Machiavelli

er frægastur fyrir að skilgreina slóttuga stjórnmálamenn og þau meðöl sem þeir beita. Klækjastjórnmálamenn eru slíkir oft nefndir.

Án þess að það komi mér beinlínis við sem Kópavogsbúa, nema vegna framtíðar Reykjavíkurflugvallar sem er eign allra landsmanna, þá horfi ég samt iðullega yfir lækinn. Ég er enda fæddur í Reykjavík og bjó þar til þrítugsaldurs. Reykjavík verður því alltaf hluti af manni og einhvernveginn finnst manni það skipta máli hvernig mál þróast þar.

Reykjavík var enda eitt sinn flaggskip Sjálfstæðisflokksins míns. Þar hafði flokkurinn  löngum forystu sem allt landið leit til með einum eða öðrum hætti. Svo breyttist þetta allt þegar R-listinn kom tilsögunnar undir forystu klækjastjórnmálamannsins Ingibjargar Sólrúnar og undir verndarvæng Alfreðs Þorsteinssonar.

Með Ingibjörgu Sólrúnu hófst það hnignunarskeið Reykjavíkur sem enn stendur. Gatnakerfið drabbast niður, sóðaskapur hefur stóraukist á opnum svæðum, sífellt fleiri ágreiningsmál koma upp og deilur verða heiftúðugri eftir því sem vinstra slegtið beitir sífellt meira ofbeldi og yfirgangi jafnaðarmennskunnar fremur en samræðum og málamiðlunum.Það er eins og fruntagangur og barsmíðar séu stíll meirihlutanna í Reykjavík allar götur síðan enda hefur æ færra af hæfu fólki raðast í Borgarstjórn með árunum. 

Núverandi Borgastjóri finnst mér þó taka flestum öðrum forverum sínum fram hvað Machiavellskan stíl áhrærir.

Sem fremsta dæmi fannst mér magnað hvernig hann Dagur Bé. breytti sjálfur fyrirkomulagi á flutningum fatlaðra. Ekkert var hlustað á aðvaranir fagmanna. Síðan komu þverbrestir í ljós sem hann sjálfur hafði sópað til hliðar sem ómarktækum aðvörunum og keyrt áfram sinn vilja eins og hann er vanur. Svo þegar skandallinn var kominn í ljós þá sótti hann alla bæjarstjóra sem aðild áttu að þjónustunni, raðaði þeim upp á sakamannabekki og lét taka myndir af þeim eins og allt væri þeim að kenna en skýldi sér sjálfur sem mest baksviðs eins og Steingrímur J. að baki Dorritar á leið úr kirkjunni í hrunadansinum.

Svo sendi hann Bryndísi Haraldsdóttur úr Sjálfstæðisflokknum í sjónvarpið til að axla nærri grátandi ábyrgðina á því að týna fötluðu fólki og gleyma því klukkustundum saman í bílunum. Hann  skipaði svo Stefán fyrrum lögreglustjóra sem allir treysta  í neyðarstjórn yfir málaflokkinn til að friða aðstandendur týndra fatlaðra.

Ef þetta er ekki í stíl Prinsins hans Machiavellis þá kann ég ekki önnur dæmi betri. 

Fyrrum bæjarlögmaður lýsir stjórnunarstíl Dags Bé svo vel í opnu bréfi um framferðið gagnvart öldruðum á Þorragötu. En þar sem fruntaskapurinn er samur við sig og í engu hlustað á raddir þolenda heldur aftökusveitir sendar á vettvang sem vinna sín verk auðvitað án þess að Dagur Bé komi þar nokkursstaðar nærri.

Myndir eru birtar af hættulegum holum og brotnum bílum í malbikinu. Dagur Bé ekki í vandræðum með að skilgreina Reykvíkinga sem yfirmáta kröfuhart fólk sem manni bara verður skiljanlegt að í fyllstu sanngirni ætti bara að þegja og vera ekki með þetta rövl.

Allir þekkja aðferðir Dags Bé við þær skipulagsbreytingar sem leiða beint til lokunar Reykjavíkurflugvallar. Ósvífni og ruddaskapur ráðamanna í skipulagsmálum við völlinn er alger. Dag Bé. varðar nákæmlega ekkert um undirskriftir 70 þúsunda landsmanna.Íþróttafélag allra borgarbúa gerist hluthafi með byggingabröskurum í nýju einkahlutafélagi og selur arfleifð sína. Og séu ættartengsli skoðuð til viðbótar er hægt að skilja að hvernig þóknanlegar skýrslur um ný sjónarmið í áhættumati styrkja "rétt" sjónarmið og viðskptatengsli myndast meða réttra manna. 

Dagur Bé bjó til Rögnunefndina af því sem mér finnst af einskærum slóttugheitum sínum til þess losna við að þurfa að ræða flugvöllinn í kosningabaráttu  sinni og EssBjarnar. Settist auðvitað gersamlega óhæfur sjálfur i nefndina og samkvæmt lýsingum Mörtu B. Guðjónsdóttur veður hann þar yfir alla nefndarmenn þannig að borin von sé að eitthvað bitastætt muni þaðan koma í júni. Sem allir vissu raunar því nefndin leitar að því sem ekki er til og til viðbótar óframkvæmanlegt. Sorglegt aðhorfa upp á gott og grandvart fólk misnotað í svona klækjafléttu.

En í þeim áminnstu síðustu Borgarstjórnarkosningum voru þeir kumpánar EssBjörn og Dagur Bé þó kosnir frá. En Prinsinn lætur ekki deigann síga hvað sem á bjátar. Reykvíkingar slysuðusttil að kjósa inn Halldór Pírata sem þeir kumpánar Dagur Bé og EssBjörn gátu keypt fyrir lítið og tryggt sér áframahaldandi frið til illra verka sinna umhverfis Reykjavíkurflugvöll.

Nú er starfað í Reykjavík á fullu eftir kenningum Machiavelli að eyðingu Reykjavíkurflugvallar, þrengingu síversnandi gatnakerfisins þar sem hjólhestar eiga að leysa einkabílinn af hólmi í stíl 101 Reykjavíkur.

Machiavelli vissi greinilega hvað hann söng um klækjastjórnmál og græsku. 

Kæru ISIS félagar

 

félagar.

Bráðum kemrur vorið á Íslandi og þá verður veðrið líkara því sem þið eigið að venjast. Þá verða dagarnir langir og ferðamannatíminn byrjar.

Þá er hægt að komast til Íslands til nýrra verka í Jihad.Það er auðvelt að komast hingað og til þess margar leiðir. Séuð þið hagsýnir menn þá er líklega ódýrast fyrir ykkur að koma með Flugleiðum i Leifsstöð. Þar þurfa menn engin skilríki að sýna. Svo getið þið líka hrópað Asýl Asýl. Þá fáið þið fljótlega bíl til að keyra á Fit Hostel eða þá til höfuðborgarsvæðisins. Þið fáið peninga í vasann svo þið getið byrjað undirbúning þegar ykkur hentar.

Hjá 66 gráðum norður getið þið fengið kuldagalla í appelsínulit og líka svartar peysur og lambhúshettur. Stóra hnífa fáið þið allstaðar billega, til dæmis í Brynju á Laugavegi eða getið látið líka sérsmíða þá fyrir ykkur því þið fáið ekki að koma með svo hættulega hluti í gegnum Leifsstöð.

Þá er eiginlega allt til reiðu fyrir næsta þátt.Allir skólar eru fullir af börnum til dæmis eða fullt af Alþingismönnum í húsi við Austurvöll. Þið bara mætið með appelsínulitu gallana og veljið ykkur módelin. Það er líka alveg hægt að senda skotvopn til landsins með undirbúningi, þar sem yfirleitt er ekki skoðað í gáma í Sundahöfn eða hvernig sem þið viljið undirbúa þetta. 

Þið hringið svo í Sjónvarpið og Stöð 2  og boðið til blaðamannafundar. Raðið gíslunum upp fyrir framan t.d. þinghúsið eins og þið gerðuð á ströndinni og takið ykkur út. Það kemur kannski löggubíll framhjá en það er ekkert víst að hann sé með neitt vopn nema eina Glock 9 mm sem er nú ekki til stórræðanna eins og þið þekkið. Svo er heldur engin heimild endilega fyrir að opna skápinn.

Heckler og Koch 9 mm byssurnar góðu frá Noregi eru í tollinum á Keflavík og verða tæplega leystar út. Og svo heldur ekki nema náist í Katrínu Jakobsdóttir, Guðmund Steingrímsson eða Birgittu eða tekin verði umræða í þinginu. Ef þau skyldu samþykkja að þetta yrði sótt þá er öll pappírsvinnan eftir svo þetta er hættulaust.

Mjög líklega eru engin 45 ACP skot til hjá löggunni sem passa í gömlu Thompsonana enda eru þeir löngu úreltir og líklega fastir af brúkunarleysi, þannig að varla þarf að óttast að geta femgið í sig alvöru kalíber skot ef til þess kæmi. Enda eru Íslendingar mjög tillitssamir og hugsa ávallt fyrst um hagsmuni þess sem er í minnihluta eða stendur frammi fyrir ofurefli.

Sem þið eru nú staddir þarna með röðina ykkar krjúpandi fyrir framan þinghúsið eða annarsstaðar, sjónvarpið komið og ljósmyndarar þá veltur næsti leikur á ykkur. 

Hugsanlega viljið þið hætta við og fá hundrað milljón dollara og flugvél í skiptum fyrir gallafólkið. Eða þð eruð í Jihad.

Þá getur verið að gripið verð til piparúða og þið teknir fastir. Þá segið þið bara Akbar Allah því það er trúfrelsi á Íslandi og verðið fluttir í nýja fangelsið á Hólmsheiði. Þar væsir ekki um ykkur meðan þið bíðið réttarhalda get ég sagt ykkur.

Það verður séð til þess að þið þurfið ekki að borða svínakjöt því Íslendingar eru meðvitaðir um réttindi minnihlutahópa. Ef yfirmenn ykkar vorkenna ykkur og senda hingað sjö hreinar meyjar á hvern ykkar, þá fáið þið aðgang að hinum sérstöku kynlífsherbergjum sem þarna er nóg af því fyrir öllu sjáum við Íslendingar.

Svo verður áreiðanlega auðvelt fyrir félaga ykkar að ná ykkur út með aðferðum sem enginn kann betur en þið. Kannski getið þið líka sett upp höfuðstöðvar á Ísland þar sem þar er algert félagafrelsi og trúarskoðanir allra virtar.

Það eru margir Alþingismenn tilbúnir til að fylgjast með því að mannréttindi verði ekki brotin á ykkur né þið barðir eða hraktir. Engin dauðarefsing er á Íslandi. Engir drónar fljúga yfir og pikka ykkur niður á boltavellinum þegar fer að skyggja.

Sem sagt, það er eiginlega allt til reiðu kæru ISIS menn kjósið þið að heimsækja okkar fagra galopna land.

 

 

 

 

 

 

 

 

Takk fyrir RUV

gæti ég trúað að ISIS og AlQueda geti sagt í kvöld. Það er mikill fengur að vita upp á hár hversu margar byssur löggan okkar á og af hvaða tegundum þær eru.

Þvílíkur léttir er að allir viti þetta upp á hár. Nú geta allir delinquentar heimsins vitað hvaða skothríð getur mætt þeim ef þeir vilja eitthvað upp a dekk.

Skyldi svona fréttamennska geta átt sér stað nokkursstaðar annars staðar en hérlendis?

Lögbann á Kaupþing

slitabú með allar frekari færslur og ráðstafanir.

Eftir skrípalæti Guðmundar Steingrímssonar á Alþingi kom Bjarni Benediktsson, fjármálaráðherra í pontu og spurði þeirrar spurningar í alvöru, hvort ekki hafa stofnast skaðabótaskylda á hendur Kaupþingi vegna blekkinganna? 

Blekkingarvefurinn sem leiddi til lánveitingar Seðlabankans til banksteranna í Kaupþingi sem vissu betur, skaðaði íslenska skattgreiðendur þarna beinlínis um milljarðatugi. 35 milljarðar duga fyrir talsvert miklu af öðrum verkefnum en að borga sífellt laun til slitastjórnarinnar. 

Er rétt að afhenda þennan Kaupþingsbanka erlendum kröfuhöfum að hætti Steingríms J. fyrr en þetta er uppgert? Var það ekki þjóðin sem var blekkt þegar lánveitingin fór fram? Er það ekki þjóðin sem á Seðlabankann og það sem í honum er? Tap eða gróða?

Get ég ekki haldið því fram að margir hluthafar hefðu selt afganginn af bréfunum sínum með hvaða afslætti sem var þennan dag ef þeir hefðu haft minnsta grun um að Hreiðar Már væri að hreinljúga því í sjónvarpinu án þess að depla engilfögrum augum sínum, að erlend fjármögnun Kaupþings Banka væri tryggð? Var einhver munur á að ljúga mig og aðra fulla heldur en Davíð?

Eva Joly benti okkur vesalingunum á að fara í hópmál allra hluthafa. Þá kæmi upp sú skrítna staða að dæmdu hluthafarnir yrðu þá líka með mál á sjálfa sig sem glæpamenn fyrir að blekkja sig sem hluthafa?

Nú er mál að stöðva skilanefndarskrípaleikinn og kyrrsetja búið með lögbanni.

Allt annað gleymt?

varðandi Kaupþing? Hvernig komust þessir menn yfir Búnaðarbankann? Af hverju tók Davíð aurana sína út?

Hvað varð með aðkomu þýska bankans Hauch+Aufhauser eða hvað hann hét? Erlenda fjármögnunin sem gerði liðsmenn Ólafs Ólafssonar trúverðuga kaupendur þó að engin erlend króna hefði komið að kaupunum eins og síðar var haldið fram?

Hvaða endurskoðendur blessuðu yfir allt saman? Voru bankarnir ekki í fegurðarsamkeppni í gerð ársreikninga? Kostnaður milljónahundruð?

Er nú öll forsagan nú gleymd og grafin þegar verið er að dæma um afleiðingar fyrstu gerðarinnar? 

"Blessað stríðið"

sögðu ýmsir á Íslandi á sinni tið.

Þetta má hugleiða á þessum tímum sem við nú lifum. Saudi-fjölskyldan er einbeitt í því að klekkja á Iran, Írak,Yemen og Sýrlandi um leið og þeir gera skyldu sína sem Whabítar og Súnni Múslímar sem eiga að gera sjítum allt til miska. Aumingja Pútín fær hinsvegar verulega á snúðinn um leið og Norðmenn og fleiri olíukallar fá við þessar aðgerðir Saudanna.

En Saudarnir og Nojarinn þola þetta mun betur en hinir. Kaninn verður bara að draga úr frakking tímabundið og hlýtur bara að gleðjast yfir þessu öllu þar sem þetta getur seinkað kjarnorkuvígbúnaði klerkanna. En hugsjón þeirra er að sprengja Ísraela út af kortinu sem er ekki vel séð í Washington.

En það er nú ekki endilega víst að Saudarnr geti þetta til lengdar, þar sem ungir menn í Saudi-Arabíu flykkjast til að berjast í Sýrlandi með ÍSIS þrátt fyrir fengelsishótanir yfirvalda. Valdaöryggi konungsgfjölskyldunnar er því ekki endilega stöðugt til lengri tíma svo að það er langt frá því að dautt sé í kveiknum í púðurtunnuni þarna austur frá.

Vonandi tekst að slökkva í Úkraínuvitleysunni hans Krúsjevs. Úkraína gæti manni fundist vera betur komin rússnesk en það sem þar á gengur.Og Pútín virðist staðráðinn í að láta til sín taka í stórveldismálum Rússa eins og fyrri keisarar gerðu og hlutu nafnbætur fyrir. 

En hvað sem þessu líður dásamar okkar fátæka fólk það að bensínið hefur snarlækkað og getur þannig blessað stríðið eins og gert var á fyrri tíð.

Þegar horft er til Mið-Austurlanda þá geta menn syrgt hann Saddam sáluga verkfræðing. Hann var sá maður sem gerði eitthvað jákvætt fyrir þjóð sína í Írak og hlaut verðlaun Sameinuðu Þjóðanna fyrir framfarir í heilbrigðismálum. Síðan hann leið hafa aðrar traktéringar verið meira í boði þar um slóðir .

Og hann Saddam gat sem Súnni haldið lokinu á fanatíkerum Sjíta og Al Queda sem eru grunnurinn núna að hinum nýju liðsveitum ISIS. Hann hefði nú kunnað að fást við slík vandamál karlinn sá.

En nú er það Kaninn eins og venjulega sem einum er treystandi fyrir því að gera skítverkin á eigin uppvakningum sem eru að gera allt vitlaust. Hann  er nú  búinn að drepa 6000 liðsmenn kalífatsins. Þeir pilla þá niður einn og einn í þreifandi myrkri úr drónum sem stýrt er frá langt í burtu eins og til sýnis er á netinu. Hrikaleg tækni. En hvað skal gera? 

Svo halda okkar vinstri-spekingar að friðsamleg sambúð við Múslímaheiminn sé á næsta leyti! Jón Loftsson í Odda skildi það alveg að manndráp kalla á meiri manndráp og það vitum við Íslendingar síðan fyrir margt löngu. En það þýðir ekki endilega það að við munum líða múslímum að salla okkar fólk hér niður án þess að verða alvöru vondir.

 

Saddam var rægður saklaus af leyniþjónustumönnum og eru þeir því ábyrgir fyrir því sem á eftir kom ásamt viljugum þjóðum sem létu ginnast. Margt væri öðruvísi á þessum slóðum ef þetta hefði ekki orðið. En nú hefur Obama bara uppskorið auknar áhyggjur af klerkunum í Íran sem Saddam hefði áreiðanlega hjálpað honum með hefði hann verið áfram við völd.

Eva Joliy er enn kominn til hjálpar að spara okkar ríkiskassa útgjöld sem kommarnir skrækja eftir að setja  í huldumann án spurninga.

En það  er enn á ný "blessað stríðið" sem gerir nú meira fyrir einstæðar mæður og öryrkja og almenn lífskjör á Íslandi um þssar mundir heldur en uppsafnaður kærleikur stjórnlyndisins hefur gert. Þó að tíföldun raunverulegra ríkisútgjalda á hvern íslenskan haus sé þó nokkuð afrek frá stofnun lýðveldisins í "blessuðu stríðinu" 1944 eins og forsætisráðherra benti á, þá má spyrja hvað hafi breyst hjá hinum hrjáðu?  

Mætum ekki

 

Miðvikudaginn 18. febrúar verður fundur um flugöryggi í einka- og frístundaflugi haldinn í samvinnu Samgöngustofu við innanríkistráðuneytið, rannsóknarnefnd samgönguslysa og Flugmálafélag Íslands. Ber fundurinn yfirheitið Regluverk og öryggismál í einka- og frístundaflugi.

Fundurinn fer fram á Hótel Natura á milli kl.9:00 og 12:45. Skráningargjald er kr. 2000 og hægt er að skrá sig hér. Fundarstjóri verður Friðþór Eydal frá Isavia.

Samgöngustofa er nú kominn undir forsæti vinstrimanna með tilheyrandi gjaldtökuhugsunarhætti. Nú eiga þeir  sem eru svo vitlausir að verja fé sínu og tíma í flug og flugöryggi að borga bakkelsið fyrir eftirlitsiðnaðinn.Sem ekkert leggur til málanna nema kostnað fyrir skattgreiðendur.

Blessuð sé minning alllra fyrri Flugmálastjóra Íslands.Þeir skildu allir hlutverk sitt í að stuðla að flugöryggi með því að laða til sín þá sem fljúga. Ekki að skipa þeim að koma og borga.

Vonandi mætir ekki einn einasti flugmaður eða flugáhugamaður á þennan kratafund.

Við hverja er verslað

í þeim tilgangi að finna einhverja íslenska skattsvikara?

Snowden stal upplýsingum frá Sámi frænda og seldi. Júlían Assange og Manning gerðu sama. Sómalskir sjóræningjar ræna skipum og fá lausnargjald fyrir. ISIS rænir fólki  og sker af því hausinn í beinni útsendingu ef ekki er borgað það sem þeir eru ánægðir með. Hvað myndum við gera ef slíkt tilboð yrði lagt fyrir okkar Fjármálaráðherra?

Einhver bankastarfsmaður, íslenskur eða tengdur okkur stelur upplýsingum um erlendar innistæður Íslendinga. Hann vill fá lausnargjald upp á 150 millur. Án ábyrgðar um ágæti upplýsinganna eða hvað hægt er að nota þær til þess að koma upp um marga Sjálfstæðismenn sem hafa svikið skatt. 

Allt vinstra liðið sér ekkert athugavert við að bara kaupa fyrir uppsett verð. Vegna líkinda á því að þetta megi nota pólitískt. Þeim gengur örugglega ekki eitthvert réttlæti til, svo mikið er víst.

Er alltaf rétt að greiða lausnargjald til glæpamanna? Er þessi aðili sem vill selja ekki glæpamaður? Hver er hann? Borgar hann skatt af lausnargjaldinu? Verður nótan með virðisaukaskatti frá honum? Getur fjármálaráðherra Íslands keypt af fólki sem brýtur lög um bókhald og nótulaus viðskipti?

Er seljandinn virtur útrásarvíkingur og vinur Forsetans kannski? Er þeir menn til sem vilja yfirbjóða það verð sem Bjarna er boðið? Er ekki hægt að senda á hann handrukkara?

Vill enginn vita fyrst eitthvað um við hvern er verslað?

Þarf ekki VALUR

á vinum að halda? 

Skiptir það ekki máli með hvaða félagi maður heldur á boltavellinum? 

Ég held að Knattspyrnufélagið VALUR, félag Alberts Guðmundssonar og Hemma Gunn vina mínna, eigi ekki að láta Dag Bé og EssBjörn teyma sig út í það að egna flugvallarvini á móti félaginu. Sem það gerir með því að fara að byggja inn á Reykjavíkurflugvelli sem skemmir notkunarmöguleika hans og pirrar okkur flugvallarvini.

Er ekki betra að við Friðrik Pálsson sem skrifar í Morgunblaðið í dag um þetta mál, höldum áfram með VAL heldur en einhverjir gróðapungar sem tengjast þessu virðulega íþróttafélagi allra Reykvíkinga fái að græða milljónir á skjóli þessa þokkalega tvístirnis og þeirrar tilviljunar að maður að nafni Jón Kristjánsson seldi knattspyrnufélaginu VAL erfðafestuland sitt á Hlíðarenda fyrir margt löngu?  

Eggert Briem bóndi í Viðey átti líka erfðafestuland undir flugbrautunum. EssBjörn og Dagur Bé geta ekki sannað eignarrétt sinn á því landi því þeir keyptu það aldrei. Þeir eiga ekki landið undir flugvellinum og geta ekki gefið Háskólanum það sem þeir eiga ekki.

Áfram Valur !

 

Reykjavíkurflugvöllur

 

var á dagskrá á Sprengisandi á sunnudaginn. Ömurlegt var að hlusta á EssBjörn flytja þann boðskap að meirihlutinn í Borginni hafi þá hugsjón hæsta, að byggja íbúðir í Vatnsmýrinni en loka flugvellinum sem allra fyrst. Vísa síðan í einhverja Rögnunefnd sem sé að finna nýtt flugvallastæði í Reykjavík svo að þeim klafa sé lyft af innanlandsfluginu sem á því hvílir samkvæmt einhverri skilgreiningu hans sjálfs. 

Enginn af viðmælendunum virtist gera sér ljóst að Rögnunefndin er varla neitt annað en Pótemkín-tjöld Dags B. Eggertssonar sem hann bjó til í þeim tilgangi að sleppa við að þurfa að ræða flugvallarmálið fyrir kosningarnar vegan yfirgnæfandi andstöðu borgarbúa við lokun vallarins. Settist enda sjálfur í nefndina sem tryggir það að vitræn niðurstaða er ekki væntanleg frá þessum skapningi hans sjálfs utan um þá köllun hans að tortíma flugvellinum til þess að byggja íbúðir sem hafa nauðsynlega nálægð fyrir 101 liðið við búllurnar í Kvosinni.

Þegar þeir fjölbýlishúsagrunnar verða allir grafnir mun líklega þurfa að dæla miklum sjó í Tjörnina til þess að halda vatnsborðinu á sínum stað og sá sjór mun óhjákvæmilega breyta öllu gróðurfari á svæðinu sem við þekkjum núna og fuglalífi.

Nú er búið að framlengja skilafrest nefndarinnar til miðs árs sem bendir til að ekki sé auðvelt að komast að niðurstöðu sem sé Degi Bé þóknanleg. Því löngu er vitað að hvorki er nýtt flugvallarstæði finnanlegt né hefur nokkur ráð á því peningalega  að flytja Reykjavíkurflugvöll. Það sem ég undrast sjálfur er sú óskarpskyggni annarra nefndarmanna en Dags Bé að láta bjóða sér svona pólitíska misnotkun eins og allur þessi blekkingarleikur var settur upp af einum nefndarmanninum. Þvílíkur félagi er þessi Dagur Bé.

Sá klafi sem hvílir á Reykjavíkurflugvelli sem EssBjörn lýsir er settur saman af visntri-meirihlutanum í Reykjavík til fjölda ára. Allsherjar framkvæmdabann er á vallarsvæðinu svo að þar er enn hírst í setuliðsbröggum frá stríðsárunum þrátt fyrir að þaðan sé flogið millilanadaflug austur og vestur. Þessi klafi er smíðaður af EssBirni sjálfum undir hergöngulögum úr púkablístrum Samfylkingarinnar sem hefur verið staðföst í vallarfjandskap sínum allt frá dögum Ingibjargar Sólrúnar og R-listanum hennar illræmda sem þreifst á því að mata Framsókn á Orkuveitukrásum sem endaði auðvitað í gjaldþroti þeirrar stofnunar með hálfkaraðar hitaveitur víða um land frá útþenslustefnu Alfreðsáranna, þar sem risarækjur skipuðu veglegan sess í orkuflórunni. ‘I stað alls þessa hefði verið hægt að hefja Reykjavíkurflugvöll til vegs og virðingar og láta hann moka ómældum fjárhæðum til Borgarinnar með aðflugi einkaþotna til ráðstefnuhalda í Reykjavík og auknu utanlandsflugi Reykvíkinga.

Nú blasir við algert úrræðaleysi í hitaveitumálum Sunnlendinga eftir gjaldþrot útrásar Orkuveitunnar sem sést best af því að næg orka er í eigu hennar fyrir austan Hvítá  en fyrirtækið þykist enga burði hafa til að deifa henni austur yfir Þjórsá. En allt er heitavatnslaust frá Hellu og austur úr og þar sárvantar hitaveit.

Vinstri menn geta yfirleitt ekkert nema talað og talað um allskyns félagslegar lausnir eftir allskyns kynlegum hugmyndum sínum þar sem flest rekst á annars horn. Þeim er yfirleitt gersamlega fyrirmunað að skilja fjármál eins og skuldasöfnun þeirra í Reykjavík sýnir best.

Þetta fólk var kosið frá borgarstjórn í síustu kosningum. En tilviljunin sendi þeim Píratakaftein sem var hægt að kaupa ódýrt með einni mannréttidanefnd sem varla nokkur veit til hvers er. Allavega mat Framsókn þessa nefnd ekki meira en að tilnefna Sjálfstæðismann til að sitja í henna fyrir sig. Enda hefur EssBjörn lýst Framsókn óstjórntæka vegan skoðana á lóðaúthlutun til múslíma.

Flugvallarmálið er því í mínum augum hreinn farsi frá upphafi til enda og Rögnunefnd Dags Bé sem hann stjórnar sjálfur finnst mér bara brandari til áframhaldandi vefsláttar keisaravefaranna Dags Bé og EssBjarnar.

Reykjavíkurflugvöllur sjálfur er jafn nakinn og vinalaus eins og hann hefur verið allar götur síðan að íhaldið hætti í afgerandi stjórnmálabaráttu í Reykjavík fyrir langalöngu síðan. Þó að allur almenningur landsmanna vilji völlinn kyrran á sínum stað, þá ætla kumpánarnir EssBjörn og Dagur Bé. að berja sinn vilja fram í trássi við alla aðra.

Sannir jafnaðarmenn báðir tveir, vefarar keisarans.