Hvert á ég að fara til þess að deyja?

er spurning sem einhver verður að svara á næstunni, hvort sem honum líkar betur eða verr. Einhver verður að segja: "Því miður, ég get ekki rálagt þér neitt, Þú verður bara að leysa það sjálfur."

Mikið vorkenndi ég hinum harðduglega forstjóra Landspítalans sem ráðherrahetjan lætur koma fram fyrir alþjóð og tilkynna að allt sem hann hafi gert undanfarin ár hafi verið hrein vitleysa. Hann hafi víst bara bruðlað með fé, verið að veita óþarfa og alltof dýra þjónustu með 700 of mörgum starfsmönnum. Nú ætlar ríkisstjórn norrænnar velferðar að veita fleira fólki heilbrigðisþjónustu með því að loka spítaladeildum og hagræða.Loka St.Jósefsspítala, loka Sogni, loka Arnarholti. Skilja eftir steinsteyptar tóftir í minningu þes sem einu sinni var eins og eyðibýli á Vestfjörðum.

Hvernig er þetta hægt? Jú, það er hægt af því að hér situr norræn og evrópusinnuð hugsjónastjórn sem stendur vörð um verlferðarkerfið og rétt þeirra smáu. Stjórn sem fólkið kaus sér og elskar. Nú er loks kominn maður með viti í ráðuneytið sem hefur sannfært forstjórann um villu hans vegar og beint honum á réttar brautir. Þessi ráðherra er hluti af ríkisstjórn verndara smælingjanna, Jóhönnu Sigurðardóttur og alþýðuvinarins Steingríms J. Sigfússonar, sem hefur af viti sínu séð að velferðin var of mikil og dreifð á óverðuga. Það hafi verð óþarfi að vera að teppa 700 manns yfir því að hjúkra einhverju veiku fólki sem gat verið einhversstaðar annarsstaðar. En þá hafði áður þessu sama fólki verð stórfækkað af fyrri ráðherrum í vondum ríkisstjórnum svo einhver hefur vitleysan verið þá úr því hún er svona núna.Sagan endalausa. Þetta umfram starfsfólk getur bara farið í önnur störf á vinnumarkaðnum, allavega í Noregi ef ekki vill betur.

Það á að loka líknardeild Landakotsdeildar. Hún er eitt af því sem er óþörf. Hann vinur minn á níræðisaldrinum sagðist vera þar umvafinn englum þar sem hann lá á þessari deild og beið dauða síns hughraustur í vor. Hvert skyldi hann eiga að fara núna til þess að deyja ef hann hefði lifað svo lengi? Var hann bara heppinn? Maður sem var búinn að starfa óslitið til síns síðasta lífsárs frá blautu barnsbeini , greiða skatta, ala upp mörg börn. Skulduðum við honum eitthvað? Ég er ekki viss um að hann hafi talið svo sjálfur. En hann var bara og máttfarinn til að geta gengið burt.Og enn liggja þar margir sem svo er ástatt um.

Liggur svarið í heilbrigðismálum íslendinga þá aðeins í orðum Jésúar Krists: " Tak sæng þína og gakk!" Höfum við sem þjóð gefist upp?

Hvert skyldum við hin eiga að að fara núna til að deyja? Varðar okkur nokkuð um það? Eigum við eitthvað slíkt inni hjá þessu samfélagi?

Hversu miklu gáfaðri verður næsti ráðherra ríkisstjórnarinnar, sem verður látinn finna út að það sem forstjórinn er að gera þetta árið sé ennþá tóm vitleysa með alltof mörgu fólki? Nú verði hann að fara í sjónvarpið og tilkynna að gera verði enn betur. Fólk eigi bara að hætta að væla á þessum spítölum. Samfélagið skuldi þeim ekki neitt. Mestur verður sá ráðherrann sem getur sagt forstjórann að fara í sjónvarpið og lýsa yfir gjaldþroti Landspítalans og leggja hann niður? Hætta þessu væli öllu?

En að steypa upp nýjan spítala fyrir 40 milljarða í stað gömlu kumbaldanna,sem hún afasystir mín og stofnandi Sjálfstæðisflokksins barðist hart fyrir að byggja, það er göfugt og gott verkefni. Í það verður hægt að finna fé eins og í gjöfina til Háskólans,þar sem ein deildin hét Landspítali-Háskólasjúkrahús? Þarf slík þjóð einhvern Háskóla til að mennta lækna til útflutnings?

Hversu lengi enn þurfa Íslendingar að horfa uppá þessa gjaldþrota ríkisstjórn sem hugsar þannig um þá sem ekki geta vörn sér veitt? Ríkisstjórn sem getur ekki svarað einfaldri spurningu um það hvert fólk eigi að fara til þess að deyja?

Enn bætir Steingrímur við sig

sem fjármálaséní aldarinnar á Íslandi.

Til viðbótar ríkissjóðshallanum sem fór þrefalt fram úr áætlun síðast, þá koma nú fjáraukalög sem nema öðrum 50 % af fyrstu áætluninni.

Ekki nokkur maður gerir athugasemd við þetta. Bara bísness as usual.

Enn bætir Steingrímur við snilld sína sem var þó orðin ærin fyrir eftir BYR, SpKEF, Sjóvá.

Ólafur stefnir

Eimskp fyrir samkeppni við Samskip 1999-2002.Heimtar fleiri milljarða af þessu fyrrum óskabarni þjóðarinnar.

Ólafur þessi er Ólafsson og býr í Sviss, þaðan sem ekki er hægt að fá sakamenn framselda.Ýmsir telja að íslenska þjóðin eigi sitthvað vantalað við þennan Ólaf út af Kaupthings-málum og fleiar því tengdu. En fyrst á hún sem núverandi eigandi Eimskip að borga honum 3.7 milljarða sem hann ætlar að láta renna til góðgerðamála.

Skyldi ekki vera eitthvað sem betur má fara heima hjá Al-Thani eða á Tortólu? Og hafa gamla og góða stórlitla bankann, Hauck & Aufhäuser sem hjálpaði til með kaupin á Búnaðarbankanum sem millilið?

"Samskip voru færð úr félaginu"

stendur neðanmáls í frétt Morgunblaðsins um athafnir Ólafs Ólafssonar í Samskip, sem var þáttakandi í mestu fjárglæframálum sem upp hafa komið á Íslandi og þótt víðar væri leitað, m.a.eigandi stórkuldaskuldafélagsins Olíufélagsins hf síðar N1, þar sem hann yfirtók hluti annarra hluthafa nauðugra.

Í fréttinni segir m.a.:

"Arion banki eignaðist í gær þriðjung hlutafjár í HB Granda. Bréfin voru áður í eigu Kjalars, sem er að mestu í eigu Ólafs Ólafssonar sem kenndur er við Samskip.... Kjalar skuldaði bankanum 77 milljarða og gerði kröfu um uppgjör á gjaldmiðlaskiptasamningum á mun hærra gengi en bankinn sætti sig við. Málaferli hafa staðið yfir vegna þessa en í gær var fallið frá öllum málaferlum.....

Haraldur Eiðsson hjá samskiptasviði Arion banka segir að skuld Kjalars hafi numið 77 milljörðum, en hluturinn í HB Granda sé ekki svo verðmætur.... Kjalar framseldi Arion banka hlut sinn í HB Granda en miðað var við rúmlega 7,5 milljarða í því uppgjöri. Arion fékk einnig skuldabréf og reiðufé, um sex milljarða.....Kjalar hafði mikið umleikis um tíma. Meðal eigna fyrirtækisins voru Samskip sem voru færð úr félaginu 2009."

Þar hafið þið það. Blessaður öðlingurinn hann Ólafur, uppalningur Sverris Hermannssonar, heldur áfram að flytja okkur varninggn heim með Sverrisgáfunni Samskip í fullu samþykki Arion banka, sem verður að horfa á eftir einhverjum milljarðatugum af því að Ólafur "færði Samskip úr Kjalari 2009".

Hann var áður búinn að færa ýmislegt til og úr lagi í Kaupthing-banka með snillingunum Heiðari Má, nú stórfjárfestis í Luxemburg og Sigurði Einarssyni nú kaupsýslumaður í London, Al-Thani sheik, Tenghuiz og fleiri þekktum valmennum. Skyldi fyrningafresturinn vera akkúrat liðinn núna við þetta uppgjör við Aríon?

Ólafur Ólafsson þessi býr nú ríkmannlega í Sviss. Hann er sagður kaupa kröfur á íslensku bankana á einhver 3 %. Fékk Aríon eitthvað svoleiðis bréf í millgjöf? Því verður ekki svarað því að enginn spyr nema Guðmundur Franklín í grein sinni í Morgunblaðinu í dag. En íslensk yfirvöld hafa líklega annað við sinn tíma að gera en rekast í svona skíteríi..

Í Sviss háttar víst svo einkennilega til að útlendir sakamenn eru ekki færðir til síns heima þótt beðið sé um framsal.

Voru tengsl

milli átakanlegs viðtals við Guðrúnu Ebbu um brot föður hennar gagnvart henni og útkomu bókar hennar sem var samtímis sögð komin í sölu í Eymundsson? Ekki var tímasetning viðtalsins samhæft útkomu bókarinnar? Kom ekki fram að frú Guðrún Ebba hefði ekki fengið bætur eins og önnur fórnarlömb föður hennar? Geta peningar yfirleitt nokkru sinni bætt þjáningar fórnarlamba eins og til dæmis Breiðuvíkurdrengjanna? Eru peningar hið æðsta af öllum náðarmeðölum?

Ég var oft samtímis séra Ólafi biskupi í Sundlaugunum. Hann kom ágætlega fyrir og virtist hinn dagfarsprúðasti maður.Aldrei heyri maður neitt misjafnt um hann, hvorki tengt kvensemi né öðru. Og veit þó potturinn ýmislegt. Og svo komu þessar ásakanir allar og sundferðum hans fækkaði líklega.

Nú er þessi fyrrum sundfélagi látinn og getur engu svarað. Er ekki óvenjulegt að látnir menn fái slíkt fjölmiðlabað hafandi ekki verið fundnir sekir fyrir rétti svona eins og AlCapone og svipaðir kónar? Finnst engum leitt að horfa upp á slíka meðferð á látnum manni? Er nokkur réttarheld sönnun eða játning til um sekt sr. Ólafs? Aðeins orð á móti orðum? Liggur ekki sr. Ólafur óbættur og varnarlaus hjá garði? Úrskurðaður sekur en ekki heldur sannaður saklaus? Sterklega grunaður?

Nú er stöðugt verið að segja þvílíkar sögur af sr.Ólafi að einhver gæti spurt sig hvort slíkur brotamaður eigi skilið leg í vígðri mold? Hvort menn vilji helst grafa hann upp og husla utangarðs? það er eins og allir eigi að liggja yfir þessu máli og fordæma fjórum sinnum á dag í það minnsta? Rennur ekki mikið fé og orka um þjóðfélagið vegna þessa máls sem ekki nýtist til annars? Eða halda menn að fordæmið fæli aðra frá?

Vita venjuegir karlmenn og feður dætra, agndofa yfir svona frásögnum,í hvorn fótinn þeir eiga að stíga? Er óhætt fyrir feður dætra að knúsa þær og kjassa án þess að liggja undir grun þegar einn faðir er sagður svona innréttaður? Hvað með þig og mig?Væri slíkur maður með réttu ráði? Skilur svona maður, óbrjálaður að öðru leyti, trúaður maður með samvisku, alls ekki hvað hann var að gera við barn? Óttaðist hann ekki Guð sinn eða var hann trúlaus? Þekkja mörg okkar menn sem vilja börnum illt? Þekkir fólk nokkurn sem sé svona andsetinn að hugleiða eða gera svona nokkuð? Er ekki svona ólýsanlega hræðileg hegðun barnaníðinga óskiljanleg venjulegu fólki?

Byrjar svo ekki aftur krafan um afsögn núverandi biskups til þess að endurreisa kirkjuna? Setja lög og reglur? Hvernig á að bæta ímynd kirkjunnar ? Hver getur það nema hún sjálf? þarf hún að óttast þá vantrúuðu?

Hvert leiðir þetta allt saman? Lina fjölmiðlar sálarkvalir fórnarlamba? Verður einhver betri maður af því að lesa meira um mannlega harmleiki? Er ekki of seint að afstýra þeim? Tengjast peningar eðlilega við sálarkvalir?

Við getum víst selt Ísland

að því að Valdimar Samúelsson segir í Morgunblaðinu 7.okt. sl. sem ég hafði ekki lesið fyrr en mér var á þetta bent. Valdimar sagði þá:

"Montevideo Convention segir að þú getir stofnað þitt eigið land/þjóð samkvæmt lögum samþykktum 1933 í Montevideo, SA. Þessi Montevideo-samþykkt segir líka að land/þjóð skuli tilkynna hvað þeir vilja og að þeir hafi virt alþjóðleg lög.

Þetta er ekki mikill ferill og þetta hefir ekkert að gera með hvað ríkisstjórnin vill. Eignarréttur er eignarréttur. Hver sem á land hér á Íslandi getur þetta og tökum sem dæmi Vestmannaeyjar og aðra stórlandeigendur. Þeir geta samkvæmt þessum Montevidio-lögum stofnað sína eigin þjóð.

Þegar landeigandi hefir ákveðið þetta þá er næsta skref að senda bréf/umsókn til Sameinuðu þjóðanna sem segir að við (stofnendur) munum virða lög þeirra og nefna nafn á landinu. Þetta bréf/umsókn skal stíla á Secretary General hjá U.N. Síðan fer umsóknin til Öryggisráðsins og þar verða 9 af 15 að kjósa með til þess að umsóknin fari áfram. Eins og við vitum með Palestínu þá ráða stóru þjóðirnar fimm, þ.e. Kína, Frakkland, Rússland, Bretland og USA. Ef ein segir nei þá gengur þetta ekki í gegn af þeirra hálfu, þrátt fyrir það getur umsækjandinn verið ríki áfram með sín eigin lög samkvæmt Montevideo-sáttmálanum.

Það er ekki ólíklegt að Sameinuðu þjóðirnar segi já ef það er mikilvæg þjóð, s.s. Kína sem á í hlut.....

.....Þeir vita líka að þeir gætu hvergi keypt landskika í heiminum svo það er spurning hvað er að okkur að vilja selja þeim og erlendum land frá okkur. Erum við svona einföld eða hvað? ...."

Veltum þessu aðeins fyrir okkur.

Við eru gríðarlega fjölmenningarlega sinnuð þjóð. Segjum svo að 10,000 Kínverjar flytji til Vestmannaeyja með sína siði og venjur. Þeir verða mun fleiri en eyjaskeggjar.Þeir kaupa fasteignir og jarðir þar. Það byrja hugsanlega þjóðernishnippingar, af þeirra hálfu, ekki okkar auðvitað því við erum svo víðsýn og allt öðru vísi en aðrar þjóðir sem slíkt fremja.

Þetta endar með því að Kínverjar una ekki ofríki minnihlutans, Vestmanneyinganna. Kannski bjóða þeir okkur að Landsbankinn megi halda kvótanum þó þeir hirði eyjarnar þegar kemur að því að semja samkvæmt Montevideo-sáttmálanum og stofna sérstaks ríki Kínverja í Vestmannaeyjum. Af hverju skyldi Öryggisráðið ekki samþykkja það? Og Íslendingar líka ef þier fá nógu mikinn gjaldeyri í milligjöf? Lífið hjá okkur snýst jú bara um ríkkissjóðshalla og gjaldeyrisskort eða er ekki svo?

Að öllu gamni slepptu segir þetta ekki, að lítil þjóð eins og Íslendingar eiga að fara með gát bæði jarðeignasölum og innflutningi óskyldra kynstofna? Verðum við ekki að hafa einhverja stjórn á innflytjendastraumnum og láta ekki hávaðaseggi og gáfnafanta okkar stjórna þeim málaflokki einsamla?

Sömuleiðis finnst einhverjum kominn tími til að Ísland nýti allan rétt til að snúa svonefndum hælisleitendum við strax við komu til landsins eins og við eigum rétt á skv.alþjóðalögum og Evrópusambandslögum. En sagt er að þetta mál sé löngu orðið mun umfangsmeira en flesta grunar.

Það er hvorki í okkar þágu né þess að vera að láta hælisleitendur hanga tugum saman á Hótel Fitjum, Keflvíkingum til misjafns gamans. Þetta fólk hefur ekkert að gera nema þvælast um, vill kannski heldur ekki annað. Svo hótar þetta lið stundum sjálfsmorði ef það á að senda það til baka eftir alltof langa dvöl, jafnvel búið að troða sjálfu sér inn í fjölskyldur hér.

Fólk sem hingað kemur pappírslaust á auðvitað ekkert annað skilið umsvifalausa brottvísun með þeim sem flutti það til landsins. Það er ekki eins og þetta sé bátafólk sem þó gæti alveg gerst hér. Hingað kæmi drekkhlaðið skip með þúsundir Sómala. Hvað gerðum við þá?

Svona mál verða verri viðfangs sem lengra dragast eins og þau gera þarna suðurfrá. Auk þessa á hælisleitandi eða ólöglegur innflytjandi ekki rétt á annarri geymslu en að vera í fangabúðum frekar en á Hóteli með peningastyrk, meðan mál hans er rannsakað og afgreitt.

Flóttammenn frá einræðislöndum eða hvaða öðrum löndum sem er, eiga hingað heldur ekkert sérstakt erindi. Ef þeir eiga sökótt við stjórnvöld í sínum löndum er það mál á milli þeirra sem er eins gott að þeir útkljái þar. Við getum ekkert gert að því né viljum við blanda okkur í þau mál. Sakirnar geta verið margar aðrar en pólitískar og fáheyrt að við skulum taka við pappírslausu fólki yfirleitt og trúa öllu sem það segir.

Við þurfum ekkert að trúa því að þeir séu svo miklu gáfaðri og merkilegra en stjórnvöldin sem það segist vera að flýja að það verði bara drepið eða pyntað ef það fari heim. Hver segir okkur það?

Við getum greinilega tæknilega selt Ísland eða hluta þess ef við ekki gætum okkar.Er ekki allavega betra að reyna að stjórna söluferli einstakra aðila áður en til þess kemur að of seint sé?

Ég á líka Ísland

er fyrirsögn yfirlætislausrar greinar í Morgunblaðinu í morgun eftir Stefaníu Jónasdóttur Sauðárkróki sem lætur mann staðnæmast við.

Stefanía segir:

"Ísland er land mitt, fagurt og gott föðurland, sem er einstök perla á stórum skítahaug þar sem auðvald og fyrirtæki í nafni hagnaðar hafa arðrænt móður jörð og gert að haug. Græðgin er svo óskapleg að allt er eyðilagt í leiðinni. Og þessar vesalings mannverur láta eins og það sé búið að sauma vasa á líkklæðin og ætla að hafa allt með sér þegar þar að kemur. Búið er að gleyma að ganga okkar hér á jörð á að vera einföld með kærleika, lítillæti og auðmýkt að leiðarljósi. Því miður er við völd hjá okkur fólk sem er hagnaðurinn og græðgin uppmáluð.

Aldrei er talað til okkar nema um fjármál. Stjórnmál eru meira en peningar. Það eru aldrei töluð huggunarorð né uppörvun, - við þurfum á því að halda að finnast við vera þjóð. Ég fer fram á að þið hugsið til framtíðar og seljið ekki Kínverjum land hér. Kínverja vantar landrými, norðursjávarleiðina og fleira það sem við höfum aðgang að. Þeir flæða yfir þar sem þeir ná fótfestu og við erum fámenn þjóð. Þeir fara sínu fram þar sem þeir eru og virða ekki mannréttindi, hvað þá land- eða dýraréttindi.

Það sorglega er að ég á ekki að þurfa að skrifa þetta, - þið vitið þetta allt, en samt skálið þið í kampavíni, Ólafur Ragnar og fleiri, en í hina röndina þykist þið hafa áhyggjur af mannréttindum. Svo Guð hjálpi okkur, vitið þið yfir höfuð nokkuð hvað þið eruð að gera eða segja? Ísland er land mitt og ég vil ekki að óviturt fólk hafi ráðin yfir því.

Ég sem þegn segi nei við þessari landssölu. Mál ykkar gegn Geir Haarde einum sýnir hversu ómerkileg þið eruð. Ég treysti ykkur ekki.

Guð varðveiti Ísland.

STEFANÍA JÓNASDÓTTIR,
Sauðárkróki. "

Skyldu ekki vera nokkrir sem hafa velt fyrir sér hversu langt einstakur Íslendingur getur gengið í að ráðstafa landinu? Getur ein þjóðaratkvæðagreiðsla um til dæmis verið nóg til að afsala fullveldinu og þar með rétti þjóðar til landsins um alla framtíð og verið skuldbindandi fyrir óbornar kynslóðir? Hafði Einar Þveræingur þessa hugsun á tæru þegar hann lagðist gegn því að gefa kónginum Grímsey?

Gæti ég og nægilega stór flokkur með mér samþykkt að ráðsatafa Íslandi til að verða fylki í Kanada? Eða Bandaríkjunum? " Ég á etta, ég má etta" hugsun útrásarvíkingsins sem er nokkuð viðtekið siðferðisprinsíp í landinu.

Hversu langt nær eignarráttur minn yfir landskika sem ég á samkvæmt Notarius Publicus á Selfossi? Get ég leyft Lichtenstein að setja þar upp herstöð?

Eða eiga aðrir þetta Ísland með mér?

Brynjar og Stjórnlagaráðið

koma fram sem andstæðir pólar í færslu Brynjars um þjóðfélagið og stjórnarskrármálið og á hvaða leið vð erum þegar heimskan og bullið veður uppi sem raun ber vitni í ályktunum svonefnds Stjórnlagaráðs.

Allstaðar eru á ferð mest sjálfskipaðir sérfræðingar sem eiga eitt sameiginlegt og það er að skilja ekki á hverju þjóðfélagið hefur gengið til þessa. Þeir halda að skrílræðið sé allra meina bót. Því vitlausara því betra. Það má segja að störf Stjórnlagaráðs toppi allt sem við höfum áður séð í moðsuðu og vitleysu.

Brynjar segir m.a.:

" Alþingi skipaði 25 manna nefnd eða ráð til að koma með nýja tillögu að stjórnarskrárbreytingum. Var það að mestu sama fólkið og var efst í kosningu til stjórnlagaþings, sem sumir hafa kallað vinsældarkosningu, og Hæstiréttur ómerkti. Það kann að vera að stjórnlagaráðið, sem svo hefur verið kallað, hafi eitthvað oftúlkað hlutverk sitt en hún samdi hvorki meira né minna en frumvarp að nýrri stjórnarskrá. Ólíkt öðrum nefndum sem Alþingi hefur óskað eftir tillögum frá krafðist stjórnlagaráðið þess að þjóðaratkvæðagreiðsla færi fram um frumvarp þess í heild sinni með hótunum um að ellegar yrði stofnaður stjórnmálaflokkur, sem myndi bjóða fram í næstu þingkosningum.....

Í „frumvarpi“ nefndarinnar er langur mannréttindakafli með ýmsum nýmælum og sumum lítt skiljanlegum sem hafa í raun ekkert með mannréttindi að gera. ....Í kaflanum um stjórnskipun Íslands er hins vegar verið að kollvarpa stjórnskipan landsins. Núverandi stjórnskipan landsins er svo sem ekkert heilög en ef vilji er til breytinga er afar mikilvægt að það sé gert með skýrum hætti svo ekki sé verið að velkjast í vafa hvert sé vald forseta Íslands, Alþingis og ráðherra....

....Mesta áhyggjuefnið eru þó hugmyndir ráðsmanna um að stjórnmálaflokkar standi lýðræðinu fyrir þrifum. Því þurfi að kjósa fólk en ekki flokka, sem sumir kalla beint lýðræði. Það sem þjóðin þarf örugglega ekki á erfiðum tímum er sundurlaus hjörð fræga og þekkta fólksins, sem engin veit hvað stendur fyrir, til að sinna þessu mikilvæga löggjafarstarfi. Stjórnmálaflokkar eru nefnilega mikilvægir lýðræðinu. Þar fer fram pólitísk umræða og stefnumótun sem margir koma að.... Við eigum því að einbeita okkur að því að styrkja stjórnmálaflokkana og bæta umgjörð stjórnmálanna til að öflugt og kraftmikið fólk fáist til stjórnmálastarfa í stað upphlaupslýðs og tækifærissinna....

Það er ekkert að því að fólk taki sig saman og stofni nýja stjórnmálaflokka. Það er hins vegar nauðsynlegt að það fólk deili svipaðri pólitískri hugmyndafræði og lífsýn. Stofnun nýrra flokka kringum vinsæla frasa eins og lýðræði, frjálslyndi, jafnrétti, siðferði og umhverfisvernd er á sandi byggt og hefur aldrei reynst vel. Slíkir flokkar splundrast gjarnan á fyrsta þingi eftir kosningar. Svo þegar betur var að gáð reyndist þetta ágæta fólk hvorki vera lýðræðissinnaðra, frjálslyndara, jafnréttissinnaðra, siðlegra né umhverfisvænna en aðrir. En það eina sem það átti kannski sameiginlegt var lýðskrum og tækifærismennska.....

Svona að lokum held ég að við Íslendingar ættum að láta af þeirri aldagömlu lensku að væna alla ráðamenn um spillingu og sérhagsmunagæslu. Við höfum enga ástæðu til að ætla annað en að þeir starfi almennt af heilindum með almannahag að leiðarljósi. ...."

Það er óendanlega hressandi að verða þess áskynja að enn eru til menn á Íslandi eins og Brynjar Níelsson sem sjá í gegnum bullið og skrumið sem bylur á hlustum okkar alla daga.Sjá að hugmyndir Stjórnlagaráð eru uppsuða af gömlum þjóðstefnuhugmyndum Forn-Grikkja, sem leiddu ríkið þá í beina glötun undir forystu manna af tagi Kléons sútara, sem var gerður að yfirhershöfðingja ríkisins á grunvelli kjaftavaðals síns.

Fulltrúalyðræðið hefur löngu sannað sig að vera eina vitræna formið sem hægt er að nota til að stýra löndum.

Maður vonandi ekki að örvænta eins og manni finnst stundum þegar bullið keyrir úr hófi í Íslandi í dag, þegar maður les svona greinar eins og Brynjar lætur frá sér. það er kannski einhversstaðar von?

Af hverju er stjórnmálaumræðan svona miklu heimskulegri hérlendis en er hér í Bandaríkjunum. Þar virðast þeir sem um málin fjalla leggja áherslu á það að vera upplýstir og lesnir um staðreyndir mála. Enginn leyfir sér annað eins froðusnakk og klissíur eins og vinstri elexían ástundar á Ís landi.Hvað er að á þessu landi?

Af hverju ekki lista um afskriftir?

Hvaða nauðsyn ber til að halda því leyndu þegar til dæmis Halldór Ásgrímsson og fjölskylda, Framsóknarmaður og fyrirtæki hans, fá afskrifaða milljarða af almannafé?

Hvaðan kemur Skúla Helgasyni samfylkingarþingmanni sú viska að það sé ekki almannafé sem verið sé að höndla með? Það sé eittthvað fé ótilgreindra kröfuhafa?

Hverskonar þingmaður er þetta sem skilur ekki að íslenska ríkið á Landsbankann með húð og hári sem er að afskrifa mest?.(Hann stóð líka að ákærunni á Geir H. Haarde) Og BYR og SpKef líka. Og Steingrímur getur ekki svarað því hvað ríkið eigi í Íslandsbanka eða Aríonbanka.

Af hverju umgangast þessir þingmenn okkur eins og við séum fífl?

Hvernig dettur Eygló Harðardóttir í hug að nefna að bankaleynd hafi eitthvað með það að gera hvaða gæðingar séu að fá milljarðana gefna? Það er engin bankaleynd á Íslandi. Skattstofurnar eru beintengdar inná bankareikninga allra Íslendinga. Er það bankaleynd?

Við erum ekki bara fífl Eygló og Skúli.Þurfum við virkilega að treysta á Wikileaks og Reynir Trausta til að fá að heyra sannleikann?

Upp á borðið með allar afskriftalista. Uppá borðið með lánabækur bankanna.

Í hvaða banka er Bjartur?

þegar hann ber það á borðfyrir áhorfendur Sjónvarpsins að það sé reikningsdæmi hvenær maður borgi nýtt hátæknisjúkrahús, sem kostar 50 milljarða, upp að fullu með 2.5 milljarðs hagræðingu á ári? Og gleymir því líka að það á að nota gamla ónýta spítalann áfram líka og tengja hann þeim nýja.

Í huga venjulegs fólks sem þarf að sæta afarkostum ríkisbankanna í vöxtum og afborgunum er svarið nefnilega: ALDREI !

Hátæknisjúrkrahús borgar sig aldrei upp á fjármálaforsendum Guðbjarts Hannessonar ráðherra velferðar.

Vandi heimilanna

má hugsanlega hugsa sér að sé sú breyting sem orðin er á vísitölu meðalgengis í viðskiptavog Seðlabanka. Hún var 117.5 1.jan 2007. Eftir það hófst samhæfð samráðsatlaga íslensku bankanna, að gengi krónunnar. Þeir sem sáu líklega þá feigð sína framundan þegar þeir fengju ekki fleiri erlend lán sem varð svo í okt.2008 við fall Lehmans bræðra og fóru því að hamstra gjaldeyri og stórskertu með því lífskjör þeirra sem þeir segjast elska svo mikið.(Eru hýenur falleg dýr?). Nú vilja þeir hinsvegar fá borgað uppí topp þó að afskriftir milli gömlu og nýju bankanna skipti gríðarlegum upphæðum við endurreisn þeirra. Neytandinn á einskis að njóta af því segja ráðamenn bæði þjóða og banka.Segi ráðamenn eitthvað annað á tyllidögum þá klára þeir ekki dæmið og skjaldborgin er víst órisin ennþá að margra mati.

Nú er þessi vog 201,2 eða það þarf að slá af 48 % af verðbótunum á höfuðstólnum til að komast niður á sama stað og 2007.Ný lán koma þessu ekki við. Skuldir bankakerfisins eru líklega um og yfir 20 þúsund milljarðar. Vandi allra er sá að skuldirnar er um 10 þúsund milljörðum hærri en þær voru í ásrbyrjun 2007. Vandinn er sá að bankarnir, þeir sömu og stóðu fyrir atlögunni að krónunni með nokkurnveginn sama mannskap og nú, vilja láta borga sér þessa 10 þúsund milljarða til baka eins og þeir leggja sig.Þeim finnst þeir eiga þetta og mega þetta.Heimilisfólki sem mótmælir hér og á Wall Street, finnst þetta ekki.Bankar beri sinn hluta ábyrgða vegna glannaskapar og gírugra blekkinga. Eða hvernig vilja Banksterarnir okkar skýra áhlaup sitt á Íbúðalánasjóð 2004 öðruvísi? Áhlaup sem setti allt úr skorðum og reið efnahagskerfinu endanlega til andskotans.

Fasteignaveðin sem stóðu á móti þessu hafa rýrnað um þriðjung eða svo þannig að nýjustu lántakendurnir eiga ekki neitt í sínum íbúðum í dag. En áttu þeir skuldugustu nokkurntíman nokkuð?.Var ekki eiginfjárkrafan farin veg allrar veraldar? 90 % og 100 % lán er ekki ávísun á eign.

Íbúðalánasjóður segist eiag eigið fé uppá ca. 2% af brúttó sem eru bókfærðir sem 10 milljarðar.Útistandandi skuldir íbúðalána eru þá hugsanlega 500 milljarðar í lánum.Tæpur helmingurinn er þá svona 250 milljarðar sem kerfið er að krefja heimilin um í dag umfram það sem verið hefði án hrunsins.

Ef kæmi fram stjórnmálamaður sem segði að vð skyldum færa niður öll húsnæðislán íbúðalánasjóðs og banka niður í töluna frá 1.jan 2007, væri það talið nægilegt? Yrði honum trúað? Hvaðan eigum við að fá þessa 250 milljarða? Það er greinilegt að þá eigum við ekki til frekar en að útistandandi lánin eru fuglar í hendi. Þau eiga eftir að borgast.

Er þá ekki hægt að segja, að skuldbreytingin felist í því, að þetta fé verði reiknað út í hverju einsöku tilvikiaftur til 2007 og sett aftur fyrir síðasta gjaldaga núverandi bréfs og þær upphæðir byrji þá sem ný lán í vístölutryggðum krónum.Þeir sem voru komnir vel á veg með að greiða sín lán finna varla mikið fyrir þessu. Þeir sem voru með ný lán á hruntímanum fá frið og frest og viðráðanlega greiðslubyrði og hugsanlega hækkar íbúðin einhverntíman uppí eitthvað skynsamlegt.Þeirra forsendur hefðu allavega ekki stökkbreytst nema að íbúðarverðið er lágt um þessar mundir. En breytist það ekki eins og annað? Ekkert hefur þá tapast á pappírnum segjum við líka sé þessi leið farin.

Þeir sem ekki vilja ganga að þessu yrði gefinn kostur á að mega skila lyklunum til Íbúðalánasjóðanna án frekari innheimtuaðgerða og flytja úr landi skuldlausir ef þeir vilja, eða byrja bara uppá nýtt. Þá þarf að afsetja þessar íbúðir og verðið ræðst þá alfarið af markaðsaðstæðum.það tekur auðvitað tíma. En allir vetur enda taka og aftur kemur vor í bæ.

Spurning mín er þá sú. Sætta heimilin sig við eitthvað svona sem lausn? Eða vilja þau yfirgíruð neyslu-og bílalánin líka niðurskrifuð? Væri það það að öllu sanngjarnt?

Hvað sem gert er, þá verða veðandlagslán að hafa þann eiginleka, að menn skili veðinu í lagi og séu þá lausir allra mála en verði ekki þrælar ævilangt og lengra.Auðvitað verða endalaus afbrigði sem þarf að leysa.Einu sinni var Lilja Mósesdóttir með einhverjar svona hugmyndir en hún er sálfsagt núin að týna þeim eins og tryggðapöntunum frá Steigrími J.

Hversu stór er þessi vandi heimilanna? Þurfa heimilin ekki að setja fram tölurnar eins og þau sjá þær? Og sjá þá betur hvað er hægt yfirleitt að leysa?

Er viljinn hugsanlega ekki bara allt sem þarf? Sýna djörfung og dug og rífa okkur og þjóðina upp á r.....Og láta bankana makka rétt eins og hann Einar Olgeirsson orðaði það í gamla daga.

Eða er þetta bull frá byrjun hjá mér?

Hvað segið þið vísu bloggarar?

Atvinnuleysið yfir 20.000 manns

að minnsta kosti.

Gunnar Heiðarsson bloggvinur minn segir svo:

"Steingrímur sér atvinnuleysið minnka og notast þá við tölur um þá sem eru á atvinnuleysisbótum. Hann gleymir þeim sem hafa flúið land, hann gleymir þeim sem eru fallnir af atvinnuleysisbótum og komnir á sveitina og hann gleymir þeim fjölda sem ekki eiga rétt á atvinnuleysisbótum vegna þess að þeir voru einyrkjar.

Þegar samnlagðar tölur allra þessara hópa eru skoðaðar kemur í ljós að raunverulegt atvinnuleysi er nærri 20.000 manns. Sú tala liggur mun nær þeirri tölu sem kemur í ljós þegar fækkun starfa er skoðuð. Það er eini raunverulegi mælikvarðinn."

Ég var sjálfur búinn að geyma einyrkjunum. Og gleymdi líka einyrkjanum sjálfum mér sem er kominn á aldur en get ekki lifað á ellistyrknum og verð og vil líka vinna svo lengi sem ég andann dreg og heilsan endist. Það eina sem ég bið um er þjóðfélag þar sem eitthvað er að gerast í, þjóðfélag þar sem vinna er fyrir hverja fúsa hönd.

Við erum fleiri svona eins og ég, sem ég þekki persónulega sem eru eins settir atvinnulega og eins þenkjandi. Fullorðnir menn sem brenna í andanum að fá eitthvað að gera. Þessvegna viljum við koma ráðleysi Steingríms J. og skilningsleysi Jóhönnu frá völdum sem allra fyrst því útséð er að nokkuð muni breytast meðan þau skötuhjú eru við völd. Þau draga þessa þjóð niður og framlengja píslir hennar.

Tuttuguþúsund manns án atvinnu er það sem í boði þeirra er.

Er ekki nóg komið og fullreynt með þau?

Halldór Jónsson, 5.10.2011 kl. 15:12