Af hverju Þorsteinn?

Pálsson skrifar þú svona í Fréttablaðið:

"Leiðtogar Sjálfstæðisflokksins kröfðust tafarlausra slita á aðildarviðræðunum þvert á samþykktir landsfundar flokksins sem gerðar voru með yfirgnæfandi meirihluta atkvæða. Þeir telja klókara að höfða fremur til flóttafylgis VG en frjálslyndari vængsins í eigin flokki. Um leið virkar þetta eins og vandræðalegt ákall til VG um björgun frá einangrun..."

Ég var á Landsfundinum og sá þig ekki þar. Þar var eftirfarandi samþykkt með yfirgnæfandi meirihluta atkvæða:

"Landsfundur ályktar að gera skuli hlé á aðildarviðræðum við Evrópusambandið og þær ekki hafnar að nýju nema það verði samþykkt í þjóðaratkvæðagreiðslu. "

Hvaða frjálslynda væng ertu að tala um? Þessi örfáu sem voru á móti?

Það sem það versta er við þetta, er að svona rangupplýsingar í stærsta fjölmiðli landsins leiða til þess að óhjákvæmilega stór hluti lesenda trúir þessu því hann treystir því að Þorsteinn Pálsson halli ekki réttu máli. Trúir því þá heldur að formaður Sjálfstæðisflokksins Bjarni Benediktsson sé að hunsa samþykktir Landsfundar þegar hann kemur fram á Stöð2 og kynnir afstöðu Landsfundar til aðildarviðræðanna.

Af hverju gerir Þorsteinn Pálsson þetta hafandi verið formaður í þessum Sjálfstæðisflokki?

Einhver hefði sagt einhvern tímann: "Svona gerir maður ekki."

Athugasemdir

[Helga Kristjánsdóttir, 16.9.2012 kl. 23:28]

Undur og stórmerki,, við höfum séð dökku hliðina á tunglinu,sem glottir og hrín við hrönn.

[Jón Baldur Lorange, 16.9.2012 kl. 23:47]

Hárrétt hjá þér Halldór að halda þessu til haga.

[Jóhann Kristinsson, 17.9.2012 kl. 01:12]

Ég hef fylgst með Þorsteini Pálsyni í gegnum árin og hann mundi selja ömmu sína ef það hjálpaði málstað hans.

Þess vegna kemur mér ekkert að óvart að hann selji sjálfstæðisflokkinn, down the drain so to speak, til að reyna að koma fyrir að flokkurinn fái nóg fylgi til að mynda næstu ríkisstjórn og stopa þessa ESB aðild.

En hvering innræti hefur maður sem getur staðið að því að selja þjóð sína í ánauð um aldur og ævi eftir að hafa losnað úr ánauð fyrir aðeins tæpum 70 árum síðan, þvílík ílska.

Kveðja frá Las Vegas

[Jóhann Kristinsson, 17.9.2012 kl. 05:22]

........að koma í veg fyrir að flokkurinn..........

Atti nú að standa þarna.

Kveðja frá Las Vegas

[Gunnar Heiðarsson, 17.9.2012 kl. 08:02]

Það er spurning hvort Þorsteinn Pálsson viti eitthvað meira en við hin um gang samningaviðræðna. Hann er jú í samninganefndinni.

Hann hefur nú undanfarið gripið hvert málið af öðru og reynt að gera það að viðræðuslitum. Getur verið að ESB sé þegar búið að láta samninganefndina vita að ekki verði lengra haldið og Þorsteinn sé að leita blórabögguls?

Það liggur fyrir að lítið hefur gerst síðustu vikur í samningaferlinu, það liggur fyrir að stjórnvöldum tekst ekki að uppfylla kröfur ESB um aðlögun, það liggur fyrir að þögn Össurar um samningaferlið er orðin þrúgandi og kannski er einhver ástæða þess að forsætisráðherra nefndi ekki þetta hugðarefni sitt í stefnuræðunni.

Því hvarflar vissulega að manni sú hugsun hvort verið geti að ESB hafi þegar slitið viðræðum, en samninganefndin og utanríkisráðherra séu að leyta leiða til að koma þeirri uppsögn yfir á pólitíska andstæðinga hér á landi.