Vanþróað pissuland

er Ísland þega kemur að þjónustu og móttöku við erlenda ferðamenn. Og almenning líka eftir að núllinu var lokað

Maður horfir ítrekað á að ferðaskrifstofurnar demba fjölda af stórum rútum fullum af ferðalöngum af stóru skemmtiferðaskipunum inn á staði þar sem eru örfá klósett. Of stendur svo á að það er klukkutími síðan síðast var stoppað. Það myndast starx biðraðir sésaklega við kvennaklósettin. Það er eiginlega makalaust að þeir sem staðina reka skuli ekki sjá að þetta biðraðafólk verslar ekki á meðan það hímir í spreng í röð.

Ferðaskrifstofurnar telja þetta  ekki í sínum verkahring. En  þetta er samt ferðaþjónustunni til minnkunar að hafa þetta svona og þjóðinni til skammar. Þessi hugsunarháttur eru leifar af gamla tímanum þega allt var nógu gott í kjaftinn á útlendingnum.

Það þarf aukasalerni á ferðamannastöðunum  yfir sumartímann.  Það á a vera sérstakur rekstur um þetta og selja hiklaust inn á svona hraðafgeiðslustofnanir því manneskja í spreng borgar með glöðu geði hátt verð fyrir hjálp. Þarna er upplagt sprotafyrirtæki fyrir ráðherrur  að styðja.

Færanlegar klósettmiðsöðvar strax sem bjóða þjónustu sína á háannatímum í þessu vanþróaða pissulandi. 

r

Athugasemdir

[Helga Kristjánsdóttir, 7.7.2013 kl. 11:26]

Taka bara Óla Ket, á þetta; dömurnar vinstra megin,herrarnir hægra megin,:):):)

[Austmann,félagasamtök, 7.7.2013 kl. 14:20]

Einu sinni þegar ég var staddur á ráðhúsi Reykjavíkur lét ég skila því til borgarstjórans (raunverulega borgarstjórans, ekki Jóns Gnarrs), að það sárvantaði almenningsklósett í borginni. Mér vitandi er aðeins eitt þannig, það sem stendur á Hlemmi. Fyrir utan þau sem eru í Kringlunni.

Helga, á meginlandi Evrópu er það algengt, að fólk af báðum kynjum pissi bak við næsta runna og þykir eðlilegt. En hérna á Íslandi gengur það ekki, enda er tepruskapurinn í hámarki fyrir utan yfirvofandi kærur og sektir eða dóma fyrir berun líkamshluta á almannafæri.

[Halldór Jónsson, 7.7.2013 kl. 14:30]

Já Helga, hann Óli Ket var nú slíkur öndvegis snillingur að það verður langt í hans jafningja.

Já Austmann, það þýðir nú lítið að reyna að tala við Borgaryfirvöld um eitt eða neitt, þetta er þvílíkt endemis áhugalaust lið um flest mál. Það eru í raun bara embættismennirnir sem stjórna og gera eitthvað.

[Kolbrún Hilmars, 7.7.2013 kl. 16:18]

Þegar ég var ung lenti ég einhvern tíma í því að vera í spreng á bílferðalagi í Þýskalandi.  Fann þó tímanlega veitingahús við þjóðveginn og hljóp þar inn og spurði (á þýsku) hvort ég mætti fara á klóið.  "Draussen" var svarið.  Þetta reyndist vera útikamar í bakgarðinum - með vatnsklósetti þó - og hurð með hespu.  Mér var ekki gert að greiða neitt fyrir gjörninginn en var svo ánægð að í bakaleiðinni lagði ég 1 mark á barborðið fyrir veitta þjónustu.

Svona aðstöðu mætti vel koma upp hér við þjóðveginn - og þarf ekki að vera flísalögð 5 stjörnu lúxusaðstaða.

[Austmann,félagasamtök, 7.7.2013 kl. 16:43]

Já, var þó hurð?

[Kolbrún Hilmars, 7.7.2013 kl. 17:01]

Það eru alltaf hurðir með ómerkilegum krækjum, jafnvel þótt salernisaðstaðan sé aðeins gat í gólfinu.  Það þekkja þeir sem hafa ferðast um Belgíu og Frakkland.  Vatnsklósett er lúxus.

[Austmann,félagasamtök, 7.7.2013 kl. 19:26]

"Vatnsklósett er lúxus".

Sumir myndu segja, að setuklósett séu óþarfa lúxus og bara léleg afsökun fyrir að fá að lesa dagblöðin í friði, og byggja það á staðhæfingunni um að aðalorsök þindarslitar sé einmitt það, að fólk sé ekki með frönsk/belgísk/rússnesk/arabísk/japönsk klósett heima hjá sér.

Japönsk klósett eru þó sér á báti, því að hönnun þeirra falla vissulega í lúxusklassa, þótt þau séu "gat í gólfinu", því að þar eru þægindin hámörkuð. Í hinum endanum eru svo klósett í marókkönskum fangelsum, þar sem þægindin og hreinlætið er lágmarkað.

Varðandi hurð, þá nær klósetthurðin á almenningsklósettum sums staðar í Frakklandi aðeins 3/4 leið niður. Hver er þá tilgangurinn með að hafa hurð?

[Kolbrún Hilmars, 7.7.2013 kl. 19:47]

Mér er meinilla við klósett sem eru bara gat í gólfinu. 

Ekki vegna þess að ég vilji setjast í hægindi til þess að lesa blöðin, heldur vegna þess að götin koma með sporum sitt hvoru megin og eru sniðin fyrir karlmenn sem eru a.m.k. 20 cm hærri en ég og leggjalengri að sama skapi.  

Þarf ég að lýsa þessu nokkuð nánar...  

[Austmann,félagasamtök, 7.7.2013 kl. 22:31]

Þá ættu japönsku klósettin að vera eitthvað fyrir þig. Þar engin spor beggja megin, bara þykkt plussteppi, ef það er í heimahúsi, en flísar ef það er almenningsklósett. Það er vegna þess að spor eru óþörf vegna hönnunarinnar. Sjáðu t.d. þessa síðu þar sem er sýnt (neðarlega á síðunni) dæmigert Squat Toilet. Flest almenningsklósett eru þannig, en það er að breytast.

Annars eru Japanir eina þjóðin sem hafa gert klósetthönnun og klósettþægindi að hátækniiðnaði. Setuklósettin sem þeir hanna hafa vatnsbunur neðanfrá, hitaðar setur, músík, ýmis konar hljóð, lyktareyði og margt meira.

Sjálfum finnst mér þetta hreinn óþarfi.