Kommaópera

var flutt á Austurvelli.

Heimtuð einhver stjórnarskrá sem hvorki þjóðin né Hæstiréttur vill sjá. Og svo hausinn af Kristjáni Þór Pompadour til viðbótar.

 Á þetta lið að vera þjóðin?

Gunnar Smári, Ragnar Þór og Sólveig Anna? Og nýi Kommúnistaflokkurinn þeirra?

Ég vil ekki fyrir mína parta sjá þetta stjórnarskráruppkast sem tætingsliðið samdi hér um árið.

Stjórnarskráin sem þjóðin samþykkti nær einróma 1944 hefur dugað okkur alveg nægilega þó hana megi sjálfsagt eitthvað bæta.

En engum úrslitum hefur einhver stjórnarskrá valdið í örlögum þjóða til þessa. Sannaðist slíkt gagnleysi best í Tékkóslóvakíu þegar kommúnistar rændu völdum þar 1947 að stjórnarskrá er einskis virði ef skríllinn og kommabandíttar komast til valda. Og hvar eru stjórnarskrár Sovétríkjanna og Austur-Þýzkalands niðurkomnar núna? Menn virða aðeins það sem þeir ætla sér. 

 

Flestum sem þetta stjórnarskráruppkast lesa verður fljótlega ljóst að það er algerlega óbrúklegt plagg sem Gagnfræðaskólaritgerð, hvað þá Stjórnarskrá fyrir heila þjóð. Í henni rekur sig hvað á annars horn eins og gjarnan hendir í málflutningi upphlaupa- og tætingsliðs.

Þessi Kommaópera er ekki það sem til framfara horfir

 

Athugasemdir

[Guðbjörg Snót Jónsdóttir (IP-tala skráð) 8.12.2019 kl. 14:09]

Sammála. Ég get ekki annað sagt en: Aumingja stjórnarskráin okkar. Hvers á hún eiginlega að gjalda? - Þsð varð hér bankahrun og þá var æpt á nýja stjórnarskrá. Henni var víst ætlað að bjarga öllum málum, þó að ég sjái ekki, hvernig það hefði átt að gerast eða með hvaða hætti ný stjórnarskrá hefði átt að gera allt betra. Svo þurftu þessir Samherjamenn að svína á Namibíumönnum, sem var andstyggilegt, en þá er ennþá æpt og öskrað á nýja stjórnarskrá. Að hvaða leyti mundi hún bjarga í þeim efnum? Ég sé það ekki í fljótu bragði. Ég skil ekki þessa kröfu um glænýja stjórnarskrá, og hvernig hún getur bjargað þjóðinni úr alls kyns vandræðum, sem yfir dynja, og það í hvert sinn, sem eitthvað miður gott gerist. Þetta hljómar eins og æpt sé og skrækt á töfralækni að koma með eitthvað elíksír, sem á að vera allra meina bót. Svei mér þá, þetta hljómar eins og snargalið lið. Ég skil þetta ekki. Það þarf kannske að laga einhverjar greinar í stjórnarskránni, og allt í lagi að gera það, en að æpa svona og öskra á glænýja stjórnarskrá, ef eitthvað gerist, sem fólki er á móti skapi, og meina, að stjórnarskránni sé að kenna allt sem miður fer í þjóðfélaginu. Ég get ekki annað sagt, en það sé bilun. Svo er stundum talað, eins og ný stjórnarskrá sé jafnvel til nú þegar, og "þjóðin" hafi kosið sér hana, og líklegast verið að vísa til þessa uppdráttar að nýrri stjórnarskrá, sem þetta ólöglega stjórnlagaþing setti saman, og meina, að öll þjóðin hafi heimtað það. Ég tel mig nú tilheyra þessarri þjóð, en tel mig ekki vera eina af þessarri "þjóð", sem þetta snarruglaða lið, sem æpir og skrækir á hverjum laugardegi á Austurvelli, er alltaf að tala um. Þetta er hreint ömurlegt vægast sagt. Ég get ekki sagt annað.

[GÍSLI HOLGERSSON - ICELAND (IP-tala skráð) 8.12.2019 kl. 15:14]

Margir telja mótmæli við ALÞINGI útilokuð vegna bílastæða-leysis og sekta Reykjavíkurborgar. Þetta er harður "útivistar" hópur, sem mætir. Stundum var börnunum keyrt í rútum frá skólunum með kröfuspjöld vegna Loftslagsmála, þrátt fyrir mótmæli þúsunda vísindamanna, sem mótmæla Svíþjóðar undrinu.

Við lifum í breyttu fámennu Landi þar,sem sagan var skrifuð Við gáfum í tonnum talið FISK,SKREYÐ,LÝSI og VATN til fátækra erlendis. Í dag er allt "INNFLUTT".

Blessum ÍSLAND fámenni OKKAR og Kristna siði. 

[Halldór Jónsson, 9.12.2019 kl. 12:01]

Mæltu kvenna heilust Guðbjörg Snót.Þetta er svo sannarlega rétt sem þú segir og kjarni málsins.Þetta Þorvaldar lið sem æpir um nýja stjórnarskrá veit lítið hvað það er að tala um og yfirleitt til hvers slík plögg eru.

Gísli, þú ert maður að mínu fullveldisskapi.