Alltaf má fá annað skip

og annað föruneyti.Svo orti Hannes Hafstein.

Hefði ekki verið æskilegra hjá þessum athafnamönnum sem ætla að nú prúðbúnir að  setja á stofn nýtt lággjaldaflugfélag á milljarðarústum  Skúla Mogensen, að kaupa frekar nýtt hlutafé í Icelandair? Reyna að efla eitt flugfélag í stað þess að byrja á nýrri niðurboðavitleysu? Nei sú leið er helst aldrei farin. Það er Egóið sem er framr öllu öðru.

Og svo kemur Ballarin byssubraskari á eftir til að fullkomna það að Íslendingar sitja hugsanlega uppi með ekkert flugfélag.

Nei það er svo gaman að vera bigshot þegar enginn hörgull er að fá flugvélar bara með því að skrifa undir.Og safna upp skuldum hjá öllum viðskiptaaðilum eins og Isavia og smærri spámönnum.

Menn gleyma því yfirleitt að aðalvandamálið í rekstri er alltaf lausafjármagnið og að tapa ekki á rekstrinum. Hver og hver og vill koma með milljarð í þetta? Örugglega enginn sem á hann sjálfur.

Að reka eitthvað skynsamlega geta margir meðalsnotrir og hagræðing er yfirleitt eitthvað sem heitir almenn skynsemi en ekki töfrabrögð manna með eitthvað háskólapróf.

Það eru yfirleitt bara tveir naglar í rekstri sem heita inn og út. Skúli hafði meira á útnaglanum en inn og því fór sem fór að það vantaði víst 5000 kall á hvern farmiða sem munar heilu helvíti þegar margir koma saman.

Og Icelandair tapaði auðvitað skelfilega vegna þess að Skúli lækkaði stöðugt fargjöldin sem félagið verður að reyna að skrapa inn af núverandi farþegum meðan hléið er. 

En það er samt hvergi neinn frír hádegisverður í boði sagði Milton Friedmann og allur rekstur í samkeppni er stöðugur bardagi og slítur mönnum upp til agna fyrr eða síðar. 

Ný lággjaldaflugfélög fara örugglega á hausinn og valda öllum ómældu tjóni.Það er bara spurning um gjalddagann og hver lifir af því alltaf má fá önnur skip og önnur föruneyti.

Athugasemdir

[Kolbrún Hilmars, 6.11.2019 kl. 15:47]

Las það á FB síðu erlends vinar að nýja flugfélagið hinnar amerísku verði selt sem íslenskt en ekki amerískt.  Skyldi það vera satt?

[Sigurður Antonsson, 6.11.2019 kl. 22:30]

Minnimáttarkennd og leitun Íslendinga að athygli gerði eitt sinn Ísland að stórveldi í fjármálaheiminum. Þegar McDonalds fór frá Íslandi var eins og hjartastopp hafi orðið í maskínunni að margra áliti. Alltaf koma nýir sjálfboðaliðar sem vilja hnoða og gera enn betur.

Flugsaga Íslands og rekstur flugfélaga yfir Atlandshafið er einn afreksaga margra fullhuga sem tókst að færa Ísland nær meginlöndum. Eftir fall WOW er margt að komast á betri veg í rekstri og minni spenna á atvinnumarkaði. Raunhæfari rekstur þjóðarbús. Tek undir með þér að styðja við rekstur Flugleiða sem hafa sýnt mikinn styrk á erfiðum tímum í flugrekstri og samkeppni frá ótal erlendum flugfélögum.