Eiturspúandi Orkuveita.

Hafa menn tekið eftir því hverng raflínumöstrin til Suðurnesja um Hellisheiði eru að tærast rosalega eftir að Hellisheiðarvirkjun fór að spúa eitri útí loftið ? Það stefnir auðveldlega í milljarðs viðhald.

Verður einhver ábyrgur fyrir afleiðingunum ?

Á ekkert að gera í þessu ?

Mér er sagt að lóðningar í rafeindatækjum í austurhluta höfuðborgarsvæðisins séu  að gefa sig í stórauknum mæli eftir að þessi losun hófst.Þessir kraftar eru að störfum dag og nótt.Hvernig er með lungun í okkur skattrollum Steingríms ? Hversvegna vildu Hvergerðingar ekki Bitruvirkjun ?

Ég er óbilandi aðdándi Orkuveitu Reykjavíkur og allra orkufyrirtækja. Ekki mátti maður menga Elliðaárnar í gamla daga. Gilda náttúruverndarsjónarmiðin bara fyrir hina ?

Er Orkuveitunni ekki ætlað annað hlutverk en að spúa eitri yfir eigendur sína og aðra landsmenn?

 

Athugasemdir

[Ágúst H Bjarnason, 13.11.2009 kl. 15:56]

Sæll frændi

Hvers vegna fjallar þú ekki um dihydrogen mónoxíð sem veldur bráðum dauða ef því er andað að sér í miklu magni?  Ég hef sterkan grun um að það eigi einmitt stóran þátt í tæringu járnstauranna á Hellisheiði.

Ég fjallaði einmitt um þetta skaðræðis efni í íslenskri náttúru fyrir hálfu ári hér.  Þar er líka fjallað um hveralyktina yndislegu sem minnir mig alltaf á sveitasæluna fyrir austan fjall í gamla daga.

[Halldór Jónsson, 13.11.2009 kl. 16:37]

Já frændi sæll, mér finnst nú öruggara að drekka viskíið með sem minnstu af þessu lúmska efni útí. En þó á ég daglegt samneyti við það og greinilega búinn að byggja upp þol gegn því.

En H2S++++þetta efni  gerir eitthvað sem heitir H2SO4 sem ég held að sé jafnvel enn verra í vískí en þessi eiturtegund sem þú minnist á.Það eru víst þau efnahvörf sem valda pirringnum. En lyktin minnir á gamla daga í Haukadal. En eins og þú manst þá tolldi ekkert byggingarefni í gamla gufubaðinu, það soðnaði allt í sundur á engum tíma 

[Eyþór H. Ólafsson, 13.11.2009 kl. 19:18]

Ég verð nú að segja það að mér finnst afar lélegt af Ágústi H. Bjarnasyni að hafa þetta alvarlega mál í flimtingum. Honum er auðvitað ljóst að H2O er vatn og ef hann ætlar að líkja því við þau efni sem við Hvergerðingar og raunar fjölmargir aðrir höfum áhyggjur af í okkar umhverfi þá er það vægast sagt ábyrgðarlaust jafnvel þótt það sé ætlað í gríni eða einhverskonar háði.

[Ómar Bjarki Smárason, 13.11.2009 kl. 21:53]

Það verður ekkert gert í þessu, Halldór, fyrr en af hlýst stórslys. Spurning hvort þetta tærir ekki rafeindabúnað flugvéla sem standa á Reykjavíkurflugvelli og einnig annan öryggisbúnað á flugvellinum.

Ég ver einhvers staðar búinn að vekja athygli á þessu með staurana. Sá aðili sem á þá hlýtur að fara í mál við Orkuveituna og óska eftir því að hún bæti línuna og staurana.

Það er aulaháttur þeirra sem unnu umhverfismat fyrir Hellisheiðarvirkjun ef þeir hafa ekki varað við þessu og bent á viðeigandi ráð til að draga úr þessum neikvæðu áhrifum virkjunarinnar. Þetta eru ekki bara möstrin til Suðurnesja heldur flutningslínurnar til höfuðborgarinnar..... Háalvarlegt mál.

[Börkur Hrólfsson, 13.11.2009 kl. 23:22]

Maður myndi ætla að menn gerðu sér meiri grein fyrir áhrifum Brennisteinsgufu en raunin virðist vera.

Brennisteins gufur mettast í röku andrúmsloftinu, og verða að Brennisteins sýru, sem fellur til jarðar od tærir málma og drepur gróður og dýralíf. Nú stendur yfir rannsókn á gróðurskemmdum í Svínahrauni, en það er trú margra, að þær séu vegna brennisteinssýru. Þessar skemmdir eru mjög áberandi í nágrenni Hellisheiðarvirkjunar, á austur hlið þúfna, en austanátt er ríkjandi þarna.

Maður skyldi ætla að fólk lærði af sögunni og setti í forgang að eyða brennisteinsmengun í eins og hægt væri með kælingu á gufunni, en það virðist ekki vera. Skrýtið, brennisteins gas og sýra hefur drepið Íslendinga í þúsuda tali í gegnum söguna, en samt er leyft að blása brennisteinsgufum óhindrað út í loftið, þrátt fyrir að til sé búnaður til að kæla gufuna niður og eyða brennisteininum úr henni.

[Ágúst H Bjarnason, 14.11.2009 kl. 06:50]

Ég vil skjóta því að að það er ekki brennisteinssýra (H2SO4) sem myndast þegar brennisteinsvetni (H2S) blandsast vatni (H2O), heldur er það brennisteinssýrlingur (H2SO3) sem er miklu miklu veikari sýra en brennisteinssýran. Í raun er þetta erkki mikið sterkari sýra en kolsýran (H2CO3) sem myndast þegar koltvísýringur (CO2) blandast vatni, en kolsýruna þekkjum við vel sem hressandi sódavatn. Jafnvel eimað vatn sem stendur smá stund í opnu íláti leysir upp koltvísýringinn í andrúmsloftinu þannig að sýrustigið fellur úr pH7,0 í pH5,8 ef ég man rétt. Ekki beinlínis sýra í venjulegum skilningi

Heita vatnið  frá Nesjavöllum er upphitað kalt ferskt vatn sem kemur úr holum nærri Þingvallavatni. Áður en upphitaða vatnið er sent til Reykjavíkur er það blandað með dálitlu af brennisteinsvetni, eins og finna má af hveralyktinni af kranavatninu. Þetta er gert til þess að koma í veg fyrir tæringu röra í veitukerfinu og ofnanna heima hjá okkur. Brennisteinsvetnið er nefnilega hollari dyrir stálið en súrefnið sem það eyðir.

Brennisteinsvetni lætur aðra málma en kopar og silfur að mestu í friði. Við vitum hvernig fellur á silfrið þegar það er þvegið úr heitu vatni, en á kopar fellur á svipaðan hátt.  Þar sem kopar er mikið notaður í rafeindarásum er hætt við tæringu þar, en þó ekki nema þar sem styrkur H2S er tiltölulega mikill. Í jarðvarmavirkjunum er mjög mikill rafeindabúnaður og stjórntölvur í tugavís. Þar hreinsa menn loftið umhverfis þennan búnað með síum úr viðarkolum eða efni sem kallast Purafil. Grennri vírar eru yfirleitt tinhúðaðir, því þannig þola beir brennisteinsvetnið mjög vel, jafnvel utanhúss á hverasvæðum. 

Eyþór. Auðvitað var ég að gantast við Halldór náfrænda minn þegar ég vísaði honum á gamla grínpistilinn minn.  Við Halldór eru aldir upp að huta á hverasvæði í Haukadal, örskammt frá hinum mikla ferðamannastað og hverasvæði Geysi Ég hef auðvitað oft komið í Hveragerði og dáðst að hinu mikla hverasvæði með fjölmörgum opnum hverum sem þið eruð með inni í miðjum bænum. Því miður man ég ekki hvað þesi garður kallast. Heitir ekki einn hveranna þar Dynkur? Kemur ekki smá brennisteinsvetni frá þessum hverum og gufuholum?

 

 

 

 

 

 

[Ágúst H Bjarnason, 14.11.2009 kl. 06:58]

Reyni aftur. Af einhverjum ástæðum varð textinn allur brenglaður...


Ég vil skjóta því að að það er ekki brennisteinssýra (H2SO4) sem myndast þegar brennisteinsvetni (H2S) blandsast vatni (H2O), heldur er það brennisteinssýrlingur (H2SO3) sem er miklu miklu veikari sýra en brennisteinssýran. Í raun er þetta ekki mikið sterkari sýra en kolsýran (H2CO3) sem myndast þegar koltvísýringur (CO2) blandast vatni, en kolsýruna þekkjum við vel sem hressandi sódavatn. Jafnvel eimað vatn sem stendur smá stund í opnu íláti leysir upp koltvísýringinn í andrúmsloftinu þannig að sýrustigið fellur úr pH 7,0 í pH 5,8 ef ég man rétt. Ekki beinlínis sýra í venjulegum skilningi.


Heita vatnið  frá Nesjavöllum er upphitað kalt ferskt vatn sem kemur úr holum nærri Þingvallavatni. Áður en upphitaða vatnið er sent til Reykjavíkur er það blandað með dálitlu af brennisteinsvetni, eins og finna má af hveralyktinni af kranavatninu. Þetta er gert til þess að koma í veg fyrir tæringu röra í veitukerfinu og tæringu ofnanna heima hjá okkur. Brennisteinsvetnið er nefnilega hollara fyrir stálið en súrefnið sem það eyðir.

   
Brennisteinsvetni lætur aðra málma en kopar og silfur að mestu í friði. Við vitum hvernig fellur á silfrið þegar það er þvegið úr heitu vatni, en á kopar fellur á svipaðan hátt.  Þar sem kopar er mikið notaður í rafeindatækjum er hætt við tæringu þar, en þó ekki nema þar sem styrkur H2S er tiltölulega mikill. Í jarðvarmavirkjunum er mjög mikill rafeindabúnaður og stjórntölvur í tugavís. Þar hreinsa menn loftið umhverfis þennan búnað með síum úr viðarkolum eða efni sem kallast Purafil. Grennri vírar eru yfirleitt tinhúðaðir, því þannig þola beir brennisteinsvetnið mjög vel, jafnvel utanhúss á hverasvæðum.


Eyþór. Auðvitað var ég að gantast við Halldór náfrænda minn þegar ég vísaði honum á gamla grínpistilinn minn.  Við Halldór erum nefnilega aldir upp að huta á hverasvæði í Haukadal, örskammt frá hinum mikla ferðamannastað og hverasvæði Geysi Ég hef auðvitað oft komið í Hveragerði og dáðst að hinu mikla hverasvæði með fjölmörgum opnum hverum sem þið eruð með inni í miðjum bænum. Því miður man ég ekki hvað þesi garður kallast. Heitir ekki einn hveranna þar Dynkur? Kemur ekki smá brennisteinsvetni frá þessum hverum og gufuholum?

 

[Halldór Jónsson, 14.11.2009 kl. 12:44]

En frændi, af hverju tærast möstrin bara nún og skyndilega.

Ég held nú að minni efnafræði hafi staðið að bæði H2SO3 og í minna mæli H2SO4 myndist við hvörfin.

 Eru einhverjar mælingar á þessu sem gætu skýrt hvað er að gerast í möstrunum ?

[Eiður Svanberg Guðnason, 14.11.2009 kl. 13:29]

 Eru  elstu möstrin á  Hellisheiði ekki rúmlega  55 ára gömul ? Hver er eðlilegur líftími eða  ending slíkra mastra ?

Hlýtur að vera fróðlegt að bera saman  þau  elstu og þau nýjustu.  Þegar kommarnir  börðust sem  harðast gegn Grundartangaverksmiðjunni,  eftir að  ástarsambandið  við Union Carbide  slitnaði , kallaði  Jónas Árnason, rithöfundur og alþingismaður  möstrin  til Grundartanga  mekkanóþursa, muni ég rétt.

[Ágúst H Bjarnason, 14.11.2009 kl. 14:32]

Möstrin eru úr galvaníseruðu járni. Með tíð og tíma gefur galvaníseringin sig og göt koma á zinkhúðina alveg eins og gamalt þakjárn. Þá  kemur smám saman ryð í ljós, en það tekur auðvitað langan tíma.

Ég hef grun um að  bennisteinsvetni þurfi fyrst að hvarfast með súerfni yfir í SO2 og síðan vatni áður en brennisteinssýrlingur myndast.  SO2 er þannig millistig.

Það væri auðvitað fróðlegt að bers saman gömul möstur og ný. Zinkhúðin er fyrst gljáandi og falleg, en á yfirborði hennar myndast fljótlega oxíðlag sem tefur fyrir frekari tæringu, en þá hverfur gljáinn. Mött grá möstur eru því jafngóð nýjum gljáandi.

[Ágúst H Bjarnason, 14.11.2009 kl. 15:00]

 Á myndinni má sjá að súrt regn (blandað brennisteini sem brennisteinssýlingi) hefur sýrustig um 4, þ.e. heldur súrara en drykkjarvatn sem hefur pH nærri 5, en ekki eins súrt og appelsínusafi sem er pH=3. Rafgeymasýra (venjuleg brennisteinssýra)  er þó súrust af öllu á myndinni með sýrustig minna en 1.

Vatnið sem hripar úr jarðgufunni gæti því haft sýrustig á þessu róli, þ.e. líklega um 4, miðað við að venjulegt íslenskt regnvatn er með sýrustig um 5,5.

Það er svo annað mál að gufustrókurinn mikli sem kemur frá kæliturnum jarðgufuvirkjana er ekki jarðgufa, heldur hreint kælivatn sem er að gufa upp. Flestir halda að það sé jarðgufa, en svo er ekki.

[Eyþór H. Ólafsson, 14.11.2009 kl. 16:23]

Svar til Ágústar: Ég verð að fá að bæta við þetta varðandi hveri og hverasvæði annarsvegar og blásandi um 2000 metra djúpar borholur hinsvegar. Á þessu tvennu er regin munur.

Útblástur brennisteinsvetnis og annarra eiturefna er yfirleitt sáralítill frá venjulegum náttúrulegum hverum og grunnum borholum.

Auk þess er mjög misjafnt eftir svæðum hversu mikill hluti útblásturs frá blásandi borholum er eiturefni og það vill þannig til að þetta hlutfall er mjög hátt á Hellisheiði en t.d. miklu lægra á Reykjanesi án þess að ég vilji fara út í smáatriði í því sambandi.

Á tímum þar sem almennt er verið að vinna að minnkandi mengun í heiminum getum við Íslendingar ekki leyft okkur að haga okkur einsog verstu umhverfissóðar þegar kemur að jarðhitavirkjunum. Við verðum að setja okkur reglugerð um mengunarmörk og við verðum að ganga hart eftir því að hreinsaður sé útblástur og frárennsli frá þessum virkjunum.

Auk þess getum við ekki leyft okkur  að setja háhitavirkjanir nánast ofan í byggð einsog yrði með Bitruvirkjun. Þar er um að ræða algerlega óásættanlega framkvæmd frá öllum sjónarmiðum, hvort sem talað er um loftmengun, mengun grunnvatns, hávaðamengun, skemmd á fallegri náttúru eða annað.

Ég er alveg viss um að fáir myndu sætta sig við virkjun á borð við núverandi eiturspúandi Hellisheiðarvirkjun eða væntanlega Bitruvirkjun nánast í bakgarðinum hjá sér og það munu Hvergerðingar aldrei gera.

[Ómar Bjarki Smárason, 15.11.2009 kl. 01:29]

Þegar þeir sem aka um Hveradali fá óbragð í munn við að vera í útblæstri Hellisheiðarvirkjunar í stutta stund, hvers mega þá saklausir Hvergerðingar gjalda verði Hellisheiðin virkjuð á þann hátt sem áform eru uppi um....?

Íbúar gætu neyðst til að flytjast á brott.....

[Halldór Jónsson, 15.11.2009 kl. 15:00]

Hvað erum við tæknimenn og technokratar að rífast um heimspekileg efni hvort eða hvenær eða smekk á gljáa eða glansi ? Af hverju er bara ekki mælt og fundið út hversvegna möstrin eru að kolryðga akkúrat núna og af hverju ?