Gleðilegt ár!

allir bloggvinir. Líklega verður úr nógu að moða úr pólitíkinni ef svo fer fram sem horfir.

Ekki veit ég hvernig færi fyrir okkur bloggurum ef við hefðum ekki þessa ríkisstjórn til að sjá okkur fyrir stöðugu skemmtiefni. Uppákomurnar eru með þeim endemum að engann endir tekur. Ef hún gæfist upp á rólunum eins og hún Grýla gamla myndi fara fyrir mörgum bloggaranum eins og Ingibjörgu Sólrúnu í Borginni,þegar hún missti Davíð.Hún varð eiginlega klumsa eftir það að hafa hann ekki til að sparka í á hverjum degi til að draga athyglina frá lóðaskortsstefnu R-listans meðan Kópavogur blés út af þeirri ástæðu helstri.

Þá er búið að fækka ráðherrunum niður í níu og sameina ráðuneytin. Sé þetta hagræðing spyr maður sig hversvegna þetta var ekkki gert fyrr? Við eigum hinsvegar eftir að sjá hversu tryggir stuðningsmenn þeir brottreknu reynast húsbændunum? Hversu lengi Steingrímur getur troðið andlitinu á flokknum sínum græna niður í stjórnarskálina og sagt honum að éta ESB gúmmúlaðið úr Samfylkingunni? Allt skýrist þetta þegar þingið fer að sjá okkur fyrir upákomum aftur síðar í mánuðnum.

Þangað til förum við sauðsvartir á vigtina í Sundlaugunum og veltum fyrir okkur hvenær sé best að byrja á megruninni. Því víst er um það að hátíðarnar okkar flestra eru hátíð munns og maga. Drekkum í dag-iðrumst á morgun er sálareinkennið okkar hvort sem er. Hvað um það. Takk fyrir gamla og:

Gleðilegt ár!

Athugasemdir

[Jón Atli Kristjánsson, 1.1.2012 kl. 13:56]

Ágæti félagi Halldór. Þakka þína góðu pistla. Gleðilegt ár og takk fyrir þau gömlu. Best kveðjur til fölskyldunnar. Þó þú hefðir ekki ríkisstjórnina er ég viss um að þú hefðir fundið þér eitthvað annað til að skrifa um. Held eins og þú að nýjasta " hagræðing " ríkisstjórnarinnar geri það enn verra að halda liðinu saman.

[Jón Ríkharðsson, 1.1.2012 kl. 14:08]

 Að sönnu má segja, að ríkisstjórnin sjá okkur fyrir prýðisgóðu skemmtiefni Halldór minn.

Ég horfði á Kryddsíldina í gær og það er langt síðan ég hef hlegið svona mikið, synir mínir voru steinhissa á mér, því þeir hlægja frekar að hefðbundum gamanmyndum.

Steingrímur og Jóhanna voru í örvæntingarfullri leit að hrósi frá stjórnarandstöðunni, þau eru eins og krakkar með ríka athyglisþörf.

Örlítið léttist brúnin á landshöfðingjunum, þegar fulltrúar stjórnarandstöðunnar samþykktu að það væri ágætt að fjölga konum í ríkisstjórninni.

Aldrei hef ég vitað ríkisstjórn sem er svona umhugað um hrós frá stjórnarandstöðunni, en þetta er afskaplega sérstætt fólk eins og flestir vita.

Björn Bjarnason er maður sem ég tek mikið mark á og hann gefur lítið fyrir fækkun ráðuneyta.

Ég hugsa að við séum báðir jákvæðir að eðilsfari, þannig að það verður ánægjulegt að geta bloggað um góða og framtakssama ríkisstjórn í framtíðinni og glaðst yfir batnandi hag lands og þjóðar.

Helvítis vigtin, ég er margbúinn að segja frúnni að reyna að finna vigt með fastri tölu, geðillskan yfir hækkandi vigtartölum bitna svo illa á mér. Þegar konur þroskast, þá er ekkert verra að þær hæfi hold á beinum, það gerir þær búkonulegri en mér gengur illa að koma því sjónarmiði að á mínu heimili.

Sjálfur stíg ég aldrei á vigtina, en óþarflega mikil ummálsminnkun á buxum gefur það til kynna að eitthvað er matgræðgin farin að hafa áhrif á vöxtinn, fatnaður getur ekki hlaupið svona mikið í þvotti.

Og að lokum ítreka ég fyrri áramótakveðjur til þín með þökk fyrir ánægjuleg og gefandi samskipti á liðnu ári.

[Halldór Jónsson, 1.1.2012 kl. 16:03]

Takk fyrir þetta ágætu Sjálfstæðismenn báðiur tveir. Á mínu heimili er það ég sem slæst við vigtina, konan hefur þetta under control. Fötin hlaupa á mér nema ítrustu einbeitingar sé gltt. Og það tekst aldrei lengi í einu. Hef ekki stöð 2 þannig að ég sá ekki þessa kryddsíld. Verður ekki opnað á þetta  á netinu?

Bestu kveðjur til ykkar fjölskyldna.

[Jón Ríkharðsson, 1.1.2012 kl. 18:07]

Halldór, þú getur farið á vísir.is og náð Kryddsíldini þar, ég hélt að hún væri alltaf í opinni dagskrá, en það kann að vera misskilningur hjá mér.

[Ómar Bjarki Smárason, 2.1.2012 kl. 00:10]

Gleðilegt árið Halldór og takk fyrir þau gömlu!