Af hverju ekki viðtal?

í við fremjendur eineltisins  sem verið var að skýra frá í sjónvarpinu í kvöld? Heyrum líka hina hlið málsins?

Hugsandi til baka finnst mér  að við krakkarnir þá hafi frekar verið góð við þá sem skáru sig úr. Ég bara man ekki eftir svona einelti og  kvikindisskap eins og núna virðist útbreiddur.

Enda var þá ekki blandað í bekki tossum og venjulegum krökkum sem eru í skólaum til að læra.

Af hverju ekki viðtal við gerendur eineltis eins og þolendur? 

Hver fékk borgað?

og hversu mikið fyrir að eyðileggja ágæta heimasíðu RÚV þannig að nú getur maður ekki séð fréttir í tölvunni hér í útlandinu eins og verið hefur lengi með ágætum?

Hvaða gæðingur fékk að hræra í þessu? Var þetta boðið út?

Af hverju má ekki fara eftir lögmáli Murphy´s  sem segir að maður eigi ekki laga það sem virkar?

Bretinn kominn aftur

á YouTube með fyrirlestra sína um Islam.

The Brit:

 < http://dotsub.com/media/b5ee5ada-5b37-4b0b-9916-e0896337ec4b/e/m>

Að vanda heldur hann sér við staðreyndir án sérstakrar hlutdrægni.

Eða hvað finnst fólki um Bretann?

Borgarstjóri í Reykjavík

þótti hér á árum áður vera all mikil virðingarstaða. Hugsanlega í og með hversu margir þjóðþekktir menn hafa gegnt henni allt til seinni ára.

Með útspili Besta Flokks Jóns Garrs færðist nýr still yfir Borgarstjórn Reykjavíkur. En þessi breyting hafði átt sér langan aðdraganda þegar Sjálfstæðismenn gátu ekki náð lengur saman um eðlileg vinnubrögð þegar Davíð Oddsson lét af embætti Borgarstjóra. Þá held ég að traust kjósenda hafi beðið sinn fyrsta hnekki sem síðan vatt upp á sig og nú situr þetta forna flaggskip borgarmálanna sem áhrifalaus smáflokkur sem enginn sýnir teljandi áhuga.

Borgarstjórnmál einkennast nú af klækjum og baktjaldamakki einstakra Borgarfulltrúa fremur en að menn tali fyrir hugsjónum sínum af eldlegum áhuga. Þannig voru úrslit síðustu kosninga þau að Besti Flokkurinn og Samfylkingin misstu meirihlutann en héldu völdunum fyrr tilstilli Píratans sem komst óvænt inn.

Nú er það algengt að tæpur meirihluti reynist oft vera valtur til lengdar þó auðvitað fari það eftir skaphöfn fulltrúaanna sem í hlut eiga. Maður á því að venjast að menn ókyrrist í slíkum meirihluta ef margt gengur mót og menn vilji ekki láta vandræði koma niður á pólitískri framtíð sinni. Því skiljanlega vilja litlir aðilar ekki láta kenna sér um óvinsældir samstarfsaðilanna sem eru alltaf pólitískir andstæðingar, sem engu gleyma og ekkert þakka.

Horfandi yfir lækinn frá Kópavogi finnst mér mest áberandi hversu mjög ráðandi öflin í Borgarstjórninni, sem halda sömu stefnu í flestum málum og á því fyrra kjörtímabili, lenda í miklum og endurteknum deilum við íbúa Reykjavíkur. Það þarf ekki að hafa mörg orð um þær deilur sem uppi eru við alla þjóðina um Reykjavíkurflugvöll þar sem mörgum ofbýður framganga meirihlutans. Og deilur um þrengingar gatna og framkoma yfirmanns  skiplagsmála virðast ekki dæmi um eindreginn samstarfsvilja yfirvalda við íbúa og minna raunar frekar á tíð einvaldskonunga.

þegar allt er talið þá furðar mig mest á þætti formanns Pírata. Þessi oddamaður virðist lítilþægur í meira lagi miðað við það að meirihlutinn veltur algerlega á honum. Víða hefur slíkt reynst erfitt. Ég sé ekki fyrir mér að óvinsældir Borgarstjórans sem fær 90 % vantraust í 500 manna úrtaki æa Útvarpi Sögu í dag muni styrkja stöðu Pírata í næstu kosningum. En auðvitað fer þetta eftir skapgerð manna, hugsjónum og metnaði fyrir sitt sveitarfélag.

Ennþá furðulegra finnst mér þetta með tilliti til þess að þarna fer hjá Pírötum  ungur vel menntur maður og vel ættaður. Maður hefði getað búist við að hann myndi vilja nýta tækifærið og setja sitt mark á þróun Borgarinnar og sína eigin pólitísku stærð og framtíð.

En ef til vill bara skilur maður ekki lengur nútíma stjórnmál. Og kannski er bara ekkert merkilegt lengur, kannski bara í hæsta lagi fyndið, að vera Borgarstjóri í fæðingarbæ mínum Reykjavík.

 

Stríðsvindar

fundust mér blása af ræðu Benjamíns Netanyahu fyrir fjölskipuðu þingi Bandaríkjanna í þessu.

Benjamín var ómyrkur í máli þegar hann lýsti þeim valkostum sem  við Ísraelum blasa hvað varðar kjarnorkuvígbúnað og stríðsáform klerkastjórnararinnar í Íran.

Hann lýsti því hvernig þessi stjórn Islamista sem þar ræður ríkjum án lýðræðis hefur svikið öll loforð til þessa. Hvernig hún hefur logið og svikið til hægri og vinstri, hvernig hún styrkir  hryðuveerkastarfsemi um allan heim. Hvernig þessi stjórn fjöldaframleiðir kveikjur í kjarnasprengjur, hvernig hún framleiðir langdrægar eldflaugar til að skjóta um heima alla, hvernig hún auðgar úran á laun, hvernig hún lýgur og svíkur og blekkir meðan nokkur vill trúa.

Benjamín sagði að Ísraelar myndu ekki kvika, ekki hætta við að berjast til síðasta blóðdropa gegn þessu þó að þeir þyrftu að fara einir í stríðið.  Ef ekki yrði fengisr við þessi myrkraoöfl núna yrði ennþá verra að fást við þau síðar. Þetta ríki ætlaði opinberlega að tortíma Ísrael og drepa alla gyðinga.

Núna í fyrsta sinn í sögunni myndu Gyðingar hinsvegar ekki láta slátra sér bardagalaust eins og í fyrri ofsóknum.

Bandaríkjaþingmenn risu hvað eftir úr sætum og klöppuðu allir sem einn undir ræðu Benjamíns. 

Þegar maður gerir sér grein fyrir því að Bandaríkjaþing er ekki einhver ályktunarsamkunda eins og við þekkjum landsfundi stjórnmálaflokka heldur máttugasta stjórnmálasamkunda veraldar, þá er ástæða til að sperra eyrun.

Það er að byggjast upp vilji og ásetningur meðal Bandaríkjanna og Ísrael til að láta til skarar skríða gegn einræði múllanna og  Íslamista í Íran.

Það verður stríð.

Auðvitað verður lítills styrkur að ræflabandalaginu í Brussel. það mun sjálfsagt mótmæla og mótmæla því að Bandaríkin og Ísrael ætli að uppræta hin illu öfl og færa Írönum frelsi til að láta ekki einræðisöflin og Islamista leiða sig í glötun.  Hugsanlega munu Bretar fylgja Bandaríkjunum einir þjóða ESB. 

Iran er um þesar mundir þorpararíki rétt eins og Norður-Kórea. Hinn siðmenntaði heimur getur ekki átt viðskipti við slík ríki frekar en 1939.

Það blása stríðsvindar um vestræna veröld.

ESB ennþá einhver?

Það er ofar mínum skilningi að enn skuli vera þeir til sem krefjast inngöngu Íslands í Evrópusambandið.

Nú síðast er sjálfur Jón Baldvin kominn á þá línu að Ísland egi ekki erindi þangað-að svo stöddu að minnsta kosti.

Gunnar Röggnvaldsson lýsir í löngu máli sinnaskiptum JBH. Bloggari tilfærir hér glefsu úr færslunni sem lýsir ákveðnum skoðunum Gunnars á því hvað sambandið er orðið  í stað þess sem það ætlaði að verða: 

".....Evrópusambandið er ekki tollabandalag eins og reynt hefur verið að ljúga að þjóðinni og það er heldur ekki Evrópusamband. Það er einfaldlega þjóðríkisbanandi elítuveldi, ófriðarbandalag og stjórnlaus samkunda afglapa á háum launum

Það var Evrópusambandið sem eyðilagði til dæmis Landesbankakerfi Þýskalands. Og það var Evrópusambandið sem eyðilagði sanna verðlagningu og mat áhættu (risk premiums & risk spreads) í fjármálakerfum evrulanda. ESB heimtaði að öll ríki sambandsins fengju sömu vaxtakjör og sættu sama áhættumati. Það var meðal annars sagður sjálfur tilgangur myntbandalagsins

Evrópusambandið eyðilagði einnig Maastricht sáttmálann —sem það upp á punt skrifaði og markaðsfærði sem eins konar heilaga ritningu til að blekkja almenning og alþjóðlega fjármálamarkaði— með því að smygla áhættutöku einkageirans yfir á herðar skattgreiðenda. Byssu var síðan troðið upp í kjaftinn á evrulöndum og þeim skipað að sprengja þjóðfélög sín í loft upp til að bjarga þeirri fjármálabólu sem Brusselveldisklíkan bjó til og sem Myntbandalag Evrópuelíta nefnist, sjálfri evrunni, sjálfum Frankenstein fjármála í ESB..."

Gunnari eer vel ljós höfuðástæðan fyrir því að Evrópuhugsjónin getur aldrei gengið upp: 

"....Bandaríkin eru ekki í fullveldisáhættu eins og ríki Evrópusambandsins algerlega að þeim óspurðum eru höfnuð í. Í Bandaríkjunum er einungis tekist á í hefðbundnumátakastjórnmálum eins og alltaf hefur þar verið gert og kosningar í þeim eru virtar og völdin með glæsileika afhent næstu þjóðkjörnum fulltrúum bandarísku þjóðarinnar (transition of power). Í Bandaríkjum Norður-Ameríku hafa stjórnmál (politic) ekki verið þjóðnýtt eins og í Evrópusambandinu. Myntin Bandaríkjadalur er heldur ekki kirkjugarður ríkisstjórna, eins og evrusvæðið er..."

Og enn segir Gunnar:

"...Trylltur, ofsafenginn og lygum varðaður áróður sósíalistaskjaldborgar ESB-lýðskrumara, er það sem hrjáir Evrópu í dag. Þetta ferðalag mun enda sem svo ömurlegt meginland taparanna, að það mun aldrei nokkru sinni eiga sér viðreisnar von. Evrópusambandið hefur drepið Evrópu og tendrað elda í veröldinni..."

"...Ekkert er jafn eyðileggjandi fyrir frið og hagsæld í löndum eins og tilvist ríkis innan ríkisins..." 

Boðuð fjölmenning kratanna og alþóðahyggjunnar þeirra myndi virka eins og búa til ríki í ríkinu. Múslímar ætla sér ekki að aðlagast gistiþjóðum sínum heldur aðlaga þær að sér. Sú afstaða blasir allstaðar við í Evrópu. Það vandamál mun bætast ofan á þau vandamál sem nú ber hæst í því.

Eftir sinnaskipti JBH bíð ég einna helst eftir því að Einar Benediktsson ambassdor skýri okkur frá því hvenær honum finnist tímabært að ganga í Evrópusambandið ef ekki núna strax?

Samfylkingin og Björt Framtíð hafa lítið látið í sér heyra um hvenær kjöraðstæður til aðildarumsóknar verða aftur. Þeir eru hnsvegar alveg klárir á því að Bjarni hafi ofað þjóðaratkvæði um framhald aðildarviðræðna. Enda á víst að greiða þjóðaratkvæði um hvort aðildarviðræðunum skuli haldið áfram skv. Valhallarútgáfunni af Landsfundar-samþykktunum sem gildir þá víst núna ef menn skyldu hafa haldið annað eftir lestur landsfundarsamþykktarinnar sem sagði að viðræðunum skyldi hætt.  

En hver og hver og vill? ESB einhver?

Númer að aftan

eru á bílunum hér á Florida og víst í öllum ríkjunum.

Ef 350 milljóna þjóð, sem á meira en þúsund sinnum meira af flestu en við, kemst af með bara eitt bílnúmer að aftan á hverjum bíl, af hverju þurfum við að hafa númer aftan og framan? Ég meina rökstutt svar sem er öðruvísi en aaþíbara og Eerópustilskibun.

Kosta númer ekki peninga? Af hverju þurfum við að hafa þetta dýrara en Ameríkaninn? Hvort lítur maður meira aftan á bíl en framan á til að sjá númerið? Hversu oft yfirleitt?

Er ekki nóg að hafa númer að aftan? Þá getur maður til dæmis leigt framendann undir auglýsingar.

Errda bara alltílagi?

" Ef tillögur stjórna viðskiptabankanna þriggja, Arion banka, Íslandsbanka og Landsbanka, verða samþykktar á aðalfundum munu þeir greiða samtals 45,7 milljarða króna í arð til eigenda sinna. Stjórn Íslandsbanka leggur til að arðgreiðsla nemi 9,1 milljarði króna sem er 40% af hagnaði. Stjórn Arion banka leggur til arðgreiðslu að upphæð 12,9 milljarðar króna sem er er 45% af hagnaði og Landsbanki leggur til 23,7 milljarða króna sem er 80% af hagnaði. Ríkissjóður sem á 97,92% í Landsbanka, 13% í Arion banka og 5% í Íslandsbanka mun því fá góða búbót fyrir utan þá 26 milljarða króna sem bankarnir þrír greiða í tekju- og bankaskatt."

Svo stendur í Morgunblaðinu á sunndag.

Herjir eru í stjórnum þessara banka? Hvernig komst það fólk þangað? Af hverju eru þessar tölur nærri eins fyrir alla banka? Hwer á þessa banka? Raunverulega.

Finnst fólkinu sem borgaði þessum bönkum allar þessa peninga þetta vera bara allt í lagi? Finnst Bjarna Ben. og Sigmundi Davíð þetta vera bara ekkert mál? Bankarnir ætla mildilegast að borga 26 milljarða í skatta. Finnst þeim þetta hæfilegt?

Enn sendur í Mogga:

"Yfirstjórn bankanna þriggja fékk greiðslur sem nemur rúmum einum milljarði króna. Í hverjum bankanna þriggja eru 7 stjórnarmenn og eru greidd laun til stjórnanna samtals 167,2 milljónir króna. Arion banki greiddi til stjórnar 72,8 milljónir króna, Íslandsbanki greiddi 48,4 milljónir króna og Landsbanki greiddi 46 milljónir króna.

 

Greiðslur til bankastjóra og framkvæmdastjóra eru samtals í bönkunum þremur 851,5 milljónir króna. Í Arion banka fengu bankastjóri og 9 framkvæmdastjórar 310 milljónir, í Landsbanka fengu bankastjóri og 7 framkvæmdastjórar 277 milljónir króna og í Íslandsbanka fengu bankastjóri og 8 framkvæmdastjórar 264,5 milljónir króna.

 

Bankastjórarnir þrír fengu samtals 140,4 milljónir í laun og árangurstengdar greiðslur. Höskuldur H. Ólafsson, bankastjóri Arion banka, fékk 72,8 milljónir króna, Birna Einarsdóttir, bankastjóri Íslandsbanka, fékk 43,4 milljónir og Steinþór Pálsson í Landsbanka fékk 24,2 milljónir."

Ætli Það sé ekki bara eðlilegt að Höskuldur fái sama og "Hvíta"-Birna og Steinþór til samans með tilliti til reynslu hans í því að þjónusta  almenning hjá VISA? Ef tillit er tekið til þess að þetta er aðeins eitt mánaðarkaup hjá fyrri bankastjóra blasir þá ekki hagræðingin í Aríonbanka við?

Ef sama hlutfall bankamanna væri í Bandaríkjunum og á Íslandi væru þeir fjórar milljónir í stað tæprar einnar. Sem sagt pílögmál mitt gildir líka hér.

Errda bara alltílagi? 

 

 

Öryggissveitir

er eitthvað sem Íslendingar þurfa að hugleiða vegna hryðjuverkaógnar.

Mér hefur dottið í hug að lögreglan myndi finna sér einhver hundruð fullorðinna manna sem andlega og líkamlega eru til þess heppilegir, að bera á sér daglega litlar faldar skammbyssur af stórum kaliber með leysimiðun. Menn mynduðu öryggissveitir á stríðsárunum og fengu hjálma merkta HS sem þeir settu upp þegar loftvarnamerki var gefið svo eitthvað sé nefnt.  

Þessir menn myndu sinna sínum daglegu störfum þar sem þeir fari helst víða um en geti borið vopn sín með sér án þess að nokkur viti um þau þannig að launakostnaður yrði lítill. T.d.leigubílstjóri, strætóbílstjóri, skólavörður, lögregluþjónn á frívakt eða stöku lögregluþjónn, póstmaður, sendibílstjóri eða hver sem er. Einhverjir gætu líka verið í þessu sem aðalstarfi sem eru annars á atvinnuleysisbótum.

 

Þessir menn eru í mínum huga nokkurskonar aðstoðarlögreglumenn og gætu fengið frekari þjálfun sem slíkir og myndað varalögreglu. Þeir geta líka verið aðeins vopnaðir öryggisverðir í öðrum störfum.

Þessir menn myndu láta miðstöð vita hvenær og hvar þeir eru úti vopnaðir þannig að kerfið hefði yfirsýn um þá. Þeir mega aldrei láta neinn vita af vopnum sínum og mega aldrei sýna þau nema vopnuð árás sé gerð. Þetta væri leynileg öryggisvarðstaða um borgarana sem gæti skipt sköpum ef..."Only a good guy with a gun can stop a bad man with a gun."

Og hryðjuverkamaðurinn má ekki þekkja þá né vita um þá. Því það er forsenda fyrir þessa sveit að hún sé algerlega leynileg og hvorki fjölmiðlar fréttamenn eða jafnvel vissir þingmenn hafi minnstu vitneskju um hvaða menn þetta eru eða hvernig þeir eru vopnaðir.

En stofnun hennar er auðvitað gerð með heimild Alþingis með trúnaðarákvæðum svo að tilfallandi innanríkisráðherra haldi ekki blaðamannafundi um vopnabúað síðar. 

Auðvitað verða einhverjir vitlausir yfir þessum hugmyndum. Þá það. En aðrir munu velta þessu fyrir sér kalt og yfirvegað. Einn svona varðmaður í Útey eða í einhverjum skóla hefði kannski getað..?

Ég þekki mikið af fólki sem ég treysti fyrir svona ábyrgð. Þó veit ég ekkert um það hverjir af þeim vildu taka svona að sér þar sem að þetta getur auðvitað verið hættulegt ábyrgðarstarf sem krefst mikils af viðkomandi.

Ef til vill er þetta hugmynd sem flestum finnst vitlaus eða óþörf. Kannski er hún það líka.  Af svörum aðspurðs fólks í fréttum er líka frekar ólíklegt að almenningur telji þörf á að eiga svona öryggissveitir eins og okkar frábæru björgunarsveitir sem sýna fórnfýsi sínu  fyrir oft misvitrann náungann.  

 

81 milljarður frá almenningi

til bankanna.

Sigmundi Davíð  ofbýður. Mér líka

Þegar maður sér hvað tölurnar eeru líkar fyrir þrjá bankana þá dettur manni verðsamráð í hug. Hvernig væri að taka bankastjórana til yfirheyrslu um þessi atriði? Það er svo margt líkt í kerfunum að það getur varla verið tilviljun.

Ég man að Guðjón heitinn Ólafsson benti á það fyrir margt löngu að íslenska bankakerfið væri allt of dýrt og yfirmannað.Þá voru 4000 bankastarfsmenn á Íslandi og síðan hefur þeim aðeins fækkað um 500 eftir tilkomu tölvanna. Nú eru pí sinnum fleiri bankastarfsmenn á hvern Íslending en á hvern Svía eða Bandaríkjamann. Með langtum minni peninga í þokkabót. Það blasir við að bankarnir okkar eru ömurlega illa reknir og því dragbítar á efnahagslífið og byrði á almenningi.

Almenningur hlýtur að krefjast þess að þessi blóðtaka bankanna af almenningi verði skattlögð sérstaklega og þeim gert að draga saman seglin í rekstri.

81 milljarðs skattheimta bankanna af íslenskum heimilum er svívirða sem Sigmundur Davíð þarf að taka á.  

Hvað á að gera?

við breskan hálskurðarmann ISIS sem nú hefur verið nafngreindur?

Ef hann næst og kemur í vald breskra yfirvalda, hvað munu þau gera?

Hvað myndum við gera við Íslending í sömu stöðu?

Hvað á að gera við svona fólk?

Framtíð Frakklands

er eitthvað sem menn mættu velta fyrir sér.

Þetta forna stórveldi hefur marga fjöruna sopið. Á tímum Lúðvíks fjórtánda reis veldið hátt. Líklega hefur enginn meður í veraldarsögunni farið með meira vald en sólkóngurinn Lúðvík Quatorze  á bestu dögum sínna 72 ára á valdastóli til 1715. Hann fékkst við margvíslega örðugleika einkanlega á seinnihluta valdatíma síns. Til dæmis dóu 2 milljónir Frakka í mikilli sótt eftir aldamótin og hungursneyð varð eftir uppskerubresti. En karlinn seiglaðist áfram með því að deila og drottna og sigraði að mestu í sínum síðustu styrjöldum. 

Það tók kratana og Napóleon hundrað ár að kála ríkinu sem féll fyrir sameinuðu afli óvina Frakklands. Má segja að landið hafi aldrei síðan náð að rísa upp til fulls afls þrátt fyrir ýmsa leiðtoga með stórveldisdrauma á borð við DeGaulle.

En hinsvegar er það staðreynd að nútíma stjórnsýsla og réttur er frá Frökkum kominn og á Napóleon sjálfur mikinn þátt í þeim sem ekki tengjast stríðsrekstri hans. Erkióvinir Frakka eru Englendingar sem aldrei líta með fullu trausti yfir Ermasund. En kannski er komið sameiningarafl í báðum ríkjunum sem getur styrkt vináttuna á ókomnum árum. En það er islamiséringin sem gengur all vel í báðum ríkjunum. Bresk-frönsk samvinna undir merkjum Islam.

Það er nokkuð sama hvaða stórmenni eftirtímans er spurt um þennan mann Lúðvík fjórtánda að svarið er að hann var sá mikli konungur. Franskir lágmenningarkratar áttu eftir að tortíma líkamsleifum hans í byltingu þeirra og lágmenningarsnobbi síðar á öldinni. Napóleon bjargaði þeim frá sjálfum sér með því að gerast keisari þeirra, setja þá í úníform og fara í ránsferðir til annarra landa. Skein stjarna Frakka þá aftur skært um stund þegar Þýskaland varð skattland og öll Evrópa skalf austan Ermasunds.

Lúðvík fjórtándi þurfti að berjast fyrir völdum á Spáni. En Ferdínand og Ísabella höfðu lokið "reconquesta" fyrir 1500 þar sem Márarnir og Gyðingarnir sem áttu ríki á Spáni urðu annaðhvort að gerast kristnir eða flýja land.

Spánn varð því í gegnum kóngablóð þáttur af franska heimsveldinu lengi á eftir. En þetta er gríðarlega löng ogg flókin saga sem nær í gegnum landnám Mára á Spáni, KarlaMagnús og kappa hans, krossferðirnar og inrás Mongólanna, allt þar til þess að þau Ferdínand og Ísabella ljúka "reconquesta" eða endurheimtunum  og senda Columbus til Ameríku.

En nú er öldin önnur. Músllímar frá fornum nýlendum Frakka hafa streymt til Frakklands á umliðnum árhundruðum. Eins og tíðkast meðal fáfróðra lægri stétta samfélaga þá er viðkoma slíks fólks mun meiri en þeirra betur settu. Þeir hafa fengið að halda sínum trúarbrögðum og venjum þar í miklu mæli til ess að núna sést með framreikningi að múslímar munu ná yfirhöndinni í Frakklandi á þessari öld. Frakkland verður líklega íslamskt ríki innan fárra áratuga.

Hvernig fer sambýlið við þá kristnu og Gyðinga er ekki vitað. En mörg dæmi eru um að slíkt hafi getað gengið með peningum og velsæld. En venjulega harðnar á dalnum með lækkandi gengi sem gerir þá fólk trúaðra um leið og Spánski Rannsóknarrétturinn fær aftur vængi.

Sama þróun á sér stað í Bretlandi. þar munu múslímar líka ná yfirhöndinni áður en öldin er liðin. Þar er ekki sama hefð í samskiptumog er hugsanlega fyrir hendi á Spáni og S-Frakklandi. Útkoman gæti orðið þar allt önnur.  

Sama á við um Svíþjóð þar sem kratar stefna ótrauðir að því að gera Svíþjóð að fjölmenningarríki sem ekki sér fyrir endann á hvernig muni líta út. 

Margir nútímamen láta sér í léttu rúmi liggja hvaða trúarbrögð almúginn viðhefur meðan þeir fá að hafa sinn bísness og persónufrelsi í friði. Mörg dæmi eru sambýli þar sem ein trúarbrögð umlíða hin meðskattlagningu.

Yfirgangurinn í Frakklandi til múslímaríkis frá kristnu ríki eins og við þekkjum það nuna þarf ekkert endilega að verða ofbeldiskenndur. Íslenskir kvótagreifumm verður til dæmis nokk sama hvað sungið er meðan þeir hafa sitt á þurru ef tala má í léttum dúr um forréttindi aðalsins. En Frakkar munu auðveldar en Íslendingar geta skilið hvað kvótakerfið er og hvernig á að stýra því. Loðvík 14. hefði skikkað aðalinn til að búa hjá sér í Versölum þar sem hann gat haft auga með þeim. Hvernig verður hin íslenska leið eftir því sem tímar líða? 

Sjálfsagt kemur þessi þróun mannfjöldans til Íslands fyrr en síðar þar sem kratisminn nær til þriðjungs þjóðarinnar sem vill fjölmenningu og innflutning fólks án takmarkana, þriðjungur hefur enga skoðun en þriðjungur er í andstöðu og getur ekkeert aðgert.

Þeir Íslendingar sem tilheyra síðastnefnda þriðjungnum gera rétt í því að fylgjast vel með þróun mála í Frakklandi því þar verða fyrst tíðindi af hinni komandi breyttu heimsmynd.

Framtíð Frakklands er framtíð heimsins.