Vaxtahækkun á almenning?

og atvinnuvegina er líklega það sem Seðlabankanum dettur í hug að koma með sem bólguminnkandi lyf þegar Hagstofan  hrópar bóla, bóla?

Hverjir eru með peningana? Eru einhverjir aðrir en lífeyrissjóðirnir sem hafa afl til að blása í blöðrur á hlutabréfamarkaði og annars staðar þar sem hægt er að dæla inn fé?.

Er ekki aðferð Seðlabankans  yfirleitt sú að hækka vexti á almenningi og atvinnuvegunum þegar svona stendur á?  Væri ekki önnur leið að Ríkið sækti sitt fé í lífeyrissjóðina og létti þannig þrýstingnum?

Ef  bönd þarf á bóluna þá er  vaxtahækkun á almenning og atvinnuvegi  ekki það sem þarf. 

Fríverzlun við Kína

er eitthvað sem endist Össuri garminum til að breiða úr sér í blöðunum og þakka sér þessi ógurlegu tímamót sem hann hafi komið til leiðar einn og sér.  Ekki skulum við vera að eyðileggja sjálfsánægjuna fyrir krataskömmunum. Aðalatriðið er ef eitthvað lagast hér á þessu ofstjórnarlandi.

En þetta leiðir hugann að okkur íhaldsmönnum. Við virðumst standa vörð um báknið eins og fyrri daginn. Við gerum ekkert í því að minnka umfang Tollstjóraembættisins.  Tollar hafa verið lækkaðair á flestum vörum og með fríverslunarsamningum  minnkar vægi þeirra enn.  Bjarn Ben ætlar svo að lækka þessi vörugjöld einhvern tímann , sem eru auðvitað ekkert annað en dulbúnir tollar. Þegar þau verða farin og flestir tollar hefur Tollstjóri fátt annað að gera en rukka skemmtanaskattt og virðisauka en Tollgæslan  að leita að brennivíni og tóbaki sem menn vilja auðvitað smygla áfram.  Þá ætti að gefast meiri tími til að leita í gámum þjófagengjanna sem eru að flytja þýfi sitt úr landi með skipunum.

Þetta ætti að geta greitt leiðina til þess að Ísland verði ein allsherjar fríhöfn og vonandi fjármagnshöfn líka. Hér séu helst engir tollar né vörugjöld nema á fíkniefnum. Auðvitað eiga engir tollar að vera á neinu því þeir eru í eðli sínu pólitísk neyslustýring og opinber afskipti af daglegu lífi fólks. Það er allt hægt að gera bara ef menn nenna að hugsa. En það er hægara sagt en gjört.

En það er eins og aldrei sé hægt að gera neitt af viti því það koma alltaf vinstristjórnir inná milli sem eyðileggja alla framþróun. Og svo er eins og næsta stjórn hafi helst aldrei næga orku til að draga neitt til baka af því sem fyrri stjórn gerði vitlaust.  Allt er á hraða sniglisnins í opinberri stjórnsýslu og það virðist aldrei  hægt að drífa í neinu ef ráðamenn heita ekki Davíð.

Fríverslun við Kína er sosum ágæt en hefði ekki komið til ef Össur hefði áður verið búinn að koma okkur í ESB.  

Endurnýjun í lífeyrissjóðunum

hlýtur að fara fram. Þar sitja sömu kallarnir ár efti ár og velta sér í lúxusnum.

Það eru fleiri en ég sem finnst þetta aðfinnsluvert. Páll Vilhjálmsson ofurbloggari segir:

"Lífeyrissjóðir voru leiksoppar auðmanna fyrir hrun. Sjóðirnir töpuðu milljörðum króna í glórulausar fjárfestingar. Framkvæmdastjórar og yfirmenn í sumum lífeyrissjóðum þáðu ýmis fríðindi frá auðmönnum s.s. ferðir á knattspyrnuleiki á Englandi.

Eftir hrun var engin hreinsun í lífeyrissjóðunum, skrifuð var skýrsla og eitthvað föndrað við reglur um að mútur væru ekki við hæfi. Að öðru leyti var haldið áfram eins og ekkert hefði í skorist.

Lífeyrissjóðirnir eru nánast með ótakmarkaða getu til að tapa fé. Innstreymið í sjóðina er gerist sjálfkrafa, launþegar eru skuldbundnir að setja hluta launa sinna í hítina. Sjóðirnir lagfæra bókhaldið sitt með því að lækka réttindi félagsmanna sinna og munu, ef í harðbakkann slær, hækka lífeyristökualdurinn.

Í ljósi reynslunnar af sukksemi lífeyrissjóðanna á tímum útrásar er full ástæða til að efast um skynsemi þess að lífeyrissjóðirnir verði ráðandi á hlutabréfamarkaði"

Hvaðan í veröldinni kemur þessu liði öll fjármálaviska veraldar til að fara með eftirlaunapeningana okkar?  Hversvegna fáum við ekki Warren Buffet til að ávaxta fyrir okkur. Ég hef meiri trú á honum heldur en einhverjum pólitískum dindlum.  Þeir eru bara að spila matador með þessa lífeyrispeninga. Kaupi Eimskip í dag og borga með Hverfisgötu. Fer í fangelsi(á fótbolta í Englandi).Kaupi Hótel...

Ég er alveg orðin sannfærður um það að þetta kerfi gengur ekki lengur. Ríkið á að byrja á því að sækja skattinneignirnar sínar í sjóðina og lát þær ekki safnast þar upp framar.Lífeyrisgreiðslur verði skattlausar.

Síðan á að breyta þessu kerfi og leggja framlög hvers og eins í skúffur í Seðlabanka=séreignarsparnaður. Þaðan kemur svo lífeyririnn. Ekkert vesen eða spilling eða skekking á hagkerfinu eins og núna er þegar lífeyrsjóðafurstar sem enginn kaus stjórna öllum stærstu fyrirtækjum Íslands.

Seðlabankinn á svo að vera undir þeirri ríkisstjórn sem situr. Hún ræður Seðlabankastjóra fyrir sína lífdaga aðeins. Sömu ævilengd og fjármálaráðherrann og heyrir beint undir hann.

Sjá menn ekki hversu galið þetta er þegar engum dettur neitt í hug nema að segja svo hversu þetta sé nú fín hugmynd sem verði þjóðinni til ómældrar blessunar "með aðkomu lífeyrissjóðanna.."Framtakssjóður kaupir hér, selur hér...Bla, bla. Og svo á að fara að setja 15 % af öllum launum í vasana hjá þessu liði. Þaðer helmings hækkun frá 10 % sem var þó ærið

Það er galið að halda svona áfram með lífeyrissjóðina. 

 

Stærðfræði er handverk

sem maður verður að læra sagði Dr. Unverhau við okkur tossana 5 sem söfnuðumst í kring um eldhúsborðið hjá honum í Stuttgart sumarið 1959.

Við áttum að sameiginlegt að ætla að taka fyrrihlutapróf í verkfræði inann fárra vikna. Við vissum að við kunnum ekki neitt af kennilegri æðri stærðfræði sem hafði verið kennd í fyrirlestrunum og værum því vonlausir að ná prófi.

Dr. Unverhau var á öðru máli. Hann tók fjóra kalkipappíra og fimm hvít blöð og lagði saman. Maður lærir hvernig á að reikna dæmi og hvernig maður á að skrifa þau sagði hann svo.

Svo byrjaði hann á sinx/x, ég man það enn.  Það gerum  við svona sagði hann og og svo reiknaði hann og skrifaði dæmið á blaðið. Nú gerið þið samskonar dæmi í öðrum búningi og geri eins og ég gerði. Þið þurfið ekkert að skilja neitt, bara gera eins og ég.

Svo komu Fourier-raðir, Integröl og allt hvað eina. Heimadæmi annan hvorn dag en eldhúsið hinn. Þið munuð skilja þetta seinna sagði hann dr. Unverhau. Og viti menn, skilningurinn kom smám saman.Við eldhússtrákarnir fórum allir í gegn meðan aðrir betri menn lágu.

Því dettur mér þetta í hug þegar ég sé að ástæðan fyrir lélegum árangri í stærðfræði er rakin til skorts á háskólamenntun stærðfræðikennara. Ég rifja upp árin mín Menntaskólanum. Ég var lélegur í ólesinni stærðfræði. Núna veit ég að það var af því að ég kunni hvorki að skrifa né reikna. Og svo var ég ekki æfður í að reikna dæmi. Það var allt kapp lagt á útleiðslur og kenningar en ég fékk enga þjálfun í að reikna og skrifa. Það fór því allt í krabb og vitleysu hjá mér. Þú ert klaufi Halldór sagði Björn Bjarnason við mig eftir eitt prófið. Betri greinng á mér hefur aldrei verið gerð.  Dr Unverhau breytti þessu  öllu tveimur árum síðar.

Ég fullyrði að lélegur árangur í stærðfræði hjá nemendum er ekki menntun kennaranna að kenna heldur því að það er byrjað á vitlausum enda. Menn verða fyrst að læra að lesa. Svo að læra að skrifa, svo að læra að reikna dæmi og skrifa þau, aftur og aftur þangað til maður kann það. Það eru ekki svo mörg afbrigði til af sama dæminu. Svo kemur skilningurinn smám saman. 

Hvernig væri að hugsa námið upp á nýtt?

Skólastærðfræði er nefnilega handverk en ekki vísindi.

Er Fiskistofa óþörf?

finnst mér að fyrsta spurningin hljóti að vera en ekki starfsöryggi þeirra sem þar vinna.

Á Útvarpi Sögu sagði einn maður að Þorsteinn Pálsson ráðherra hefði stofnað fyrirtækið utan um fallinn vin sinn Guðmund Karlsson. Nú er þetta 80 manna battarí. 

Ég var áður búinn að skrifa um skipuritið sem bendir til að ýmsu megi breyta. En það fæst ekki rætt. Það er bara rætt um félagslega hlið málsins.

Ríkisstjórnin hefur ákveðið að svona skuli þetta verða.  Fréttablaðið og RÚV hafa ákveðið að freista þess að beygja stjórnina eins og í aðildarumsóknarslitunum. Ekkert er gert með sjónarmið skynseminnar og rök ríkisstjórnarinnar. Nei bara um starfsmennina. 

Er eitthvað fyrir mig að gera nema bjóða upp á veðmál um hvor gefur sig fyrr? 

Skiptir engu máli  hvort Fiskistofa sé hugsanlega óþörf? 

Lífeyrisjóðakerfið úti í móa

og Hróa. Nú á að fara að taka 15% af allri launaveltu og fela það lífeyrissjóðafurstunum til forvaltningar. Þessum þvílíkum séníum sem enginn hefur kosið af þeim sem eiga þá og hafa sýnt sig algerkega hæfa til að tapa milljörðum án þess að depla auga og lækka lífeyrinn á móti.

Burtséð frá því,  þá finnst mér ósköp klén tilhugsun að minn lífeyrissjóður eigi mestan hluta getunnar til að borga mér lífeyri í 14.6% hlut í Icelandair, 14,6 % í Eimskip, 13,6 % í Reginn, 13,1 % í Vodafone, 10.% í N1 og 9,5 % í Nýherja.(Heimild Morgunblaðið)

Warren Buffet kaupir ALDREI í flugfélögum. Eimskip er á nánast á hausnum meðan  Samskip græðir. Hin fyrirtækin meira og minna á brauðfótum. Allur svona rekstur getur farið og hefur farið á hausinn. Eða mótmælir því einhver í ljósi 2008?

Ég mótmæli kerfinu sem þolandi þess. Ég vil leggja lífeyrissjóðakerfið niður í núverandi mynd og leggja það inn í Seðlabankann sem sjái um að borga fólki lífeyri. En fyrst vil ég að ríkið sæki inneignir sínar í þessum lífeyrissjóðum þar sem eru skattgreiðslurnar strax og borgi með því ríkisskuldirnar sem kosta hundrað milljarða í vexti á ári.

Niður með þetta kerfi valdabrasks og sérgæsku.

Lífeyrissjóðakerfi landsmanna er komið út í móa og Hróa fyrir löngu

Dómnefnd um Seðlabankastjóra

finnst mér skrítin ráðstöfun. Sigmundur Davíð og Bjarni Ben eru að ráða mann til sinnar amtstíðar sem þer geta treyst. Það er varla  verið að velja í embætti Forseta til lífstíðar eins og í N-Kóreu?

Finnst engum  lítt trúverðugt að lögreglustjórinn og Dómnefnd þurfi að velja manninn fyrir þá réttkjörnu? 

Bann við búrkum!

sett í Evrópu skv. Morgunblaðinu í dag:

"Mannréttindadómstóll Evrópu staðfesti í gær bann við því að klæðast búrkum í Frakklandi. Yfirvöld þar í landi settu lögin árið 2010 undir stjórn Nicolas Sarkozy. Málið var borið fyrir dómstólinn af 24 ára franskri konu sem fullyrti að bannið bryti gegn tjáningar- og trúfrelsi hennar. Í lögunum segir að enginn megi klæðast á almannafæri flík sem er til þess gerð að hylja andlit. Sektin fyrir brot á lögunum nemur 150 evrum, eða 23 þúsund krónum. Í landinu búa fimm milljónir múslima. "

Hér á landi er ekki vanþörf á að Alþingi taki á svipuðum málum. Í búsáhaldabyltingunni skutust grímuklæddir glæpamenn óáreittir innan um mannfjöldann og frömdu óhæfuverk óáreittir.

Ég man eftir því að hafa lesið einhversstaðar á íslensku í gamla daga um að bannað væri að ganga grímuklæddur á almannafæri. Hvað varð af þessu?

Það er ekki seinna vænna að  bann við grímubúningum á almannafæri verði sett í lög á Íslandi. 

Víglundur Þorsteinsson

birtir í dag opið bréf til Brynjars og Ögmundar í Morgunblaðinu.

Þeir sem þekkja Víglund vita að hann er málfylgjumaður mikill.  Elja hans við að verja sig fyrir þeim misgjörðum sem hann varð fyrir í hruninu hefur nú loks borið þann árangur að hann er með borðliggjandi sannanir á þeim brotum sem framin voru undir forsæti Steingríms J. Sigfússonar í máli Víglundar sem og mörgum öðrum sem menn hafa verið margir að reyna að fest hendur á. Má minna á myrkraverkin sem Steingrímur framdi á Gunnar I. Birgissyni og öðrum í stjórn Lífeyrissjóðs Starfsmanna Kópavogsbæjar auk framkvæmdastjórans Sigrúnar. Nú bætir Víglundur myndarlega við syndaregistur Steingríms sem hingað til hefur verið hjúpað í þoku upplýsingaskorts og sannana.

Víglundir segir:(bloggari feitletrar að vanda)

Sælir Ögmundur og Brynjar.

 

 

Ég rita ykkur af því tilefni að í síðustu viku rak á fjörur mínar stofnúrskurði FME um stofnefnahag nýju ríkisbankanna frá október 2008. Við getum kallað það að »nýr lítill símamaður« hafi komið þessum gögnum til mín.

 

Í gögnunum er að finna mjög nákvæmar og sundurliðaðar upplýsingar og forsendur um stofnefnahag bankanna og þær afskriftir sem FME framkvæmdi með heimild í neyðarlögunum.

 

Í gögnunum er að finna skilgreindar afskriftir einstaklinga og fyrirtækja í hverjum banka fyrir sig og þau staðfesta sömuleiðis að stofnefnahagurinn í öllum bönkunum var grundvallaður á útlánunum sem flutt voru yfir eftir að búið var að draga afskriftirnar frá. Eru þær afskriftir tilgreindar og dregnar frá með beinum hætti hjá öllum stærri skuldurum en skilgreindar með almennum prósentum um smærri útlán.

 

Þessi gögn eru skýr staðfesting á þeim orðum í úrskurði FME frá 14.10. 2008 að útlánin skuli flutt í hina nýju ríkisbanka »að frádregnum áætluðum afskriftum einstakra útlána«, eins og þar má lesa.

 

Að sinni mun ég ekki opinbera þessi gögn en hvet ykkur hins vegar til þess að kalla eftir þeim svo að stjórnskipunar- og eftirlitsnefnd Alþingis fái aðgang að þeim.

 

Ykkur til hægðarauka við það að kalla eftir gögnunum eru þau dags. 21.10. 2008 vegna Nýja Kaupþings hf.; 8.10. sbr. endurskoðun 16.11. 2008 vegna Landsbankans og hinn 14.10. 2008 vegna Nýja Glitnis, nú Íslandsbanka.

 

Þegar þessir úrskurðir eru virtir og horft til þeirrar vinnu sem fyrrverandi fjármálaráðherra, Steingrímur J. Sigfússon, setti af stað um samninga við erlendu kröfuhafana svo og þeir samningar sem hann gerði við þá í framhaldi af vinnu hinnar sérstöku stýrinefndar og það sem í kjölfarið fylgdi í öllum þremur bönkunum - aðgerðirnar við að breyta niðurstöðum þessara stofnúrskurða til ábata fyrir erlendu kröfuhafana - fer ekki á milli mála að upp vakna sterkar og rökstuddar grunsemdir um að sú vinna hafi verið eitt stórfellt samræmt atferli fjársvika og misneytingar.

 

Unnið af fleiri einstaklingum á sviði stjórnsýslunnar og á vettvangi bankamanna fyrir frumkvæði ráðherra í ríkisstjórninni sálugu 2009 til 2013 en nokkurn hefði getað órað fyrir.

 

Umfang þessarar vinnu/svika/misneytingar er orðið slíkt að hún hefur fært hinum erlendu kröfuhöfum allt að 400 milljarða í ábata umfram neyðarlögin og úrskurði FME. Sýnist mér, í ljósi þessara nýju upplýsinga, að skoða verði allt þetta mál hjá stjórnskipunar- og eftirlitsnefndinni. Ef skoðun leiðir til þeirrar niðurstöðu að rétt sé að kæra allt þetta atferli er eðlilegast í ljósi umfangs hinna meintu brota og þess hversu margir þolendurnir eru að nefndin hafi að því frumkvæði.

 

Það sýnist mér réttara og eðlilegra en sú leið að til dæmis einstaklingar - ég og ef til vill fleiri - myndum þurfa að standa fyrir slíku.

 

Fyrst af öllu vil ég hvetja ykkur til þess að kalla eftir þessum gögnum svo þau liggi fyrir með lögformlegum hætti svo Alþingi geti fjallað um þau. Það hlýtur að vera hin rétta leið í gagnsærri og opinni stjórnsýslu og stjórnarfari okkar lýðveldis sem allir stjórnmálamenn vilja viðhafa að eigin sögn.

 

Upplýsingar þessar, sem snerta tugþúsundir einstaklinga og lögaðila, eiga að liggja frammi þeim til aðgengis án þess að við Íslendingar þurfum að reiða okkur á »aðstoð lítilla símamanna« þar um.

 

Því hvet ég ykkur til athafna nú strax og að kalla eftir þessum gögnum svo þau geti legið fyrir lögformlega þegar sumarleyfum lýkur.

 

Bréf þetta mun ég síðan birta opinberlega.

 

Virðingarfyllst.  "

 

Hvað ætlar Ögmundur nú að segja? Samverkamaður og vitorðsmaður félaga Steingríms J.?

Fáir hlustuðu nema með öðru þegar Víglundur var að segja frá skiptum sínum við bankana og dauðalistanum. Enda maðurinn líka umdeildur athafnamaður fyrir hrun og þar að auki Sjálfstæðismaður frá blautu barnsbeini. Akkúrat sú tegund sem gerði menn að skotmarki fjármálaráðherra fyrri ríkisstjórnar. Nú er fram komin hin skjallega sönnun sem vantaði.

Hvað ætlar Ögmundur aftaníossi Steingríms j. Sigfússonar að segja nú þegar Víglundur spyr hann beint með skjölin í höndunum? 

 

 

 

Vanþróað ferðamannaland

er Ísland. það vantar ekki að við viljum græða á að fjölga ferðamönnum sem mest og keyra þá sem flesta GullfossogGeysishringi. En að við skiljum að fólk og sérstaklega kvenfólk þurfi á klósett, það virðast íslensk ferðamálayfirvöld líklega aldrei leitt hugann að.

Við Íslendingar eru  rosalega vanþróaðir og illa skipulagðir í móttöku ferðamanna. Ferðaskrifstofurnar ryðjast hver um aðra þvera til að lækka verðið til útlendinganna . Enginn telur það í sínum verkahring  að láta ferðamennina pissa.

Tökum sem dæmi  hvernig þeir Gísli, Eiríkur og Helgi skipuleggja klósettin  á  Þingvöllumi. Á Hakinu hafa verið byggð klósett sem kostar inn á. Þar kostar 200 kall að nota þau.  Sjálfsalinn tekur ekki evrur , hvorki  eina eða tvær, eki dollara, hvað þá seðla. Bara íslenska hundraðkalla.  Flest kort sem Þýskarar eru með ganga ekki heldur. Eintóm vesalmennska í öllum framkvæmdum, enginn hjálparmaður eða vörslumaður tiltækur fyrir kvartanir eða aðstoð. Aumingja fólkið veinar við Gædana af því að það getur ekki .... - það á ekki íslenska hundraðkalla nýkomið af stóru skipunum.

Maður fyrirverður sig fyrir hönd þjóðarinnar fyrir alla þá sveitamennsku sem maður horfir uppá. Gædar eru að borga pissurnar úr eigin vasa vegna þessarar vesalmennsku þingvallanefndarinnar sem er væntanlega ábyrg fyrir rekstri klósettanna. 

Svo skipuleggja ferðaskrifstofurnar gönguferðir um Almannagjá. Ofanfrá af Hakinu er ekki hægt að hefja gönguna þar sem fólkið rennur rúnt í spreng en getur ekki komist á apparatið. Allur göngutíminn fer í að redda manneskjum í hlandnauð. Ferðaáætlunin raskast og Gædarnir eru skammaðir.  Aðrar skrifstofur skpuleggja gönguferð neðan frá og upp. Niðri eru alls engin klósett en þar gengur samt betur að útskýra að klósettin séu uppfrá.

 Rúturnar opna ekki klósettin sín því þeir segja verðin svo niðurpínd af ferðaskrifstofunum að þau borgi ekki þrif. Á Gullfossi er Sigríðarstofa lokuð árum saman þar sem klósett eru. Veitingahúsið leyfir ferðafólki að nota toilettin án þess að taka fyrir það, bara af almennilegheitum sínum og vorkunnsemi með þurseríinu sem virðist einrátt í að skipuleggja ferðamannastaðina eins og Þingvelli neðra plan eða Gullfoss neðra plan.

Það er eins og engir  ferðamálafrömuðir hafi séð PortaLoo eða vitað til hvers þau eru. Svo tekur steininn úr þegar ferðaskrifstofurnar skipuleggja stopp í Hveragerði án tillits til fjölda rútanna sem lenda þar í einu. Þar stendur ferðafólki í verslunarmiðstöðinni í biðröð út á götu og kaupir þessvegna ekki neitt. Kannski gerir það ekkert til því búðirnar eru oft lokaðar hvort sem er vegna tímans. Þetta er eins á stöðunum fyrir norðan,Dettifossi og Dimmuborgum. Tóm vandræði og vesælmennska vegna sveitamennsku landans.

Við Íslendingar erum rosalega vanþróaðir, stirðbusalegir og illa skipulagðir í móttöku ferðamanna á ferðamannastöðum  hvað líkamlegar grunnþarfir mannslíkamans varðar. Ferðaskrifstofurnar ryðjast hver um aðra þvera til að lækka verðið til útlendinganna og pína niður verðið á rútunum og sjálfsagt öllu öðru. Svo getur enginn séð af krónu til að láta ferðamennina losa kaffið.  

Af hverju látum við ekki LÍÚ og bankana kvótasetja ferðamannaiðnaðinn til að halda uppi verðinu?Við sem lofsyngjum kosti kvótakerfa og hagræðingar í mjólkurframleiðslu sem og fiskveiðum  virðumst ekkert geta í skipulögðu okri þegar kemur að ferðamönnum en ekki fiski.  Menn borga glaðir tvær evrur á hakinu fyrir að fá að pissa sé þeim mál. Það má gera eitthvað fyrir slíkt sanngjarnt okur.

Við erum mjög vanþróað ferðamannaland þó að við tölum digurbarkalega um hagrænt gildi þess að fá hingað nógu marga ferðamenn og nauðsyn þess að selja inn á staðina til að græða. 

 

 

Landeigendur við Geysi

eru sífellt með röfl. Þeir heimta að fá að selja inn á land sem þeir segjast eiga.

Hvað er inni á landi því sem þeir segjast eiga?

Hverir sem ríkið á og land í kringum þá. Allt sem er fyrir innan, hellulagðir göngustígar, ,merkingar, bekkir og þess háttar hefur ríkið lagt til. Fyrir innan er ekkert sem þessir landeigendur hafa lagt til svæðisins. Af hverju þykist sveitavargurinn allt í einu vera þess umkominn að fara að selja inn á allt þetta?  

Þetta er allt annars eðlis við Geysi eða Kerið þar sem eignarhaldið er skýrt hvað sem Ömmi segir. 

Walmart

 

Bref til bandarískra þingmanna frá einum Bandaríkjamanni:

 

"Walmart vs heimskan.  Lesið skilaboðin hér á eftir

 1. Bandaríkjamenn eyða $ 36.000.000 á Walmart á klukkutíma fresti á hverjum degi.

 2.. Þetta kemur út sem  $ 20.928 Hagnaður á hverri mínútu!

 3.. Walmart selur meira frá 1. janúar til dag heilags Patreks (17. mars) en Target selur allt árið.

 4.. Walmart er stærri en Home Depot + Kröger + Target + Sears + Costco + K-Mart samanlagt.

 5. Hjá Walmart starfa 1,6 milljónir manns, er stærsti einkarekna vinnuveitandi í heimi, og flestir tala ensku.

 6.. Walmart er stærsta fyrirtækið í sögu heimsins. 

7. Walmart selur nú meiri mat en Kroger og Safeway samanlagt, og hafðu í huga að þeir gerðu þetta á aðeins fimmtán árum.

 8. Á þessu sama tímabili hafa  31 stórar keðjur kjörbúða leitað i gjaldþrot.

 9.. Walmart selur nú meiri mat en nokkur önnur verslun í heiminum.

  10. Walmart hefur ca 3900 verslanir í Bandaríkjunum þar af 1906 sem eru frábær Verslanamiðstöðvar; þetta er 1000 meira  en það afði fyrir fimm árum.

 1 1. Þessu ári verða 7,2 milljarðar afgreiðslur gerðar í Walmart verslunum. (Íbúa jarðar er u.þ.b. 6,5 milljarðar .)

 12. 90% allra Bandaríkjamanna búa   innan fimmtán kílómetra frá Walmart.

 Þið getið haldið að ég sé bara að kvarta. En ég er virkilega að leggja það til að við ættum  kannski að ráða fólkið rekur Walmart að reka þjóðfélagið .  Þetta mætti lesast  og skiljast af  öllum Bandaríkjamönnum, Demókratum, Republicönumr,

ÖLLUM!

 

 Obama  Forseti!  Allir  535 þingmen  löggjafarvaldsins!

 Það er nú greinilegt að meirihluti ykkar eru spilltur og árangurslítill í störfum:

 a . The US Postal Service var stofnuð árið 1775. Það hefur fengið 237 ár til að fá byggja sig upp og það er á hausnum.

 B .. Social Security var stofnað árið 1935. Það hefur fengið 77 ár að byggja sig upp  og það er á hausnum.

 c .. Fannie Mae var stofnað árið 1938. Það  hefur fengið 74 ár að byggja sig upp  og það er á hausnum.

 d .. Stríðið gegn fátækt hófst árið 1964. Það hefur fengið 48 ár til að starfa rétt. Ein trilljón  af okkar skatt-dollurum hefur verið  gert upptækt á ári og flutt til "fátækra" . Og þeir vilja bara meira.

 e .. Medicare og Medicaid var stofnað árið 1965. Það hefur fengið 47 ár til að starfa og það er á hausnum.

 f .. Freddie Mac var stofnað árið 1970. Það hefur fengið 42 ár að starfa og það er á hausnum.

 g .. The Orkumálaráðuneytið, Department of Energy var búið til 1977 til að minnka þörfina á erlendri olíu. Það hefur bólgnað út í 16.000 starfsmenn með fjárhagsáætlun upp á 24 billjónir dollara á ári og við flytjum inn meiri olíu en nokkru sinni fyrr. Það er búið að starfa í 35 ár og  niðurstaðan er alger ósigur.

 Ykkur hefur mistekist  í öllum "greinum ríkisrekstrarins" sem þið hafið troðið niður um kokið á okkur og  haldið áfram að eyða okkar skattpeningum um efni fram.

 Og þið viljið að við Bandaríkjamenn trúum því að við getum treyst ykkur fyrir ríkisvæddu heilbrigðiskerfi? 

  

Gott fólk sem lesið þetta , haldið þessu bréfi  til haga.  Kannski það endar það sem  e-mail hjá einhverjum af "rétt kjörnum "  fulltrúum(þeir lesa aldrei neitt ) og starfsfólk þeirra mun þá gefa þeim vísbendingu  um það á hvað okkur Bandaríkjamönnum finnst.

 OG

 Við höfum misst tök á huga okkar vegna  "pólitísks rétttrúnaður"!!!!!

Við erum  á hausnum  og  getum ekki hjálpað okkar eigin eldri borgurum , uppgjafahermönnum, munaðarlausum,heimilislausum, etc,????

 Á síðustu mánuðum höfum við veitt aðstoð til Haítí, Chile, Japan og Tyrklandi .. og Pakistan ........ fyrrum heimilis bin Laden. Bókstaflega, í milljörðum dollara!

 Eftirlaun  hinna eldri borgara okkar eru  frosin  í  'föstum tekjum " og þeir fá enga auka aðstoð né  fá einhverjar sérstakar aukaráðstafanir – nema sérstaka afslætti í sumum verslunum ...

 Og þingið vill að frysta allar félagslegar greiðslur ...

 Þið vitið  að þingmenn ákváðu að veita sér launahækkun  fyrir 2013? Google - það er satt!

  

99% af fólki mun ekki  gera neitt með þessar upplýsingar  og senda þetta áfram.

 Ég er einn af þeim 1% - ég  gerði það bara."

Sér enginn hliðstæður í hugsunum þessa Bandaríkjamanns og þess sem okkur finnst um okkar stjórnkerfi? Hugsanalögreglan og ríkisforsjáin. Embættaveldið og ofvöxtur í ríkisgeiranum 

 

Af hverju talar enginn við Walmart um að opna íslenska verslun? Frelsa okkur frá ríkisvæddu lágvöruverðsverslunum okkar? Skyldi vera hægt að fá þá til að velta Íslandi fyrir sér?

Walmart er merkilegasta fyrirtæki í heimi.Það á ekki langan aldur að baki.  Það ræður inn allskyns fólk í búðirnar. Það ræður gjarnan minnihlutafólk, fatlað fólk og fólk sem á undir högg að sækja, og alltaf fleiri en þörf er á hverju sinni. Sem starfsmaður máttu talsvert ráða sjálfur hvenær þú ert frammi í búðinni að vinna eða hvenær þu ert að spila billjarð eða ert í tækjunum í bakherberginu. Talvan sér um að borga fyrir unninn tíma og velja þá bestu úr.  Forstjórinn keyrir pikkkup bíl og er á galllabuxum.  Enginn lúxus í yfirstjórninni. Engir  pokasjóðir.Starfsfólkið setur all ókeypis fyrir þig í ókeypis poka sem eru á hringekju við kassann Ekkert mál en hefur aldrei sést hérlendis. Þeir selja flest allt sem til er í heiminumog ódýrara en allir aðrir.

  Össsur þyrfti ekki  að vera að grobba sig annan hven dag í Fréttablaðinu útaf einhverri fríverslun sem hann hafi gert við Kína. Walmart myndi sjá um fríverslunina og þarf ekki neinn fyrirbrigði eins og Össur sem millilið.

Walmart til Íslands myndi verða til hagsbóta fyrir alla Íslendinga.