Leita í fréttum mbl.is

Bloggfærslur mánaðarins, mars 2014

Gjaldtaka við Geysir

verður Kolbrúnu Berþórsdóttur að yrkisefni í Morgunblaðinu í dag;

Þar segir m.a.:"Erlendir ferðamenn hér á landi virðast líkjast íslenskum ferðamönnum í útlöndum að því leyti að flestir fagna þeir öllu sem þeir fá ókeypis en setja ekkert sérstaklega fyrir sig að borga smáaur fyrir að skoða vinsæla ferðamannastaði. En þar sem það leynist örlítill Scrooge í manneskjunni, og kannski sérstaklega þegar hún er á ferðalagi í útlöndum, þá eru ekki allir ferðamenn sem sjá ástæðu til að skoða svæði sem þarf að borga sig inn á. Menn spara sér þá þann pening, þótt um litla upphæð sé að ræða. Er það alveg jafn eðlilegt og það að stór hópur kjósi að borga sig inn á svæði til að skoða náttúruperlur.

 

Nú er ljóst að ýmsir hafa þá prinsippafstöðu að það eigi alls ekki að taka gjald af fólki sem vill skoða náttúruperlur. Það sé sjálfsagður réttur fólks að skoða náttúruna að vild og beinlínis rangt að láta það borga fyrir aðgang að henni. Hugsunin er: Þetta er Gullfossinn minn - Geysir er hluti af mér - ég vil ekki að náttúra landsins míns sé gerð að ómerkilegri söluvöru.

 

Það er fjarska auðvelt að hafa skilning á þessu ögn rómantíska sjónarmiði sem hljómar svo göfuglega. Staðreyndin er hins vegar sú að ágangur ferðamanna á helstu ferðamannastöðum landsins hefur í of langan tíma verið að skaða og eyðileggja náttúruna á þann hátt að ekki verður við unað. Það er falleg hugmynd að hundruð þúsunda ferðamanna geti ár hvert sprangað hamingjusöm um hina sífögru íslensku náttúru sér að kostnaðarlausu, en þegar horft er yfir svæðið sem þarf að þola þennan átroðning þá er sýnin ekki jafnfögur. Það þarf nefnilega að taka til eftir ferðamennina - og eins og svo margt annað í þessum heimi þá kostar það peninga. Það er ekki ósanngjarnt heldur hreinlega sjálfsagt og eðlilegt að fólk borgi hóflegt gjald ætli það sér að skoða helstu ferðamannastaði og náttúruperlur og jafnsjálfsagt er að það fjármagn sem fæst vegna gjaldtökunnar renni til uppbyggingar á þessum svæðum.

 

Gjaldtaka á ferðamannasvæðum er ekki ein af hinum viðbjóðslegu birtingarmyndum kapítalismans heldur skynsamleg aðgerð. Útfærsluna þarf svo að ræða vandlega. Hugmyndin um einn allsherjar ferðamannapassa um landið kann að hljóma eins og heppileg lausn en ekki er víst að svo sé. Sitthvað í sambandi við slíkan ferðamannapassa hljómar eins og afar vond tegund af miðstýringu. Núverandi stjórnvöld vilja vonandi ekki kenna sig við slíkt. kolbrun@mbl.is "

Geysir minn, Gullfoss minn. Hver á Geysi? Er ekki á hreinu að það er ríkið sem á Geysi? Nú ætla prívatmenn að gera Geysi sér að féþúfu. Undir því yfirskini  að ríkið hafi ekki gert nægilega mikið í gerð göngustíga um svæðið.Þeir ætli að laga þá. Kannski?

Ég veit ekki hver á Gullfoss. Hver getur selt inná hann?

En mér finnst fáránlegt að einhver geti selt aðgang að því sem hann á ekki. Þessvegna stenst gjaldttaka einhverra landeigenda við Geysi ekki þó að hún gæti staðist við Gullfoss. Er sjálfgefið að landeigendur hafi einkaleyfi á veitingasölu við ferðamannastaði? Greiðasalan er líka gjaldttaka við Geysi.

 


Klárum málið strax!

eins og leiðari Morgunblaðsins segir:

"Það hefur sýnt sig, og kom ekki á óvart, að viðleitni þingmeirihlutans til að taka mikið tillit til minnihlutans, leyfa honum til dæmis að ræða fundarstjórn forseta endalaust og taka til umræðu alls kyns undarleg afbrigði af þeirri einföldu tillögu að draga til baka umsókn um aðild að Evrópusambandinu, hefur engu skilað. Þvert á móti hefur sá litli minnihluti á þingi og annars staðar í þjóðfélaginu sem vill aðild að Evrópusambandinu forherst í baráttunni við þá miklu tillitssemi sem honum er sýnd.

 

Þetta kom ekki á óvart vegna þess að þetta er aðeins endurtekning á því sem áður hefur gerst þegar reynt er að friða þennan hóp og sýna sjónarmiðum hans of mikinn skilning á kostnað hins stóra meirihluta sem vill standa utan Evrópusambandsins.

 

Þessi forherðing sýndi sig til að mynda í fyrirspurn Árna Páls Árnasonar til Bjarna Benediktssonar á þinginu í fyrradag. Árni Páll, líkt og aðrir talsmenn ESB-rétttrúnaðarins, mun aldrei sætta sig við að meirihlutinn fái að ráða í þessu máli og að málið sé afgreitt á eðlilegan hátt í þinginu. Þetta er nú orðið svo augljóst að meirihlutinn hlýtur að fara að átta sig á að tilgangslaust er að reyna að friða þá sem ætla sér með öllum ráðum að fá sitt fram og gefa ekkert fyrir meirihlutavilja Alþingis. Þegar staðan er orðin þessi er ekkert annað að gera fyrir meirihlutann en að afgreiða málið svo sómi sé að fyrir þing og þjóð - og hefja svo vinnu við önnur mál. "

Voru ekki þingmenn kosnir til að reyna að gera eitthvað nytsamlegt fyrir þjóðina annað en að pexa svona glórulaust um mál sem á að fara í gegn?

Hvernig væri að þeir færu að ræða almennt fyrirkomulag á íslenskum vinnumarkaði þegar misfjölmennir hópar geta stöðvað þjóðfélagið allt með því að taka venjulegt fólk í gíslingu með verkföllum til að knýja fram launakröfur sínar?

Þegar almenningur er varnarlaus og getur ekki leitað annað þá er ekki verið að fremja annað en vopnuð rán undir yfirskyni stéttabaráttu. Það er minningarmerkt þegar Reagan forseti endaði verkfall flugumferðarstjóra PATCO með því að reka þá alla og leggja bann við því að þeir væru nokkru sinni aftur ráðnir til ríkisins.Og stóð við það.

Gengur þjóðfélag sem leyfir ótakmarkaða skæruliðastarfsemi og skemmdarverk? Getur þjóðfélag leyft sumum að fyrirlíta þjóðarsátt um verðbólgumarkmið?  Eru einhverjir sem mega bara vera stikkfrí ? Þorir ríkisstjórn okkar ekki að ríkisstjórna?

Verður þá ekki  að einkavæða sem allra mest af starfsemi ríkisins eins og  skóla, sjúkrahúsa og flugumferðarstjórnar.

 


Fáránleg tillaga

á  Alþingi:

"Allsherjar- og menntamálanefnd Alþingis styður að það verði skoðað að lækka refsimörk vegna ölvunaraksturs úr 0,5 prómillum í 0,2 prómill. Þingsályktunartillaga sex þingmanna Framsóknarflokks um hert viðurlög við ölvunar- og vímuefnaakstri var lögð fram á Alþingi 19. nóvember 2013. Fyrri umræðu lauk 28. nóvember og var málið sent allsherjar- og menntamálanefnd.

 

Í greinargerð með tillögunni kom m.a. fram að markmiðið væri að fækka þeim tilfellum þegar ökumenn ækju undir áhrifum áfengis og/eða vímuefna. »Það er mat flutningsmanna að til að svo megi verða sé nauðsynlegt að gera breytingar á viðurlögum er snúa að ölvunar- og vímuefnaakstri.«

 

Þar er einnig bent á að ölvunar- og lyfjaakstur sé orsök þriðjungs banaslysa í umferðinni og margra annarra alvarlegra umferðarslysa, samkvæmt gögnum Samgöngustofu og rannsóknarnefndar samgönguslysa. Einnig að Svíar og Norðmenn hafi nú þegar lækkað refsimörk vegna ölvunaraksturs úr 0,5 prómillum í 0,2 prómill.

 

Allsherjar- og menntamálanefnd hefur nú sent frá sér nefndarálit með breytingartillögu við þingsályktunartillöguna. Þar er lagt til að Alþingi álykti að fela innanríkisráðherra að láta yfirfara viðurlög við ölvunar- og vímuefnaakstri við heildarendurskoðun umferðarlaga með það að markmiði að fækka slíkum tilvikum. Sérstaklega verði skoðuð nokkur atriði í því sambandi. Þau eru að lækka refsimörk ölvunaraksturs úr 0,5 prómillum í 0,2 prómill og samsvarandi mæling öndunarsýnis. Námskeið um alvarleika ölvunar- og vímuefnaaksturs. Hækkun sektargreiðslna vegna ölvunar- og vímuefnaaksturs og að hluti þeirra renni í forvarnasjóð. Ný úrræði í viðurlögum við ölvunar- og vímuefnaakstri."

Þarna er verið að apa eftir skandínövum blint. Verið að fjölga fyrirsátum lögreglu fyrir venjulegum borgurum eins og gerðist með lögregluþjóninn sem réðist með ofbeldi á Ágúst frænda minn á dögunum. Bílar eru nefnilega ekki framlenging á heimili ökumanns á Íslandi eins og Bandaríkjunum og því leyfist illa siðuðum lögregluþjónum að heimta menn út úr bíl sínum hérlendis að tilefnislausu sem þeir geta ekki í Bandaríkjunum.

Þetta gerir það að verkum að enginn má keyra bíl fyrr en sólarhringi eftir sjúss eða bjór. Þetta gerir ferðmönnum  sem verið er að reyna að fjölga ómögulegt að fá sér vínglas á sífjölgandi veitingahúsum landsins. Keyra allt mannlífið í  afdalamennsku þess versta úr Framsóknarflokknum. Allt útaf því að brjálað lið, sem er yfirleitt albrjálað fullt eða ófullt, veldur þriðjungi banaslysa í umferðinni. Gera engan greinarmun á þeim sem brýtur af sér í umferðinni og þeim sem ekkert gera af sér nema að lykta eitthvað. Eins og selja ekki Parkódín í Apótekum af því að dópararnir geta fengið sér hæ úr því.Kardímommudropa bla bla.Bla.

Fyrir þetta á að ofsækja borgarana sem keyra eins og menn, fullir eða ófullir.Siga löggunni á almenning sem mun auðvitað bregðast öndverður við og fara að verða lögreglunni fjandsamlegri.

Í stað þess að snúa sér að þeim tveimur þriðju af slysunum sem eru að þjaka okkur þá er ráðist á það sem minni skaðanum veldur. Til viðbótar lyktar dópið ekki en áfengið gerir það þannig að það næst ekki til þeirra raunverulega hættulegu í umferðinni. Sem keyra um ótryggðir,á ónýtum bílum og gefa skít í allt, samborgara sína sem annað.

Þetta er alvitlaus tillaga eins og flestir sjá sem nenna að hugsa og hafa komið til útlanda. Ég skora á þingmenn að henda þessari fáránlegu tillögu afdalamanna útaf borðinu og hækka heldur refsileysismörkin upp í 1 prómille án slyss þannig að hægt sé að kalla Ísland ferðamannavænt.


Nú má Pútín passa sig

ef hann er farinn að ræna úkraínskum pótintátum. Er hann orðinn vitlaus ef því að atkvæðagreiðslan gekk svona vel?

Nú held ég að kallinn Pútín verði að passa sig.  


Bravó fyrir Pútín

sem lét Krímskagabúa greiða atkvæði um hvort þeir vildu vera Rússar eða ekki. Yfir 90 % íbúa greiddu atkvæði auðvitað með því að tilheyra Rússlandi. Því íbúarnir eru Rússar hvað sem löglausar ráðstafanir Krúsjeffs fyrir 60 árum sögðu  og Sevastopol er herstöð Rússlands.

Hlálegt er að horfa uppá Merkel og ESB keisarann mótmæla þessu. Þetta var lögleg aðgerð hjá Pútín sem spurði bara þjóðina. Vinstra liðið hér þorir ekki að spyrja þjóðina um ESB en mótmælir ákvörðunum löglegs meirihluta. Meirihluti Íslendinga vill hvorki sjá né heyra ESB. En vill halda einhverjum aðildarviðræðum Þorsteins Pálssonar áfram, þó þær hafi lengi legið niðri,  þó svo að ríkisstjórnin og þingmeirihlutinn vilji það ekki .

Pútín þorir. Pútin gerir það sem aðrir þora ekki. Að standa í lappirnar.

Bravó fyrir Pútín! 


Kvöldstund í Flórídu

leið hratt þegar ég sat í samræðum við tvo landa okkar. Annar fór frá Íslandi fyrir 43 árum og hefur síðan stundað alþjóðleg viðskipti.Skilar skattaskýrslum í 3 löndum og á heimili í þeim öllum, Býr mikið í Luxemburg og er í Flórídu á vetrum. Athugull maður, fjölfróður og skemmtilegur viðræðu eins og lífsreyndir menn eru. Hinn viðmælandinn er mun yngri athafnamaður af Íslandi, sjálfgerður sem hinn fyrri, greindur og glæsilegur fulltrúi sjávarútvegsins.

Sá yngri hafði gaman að ræða Evrópusambandið og lýsti sig mikinn áhugamann um inngöngu fyrir Íslands hönd. Hann þuldi upp marga kosti sem aðild hefði í för með sér. Sá eldri benti honum í allri vinsemd að allt væri ekki sem sýndist í mörgum greinum og sagði sig fulldómbæran á  að Evrópusambandið hefði ekki fært sér sem Luxemburgbúa annað en aukinn kostnað, hærri skatta, aukið atvinnuleysi og hækkað vöruverð. Það þýddi ekki að deila við sig með slagorðum þar sem hann byggi í bandalaginu sjálfur til áratuga. Ekki líkaði hinum yngri þetta allskostar þar sem þetta féll illa að kenningum þeirra Evrópusinna.

Síðan fór hinn eldri að tala um framtíð heimsins af þeirri þekkingu sem hann hefur aflað sér í sögu heimsins. Hann sagði hinum yngri að sér virtist að ríkjabandalög sem ESB hefðu ávallt liðast í sundur eftir tiltölulega skamman tíma. Hann taldi jafnvel Bandaríkin vera  í þeirri hættu að spönskumælandi ríkin syðst myndu vilja skilja sig meira frá alríkinu en nú væri.

Sovétríkin hefðu liðast í sundur eins og menn myndu og erfiðlega gengi að búa þar til ný bandalög þjóða. Rómaveldi hefði fallið, ríki Alexanders  þar á undan, Sparta og Aþena hefðu ekki tollað saman, hið heilaga rómverska ríki heyrir sögunni til sem og veldi Napóleons í Þýskalandi.  Kalmarsambandið hefði klofnað. Keisaraveldi Asusturríkis og Ungverjalands væri ekki lengur til, Tékkóslóvakía líka. Þriðjaríki Hitlers.

 Nú vildu Skotar skilja við England og Írland væri löngu sjálfstætt.Breska heimsveldið væri svipur hjá sjón og lítið nema nafnið. Þjóðirnar hefði tilhneiginu til að halda sér fyrir sig vegna margra ástæðna. Alveg eins myndi fara fyrir Evrópusambandinu. Það bæri dauðann í sér eins og öll þjóðabandalög á undan því. Þjóðir vildu vera sjálfstæðar eins og Afríkuríkin berjast nú í. Sagan væri ekki vinsamleg þjóðabandalögum. Þau stæðust aldrei til lengdar.

Unga manninn setti nokkuð hljóðan við þennan lestur hins lífsreynda manns. En auðvitað gaf hann ekki upp hugsjónir sínar svo auðveldlega og er enn í 4 % armi Evrópusinna í Sjálfstæðisflokknum. 

Mér þótti gaman að hlýða á samræður þessara tveggja gáfumanna. Ég fór samt frá þessu samtali með meiri áhyggjur af framtíð Íslands en ég hafði áður. Sagan er nefnilega allt í kring um okkur og kennir okkur að möntrur, ismar og hagfræðikreddur eru  ekki gott veganesti í þessum heimi. Alþjóðahyggja kratismans stenst heldur ekki dóm sögunnar.Panta rei. Ekkert verður á morgun eins og það er í dag.

Þetta var  minnismerð kvöldstund í  Flóridu þar sem innrás spánskra þjóða  er í algleymingi.


Slítum strax

aðildarviðræðunum og hættum því að láta Samfylkinguna eiga sviðið dag eftir dag. Það eru sveitarstjórnarkosningar eftir 2 mánuði og við getum ekki látið þá komast upp með að halda athyglinni svona áfram.

Slítum strax formlega og hættum þessu kjaftæði. Svörum þeim ekki frekar. Gerum það sem við vorum kosnir til.

Slítum strax. 

 


Nú nýtast Baugspeningarnir

vel hjá Samfylkingunni sem getur staðið fyrir hverjum útifundinum af öðrum til að krefjast áframhalds aðildarviðræðnanna við ESB. En sem kunnugt er skilaði Samfylkingin engu af styrkjum frá útrásarvíkingunum. 

Nú er gott að eiga sjóði. 


Friðhelgi einkalífsins

verður leiðarahöfundi Morgunblaðsins að yrkisefni í dag.

þar segir m.a.:

..."Þótt umræða um netið og friðhelgi einkalífs fari vaxandi bendir ekkert til þess að almenningur hafi áhyggjur af þróuninni, að minnsta kosti ekki nægar til að sjá ástæðu til aðgerða. Njósnirnar minna vissulega á framferði stjórnvalda í ríkjum á borð við Austur-Þýskaland, en þær eiga sér stað í ríkjum sem búa við svo gerólíkt stjórnarfar að samanburðurinn stenst ekki nema að takmörkuðu leyti. Líklega yrðu viðbrögðin harðari og víðtækari ef um væri að ræða þjónustu sem borgað væri fyrir. En viðbrögðin eru linkuleg og þegar almenningi stendur á sama er þrýstingurinn lítill á stjórnvöld.

 

Staðreyndin er hins vegar sú að friðhelgi einkalífsins er ein af grunnstoðum réttarríkisins og það er hlutverk stjórnvalda að gæta þess að hún sé virt í stað þess að vinna gegn henni. Nú blasir við sú staða að rétturinn til friðhelgi einkalífs nýtur fortakslaust viðurkenningar, það kostar bara að fá að njóta hans."

Hér er ástæða til að staldra við.

Á Íslandi hefur friðhelgi einkalífsins verið aflögð. Skattstofurnar eru beintengdar við bankana og upplýsingarnar færðar á framtölin beint. Svo tala hverskyns reyfarar í fjármálakerfinu um bankaleynd þegar það hentar þeim að  neita að láta upplýsingar af hendi um sjálfa sig eða aðra reyfara. Bankaleynd er bara brandari á Íslandi.

Meðal siðaðra þjóða eru 3 leyndarmál virt.

Bréfaleyndarmál.

Bankaleyndarmál.

Ríkisleyndarmál.

Á Íslandi eru þessi leyndarmál aflögð. Hér er átölulaust stolið einkapósti og hann seldur í hagnaðarskyni af þjófunum.

Bankaleyndarmál eru ekki til.

Ríkisleyndarmál eru fyrir bí  og eiga víðar undir högg að sækja þegar glæpamönnum eins og Snowden, Manning og Assange dettur í hug að græða á þjófnaði leyndarmála og réttlæta það. Eða ráðamenn láta leka upplýsingum í pólitískum tilgangi.

Ísland er bananalýðveldi  í þessum skilningi. Þessvegna geyma margir séðir einstaklingar peninga sína í Luxemburg eða Sviss.

 Hugtakið friðhelgi einkalífsins var notað til að eyðileggja þá einstæðu hugmynd Kára Stefánssonar að auka lífslíkur þjóðarinnar með gagnagrunni á heilbrigðissviði. Á  heilsufarssaga einstaklings sem ríkið kostar frá vöggu tll grafar ekki að vera eign heildarinnar? Slík leynd er út í hött finnst mér og skaðinn sem þetta persónuverndarpukur er búið að valda þjóðinni með missi óskerts gagnagrunssins orðinn mikill.

Lögreglan liggur í leyni fyrir borgurunm og reynir að sanna á þá glæpi í stað þess að reyna að reyna að aftra þeim. 

Friðhelgi einkalífsins  ekki til á Íslandi.

 

 


Rauðu úlfshárin

finnast mér gæjast stundum  upp úr skyrtukraga Steingríms J. Sigfússonar. Í Staksteinum Mogga er eftirfarandi rifjað upp:

"Á vb.is eru rifjuð upp orðaskipti Sigmars Guðmundssonar og Steingríms J. Sigfússonar í Kastljósinu kvöldið fyrir þingkosningarnar 2009:

 

 

Sigmar Guðmundsson: »Kemur það til greina Steingrímur bara svo ég spyrji þig - bíddu Ástþór - kemur það til greina að hefja undirbúning að því að sækja um, strax núna eftir kosningar...«

 

 

Steingrímur J. Sigfússon formaður VG: »Nei!«

 

 

Sigmar Guðmundsson: »...vegna þess að þannig hefur Samfylkingarfólkið talað.«

 

 

Steingrímur J. Sigfússon: »Nei!«

 

 

Sigmar Guðmundsson: »Að þetta byrji í sumar?«

 

 

Steingrímur J. Sigfússon: »Nei!«

 

 

Sigmar Guðmundsson: »Hvenær getur þetta byrjað?«

 

 

Steingrímur J. Sigfússon: »Það samrýmist ekki okkar stefnu og við hefðum ekkert umboð til slíks. Og þótt við reyndum að leggja það til, forystufólkið í flokknum, að það yrði farið strax í aðildarviðræður, gagnstætt okkar stefnu, í maí, þá yrði það fellt í flokksráði vinstrigrænna. Þannig að slíkt er ekki í boði.« "

Var það ekki sjálfur postulinn sem afneitaði Jésú þrisvar áður en haninn gól tvisvar?

Rauðu úlfshárin eru stundum sýnileg.


« Fyrri síða | Næsta síða »

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (28.3.): 5
  • Sl. sólarhring: 5
  • Sl. viku: 52
  • Frá upphafi: 3417960

Annað

  • Innlit í dag: 5
  • Innlit sl. viku: 49
  • Gestir í dag: 5
  • IP-tölur í dag: 5

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband