Öryggissveitir

er eitthvað sem Íslendingar þurfa að hugleiða vegna hryðjuverkaógnar.

Mér hefur dottið í hug að lögreglan myndi finna sér einhver hundruð fullorðinna manna sem andlega og líkamlega eru til þess heppilegir, að bera á sér daglega litlar faldar skammbyssur af stórum kaliber með leysimiðun. Menn mynduðu öryggissveitir á stríðsárunum og fengu hjálma merkta HS sem þeir settu upp þegar loftvarnamerki var gefið svo eitthvað sé nefnt.  

Þessir menn myndu sinna sínum daglegu störfum þar sem þeir fari helst víða um en geti borið vopn sín með sér án þess að nokkur viti um þau þannig að launakostnaður yrði lítill. T.d.leigubílstjóri, strætóbílstjóri, skólavörður, lögregluþjónn á frívakt eða stöku lögregluþjónn, póstmaður, sendibílstjóri eða hver sem er. Einhverjir gætu líka verið í þessu sem aðalstarfi sem eru annars á atvinnuleysisbótum.

 

Þessir menn eru í mínum huga nokkurskonar aðstoðarlögreglumenn og gætu fengið frekari þjálfun sem slíkir og myndað varalögreglu. Þeir geta líka verið aðeins vopnaðir öryggisverðir í öðrum störfum.

Þessir menn myndu láta miðstöð vita hvenær og hvar þeir eru úti vopnaðir þannig að kerfið hefði yfirsýn um þá. Þeir mega aldrei láta neinn vita af vopnum sínum og mega aldrei sýna þau nema vopnuð árás sé gerð. Þetta væri leynileg öryggisvarðstaða um borgarana sem gæti skipt sköpum ef..."Only a good guy with a gun can stop a bad man with a gun."

Og hryðjuverkamaðurinn má ekki þekkja þá né vita um þá. Því það er forsenda fyrir þessa sveit að hún sé algerlega leynileg og hvorki fjölmiðlar fréttamenn eða jafnvel vissir þingmenn hafi minnstu vitneskju um hvaða menn þetta eru eða hvernig þeir eru vopnaðir.

En stofnun hennar er auðvitað gerð með heimild Alþingis með trúnaðarákvæðum svo að tilfallandi innanríkisráðherra haldi ekki blaðamannafundi um vopnabúað síðar. 

Auðvitað verða einhverjir vitlausir yfir þessum hugmyndum. Þá það. En aðrir munu velta þessu fyrir sér kalt og yfirvegað. Einn svona varðmaður í Útey eða í einhverjum skóla hefði kannski getað..?

Ég þekki mikið af fólki sem ég treysti fyrir svona ábyrgð. Þó veit ég ekkert um það hverjir af þeim vildu taka svona að sér þar sem að þetta getur auðvitað verið hættulegt ábyrgðarstarf sem krefst mikils af viðkomandi.

Ef til vill er þetta hugmynd sem flestum finnst vitlaus eða óþörf. Kannski er hún það líka.  Af svörum aðspurðs fólks í fréttum er líka frekar ólíklegt að almenningur telji þörf á að eiga svona öryggissveitir eins og okkar frábæru björgunarsveitir sem sýna fórnfýsi sínu  fyrir oft misvitrann náungann.  

 

81 milljarður frá almenningi

til bankanna.

Sigmundi Davíð  ofbýður. Mér líka

Þegar maður sér hvað tölurnar eeru líkar fyrir þrjá bankana þá dettur manni verðsamráð í hug. Hvernig væri að taka bankastjórana til yfirheyrslu um þessi atriði? Það er svo margt líkt í kerfunum að það getur varla verið tilviljun.

Ég man að Guðjón heitinn Ólafsson benti á það fyrir margt löngu að íslenska bankakerfið væri allt of dýrt og yfirmannað.Þá voru 4000 bankastarfsmenn á Íslandi og síðan hefur þeim aðeins fækkað um 500 eftir tilkomu tölvanna. Nú eru pí sinnum fleiri bankastarfsmenn á hvern Íslending en á hvern Svía eða Bandaríkjamann. Með langtum minni peninga í þokkabót. Það blasir við að bankarnir okkar eru ömurlega illa reknir og því dragbítar á efnahagslífið og byrði á almenningi.

Almenningur hlýtur að krefjast þess að þessi blóðtaka bankanna af almenningi verði skattlögð sérstaklega og þeim gert að draga saman seglin í rekstri.

81 milljarðs skattheimta bankanna af íslenskum heimilum er svívirða sem Sigmundur Davíð þarf að taka á.  

Hvað á að gera?

við breskan hálskurðarmann ISIS sem nú hefur verið nafngreindur?

Ef hann næst og kemur í vald breskra yfirvalda, hvað munu þau gera?

Hvað myndum við gera við Íslending í sömu stöðu?

Hvað á að gera við svona fólk?

Framtíð Frakklands

er eitthvað sem menn mættu velta fyrir sér.

Þetta forna stórveldi hefur marga fjöruna sopið. Á tímum Lúðvíks fjórtánda reis veldið hátt. Líklega hefur enginn meður í veraldarsögunni farið með meira vald en sólkóngurinn Lúðvík Quatorze  á bestu dögum sínna 72 ára á valdastóli til 1715. Hann fékkst við margvíslega örðugleika einkanlega á seinnihluta valdatíma síns. Til dæmis dóu 2 milljónir Frakka í mikilli sótt eftir aldamótin og hungursneyð varð eftir uppskerubresti. En karlinn seiglaðist áfram með því að deila og drottna og sigraði að mestu í sínum síðustu styrjöldum. 

Það tók kratana og Napóleon hundrað ár að kála ríkinu sem féll fyrir sameinuðu afli óvina Frakklands. Má segja að landið hafi aldrei síðan náð að rísa upp til fulls afls þrátt fyrir ýmsa leiðtoga með stórveldisdrauma á borð við DeGaulle.

En hinsvegar er það staðreynd að nútíma stjórnsýsla og réttur er frá Frökkum kominn og á Napóleon sjálfur mikinn þátt í þeim sem ekki tengjast stríðsrekstri hans. Erkióvinir Frakka eru Englendingar sem aldrei líta með fullu trausti yfir Ermasund. En kannski er komið sameiningarafl í báðum ríkjunum sem getur styrkt vináttuna á ókomnum árum. En það er islamiséringin sem gengur all vel í báðum ríkjunum. Bresk-frönsk samvinna undir merkjum Islam.

Það er nokkuð sama hvaða stórmenni eftirtímans er spurt um þennan mann Lúðvík fjórtánda að svarið er að hann var sá mikli konungur. Franskir lágmenningarkratar áttu eftir að tortíma líkamsleifum hans í byltingu þeirra og lágmenningarsnobbi síðar á öldinni. Napóleon bjargaði þeim frá sjálfum sér með því að gerast keisari þeirra, setja þá í úníform og fara í ránsferðir til annarra landa. Skein stjarna Frakka þá aftur skært um stund þegar Þýskaland varð skattland og öll Evrópa skalf austan Ermasunds.

Lúðvík fjórtándi þurfti að berjast fyrir völdum á Spáni. En Ferdínand og Ísabella höfðu lokið "reconquesta" fyrir 1500 þar sem Márarnir og Gyðingarnir sem áttu ríki á Spáni urðu annaðhvort að gerast kristnir eða flýja land.

Spánn varð því í gegnum kóngablóð þáttur af franska heimsveldinu lengi á eftir. En þetta er gríðarlega löng ogg flókin saga sem nær í gegnum landnám Mára á Spáni, KarlaMagnús og kappa hans, krossferðirnar og inrás Mongólanna, allt þar til þess að þau Ferdínand og Ísabella ljúka "reconquesta" eða endurheimtunum  og senda Columbus til Ameríku.

En nú er öldin önnur. Músllímar frá fornum nýlendum Frakka hafa streymt til Frakklands á umliðnum árhundruðum. Eins og tíðkast meðal fáfróðra lægri stétta samfélaga þá er viðkoma slíks fólks mun meiri en þeirra betur settu. Þeir hafa fengið að halda sínum trúarbrögðum og venjum þar í miklu mæli til ess að núna sést með framreikningi að múslímar munu ná yfirhöndinni í Frakklandi á þessari öld. Frakkland verður líklega íslamskt ríki innan fárra áratuga.

Hvernig fer sambýlið við þá kristnu og Gyðinga er ekki vitað. En mörg dæmi eru um að slíkt hafi getað gengið með peningum og velsæld. En venjulega harðnar á dalnum með lækkandi gengi sem gerir þá fólk trúaðra um leið og Spánski Rannsóknarrétturinn fær aftur vængi.

Sama þróun á sér stað í Bretlandi. þar munu múslímar líka ná yfirhöndinni áður en öldin er liðin. Þar er ekki sama hefð í samskiptumog er hugsanlega fyrir hendi á Spáni og S-Frakklandi. Útkoman gæti orðið þar allt önnur.  

Sama á við um Svíþjóð þar sem kratar stefna ótrauðir að því að gera Svíþjóð að fjölmenningarríki sem ekki sér fyrir endann á hvernig muni líta út. 

Margir nútímamen láta sér í léttu rúmi liggja hvaða trúarbrögð almúginn viðhefur meðan þeir fá að hafa sinn bísness og persónufrelsi í friði. Mörg dæmi eru sambýli þar sem ein trúarbrögð umlíða hin meðskattlagningu.

Yfirgangurinn í Frakklandi til múslímaríkis frá kristnu ríki eins og við þekkjum það nuna þarf ekkert endilega að verða ofbeldiskenndur. Íslenskir kvótagreifumm verður til dæmis nokk sama hvað sungið er meðan þeir hafa sitt á þurru ef tala má í léttum dúr um forréttindi aðalsins. En Frakkar munu auðveldar en Íslendingar geta skilið hvað kvótakerfið er og hvernig á að stýra því. Loðvík 14. hefði skikkað aðalinn til að búa hjá sér í Versölum þar sem hann gat haft auga með þeim. Hvernig verður hin íslenska leið eftir því sem tímar líða? 

Sjálfsagt kemur þessi þróun mannfjöldans til Íslands fyrr en síðar þar sem kratisminn nær til þriðjungs þjóðarinnar sem vill fjölmenningu og innflutning fólks án takmarkana, þriðjungur hefur enga skoðun en þriðjungur er í andstöðu og getur ekkeert aðgert.

Þeir Íslendingar sem tilheyra síðastnefnda þriðjungnum gera rétt í því að fylgjast vel með þróun mála í Frakklandi því þar verða fyrst tíðindi af hinni komandi breyttu heimsmynd.

Framtíð Frakklands er framtíð heimsins.

 

 

Hundabyssur

handa Póstinum!

Í Mogga er þessi frétt:

" Bréfberi í Bústaðahverfinu í Reykjavík hefur tíu sinnum verið bitinn til blóðs af hundum við útburð. „Vaxandi hundaeign er hvimleitt vandamál,“ segir Sigríður A. Sigurðardóttir sem borið hefur út póst í hverfinu í áratug.

Hún segir að stundum séu hundarnir lausir heima við hús eða lausbundnir og geti þá glefsað í fólk. Rætt er við Sigríði í umfjöllun um Háaleitis- og Bústaðahverfi í greinaflokknum Heimsókn á höfuðborgarsvæðið í blaðinu í dag. Sagt er frá verkefnum sem kosið er um í íbúakosningunum í borgarhlutanum í dag..". 

Man enginn ftir gömlu hundabyssunum sem voru vinsælar í Danmörku í gamla daga. Ein föld blikk- byssa sem var settur tappi í hlaupið. Ef hundur réðist á þig þurfti ekki nema skjóta tappanum að honum með velliog blossa og sá hundur lagði niður rófuna hið snarasta og hætti að ráðast á fólk.Startbyssur myndu gera sama gagn.

Er ekki rétt að póstmenn fái varnarbúnað fyrir svona lausum  óargadýrum sem eigendur vanrækja að aga eða gæta? Hunaeigendur eiga að vera gerðir ábyrgir fyrir svona skepnum með alvöru fjársektum og skilyrðislaust á að lóga hundi sem bítur fólk. Ekki með hundabyssu heldur hríðaskotabyssu.

Óskiljanlegt

er mér það með öllu hvernig hægt er að lesa þá sögu sem Vísir skýrir frá um tvo hælisleitendur sem enginn veit neitt um hverjir eru eða hvar eru sveitfastir,  eru hingað komnir sem eftirlýstir glæpamenn frá Norðurlöndunum en mega valsa hér um að vild sinni og á vasapeningum frá okkur.

Hræddu þessir menn lögregluyfirvöld og dómara okkar með framkomu sinni og heitstrengingu sína í viðurvist lögreglu um að sprengja 1000 manns af okkur í loft upp ef við voguðum okkur að vísa þeim úr landi? Þeirra æðsti draumur sé að fara í Sýrlandsstríðið með ISIS og stúta fólki fyrir þau göfugu samtök. 

Svo segir í Vísi:

"Héraðsdóm­ur Reykja­vík­ur hafnaði seinnipart­inn í dag kröfu um að tveir hæl­is­leit­end­um yrðu úr­sk­urðaðir í gæslu­v­arðhald, en þeir eru eft­ir­lýst­ir á Norður­lönd­un­um. Hef­ur verið farið fram á framsal mann­anna en þjóðerni þeirra ligg­ur ekki fyr­ir.

Þetta staðfest­ir Jón H. B. Snorra­son, sak­sókn­ari og aðstoðarlög­reglu­stjóri höfuðborg­ar­svæðis­ins í sam­tali við mbl.is. Ann­ar mann­anna hafði uppi hót­an­ir og var í miklu ójafn­vægi. Spurður um stöðu máls­ins seg­ir Jón að menn­irn­ir gangi laus­ir en úr­sk­urður héraðsdóms hafi verið kærður til Hæsta­rétt­ar".

Manni finnst þetta vera súrrelaískt. Er maður bara svona vanþroskaður? Ef einhver getur útskýrt svona mál fyrir mér, væri mér þægð í því.

Finnst engum öðrum en mér þetta óskiljanlegar fréttir.

 

Bólusetning barna

getur ekki verið valkvæð ákvörðun einstakra foreldra.

Ákveði yfirvöld að bólusett skuli við þessu eða hinu getur enginn skorist úr leik. Þetta varðar hagsmuni heildarinnar.

Enginn með smitandi berkla gæti fengið að ganga um frjáls. Enginn með Ebólu-smit fær að fara frjáls ferða sinna. Menn geta ekki neitað meðferð við kynsjúkdómi.

Hvernig í veröldinni geta foreldrar ráði því hvort börn þeirra séu bólusett? 

Hver seldi FIH

og á hvað?

Hvert er verðmæti bankans í dag? Hvert var verðmætið raunverulega þegar hann var seldur? 

Hefðu Íslendingar ekki geta rekið hann með árangri? Það er auðvitað engin engin leið að svara því.En við áttum einu sinni svo færa bankastjóra að það varð að borga þeim 80 milljónir á mánuði árið 2008 til þess að þeir yrði ekki keyptir upp af erlendum stórbönkum að því að stjórnarformaður nokkur upplýsti.

En sé það rétt að FIH bankinn sé meira en 200 milljarða virði í dag er ljóst að veðið dugi fyrir þreföldu láninu. Og að lánið var ekki neitt út í loftið spil hjá Davíð Oddssyni og þeim tveimur valinkunnu bankastjórum sem með honum störfuðu.

Og var ekki líka bankaráð þarna í Seðlabankanum? Hverjir voru í því þá? Og var ekki bæði Jóhanna og Samfylkingin í ríkisstjórn Geirs H. Haarde? Eru allir búnir að láta gleyma þessu fyrir sig?

Nú heldur RÚV allra landsmanna því fram í fréttum sínum þegar sannleikurinn um símtalið fræga kemur fram, að ríkisstjórnin hafi ekkert að gera með lánveitingar Seðlabankans að gera. Heyrir ekki bankinn undir neinn kjörinn fulltrúa? Hvað segir Már Guðmundsson um það?

Hver ber ábyrgðina af því að selja FIH á slikk? 

Enn ein rós

í blómvönd fármálafglapa Steingríms J. Sigfússonar bættist í hann um í Reykjavíkurbréfi Morgunblaðsins á morgun. Þar hljóðar niðurlagið svo:

"Árið 2007 hafði FIH verið gerður upp með hagnaði sem nam á þriðja tug milljarða króna. Og jafnvel þegar árið ógurlega, 2008, var gert upp vorið 2009 var hagnaður bankans tæpir 4 milljarðar króna.

Þann örlagaríka dag, sem þetta var allt til umræðu, hafði Seðlabanki Íslands samband við Seðlabanka Danmerkur og spurðist fyrir um FIH bankann og hvort efast þyrfti um veðhæfni hans. Því var svarað til að í fljótu bragði teldu menn það ekki vera, en sagt að Danska fjármálaeftirlitið yrði spurt. Þegar það hafði verið gert lét bankinn S.Í. vita að mat eftirlitsins væri hið sama.

En þar sem beðið var um aðstoð í erlendum gjaldeyri vildi S.Í. ekki taka lokaákvörðun í málinu. Stór hluti gjaldeyrisforðans var þannig tilkominn, að íslenska ríkið hafði selt skuldabréf fyrir 1 milljarð evra. S.Í. hafði varðveitt andvirðið og það hafði tekist svo vel að lánið var sjálfbært og ríkissjóður hafði af því engan kostnað.

En þar sem forðinn var þannig til kominn litu bankastjórar S.Í. svo á, að vilji ríkisstjórnarinnar, en ekki bankans, yrði að ráða niðurstöðunni. Þeir sem báðu um aðstoðina héldu því fram, að ríkisstjórnin vildi að þessi fyrirgreiðsla yrði veitt. Þess vegna fór símtalið við forsætisráðherrann fram. Tilviljun réð því að það símtal var hljóðritað.

Þess vegna átti fyrirgreiðslan sér að lokum stað gegn allsherjarveði í banka sem talinn var standa mjög ríflega undir því

Það voru aðrir aðilar og önnur ríkisstjórn sem sáu um meðferð þess veðs og hvort ætti að selja bankann og þá hvenær. Það hefur öllu ráðið um það hversu vel veðið hefur reynst.

Þeir, sem flæmdir voru frá S.Í. með pólitísku offorsi af því tagi, sem hafði verið óþekkt í áratugi á Íslandi, fengu engu um það ráðið. Ábyrgðin á því er annarra.

Bankinn FIH er enn starfandi og lausleg skoðun á eigin fé bendir til að hann sé enn mun meira virði en veðskuldin var.Talan 200 milljarðar eða þrefalt lánið hefur heyrst. Þeir sem eiga bankann nú virðast því mega vera mjög ánægðir með viðskipti sín við Seðlabanka Íslands.

Allan þann tíma sem hin bjánalega umræða hefur farið fram um hið „dularfulla“ samtal forsætisráð- herrans og seðlabankastjórans hefur sá síðarnefndi aldrei verið spurður um það, hvort hann hefði eitthvað á móti því að samtalið væri birt opinberlega. Það er í rauninni enn þá dularfyllra en símtalið sjálft."

Blómvöndur Steingríms J. Sigfússonar í fjarmálalegum afglöpum hefur því enn gildnað við sölu FIH bankans sem hann seldi þarna til stórkostlegs tjóns fyrir Ísland.En bankinn er metinn á 200 milljarða um þessar mundir eða þrefalt lánið sem veitt var.

Hefði Steingrímur J.ekki selt bankann of snemma hefði ekkert tjón orðið af Kaupþingsláninu sem veitt var á grundvelli AlThani-svikanna beinlínis sem nú hefur verið dæmt í.

Það er Steingrímur J. Sigfússon á ábyrgð heilagrar Jóhönnu, sem tapaði umræddum 35 milljörðum en ekki Davíð Oddsson eftir eitthvað laumusímtal við Geir Haarde sem allt málið hefur snúist um í mörg ár hjá þeim vitringunum Steingrími J.,  Helga Hjörvar og Guðmundi Steingrímsyni svo ekki sé nefndur snillingurinn Árni Páll höfundur samnefndra laga sem voru dæmd ólög.   

Þannig starfar þetta vinstra slegt allt. Tómar getgátur og villuljós notað til að skreyta vefi keisarans. Þjóðin situr bara nakin eftir í stað blómahafsins sem tapaðist. 

Ætlar ríkisstjórnin

ekki að gera neitt í málefnum Reykjavíkurflugvallar?

Var hún ekki með yfirlýsingar í stjórnarsáttmálanum og líka fyrir kosningarnar?

Ætlar ríkistjórnin bara að horfa á gröfurnar loka neyðarbrautinni?