Óhugnanlegt

er að hlusta á "verkalýðsleiðtoga" eins og Aðalstein Baldursson lýsa því yfir að það sé ekkert mál að lama þjóðfélagið af því að hann fær ekki komið fram öllum sínum kröfum skilyrðislaust. Aðalsteinn þessi  er tilbúinn að ráðast á saklaust fólk í fjárkúgunarskyni. Honum er sama hver fyrir verður.

Og hann á nóg af samviskulausum bandamönnum sem taka undir með honum.

Fyrr eða síðar verður þjóðfélagið að setja lagaramma utan um starfsemi stéttarfélaga,  þannig að réttur þeirra til hryðjuverka og gíslatöku  verði takmarkaður frá því sem nú er.  Annars getur friðurinn verið í hættu eins og víða hefur sannast.

Það er óhugnanlegt að heyra svona raddir. 

 

 

 

Athugasemdir

[Sigurður Ingólfsson, 27.4.2011 kl. 13:24]

Mjög góð grein hjá þér um MP bankann og það sem á undan hefur gengið í bankaheiminum. En finnst þér ekki aðkoma LÍÚ að kjarasamningum að undanförnu "óhugnanleg" ?

[Aðalbjörn Steingrímsson, 27.4.2011 kl. 15:54]

Eins mætti Halldór, setja lagaramma um atvinnurekendur og þá sem halda þjóðinni í gislingu.

[Óskar Aðalgeir Óskarsson, 27.4.2011 kl. 18:11]

Halldór,þú er þá væntanlega alsæll með að SA með LÍÚ mafíuna í fararbroddi,haldi öllu íslensku launafólki í gíslingu,og ráðist á saklaust fólk til að koma í veg fyrir samninga. Þeim er sama hver fyrir verður.

[Halldór Jónsson, 27.4.2011 kl. 20:23]

Mér finnst þessi rök sem Vilhjálmur þylur upp um atvinnuleiðina sem ekki sé hægt að fara nema ríkisstjórnin lofi þessum 23 aðaleigendum kvótans sem Guðmundur Gunnarsson talar um, 35 ára ábúð á fiskimiðunum eiginlega jafnvitlaus og útgerðarmennirnir að halda það að einhverjar seinni ríkisstjórnir telji sig bundna af nauðungareiðum þessarar ríkissjórnar um einhver kvótamál langt inní framtíðina.Líka það að útgerðarmenn muni ekki kaupa inn til skipanna og þá fari þau ekki á sjó. Þó að Vilhjálmur semji um svo og svo mikla verðbólgu við Guðmund í Rafiðn og skilji LÍÚ eftir þá fara þeir auðvitað að kaupa nn og fara á sjó, því annars fara þeir á hausinn og bankinn hirðir kvótann sem annað.Þeir fara nú ekki að sleppa sinni gullgæs.

Þeir sem tala um þennan farsa sem fram fer í karphúsi sem samninga finnst mér vera annaðhvort einfeldningar eða purkunarlausir lygarar. Því auðvitað sjá menn að landatvinnuvegir hefa ekkert að semja um nema skipta skortinum einum.

Það er allt annað með útgerðina sem græðir á tá og fingri í skjóli gjaldeyrishafta og einokunar.

Geti útgerðin borgað einhverja prósentuhækkun á taxta þá er ekki sjálfgefið að landkrabbarnir geti það. Sama er um stóriðjuna sem selur fyrir gjaldeyri á tvöföldu gengi, hana munar ekkert um einhverjar ruður í verkamennina. Þessvegna eru þessi stórsamráð um prósentur hlægilegar í svona tvöföldu hagkerfi.

Það væri miklu nær fyrir svokallaða launþegahreyfingu að semja við ríkisstjórnina um að Már skaffi betra gengi og lífskjarabætur almenning komi þar í gegn. Þannig borga bæði stóriðjan og útgerðin.

En þetta skilja auðvitað verkalýðsþursar ekki. Því fáum vð vonandi glæsilegt allsherjarverkfall sem færir verkalýðnum sönnur á forkalkaða heimsku forystumanna sinna.

Allir í verkfall!