Framsóknarmenn sameinist!

Eigi að vera mögulegt að koma á samhentri stjórn á Íslandi ber bráða nauðsyn til að Framsóknarmenn og Miðflokkurinn renni formlega saman í fyrra horf. Sigmundur Davíð er sigurstranglegri sem formaður þess sameinaða flokks þó margt sé vel um Sigurð Inga.

Davíð Oddsson ritar svo um stöðu íslenska flokkakerfisins:

"Í skoðanakönnun um fylgi stjórnmálaflokkanna sem MMR birti í gær, var enginn hástökkvari sem skar sig úr. „Virðist sú grein hafa verið sett til hliðar um hríð og einungis keppt í því hvaða flokkur gæti orðið hæstur í lágstökki,“ segir Davíð Oddsson, ritstjóri Morgunblaðsins, í leiðara blaðsins í dag.

„Sjálfstæðisflokkurinn mældist þannig með 19,8% fylgi sem einhvern tíma hefði þótt saga til næsta bæjar og jafnvel til bæjarins utan við hann.
Hinn burðarflokkur íslenskra stjórnmála, Framsóknarflokkurinn, mældist aðeins með 8,8% fylgi og bætir þó við sig einu prósentustigi frá síðustu mælingu, sennilega eftir að hann tók afgerandi afstöðu í orkupakkamálinu,“ segir ennfremur í leiðaranum.

Þar er jafnframt vikið að minnkandi stuðningi við ríkisstjórn Katrínar Jakobsdóttur.

„Stuðningur við ríkisstjórnina minnkar mikið á milli kannana eða um 5,3 prósentustig og minnkar stuðningurinn þannig um 16%. Það er eftirtektarvert því ekki verður séð að ríkisstjórnin hafi fengist við erfið mál fram að þessu og eins fer fjarri að stjórnarandstaðan birtist þjóðinni sem heildstæður og sannfærandi kostur,“ skrifar ritstjóri Morgunblaðsins."

Smáflokkakraðakið er ekki líklegt til að veita þjóðinni þá forystu sem hún þarf. Hversu margir hafa trú á að samstjórn Pírata, Viðreisnar,Samfylkingar eða Flokks Fólksins komi fram með framtíðarsýn og úrræði? Gætu Sjálfstæðisflokkur og sameinaður Framsóknarflokkur ekki frekar náð saman um þjóðþrifamál heldur en fyrri sýnin?

 

 

Athugasemdir

[GÍSLI HOLGERSSON - ICELAND (IP-tala skráð) 16.12.2019 kl. 15:10]

Sammála stjórnmálaflokkum með þjóðernissinnaðar skoðanir fyrir ÍSLANDI og ALLRI framleiðslu Bænda,Sjávarútvegs og Gróðurhúsa frá ÓMENGUÐU Landinu OKKAR.

VIÐ seljum EKKI 1-m2 af Landinu OKKAR til erlendra auðkýfinga. Við útilokum ESB flokka,sem hrópa eftir SKIPUNUM og VISTINNI með "hverfandi" ESB löndum. Heyr fyrir skoðunum Englendinga.

RÉTT. Miðflokkurinn/Framsóknarmenn, Ragnar Þór og Sjálf-stæðismenn gætu orðið OFURFLOKKUR til góðs fyrir ÍSLAND. Máttur "sérhagsmunahóps ALÞINGIS og Embættismanna" er orðin ógn við ÍSLENDINGA.

[Gunnar Rögnvaldsson, 16.12.2019 kl. 22:01]

Halldór minn.

Framsóknarmenn eru sameinaðir í Framsóknarflokknum. Þeir eru bara ekki fleiri en þetta. Enda er formaður hans orðinn helsti sveitafellir Íslandssögunnar. Hann vill útrýma sveitunum með því að taka frá þeim sveitarfélagið. Hann er á móti sjálfstæði sveitafélaga og hann er á móti sveitum.

Þess vegna.

Kveðjur

[Halldór Jónsson, 17.12.2019 kl. 10:29]

Gunnar minn ég er að reyna að auka stabilítet á Alþingi, Sameinaðan Framsóknarog Miðflokk og leifarnar af Sjálfstæðisflokknum til að hafa einhverja stjórn á vitleysunnu.