Frumkvæðislöggæsla

var hugtak sem ég heyrði í fyrirlestri Snorra Matthíassonar fyrir viku í Kópavogi þar sem hann lýsti kjarabaráttu lögreglumanna. Þessi þáttur væri sveltur vegna lélegra launa.

Ég hef áður sett út á það hvernig lögreglan virðist telja það starfskyldu sína að angra borgarana með ótímabærri afskiptasemi. Stoppa borgarana bara til þess að pirra þá þó ekkert sé að. Þetta gerir löggan í Bandaríkjunum ekki. Þú verður að gera eitthvað af þér til þess að þeir skipti sér af þér.

Þegar ég fór á Landsfundinn var haugur af lögreglubifreiðum og mótorhjólum og löggum fyrir utan Valhöll,-fyrirgefið Laugardalshöll sem er auðvitað Valhöll á þessum degi. Hvað voru þeir að gera? Stóðu með flögg með allskyns liði til að reyna að trufla frjálsa borgara.Sitja fyrir Bjarna Benediktssyni til að gera hróp að honum.  Hver var að borga þeim kaupið og farartækin?

Og hvað gerðu þeir svo? Jú, þeir réðust á alla bíla sem þeir gátu sett út á og skrifuðu sektarmiða. Frumkvæðislöggæsla líklega.

Á landsfundum sem ég hef sótt til þessa haf menn óáreittir lagt á grasinu meðan á setningu stendur þar sem parkplássin rúma ekki allan fjöldann. Auðvitað ekki rétt. Nei ekki núna. Ég fékk sekt uppá tíuþúsund kall. Gott á mig segir einhver. Og ekki setur Dagur Bé upp skeifu þar sem ég fæ að borga í Bílastæðasjóð Reykjavíkurborgar. Sem sagt vel lukkuð atlaga ríkis og Borgar að Landsfundi Sjálfstæðisflokksins. Til hamingju með það.

Gott að löggan gat notað ferðina til að réttlæta misnotkun sína á faratækjum ríkisins í kjarabaráttu sinni með því að sekta mig.Dein Freund und Helfer, vinur þinn og hjálparmaður,  man maður frá auglýsingum löggunnar í Þýskalandi í gamla daga.

Þá var líklega ekki búið að finna upp frumkvæðislöggæsluna í tengslum við kjarabaráttuna.

Athugasemdir

[Elfar Aðalsteinn Ingvarsson (IP-tala skráð) 24.10.2015 kl. 11:50]

Þetta þekkist víst í Bandaríkjunum, jafnvel í mun meira magni en hér á Íslandi. Leitaðu bara á google eftir "usa police checkpoint" og "usa stop and frisk".

Og þetta var ekki "frumkvæðislöggæsla" þú varst búin að brjóta lög og reglur með því að leggja þar sem þú gerðir og þeir bara sektuðu þig fyrir gerðan hlut.

[Jóhann Elíasson, 24.10.2015 kl. 12:03]

Þarna er Elfar Árni Ingvarsson með einhverja almestu afbökun á nokkurri færslu, sem ég hef nokkurn tíma séð.  Svo er í "fréttablaðinu" í dag heilmikil áróðursgrein, þar sem Jökull Gíslason lýsir því yfir að lögreglustörfin, séu MANNSKEMMANDI, vegna aðbúnaðar lögreglu og vinnuálags.  Ég veit ekki með aðra en ekki myndi ég hanga í starfi sem væri mannskemmandi.  Það er alveg ágætis ástand á vinnumarkaðnum nú um mundir og því er ekki nokkrum vandkvæðum bundið að skipta um starf ef raunverulegur áhugi er fyrir hendi.

[Elfar Aðalsteinn Ingvarsson (IP-tala skráð) 24.10.2015 kl. 12:29]

Afbökun?

Síðuhafi er að væla yfir því að hafa verið gómaður við lögbrot og notar það sem afsökun að lögreglan er að ofsækja hann í gegnum "frumkvæðislöggæslu" sem þekkist ekki í góðu landi eins og Bandaríkjunum.

Þannig að ég bendi á að 1. rík hefð er fyrir "frumkvæðislöggæslu" í fyrirheitna landinu hans USA líka og 2. hann lenti ekki í "frumkvæðislöggæslu" þar sem hann var tekin eftir að hafa brotið af sér.

[Jóhann Elíasson, 24.10.2015 kl. 12:50]

Það sem rétt er er það að lögreglan var þarna á staðnum,VEGNA KJARABARÁTTU SINNAR og því fékk hann sektina en ef lögreglan hefði EKKI verið í kjarabaráttu má ætla að hann hefði sloppið, því þeir hefðu ekki haft tíma til að fara á staðinn.  Eins og þú setur þetta fram í þinni færslu Elfar, er þetta afbökun og ekkert annað.

[Elfar Aðalsteinn Ingvarsson (IP-tala skráð) 24.10.2015 kl. 13:05]

Fyrir utan það að lögreglan er búin að sækja alla stóra viðburði í Reykjavík undanfarin ár til þess að sekta ólöglega lagða bíla.

Átti löggan þegar hún var búin með lögleg mótmæli sín að líta yfir alla þessa ólöglega lögðu bíla og hunsa þá? Væri það ekki mun verri niðurstaða að löggan hunsaði ákveðin lögbrot?

[Jóhann Elíasson, 24.10.2015 kl. 14:00]

Þeir hefðu átt að drífa síg í hlýjuna í bílunum því það hefur sýnt sig að þeir eru mjög næmir fyrir "veikindum" og þurfa að passa vel upp á að ekki slái að þeim.

[Óskar Helgi Helgason (IP-tala skráð) 24.10.2015 kl. 15:31]

Sæll Halldór - sem og aðrir gestir, þínir !

Óskylt: þessarri umræðu, hér efra.

Halldór !

Hvað varð - um hina feykigóðu færzlu þína (nr. 2104208), um hinn Snubbótta Landsfund gærdegis:: hvar, hin bezta umræða var komin í gang, um klækjabrögð og sviksemi, hins svonefnda Sjálfstæðisflokks ?

Ertu: að ritskoða sjálfan þig Halldór minn - eða komu boð þar um, annarrs staðar, í frá ?

Mér - sem eflaust fjölda annarra, þætti vænt í að vita, hvernig á þessu getur staðið, Verkfr. góður.

Með hinum beztu kveðjum - sem jafnan, og áður / 

[Halldór Jónsson, 24.10.2015 kl. 22:53]

 Sektarmiðinn er undirritaðaur Lögreglan en sektin rennur í Bílastæðasjóð Reykjavíkurborgar. Ég hélt að sektir lögreglu við lögrotum hlytu að renna til ríkisins sem er handhafi laganna en ekki í sjóði sem Dagur Bé stjórnar tímabundið? 

Geta menn farið í fangelsi hjá Reykjavíkurborg ef þeir ekki borga sektina?

[Halldór Jónsson, 24.10.2015 kl. 22:54]

Hver er þessi Elvar Aðalsteinn? Er hann lögga í kjarabaráttu?

[Elfar Aðalsteinn Ingvarsson (IP-tala skráð) 25.10.2015 kl. 02:33]

Nei ég er ekki, hef ekki verið og ætla mér aldrei að verða lögreglumaður. Ég þekki ekki neinn þeirra heldur.

Mér fannst bara ranghugmyndir þínar um löggæsluna í Bandaríkjunum ásamt vælinu um sekt sem þú fékkst fyrir brot sem þú viðurkenndir að hafa framið of fyndið til að sleppa að taka þátt í umræðuni.

[Halldór Jónsson, 25.10.2015 kl. 07:04]

ELvar minn, ég er ekkert að væla yfir sektinni. Ég lagði á grasið sem ég vissi að var ekki í lagi af því ég var að flýta mér.Líklega of mikið miðað við efni málsins.Ég er bara að velta fyrir mér tæknimálunum.Maður hefur oft sloppið með þetta svo deilt niður á fundina þá er þetta líklega ekki svo dýrt.