Einarsnesið

og fyrirhugaðar byggingar þar eru enn ein rýtingsstungan gegn Reykjavíkurflugvelli.

Sigur núverandi meirihlutaflokka með óþarfri fjölgun Borgarfulltrúa verður Höfuðborginni dýrkeypt. Án fjölgunar Fulltrúa hefði þessi meirihluti ekki getað myndast til alls þess ógagns sem hann á eftir að vinna.

Styrjöldin gegn einkabílnum hefur því enn magnast upp og öllum vötnum skipað að renna upp í móti undir forystu Dags B. Eggertssonar. Flugvöllurinn skal í burtu segir þessi meirihluti líka ótvírætt  og þróunarstjóri hans. Borgarlína, Miklubrautarstokkar  og Öskjuhlíðargöng eru framtíðin. Gangandi og hjólandi talið um ferðamáta sem enginn getur notað ríður húsum og stefnt er að því að trufla og tefja raunumferð borgaranna sem allra mest og drepa umræðunni á dreif með þrugli um deilbílakerfi og hjólaleigur.

Ofan á byggingarumferðina við Landspítalann mun byggingarumferðin vegna Einarsnessins valda breytingum á búsetuskilyrðum fyrir marga sem nú búa í friðsælum Skerjafirðinum.  

Athugasemdir

[Þorsteinn Briem, 11.7.2018 kl. 00:34]

Kosning um Reykjavíkurflugvöll fór fram og spurt var hvort flugvöllurinn ætti að fara af Vatnsmýrarsvæðinu eftir árið 2016 og eftir því hefur verið unnið og samningar gerðir á milli Reykjavíkurborgar og ríkisins.

[Þorsteinn Briem, 11.7.2018 kl. 00:35]

20.3.2001:

"Í kosningunni, sem var rafræn, var hægt að kjósa á milli þriggja kosta.

Í fyrsta lagi að flugvöllur yrði áfram í Vatnsmýri eftir 2016.

Í öðru lagi að flugvöllur færi úr Vatnsmýri eftir árið 2016 og í þriðja lagi var hægt að skila auðu."

Meirihlutinn vill flugvöllinn burt í kosningum um framtíð Vatnsmýrarsvæðisins og staðsetningu flugvallarins

[Þorsteinn Briem, 11.7.2018 kl. 00:39]

Ómar Ragnarsson segir að ekkert sé að marka kosningarnar í mars 2001 um flugvöllinn á Vatnsmýrarsvæðinu, þar sem þessar kosningar séu ekki nýlegar.

Skipulag á flugvallarsvæðinu er að sjálfsögðu gert til langs tíma en ekki til nokkurra ára og fjórar borgarstjórnarkosningar hafa farið fram hér í Reykjavík á þessu tímabili.

Meirihluti borgarfulltrúa hefur allan tímann viljað að flugvöllurinn fari af Vatnsmýrarsvæðinu.

Þar af leiðandi hefur að sjálfsögðu verið kosið um flugvallarmálið í öllum kosningunum.

Sumir skoðanabræðra Ómars Ragnarssonar í þessu máli hafa reynt að tefja það að flugvöllurinn fari af Vatnsmýrarsvæðinu með löngum málaferlum, sem þeir hafa tapað en vilja að sjálfsögðu ekki sætta sig við það.

Og þá kemur að sjálfsögðu söngur þeirra um að langt sé liðið frá kosningunum um flugvöllinn.

Því meira sem þeir tefji málið því betra að þeirra dómi, því þá sé lengra liðið frá sérstökum kosningum um málið.

[Þorsteinn Briem, 11.7.2018 kl. 00:42]

19.8.2016:

"Reykjavíkurborg hefur keypt landsvæði í Skerjafirði þar sem flugbrautin 06/24 er en henni hefur nú verið lokað."

"Afsal og kaupsamningur var gerður í síðustu viku og hvort tveggja, ásamt eldri samningum um málið, var kynnt á fundi borgarráðs í gær.

Kaupsamningurinn byggir á "Samkomulagi um skipulag og uppbyggingu á landi ríkisins við Skerjafjörð" sem gert var á milli ríkis og Reykjavíkurborgar 1. mars 2013.

Í því er kveðið á um greiðslu kaupverðs og útgáfu afsals eftir að tilkynnt hefur verið formlega um lokun brautarinnar.

Greiðsla hefur nú verið innt af hendi og afsal undirritað."

[Þorsteinn Briem, 11.7.2018 kl. 00:58]

Á Vatnsmýrarsvæðinu nægir ekki að nota einungis austur-vestur flugbrautina, landið undir norður-suður flugbrautinni er nær allt í eigu Reykjavíkurborgar, sem fer með skipulagsvald á svæðinu og eignarrétturinn er friðhelgur, samkvæmt stjórnarskránni.

[GB (IP-tala skráð) 11.7.2018 kl. 10:14]

1200 íbúðir með 600 stæði og öll umferðin um þessa örmjóu götu. S´æe að eignum í Skerjafirði fer fjölgandi hjá fasteignasölum.

[Valdimar Samúelsson, 11.7.2018 kl. 11:28]

Ég spyr hverjir vilja íbúðir við flugvöll.