35 milljarða kjararýrnun

hjá öllum launþegum verður á næstunni. Þetta gerist vegna 35 milljarða kauphækkana sem nú hvolfast í umslög launþega. Afleiðing af "kjarasamningum" sem glannar gerðu í þágu pólitískrar þjónkunar við ríkisstjórn Íslands. Svona bara í tilraunaskyni.

Þjóðin á sögu um 4000 % taxtahækkanir og kaupmættarlækkun sem framhald af þessu. Það er útreiknanlegt hve mikil kaupmáttarlækkun mun hljótast af þessum samningum og taxtahækkunum. Á einhverri góðri dagsetningu á þessu ári, sé sá dagur bara ekki þegar upprunninn, hefur verðbólgan étið upp þessa taxtabreytingu og almenningur er verr settur.

Gengi krónunnar hefur lækkað um 5 % á síðustu mánuðum. Þetta veldur verðbólgu sem nemur hugsanlega hærri tölu. Taxtahækkun ofan á þetta eykur svo verðbólguna enn meira. Bensínið hækkar í dag og svona áfram. Kjararýrnunin leiðir svo til verkfalla og enn meiri taxtahækkana og gengisfellinga í framhaldi af því.

Einar Oddur og Guðmundur Jaki eru ekki lengur á meðal vor, en vinglar og vitleysingar eru í nægu framboði til að keppast um hylli kjósenda. Framtíð gengis krónunnar er ekki björt. Það eru til nóg af bjálfum í þjóðfélaginu sem segja að allt væri nú gott ef við bara bindum krónuna við evruna eða tökum hana upp beint og afnemum alla verðtrygginu á innlendum húsnæðislánum. Herre Gud hversu heimskan er í hávegum höfð í þessu þjóðfélagi ofbeldisins, klíkuskaparins og spillingarinnar!

Hversvegna sömdu Þjóðverjar ekki um 3.5 % launahækkun yfir línuna um leið og við? Af hverju gengur svona vel þar? Hefði verið samið hérlendis um 3.5 % taxtalækkun í kjarasamningunum hefði verið von um að hagur fólks væri að batna eða í versta falli stæði í stað. Í stað þess fáum við fyrst 35 milljarða kjararýrnun meðan hagur Þjóðverja batnar.

Það stóð heima

að fram komu tillögur um bann við byssueign á Íslandi vegna atburðanna í Noregi á síðasta sumri.

Þá skirfaði ég svo:

27.7.2011 | 08:55

" Bönnum ,bönnum er lausn vinstrimennskunnar og ofstjórnarsinna við öllum vandamálum. Og leggjum á skatta til að aðfla fjár til að framfylgja bönnum.

Ég skrifaði fyrir nokkrum dögum svo:"...Er hægt að undirbúa varnir gegn svona með öðru en upphrópunum um bönn við byssum, bönn við áburði, bönn við andúð á Islam, bönn við því að vera á móti stjórnlausri fjölgun innflytjenda?... "

Það stendur ekki á því. Nú er Ögmundur farinn af stað með að endurskoða vopnalögin. Arnþrúður geysir sig á Útvarpi Sögu og hneykslast á lögreglunni að tala um að það sé auðvelt að búa til sprengjur úr áburði. Agalegt af löggumanni að tala svona segir hún. Og blessað fólkið hringir inn og óskapast yfir því að byssur séu ekki skráðar og gangi milli manna án þess að þær séu skráðar og bullar áfram um hluti sem það þekkir ekki.

Auðvitað er þessi umræða byggð á vanþekkingu. Byssur eru undir miklu og góðu eftirliti. Ef einhver gerist brotlegur með ólögleg vopn eða meðferð þá er það alvarlegt mál. Að halda það að að menn geti bara keypt sér áburðarpoka og búið til sprengju er bull. Það er getur enginn nema fleira komi til sem ekki liggur á lausu og Arnþrúður má alveg varpa öndinni léttara yfir því.

Það er nóg af hlutum í umhverfinu sem má nota sem vopn ef brotaviljinn er fyrir hendi. Skrúfjárn er til dæmis hættulegt vopn og maður hefur verið veginn með slíku verkfæri svo ég man til.

Mér finnst meira liggja á að við förum að horfa á okkur sjálf. Hvernig erum við?

Mér er sagt að það verði að fara heilar sveitir manna á göturnar í miðbænum til að hreinsa ruslið eftir skrílinn sem er blindfullur í miðbænum á nóttunni. Menn fleygja frá sér tyggigúmmí, brjóta flöskur ó götunni frekar en að láta þær í rusladall, henda sígarettustubbum frá sér, hegða sér eins og svín. Ætli þetta fólk hafi verð uppalið til að láta svona heima hjá sér? Af hverju eru veitingahúsin ekki gerð ábyrg fyrir þessum kostnaði borgarinnar sem af starfseminni hlýst? Af hverju hagar fólk sér illa? Eru heimilin ekki að standa sig, skólarnir ? Af hverju er ekki sekt við því að fleygja frá sér rusli á götuna? Og líka að selja mönnum eitthvað sem þeir verða vitlausir af ig verða að svínum?

Við leysum ekki skrílsmennskuna með bönnum. Vantar ekki heldur tilfinnanlega uppeldi og aga í þetta þjóðfélag ? "

Mér finnst ástæða til að endurtaka þetta í ljósi nýju frumvarpi til vopnalaga frá Ögmundi Innanríkis. Þetta frumvarp er áreðianlega ekki frá honum komið heldur henni frú Humpfrey sem er búin að starfa lengi í ráðuneytinu. Því maður þekkir sömu atriðin dúkka upp frá fyrri atrennum til þrenginga á skotvopnaeign heiðarlegs fólks sem miða að því einu að veita glæpamönnum og vélhjólagengjum einkaleyfi til að eiga byssur á Íslandi.

Svona er ég framsýnn! Þetta frumvarp kom fram eins og ég spáði strax eftir hina hörmulegu atburði í  Noregi á síðasta sumri.

. Það stendur heima að flest er fyrirsjáanlegt á Íslandi ofstjórnarinnar.

Mesti loddari stjórnmálasögunnar

íslensku um þessar mundir er í mínum huga Steingrímur J. Sigfússon. Að öðrum keppendum ólöstuðum.

Myndin af honum með stækkunarstjóranum í ESB, Stefáni Fúla, þar sem þeir brosa breitt við framtíðinni og inngöngu Íslands ýtir við mér. Þarna sé ég manninn sem lofaði kjósendum sínum traustri varðstöðu gegn inngöngu þjóðarinnar í Evrópubandalagið. Mann sem segist vera á móti því grundvallarfullveldisafsali sem í aðildinni felst. En ég sé ekki betur en að hafi selt þá sannfæringu sína fyrir ráðherralaun sjálfum sér til handa.

Gagnvart sjálfum sér og sinni samvisku hlýtur kann hann að hafa talið sér trú um að hann hefði fengið einhverja köllun til þess að reisa þjóð sína upp úr einhverjum vanda sem hún væri í stödd með hrundum glæpamannabönkum, fjármálabraskfyrirtækja og rupluðum tryggingafélögum. Svona svipaðar tilfinningar eins og ýmsir mannkynsfrelsarar hafa fundið fyrir á erfiðum stundum í sögu þjóða. Þannig má telja upp lista um sögulegar stundir slíkra manna. En þróun mála verður þó oft allt önnur en viðkomandi menn ætla.

Oft komast slíkir frægðarmenn til valda vegna þess að vandinn sem við blasir er ýktur fyrir kjósendum með áróðri eða ofbeldi. Fólkið er í óða önn að leysa vandamálin með höndum sínum og huga en stjórnmálaskúmar gera vandamálin oft verri með vitleysu sinni og ofmats á sjálfum sér og ekki síst vegna ranghugmynda sinna um sítt sögulega hlutverk. Okkar hliðstæða er útvegurinn okkar, sem dró fiska úr djúpinu eins og ekkert hefði í skorist meðan Austurvallarindjánarnir börðu ríkisstjórnina frá völdum á Austurvelli.Með þeim hörmulegu afleiðingum að ríkisstjórn Jóhönnu og Steingríms komst til valda,sem hefur í besta falli stórskaðað þjóðina með sundurþykkju sinni, sýndarmennsku og fimbulfambi um óskyld mál eins og stjórnarskrá og inngöngu í ESB og upptöku Evru.

Þessi skötuhjú tóku svo stórauknar útflutningstölur útvegsins og afgangs á vöruskiptajöfnuði og veifuðu þeim ríkisstjórn sinni til dýrðar. Svona hefðu þau reist landið við sem hafði þó gerst gersamlega án þeirra atbeina. Og fjölmiðlaindjánarnir tóku undir með dansi og lófaýlum.

Ekkert gerði þessi maður Steingrímur í einhverja endurreisnarveru nema það að virkja prentvélar Seðlabankans til að búa til verðmæti á pappírnum til að henda hingað og þangað og kalla það fjármögnun og gefa banka til einhverra óþekktra útlendinga. Og svo auðvitað að stórhækka skatta og gjöld til að fá meira til að borga meira sukk ríkissjóðs og óhefta sælutíð Humpfreys ráðuneytisstjóra sem ávallt flýtur ofaná.

Steingrímur þykist hafa dregið saman og skorið niður í heilbrigðiskerfinu þannig að sjúklingar, aldraðir og öryrkjar emji undan. Þá hreykir hann sér og segir þarna sjáið þið hvað ég er duglegur. Menntakerfið gengur hinsvegar án niðurskurðar að verulegu leyti, utanríkisþjónustan og stjórnsýslan. Hátæknispítalinn er á fullu en virkjunum er slegið á frest í anda stóriðjustoppsstefnunnar. En stóriðjan, þar sem þúsundir vinna beint og beinlínis er undirstaðan að því lífskjarastigi sem við þó búum við. Heimska Steingríms og kreddufesta hefur unnið þar umtalsverðan árangur í að hindra frekari sókn á því sviði.

Vandi heimilanna í stökkbreyttum lánum er óleystur og þar situr eftir aðeins bergmálið af innihaldslausu orðagjálfri málara Pótemkín-tjaldanna. Fólkið hefur greitt atkvæði með fótunum og létt á atvinnuleysistryggingasjóði með því að flýja land. Þetta telur Steingrímur merki um að landið sé að rísa, hagvöxtur að hefjast og atvinnuleysi sé að minnka.

Steingrímur J. Sigfússon stjórnmálamaður hefur svikið allt sem hann sagðist hafa að stefnumálum. Til viðbótar hefur hann klúðrað flestum þeim fáu verkefnum sem hann átti að leysa eins og Icesave sem hann hefði drepið þjóðina fjárhagslega með hefði hann ráðið því máli með félaga Svavari.

Það sem hann helst varast vann, varð þó að koma yfir hann. Því nú fyrst eru alvöru aðlögunarviðræður við ESB hafnar eftir að hann er búinn að síbyrða sig við Stefán Fúla úti í Brüssel.

Hugsanlega er ég einn um eftirfarandi skoðun þar sem mér er víst lítt gefin andleg spektin:

Steingrímur J. Sigfússon er í mínum augum mesti loddari íslenskrar stjórnmálasögu.

Finnur

Árnason forstjóri Haga og arftaki Jóhannesar í Bónus var ekki trúverðugur frekar en fyrirrennarinn í mínum augum þegar hann sat fyrir svörum hjá Helga um kvöldið. Hann taldi ekkert vera gert í skjóli stærðar Haga sem þyrfti athugunar við. Það var heldur ekkert að dómi Jóhannesar þegar Bónuslögreglan ruddist inn í öll samkeppnisfyrirtækin og skannaði verð hjá þeim undir því yfirskyni að þeir væru að vernda neytendur. Allir vissu betur.

Nú ráða Högum þeir Hallbjörn Karlsson og Árni Hauksson. Hafi um Jóhannes leikið vafi þá nægir að lesa greinar Ragnars Önundarsonar um skuldsettar yfirtökur til að sjá hvílikar gersimar nú eru á ferð í því fyrirtæki. Menn sem greinilega eru holdgerfingar heiðarleikans. Um löglegar viðskiptaaðferðir þeirra má enn lesa í fræðilegri grein Ragnars í Morgunblaðinu í dag. Finni Árnasyni er áreiðanlega hollara að tala máli húsbænda sinna vel og Ragnari að gæta tungu sinnar á svelli sannleikans vilji hann halda fjárhagslegri heilsu.

Annars er merkilegt hvernig allmenningur lætur sig menn og málefni engu skipta. Fólki er skítsama hvernig er farið með það. Það er bara dagurinn í dag sem skiptir máli. Fæ ég ódýrara verð í Bónus en í Fjarðarkaupi kæri ég mig kollóttan hvaða myrkraverk að baki búa. Hvern varðar um hvað Steingrímur sagði fyrir kosningar og hvað hann gerir núna í þjónkun sinni við Evrópuhugsjónina?

Skiptir einhverju máli hver á Aríon banka núna af því að hann er núna svo góður að hann auglýsir gæsku sína við lítilmagnann í heilsíðu í lit í Mogga? Hann er ekki að styðja stefnu Sjálfstæðisflokksins í því að færa verðtryggðu lánin aftur í einni og gegnsærri færslu yfir línuna. Hann er ekki að tala um það hvaða verði hann keypti kröfurnar af fyrirrennara sínum, gamla glæpamannabankanum. Heldur auglýsir hann að hann sé að henda sporslum að eigin gæskuvali á valda reikninga. Og allir flykkjast auðvitað til þessa göfuga fyrirtækis sem gefur fólki peninga.

Finnst ekki mörgum banksterarnir og skilanefndirnar tröllríða þjóðfélaginu ennþá á kostnað almennings í umboði stjórnvalda? Að þeir hafi fundið leiðir til óskiljanlegra heljartaka á Alþingi? Að almenningur finni að á þingmenn er ekki að treysta? Finnur ekki almúginn ekki bara svipuhögg verðbólgunnar, spillingarsamráðsins, okursins og samtryggingarinnar á eigin skinni?

Finnur að hann er í raun vinalaus þó margir fagurt mæli?

Kristján Þór Júlíusson

sækist eftir embætti 2. varafomanns Sjálfstæðisflokksins. En undir það munu heyra samskipti við flokksmenn og innra starf flokksins.

Kristján Þór hefur sýnt það og sannað í því mikla starfi sem hann hefur innt af hendi á þessum sviðum, eins og fundaherferðir hans um allt land til kynningar á ESB málinu og starfs hans í framtíðarnefnd flokksins og að skipulagsreglum Sjálfstæðisflokksins, að hann er eiginlega sjálfkjörinn í embættið. Það kemst enginn með tærnar þar sem hann hefur hælana í dugnaði og ósérhlífni við störf í þágu innri mála flokksins.

Ég þori helst ekki að lýsa yfir stuðningi við hann því að venjulega falla allir sem ég reyni að styðja í pólitík. En ég tek sjensinn í þetta sinn og bið Sjálfstæðismenn að hugleiða að styðja Kristján Þór.

Kristján Þór í embætti 2.varaformanns Sjálfstæðisflokksins!

Skuldavandi heimilanna

er eilíft til umræðu og logið er sitt á hvað. Sérstaklega er ekkert að marka yfirlýsingar frá ríkisstjórninni eða misvísandi yfirlýsingar bankanna sem skiljanlega vilja einskis í missa af ránsfeng sínum af almenningi sem birtist í hundruð milljarða gróða vegna hrakvirtra yfirtekinna skulda heimilanna.

Það er hinsvegar eins og enginn hafi tekið eftir ályktun Landsfundar Sjálfstæðisflokksins síðasta Landsfundi. Þar segir:

"Sjálfstæðisflokkurinn vill færa niður höfuðstól verðtryggðra og gengistryggðra húsnæðislána. Þessi aðgerð og önnur endurskipulagning skulda heimilanna er forsenda fyrir auknum hagvexti og framtíðaruppbyggingu íslensks þjóðfélags. Aðgerðir til lausnar skulda einstaklinga eiga að vera almennar en ekki það sértækar að leiði til mismununar borgaranna og brjóti gegn jafnræðisreglu stjórnarskrárinnar."

Þetta þýðir á mannamáli og kom fram í umræðunum að höfuðstóllinn skuli verða eins og hann var fyrir stökkbreytingu. Verðtryggingarklukkan færð aftur.

Mér er sagt að innan þingflokks Sjálfstæðimanna séu hinsvega margir sem vilja hunsa þetta og segja að bankarnir og Íbúðalánasjóður hafi ekki ráð á þessu. Auðvitað verður þetta dýrt. En hvað kostar það að þjóðin flýji land vegna kjarkleysis forystumanna hennar?

Staðreyndin er sú að það ráðleysislið sem nú stundar slímsetur sínar í eiginhagsmunaskyni á Alþingi og kemur í veg fyrir kosningar er gersamlega búið að sýna vanmátt sinn til að leysa vanda þjóðarinnar. Þangað verður að fá nýtt fólk með nýjar hugmyndir þegar sýnt er að þessi núverandi kauptékkakaball gengur ekki.

Þá má minna á að síðar í ályktun Landsfundar stendur:

"Sjálfstæðisflokkurinn telur nauðsynlegt að upplýsa um efni samninga sem ríkisstjórnin gerði við yfirfærslu áeignum á milli gömlu og nýju bankanna. Án þeirra upplýsinga er erfitt að fjalla um skuldamál heimilanna með málefnalegum hætti."

Væri ekki ráð að taka umræðu um þetta þegar það er staðreynd að raunhæfar aðgerðir í þágu meginmarkmiðsins eru að týnast í málæðinu um einstaka þætti vandans, sérstækar lausnir, afrekaskrá þessa banka eða hins og raangupplýsinga ríkisstjórnarinnar. Allt í stað þess að hafa lausn vandans tæra og almenna.

Skuldavandi heimilanna verður auðvitað aldrei leystur án endurreists atvinnulífs og stóriðjuframkvæmda í landinu. Það gerist ekki meðan ríkisstjórn ráðstjórnar, rógs og ráðleysis situr geld og gæfulaus i þessu landi.

"Fjöldi erlendra ríkisborgara

í afplánun hefur tífaldast á undanförnum 10 árum. Eftir áratug stefnir í að fjöldi þeirra verði tífaldur þess sem hann er í dag, eða um þúsund. Við þurfum að fara að huga að miklu stærra fangelsi, eða segja okkur úr Schengen."

segir frændi minn Ágúst H. Bjarnason verkfræðingur í athugasemd til mín við fyrra skrif um Schengen.

Ég hef verið að virða fyrir mér álætlanir um nýtt fangelsi fyrir 56 fanga á Hólmsheiði. Þetta verður mikil bygging. Fangaklefarnir sjálfir taka kannski tíunda hluta hins byggða flataramáls. Hitt fer í aðstöðu og umönnun fanga, kynlífsherbergi, setustofur, eldhús, líkamsrækt, vinnsali og félagslíf. Það er því skiljanlegt að erfitt sé að fá fanga til að samþykkja að verða fluttir heim til Litháen eða hvaðan þeir koma helst, þar sem manni skilst að viðmótið sé með nokkuð öðrum hætti eins og læknirinn og morðinginn frá Brasilíu lýsti því. Hann sagði að hér væru fangelsi einsog 5 stjörnu hótel í samanburði.

En frændi vekur athygli á því að við þurfum að byggja mun stærra ef við ætlum að taka við sömu fjölgun erlendra brotamanna og hér varð á síðustu 10 árum. Þúsund manna fangelsi gæti orðið of lítið.

En ef við hyrfum til baka til ástandsins fyrir tilkomu Schengen með fjölda erlendra ríkisborgara í afplánun, þá dugar fyrirhuguð bygging á Hólmsheiði okkur áreiðalega lengi enn.

Sieg Heil ! fyrir Schengen

sem hefur frá 25 mars 2001 opnað allar flóðgáttir fyrir glæpamenn til landsins.

" Erlendum ríkisborgurum sem afplána dóma í íslenskum fangelsum hefur fjölgað mikið frá því fyrir síðustu aldamót. Samkvæmt upplýsingum Fangelsismálastofnunar voru erlendir ríkisborgarar 89 sem ýmist luku afplánun í fyrra eða voru í afplánun í lok árs 2011 og hafa þeir aldrei verið fleiri.
Fangelsismálastofnun birtir upplýsingar um fjölda erlendra ríkisborgara í afplánun frá 1995 til 2011, að báðum árum meðtöldum, á vef sínum. Á árunum 1995 til 2000 voru ýmist fimm eða sjö erlendir ríkisborgarar að afplána á hverju ári, ..." segir í Mogga.

Fréttinni lýkur á því að fangar séu oftast reknir úr landi þegar afplánun lýkur. Og þá geta þeir yfirleitt komið aftur eins og þeim sýnist eins og Gajdas líkstungumaður.

Nú ætlum við að byggja nýtt tugt-og rasphús á Hólmsheiði. Kotsnaður nokkrir milljarðar. Þar eiga að komast inn 56 fangar. Dugar þetta nokkuð fyrir aukningu á vinsældum Íslands sem afplánunarstaðar? Verðum við ekki að byggja meira við vöxt?

Af hverju þurfum við að vera í þessum Schengenklúbbi þegar Bretar þurfa þess ekki? Af hverju kunnum við ekkert annað en Sieg Heil! þegar kemur að tilskipunum frá EES og ESB?

Hryllir við Sjálfstæðisflokknum

segja Kratar í Kópavogi eftir fjölmennan fund sinn í gær. Talið er að jafnvel tuttugu manns hafi mætt en þess er vandlega gætt að engar myndir berist af salnum, aðeins háborði forystunnar sem var jú kjörin af hundrað manns á kaffihúsi fyrir síðustu kosningar.

Hvað skyldi það vera sem veldur þessu sálarástandi? Eru það einstakir menn í hópi bæjarfulltrúa Sjálfstæðisflokksins? Eru menn ekki saklausir þar til sök er sönnuð og dómur gengur? Eða er það stefnuskrá Sjálfstæðisflokksins? Eða er það einhver vanmetakennd vegna þess hvað liggur mikið eftir starf flokksins í meirihluta með Framsóknarflokknum í tvo áratugi? Er Samfylkingin svona sannfærð um að henni takist aldrei að toppa þann árangur? Enda er afrekaskráin ekki löng eftir tvö ár í meirihluta.

Er Samfylkingin svona sannfærð um að hana skorti andlegt atgerfi til jafns við Sjálfstæðisflokkinn? Vera má svo, en Samfylkingin má vita það að Sjálfstæðimsenn eru frekar aumingjagóðir og hafa oftsinnis ráðið inn krata til starfa hjá bænum þó stundum gegn betri vitund. Slíkt hendir hinsvegar aldrei Samfylkinguna, hvað þá VG. Þeir eru gegnheilir í andstyggð sinni á Sjálfstæðisflokknum og öllu sem honum viðkemur og ráða aldrei neinn nema sitt fólk.

Það er þessi vanmetakennd sem er þeim Samfylkingarmönnum, og raunar taglhnýtingnum í VG einnig, líklega erfiðust ef þeir þurfa að leita sér að nýjum samstarfsflokki.Þessvegna hryllir þá svona við Sjálfstæðisflokknum að þeir verða að fá Morgunblaðið til liðs við sig til að undirstrika þann skilning sinn á væntanlegum viðsemjendum.

Í Bunkernum

í Berlín í apríllok 1945 var mikið um að vera. Þar sendi stjórn þriðja ríkisins og kanslari Þýskalands út margar tilkynningar og fyrirskipanir. Her Wencks átti að taka sér stöðu við Oder og tryggja varnir höfuðborgarinnar. Eini gallinn var að þessi her var ekki lengur til. Það var gefin út fyrirskipun um að skjóta Göring fyrir drottinsvik og send út hraðskeyti til Obersalzberg þar sem Hermann hélt sig. Öllum brúm í Þýzkalndi átti að eyða til þess að óvinirnir kæmust ekki yfir þær. Það átti að leggja Þýskaland í eyði þar sem þjóðin var ekki lengur verð þess að lifa fyrir Foringjann. Albert Speer komst þó upp með það að játa það fyrir Foringjanum að hann hefði slælega framkvæmt þessar fyrirskipanir.Kannski var eitthvað raunsæi einhversstaðar að finna í Bunkernum.

Þetta ástand minnir óneitanlega á ástandið á Alþingi Íslendinga um þessar mundir. Það þarf að reka forseta þingsins og Innanríkisráðherrann verður að segja af sér strax krefst einn þingskörungurinn í stíl við Göbbels. Ákæran á hendur Geir verður að halda áfram krefst annar. Enn einn vill að hún verði fyrst sett í nefnd sérfræðinga. Spurning er hvar raunsæið heldur sig við Austurvöll?

Þetta ástand er víst kallað Bunkermentalitet í sálfræðinni. Ætli það sé helst til þess fallið að auka á virðingu Alþingis um þessar mundir?