Leita í fréttum mbl.is

Bloggfærslur mánaðarins, mars 2019

Umhverfisfasisminn

blómstrar í grein Hjörleifs Guttormssonar. Við sem eldri erum munum vel glórulausar öfgar þessa manns frá dögum hans sem kommúnista og stóriðjuböðuls.

Niðurlagið er í samræmi við fyrripartinn þar sem hann boðar skattlagningu og píslir sem íslenskur almenningur eigi að leggja á sig píslir í þágu bullsins sem hann er heltekinn af.

Við þessu er auðvitað að búast af slíkum ofstækismanni skoðana sem hann var þekktur fyrir á sínum velmektardögum.

Hann boðar heilaþvott á æsku landsins með innrætingu trúarofstækis umhverfisfasismans  eins og kommúnisminn var boðaður í gamla Sovét. 

Hann lýkur með þessu:

 

"Fátt er brýnna en að upplýsa almenning um þá erfiðu glímu sem er framundan vegna loftslagsbreytinga af mannavöldum. Í því efni á sjónvarp RÚV lof skilið fyrir þá þáttaröð sem hófst fyrir viku.

Afar brýnt er að skólakerfið verði búið undir staðgóða fræðslu um þetta flókna samspil, ekki síst grunnskólastigið. Þar skiptir miklu að kennsla í náttúrufræði og vistfræði verði traust og beinist ekki síst að íslenskum aðstæðum.

Boðað átak menntamálaráðherra til að lyfta skólastarfi er mikilvægt í þessu samhengi, með áherslu sérstaklega á kennarastarfið.

Mikill samdráttur í losun gróðurhúsalofts er óhjákvæmilegur hér sem annars staðar og honum verða að fylgja breytingar í atvinnu og viðskiptalífi sem og í heimilishaldi og neyslu. Sem tegund er mannkynið komið í miklar ógöngur og verður héðan í frá að virða takmörk plánetunnar til að eiga hér trygga framtíð.

Við Íslendingar erum þar hluti af heild og verðum að leggjast á árar með ungu kynslóðina í stafni reiðubúna að moka flórinn."

Þetta endemis kjaftæði um hættuna af losun koltvísýrings er gagnrýnilaust farið að gegnsýra alla umræðu á grunvelli múgæsinga en ekki vísindalegra forsendna.

Koltvísýringur hefur ekki verið lægri í andrúmsloftinu í 600milljón ár.

Skellt er skollaeyrum við rökum vísindamanna um að hlýnum loftslags sé af völdum sólarinnar fyrst og fremst og út í hött sé að verja skattfé til að berjast við afl hennar.

Prédikarar á borð við Hjörleif Guttormsson eru hættulegir í allri umræðu.Þeir eru með lokuð eyru við öllum mótrökum en hafa ofstækið og ritfærnina sér til styrktar til að útbreiða falskenningar sínar í umhverfisfasisma rétt eins og var á mektardögum kommúnismans.

 

 


Mamelúkar

voru síðbúið svar Vesturlandabúa gegn árásarsveitum Húnakonunga með hraðskreiðum riddurum með boga.Þetta voru þungbrynjaðir riddarar sem voru ónæmir fyrir örvum Húnanna.

Ottoman_Mamluk_horseman_circa_1550

Hér í Florídu eru menn að ræða hvort kennarar í skólunum eigi að vera vopnaðir til að geta brugðist við vitleysingum sem gera skotárásir. Það virðist ekki vera meirihluti fyrir því.Sjálfagt geta kennarar samt fengið að ganga vopnaðir ef þeir svo óska og það myndu margir  hiklaust gera í þeirra sporum.

Ég hef velt því fyrir mér hversvegna ekki sé settur Mamelúki í hvern skóla sem sé á vakt á skólatíma. Komi vitleysingur og byrji að skjóta þá labbi Mamelúkinn skotheldur að gaurnum og stúti honum án þess að vera í hættu sjálfur.

Alþjóðalög finnst mér líka að ættu að vera í gildi um að hryðjuverkamenn séu undantekningarlaust ekki teknir lifandi heldur sé skylda að drepa þá á staðnum. Að vera að eyða skattfé í að geyma kvikindi eins og til dæmis Breivik sem er betur kominn dauður allra hluta vegna finnst mér ekki ganga upp.Fáránlegt kjaftæði um mannúð og mildi á ekki við þetta fólk. 

Memelúki á að afgreiða drápara á einn hátt. 

 


Lífsþor

 

Árni Grétar Finnsson var lögmaður og bjó í Hafnarfirði. Hann orti eftirfarandi ljóð, sem sannar að Sjálfstæðismenn geta líka verið heimspekingar þó vinstra liðið eins og spekingurinn Helgi Hrafn  haldi því fram að við séum bara til einskis nýtir miðað við það sjálft.

"LÍFSÞOR

Það þarf meiri kjark til að segja satt en ljúga,
sjálfstraust til að efast, er aðrir trúa,
djörfung til að mæla gegn múgsins boðun,
manndóm til að hafa eigin skoðun.

Það þarf viljastyrk til að lifa eigin ævi,
einurð til að forðast heimsins lævi,
vizku til að kunna að velja og hafna,
velvild, ef að andinn á að dafna.

Þörf er á varúð víðar en margur skeytir.
Víxlspor eitt oft öllu lífi breytir.
Þá áhættu samt allir verða að taka
og enginn tekur mistök sín til baka.

Því þarf magnað þor til að vera sannur maður,
meta sinn vilja fremur en fjöldans daður,
fylgja í verki sannfæringu sinni,
sigurviss, þó freistingarnar ginni."

Píratar hefðu kannski gott af að lesa þetta ljóð áður en þeir tala um hvernig aðrir þori að lifa?.

 


KAT6

blokkarar eru í nýjum krabbameinslyfjum sem Fei Huang við Lyfjavísindadeild Nanjing Háskóla í Kína  fjallar um í grein,sem í úrdrætti fylgir hér með.

 
"Lysine acetyltransferases (KATs) catalyze lysine acetylation, a reversible protein modification implicated in a wide variety of disease states.
 
Histone acetyltransferases
(HATs) comprise a KAT sub-class that acetylate specific lysines in histones, hence playing an important role in the regulation of chromatin organization and function.
HATs are critical regulators of signaling in many diseases, including cancer.
 
KAT6A (also known as monocytic leukemia zinc finger protein, MOZ) and KAT6B (also
known as MORF and QKF) belong to the MYST family of HATs, that comprise KAT5KAT8. They are the targets of chromosomal translocations identified in acute
myeloid leukaemia and various cancers. It seems logical therefore that inhibition of KAT6A and KAT6B may provide a therapeutic benefit in cancer.
 
Baell et al.( í Melbourne)discovered a new class of anti-cancer drug that can put cancer cells into a permanent sleep or senescence, using high-throughput screening followed by medicinal chemistry optimization, in-cell assays, biochemical assessment of target engagement, and tumour models in mice and fish.
 
This research showed promise in arresting
tumour growth in pre-clinical models of blood and liver cancers as well as delaying or stopping relapse without damaging the cells' DNA or some harmful side-effects
caused by chemotherapy and radiotherapy"
 
Um allan heim unnið að því að  finna lækningar við krabbameinum. Það er ekkert áhlaupaverk svo margvísleg sem litningabreytingar eru sem valda krabbameinum. Fyrir verk fremstu vísindamanna heimsins á sviði erfðafræði er mönnum að vaxa skilningur á því sviði. En viðfangsefnið er svo gríðarlega mikið að hægt miðar. 
 
Þegar maður hugleiðir afrek mannsandans og síðan fjöldamorðin á Nýja-Sjálandi þá getur maður fyllst bæði stolti og sorg að tilheyra okkar dýrategund. Við sjáum milljónir ljósára út í geiminn og erum að skyggnast inn í örsmæðarheim lífsins með mannlegri skarpskyggni og ályktunarhæfni sem hefur leitt til ótrúlegra uppgötvana.Og við höfum líklega  ekki séð neitt ennþá eins og hann Ronald Reagan orðaði það.
 
Morðóð kvikindi eins og Breivik og þvílík afstyrmi eru einskonar krabbamein mannlífsins meðan vísindahugsunin ljómar í mannheimi.  Vonandi verður hægt að lækna sem flest mannleg mein, andleg og líkamleg,  með tíð og tíma eins og hann James D.Watson batt vonir við.

Frá Guði?

hlýtur umboð eftirtaldra einstaklinga að kom úr því að val þeirra á umsækjendum um dómaraembætti er æðra en fyrirmæli stjórnarskrárinnar um hver eigi að skipa dómara.

Gunnlaugur Claessen, Guðrún Björk Bjarnadóttir, Halldór Halldórsson, Ingibjörg Pálmadóttir og Valtýr Sigurðsson. 

 

Róbert Spanó dómari við Mannréttindadómstólinn úrskurðar um kæru vinar síns uppi á Íslandi til þess dómstóls að Íslendingar megi ekki ganga framhjá mati þessara fimmmenninga hvað sem stjórnarskrá Íslands segir. Ráðherrar og Alþingi séu þeim undirorpnir.

Hverskonar bull er eiginlega í gangi á þessu landi?

Eru svona Guðleg excel-umboð frá handvöldum nefndum og stofnunum úti í heimi hið æðsta vald í innanríkismálum Íslendinga sem stofnuðu lýðveldi undir stjórnarskrá 1944 á Þingvöllum?


"Þó við séum vondir

þá eru aðrir verri".

Þessari setningu Bjarna heitins Benediktssonar gleymi ég aldrei. Hún kemur auðveldlega í hugann þegar ég les eftirfarandi texta eftir pírataþingmann, Helga Hrafn Gunnarsson.

"Ef mér tekst ekki að sann­færa þig um að kjósa Pírata, þá lang­ar mig a.m.k. að sann­færa þig um að kjósa eitt­hvað annað en Sjálf­stæðis­flokk­inn.“ Þannig hefst Face­book-færsla Helga Hrafn Gunn­ars­son­ar, þing­manns Pírata, þar sem hann gagn­rýn­ir Sjálf­stæðis­flokk­inn harðlega.

Hann seg­ir að stefna Sjálf­stæðis­flokks­ins sé ekki slæm, og fólk eigi ekki að kjósa hann þess vegna, held­ur sé flokk­ur­inn orðinn svo heimakær vald­inu að meðferð hans á því ein­kenn­ist af ábyrgðarleysi.

„Það er ekk­ert sterk­ara ein­kenni Sjálf­stæðis­flokks­ins held­ur en ábyrgðarleysi í öll­um skiln­ingi, á öll­um sviðum og öll­um stund­um. Þessi flokk­ur er með full­komið of­næmi fyr­ir ábyrgð og ger­ir enn­frem­ur allt sem hann get­ur til að grafa und­an vænt­ing­um fólks til ábyrgðar í stjórn­mál­um,“ skrif­ar Helgi Hrafn.

Hann seg­ir það, hvað Sjálf­stæðis­flokk­ur­inn sé rót­gró­inn hluti af stjórn­mála­sög­unni og stjórn­sýsl­unni, sé viðviðvar­andi, sjálf­stætt vanda­mál.

„Hann verður að fá pásu, þó það væri ekki nema til að hann troði því inn í haus­inn á sér að það sé ekki sjálfsagt að hann sé við völd.“

Ég hef aldrei séð eða heyrt nokkurn skapaðan hlut af viti koma frá þessum pírataflokki eða þingmönnum hans. Þvílíkur afspyrnu vanþroski og ruglandi kemur frá þessum manni í þessum orðum. Hvernig færi með þjóðfélagið ef svona fólk kæmist til einhverra áhrifa?

Við sauðsvartir Sjálfstæðismenn erum ekki yfir okkur ánægðir meðmargt sem okkar þingmenn lát frá sér fara. En samanborið við Pírataliðið þá verður maður að rifja upp gömlu spakmælin hans Bjarna Ben til að minna sig á að hjálpræðið mun aldrei koma úr þeirri átt. Frá flokki sem hefur enga stefnu, enga afrekaskrá og kunnastur fyrir afstöðuleysi í flestu málum.

Guð blessi Ísland ef leita þarf einhvern tímann til Pírata um lausn aðsteðjandi vandamála.

Þó við séum vondir þá eru aðrir verri, jafnvel miklu verri.


Ides Mars

er í dag. Skuldaskiladagur í gömlu Róm.

Þennan dag árið 44 fKr.,var merkismaðurinn Júlíus Cesar, Pontifex Maximus, og æðsti prestur, hershöfðingi sem byggði brú yfir Rín á liðlegri  viku eins og Patton nærri 2000 árum seinna, stunginn niður í öldungaráðinu af mönnum sem hann hafði hlíft og hossað.Sjaldan launa kálfar ofeldið sannaðist á Brútusi.

Oktavíus lét drepa 300 Öldungaráðsþingmenn 4 árum seinna svona til að launa þeim fyrir að láta þetta gerast.

Ides Mars er merkisdagur 


Only a good guy with a gun

can stop a bad guy with a gun segja Kanar.

Geta sérsveitir ekki  farið fyrirvaralaust með þyrlum á staði í borgum til að drepa árásarmenn eins og Christchurch?

Að hugsa sér að kvikindi eins og Breivik sé haldið uppi í lúxus og sé jafnvel með tölvusamband við aðra morðingja er ekki auðvelt. Norðmenn fóru út með Quisling og lóguðu honum þannig að aðferðin er þekkt þar í landi.

Það er spurning hvaða tilgang það hafi að taka svona úrþvætti lifandi eins og gert er?


James D. Watson

er einn makalausasti vísindamaður okkar tíma. Ég hef verið að berjast í bók hans ,DNA, sem er frá byrjun aldarinnar. 404 síður og má segja að maður geti ekki sleppt einni línu án þess að bíða tjón á skilningi sínum.

Maðurinn er sá sem setti fram kenninguna um tvöfalda gorminn sem lýsir erfðasamsetningunni.Nú er ég svo vitlaus í líffræði að ég þekki ekki einu sinni réttu íslensku nöfnin á þessum hlutum

Rosalind Franklin kom honum og Grick á sporið með ljósmynd af þverskurði litnings. En þessi frábæra vísindakona lést fyrir aldur fram 37 ára gömul úr krabbameini.

En hver frumukjarni í líkama okkar inniheldur 2x 23 litninga, eitt sett frá hverju foreldri. Sá sem fæðist með 3 litninga númer 21 fær Downs Heilkenni til dæmis og önnur afbrigði valda öðrum vandamálum.. Hver 23 krómosómaröð(er þetta rétt orð?) röð kallast genome lífverunnar sem ég veit ekki hvað kallast á íslensku

helixMyndin sýnir þverskurð af litningi og sýnir hvernig genin tengjast við tvöfalda gorminn. 

Hver 23 litninga röðin inniheldur 3 milljarða af mismunandi samsetningum af 4 einingum sem ráða öllu um erfðir okkar.

Ég á auðvitað ekki að vera að skrifa um þetta þar sem ég hef ekki hundsvit á þessum vísindum. En bók Watsons er svo ótrúlega massív og áhugaverð að það er ekki áhlaupaverk að lesa hana fyrir venjulegan bjána eins og mig.Og ég hef alls ekki klárað hana né skilið til hlítar. 

Okkar dr. Kári Stefánsson fær 2 loflegar síður í bókinni sem sannar að hann hefur alþjóðlega stöðu með fremstu vísindamönnum heims.Fyllti mig stolti að lesa það þó heimska landsmanna hafi stórspillt árangrinum sem hefði verið hægt að ná í okkar sérstöku aðstæðum ef elítan og sérvitringarnir hefðu ekki eyðilagt það sem að var stefnt.

En það er eitt sem knúði mig til að minnast á þetta. Það er hvernig farið var með þennan einstaka nú níræða vísindamann.

Mann sem aðeins stjórnast af rannsóknum og vísindalegum niðurstöðum. Hann sagðist hafa komið auga á tengsli milli kynþátta og eiginleika eins og gáfna og fleira. Upp risu fávitar og stimpluðu hann kynþáttahatara. Réðust á hann og reyndu að skaða orðstír hans á allan hátt, kölluðu hann rasista og nasista. Sem hann er auðvitað ekki. En þeir sviptu hann öllu sem þeir gátu fyrir að standa við skoðanir sínar nú síðast í janúar.

Góða fólkið, demókratar og elítufólk þóttist vita allt og níðskrifin eru endalaus.

Watson sem er trúleysingi lýkur bók sinni á grein Páls Postula um kærleikann sem sé sitt manifesto og vonar að einhvern tímann verði hægt að rækta illskuna úr manninum eins og aðrar raunir hans og sjúkdóma.Samt stimplar pakkið hann með verstu ónefnum sem er sorglegt þar sem mannkynið á þessum tuttugufalda doktor og Nóbelsmanni, mikla skuld að gjalda.

James D. Watson er í mínum augum mikilmenni sem menn eiga að virða fyrir það sem hann er og kynna sér það sem hann hefur gert og hefur verið.genome2

Myndin sýnir hvernig krómósómin eru í hverri frumu í líkamanum(450 milljón frumur í okkur skipta sér á hverri sekúndu)Hvert par af 23(í kassanum)er genomið okkar)Það inniheldur 3.1 milljarð af grunnþáttum A,T,G og C.Geta menn ímyndað sér við hvað erfðaverkfræðin er að fást? Þarna liggja orsakir allra sjúkdóma.  Ef maður getur fitlað við þetta á réttan hátt þá er hægt að gerbreyta lífi manna? Downs heilkenninu má forða, brjóstakrabbahættunni sem  Kári getur greint. Endalausir möguleikar opnast fyrir störf manna eins og James D. Watson og slíkra vísindamanna.

Sprell

skólanema sem krefjast aðgerða í loftslagsmálum er skemmtun til þess fallin að skrópa í skólanum án viðurlaga.

Skólayfirvöld eiga að setja kynningu á vísindamönnum eins og Judith Curry og fleiri í skólunum ef skólar eiga að standa undir nafni sem menntastofnanir en ekki bolsévískar sprellistofnanir.


« Fyrri síða | Næsta síða »

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (29.3.): 1
  • Sl. sólarhring: 5
  • Sl. viku: 44
  • Frá upphafi: 3417961

Annað

  • Innlit í dag: 1
  • Innlit sl. viku: 41
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband