Er fegurðarsmekkur ráðandi?

í atvinnumálum?

Spurningar sem koma í hugann vegna höfnunar Bláskógabyggðar á uppsetningu vindmylla.

Er mönnum í sveitarstjórn stætt á því að hafna alfarið grænum, endurkræfum og sjálfbærum raforkuvirkjunum eins og vindmyllum á grundvelli þess að sumum kunna að finnast þær ljótar? 

Hvernig á að dæma hvað sé ljótt og hvað sé fallegt?

Ef 100 manns segja að þær séu ljótar en 90 segja að þær séu ekki svo ljótar, á þá að stoppa bygginguna?  

Hvað er ljótt? Er til einhver ríkisskilgreining á því?  Hvað ræður afstöðu sveitarstjórnarmanna í Bláskógabyggð? 

Er það smekkur þeirra sem fyrir tilviljun sitja núna í sveitarstjórn Bláskógabyggðar sem á að ráða? 

Á smekkur skipulagsfulltrúans í Bláskógabyggð sem þar situr núna að ráða? 

Hvervegna hefur hann aðra afstöðu eða réttari en skipulagsfulltrúinn í næstu sýslu þar sem vindmyllur hafa verið reistar?

Á fegurðarsmekkur að ráða umfram þjóðarhag?

Þjóðina vantar rafmagn. Hverjir eru þá einstakir sveitarstjórnarmenn að hindra þjóðina í því að vinna rafmagn? Í einkaframkvæmd? Á þann hátt sem er 100% endurkræfur að afskriftatíma liðnum?  Sem getur jafnvel verið minna en 25 ár?

Koma tímabundin stöðuleyfi ekki til greina eins og veitt er fyrir gámum og bráðabirgðamannvirkjum?

Eiga bara geðþóttaákvarðanir byggðar á fegurðarsmekk einstaklinga að ráða þegar taka á ákvarðanir sem varða þjóðarhag? 

Athugasemdir

[Ingibjörg Magnúsdóttir, 12.1.2015 kl. 23:32]

Áhugaverð spurning. En ég held að fegurðarsmekkur sé ráðandi. Aðilar sjá fyrir sér hvítar vindmillurnar sem umhverfismengun. Man f. nokkrum árun þegar vindmillur voru nýlunda hér í nágrannalöndum, t.d. Danmörku og Bretlandi, að þá nefndi einhver að þetta væru "falleg" mannvirki.

Ég ætla ekki að dæma neitt un vindmillur útlitslega séð, en það sem mér finnst svo frábært, er hvernig tæknin hefur náð að virkja vindinn.

Til samanburðar við vindmillurnar, þá tók ég af einhverjum ástæðum eftir ákveðnum hlutum, þegar ég tók strætó norður til Akureyrar í byrjun desember s.l., en það voru rafmagnslínurnar. Þetta eru stórir járnstaurar sem birtast með jöfnu millibili og línur eru strengdar milli stauranna.

En ef fólk vill rafmagn, þarf mannvirki úti í náttúrunni. En ég man aldrei eftir að neinn hafi sett sig á móti þessum hefðbundnu rafmagnsstaurum sem liggja þvert og endilagt um landið.

Þetta eru ekki einu sinni staurar, þetta er hálfgert víravirki.

[Predikarinn - Cacoethes scribendi , 13.1.2015 kl. 08:11]

Þetta er virðist vera einhvers konar rasismi hjá Bláskógabyggð kæri Halldór.

Endilega þrýstu á um þessa framkvæmd. Ef ég skil þig rétt þá er ekki verið að krefja sveitafélagið um annað en leyfi til verkefnisins en ekki fjárframlags eð astyrks.

[Valdimar Samúelsson, 13.1.2015 kl. 22:12]

Ég verð að segja að þessar vindmillur eru ekki nauðsynlega til að framleiða rafmagn hér á landi. Þær eru heldur ekkert sem maður vill hafa í umhverfinu hvað þá nálægt byggð.Þeim hefir verið þröngvað inn á sveitafélög með  gróðavon í huga en þær eru kostnaðarsamasta aðferð sem til er og jafnast á við Gufuaflsvirkjun. Hversvegna er ekki vindmilla út í Grímsey?

Vatnsaflið er allstaðar þar sem stórar og smáar virkjanir geta verið byggðar. úrgangur dýra getur verið nýttur og það væri gaman er einhver reiknishaus reiknaði út hve mikil orka er ónýtt ef hænsnabúin og allt er tekið með í reikningi. Nei við vindrafstöðvum. 

[Halldór Jónsson, 14.1.2015 kl. 08:48]

Allt sem þú segir Valdimar er ekki rétt vegna þess að þú ert ófróður.

Vindmylla í Grímsey borgar sig ekki því notkunin er svo lítil í eyjunni. Svo borgar ríkið allt fyrir Grímseyinga svo hver ætti að hafa áhuga?

Þér yfirsést hver er munurinn á vindmyllu og vtnsaflsvirkjun. Hitt ætla  ég ekki að ræða með haughúsin.