldi ólöglegra innflytjenda frá þróunarlöndunum aukist gríðarlega í öllum hinum vestræna heimi. Þessi þungi straumur innflytjenda er afleiðing af því að fjöldI landa þróunarlöndunum hefur af mörgum ástæðum  ekki teksist að þróa samfélög, þar sem ungu fólki er boðið upp á eðlileg tækifæri í lífinu, m.a. vegna hernaðarátaka og kennisetninga í stjórnmálum og trúmálum sem  hamla eðlilegum framförum og bættum lífskjörum. Lausnin á vandamálum þessara ríkja er ekki fólgin í því að Ísland eða önnur Evrópuríki opni landamæri sín fyrir snöggum og óskipulögðum straumi innflytjenda sem getur í senn ógnað þeim félagskerfum sem Vesturlönd hafa þróað með sér og gefið öfgaöflum frjóan jarðveg til fjandskapar og jafnvel ofsókna á hendur nýbúum. Lausnin verður að beinast að því að hjálpa þróunarlöndunum til framfara og nútímalegra hátta á grundvelli þeirra gilda sem áttu mestan þátt í að skapa auðlegð Vesturlanda, svo sem  frelsi einstaklinganna,  lýðræði, jafnstaða borgaranna, upplýsing og almannafræðsla.

Sjálfstæðiflokkurinn vill að Ísland axli ábyrgð á því að taka á móti raunverulegu flóttafólki samkvæmt skilgreiningu Sameinuðu þjóðanna varðandi málefni flóttafólks frá 1951. Flokkurinn vill að þetta sé gert á grundvelli þeirrar stefnu sem landið hefur fylgt í þessum efnum.  Almennt er viðurkennt að þessi stefna hafi reynst einstaklega farsæl, bæði fyrir flóttafólk og landsmenn enda hefur tekist að koma í veg fyrir þau átök og umbrot, sem sett hafa svip sinn á sum samfélög og verið vatn á myllu öfgaafla á báðar hliðar. Lykilatriði í þesari stefnu er að forðast snöggar breytingar sem valdið geta ólgu og átökum í samfélaginu svo sem bent er á í skýrslu nefndar utanríkisráðuneytisins um áhættumat fyrir Ísland  2009. Samkvæmt hefðbundinni stefnu eigum við að kappkosta að taka á vel á móti flóttafólki sem kemur til landsins frá stríðshrjáðum ríkjum eða öðrum sem ógna öryggi viðkomandi einstaklings og gæta þess að réttindi þeirra séu virt og þeir njóti grundvallarréttinda á við aðra. Sjálfstæðisflokkurinn vekur um leið athygli á því að Íslandi ber engin skylda til að taka á móti fólki sem flóttafólki, sem hefur farið á milli öruggra landa í því skyni að sækja sérstaklega um hæli hér á landi..

Innflytjendur sem aðlagast íslensku samfélagi og menningu hafa lagt mikið af mörkum til íslensks samfélag og munu tvímælalaust halda áfram að gera það um ókomna tíð. Kunnátta í íslensku máli hefur reynst þeim mörgum lykill að samfélaginu og því ber að efla íslenskunám fyrir nýbúa. Sjálfstæðisflokkurinn styður að Ísland taki sem fyrr vel á  móti vel hæfu og velmenntuðu fólki sem vill freista gæfunnar á Íslandi og samlagast þjóðinni og veiti þeim öll réttindi svo fljótt sem verða má og gæti þess að þeir ásamt þeim flóttamönnum sem hingað koma með löglegum hætti njóti jafnréttis á við aðra sem hér búa.

Ísland hefur jafnan notið góðs af innflytjendum. Stærsti hluti þeirra hefur aðlagast íslensku samfélagi og sannað að það er duglegt og framtakssamt fólk. Þó að Ísland hafi notið þess að hingað hafi einkum flust nýtir borgarar, verður að gæta þess hve fámenn íslenska þjóðin er. Það er engum til góða að rjúfa jafnvægið í samfélaginu og trufla aðlögun nýbúa með því að opna landið fyrir straumi á borð við þann sem nú flæðir  að landamærum Evrópu og hlýtur fyrr eða síðar að verða stöðvaður, vonandi aðeins með friðsamlegum og sanngjörnum hætti. Íslendingar verða hvað sem öðru líður, að benda yfirvöldum Evrópusambandsins og annarra sem hlut eiga að máli á sérstöðu sína sem þrjúhundruð og þrjátíu þúsund manna þjóð og gæta þess að fá undanþágu frá óheftri för fólks af Evrópska efnahagssvæðinu til landsins."

Þessi tillaga var hrópuð niður og það var með naumindum að hljóð fékkst til þess að flytjandinn fengi að gera grein fyrir henni. Gústaf Níelsson fékk að kenna á því þegar hann vildi segja sína skoðun og fékk bæði öskur´, pú og frammíköll frá ungliðunum og margar truflanir frá fundarstjóra þegar hann vildi flytja sitt mál. Gústaf sen er vaskur maður til orðs og æðis  stóð sem klettur fyrir og lauk skorinorðu máli sínu þar sem hann lýsti þeirri skoðun sinni að fyrirliggjandi ályktun hefði fremur getað komið frá fundi VG á Selfossi heldur en frá Landsfundi Sjálfstæðisflokksins, svo óhugsuð sem hún væri.

Í upphafi skyldi endirinn skoða er háttur vísra manna. Lítt heftur innflutningur fólks af framandi þjóðum með aðra siði hefur óneitanlkegan ekki gefist vel í Þýzkalandi þar sem lögregla með grimma hunda stendur vörð á sjúkrahúsgöngum í München og starfsfólk sjúkrahúsa hefur verið stungið með hnífum meðan múslímar sýna kvenkyns starfsfólki fyrirlitningu sína og neita þjónustu þeirra.

Líklega hafa ungmennin ekki hugleitt hvernig þau muni bregðast við slíkum vandamálum ef upp koma hérlendis þegar þeir neita að ræða hófstillta tillögu á Landsfundi Sjálfstæðisflokksins árið 2015. 

 

 

Skrílslæti á Landsfundi

er fyrirsögn á frétt Vísis á framkomu Unnar Brár Alþingismanns, nýkjörins ritara flokksins Áslaugar Örnu Sigurbjörnsdóttur og ólátasöfnuði ungra á Landsfundinum. Fréttin er svohljóðandi:

"Vísir bað Gústaf, en honum er brugðið, að lýsa þessu atviki eins og þetta horfði við honum.

„Ég fer í púltið og segi: Hér sé ég engan mann með túrban, hér sé ég engan blökkumann, hér sé ég enga konu með blæju. Um hvaða fjölmenningu eruð þið eiginlega að tala hér?“ Þá var það umsvifalaust notað að ég væri að tala illa um blökkumenn. En, ég var nú bara að lýsa því sem ég sá.“

Þá upphófust mikil hróp og köll í salnum?

„Já, þetta er ekki í samræmi við góðar venjur í Sjálfstæðisflokknum. Svo dæmi sé tekið, þegar fundarstjórinn er að lesa upp tillögu okkar Jóns stappaði unga fólkið í gólfið og lyfti rauða spjaldinu til að trufla fundarstjórann. Ég hef aldrei orðið vitni að öðru eins á Landsfundi. Og þar fór hinn nýkjörni ritari fremstur í flokki. Fundastjóri þurfti að sussa á mannskapinn. Þetta er náttúrlega með ólíkindum. Skrílslæti. Maður hélt að maður væri um borð í flaggskipi lýðræðisins í landinu. En þetta er ótrúlegt.“

Gústaf er afar ósáttur og segir augljóst að tjáningarfrelsið á undir högg að sækja í Sjálfstæðisflokknum. „Það sem er að gerast er að Sjálfstæðisflokkur hefur valið að taka upp stefnu VG og Samfylkingar í málefnum innflytjenda og flóttamanna. Það er bara þannig, og ekkert meira um það að segja.“

Hneyksli hvernig haldið var á málum
En, þetta mega heita kaldar kveðjur?

„Jájá, það var mjög sérstök upplifum að átta sig á því að flokkurinn í raun og veru hafnar sígildum vinnubrögðum sínum sem ganga út á að leita málamiðlana í miklum ágreiningsmálum. Auk þess er þetta mál svo nýtt í íslenskum stjórnmálum, þessir eldar sem kviknað hafa vegna þrýstings innflytjenda og flóttamanna. Þetta þarf að ræða út í hörgul frekar en taka upp stefnu Vg og S. Þessi vinnubrögð eru ekkert í anda Sjálfstæðisflokksins. Þessu hefði þurft að vísa til miðstjórnar flokksins til úrlausnar, svona miklum ágreiningsefnum.“

 

Áslaug Arna Sigurbjörnsdóttir og Guðlaugur Þór Þórðarson á landsfundinum um helgina. „Ég hef aldrei orðið vitni að öðru eins á Landsfundi. Og þar fór hinn nýkjörni ritari fremstur í flokki.

Gústaf segir að þessar trakteringar hafi verið að undirlagi yngra fólks, sem lét mjög til sín taka á Landfundinum. Og hann segir hneyksli hvernig haldið var á málum.

„Fundastjórnin og hvernig formaður málefnanefndar héldu á þessum málum er náttúrlega hneyksli. Þetta átti að vera á dagskrá klukkan 11 að sunnudagsmorgni. Svo náttúrlega tafðist fundurinn, klukkan er orðin hálf sjö um kvöldið þegar þessi hluti ályktunar kemst á dagskrá, flestir farnir aðrir en yngstu fundarmenn og ótrúleg vinnubrögð; þau voru skipulögð með þessum hætti.“

Dónaskapur hins nýkjörna ritara

Gústaf segist ekki ætla að grípa til þess að segja sig úr flokknum, þó ósáttur sé. „Neinei, nú líður tíminn. En, margt í þessum einkennist af panikk-viðbrögðum. Og hvað er til ráða, til hvers ætla blessaðir mennirnir að grípa þegar fylgið fer niður fyrir 20 prósentin?“ spyr Gústaf og telur þetta ekki vænlega leið til að auka fylgið. Hann segir þetta barnaleg viðbrögð og menn hlusti ekki á rök.

Jón Magnússon hefur tjáð sig um málið á Facebook-síðu sinni, en þar er hann inntur eftir meintum dónaskap. Hann segir að sjálfur hafi hann fengið gott hljóð en „framkoman var hins vegar óásættanleg sérstaklega formanns nefndarinnar og hin nýkjörna ritara flokksins sem og fundarstjóra sem tók málið ekki á dagskrá fyrr en nánast allir nema hópur ritarans voru horfnir til síns heima enda átti fundinum að ljúka tveim klukkutímum fyrr."

 

Hér er málunum lýst satt og rétt samkvæmt þvi sem ég horfði á sjálfur. Ég veit ekki hvernig ungir hugsa sér að ná til nýs fylgis við flokkinn. Það er helst að halda að þeir bindi vonir við að nógu margir flóttamenn fylli raðir flokksins og flokkurinn losi sig við þá gömlu menn sem vilja ræða hlutina með því öskra þá og stappa niður.

Ég er búinn að fá pósta frá fólki sem segist núna vera búið að fá endanlega nóg af Sjálfstæðisflokkknum eftir þetta flóttamannaútspil ungra og Unnar Brár í skrílslátum á Landsfundi.