Næsti leikur Benedikts?

í pólitík?

Svo segir í fréttum:

"Benedikt greindi opinberlega frá þessu í stöðuuppfærslu á Facebook 21. maí. Þar skrifaði hann meðal annars: „Þar með er útséð um að ég verði í framboði fyrir Viðreisn að þessu sinni, en ég held áfram í pólitík og styð nú sem fyrr grunnstefnu Viðreisnar, enda hygg ég að ég hafi skrifað megnið af henni. Sjaldan hefur verið brýnni þörf fyrir einbeitta, frjálslynda rödd í samfélaginu og ég mun ekki láta mitt eftir liggja.“

Er ekki nokkuð ljóst að Benedikt leitar ekki að frjálslyndinu innan Sjálfstæðisflokksins sem hann yfirgaf vegna fylgisleysis við inngöngu í Evrópusambandið?

Hvað er þá eftir fyrir Benedikt? Ekki hættur í pólitík segir hann?

Er ekki Viðreisn búin að skella á nefið á honum? Varla getur hann stofnað nýja Viðreisnarfylkingu?

Er ekki Samfylkingin þá eini flokkurinn sem er eindreginn í  þeirri stefnu að ganga í ESB og Evrópuherinn? Löjtenent Zoëga  sil vous plaît?  

Logandi Má hann þá vera af ákefð ef það tækist? 

Nema að hann geti bara tekið Píratana yfir sem næsta leik? 

 

 

Pútín setur niður

varanlega með því að blessa yfir flugrán Lukachenkos.

Hvernig í veröldinni getur hinn frjálsi heimur látið þessa menn sleppa með þetta?

Hvernig skyldi Lavrov fara að því að verja þetta þegar Pútín setur svona niður?

Ætlar Pútín

virkilega að mæla flugráni Lúkasjenkós bót?

Sagt er að hann ætli að funda með ræningjanum í dag til að bakka hann upp?

Ég bara á erfitt með að trúa því að Pútín og ég tala ekki um Lavrov geti komið nálægt svona máli.

En hvað gerir Pútín?

SES í Valhöll

hittist fundahungrað í Valhöll í vikunni eftir smalakall formannsins snöfurlega Halldórs Blöndals.

 

Þar kynntu forystumenn áhersluatriði félagsins við komandi kosningar.

Ekki er að efa að eldri borgarar hafa mörg áhugamál sem þeim finnst á sig hafa verið hallað með á undanförnum árum.

Stjórn málamenn eru sagðir vera liprir með loforð fyrir prófkjör  og kosningar en kenna svo samstarfsflokkum um svikin þegar upp er staðið og efndir eru sagðar minni.

En fundur SES í Valhöll skerpir áherslur eldri borgara sem mörgum finnast samt vera endalaus heimtufrekja og ástæðulausar rukkanir um fríðindi.

Þorsteinn kagar og ragar

íslensk landbúnaðarmál í málgagni ESB í dag.

Þar kemst hann að þeirri niðurstöðu að íslenskir bændur framleiði dýrasta kjöt í heimi fyrir lægstu launin. Allt tal Guðna Ágústssonar um ágæti íslensks landbúnaðar sé í besta falli blindgata.Þá auðvitað sleppir hann opinberum stuðningi við landbúnað í Evrópusambandinu og reynir að gera okkar hlut sem verstan í samanburði.

Beina brautin í landbúnaðarmálum sem öðrum er sú stefna flokks Þorsteins, Viðreisnarfylkingarinnar, að ganga í tollabandalag Evrópusambandsins, taka upp Evru og ganga í Evrópuherinn væntanlega.

Í Bændablaðinu er hinsvegar yfirlit yfir þá styrkjaflóru sem til landbúnaðar rennur innan ESB.

"Með árlegu framlagi upp á rúma 7 milljarða danskra króna skipar Danmörk 14. sæti yfir þau lönd innan ESB sem fá mestan landbúnaðarstuðning frá ESB. Efst er Frakkland með nær 10 sinnum meiri stuðning en Danmörk.

Þetta eru tölur frá 2019 sem matvæla-, landbúnaðar- og sjávarútvegsráðuneytið í Danmörku hefur kynnt og eru frá Eurostat. Franskir bændur með tíu sinnum stærra land en þeir dönsku Um leið og franskir bændur fá 10 sinnum meiri stuðning en Danir þá verður samt að geta þess að landbúnaðarland franskra bænda er líka meira en 10 sinnum stærra en land danskra bænda. Þá eru franskir bændur að fá örlítið minna greitt á hvern hektara en danskir kollegar þeirra.

Á hæla Frakklands í stuðningsgreiðslum fylgja lönd eins og Spánn, Þýskaland, Ítalía og Pólland. Þannig fá fimm efstu löndin um 60% af heildarfjárveitingunni sem nemur rúmlega 400 milljörðum króna.

Þessi tala hefur farið hlutfallslega lækkandi um árabil og stendur nú undir þriðjungi af heildarfjárlögum ESB. Á árinu 2007 námu niðurgreiðslur til landbúnaðar hjá Evrópusambandinu um helming fjárlaganna, að því er fram kemur í frétt Landbrugsavisen.

Bændur á Möltu fá langmest á hvern hektara Tölurnar sýna einnig hvaða lönd fá mestan stuðning í krónum á hektara landbúnaðarlands. Þar er bæði um að ræða beinan stuðning, markaðsstuðning og stuðning vegna áætlunar um þróun landsbyggðar. Malta og Kýpur fá þó ekki mikinn stuðning samanlagt í krónum en talin fá langmestan stuðning fyrir hvern hektara ræktaðs lands. Þannig fá bændur Möltu 13.051 kr. á hektara sem er nærri fimm sinum meira en danskir bændur fá.

 

 

Bændur á Kýpur fá svo 4.914 kr. á hektara. Í þriðja sæti koma svo bændur í Grikklandi sem fá 4.475 krónur á hektara, en þeir eru í sjöunda sæti hvað heildarstuðningsgreiðslur varðar með tæplega 20,4 milljarða Dkr.

Til samanburðar fá danskir bændur 2.800 danskar krónur á hektara af ræktuðu landi. Við þetta má bæta að meðalbóndi í Danmörku getur fengið beinan stuðning við land sitt upp á um 1.900 danskar krónur. Þar á meðal er það sem er kallað grænn stuðningur. /HKr. " 

Makalaust að fyrrum formaður Sjálfstæðisflokksins skoðar ekki hið stóra samhengi hlutanna. Landbúnaður ESB ríkjanna er rekinn á stórkostlegu styrkjakerfi sem yfirskyggir öll íslensk landbúnaðarmál.

Aðdáendur ESB eins og Þorsteinn telja að Íslendingar verði endilega aðnjótandi beinna framlaga til landbúnaðar ef við bara göngum tollabandalaginu á hönd með öllu sem því fylgir, upptöku EVRU og herskyldu í Evrópuhernum.

Það er sú fluga Samfylkingarflokkanna beggja sem Íslendingar hafa enn sem komið er ekki ginið við. En svona áróðursskrif sýna kjósendum greinilega að ekki má sofna á vaktinni þar sem fullveldissalarnir bíða tækifæris að keyra þjóðina nauðuga viljuga inn í ESB. En það skerf gæti orðið erfitt að stíga til baka þótt Bretum hafi tekist það. 

Ekki er að efa að ekki mun standa á litlu ljótu flokkunum eins og Pírötum að ganga í það lið ef þeir sjá sér stundarhag til framfærslu í slíku.

Þannig vinnur Þorsteinn Pálsson skipulega að því í málgagni ESB á Íslandi, Fréttablaðinu, að kaga og raga landbúnaðarmálefni Íslands sem hann telur geta freistað einhverra til fylgis við ESB í von um að breyta fyrirliggjandi vandamálum landbúnaðar sem hann að sönnu blæs út úr samhengi í ljósi styrkjakerfis evrópsks landbúnaðar.

Hann virðist vilja sjá lækkun á verði á íslenskum bújörðum eins og hann telur að sé að gerast í Bretlandi þó Rathcliff sé ekki endilega beinn aðili þar að. 

 

 

 

Frjálslyndi RÚV í þjóðmálum?

Sig­mar Guðmunds­son er þekkt­ur fyr­ir störf sín í fjöl­miðlum und­an­far­in þrjá­tíu ár en stíg­ur nú inn á hið póli­tíska svið í fyrsta sinn.

„Ég hef unnið í fjöl­miðlum í nærri 30 ár og fjallað mikið um póli­tík í mín­um störf­um. Það er því mjög spenn­andi fyr­ir mig að söðla um og vera virk­ur þátt­tak­andi í stjórn­mál­um þótt það verði vissu­lega erfitt að kveðja minn gamla vinnustað sem hef­ur gefið mér svo mikið.

Mín­ar skoðanir fara vel sam­an við stefnu Viðreisn­ar, þar sem frjáls­lyndi er lyk­il­hug­tak, auk þess sem ég hef mikið álit á fólk­inu sem hef­ur borið uppi starfið þar. Flokk­ur­inn vill stokka upp göm­ul kerfi og setja al­manna­hags­muni fram­ar sér­hags­mun­um og ég hlakka til að leggja mín lóð á voga­skál­arn­ar í þeirri bar­áttu,“ seg­ir Sig­mar í til­kynn­ing­unni."

Þá vitum við það sjónarmið Sigmars sem hann hefur þróað með sér á síðustu 30 árum á RÚV, að núverandi fullveldisfyrirkomulag Íslands er ekki margra fiska virði.

Heldur er innganga í Evrópusamband 27 tollabandalagsríkja, upptaka Evru  og herskylda í Evrópuhernum væntanlega það sem sem Viðreisnarfylkingunni er efst í huga þegar frjálslyndi er nefnt til sögunnar.

Það eru því skörp skil í stjórnmálum Íslands framundan.

Svo segir í fréttum Morgunblaðsins af lýðræðishefð Viðreisnarfylkingarinnar:

"Tíðkast hef­ur að raða á lista Viðreisn­ar með upp­still­ingu. „Þetta er meg­in­regl­an í samþykkt­um flokks­ins og hef­ur verið al­veg frá stofn­un hans árið 2016,“ seg­ir Þor­gerður. Flokk­ur­inn er með fimm lands­hlutaráð sem fylgja eft­ir kjör­dæmun­um og seg­ir Þor­gerður að hvert og eitt þeirra ráði hvaða leið það vill fara í upp­röðun á list­un­um.

Hún legg­ur mikla áherslu á að flokks­fé­lag­arn­ir ráði því hvaða leið er far­in.

Þor­gerður tek­ur Reykja­vík sem dæmi en þar er svo­kallað Reykja­vík­ur­ráð starf­andi sem tek­ur til beggja Reykja­vík­ur­kjör­dæm­anna og er sam­an­sett af 70 til 80 grasrót­ar­mönn­um í flokkn­um. „Ráðið var aug­lýst og fólk var sér­stak­lega hvatt til þess að sækja um,“ seg­ir Þor­gerður og bæt­ir við að all­ir sem sóttu um hafi kom­ist að í ráðinu. „Fólk var svo hvatt til þess að til­nefna í upp­still­ing­ar­nefnd,“ seg­ir Þor­gerður. Í Reykja­vík var ákveðið að hafa fimm manna nefnd en á öðrum stöðum eru þriggja manna nefnd­ir og er kosið í þær.

Próf­kjör hlaut inn­an við 10% at­kvæða

Þor­gerður seg­ir að til­laga hafi komið um próf­kjör í Reykja­vík inn­an Reykja­vík­ur­ráðsins og var í fyrsta skipti kosið um það en sú til­laga var felld með inn­an við 10% at­kvæða.  

„Það er ekki hægt að segja að þess­ar nefnd­ir fái öf­undsvert hlut­verk að stilla upp þess­um list­um en niðurstaðan er mjög glæsi­leg og ég er mjög stolt af list­un­um sem eru komn­ir,“ seg­ir Þor­gerður Katrín."

Lýðræðið blasir við í þessum fyrrum flokki Benedikts Jóhannessonar sem ekki vildi neðsta sætið frá Þorsteini Pálssyni. Hugsanlega vegna þess að honum hafi misheyrst um að neðsta sætið hafi raunverulega átt að vera annað sætið. Enda eru góðar auglýsingar frá Heyrnarstöðvum í boði í blöðum og veitir ekki af. 

Skyldi Sjálfstæðisflokkurinn hafa burði til að sætta sig við úrslit prófkjara? Það er ekki endilega borðleggjandi eftir afrek formannsins í Suðvesturkjördæmi 2016 sem breytti hugsanlega verulega afstöðu almennra flokksmanna til prófkjara og sjálfsvirðingar. En formaður hafði sjálfsagt sín sjónarmið til þess gjörnings og tilgangslaust að fara að reyna að stýra fortíðinni heldur horfa til næstu vikna.

En frjálslyndi RÚV í þjóðmálum blasir við í fréttum af hinum ástsæla Sigmari Guðmundssyni.

RógKolla

skrifar óvenjulega rætinn leiðara í ESB-málgagnið í dag.

Þar beitir hún allri orðkyngi sinni til að rakka niður allt sem fyrirtækinu Samherja tengist. Hin vandaði stjórnmálamaður Kristján Þór Júlíusson fær hin hraklegustu orð og hún segir hann vera ómerkilega fjarstýrt fyrirbrigði á snærum Samherja. 

Kolla skrifar:

"Húsbóndahollusta getur tekið á sig ýmsar myndir, ekki alltaf fallegar. Þetta opinberast skýrt í framgöngu svonefndrar skæruliðadeildar Samherja. Þar hefur verið unnið af ákafa og ástríðu í þeim tilgangi að grafa undan þeim sem hafa vakið athygli á hugsanlegum brotum fyrirtækisins. Markmiðið er ekki einungis að gera þessa einstaklinga marklausa, heldur er einnig reynt að lama sjálfstraust þeirra og jafnvel vekja hjá þeim ótta og kvíða. Furðuleg myndbönd sem beinst hafa gegn fréttamanninum Helga Seljan eru dæmi um þetta. Þar verður ekki annað séð en að um beinar ofsóknir sé að ræða.

Þótt skæruliðadeildin hafi í störfum sínum haft að meginreglu að tilgangurinn helgi meðalið þá hefur hún ekki náð þeim árangri sem vonir hennar hafa eflaust staðið til. Helgi Seljan hefur aldrei notið meiri virðingar sem fréttamaður en einmitt nú. Sá einstaklingur sem verst hefur farið út úr þessum dómsdagslátum Samherjamanna er einn af þeirra eigin mönnum. Samherjaráðherrann Kristján Þór Júlíusson hrökklast nú úr stjórnmálum, gjörsamlega rúinn trausti, einfaldlega vegna þess að almenningur hefur sett samasemmerki milli hans og hins illa þokkaða fyrirtækis Samherja. Vissulega dapurlegur endir á stjórnmálaferli, en sennilega óhjákvæmilegur.

 

Skæruliðadeild Samherja hefur unnið af ákafa en virðist um leið hafa vikið frá sér öllum hugsunum um hvað sé siðlegt, rétt og sanngjarnt. Það er alls ekki góð leið til að lifa lífinu, jafnvel þótt feitur launatékki bíði manns um hver mánaðamót. Sumt er einfaldlega siðlaust og engin laun, hversu há sem þau eru, fá því breytt. Auk þess er alls ekkert merkilegt að eiga mikla peninga. Um það mætti reyndar skrifa langt mál – en verður ekki gert hér.

Skæruliðadeildin hefur stundað ljótan leik en einnig opinberað ótrúlega vitleysislegan hugsunarhátt. Dæmi um það eru hugmyndir um að hafa afskipti af formannskosningu í Blaðamannafélagi Íslands með því að hafa samband við ritstjóra einkarekinna fjölmiðla og fá þá til að vara sitt fólk við að kjósa starfsmann RÚV. Þessi hugmynd lýsir fullkomnu skilningsleysi á fjölmiðlum og starfi þeirra. Ritstjóri sem færi að tilkynna blaðamönnum sínum hvern þeir ættu að kjósa í kosningu myndi samstundis gjaldfella sjálfan sig svo illilega að þeir myndu aldrei geta metið hann nokkurs eftir það. Ekki var mikið gáfulegra hjá skæruliðadeildinni að hafa fyrir því að fletta upp í pappírum til að athuga hvort verðlaunarithöfundur hér í bæ ætti ekki örugglega dýran bíl svo hægt væri að nota það gegn honum og skammast um leið yfir því að hann hefði svo lengi sem elstu menn muna verið á listamannalaunum. Því miður fyrir skæruliðadeildina kom í ljós að rithöfundurinn er ekki gefinn fyrir íburð. Það hefðu ýmsir getað sagt skæruliðunum, hefðu þeir haft vit á að spyrja. Sumu þarf ekki að fletta upp. Lítið sem ekkert hefur heyrst frá hinni vinnusömu skæruliðadeild síðustu daga. Stundum þegir fólk vegna þess að það skammast sín. Ekki eru nokkrar líkur á að það eigi við hér"

Þeir sem hafa verið samflokksmenn Kristjáns Þórs Júlíussonar skipstjóra í áratugi vita að vandaðri mann og ærukærari er erfitt að finna í stjórnmálum. Þessi skrif eru því langt fyrir neðan það sem sæmilegt getur talist og lýsa engum betur en innræti Kolbrúnar.

Kolbrún virðist telja að enginn megi hafa skoðun á hvorki Helga Seljan, frambjóðendum til formanns í Blaðamannafélgainu nema að fá fyrst leyfi hjá málgagninu hennar.

Vinnubrögð Helga Seljan í fréttaumfjöllun hafa iðullega vakið spurningar um hvað sé sæmilegt og hvað ekki og hefur hann oftlega vakið upp spurningar því tengdu. En að allar efasemdir flokkist undir ofsóknir eru fáránlegar. Menn eiga að mega hafa skoðanir á Helga Seljan sem öðrum og jafnvel Kolbrúnu Bergþórsdóttur líka.

Samherji er langt frá því hafinn upp yfir gagnrýni þó glæsileiki og þjóðhagkvæmni fyrirtækisins sé ótvíræð. Kvótakerfið hefur auðvitað gert þann ævintýralega vöxt mögulegan enda myndu fáir kaup skip eins og Vilhelm Þorsteinsson út á aflaheimildir til skamms tíma. En að miðbær Selfoss gangi nú undir nafninu litla Namibía vegna ættartengsla við Samherja  er heimatilbúinn rógur hjá Fréttablaðinu sem menn geta glott yfir einu sinni eða svo. Ljónagryfjan gæti líka komið til greina ef ætti að uppnefna eitthvað sem lengi hefur nú loðað við gárunga á Selfossi.

Málgagn ESB í Íslandi hefur varla vaxið mikið á áliti við þessi soraskrif Kolbrúnar Bergþórsdóttur.

Árið 1890

hef ég lesið að Kórónuveira hafi gengið um heiminn og drepið milljón manns.

Gerir það ekki mun betur en að jafna afköst þeirrar veiru sem við erum að fást við núna ef við skölum upp stærðirnar með fjölgun mannkyns?

Ég held að við verðum að beita allri vísindalegri þekkingu sem við náum til ef við mannkynið eigum að komast frá þessu núverandi áhlaupi frá Kína.

Ef veiran er látin óáreitt munu miklu fleiri deyja og örkumlast heldur en þegar er orðið. Long-Covid, langtíma eftirköst, eru ekkert spaug.

Verður ekki að taka áhættuna af því að einhverjir farist í björgunaraðgerðunum fremur en að árinu 1890 sé leyft að endurtaka sig?

Hvaðan kom hún?

helvísk Kórónuveiran? 

Gústaf Adolf Skúlason skrifar:

Dr. Luc Montagnier uppgötvaði HIV veiruna 1983.

”Ég og starfsfélagi minn lífefnastærðfræðingurinn Jean-Claude Perez, skilgreindum vandlega erfaðaeiginleika þessrar RNA veiru” segir Montagnier í viðtali við Dr Jean-Francois Lemoine fyrir daglegt pod Pourquoi Docteur.

 ”Indverskir vísindamenn hafa einnig reynt að birta niðurstöðu rannsókna sem sýndu að þessi kórónuveira innihélt genahluta úr annarri veiru…HIV veirunni (AIDS veiru) en þeir neyddust til að draga tilbaka niðurstöður sínar vegna þrýstings fjölmiðla um málið”. 

Útvarp Saga greindi frá niðurstöðum indversku vísindamannanna og birti skýrslu þeirra á heimasíðu Sögu sem Nóbelsverðlaunahafinn staðfestir núna.

Dr. Luc Montagnier fékk spurningu um hvort slys hefði getað orðið á þann hátt að  kórónaveiran hefði tekið breytingum í sjúklingi smituðum af HIV: ”Nei, til þess að koma hluta HIV-veirunnar inn í erfðamassa kórónuveirunnar þarf  að notast við mólekylverkfæri sem einungis eru til á rannsóknarstofum”.

Ég var að lesa í Economist að 1890 hefði Kórónmuveira gengið yfir heiminn og drepið milljón manns. Hver bjó þá veiru til?

 

Var þetta kórónuveira en ekki inflúensa eins og stundum er haldið fram?

En kenning þessa vísindamanns finnst mér hníga að því að ekkert é hægt að gera þegar svona pestir knýja dyra. Þær verði að hafa sinn gang og deyi út af sjálfu sér.

En er það betri kostur en að að reyna að nota vísindin til að verjast.

Hvaðan sem hún nú kom?

Óli Anton Bieltvedt enn

Hr. Bieltvedt ritar í málgagn ESB á Íslandi Fréttablaðið sem Hafskips Helgi gefur út með að sagt er milljarða uppsöfnuðu tapi ásamt hinu ágæta sjónvarpi Hringbraut sem nýtur vaxandi vinsælda vegna gengisleysis RÚV.

Fer ekki að verða nokkurt áhyggjuefni hversu einbeittur áróður er hér á landi rekinn af þessum sjónarmiðum. Hljóta ekki spurningar að vakna um fjarhagsleg tengsli ESB og þessarar áróðursdeildar á Íslandi? Hvaðan koma allir þessir peningar sem kosta þennan áróðursaustur ESB?

Hr. Bieltvedt er gríðarlega ritfær maður og toppar auðveldlega forystumenn Viðreisnarfylkingarinnar Þorgerði Katrínu og Loga Má. En röksemdafærslan er um margt byggð á sandi og hann grautar saman árangri af alþjóðlegri samvinnu í átt að stöðlun og einföldum regluverks og þakkar það allt starfsemi á vegum ESB sem er mikil einföldun.

Samvinna á heilbrigðissviði og CE vottun eru samstarfsverkefni til að minnka skriffinnsku og auðvelda tæknisamvinnu þjóða. Þessi samvinna teygir sig til okkar og gerir okkar líf að miklu leyti betra. En við skulum ekki gleyma því að ESB leggur líka steina í götu samvinnu yfir Atlantshafið og reynir að torvelda viðskipti í þær áttir. 

Sömuleiðis reynir Hr. Bieltvedt að upphefja "stagflation" ESB sem styrkir gjaldmiðil sinn með engum hagvexti, atvinnuleysi og verðbólguleysi meðan Bandaríkin geysast áfram í hagvexti og atvinnusköpun sem verður auðvitað eitthvað á kostnað dollarans.

Hann hefði líka mátt sleppa því að reyna að verja bóluefnaklúður Sambandsins sem hefur valdið Íslendingum stórtjóni í missi mannslífa og annarra óþæginda meðan Bandaríkin og Bretar hafa náð allt öðrum og betri árangri í veiruvörnunum.Við Íslendingar eigum ESB ekkert að þakka í bóluefnamálum heldur miklu fremur skaða sem það hefur valdið okkur.

Ferðafrelsi um hinn frjálsa heim er það sem allar lýðræðisþjóðir stefna að. Sú hugsjón er ekki fundin upp af Evrópusambandinu heldur er afleiðing af því að oki einræðis og nasismans og styrjaldarhörmunga var létt af þjóðum Evrópu.Sem betur fer er einræði frekar á undanhaldi um hinn vestræna heim þó undantekningar séu vissulega fyrir hendi.

 

En Hr. Bieltvedt skrifar:

 

"Á hverjum einasta degi, og oft á dag, erum við með hluti – alls kyns varning; matvöru, fatnað, heimilisbúnað, áhöld og verkfæri, líka öll rafmagnstæki, vélar, farartæki og bílinn okkar – í höndunum, þar sem einmitt ESB hefur tryggt okkur mestu möguleg þægindi, umhverfisvænar lausnir og umfram allt öryggi og gæði í notkun.

Allt, sem við erum með og notum, sem er CE-merkt, hefur þurft að uppfylla stífar kröfur ESB og prófanir um vænar lausnir fyrir neytendur og aðra notendur, lágmarks orkunotkun og minnsta mögulega umhverfisspillingu og, eins og áður segir, hámarks öryggi og endingu.

Þessi starfsþáttur ESB er einn af lykilþáttum sambandsins, hvað varðar okkar daglega líf; trygging hagsmuna og velfarnaðar þegna þess. En ESB kemur víða annars staðar við sögu, og hefur jákvæð áhrif á líf okkar, umhverfi, athafnafrelsi og öryggi.

Baráttan fyrir „virðingu mannsins“ og sameiginleg mannréttindi okkar – frelsi til orðs og æðis – standa efst á blaði hjá ESB. Eru 1. einkunnarorðin. Næst má telja jafnréttisbaráttuna; baráttuna fyrir jafnrétti kynjanna, hörundsdökkra, hinseginfólks, fatlaðra og allra annarra, sem minna mega sín, gagnvart þeim, sem meira mega sín, en líka baráttuna fyrir sérstökum réttindum kvenna.

ESB leggur líka mikla áherzlu á sameiginlega heilbrigðisvelferð okkar, ekki sízt á sviði hollustu, heilnæms lífs, forvarna og fyrirbyggjandi aðgerða.

Forystuhlutverk ESB í því að útvega öllum aðildarríkjunum 27, svo og Íslandi og Noregi, bóluefni gegn COVID er auðvitað skýrt dæmi um það, og, þó að sú útvegun hafi farið dræmt af stað, vegna framleiðslu- og afhendingarvanda bóluefnaframleiðenda, er þessi útvegun nú komin á fulla ferð.

Við getum í raun þakkað ráðstöfunum ESB þá staðreynd, að við verðum flest hér bólusett og COVIDvarin um mitt árið. Ekki verður séð, að ríkisstjórnin hefði getað útvegað þetta bóluefni á sama tíma, nema þá helzt frá Rússlandi eða Kína. Þakka má ríkisstjórn skipulegar varnir og bólusetningar, en ekki útvegun bóluefnisins. Hluti af sömu viðleitni ESB er samstilling sjúkratrygginga í Evrópu, sem leiddi til útgáfu hins evrópska sjúkratryggingarkorts, sem veitir Íslendingum aðgang að sjúkraþjónustu og sjúkratryggingu í 28 öðrum evrópskum löndum.

ESB vinnur líka hratt og skipulega að því að tryggja okkar sameiginlega neytendarétt og neytendavernd (það hefur knúið fram sanngjörn símakjör fyrir alla ESB- og EES-símanotendur, þar sem menn geta hringt á eigin heimagjaldi um alla álfuna, styrkt réttindi ferðamanna gagnvart flugfélögum og annarri ferðaþjónustu, tryggt neytendum sanngjörn þjónustugjöld banka o.s.frv.).

Það óskoraða ferðafrelsi, dvalarfrelsi, námsfrelsi og starfsfrelsi, sem við njótum um mest alla Evrópu, er líka ESB að þakka.

Það sama gildir, þegar kemur að baráttunni gegn verðsamráði, einokun og markaðsmisnotkun stórfyrirtækja og alþjóðlegra auðhringa. Þar vakir ESB yfir hagsmunum okkar og velferð og bregst hart við, þegar neytendur eða almenningur eru beittir órétti eða yfirgangi.

ESB leggur mikla áherzlu á okkar sameiginlegu, evrópsku menningararfleifð svo og á viðvarandi menntun og menningu íbúa álfunnar og fjármögnun hennar. ESB er leiðandi afl, á sviði sameiginlegrar tæknilegrar framþróunar okkar, innleiðingu stafrænna lausna og gervigreindar og fjármögnun slíkrar framtíðartækni. Úthlutanir og styrkir, líka til íslenzkra einstaklinga og fyrirtækja, eru ríflegar og fjölmargar.

Þegar kemur að umhverfisvernd og minnkun mengunar og eiturefna og baráttunni gegn spillingu lofts, láðs og lagar, eyðingu dýra, náttúru og skóglendis, ekki bara í Evrópu, heldur um allan heim, gegnir ESB óumdeildu forystuhlutverki. ESB er líka sá aðili, sem annast og tryggir sameiginleg ytri landamæri Evrópu.

Loks er uppbygging og trygging réttinda okkar og möguleika til ferðalaga, athafna og viðskipta, meðal þjóða og bandalaga utan Evrópu, í höndum ESB.

Það er því sannarlega mikilvæg og margvísleg þjónusta, sem ESB veitir bandalagsþjóðum sínum, svo og okkur tengdum EFTA-þjóðum, fyrir utan alls kyns viðskipta- og efnahagsmál, en á því sviði tryggir sambandið okkur öllum frjálsan og jafnan markaðsaðgang og athafnafrelsi. Stundum hefur maður það á tilfinningunni, að sumir hér haldi, að þetta hafi allt komið af sjálfu sér eða sé okkur sjálfum að þakka.

Þá eru gjaldmiðlamálin ótalin, en evran hefur nú verið helzti gjaldmiðill heims í 20 ár, og hefur hún nær allan þann tíma haft meiri styrk og stöðugleika en Bandaríkjadalur, en upphafleg gengisskráning evru gagnvart Bandaríkjadal var 1,07, en núna er þetta gengi 1,22. Hefur styrkur evru gagnvart Bandaríkjadal þannig aukizt um 14%.

Með þessum yfirburða styrk og stöðugleika hefur evran tryggt 25 þjóðum og þegnum þeirra hámarksstöðugleika í efnahags- og fjármálum sínum auk lágmarksvaxta fyrir lántakendur og skuldara, sem jafnframt hefur stuðlað að auknum jöfnuði milli þeirra sem fjármagnið eiga og þeirra sem taka það að láni og nota, lántakenda, og gefið þeim aukið afl. "

Menn skyldu varast að láta tungulipra ritmeistara á borð við Hr. Bieltvedt villa sér sýn með hálfsannleika og alhæfingum. Það stafar hætta af slíkum mönnum og því meiri sem þeir eru betur máli farnir.

Gerir ESB eitthvað?

vegna flugránsins?

verður nokkuð nema stormur í vatnsglasi af hálfu þessa aulabandalags undir forystu von der Leyen?

Því miður held ég að svo verði.

Líklega þurfa Bandaríkin og Bretar að koma að málinu með einhverjar alvöru ráðstafanir.

Gera Þjóðverjar nokkuð annað en það sem er gott fyrir Mercedes Benz útflutning og gazinflutning. Og virðist Pútín ætla að gera einhverjar athugasemdir við samlýðræðissinna sinn Lusjenko?

Kannski er Roman bara þegar allur á sjúkrahúsinu?

Gerir ESB eitthvað í þessu fáheyrða ofbeldismáli?

Óli Bieltved

er einhver einbeittasti áróðursmaður Íslendinga fyrir fullveldisframsali og inngöngu í Evrópusambandið og væntanlegri herskyldu í hinum ráðgerða Evrópuher Þjóðverja og Frakka.

Hr. Bieltved skrifar í Morgunblað dagsins:

"Eins og allir vita eru kosningar fram undan og margir telja sig kallaða til forystu og leiðtogahlutverka.

Á dögunum skrifaði frambjóðandi, ung og gæfuleg kona, grein í blaðið undir fyrirsögninni „Aðild að Evrópusambandinu fer gegn hagsmunum Íslands“. Þegar komið er inn í textann bætir frambjóðandinn ungi um betur og segir hugmyndina um að Ísland gangi í Evrópusambandið „arfavitlausa“. Er þá djúpt í árinni tekið, ekki síst þegar til þess er litið að flest önnur smáríki V-Evrópu telja sig best komin innan vébanda ESB og er staða sumra þeirra sambærileg við okkar. Ég er hér að tala um Eistland, Lettland, Litháen, Írland, Lúxemborg, Slóveníu, Möltu og Kýpur. Einnig má minna á að hugur þegna Skotlands, N-Írlands og Wales virðist standa nokkuð til ESB-aðildar. Sennilega vantar þá eitthvað af vitsmunum í það fólk sem þessar 11 evrópsku smáþjóðir leiðir.

Og hver eru svo rök þessa ágæta frambjóðanda, þessarar stóryrtu ungu konu, fyrir því að það væri arfavitlaust að ganga í ESB?

„Með því að standa utan við Evrópusambandið höldum við okkar sjálfstæðu viðskiptastefnu og höfum fullt forræði á viðskiptasamningum við önnur ríki,“ segir hún. Frambjóðandinn skýrir síðan frá því að Ísland hafi nú fríverslunarsamninga við 74 ríki og að frekari samningar við m.a. Indónesíu, Ekvador, Gvatemala, Argentínu, Brasilíu, Paragvæ og Úrúgvæ bíði gildistöku. Telur hann þetta gott mál og þarft.

En hver er raunveruleikinn í þessum málum? 90-95% af utanríkisviðskiptum Íslands eru við Evrópu og Bandaríkin enda er íslenskur varningur og þjónusta í háum kostnaðar- og gæðaflokki sem einvörðungu efnaðir neytendur á efnahagslega sterkum mörkuðum ráða við. Þau lönd sem frambjóðandinn gleðst yfir að Ísland hafi náð fríverslunarsamningi við hafa enga burði til að kaupa íslenskan varning. Ætla má að allir þessir miklu og víðtæku viðskiptasamningar séu að mestu gagnslausir og hrein tíma- og peningasóun. Með fullri inngöngu í ESB hefði hins vegar fengist fríverslun við Kanada, Kóreu og Japan, samtals 220 milljónir efnaðra neytenda, sem ESB hefur fríverslunarsamning við og henta fyrir íslenskan hágæðavarning og –þjónustu. Næst kemur frambjóðandinn galvaski að því að sjávarútvegsstefna ESB sé „… stefna sem fyrir löngu hefur sannað gagnsleysi sitt og skaðsemi“. Skýringar eru engar. Aftur tekur ung kona mikið upp í sig. Fullmikið.

Malta var í sambærilegri stöðu og við Íslendingar þegar landið gekk í ESB. Lifði mest á fiskveiðum og ferðamennsku. Líka fámennt eyríki, sem hafði ráðið fyrir og nýtt sín fiskimið um ár og aldir. Út á þessa sögulegu staðreynd fékk Malta að halda fullum yfirráðum yfir sínum miðum við inngöngu og fengu önnur ESB-aðildarríki þar engan aðgang. Telja má öruggt að við Íslendingar fengjum sams konar samning við inngöngu.

Svo kemur margt í belg og biðu hjá frambjóðandanum: Stefna ESB í dreifbýlisþróun, skattamálum, gjaldmiðilssamstarfi, byggðastefnu, réttarvörslu, dóms- og innanríkismálum, tollabandalagi, utanríkistengslum, öryggis- og varnarmálum, fjárhagslegu eftirliti, framlagsmálum og stofnunum, en allt á þetta að vera kolómögulegt.

Fyrr má nú rota en dauðrota kom upp í hugann við lestur þessarar lönguvitleysu, sem ég leyfi mér svo að kalla, enda efast ég um að frambjóðandinn sjálfur hafi vitað vel hverju hann var að romsa upp úr sér og skrá á blað.

Ef ESB kæmi að dreifbýlis- og byggðamálum hér væri það helst í formi fjárframlags eða styrkja. Skattamál eru innanríkismál aðildarríkja. Hvert aðildarríki ræður sjálft hvort það tekur þátt í gjaldmiðilssamstarfi. Svíar gera það t.a.m. ekki. Varðandi réttarvörslu og dómsmál erum við nú þegar sterktengd ESB eins og dæmin (Landsréttarmálið) sanna, varðandi innanríkismál erum við nú þegar í Schengen þar sem við opnum landamærin fyrir öllum hinum ESB- og Schengen-ríkjunum (og þau fyrir okkur), um tollabandalög og utanríkistengsl gæti ESB aðeins gagnast okkur og um öryggis- og varnarmál erum við auðvitað öll, Ísland og ESB-ríkin flest, í sama báti; NATO.

Loks þetta um þá fullyrðingu frambjóðandans og utanríkisráðherrans að Ísland hafi aðeins tekið upp 13,4% af regluverki ESB: Fjölmargar reglugerðir ESB ná alls ekki til Íslands þannig að ef heildarfjöldi reglugerða er talinn, og svo einfaldlega talinn fjöldi þeirra reglugerða sem Ísland hefur innleitt, kann að koma út lág prósentutala. Þetta er þó ekki það sem gildir, heldur áhrif og vægi þeirra gerða og reglugerða sem Ísland hefur tekið upp.

Norðmenn eru með svipaðan ESS-samning og við. Á 20 ára afmæli norska EES-samningsins lét ríkisstjórn landsins gera úttekt á samningnum og áhrifum hans. Hlutlausir sérfræðingar gerðu 900 bls. skýrslu um málið. Í inngangi stendur þetta í enskri útgáfu: „Norway has adopted roughly ¾ of EU legislation compared to those Member States that participate in everything…“ 75%. Þetta var 2012. Ætla má að staða Íslands sé svipuð.

Skýrslan bendir einnig á þá neikvæðu staðreynd að Norðmenn hafa engin áhrif á stefnumál ESB og koma hvergi að ákvörðunum. Það sama gildir auðvitað um Ísland í stöðunni. Ef Ísland væri fullgilt aðildarríki fengjum við sex þingmenn á Evrópuþingið, okkar eigin kommissar – hver þjóð hefur bara einn, líka Þjóðverjar og Frakkar – og auk þess fengjum við fullt neitunarvald hvað varðar stefnumörkun, stærri ákvarðanir og samningagerð ESB við önnur ríki eða álfur. Við gætum þá loks látið í okkur heyra og að okkur kveða með þau lög og reglugerðir sem við erum svo að taka upp.

Hvað segja frambjóðendur og utanríkisráðherra um það? Vart vill sjálfstætt fólk láta draga sig á asnaeyrum. "

Það býr mikil sannfæring að baki skrifum Hr. Bieltveds sem er ekki síðri en forystumanna Viðreisnarfylkingarinnar, Loga Más og Þorgerðar Katrínar.En að sama skapi eru rökin varla þess eðlis að sannfæri marga sjálfstæða Íslendinga.

Alþjóðlegir verslunarhagsmunir höfundarins gætu leikið hér hlutverk til viðbótar við hugsjónir um minnkun vægis þjóðríkisins.En afnám landamæra og þjóðareinkenna er grunntónn í Evrópuhugsjóninni.

Verslunarfrelsi við allan heiminn en ekki aðeins við aðeins fjórðung hans innan tollabandalags ESB vega líklegra þyngra í hugum Íslendinga allt frá Jóni Sigurðssyni til þess að þeir hafni inngöngunni þó vel sé skrifað hjá Hr. Bieltved. 

Síðustu fálmkenndu viðbrögð ESB í alþjóðlegum málefnum og veiruráðstöfunum benda ekki til skilvirkni sem íslendingum sé að skapi. Enda verður ekki farið fram hjá vilja Sjálfstæðisflokksins ef hann stendur óskiptur með sjálfstæði Íslands eins og nú virðist vera raunin á.

En maður verður að virða einbeitni baráttumanna eins og hins alþjóðlega kaupsýslumanns Hr. Óla Bieltveds.