Leita í fréttum mbl.is

Hvaðan á að fá evrur í umslögin?

eftir áþvingaða "kjarasamninga" á Íslandi þar sem hundruð kjarafélaga með stöðvunarvald fá að starfa án afskipta ríkisvaldsins? 

Björn Bjarnason skrifar í dag um holan hljóminn í boðskap Viðreisnar. Þar flettir hann í sundur innihaldsleysi  boðskapar ESB flokkanna á Alþingi og hversu fáránleg hagspeki býr að baki grunnstefi flokkanna tveggja með upptöku evru og inngöngu í ESB:

Björn segir:

" Í umræðum á alþingi um verðbólguskotið í ársbyrjun birtist vel evru-stoðin undir Viðreisn í ræðum Þorgerðar Katrínar Gunnarsdóttur.

Af ræðum Þorgerðar Katrínar Gunnarsdóttur, formanns Viðreisnar, skrifum Benedikts Jóhannessonar, stofnanda og fyrrverandi formanns Viðreisnar, og hugleiðingum Þorsteins Pálssonar, hugmyndafræðings Viðreisnar, blasir við að upptaka evru er kjarninn í stefnu flokksins og það sem heldur honum saman sem jákvætt afl, neikvæði sameiningar- og tilvistarþáttur flokksins er andúð og tortryggni í garð Sjálfstæðisflokksins. +

Síðari þátturinn er eðlislægur í flokksbrotum og einstaklingar sigrast ekki á honum fyrr en þeir ganga að nýju til liðs við gamla móðurflokkinn eins og margsannað er hér og erlendis.

Í umræðum á alþingi fimmtudaginn 28. janúar birtist vel evru-stoðin undir Viðreisn í ræðum Þorgerðar Katrínar þegar hún ræddi við Bjarna Benediktsson, fjármálaráðherra og formann Sjálfstæðisflokksins, í tilefni af því að Hagstofa Íslands birti tölur um 4,3 ­– 4,7% verðbólgu.

Formaður Viðreisnar sagði að í ferðaþjónustulöndum í Suður-Evrópu væri verðbólga við eða undir 0% verðbólgu. Íslenska krónan væri „því enn og aftur að valda verðbólgu hér heima við“. Seðlabanki Íslands hefði reynt að verja fall krónunnar en vegna þeirra tilrauna gæti seðlabankinn ekki „prentað peninga eins og allir seðlabankar eru að gera núna“. Það leiddi til lakari lánskjara fyrir ríkissjóð og skerti svigrúm íslenskra stjórnvalda til mótvægisaðgerða.

„Þetta verðbólguskot er enn ein áminningin um hve vitaónýt íslenska krónan er, hve djúpstæð vandamál hún skapar á endanum fyrir heimilin og fyrir fyrirtækin til skemmri en líka til lengri tíma,“ sagði formaður Viðreisnar og bætti við: „Er það einfaldlega þannig að það megi ekki ræða krónuna, sjálfan fílinn í herberginu?“

Spurningin um fílinn snýr frekar að Viðreisn en öðrum. Hún gefur til kynna að þar á bæ finnist einhverjum nóg um hve evrunni er mikið hampað. Varla getur Þorgerður Katrín talið að þeir sem taka málstað krónunnar sé þvert um geð að ræða ágæti hennar? Prentun peninga án innstæðu er jafnan nefnd sem váboði þegar verðbólga er rædd en það lögmál á greinilega ekki við núna þegar evrum er dælt út úr prentvélunum.

Bjarni Benediktsson sagði að lokinni ræðu formanns Viðreisnar að skilja mætti orð hennar á þann veg að það væri „eftirsóknarvert að vera í hagkerfi þar sem verðbólgan er 0,5%“. Hann liti á hinn bóginn á það sem merki um sjúkleika þegar seðlabanki evrunnar lofaði að „kaupa 70% af öllum ríkisútgefnum pappírum á næstunni — 70%.“ Það bæri ekki sér væntingar um hagvöxt en slíkar væntingar væru hér á landi.

Hann taldi það ranga niðurstöðu hjá Þorgerði Katrínu að kenna íslensku krónunni um verðbólguskotið hér. Að baki því lægju mælanlegar stærðir: Launahækkanir kynnu að hafa „smitast út í verðbólgu“ í hærri álagningu í þjónustu og vöru. „Horft fram á við gerir allur markaðurinn á Íslandi ráð fyrir því að Seðlabankanum gangi vel að ná tökum á verðbólgustiginu og að verðbólga fari lækkandi á komandi misserum,“ sagði fjármála- og efnahagsráðherrann.

Þessu svaraði Þorgerður Katrín með spurningu:

„Er ekki tími til kominn, líka fyrir aðila vinnumarkaðarins í samvinnu við stjórnvöld, að fara að ræða gjaldmiðilinn okkar, eins og ég gat um áðan, fílinn í herberginu? Getur verið að launaþróunin sé með þessum hætti hér heima af því að við erum með þennan gjaldmiðil?“

Þarna sannaðist enn að Viðreisn er eins-máls-flokkur, eintals-evru-flokkur."Flokkurinn er sjálfur fíllinn í herberginu sem engin leið er að tjónka við vegna einsmáls trúarskoðanir hans.

Til viðbótar er hér enn einn fílaflokkur sem heitir Samfylking. Stefnur þessara flokka eru nánast afrit af hvorri annarri þannig að enginn getur greint á milli nema mismunandi skeggvaxtar og hárgreiðslu formannanna. Varla dugandi veganesti í kosningabaráttu að hafa tvo óhagganlega fílaflokka til að velja á milli? 

Furðu skrif dr. Benedikts í maðkabox Moggans í takt við Björn Leví ættu svo að duga til að skýra stefnumið þessa fólks út fyrir kjósendum, allavega þeim sem meðalsnotrir gætu talist. 

Verkalýðshreyfingin þegir svo þunnu hljóði. Hún hefur aldrei viljað útskýr það hvernig ríkisvaldið eigi að standa við þá kjarasamninga sem verkalýðshreyfingin hefur óábyrgast gert með tugum prósenta launahækkanir umfram getu hagkerfisins.

Hvaðan á að fá evrur í umslögin?

Seðlabankinn fær ekki lengur að fella gengið og fær ekki að prenta evrur.

Þorgerður virðist skilja það að einhverju leyti að ofurval verkalýðsfélaganna á Íslandi er með hætti að ekkert þjóðfélag verður rekið með frítt spil þessara bófaflokka yfir höfðum sér.Hún segir: "...líka fyrir aðila vinnumarkaðarins í samvinnu við stjórnvöld," .Slíkri samvinnu hefur nær aldrei verið komið á síðan í þjóðarsátt og sýnir sig að ráðast mikið af pólitískri innréttingu einstakra forystumanna. Fólk á borð við Sólveigu Önnu og Ragnar Þór verða líklega seint staðin að gerð þjóðarsáttar. 

Íslendingar eru nefnilega efnahagslegir óvitar með eldspýtur í púðurtunnu hagkerfisins. Það er margsannað mál.

Evruspekingarnr og ESB sinnanrnir hafa aldrei svarað grunnspurningunni um "kjarabaráttuna" á Íslandi sem semur oft um það sem ekki er til.

 

Hvaðan á að fá evrur í umslögin?

 

 

 

 

 


« Síðasta færsla | Næsta færsla »

Athugasemdir

1 identicon

Vilja kjósendur á ÍSLANDI ganga í "skuldabandalag Evrópu"? Ef ekki, þá forðumst við Samfylkinguna og Viðreisn og "einstaklinga", sem heldur vilja vera í fangi getu og gagnleysi 27 Evrópuþjóða. 

Vandamál ÍSLENDINGA er það sama og í ESB löndum Kristinnar Evrópu vegna samvinnu við stjórnlausa ESB sinna á ALÞINGI: Taumlaus innflutningur hælisleitenda frá ólíkum löndum með ólíka siði er að gjörbreyta Vestur Evrópu. Hitt vandamálið eru loftslagsmál og hálendishugmyndir hjá "skítblankri" fámennri þjóð, sem auk þess berst við atvinnuleysi í þúsunda tali. Hættum fáránlegum uppfinningum á Alþingi og kennum börnunum okkar sparnað og hagsýni.

Veljum leiðtoga og þjóðernissinna inn á virt ALÞINGI, sem starfa fyrir ÍSLENDINGA og framtíð fámennrar þjóðar.

Gísli Holgersson (IP-tala skráð) 30.1.2021 kl. 11:23

2 identicon

Kjósum ESB sinna frá Alþingi í næstu kosningum. Fækkum flokkum og stjórnleysi þeirra, sem snúast um hamslaus ríkisafskipti.

Er ekkert bóluefni á markaðnum fyrir stjórnleysingja, sem vinna á "eigin" vegum, en ekki fyrir fámenni okkar ÍSLENDINGA.

Vinnandi fólk tryggði sig best með sinn einka lífeyrissjóð innan Seðlabankans, ríkistryggðan frá barnsaldri til full-orðins ára. Seðlabankastjóri, Ragnar Þór og fleiri gætu gætt þessa sjóðs með vöxtum. Miljóna upphæðir gætu myndast og ekkert þvarg um fjárfestingar?  

Gísli Holgersson (IP-tala skráð) 31.1.2021 kl. 15:29

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (28.3.): 5
  • Sl. sólarhring: 5
  • Sl. viku: 52
  • Frá upphafi: 3417960

Annað

  • Innlit í dag: 5
  • Innlit sl. viku: 49
  • Gestir í dag: 5
  • IP-tölur í dag: 5

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband