Stöðugleika-framlag eða skattur

það er vafinn sem okkar þjóðar-Hamlet þarf að svara.

Það er langur vegur á milli þeirra sem meta fyrra afbrigðið á móti því síðara. Munar hugsanlega helmingi.Og út úr því koma engir peningar heldur einhverjir efnisgripir. Eins og skuldir Reykjanesbæjar, máls-og launakostnaður skilanefndarinnar sem eru hluti af efnahag Íslandsbanka. Og margt fleira er til nefnt.

Þegar stöðugleikaskatturinn var kynntur af stjórnarforystunni í Hörpu þá leist mönnum vel á. Síðan er eins og ríkisstjórnin sé hætt að trúa á hæfni íslenska fullveldisins til þess að leggja á þá skatta innanlands sem enginn getur dregið í efa.

Stjórnarþingmaður hélt þessu  sem áhættu mjög fram á fundi í Kópavogi gegn mikilli andspyrnu fundarmanna.Þá sagðist bloggara svo frá:"Fundurinn fór eiginlega úr böndunum svo hart var sótt að Sigríði og missti fundarstjórinn nokkuð stjórn á honum vegna æsinga fundarmanna sem hótuðu að ganga úr flokknum og hætta að kjósa hann ef stjórnvöld ætluðu að lyppast svona niður í því að halda á hagsmunum almennings." 

Ríkisstjórnin verður að gera sér ljóst að trúverðugleiki hennar hjá almenningi er allur undir ef fólk telur að hún hafi glutrað þessu máli niður. Og trúverðugleiki flokkanna líka.

Flestir ólöglærðir telja að íslenska fullvalda ríkið geti lagt á skatta á Íslendinga og innlenda lögaðila eins og því sýnist. Ef einhverjum mislíkar þá getur hann skotið lagatextanum til Hæstaréttar sem verður að dæma eftir lögum aðeins.  

Er ekki allt annað hjóm og hræðsluáróður eins og að Evrópudómstóll eða Mannréttindadómstóll geti eitthvað breytt lögum á Íslandi?  Getum við ekki bara sagt okkur frá slíku ef með þarf? Til hvers eigum við að vera að hika við stöðugleikaskattinn?

850 milljarða stöðugleikaskattur var góð tillaga þó að sumum finndist hún vera of lág. Að fara að taka eitthvað rýrara í staðinn er fráleitt. Leggjum stöðuleikaskattinn á og innheimtum hann með fullri hörku og hættum að vera hrædd við að vera eða vera ekki. 

 

 

 

 

Athugasemdir

[Ómar Bjarki Kristjánsson, 28.1.2016 kl. 23:02]

Ég hélt það væri tómt mál að tala um þetta núna.

Ég hélt að sjallar og framsóknarmenn væru búnir að semja um málið fyrir þó nokkru síðan, allt gert bakvið læstar dyr í reykfylltum, skuggsýnum bakherbergjum.

Það fékk enginn einu sinni að sjá möppuna!  Hvorki þingmenn né aðrir.

[Predikarinn - Cacoethes scribendi , 28.1.2016 kl. 23:26]

ÓBK 

hefur rangt fyrir þér sem nánast ávallt, Þú ert ekkert fyrir að koma okkur á óvart 

Það var ríkisstjórn flugfreyjunnar og jarðfræðinemans sem leyfði engum að sjá Icesave samninginn skelfilega, enda þoldi sá ekki dagsljósið og var gerður í flýti því Svavar Gestsson mátti ekkert vera að því að hanga yfir honum dpgum saman og gæta hagsmuna skattgreiðenda sem skulduðu ekki krónu í þessu. Hann kom þessu frá á 0,1 eins og ykkur sósum er svo lagið því hann var líka að flýta sér í sumarfrí !

[Sveinn R. Pálsson, 29.1.2016 kl. 07:22]

Við höfum tapað yfir 500 milljörðum á þessum mistökum. Stöðugleikaskatturinn hefði gefið 850 en Ólafarnir á Hringbraut segja að við fáum í reynd um 300 milljarða út úr útgönguskattinum.

Skaðinn sem þeir Sigmundur og Bjarni hafa valdið er augljóslega sá mesti í Íslandssögunni.

[Ómar Bjarki Kristjánsson, 29.1.2016 kl. 10:44]

Það er vel þekkt hvernig icesaveskuldarmál sjalla fór.  Ríkisbankinn var látinn borga í staðinn fyrir ríkissjóð.  Nú, sjallar komu svo með framsóknargemlingana hangandi í halanum og hirtu rest.

Þetta er vel þekkt og ekkert leyndarmál.

Síðan fóru þeir í þessi myrkraverk með kröfuhöfum.

Þessi saga er öll skráð og ekkert leyndarmál frekar en skaðaklafinn sem framsjallar eru búnir að knýja á herðar innbyggja með lygaþvælu sinni og ómerkilegheitum.

Svo eru menn hissa yfir að fólk flýji hér undan þessari sjalla-áþján.  Eigi er eg hissa.

[Elle_, 31.1.2016 kl. 21:41]

Sveinn það er fjarstæða að VIÐ höfum tapað einhverju á að láta ekki kúga okkur.  Það þýðir ekki mikið að hlusta á Ómar að ofan (las ekki einu sinni það sem hann skrifaði og nenni oftast ekki að pirra mig á rakaleysunni í honum). 

[Elle_, 31.1.2016 kl. 22:38]

Kannski misskildi ég þig Svein þarna, veit það ekki.

[Elle_, 31.1.2016 kl. 22:39]

Sveinn.