Göngum úr Schengen !

Af fáum ráðstöfunum stjórnvalda hin síðari ár hef ég verið minna hrifinn en ingöngunni í Schengen. Mér er sagt að þetta hafi verið eitt af fáum sérstöku baráttumálum Halldórs Ásgrímssonar og er þá að vonum.Aðeins Einar Oddur og Gunnar I.Birgisson sátu hjá þegar Sjálfstæðisflokkurinn var neyddur til að samþykkja þetta óheillamál Framsóknar til að bjarga ríkisstjórninni.

 

Eitt af þvi sem þá var haldið fram, að þetta samstarf myndi skila lögreglu mun betri upplýsingum um glæpamenn en annars hefði verið. Nú upplýsir Hildur Dungal í Útlendingaeftirlitinu , að þessu sé þveröfugt farið. Upplýsingar frá SIS séu nánast ófaánlegar. Schengenborgarar, heiðarlegir eða óheiðarlegir,  komi hingað án eftirlits og geti dvalið hér eins leng og þeim sýnist. Það er ekki einu sinni hægt að vita hvenær þeir komu eða fóru eða fóru ekki eins og komið hefur fram um glæpamenn í farbanni stjórnvalda. Sem sagt algert eftirlitsleysi. Nema ef heiðalegir menn vilja sækja um atvinnuleyfi hér en það gera hinir óheiðarlegu auðvitað ekki.

 

Í Bandaríkjunum er fylgst með því að þú dveljir ekki lengur en 3 mánuði án visa eða 6 mánuði með visa. Hér er ekki neitt eftirlit.

 

Bretar létu hjá líða að ganga í Schengen af augljósum ástæðum eylandsins. Við gengum í þetta af eintómri talhlýðni  með augljósum afleiðingum, sem birtast okkur meðal annars í vopnaleit í Keflavík þegar komið er frá Bandaríkjunum, eins fáránlegt og það nú er.

 

Mér finnst núna vera lag til að ganga úr Schengen þegar Framsókn er utan stjórnar. Þá getum við krafist bakgrunnsrannsóknar á þeim sem hingað koma eins og við gátum áður en getum ekki lengur. Íslendingar eru flestir hættir að verða svo fullir í flugvélum til útlanda að þeir geti ekki dregið upp passann sinn. Sem þeir verða þó raunar yfirleitt að gera hvort sem er, þó að okkur hafi verið sagt annað.

 Schengen aðildin hefur ekki staðið undir væntingum heldur þveröfugt og á því að endurskoða án tafar

Athugasemdir

[Guðmundur Jónas Kristjánsson, 16.1.2008 kl. 14:27]

Hef oft tjáð mig um þetta og er þér Halldór innilega sammála. Göngum úr
Schengen, og ÞAÐ STRAX!  Kannski misminnir mig. Hélt að Einar Oddur hafa
greitt atkvæði á móti þessu en ekki setið hjá auk Einars K Guðfinssonar.
Alla vega talaði Einar Oddur mjög á móti þessu og gerði grín af þessari
lönguvitleysu. Að eyþjóð uti á miðju Atlantshafi hafi gengið í Shengen er
meiriháattar brandari, og það dýr.  Eyþjóðirnar Bretar og Írar hafa enga
ástæðu séð til þess.. 

[Ágúst H Bjarnason, 16.1.2008 kl. 16:02]

Hverjir ætli séu kostir þess að vera í Schengen umfram það að vera utan Schengen?  Einhverjir hljóa þeir að vera, eða hvað?

Bretar eru eyþjóð eins og við og vilja vera utan Schengen. Þeir hljóta að hafa einhver góð rök.

Hvað ætli það sé mikið mál að ganga úr Schengen?

[Guðmundur Jónas Kristjánsson, 16.1.2008 kl. 17:56]

Eini  kosturinn við Schengen er að maður þarf ekki að sína vegabréf innan svæðisins. Sem þýðir galopnun landamæra þeirra ríkja sem þar
eru. Þetta er orðið 500 millj manna svæði. Sem
þýðir að allskyns glæpalýður getur eftirlitslaust
flakkað innan svæðisins óhindrað. Óhug setur að mörgum vestrænum ríkjum eftir að 10 fyrrv.
austantjaldslönd gerðust aðilar um s.l áramót,
því þar er meiriháttar glæpagengi. Þá eru ytri
landamæri í raun í rúst sbr mikill flaumur flótta-
manna frá Afríku til Möltu, Spánar, Ítalíu og fl.
ESB landa. Því um leið og þessir ólöglegu innflyjendur komast inn á Schengin eru þeir um
leið komnir innfyrir landamæri Íslands. Þá er
kostnaðurinn við Schengen mjög mikill allt að
1 milljarður á ári sem betur mætti verja í aðra
löggæslu. Þannig að ókostirnir eru margfalt
fleiri en kostirnir fyrir eyþjóðir. Það hafa Bretar
og Írar alla vega komist að.- Það er ekkert
mál að ganga úr Schengen þegar pólitísk
ákvörðun á Íslandi liggur fyrir. Kannski örfáir
mánuðir.

[Halldór Jónsson, 16.1.2008 kl. 22:36]

Þakka undirtektir,það gleður mig að heyra í ykkur sem hafið sömu efasemdirnar og ég. En ætli þetta sé til nokkurs að hafa svona skoðanir ? Hvað eru þessir þingmenn að hugsa ? Þekkir einhver til þankagangsins í þeim ?

[Hagbarður, 16.1.2008 kl. 23:09]

Ég held að Schengensamstarfið sé okkur ekki til hagsbóta. Setur að mínum mati á okkur óþarfa kröfur og aukinn kostnað sem jaðarsvæði Schengensvæðisins.

En kannski er aðildinn hluti af þankagangi kjörinna fulltrúa okkar og embættismanna framkvæmdavaldsins að komast í klúbbinn með stóru strákunum og núna það nýjasta að komast að í Öryggisráðinu (með tilheyrandi kostnaði), ferðast um heiminn með sendinefndir og hitta helst alla mannætuforingjana til að tryggja fylgið.

[Bjarni Kjartansson, 17.1.2008 kl. 12:51]

sagði Davíð á sínum tíma, að vera ekkert að gera Halldóri þetta til geðs.

ÞEtta væri bara eintómt bull og vitleysa.

Fullvalda ríki er nauðsynlegt, að ráða sínum landamærum sjálft, án einhverra samningaumleitana um, hvort megi þetta lið sem hingað kemur eða ekki.

 Allt sem ég listaði upp um ófögnuð sem þetta nýtti sér, hefur ræst og nokkuð meir sem ég hafði ekki einusinni hugarflug til að gera mér ljóst.

Úr Schengen og förum í TVÍHLIÐA samninga við ESB á sama hátt og Sviss gerði á sínum tíma.

Miðbæjaríhaldið

[Pétur Halldórsson (IP-tala skráð) 17.1.2008 kl. 22:53]

Mikið er ég sammála. Þetta shcengen mál er hið versta mál. Þetta var ekki gæfuspor frekar en að púkka upp á mesta stjórnmálafífl íslandssögunar Halldór Ásgrímsson (utan Jónas frá Hriflu kannski) öll þessi ár í ríkisstjórn.

Við skulum líka ekki heldur gleyma því að, Davíð og sjálfgræðisflokkurinn á sína sök í þessu líka

Göngum endilega úr þessu bévítans óheilla veseni og það strax. Ástandið á bara eftir að versna.

[Jón Valur Jensson, 18.1.2008 kl. 02:07]

Ég er 100% sammála þér í þessu máli, Halldór. Biðst svo afsökunar á því að hafa ekki svarað orðsendingu þinni á vef mínum fyrir alllöngu. – Með þakklæti,

[Sigurður Þórðarson, 18.1.2008 kl. 12:32]

Þetta var dýrt klúður.

[Árni Gunnarsson, 22.1.2008 kl. 08:54]

"Mín upphefð kemur að utan" segir Samfylkingin. Látið ykkur dreyma um að sá ágæti flokkur taki af skarið í einhverju sem tefur útlent fólk við að sækja okkur heim.