Smálán

er eitthvað sem Guðhræddir og góðir menn með svartar tungur á ÍNN, þeir Birkir Jón og Sigmundur Ernir vildu banna. Svona háa vexti á að banna með lögum sögðu þeir báðir.

Hversu háir eru háir vextir?

Gamli Sveinn sagði að vextir ættu að vera svo háir sem til væru fífl að borga. Eru ekki alltaf tveir í svona dæmi. Lánveitandi og lántakandi? Ef lántakinn þarf svona mikið á peningum að halda að hann er reiðubúinn að lofa að borga 600 % vesti þá er ástæða fyrir því hjá lánveitandanum að hafa vextina svona háa. Ætli það hafi ekki eitthvað með endurgreiðsluhlutfall að gera og tapsprósentu á því að lána til dæmis dópista fyrir fixi eða fyllibyttu fyrir afréttara? Hverjir aðrir þurfa hraðpeninga?

Trúir því einhver að það séu einstæðar mæður sem verði að taka þessi lán til að kaupa mjólk handa börnunum af því að vondu bankarnir vilji ekki lána þeim? Það verði að setja lög til að koma í veg fyrir þetta.

Hinsvegar eru lán á háum vöxtum til fólks sem ekki fær lán annrsstaðar allstaðar á vegum glæpasamtaka. Mafían er stærst í þessu bransa í USA. Þeir hafa sérstakar innheimtuaðferðir eins og hjá kapmanninum í Feneyjum.Borgað með holdi ef peningana vantar. Hefur einhver skoðað þá sem að baki þessara Hraðpeningafyrirtækja eru? Erlendis verða konur oft að borga með líkama sínum ef greiðslufall verður, karlmenn þurfa kannski að fremja glæpi til að borga. Hérna?

Hefur einhver spurt hvernig innheimtan gangi fyrir sig hjá þessum Hraðpeningafyrirtækjum? Ætli Jón stóri hafi eitthvað með það að gera úr því að bæði Annþór og Börkur eru uppteknir?

Banna þessi smálán með lögum?. Þetta er auðvitað bannað í Bandaríkjunum en viðgengst samt.Loansharking er tugthússök. Hvað er verið að rukka þegar menn eru barðir og keyrðir uppí sveit í bílskotti? Er ekki verið að innheimta lán?

Hvaðan koma þessir menn Birkir Jón og Sigmundur Ernir? Af hverju opna þeir ekki neyðarlínu á vegum sinna flokka til að lána fólki 100 þúsund kall á lægri vöxtum en 600%? Hvernig væri að þeir byrjuðu með 200 % ef menn gengju í flokkinn um leið og afhentu atkvæðið? Lifi samkeppninn segja þessir miklu markaðssinnar svo hinn daginn þegar þeir tala við Tryggva Þór.

Come on. Hversu vitlaus halda þeir að maður sé? Smálán?

BM Vallá

fékk ekki afskriftir eins og Ólafur Ólafsson í Samskip. BM Vallá var bara sett á hausinn. Fyrir þann tíma var þetta fyrirtæki lifandi heild alveg eins og Samskip.Ofurskuldsett en borgaði þó hundruðum kaup.

Víglundur Þorsteinsson telur að hann hafi fengið SvartaPétur. Skuldir BM Vallá voru sannarlega seldar af skilanefnd Kaupthing banka á hrakvirði og Aríon setti BM á hausinn með ítrustu kröfum.

Ólafur Ólafsson fékk afskrifaða 63 milljarða. Hann heldur Samskip. Víglundur fékk núll. Pólitík?

Hvenær lýkur skilanefndafarsanum með sjálftöku nefndarmanna með einhvern 25000 kall á klukkutímann? Endaa byggja sumir flott um þesar mundir sem þar sitja. Hin nýja stétt leynir sér ekki.

Sala Íslands-og Aríonbanka til erlendra kröfuhafa voru stjórnarathafnir Steingríms J. og Jóhönnu. Margir telja að þessi ráðstöfun hafi leikið samfélagið hvað gráast og komið í veg fyrir að tekið yrði á vanda heimilanna. MP banki fór ekki á hausinn. Hann átti að taka við samkvæmt lögmáli markaðarins ef einhvern vantaði banka. En ekki undir stjórn kommúnista auðvitað.

Það verður svo sem ekki til neins að halda löng réttarhöld yfir Steingrími og Jóhönnu fyrir Landsdómi til að stýra fortíðinni í fjármálum. Þau skilja hvort eða er hvorki upp né niður.

En það svíður áreiðanlega fleirum en Víglundi .

Flokksráðsfundur VG

verður haldinn næstu helgi. Dagskrá fundarins verður með hæfilegum hætti eftir því sem hægt er vegna þeirrar stjórnlausu gleði sem ríkir meðal flokksmanna yfir vel unnum störfum ráðherra flokksins.

Dagskrá:

1. Formaður Steingrímur J. Sigfússon flytur ræðu um stjórnmálaviðhorfið og
skýra framtíðarsýn flokksins um þáttöku Íslands í alþjóðasamfélaginu.

2. Fundarmönnum gefst tækifæri á að flytja stuttar ræður að því tilskildu
að texti hafi verið sendur til flokksstjórnar 3 sólarhringum fyrir
fundinn.Athugið að aðeins er heimilt að flytja texta sem falla að stefnu
stjórnar á jákvæðan hátt. Svavar Gestsson mun stýra umræðum. Ekki er
ætlast til að neitt verði rætt af málefnum sem eru eldri en 14 daga.

3. Fyrrum flokksmenn Jón Bjarnason, Atli Gíslason, Lilja Mósesdóttir
Ásmundur Davíð verða hýdd á sviði öðrum til viðvörunar. Framkvæmdaaðili
Þráinn Bertelsson. Til greina kemur að hýða Ögmund Jónasson einnig öðrum
til vonar og vara og ö0ðrum til viðvörunar.

4. Hylling formanns og flokksstjórnar. Svandís Svavarsdóttir ræðir framkomnar
áskoranir um að Steingrímur J. Sigfússon verði kosninn formaður ævilangt.
Til greina kemur að hylla Steingrím til þessa ef nægileg stemning næst upp

5 Önnur mál eru engin.

6. Fundarslit. Formaður Steingrímur J. Sigfússon flytur hvatningarræðu.

Fundarmenn eru áminntir um að ræða ekkert sín á milli sem getur leitt til að spilla stemningunni sem er ákveðin jákvæð og rísandi. Í ljósi þessa verður ekki gefið kaffilhlé á fundunum. Fundarmenn mega ganga í fundarsal 5 mínútum fyrir setingu hans. Þeir eru áminntir að hafa hljóð á fundinum. Þeir skulu hafa yfirgefið fundarsalinn 5 mínútum eftir að formaður slítur fundi. Húsið skal yfirgefið þegar í stað og allar viðræður á göngumeða úti fyrir eru bannaðar.

Flokksráðsfundur VG verður haldinn um næstu helgi.

Árni Páll á Sprengisandi

Árni Páll var í þætti með Sigmundi Davíð á Sprengisandi. Það var verið að þvæla Árna í Evrópusambandinu. Hann gerir sér alveg grein fyrir því að EES samningurinn er kominn á tíma hjá okkur og við erum að brjóta hann á hverjum degi. En aldrei þegar kemur að því að nota hann til að íþyngja landslýð hvort sem það lýtur að flugmálum eða dreifingu og sölu raforku með margföldu skriffinnskukerfi Þá eru Íslendingar heilagri en páfinn og sætta sig við ekkert minna en verst gerist annarstaðar.

Árni Páll gerir sér grein fyrir því að Íslendingar eru ekki á leið í Evrópusambandið. Hann var alveg klár á því líka að það er tæknilega mögulegt að keyra okkur þangað inn eftir bara eftir þingvilja. Líklega er það sem kratarnir ætluðu sér alltaf, að taka hælkrók á þjóðina og skella henni inn. Þjóðaratkvæðagreiðslan var alltaf hugsuð ráðgefandi hjá þeim krötum en ekki ráðandi.

En svo hamraði Árni það að við værum Evrópumenn og vildum fylgja þeim þjóðum af einhverjum náttúrlögmálum.Fyrir mína parta mótmæli ég þessum sjónarmiðum því þau eiga ekki við mig þrátt fyrir langdvalir í Mið- Evrópu. Mér finnst ég alltaf vera miklu fremur bandarískur í hugsun og ólíkur þessum meginlands-og Evrópubandalagsbúum. Þó er margt allsstaðar sem okkur vantar og aðrir hafa.

Ég hef verið rútugæd fyrir liðið sem kemur hingað með skemmtiferðaskipunum. Það er margt fremur þröngsýnt, fáfrótt blóðnískt en indælt smáborgarasafn frá Þýskalandi með asklok fyrir himin, talar varla ensku. Sveitafólk sem er að flestri gerð gerólíkt okkar venjulega hugsunarhætti. Þó að við getum sungið fjárlögin með því ef því er að skipta þar sem þau eru eins og þeirra þjóðlög þá eru þetta ólíkt fólk okkur. Fyrirfólk þeirra í iðnaði og stórfyrirtækjum er svo yfirleitt langt yfir okkur venjulegu hafið að efnum og ýmsri gerð að við náum þeim ekki eins og bankasagan okkar sannar. Það búa afleiri þjóðir en ein í þessum ríkjum og Hr. Braun er svo langt frá Dr. Braun yfirleitt að við skiljum það ekki.

Meginlandsbúinn almenni hefur margur aldrei séð sjó og aldrei flogið. Horfir bara á sjónvarpið á sínu móðurmáli og hittir engan lengur, því þeir segja að þeir hafi ekki lengur ráð á að fara á stammknæpuna sína og spila Skaat eins og þeir gerðu í gamla daga. Þökk sé Evrunni sem tvöfaldaði verðlagið og lækkaði kaupið um helming. NB., þetta segja þeir sjálfir en ekki ég!

Eða finnst einhverjum við Íslendingar líkjast tjallagreyjunum eins og Jón Sólnes lýsti þeim. Grimsbylýðnum og East Enderum sem tala Cockney. Varla talandi á eigið móðurmál enskuna svo aðrir skilji. Ég hef bæði hitt það fólk og hitt fólk úr sveitum Þýskalands og Sviss. Þetta fólk er okkur margt nokkuð framandi og veit lítið um umheiminn. Horfir á okkur sem naut á nývirki og við á það.

Íslendingar eru í samanburði við venjulegan Evrópumann sigld þjóð og miklu meiri heimsborgarar en 80 % almennings á meginlandinu. Líklega líka miðað við Bandaríkjamanna og Englendinga. Miklu þó líkari upplýstum Bandaríkjamönnum en Mið-Evrópubúum eins og til dæmis Hitler var. En hann greyið komst lengst til Parísar á sínum ferli og eki furða að hann skildi lítið í heiminum.

Íslendingar geta verið sjálfstæð og hnarreist þjóð sem á viðskipti austur og vestur og upp og niður. Við þurfum hvorki að vera í tollabandalagi gegn Ameríku eða í bandalagi gegn Evrópu. Við verslum við báða og þekkjum þeirra lönd. Það er mikil vanmetakennd að halda að við getum ekki lifað sjálfir heldur verðum við að treysta á aðra og lúta forsögn Brussel.

Mér finnst absúrd að útiloka annan fyrir hinn, vestmenn eða austmenn. Við erum bara við og það vilja báðir austan og vestan vera með okkur því við erum svo ríkir með öll þessi mið og náttúruauðlindir svona fáir í svona stóru og góðu land. Og til þess að gera vel menntaðir. Meira að segja Kínverjinn er að prófa hvort hann geti ekki blöffað okkur sem hann virðist hér um bil hafa getað gert þó hann hafi klikkað á Ögga.

Eina sem fælir frá okkur Íslendingum hamingjuna á mínum dómi er hvað við erum vitlausir að kjósa yfir okkur með reglulegu millibili efnahagslega örvita eins og Steingrím J. eða Jóhönnu. Helst einmitt þegar síst skyldi. Það sem er Íslands óhamingja sem allt verður að vopni í aldanna rás er að mestu leyti eigin heimska og þessi sífelldi sundurlyndisfjandi sem afleiðing af honum. Hugsun í tilfinnngum en ekki rökhyggju. Trúgirni og steigurlát vitleysa auk kreddufestu og álfatrú.

Þess vegna er landsframleiðsla Íslendinga að dragast afturúr og unga fólkið flýr ástandið hér og flytur burt með atgerfi sitt. Og til þess að kóróna vitleysuna flytjum við inn óþjóðir í staðinn fyrir þá sem fara sem við setjum á bætur hjá okkur. Við sjáum ekki þróunina í kringum okkur því við erum svo heimsk. Eða látum heimskingjana ráða yfir okkur frekar sagt. Það er þessi dularfulli Guðjón bak við tjöldin sem ræður því sem ekki má nefna upphátt sem meðaljóninn skilur ekki hver er. Kannski heitir hann líka Humpfrey en ekki Guðjón.

Kratar eru búnir að vinna nægileg óþurftaverk að mínu mati með því að fá Sjálfstæðisflokkinn til að koma á EES samningnum á á sínum tíma. Og Jón Baldvin heldur fram að hann hafi gert þetta sóló og kemst upp með það því Sjálfstæðismenn nenna ekki að stæla við hann. Kannski var EES heldur ekki alvondur fyrir okkur á þeim tíma. En heldur ekki lengur algóður ins og Árni Páll viðurkennir.

Ég sjálfur fyrir mig kem varla auga á atriði í þeirri sögu sem hefur ekki verið okkur alveg eins til bölvunar og blessunar og við myndum ekki hafa getað náð öðruvísi. Mér er líka alveg sama þótt einhverjir kratar segi að ég sé bara fífl sem sjái ekki skóginn fyrir trjánum. Það breytir engu fyrir mig héðan af. Ég vona bara að einhvern tímann sjái fólk að keisarinn okkar margra er í engu nema lygavefnaði og beiti sinni eigin skynsemi af upplýsingu, menntun og yfirvegun.Hætti að láta teyma sig af vefurum keisarans.

Það er í mínum augum rangt að halda það að EES hafi verið nauðsynlegt til að lækka aðgangstolla fyrir fisk inná Evrópumarkað. Jafnvitlaust að halda að það þurfi nú sérstakt veiðigjald á sjávarútveginn af því hann græði svo mikið. Hann græðir bara af því að krónan er í gjaldeyrishafti vegna aðgerða keisarans í gervi Jóhönnu og Steingríms og ráðgjafans Mávsins mikla í Seðlabankanm. Hefur ekki afkoma sjávarútvegs alltaf ráðist af gengi krónunnar og verðsveiflum á erlendum mörkuðum sem hafa ekkert með einhverja tolla á kryddsíldarflok að gera sem var víst eitt aðalatriðið þegar EES var komið á?

Látum ekki blekkjast af blíðmálum krata eins og Árna Páls núna þegar fyrirheitnu löndin þeirra eru hrunin í ösku og Evran brennur. Og engin skyldi láta sér detta í hug að Evrópusambandið sé tilbúið að breyta sér í einhvern pakka fyrir okkur fá og smáa að opna og kíkja í. Til að halda þetta þarf meira en meðal vanþekkingu á Evrópusambandinu og regluverki þess. Þetta er mikið og flókið Samband, þaulhugsað með margar vistarverur sem ekki eru allar sniðnar fyrir íslenska sveitamenn.

Þetta er það sem mér fannst eftir að hlusta á Árna Pál. Hann sannfærir mig ekki og ég kýs hann ekki.

Gnarrinn græðir

fyrir Reykjavíkurborg.

Rithöfundasambandið fékk hús Gunnars Gunnarssonar að gjöf í dag eftir að hafa notað það frítt. Nú fær það að borga fasteignagjöld og viðhald sem það borgaði ekki áður. Gott að bækurnar seljast svona vel.

Gnarrinn er ekki eins vitlaus og margir segja. Eða er ég bara ekki að fatta þetta?

Hver er Pútín?

Hann er karakter sem þvælist dálítið fyrir mér. Ég kann ekki rússnesku og veit eiginlega ekkert um Rússa nema það sem aðrir segja mér. Þessi heimur er lokaður fyrir mér eins og Arabaheimurinn og Íslamisminn.

Mér sýnist að Rússar séu um sumt líkir Aröbum þó sumir þeir efnuðu séu eins og við Vesturlandamenn á öðrum sviðum. En millistéttin er lágt sett og í minni hluta. Menningarstig þjóðarinnar með þeim hætti að þeir geta ekki lifað við lýðræði. Þjóðin er aftarlega í efnalegum velferðarþroska. Þeir varða að hafa sterkan mann yfir sér því þeir höndla ekki nútímann öðruvísi.Alveg eins og Arabarnir.

Saddam Hussein verkfræðingur gat bætt lífskjör þegna sinna stórlega en aðeins með harðstjórn. Þegnunum í það heila tekið leið betur undir honum en nokkru sinni þangað til Vesturlönd fóru að skipta sér af innanlandsmálum undir yfirskyni democracy sem þessar Arabaþjóðir geta ekkert með farið. Nú líður þeim öllum verr þökk sé okkur. Sömu sögu er að segja bæði af Gaddafi og Hosni Múbarak og þeirra þjóðum.

Hinsvegar hef ég ekki yfirsýn yfir hvað við gátum stolið miklu af þessum þjóðum í leiðinni og við hjálpuðum til við manndrápin þannig maður veit ekki hvort okkur líður verr eða betur ef grannt er skoðað. En auðvitað eru allar styrjaldir beinn hagvöxtur og framleiðsluörvandi framfaraskeið í öllum bísness.

Mér finnst að Pútín gæti hugsað sér að vera einskonar Napóleon Rússa. Mann sem leiðir þjóð sína fram til nýrra tíma. Hann og Napóleon eru hinsvegar ólíkrar gerðar hvað bakgrunn snertir. Napóleon var tekinn frá móður sinni 8 ára gamall til þess að alast up til að verða herforingi og heiðursmaður. Enginn brá honum um stríðsglæpi þrátt fyrir að fáir hafi staðið að meiri manndrápum en hann. Það var farið með hann sem þjóðhöfðingja eftir ósigurinn. Foringjar þriðja ríkisins voru hinsvegar margir hengdir að stríði loknu.Pútín geymir andstæðinga sína eins og Kodorkovsky í Gúlaginu.

Pútín kemur sem ungur maður í leyniþjónustu Rússa. Ekki veit ég hvort líklegt sé að sömu siðferðisgildi ríki innan NKVD og í herskólum þeim sem fóstruðu Napóleon. Að því leyti getur verið grundvallarmunur á þessum mönnum. Þó eru þeir báðir kjörnir keisarar í þjóðaratkvæði. Báðir auðguðu sjálfa sig og fjölskyldur sínar og vini og samstarfsmenn stórlega um leið og þeir efldu ríkið. Spurning er hinsvegar hvar skilur með þeim.

Napóleon hugsaði um hina smáu.Gleymdi aldrei hinum litla manni. Hann færði okkur að stofni til þá réttarvernd sem borgarinn býr við í dag á Vesturlöndum og í ótal málum breytti Napóleon því hjá fólki sem nú er talið sjálfsagt. Hann var meira með pennann á lofti heldur en sverðið, sívinnandi að framförum þjóðarinnar.

Hvað er Pútín að gera? Hversvegna lætur hann dóma ganga yfir stelpuskjátum úr Pussy Riot. Ekki er líklegt að Napóleon hefði ekki leyst svona smámál án svona upphlaups eins og Pútín verður að þola um allan heim. Hvað er hann annað að gera. Er hann að ná árangri í efnahagslífinu? Er Rússum að líða betur almennt fyrir hans tilstilli?

En það eru einmitt smáatriðin sem skipta máli. Karakter Pútíns er varla eins og Napóleons og greind hans þá líklega ekki heldur. Og mögulega getur hann verið hættulegt ólíkindatól í fleiri málum sem snerta stærri hagsmuni en þessar stúlkur. Eða þarf hann að leika hlutverk gagnvart minnihlutahópum kirkjufeðra? Hann muni leysa þetta á sinn hátt þó síðar verði. Það er eiginlega það sem við þurfum að velta fyrir okkur því við sjáum aðvitað aðeins hluta af dæminu og heyrum matreiddar fréttir okkar yfirvalda.

Hver er Pútín?

"Hvað segja 36 þúsund hluthafar?"

spurði Einar K. Guðfinsson árið 2003 þegar bankaþjófnaðurinn var í árdaga og bankastrákarnir voru svo eftirsóttir alþjóðlega að það þurfti að borga þeim ríflega svo þeir færu bara ekki annað og skildu okkur eftir.

Einar Kristinn segir enn:

24.11.2003
"Það eru einmitt hluthafarnir sem geta veitt aðhald. Hluthafar í íslenskum bönkum eru mýmargir. Samkvæmt upplýsingum frá Kauphöll Íslands nú fyrir helgi voru 10.971 hluhafar í Íslandsbanka, 13.586 í Landsbankanum og hvorki meira né minna en 29.810 í Kaupþingi - Búnaðarbanka, auk sex þúsunda í Svíþjóð. Vald þeirra er mikið og þeir geta vitaskuld nýtt sér það, en vonandi kalla menn það ekki einelti, þegar ég hér í lokinn hvet til þess að því sé beitt, til þess að koma í veg fyrir ákvarðanir af því tagi, sem ögrað hafa þjóðinni undanfarin dægur."

Og hluthöfunum fjölgaði næstu árin. En þeir höfðu bara ekkert að segja. Öllu var stolið fyrir framan nefið á þeim.

Og þjófarnir sluppu flestallir og ganga um með sperrt stél.

É áetta, é máetta

er haft eftir einhverjum úr útrásargenginu, Pálma, Hannesi, Jóni eða einhverjum þeirra snillinga, þegar einhver var að hneykslast á vinnubrögðunum hjá þeim.

Ég var að lesa grein Guðlaugs Þórs um Sjóvármálið. Hann virðist vera þingmaður sem er í pólitík alla daga af því hann hefur áhuga á henni og skrifar ekki síst í sumarfríinu. Þar rekur Guðlaugur hvernig Steingrímur tók 12 milljarða úr ríkissjóði án þess að tala við kóng né prest til að redda Sjóva að eigin frumkvæði eftir að Wernersbræður með uppáskrift þórs Sigfússonar höfðu stolið bótasjóðnum sem skattgreiðendur r landsins og viðskiptavinirnir eins og ég auðvitað líka höfðu byggt upp með félaginu á hálfri öld og tapað honum í Kína eða svo segja þeir og engum finnst það neitt til að spyrja frekar útí.

Áður hafði Steingrímur tekið meira en fjörtíumilljarða og hent í VBS og Þorvald Lúðvígsson í SöguCapital. Enginn veit hvar það fé er. En allir vita hvaðan það kom.

Geta svona ráðherrar eins og Jóhanna og Steingrímur komið að ríkissjóði og sagt eins og víkingurinn; É áetta, é máetta.

Þarf ekki að bjóða þeim til spurninga í þjóðmenningarhúsinu eins og Geir?

Guðjón bak við tjöldin

er þarna en við sjáum hann ekki og vitum ekki hvernig hann lítur út eða hvar hann býr. En hann er þarna og ræður öllu sem máli skiptir. kannski er hann ráðuneytisstjóri eins og Humpfrey, kannski er hann einhver frímúrari, Zonta kona, RauðaKross kall eð asvoleiðis á daginn.En á nóttinni er hann Guðjón.

Hann ræður því að við erum að teikna hátæknisjúkrahús fyrir símapeningana.Hverjum duttu þessi snjallræði í hug? Selja símann og allt koparnetið í jörðinni fyrir eitthvað sem ég kann ekki. Smáupphæð. Og byggja svo spítala þegar við getum ekki rekið þá núverandi?

Hvað selur Guðjón næst?. Skólana, vegakerfið, virkjanirnar, Langanes, Grímsstaði á Fjöllum? Sama hvað við belgjum okkur, Guðjón hefur völdin.

Hver stjórnar því að þetta fæst ekki rætt? Það er bara unnnið í þessu á fullu. Það er af því að Guðjón ætlar að byggja spítala.

Hann Guðjón bak við tjöldin.

Ekki orð

frá hvorugum vina minna sem eru Landsbanki og Íslandsbanki í þjónustu við þig eða eitthvað svoleiðis.

Landsbankinn stal af mér debetkortinu og skilar því ekki aftur. Segir ekki einu sinni svei þér.

Er ég sekur í málinu úr því að ég er þolandinn?.

Landsbankinn segir mér að ég geti farið að leita að kortinu uppi í Íslandsbanka? Er honum skítsama um mig og minn tíma, óþægindi og röskun á högum? Kallar hann þetta góða þjónustu og vinskap og hvað þeir kalla þetta allt saman?

Ef ég væri lögfræðingur myndi ég stefna bankastjóra Landsbankans og heimta skaðabætur. En ég er víst bara venjulegur auli sem þeir telja sig geta sparkað í eins og þeim sýnist.