Halldór Jónsson

14.8.2015 | 09:19

Hversvegna styð ég Rússa

í deilum þeirra um Úkraínu?

Ég álít að byrjun málsins hafi borið að með óásættanlegum hætti.

ESB hrakti réttkjörinn forseta frá völdum í Úkraínu. Rússar á Krímskaga sættu sig ekki við að hafa verið gefnir til Úkrainu af fullum Úkraíningi honum Krúsjeff í gamla daga.

Rússar höfði sem heimsveldi og forystuafl í Sovétsambandinu lagt eigur sambandsins í uppbyggingu hernaðarmannvirkjanna í Sevastopol.Hrikaleg mannvirki og nauðsyn fyrir Rússa til að lokast ekki inni og vera kjarnorkustórveldi.

Öflug þjóðernisvakning í Rússlandi neitar að láta slátra Rússum í Austur Úkraínu með fjárstuðningi NATO og ESB. Þeir vilja að fólkið fái sjálft að ákveða hverjum það vill fylgja. Ísland setur viðskiptaþvinganir á þá fyrir vikið.

Við gætum eins hafa sjálf upplifað að Vestaannaeyingurinn sem var alvaldur Íslands árið eftir Shangríla hefði í fylleríi gefið Vestmanneyjar og Surtsey til þáverandi stjórnar Vestmannaeyja frá íslenska Sambandsríkinu.

Síðan gerist það að það er kosinn bæjarstjóri í Vestmannaeyjum sem vill nánara samstarf við fastalandið. Það líkar ekki LÍU í Eyjum og efnir til samblásturs gegn manninum. Hann er flæmdur frá völdum með búsáhaldabyltingu útgerðarmanna í Eyjum og leynilegum stuðningi frá ESB sem sér von í fiskimiðum umhverfis Eyjar. Og Bandaríkin eru að svipast eftir plássi fyrir eldflaugar til að geta ógnað Reykjavík.

Surtseyingar eru allir aðfluttir af fastalandinu og tala reykvíst stofnanamál en ekki sjóarakjaft. Þeir hafa aldrei verið Vestmannaeyingar heldur fínir menn úr MR í Reykjavík.

Í samráði við stjórnina á fastalandinu er ákveðið að þeir Surtseyingar greiði þjóðaratkvæði um hverjum þeir vilji fylgja. Surtsey sameinast fastalandinu í framhaldi af því.Landhelgisgæslan sendir varðskip til að passa þá.

Í Elliðaey er hafa Surtseyingar líka sest af og eru í meirihluta. Þeir heimta að sameinast fastalandinu og Surtsey. Vestamanneyingar búa þarna líka en eru minnihluti. Þeir krefjast sambands við eyjarnar.Eyjamenn senda fjölda sjálfboða-lundaveiðimanna á vettvang. Það eru róstur um lundann.

Fastlendingar skrúfa fyrir vatnið til Vestamanneyinga sem viðskiptaþvingun. Vestamanneyingar svara með að þeir borgi ekki lengur skatt til fastlendinga né virði kvótalögin.Þeir taki sér aukna landhelgi. Þeir selji ekki lengur fisk til fastlendinga né skili þeim gjaldeyri.Erlend ríki innan ESB vilja auðvitað fiska þar í skjóli Vestamanneyinga. Bandaríkin vilja setja þar upp herstöð og taka þá í NATO.

Hvað skyldu þau Birgitta og Helgi Rafn segja niður á Austurvelli?

Við hverju búast menn að þetta leiði til? Hvernig mun gjaldeyririnn frá Vestmannaeyjum fara að koma aftur til Reykjavíkur?

Ég styð Rússa. Ekki vegna sérstakrar samúðar með Máa og makrílnum hans. Ég styð þá vegna þess að Rússar eru að sækja rétt Rússa sem þjóðar á móti hræsnislegri hentistefnu ESB sem ekki spáir í aðra minnihluta eins og í Katalóníu.

Bandalagið sem heldur áfram á gasinu frá Rússlandi þó við Íslendingar sem eru ekki í því eigum að fórna makrílnum okkar.Og Frakkar halda áfram að selja Rússum vopn gegn einhverjum leynigreiðum frá Rússum. Og Kaninn kyndir undir til að svekkja Rússann.

Eigum við Íslendingar samleið með þessum ríkjum í þessum hráskinnaleik gegn Rússum sem aldrei hafa sýnt okkur óvináttu? Á viðskiptabannið okkar að standa þangað til Rússar eru farnir frá Krím?

Flokkur: Stjórnmál og samfélag | Breytt 15.8.2015 kl. 11:55 | Facebook

Athugasemdir

Sæll Halldór!

Sjálfur er ég ekki endilega fastur í með eða á móti skotgröfunum tengt rússum:

Besta lendingin í málinu væri að hinn almenni neytandi myndi mótmæla framgöngu rússa í Úkraínu með því að hafna rússneskum vörum út í sinni búð sjálfur, frekar en að ríkið sé að skipta sér af málinu með viðskiptabanni.

http://thjodarskutan.blog.is/blog/thjodarskutan/entry/1917799/

Jón Þórhallsson, 14.8.2015 kl. 09:38

Munu Bandaríkjamenn sætta sig við það að Kanadamenn gengju í hernaðar- og efnahagsbandalag með Rússum og Kínhverjum?

Ómar Ragnarsson, 14.8.2015 kl. 10:20

TIL HVERS VORU SAMEINUÐUÞJÓÐIRNAR STOFNAÐAR?

https://www.facebook.com/UNAIceland?fref=ts

Jón Þórhallsson, 14.8.2015 kl. 10:27

Halldór þú stiður Rússa vegna þess að þú ert heilvita maður eins og við flest á landinu.

Valdimar Samúelsson, 14.8.2015 kl. 11:56

Sæll kæri Halldór.

Þú gleymir því að það var samningur til næstu 40 ára sem veitti rússum fullt leyfi til að halda flotastöðinni sinn i o allri starfsemi sinni þar - allt ein og var á Miðnesheiði þegar Bandaríkin voru með stöðinna sína þar.

Rússar voru ekki í nokkurri hættu með að missa flotastöðina sína þar. Þeir hirtu Krím í trássi við alþjóðalög með hervaldi og héldu síðan skríkakosningar að talí/Lenínskum sið undir btyssukjöftum eftir á til að reyna að láta líta út fyrir að lýðræðið hefði ráðið.Öll alþjóðleg lög um fullveldi og stríðsrekstur brotin þvers og kruss. eins og kommum er lagið þegar hentar þeim. Svona kosningar eru einnig haldnar svo dæmi sé tekið í Norður Kóreu.
Svei attan.

Predikarinn - Cacoethes scribendi , 14.8.2015 kl. 12:10

Skrípakosningar átti að standa í fyrra innleggi
Biðst forláts á öðrum flýtiinnsláttarvillum sem ég held að skiljist samt.

Predikarinn - Cacoethes scribendi , 14.8.2015 kl. 12:12

Prédikari,

þetta er ekki ræett sem þú segir. Krímaskaginn er yfir 90 % rússneskur. Þeir kærðu sig ekkert um að vera gefnir í heilu lagi frá Rússlandi til Úkraínu af úkraínskri fyllibyttu. Þetta gat alls ekki gengið. Það var viðtal við íslenskan mann búsettan þarna og hann segir þetta alvega klárt með Krískaga.

Ert þú a móti sjálfsákvörðunarrétti þjóða Cachoetes? Vasrtu þá á móti því að við stofnuðum lýðveldi 1944? Var rangt að fá fullveldi 1918?

Ómar, það er til Geopolitík stórvelda. Minnumst við ekki þess þegar úkraínska fyllibyttan hélt að hann gæti sett niður kjarnorkuflaugar á Kúbu? Kennedy sagði hreint út að öllu yrði fórnað fyrr en að þetta yrði svona til frambúðar. Hinir skynsamari menn stoppuðu fyllibyttuna. Hvorugu ríkjanna Canada eða USA dytti í hug það sem þú nefnir. Bretar gátu sigrað okkur í landhelgisstríðunum en það hefði verið Phyrrosarsigur, þeir áttuðu sig á því.

Kosningin á Krím var góð , sönn og egta.Rússar völdu að vera ein þjóð. Því miður Prédikari, þú ferð villir vega.

Halldór Jónsson, 14.8.2015 kl. 14:04

Sæll kæri Halldór.

Það vita allir, sem og alþjóðlegar stofnanir með eftirliti á atkvæðagreiðslum, að þetta var afleit atkvæðagreiðsla undir ógn vélbyssukjafta, enda búið að hernema skagann þegar þar var komið sögu.

Rússar sjálfir viðurkenndu þjóðaréttinn hjá Úkraínu á Krím með því fyrir mörgum árum að semja um að fá að hafa flotastöðina þrátt fyrir sjálfstæði frá Ráðsjórnarríkjunum og sá samningur stóð þegar þeir hertóku Krím í fullkominni andstöðu við alþjóðleg lög um þjóðarétt og fullveldi.Allar þjóðir heims virtu þjóðarétt Úkraínu á Krím, enda búið að vera svo í marga áratugi - hvað sem fyllibyttu áhrærir.

Eigum við þá að afturkalla fall Sovétsins bara af því að það var fyllibyttan Boris Yeltsin sem fór í fararbroddi að auðmýkja Mikhail Gorbachev og reka hann úr valdastóli eftir að Reagan og Thatcher voru búin að setja Gorgbachev stólinn fyrir dyrnar ?
Nei Pútín fer um á sama hátt og Hitrlerhvað varðar Krím og Úkraínu. Hann væri búinn að innlima Úkraínu hefði ekki komið honum á óvart andstaða þjóða heims og viðbrögð vegna Krím.

Predikarinn - Cacoethes scribendi , 14.8.2015 kl. 16:03

Það var kannski hranalega að farið en þarna var allt í upplausn og stríðið hefði náð til Krímskaga annars. aðalatriðið að þarna er sjálfsákvörðunarréttur þjóðar virtur. Það þarf að gera líka í austurhlutanaum. Var Borgarastríðið í Bandaríkjunum kannski vitleysa? Sé neitað að viðurkenna tilveru þjóða fer illa eins í Tíbet og Kúrdistan.

Halldór Jónsson, 14.8.2015 kl. 17:35

Sæll Halldór,

Ég verð að segja að það er svolítið skoplegt að sjá íslenska hægri menn flykkjast sem einn til að styða við bak gamals KGB komma, sem hefur hreiðrað vel um sig í Kreml og gefur afskaplega lítið fyrir lýðræðið. Ef menn halda að stirð samskipti Úkraínu og Rússlands séu eitthvað ný af nálinni, þurfa menn að lesa sér til, en af sumum bloggurum má skilja að þetta sé allt EU að kenna;) Það má kenna EU um margt, en fjandskap milli rússa og úkraínumanna er svolítið hæpið dæmi.

Kveðja,

Arnór Baldvinsson, 14.8.2015 kl. 17:45

Afsaka villuna styður.

Valdimar Samúelsson, 14.8.2015 kl. 18:12

Kæri Halldór.

Sjálfsákvörðunarréttur þjóðar var einmitt alls ekki virtur á Krím Það var búið að hertaka Krím þó nokkru áður en svokallaðar kosningar fóru fram. Það var kosið undir vélbyssukjöftum og skortur var á flestum lágmarksviðmiðum lýðræðislegra kosninga eins og þær þekkjast um veröld víða.

Svona er ekki farið að nema þar sem alræðishöfðingjar sem Pútín, Hitler og Un í Kóreu eiga í hlutog ráða ríkjum og ráða einnig úrslitum kosninga að jafnaði.

Predikarinn - Cacoethes scribendi , 14.8.2015 kl. 20:04

Takk Valdimar

Cachoetes, þú berð hausnum við steininn. Krímverjar eru Rússar. Það var stríðsástand og það þurfti vélbyssukjafta til að spellvirki. Krím er rússneskt land með Rússum. úkraníumenn hefðu aldrei unnið þar atkvæðagreiðslu

Halldór Jónsson, 14.8.2015 kl. 21:44

....spellvirki yrðu ekki framkvæmd af Úkraínumönnm, fyrirgefið hvað ég er hroðvirkur

Halldór Jónsson, 14.8.2015 kl. 21:45

Kæri Halldór - þannig verður brátt á Íslandi ef fram fer sem horfir - þú verður kosinn undir ISIS eða hvað það nú verður. Það breytir ekki því að rússar fóru gróflega gegn þjóðare´tti og alþjóðalögum þegar þeir hernámu Krím - allt eins og þegar Hitler hóf innlimun ríkja í kring um sig. Eina stríðsástandið á Krím - sem og í Úkraínu - var af völdum dulbúinna yfirmanna í rússneka hernum og KGB, hvað þeir nú heita núna. Þeir skópu ástand og síðan hugarfar semheimurinn - og þú kæri Halldór áttu að blekkjast af og tala síðan um hina muklu nauðsyn að stilla til friðar sem rússneski bj0rninn gerði síðan í friðardúfuhamnum sínum. Það sáu bara flestir í gegn um það skuespil Pútíns.

Það virðast gleiri á einu máli með mér - hér skrifar fyrrum þingmaður, dómsmála- og menntamálaráðherra - Björn Bjarnason :

14.8.2015

Föstudagur 14. 08. 15

Furðulegt er að lesa ummæli ýmissa í netheimum eftir að Rússar ákváðu að beita okkur því óvinabragði að setja bann á innflutning á fisk. Bitnar ákvörðun þeirra um að beita ríki utan ESB ofríki líklega þyngst á okkur og brýtur í bága við allt sem viðgengist hefur í viðskiptum þjóðanna í tæpa sjö áratugi. Sovétmenn voru beittir viðskiptaþvingunum með banni á sölu hátæknivarnings til þeirra. Á þeim tíma seldu Kremlverjar Íslendingum á hinn bóginn olíu og keyptu af okkur ýmsan varning.

Nú lætur Pútín eyða matvælum frá Vesturlöndum í beinni útsendingu og veldur þjóð sinni skaða með því að loka fyrir innflutning á sjávarafurðir (fyrir utan kavíar frá Ítalíu) þá rísa hér upp menn hver um annan þveran og skamma íslensk stjórnvöld og kalla Pútín Íslandsvin eins og lesa mátti hjá einhverjum. Hvílíkur málflutningur.

Skömmu eftir að Pútín innlimaði Krím í mars 2014 í trássi við alþjóðalög kynnti Gunnar Bragi Sveinsson hörð mótmæli íslenskra stjórnvalda, lýsti þjóðaratkvæðagreiðslu á Krím marklausa og sagði að sem EES-ríki mundi Ísland taka þátt í viðskiptaþvingunum með öðrum EES-ríkjum, það er Noregi og Liechtenstein auk ESB-ríkjanna. Ekkert af þessu fór leynt eins og sjá má í fjölmiðlum þess tíma. Að Íslendingar hefðu sagt skilið við þennan ríkjahóp á þessum örlagatíma var fráleitt.

Frá því að þetta gerðist hefur Pútín ekki haldið að sér höndum á hernaðarsviðinu. Eins og sjá má hér segja sérfróðir menn að heræfingar Rússa annars vegar og NATO hins vegar sýni að aðilar búi sig undir átök. Pútín hefur stóreflt rússneska herinn á norðurslóðum og nú er boðað stóraukið sóknarafl hersins við landamæri Finnlands, Eystrasaltsríkjanna og Póllands.

Við þessar aðstæður keppast hinir ólíklegustu menn við að búa til einhvern séríslenskan veruleika þar sem talað er um íslensk stjórnvöld eins og örlagavald þegar allt ofríkið er í boði Pútíns og félaga. Ríkisstjórn og utanríkismálanefnd alþingis standa fast við ákvörðunina sem var tekin strax í mars/apríl 2014. Að hopa frá henni er óðs manns æði.

Í fréttum í dag segir að Sigmundur Davíð Gunnlaugsson forsætisráðherra hafi rætt málið í síma við rússneskan starfsbróður sinn Dmitríj Medvedev. Takist íslenskum stjórnvöldum að fá Kremlverja til að láta af ofstæki sínu ber að fagna því.

Predikarinn - Cacoethes scribendi , 15.8.2015 kl. 01:59