Allt er vænt sem vel er grænt

 Ríkisstjórnarflokkarnir dreifðu visku sinni yfir velli þjóðarinnar. Megi þúsund blóm spretta.

"Þetta var góður fundur"

"og mætingin var góð þrátt fyrir að fundurinn var haldinn úti á landi og við lok sumarleyfa, það mættu um 80 manns"

Hvers vegna var fundinum valin þessi staður og stund? Var kannski ekki óskað eftir að fleiri mættu en 80? Voru þeir kannski of margir samt? Sjónvarpið sýndi í fréttum að allir réttu samt upp hendi þegar kippt var í spottann.

Íslendingar þurfa samt að minnast þess að það er í krafti þessara 80 sem framtíð landsins er mótuð. Þessi leiksýning varðar okkur öll. Það er þetta fólk sem stendur að baki þess að 5 Íslendingar flytja úr landi hvern einasta dag síðan 2009. Þó að við fáum óléttar Nígeríukonur og fleira nýtt fólk í staðinn vantar sárlega upp á fjöldann. Og hugsanlega meira til.

Og svo segir annar álíka klúbbur sem líka mótar hamingju landsins að við verðum nú að taka gjaldmiðlaumræðuna hressilega upp á yfirborðið. Tæpast er verið að tala um marga gjaldmiðla eða hvað?

Íslands ógæfu verður allt að vopni var einu sinni sagt. Öðrum finnast þetta hafa verið góðir fundir.

Neil Armstrong

var nafn sem hefur lifað í huga sérhvers manns síðan hann steig fyrstur fæti á tunglið. Þetta var afskaplega geðfelldur maður og eins og erkitypa hinnar bandarísku hetju. Að hugsa sér, svona langt síðan!

"Good luck Mr. Grodzky" sagði svo Armstrong næst á eftir setningunni um smáa og stóra skrefið. Hann þagði um skýringuna á henni næstu 20 árin eða svo. Húmoristi.

Maður minnist Armstrongs með virðingu.

Verðtryggingarræðan

bylur sýknt og heilagt frá Sögu-stöðinni. Afnám verðtryggingar er allra meina bót á þeim bæ og fastra fyrirlesara þjóðarsálarinnar.

Það yrði gaman ef venjulegir Íslendingar færu að hugsa um hvernig þeir geti hætt að vera lánafíklar og færu að hugsa um hvernig hægt sé að leggja fyrir og mynda eign. Færu að velta því fyrir sér hver sé munur á lánskrónu og sparikrónu. Stjórnmálamenn færu að huga að því að gefa fólki tækifæri til að vinna sjálft með eigin höndum að eignamyndun í stað þess að hugsa bara í félagslegum úrræðum.

En það eru ekki margir kostir um þessar mundir sem bjóðast sem sparnaðarleiðir. Hver þorir að binda peningana sína í 3 ár þessum bönkum sem geta farið á hausinn þegar minnst varir bara til þess að peningurinn rýrni hægar?

Það vantar hérna alvöru banka eins og Steypustöðin var í gamla daga þar sem menn gátu átt steypukrónur inni. Fyrirtækinu treystu allir og lögðu hiklaust inn aurana sína án frekari tryggingar en kvittunar frá gjaldkeranum. Meira segja ríkið tók þessar kvittanir uppí skatta. En við þorðum ekki annað en að setja kvóta á innleggin og miklu færri fengu að leggja inn en vildu.Ef við hefðum verið útrásarvíkingar hefðum við getað stungið af með gríðarlegar upphæðir. En við vorum ekki þannig upp aldir. Orð stóðu stundum í þá daga. Þetta var á verðbólguárunum þegar peningaseðillinn brann upp fyrir augunum á þér ef þú gast ekki komið honum í eitthvað fast efni eins og steypu.

Þeir sem væla hæst núna um afnám verðtryggingar virðast ekki vilja hugsa um það atriði að fólk myndi einkasparnað. Þeir vilja bara lán sem brenna upp í verðbólgu. Og af því að enginn vill lána þeim til langs tíma óverðtryggt þá heimta þeir ríkislán fyrir sig og sína. Þeir viðurkenna ekki samband milli lána og sparnaðar eða frjálsra samninga eins og Hraðpeningafyrirtækin bjóða uppá.

Vextir eiga að vera svo háir sem til eru fífl að borga, sagði gamli Sveinn. Það þarf alltaf tvo til lánsviðskipta. Lántakandann og lánveitandann. Báðir verða að hagnast. Ekki bara lántakandinn eins og umræðustjórarnir halda fram.Það eer ekkert sem þú verður að kaupa hvað sem það kostar.

Vaxtasíbyljan gengur alla daga. Atvinnureksturinn þolir ekki þessa vexti er vælt og vælt. Ef hann þolir þá ekki þá eru bara ekki tekin lán og eitthvað gert annað. Að gefa út steypukrónur var ein leið í gamla daga. Vextir eiga að vera frjálsir eins og önnur vara og þjónusta. Vaxtasamráð er hinsvegar samsæri gegn almenningi og á að meðhöndlast sem slíkt í stað þess að greiðast með fálkakrossum eða sektum á fyrirtæki frekar en stjórnendur.

Nú treystir enginn öðrum fyrir horn. Heiðarlegt fólk er orðið undantekning frekar en reglan og frásagnir af þjófnuðum svikum og skjalafalsi eru aðalfréttirnar. Menn eins og Snorri í Húsasniðjunni heyra sögunni til en þeir bréfaguttar komnir í staðinn sem þykja mestir sem hafa tekið mesta snúningana á almenningi eins og Pétur Blöndal er að sýna á myndbandinu sínu þessa dagana á Facebook. Svoleiðis karaktérar tróna nú margir hæst í viðskiptalífi landsmanna.

Allir þurfa þak yfir höfuðið. Þjóðfélagið á skilyrðislaust að hjálpa fólki til að eignast fyrstu íbúð án þess að drukkna í vöxtum. En lóðaokrið hjá sveitarfélögunum á höfuðborgarsvæðinu er svo svakalegt að það er lamandi fyrir heilbrigt samfélag. Borgaðu 17 milljónir áður en þú færð að byggja lítið einbýlishús ! Þetta veldur því að fólk verður frá að hverfa.Sama lóð kostar brot af þessu úti á landi. Samt er ekkert gert nema vælt og þvælt um Ebítur og ávöxtunarkröfur en ekkert um raunhæfa hluti eins og fólk skildi á dögum smáíbúðahverfsisins.

Vertryggingaræðurnar hjá Sögustöðvar-spekingunum eru löngu gengnar sér til húðar sem raunhæft innlegg í vandamál unga fólksins. Það vantar einhverskonar New Deal eins og Rossevelt sagði í gamla daga. En það verður víst bið á því. Fólk getur líka misst af sjónvarpsþætti ef frítíminn er ekki í heiðri hafður.

Hollendingar

hafa gefist upp á fjölmenningarstefnu sinni.

Í Hollandi eru 6 % þjóðarinnar aðfluttir múslímar. Múslímar flýja til Vesturlanda vegna ófriðar og harðstjórnar í sínum eigin löndum. Hví skyldu þeir að fá að breyta menningu gistilandanna að sínum smekk? Hollendingar hafa fengið sig fullsadda.

Aðlögunarfrumvarp sem innanríkisráðherra Hollands Piet Hein Donner lagði fyrir þingið 6. júní s.l. segir:

" Hollenska ríkisstjórnin deilir þeim skoðunum þjóðfélagsóánægju yfir fjölmenningarsamfélaginu og ráðgerir að breyta áherslum sínum til hollenskra gilda."

Hætt verður að styrkja múslíma-minnihlutann sérstaklega. Þar sem þeir minnka möguleika á þáttöku í atvinnulífi með klæðaburði verður barist gegn sérklæðnaði og sem þáttur í því verða andlitsslæður bannaðar 2013.Múslimskir giftingarsiðir og þvinguð hjónabönd verða baönnuð. Allir skulu læra hollensku, verða Hollendingar og fara eftir hollenskum lögum og gildum eingöngu.

" Það er ekki verkefni ríkisstjórnarinnar að aðlaga innflytjendur." segir ráðherrann ennfremur.

Við erum ekki Hollendingar.

Af hverju?

eru Sýrlendingarnir sem komu á fölsuðum pappírum hingað og segjast svo vera hælisleitendur ekki sendir umsvifalaust til baka sem skjalafalsarar og þar með glæpamenn sem þeir eru?.

Af hverju koma þeir hingað? Hafa hinir Sýrlendingarnir hérna kallað á þá? Kalla hælisleitendurnir á hvern annan?

Mér var sagt að konurnar sem komu hingað sem flóttamenn fyrir einhverjum árum og sögðust vera stríðsekkjur hafi í raun verið giftar og séu búnar að fá kallana sína til sín á sósíalinn á Akranesi. Ef það er ekki svoleiðis þá væri ágætt að fá það staðfest með tölum. Líka væri fróðlegt að vita hvernig atvinnuþáttaka þessa fólks hefur verið svo að við vitum hvaða fengur var í þeim?

Af hverju að taka við skjalafölsurum sem hælisleitendum?

V.(esæl) og G.(ufa)

gæti verið þýðing á skammstöfuninni V.G. ef marka má fréttir af svokölluðum flokksráðsráðfundi. Flokkurinn virðist ekkert hafa að tala um. Svo stendur í Mogga: "Þetta var allt á rólegu nótunum,“ segir Gísli Árnason formaður Vinstrihreyfingarinnar - græns framboðs í Skagafirði en fyrri degi flokksráðsfundar af tveimur er lokið. Meðal þess sem fór fram í kvöld var pallborð um störf Alþingis og helstu þingmálin. Gísli segir lítið sem ekkert að frétta eftir kvöldið, eitthvað hafi verið um fyrirspurnir en engar heitar umræður. Hann segist efast um að nokkuð verði um harkalega átök þegar kemur að málefnum VG og komandi kosningabaráttu. Meðal þess sem verður á dagskrá morgundagsins eru málefnahópar um landbúnaðarstefnu flokksins, utanríkismálastefnuna og lýðræðisstefnu." Alla malla. Þeir hafa ekkert að tala um. Kannski kjósa þeir Steingrím J. formann ævilangt að Norður Kóreksri fyrirmynd? Vesæll stormur í vatnsglasi og tómar gufur í ræðustól. Jedúddamía!V.G.!

Léttlyndi Landsbankans

er mér ljóst eftir ég hringdi í fjórða sinn í þá á þriðjudegi í síðustu viku til að spyrja um debetkortið. Þá sögðu þeir eftir langa bið að kortið mitt sem Hraðbanki Landsbankans stal af mér á föstudeginum á Dalveginum þar áður, yrði póstlagt þann dag til Íslandsbanka. Ég myndi geta fengið það þar daginn eftir. Það gerðist ekki og ég hætti að nenna þessu.

Í gær hringdi kona frá Íslandsbanka á Suðurlandsbraut og sagði að þeim hefði verið að berast debetkort mitt frá Landsbankanum. Ég mætti sækja það í afgreiðsluna til þeirra. Kostaði ekkert. Ég spurði hvort það væri ekki löngu komið. Hún endurtók að það hefði verið að berast rétt í þessu.

Í dag klukkann 18.00 verða liðnar tvær vikur frá því að Hraðbanki Landsbanka Íslands kokgleypti kortið mitt og sagði ekki einu sinni svei þér. Og það var ekki innistæðulaust. Ég vissi ekki til þess að ég hefði gert honum neitt. Aldrei fengið afskrifað. Hinsvegar mátti ég afskrifa og tapa öllu hlutaféinu sem ég átti í bankanum í hruninu þegar Ríkið stal honum til sín af okkur gömlu eigendunum.

Hafa þeir í Landsbankanum tjáð mér að þeim þætti fyrir þessum óþægindum? Ónei. Kannski finnst þeim þetta mátulegt á mig þar sem ég var að kaupa brennivín í Ríkinu. Fíbjakk! Partur af Áfengisvörnum Ríkisins er að hafa það nógu dýrt og hefta aðgengi.

Enga veit ég dýrlegri en hraðbanka merkta Landsbankanum. Þeir skila kortinu þínu þótt síðar verði. Þú mátt lesa auglýsingarnar frítt frá Landsbanknum sem skýra hina frábæru þjónustulund bankans. Þær líða linnulaust yfir skjá Hraðbankanna. Auðvitað á ég að trúa þeim eins og öðru hjá þessari þjóðareign og gersimi.

Þetta verður auðvitað minn uppáhaldsbanki svo mikið er víst þegar ég er bínn að læra þær nógu vel. Hinn léttlyndi Landsbanki Íslands. National Bank of Iceland. Icesave og allt það. Allt í þjóðareign og á hennar ábyrgð.

Gjalda skaltu lausung við lygi stendur einhversstaðar. Þetta gilti bara í gamla daga fyrir daga léttlynda Landsbankans.

Þú skalt lofa Landsbankann
ljúga aldrei þessir
skatnaherinn skítblankann
skuldaklafinn hressir.

Láttu kort í lítið gat
lærðu svo að spara
því ekki kemur aftur þat
því á ég mig að vara.

Landsbankinn er lífsins saga
lítilmagninn barinn skal
Þá loks ormar þig svo naga
þarftu engann ríkisdal.

Aaaah BÚúú?

er algeng ranghugmynd meðal Íslendinga þegar þeir halda að þeir sú búnir að kíkja í pakkann hjá Evrópusambandinu og aðildarviðræðunum lýkur.Stórveldi hugsa ekki svona. Fæstir hafa kynnt sér hernaðarreglugerðir Sambandsins nægilega til að sjá hversu mikið smáþjóðir hafa að segja í Geopolitik stórveldisins.Það hugsar um áhrif sín Glóbalt en er ekki svo mjög að spekúlera í skammtímavandamálum. Allt slíkt er leyst með ákvörðunum ráðsins eða framkvæmdastjórnarinnar. Evrópuþingið kemur þar lítt við sögu.

Þessir landsmenn okkar halda að þeir geti bara kosið Steingrím og Jóhönnu frá og Aaaah BÚúú ! Halda þeir virkilega að þetta sé svona auðvelt? Samþykki bara til að fresta aðildarviðræðunum eftir ráðgefandi þjóðaratkvæði dugi til? Mér er til efs að svo sé.

Íslendingar eru aðilar að EES-samningnum. Til eru þeir sem segja að fátt gott hafi af honum hlotist þegar allt er metið. Við fengum að vísu eftirgefna tolla á einhverjum kryddsíldarflökum og þess háttar. Við áttum líka að fá fjórfrelsið sem þýddi frjálsa för fjármagns, fólks, varnings og þjónustu. Það er að við megum sækja um vinnu í löndum eins og Spáni og Grikklandi, og jafnvel Danmörku og Þýskalandi. Við áttum að mega flytja með okkur eigur okkar, sem varning, og við máttum setja upp ferðamannaþjónustu í Albaníu. Auðvitað gagnkvæmt. Uppfylltum þetta um tíma í góðærinu.

Eða þannig hljómaði það þegar var verið að pranga þessu inná okkur.
Stjórnvöld okkar hafa hinsvegar samviskusamlega brotið þau ákvæði sem þeim hentar hverju sinni eins og frelsi á fjármagnsflutninga.

Við höfum sett á harða átthagafjötra þannig að við getum ekki selt okkar borð og rúm fyrir peninga og flutt úr landi. Ef við viljum ekki setja búslóðina um borð í Norrænu verður það að vera kyrrt á Bergþórugötunni þó við getum farið sjálf á nærbuxunum. Það sjá allir hversu mjög við erum að efna okkar hlið meðan við sum okkar selja sveitir landsins til Evrópumanna og kannski Kínverja.

Samt talar ESB við okkur eins og alvöru viðsemjendur á EES svæðinu. Það er nokkuð ljóst að þeir setja kíkinn fyrir blinda augað hvernig við leyfum okkur að koma fram enda hafa þeir von um að fá meiri hagsmuni fyrir minni og segja ekki múkk. Þorskurinn, makríllinn og norðvesturleiðin hrópa líka og kalla. Alþingi hamast við að taka upp í íslensk lög ótal bálka frá Evrópusambandinu.

Margt regluverkið er að vinna hér skaða eins og fyrirskipanir EASA sem eru langt komnar með að kála almannaflugi á landinu og svo klofningur orkufyrirtækjanna sem líklega nærri tvöfaldar verð á rafmagni. Samt hefur eitt og annað gott hlotist af þessu eins og aukin staðlanotkun í ýmsum framkvæmdum.

En yfirleitt er embættiskerfið okkar miklu kaþólskara en páfinn sjálfur og túlkar yfirleitt ekkert af regluverkinu til léttis fyrir almenning heldur öfugt. Dómstólar okkar haf fengið verðuga rassskelli hjá Mannréttindadómstólnum án sýnilegs árangurs þó. Svínarí í embættaveitingum og úthlutunum heldur áfram sem aldrei fyrr og gegnsæi stjórnsýslunnar er auðvitað bara hjal upp á punt. Það stendur ekkert til að breyta því frekar en kvótanum.

Þetta hættir ekkert þó að við hættum aðildarviðræðunum nú eða seinna.Við erum með langan baklista af svikum gagnvart EES sem við eigum eftir að fullnusta þar til við pössum fyllilega inn í ramma ESB.Jafnvel Árni Páll sér missmíðar á þessu.En það verður auðveldara að loka köflunum í næstu lotu aðildarviðræðna eftir því sem við semjum okkur meira að regluverkinu og gerðunum.

Þetta er hin undirliggjandi stjórnarstefna kratismans og líka hans Guðjóns bak við tjöldin sem stýrir okkur beint í aðra átt en við höldum. Og við erum nógu andvaralaus til að láta teyma okkur áfram með Schengen, EES, EFTA og öllu því í stað þess að standa í lappirnar og vera stoltir af því að vera Íslendingar.Horfa á þetta fagra land með alla sína möguleika sem ESB skiljanlega ásælist sem og Kínverjar.

Mér þykir líklegt að næsta lota til að koma okkur í Evrópusambandið hefjist innan tveggja til fjögurra kjörtímabila héðan í frá. Aðeins veiking Sambandsins sjálfs og áföll innan þess geta breytt þróuninni. Og svo gæti almenn lífskjarasókn á landinu sjálfu umfram bata í Evrópusambandinu breytt einhverju með nýrri kynslóð fólks- sem eru Íslendingar að stofni til en ekki hjarðir innflytjenda. En einmitt fjölgun innflytjenda er stefnumál hins alþjóðalega kratisma þar sem það veiklar mótstöðuafl þjóðarinnar.

Því það er alveg klárt, að sterk öfl ætla með okkur í ESB, hversu langan tíma sem það kann að taka.Við sem spyrnum við klaufum skulum verða barðir til hlýðni með tíð og tíma. Það verða kannski haldnar einhverjar ráðgefandi þjóðaratkvæðagreiðslur um inngöngu en eins og víða annarsstaðr er bara kosið aftur og aftur þangað til sigur vinnst.

Vinstri stjórnir eins og Jóhönnu beita gjaldeyrishöftum sem kúgunartæki á almenning sem sættir sig við helmingun lífskjara á kostnað þess að stjórnin komist upp með að skattleggja útveginn og hirða veiðigjaldið af honum með mútum um framlengingu kerfisins. Tax and spend er manifesto krata um alla veröld.

Þetta notar stjórnin til að þreyta almenning og lama en skreytir sig sjálf með góðverkum fyrir peningana. Allt þetta blasir við núna en enginn segir í rauninni neitt. Álíka sniðugt og þegar Steingrímur hrósar sér af neyðarlögunum í Financial Times og kemst upp með það. Það er eins og öllum meðulum sé beitt til þess að pynda fávísan almenning til að gefast upp og segja já við ESB þar sem lágir vextir á evrunni slá gullbjarma í augu volaðs skuldaralýðs sem þráir bara meiri lán og meiri lán.

Það er ekki Ahhh BÚúú þó sumir haldi það.

Birgir Ármannsson

sem er annars með bestu þingmönnum og einn af fjórum þingmönnum Sjálfstæðisflokksins sem hafði pólitískt vit til að samþykkja ekki Icesave samningana með Steingrími vill ekki ganga úr Schengen. Hann segir svo mikilsvirði að fá upplýsingar frá löggunum í samstarfinu.

Eru upplýsingar um glæpamenn orðin að trúnaðargögnum milli landa í EES utan Schemgen?Hvar er allt samstarfið? Hvernig fara Bretar og Írar að?

Birgir er upptekinn við það flesta daga að dengja á okkur allskyns íþyngjandi Evrópusambandslöggjöf vegan samningsins þess.

Hefur Birgir um það tölur hvort Schengen hafi dregið úr starfsemi útlendra glæpamanna hérlendis? Starfsemi erlendra þjófagengja? Aðstreymi nígerískra flóttakvenna með börn? Aðstreymi hælisleitenda?

Mættum við heyra meira frá Birgi Ármannssyni?