Hvar eru vorir vitrustu menn?

Jón Magnússon skrifaði góðan pistil sem ekki má gleymast þegar afrekaskrá Alþingis og norrænu velferðarstjórnarinnar er velt fyrir sér.

Ég smelli aðalatriðunum í pistli Jón Magnússonar hrl. inn hér:

"Vísitölubundin lán hækka og hækka. Höfuðstóll þeirra hefur hækkað um meira en 10% frá bankahruninu.

Á sama tíma hefur landsframleiðsla dregist saman um 7% árið 2009 og 3.5.% árið 2010.

Verð á fasteignum hefur lækkað um 30% en sé miðað við Evrur þá hefur verðlækkun á fasteignum frá bankahruni verið yfir 50% eða meir en helmings verðrýrnun fasteigna.

Þeir sem tóku verðtryggð lán til íbúðarkaupa á árunum 2005 til bankahruns hafa með örfáum undantekningum tapað allri eign sinni í íbúðinni eða húsinu sínu og eru gjaldþrota. Það er vegna þess að ríkisstjórn og verkalýðshreyfing standa sameiginlega vörð um mesta arðrán Íslandssögunar á fólkinu í landinu í gegn um verðtrygginguna. Ótrúlegt að verkalýðshreyfingin skuli berjast um á hæl og hnakka við að viðhalda þessu kyrkingartaki um launafólk í landinu.

Nú hækkar bensín og hrávörur á heimsmarkaði og þá hækka lánin og skuldugt fólk á Íslandi verður ennþá skuldugra og eignir þess brenna upp.

Hvað lengi á getur þessi vitleysa eiginlega gengið. Er stjórnendum þessa lands, hvort heldur er forseti, ríkisstjórn, Alþingi, fjármálastofnanir, verkalýðshreyfing gjörsamlega fyrirmunað að sjá að það er ekki hægt að stjórna með þeim hætti að fólkið í landinu geti ekki átt eða eignast neitt, en missi allt sitt.

Nýjasta aðförin að fólkinu í landinu er gríðarleg hækkun vísitölubundinna lána vegna bensínhækkunar. Þar neita þau Jóhanna og Steingrímur að lækka álagningu ríkisins og stuðla með því að enn frekari og hraklegri aðför að lífskjörum í landinu og hagsmunum fólksins...."

Hversvegna er vísitalan á lánunum ekki flutt aftur á bak ? Af hverju er bensínið ekki tekið út úr vísitölunni þar sem það er fáránlegt að skattur til ríkisins hækki lán fólksins?

Bankahrunið er Force Majeur fyrir almenning í landinu. Að neita að viðurkenna það er þjóðfélagslegt óréttlæti.

Hvar eru vorir vitrustu menn nú?

Athugasemdir

[Júlíus Björnsson, 13.3.2011 kl. 17:27]

Það eru sem sagt forréttindi að geta staðgreitt allt.  Prime langtíma lán erlendis [AAAA++++] þroskast með lækkandi greiðslu byrgði, af því greiðast niður frá útgáfu degi. Í USA er auðvelt að sem um afföll af bréfum því dollari rýnar ekki nema um 90% á 30 áru tímabilum  og 15 % á ára tímabilum, síðustu 90 ár frá kreppunni miklu. Talið föðurlandsvik að gera ráð fyrir meiri rýnun.  

UK býður upp á um 100% verðbólgu á 30 árum, hinsvegar eru sveiflur milli ára miklu meiri.

Hér eru engin Prime lánaveðlánsjóðir, hvorki veðsettir né óveðsettir.

Þeir óveðsettu eru skrautfjöður í eignmöppu fjármálstofnanna, meðal annars til að tryggja stöðugt innstreymi lágmarks reiðufjár á öllum tímum. Hækka meðaltals lánshæfi.

Raunvaxta krafa 0-2% þvess vegna er nafnvestir þessara veðlána nánast bara til verðtryggingar.  Markaðshópur Launþegar á flötum tekjum í tekjuþrepi 0, 1. og 2, sem spara fyrir útborgun. Augljóst að greiðslugeta einstakra lána vex.

Nánar um tekjuþrep.

http://juliusbearsson.blog.is/blog/juliusbearsson/entry/1149839/