Talna Bensi

skrifar enn eina greinina í Morgunblað helgarinnar mér til skapraunar. Þar kemur hans pólitíska lífssýn fram:

"Ísland þarf framsækna ríkisstjórn, stjórn sem vill að þjóðin öll njóti afraksturs af sameiginlegum auðlindum, gerir Ísland að virkum þátttakanda í alþjóðastarfi og hverfur frá einangrunarhyggju, tryggir öllum landsmönnum jafnan atkvæðisrétt, beitir sér fyrir lægra matvælaverði og stöðugum gjaldmiðli. Þjóðin þarf stjórn sem berst gegn veirum og óværum. Benedikt Jóhannesson Pistill Ósýnilegi óvinurinn Höfundur er stærðfræðingur og stofnandi Viðreisnar

Dettur einhverjum í hug að Benedikt þessi myndi færa farsæld yfir þjóðina með inngöngu í ESB og upptöku EVRUNNAR? Sjá ekki allir hvernig komið er fyrir minni ríkjunum í Evrópusambandi? Var ekki verið að leggja þau frekar í álög skulda og fátæktar sem efnahagsþrælar Þýskalands? Var ekki búið að leggja nóg á Grikkland, Spán og Ítalíu? Heldur einhver að vegur Íslands yrði greiðari með Benedikt þennan sem bjúrókrat í Brüssel á "samráðsvettvangi"  hinna smáu í ESB?

Vonum af öllu hjarta að þessi stærðfræðingur og glóbalisti og fullveldisfjandi Íslands, sem ég uppnefni gjarnan Talna Bensa vegna ritsins sem hann gaf út á sínum tíma, komi aldrei aftur til áhrifa í íslenskum stjórnmálum þar sem við erum reynslunni ríkari af flokki hans og ráðleysi frá 2017 þegar Skjóni sprengdi stjórnina sem betur fór.

Kínaálið og Vesturlönd.

Hverjar eru samkeppnisforsendur Kínverska álsins sem er að valda lokun álvera á Vesturlöndum.

Skiptir ekki máli hvaða laun eru greidd í kínverskum álverum?Laun í Kína eru ekki ákveðin í frjálsum kjarasamningum heldur af kínverska kommúnistaflokknum.

Skiptir ekki máli hvað raforkan kostar raunverulega úr því brúnkolakynta raforkuveri sem Kínverjar gangsetja vikulega?

Séu kostnaðarþættir í framleiðslu áls  lægri en á Vesturlöndum þarf ekki að rannsaka hvaðan þeir fjármunir koma sem valda misjöfnum samkeppnisaðstæðum? 

Hver heldur niðri kaupi í Kína?

Hvert verður verðið á kínversku áli ef kostnaðarþættir eru færðir til jafns við Vesturlönd?

 

Er ekki Trump Bandaríkjaforseti að velta því fyrir  sér hví Vesturlönd eigi að leyfa verð-og veirustýrðu áli frá Kína að keppa við ál sem er framleitt við frjálsar markaðsaðstæður á Vesturlöndum? 

 

Þjóðvegur 358

er ferlegur malarvegur milli Flúðavegar og gömlu Tungufljótsbrúarinnar og þaðan áfram til Gullfossvegar. Skelfilegur kafli og oft nærri ófær vegna þvottabrettis og ryks.

Það er búið að malbika kafla á Biskupstungnabraut.358 nýtur vaxandi vinsælda og rútur klöngrast hann í vaxandi mæli þegar hann er sæmilega nýheflaður.En þá eru rykskýin stórfengleg og leggjast yfir sveitir.

Er ekki hægt að hugsa sér að leggja einhverja olíumöl á fjölförnustu hluta þjóðvegar 358 og þarf ekki að vera allt í einum áfanga?

 

Icelandair?

á að setja það á með styrk eða láta það rúlla?

Alveg án tillits til þess hversu góð og göfug stjórnin er í félaginu og hvern hug Bogi ber til verkalýðsfélaga.

Ragnar Þór vill stúta félaginu enda ekki þáttakandi í neinni fjármálaspillingu að hann segir sjálfur. Og Sólveig Anna vill auðvitað fragta þeim öllum beint til helvítis ef hún gæti komið því við í stéttafélagamannkærleika og bolsévisma sínum og Gunnars Smára.

Hvað á að gera?

Enginn óvitlaus sjóðastjóri er tilbúinn að taka 30 milljarða af lífeyri félagsmanna og skella í félagið. Við eigendurnir yrðum að borga það í lækkuðum lífeyri eins og í hruninu þegar þeir töpuðu 10 milljörðum á feilspekúlasjónum sínu og sögðu ekki einu sinni svei þér við okkur sem fengum að borga í lækkuðum lífeyri.

Nú þykist þessi bolsévikki Ragnar Þór vera að springa af göfugmennsku og umhyggju fyrir okkur lífeyrisþegum. Og sannfæringu sinni fyrir því að allir séu fífl nema hann.Han alene vider.

Ef við teljum þjóðina þurfa að halda Icelandair á lofti þá dettur mér eftirfarandi í hug:

Lífeyrissjóðirnir leggi fram 50 milljarða til félagsins með því fororði að ríkið ábyrgist þeim endurgreiðslu ef illa fer til dæmis þannig:

Eftir fimm ár frá gjaldþroti Icelandair borgi ríkið lífeyrissjóðunum 5 milljarða til baka og svo áfram á 10 árum. Þetta greiði landsmenn í meiri sköttum hvert ár. Landsmenn taki á sig tapið en lífeyrisþegar sleppi.  Við tökum sjansinn í ljósi aðstæðna. Gerum þetta fyrir opnum tjöldum þannig að engum núverandi eigenda verði hyglað svo að hneykslun valdi

Allir landsmenn fái svo sent hlutabréf í félaginu hver eftir sínum greidda skatti vegna þessa.

Þetta gerum við strax og byrjum að láta Icelandair fljúga. Það má reka alla stjórnina, losa sig við allan annan rekstur  og afskrifa allt hlutaféð mín vegna enda held ég að það sé alveg nóg að hafa bara Boga Nils einan við stýrið.

Hann Bogi Nils hefur sýnt það að hann hefur í það minnsta 4 Framsóknarvit á rekstri og verkalýðsmálum. En til samanburðar hafði hesturinn hans Stebba Ste,hann Roy, 2 Framsóknarvit að því að Stebbi sagði sjálfur enda var Roy mjög traustur til erfiðra ferðalaga.

Verðum við ekki að gera eitthvað afgerandi og fljótt með Icelandair?

 

Hver er sekur?

í Namibíu-máli Samherja?

Ég hef verið að hlusta á vandlætingarfólk sem úthrópar Samherja sem siðspillt og sekt fyrirtæki og þjóðaskömm og álíka stóryrði.

Kemur mér þetta eitthvað við. Nei í sjálfu sér ekki. En ég get ekki annað en spáð í þetta. Hver er orsökin, hver er afleiðingin og hvað ef?

Þeir eru fyrir rétti í Namibíu kallarnir sem tóku við milljarðinum frá Samherja, sem Jóhannes uppljóstrari sá um.Um hvað var hann svikinn sem gerði hann svona réttlætisfullan að hann snýst svona gegn fyrrum vinum sínum og kallar yfir sig vandlætingu góða fólksins?  

Verður maður ekki að spyrja sig: Hvar byrjaði málið?

Voru það þeir Þorsteinn Már og Jóhannes sem komu að máli við þessa Namibíukalla og stungu upp á að þeir fengju peninga fyrir að úthluta Samherja kvóta umfram aðra?  Finnst fólki það mjög sennilegt? Er ekki trúlegra að þetta geti hafa verið viðskiptavenja hjá þessum Namibíuköllum sem ekki hafi verið endilega ný af nálinni? Að Samherji hafi ekki endilega fundið upp spillinguna?

Skyldu Samherjamenn ekki hafa fengið upplýsingar annarsstaðar frá  um það að Heinaste gæti fengið kvóta ef...?

Samherji varð að vega það og meta hvort það væri tilvinnandi að taka á sig kostnað  gegn því að starfsmenn fengju vinnu við veiðar og fyrirtækið tekjur af skipinu sem annars hefði engin verkefni?

Ef atburðarásin er þannig, hvern á þá að áfellast? Var þetta of dýru verði keypt? Er þetta eitthvað svo ljótt eins og góða fólkið er að segja hérna? Kemur þetta einhverjum öðrum við en köllunum í Namibíu sem nú er búið að húkka og svo Samherja? Er ekki tal um einhverja íslenska þjóðarskömm dálítið langsótt? Verður þú ekki í Róm að hegða þér eins og Rómverji?

Ég er kannski svona siðblindur sjálfur að ég megi ekki efast sjálfur hvort komi á undan eggið eða hænan?

Mér finnst að kollegi minn Þorsteinn Már hljóti að hafa hugsað fyrst og fremst um hagsmuni Samherja og starfsmenn þess þegar honum var gert ljót að greiðsla væri forsenda fyrir viðskiptum? Ekki tekur neinn forstjóri því léttilega að þurfa að taka peninga úr sjóði fyrirtækisins og gerir ekki ef hann getur komist hjá því.Það er svo annað mál hvernig þetta er bókfært og borgað.

Er ekki auðvelt að sjá þetta fyrir sér sem markaðsgjald frekar en eitthvað ljótt sem sé íslensk þjóðarskömm? Eitthvað sem varð að gera eða vera ekki inni í myndinni?

Það eru stöðugar fréttir af hliðstæðum málum um allan heim. Þessi og hinn er að fá greitt smurningsfé. Skyldu öll slík mál komast upp?

Er þetta ekki útbreiddara viðskiptaform en menn halda.

Skyldi þetta þekkjast á Íslandi?

Er ekki sagt að sumstaðar séu þetta viðskiptavenjan en ekki undantekning? 

Hljóta menn ekki að standa frammi fyrir því vali í spillingarumhverfi að vera settir til hliðar eða hegða sér eins og Rómverjar þegar menn eru komnir til Rómar?

Er ég kannski móralskur idjót þegar mér finnst ekkert auðvelt að úrskurða að einhver einn sé sekari en hinn? 

Eldibrandur

virðist ráða för innan allra stofnana löggæslunnar.

Ég var að hlusta á Arnþrúði og Pétur rifja upp slík mál í Útvarpi sínu. Þar kom að greinileg fylgni er á milli upphlaupa  innan þessara stofnana og hvar viss persóna er á ferð.

Stöðug upphlaup fylgja þessari persónu. Það eru eineltismál, fjármálaglöp,skyndilegar persónubreytingar sem gera áratuga starfsreynslu að engu. Eineltismálum lýkur  á þann hátt að  sá einelti fær pening úr ríkissjóði en er síðan flæmdur úr starfi. Það er tekið upp nýtt hugtak sem er hatursorðræða og skipaður sérstakur umsjónarmaður með því fyrirbrigði. Menn eru hraktir úr embætti en Eldibrandur fær stöðuhækkun. 

Enginn vekur athygli á að öll vandræðamál innan löggæslunnar tengjast Eldibrandi sem virðist geta snúið hvaða Dómsmálaráðherra eins og honum þóknast.Nú er röðin komin að sýslumanni á Suðurnesjum sem sótt er að úr öllum áttum þrátt fyrir áratuga starfsreynslu.

Það er merkilegt að í kring um sumar persónur kvikna sífelld ófriðarbál.Þær kunna hinsvegar vel að dulklæða tilefnin og sækja sér vorkunn og miskabætur í opinbera sjóði.Gera sjálfa sig að blórabögglum og ofsóttum, minnihluta.Fá milljónir í skaðabætur fyrir að vera ekki valdir umfram aðra í embætti.

Og allt stjórnkerfið spilar með Eldibrandi og honum andlega skyldum persónum.

 

 

Stjórnarskrá eða einokun?

Í Morgunblaðinu stendur:

"Það hrikti í stoðum ís­lensks vinnu­markaðar við til­kynn­ingu Icelanda­ir um ein­hliða slit á samn­ingaviðræðum við Flug­freyju­fé­lag Íslands (FFÍ) föstu­dag. Hrint var af stað at­b­urðarás sem á fáa sína líka og mörg þung orð hafa fallið í kjöl­farið.

Á laug­ar­dag bár­ust þau tíðindi að aðilar væru sest­ir að samn­inga­borðinu að nýju og aðfaranótt sunnu­dags bar ný­und­ir­ritaður kjara­samn­ing­ur dags­ins ljóst. Þessi hraða og óvenju­lega at­b­urðarás hef­ur vakið marg­ar spurn­ing­ar.

Í sam­tali við mbl.is seg­ir Drífa Snæ­dal, for­seti ASÍ, að í þess­ari at­b­urðarás komi fram „takt­ar sem við höf­um ekki áður séð á ís­lensk­um vinnu­markaði“. Þarna komi fram sú ný­lunda að at­vinnu­rek­end­ur telji sig þess um­komna að sniðganga lög­legt stétt­ar­fé­lag og velja þess í stað að finna nýtt fé­lag sem er ódýr­ari kost­ur, án þess að það sé nán­ar skil­greint. Hún seg­ir að þar á bæ muni menn ekki eft­ir viðlíka aðferðarfræði frá því að lög um stétt­ar­fé­lög og vinnu­deil­ur voru sett árið 1938.

Drífa seg­ir að þetta sé „gríðarlegt áhyggju­efni“ og undr­ast að Sam­tök At­vinnu­lífs­ins (SA) hafi lagt bless­un sína yfir þessa veg­ferð. Hún seg­ist mjög hugsi yfir því að flug­menn hafi lagt bless­un sína yfir því að ganga í störf flug­freyja í stað þess að sýna sam­stöðu með sam­starfs­fólki.

mbl.is leitaði viðbragða Hall­dórs Benja­míns Þor­bergs­son­ar, fram­kvæmda­stjóra SA. Hann bend­ir á að fé­lagið hafi verið í samn­ingaviðræðum í 19 mánuði og seg­ir ekk­ert hafi skort á samn­ings­vilj­ann af þeirra hálfu. Hann seg­ir all­ar full­yrðing­ar um vilja­skort úr lausu lofti gripn­ar „sér­stak­lega í því ljósi að við und­ir­rituðum kjara­samn­ing sem FFÍ felldi síðan“. Komið hafi verið á leiðar­enda og ekk­ert annað í stöðunni en að leita nýrra úrræða."

Eftirfarandi ákvæði er  að finna í Stjórnarskrá lýðveldisins Íslands.    

 74. gr.
 [Rétt eiga menn á að stofna félög í sérhverjum löglegum tilgangi, þar með talin stjórnmálafélög og stéttarfélög, án þess að sækja um leyfi til þess. Félag má ekki leysa upp með ráðstöfun stjórnvalds. Banna má þó um sinn starfsemi félags sem er talið hafa ólöglegan tilgang, en höfða verður þá án ástæðulausrar tafar mál gegn því til að fá því slitið með dómi.
 Engan má skylda til aðildar að félagi. Með lögum má þó kveða á um slíka skyldu ef það er nauðsynlegt til að félag geti sinnt lögmæltu hlutverki vegna almannahagsmuna eða réttinda annarra.
 Rétt eiga menn á að safnast saman vopnlausir. Lögreglunni er heimilt að vera við almennar samkomur. Banna má mannfundi undir berum himni ef uggvænt þykir að af þeim leiði óspektir.] ¹⁾
    
 75. gr.
 [Öllum er frjálst að stunda þá atvinnu sem þeir kjósa. Þessu frelsi má þó setja skorður með lögum, enda krefjist almannahagsmunir þess.
 Í lögum skal kveða á um rétt manna til að semja um starfskjör sín og önnur réttindi tengd vinnu.

Er það ekki hlálegt að þeir  sem krefjast mest endurskoðun á öðrum ákvæðum Sjónarskrárinnar skuli nú vera ákafastir í að vilja kúga hópa manna undir þvinganaaðild að félagasamtökum sem eru löngu komin undir pólitíska stjórn.

Er ekki ASÍ löngu orðið pólitískur orrustuvöllur?

Hvað gildir í landinu, Stjórnarskráin eða einokun verkalýðsfélaga með skylduaðild?

 

 

TR-greiðslur eldri borgara

skerðast ef þeir fá greitt úr lífeyrisssjóðum.

„Ég er kominn á eftirlaun. Sem er kannski eðlilegt eftir því sem aldurinn færist yfir. Það er ákveðið áfall fyrir venjulegt fólk, ekki bara að hætta að vinna heldur er eiginlega ekki hægt að lifa á eftirlaunum á Íslandi,“ skrifar Ingi Bæringsson.

„Ég hef verið duglegur strákur, unnið mikið og borgað í lífeyrissjóði. Það bara breytir engu. Þegar TR og skatturinn er búinn að taka sitt þá fæ ég 116 þúsund á mánuði frá TR. Venjulegt fólk sem borgar í lífeyrissjóði allt sitt líf á ekki séns. Þetta kemur kannski engum við, allavega ekki stjórnmálamönnum. En það sem svíður kannski mest er að fólk sem er á vinnumarkaði núna virðist ekki gera sér grein fyrir að þau eldast líka. Kannski eiga börnin mín eftir að lenda í þessari stöðu.“

Eðlilega er Ingi ósáttur: „Það er enginn aðili í samfélaginu sem lætur sig þetta varða, ekki stjórnmálamenn, ekki verkalýðsfélög, enginn berst fyrir þennan hóp. Við höfum atkvæðisrétt (ennþá) og sennilega er eina vonin fyrir venjulegt fólk að kjósa sósíalista í næstu kosningum. Það er nefnilega þannig að ef að flokkarnir sjá á eftir atkvæðum þá eru þeir fljótir að stökkva á vagninn og þora ekki að vera á móti því sem þeir halda að gefi þeim kannski áframhaldandi völd,“ skrifar Ingi og bætir við:

„Bara svona til þess að fyrirbyggja misskilning þá fæ ég líka frá lífeyrissjóðunum. Skerðingar þjóna þeim tilgangi að halda fólki sem á ekki mikið, í fátæktargildru.“

Í dæmi Inga, sem og annarra, kemur glöggt fram að Tryggingastofnun hirðir lífeyrissjóðsgreiðslur af fólki. Hvers vegna? Jú, vegna þess að það er vilji stjórnmálafólks.

Ingi skrifaði einnig:

„Það var maður að kvarta hérna á FB yfir því að hafa fengið lyftiduft innum póstlúguna hjá sér. Þingmaður. Ég hef ekki mikið verið að fjalla um mín persónulegu mál hérna, mig langar samt að nefna smáræði. Sem er náttúrulega ekki eins mikilvægt og lyftiduft þingmannsins. Í Hverjum mánuði fæ ég innum póstlúguna hjá mer staðfestingu á að ég get ekki lifað af eftirlaununum mínum. Að ég geti ekki notið þeirra réttinda að geta búið í eigin húsnæði. Þingmaðurinn getur ekki á heilum sér tekið af vandlætingu yfir að fá lyftiduft einu sinni innum lúguna hjá sér. Ég fæ minn skammt það sem ég á eftir ólifað. Ekki að það skipti máli í hinu stóra samhengi…“

Það er opinbert sjónarmið stjórnmálamanna að það eigi að skerða greiðslur frá T.R ef menn fá greitt úr lífeyrissjóði .Þegar lífeyrissjóðir voru settir á var því haldið fram að þeir myndu vera viðbót við almannatryggingar. 

Bjarni Benediktsson segir alltaf að það sé eðlilegt að skerða vegna lífeyrissjóðsgreiðslna því þá sé hægt að borga þeim betur sem ekkert annað hafa en T.R.

Inga finnst ásanngjarnt að fá ekki nema 116 þúsund af því að hann fær úr lífeyrissjóði. Sjálfur fæ ég 92 þúsund frá T.R.af því að ég fæ 244 þúsund úr lífeyrissjóði.

Hvað er sannleikur spurði ekki Pílatus?

Skuldar þjóðfélagið mér og Inga eitthvað? Mörgum finnst að svo sé bara alls ekki, við eigum að sjá um okkur sjálfir og þakka bara fyrir að fá eitthvað. Ef á að borga okkur Inga meira þá verður það að koma einhversstaðar frá. Unga fólkinu sem verður að borga hærri skatta?

Þess fleiri hælisleitendum sem við hleypum hér inn þeim mun erfiðara verður framfærsla gamlingjanna þar sem þeir eru sagðir leggja yfirleitt lítið til samfélagsins en kosta mikið. 

Ekki hef ég trú á því sem Ingi segir:" Við höfum atkvæðisrétt (ennþá) og sennilega er eina vonin fyrir venjulegt fólk að kjósa sósíalista í næstu kosningum."

Ekki hef ég mikla trú á því að Gunnar Smári Egilsson bjargi eldri borgurum á undan sjálfum sér.Hvaðan skyldi Smárinn ætla að fá peninga til að borga Inga meira í gegn um T.R.?

 

 

Af hverju koma hælisleitendur

hingað til lands?

Getum við ekki ráðið neinu um aðstreymið? Getum við ekki gefið flugfélögum fyrirmæli?

Svo kemur fram í máli Víðis Reynissonar:

 

"Hæl­is­leit­end­ur sem hingað koma dvelja í sótt­varna­húsi á veg­um rík­is­ins á meðan á sótt­kví eft­ir fyrri sýna­töku við landa­mær­in stend­ur. 

Þetta kom fram í máli Víðis Reyn­is­son­ar á upp­lýs­inga­fundi al­manna­varna í dag. 

Víðir var spurður að því hvort enn vantaði auka­hús­næði fyr­ir hæl­is­leit­end­ur sem þurfa að fara í tvö­falda sýna­töku við kom­una til lands­ins. Hann sagði að búið væri að leysa það mál með til­komu sótt­varna­hús­næðis­ins. Eft­ir síðari sýna­töku tækju síðan önn­ur úrræði á veg­um Útlend­inga­stofn­un­ar við. 

Þá sagði Víðir að allt væri gert til þess að þjón­usta hæl­is­leit­end­ur eft­ir fremsta megni og meðal ann­ars væri tekið til­lit til þess að marg­ir úr þeim hópi hefðu ekki tök á að greiða fyr­ir fyrri sýna­töku við kom­una til lands­ins. 

Hann áréttaði að þess­ari aðferð væri beitt gagn­vart hæl­is­leit­end­um þar sem marg­ir í þeim hópi væru með und­ir­liggj­andi sjúk­dóma og úrræðið tryggði þannig frek­ar ör­yggi þeirra."

Það er nokkuð ljóst að hælisleitendur hafa ekki áhuga á að greiða neitt fyrir sýnatökur þar sem þeir eru að koma til að leggjast upp á okkar útveg.

Af hverju erum við yfirleitt að hleypa þeim hingað? 

Skilja allir ástæðuna fyrir stöðugum komum þeirra þegar við getum ekki tekið við fleirum?

Hvað er Sjálfstæðisflokkurinn?

í hugum fólks?

Valthor Olason

Kemur alls ekki á óvart frá Sjöllum, stórhættulegt glæpagengi sem hefur ALDREI gert landi og þjóð NEITT nytsamlegt og mun aldrei gera, spillinginn og siðleysið er allsráðandi hjá meðlimum þessa glæpa flokks sem Sjálfstæðisflokkurinn er og verður ALLTAF !  Áfram 

Ragnar Þór

 og þeir sem því þora, að flétta ofan af þessum glæpalýð sem veður um allt og yfir alla   

Ragnar Þór INgólfsson formaður VR skrifar svo:

 

" 

Jóhannes Stefánsson framkvæmdastjóri Lindarvatns ehf. svarar af veikum mætti spurningum mínum um framkvæmdina á Landsímareitnum.

Hann segir að ég skauti með himintunglunum í skrifum mínum, að framkvæmdin sé að fullu fjármögnuð og séu innan allra áætlana fyrir utan verklok sem hafa dregist úr hófi.

Ekkert gæti verið fjarstæðukenndara í svari Jóhannesar.

Það er barnslega einfalt að benda á með opinberum gögnum að verkefnið, sem var kynnt fyrir fjárfestum árið 2016, átti að kostaði rúma 6 milljarða og verklok yrðu 2018 hafi ekki staðist nokkra einustu skoðun né síbreytilegar áætlanir um kostnað og verklok.

Það er rétt hjá Jóhannesi að tafir hafa orðið sem voru ófyrirsjáanlegar en við blasir að stjórnendur félagsins hafa lagt sig mikið fram við að fela hina raunverulegu stöðu gagnvart fjárfestum og almenningi.

 

Jóhannes fullyrðir að framkvæmdir séu innan áætlana þegar við blasir að félaginu hefur nýlega verið bjargað frá þroti og eru lánin komin í 12 milljarða sem er talsvert frá þeim 6,25 milljörðum sem fjárfestum var kynnt árið 2016 þegar þeir keyptu skuldabréfin í Lindarvatni.

 

Þegar ég skrifaði um „Lindarvatnssnúninginn“ á sínum tíma var það gert til að vekja athygli á tengslum aðila við Icelandair, Samtök atvinnulífsins og Samband ungra sjálfstæðismanna. Og hvernig 685 milljónum af fjármunum almenningshlutafélags var komið undan í tvö eignarhaldsfélög, MB2015 og Fellasmára ehf. sem tengjast að hluta stjórnarformanni Lindarvatns.

 

Jóhannes svarar auðvitað ekki kjarna málsins eins og við var að búast enda fátt um svör þegar óútskýrðar greiðslur og „snúningar þeim tengdum“ ganga manna á milli í klíkuhagkerfinu.

 

En til að svara Jóhannesi.

 

Árið 2019 skrifaði ég um framkvæmdina á Landsímareitnum en þá höfðu forsvarsmenn félagsins fengið lífeyrissjóðina til að fjármagna framkvæmdir á lúxus hóteli á Landsímareit eftir að Icelandair hafði keypt eigin viðskiptavild, eftir að hafa gert 25 ára leigusamning, við óbyggt hótel í gegnum Icelandair hótels og kaupir í kjölfarið 50% hlut í Lindarvatni á fjórföldu verði.

 

Í viðskiptunum/fléttunni tóku tvö félög tæpar 700 milljónir í þóknanir.

 

Í fjárfestakynningu verkefnisins áttu verklok að vera 2018 og kostnaður við framkvæmdina 6,25 milljarðar. Íslensk verðbréf höfðu umsjón með útgáfu skuldabréfa upp á 6,25 milljarða. Og fór megnið af upphæðinni til að greiða vexti af bréfinu og greiða upp aðrar áhvílandi skuldir Lindarvatns.

 

Skuldabréfið var á fyrsta veðrétti. Segir í skilmálum skuldabréfanna að verðmæti Lindarvatnsreitsins sé áætlað um 10,5 milljarðar að framkvæmdum loknum og að uppreiknað verðmæti skuldabréfanna skuli að hámarki nema 75% af metnu virði fasteignaveðinu á reitnum.

 

Á veðbandayfirliti kemur eftirfarandi fram:

 

1.Veðréttur: Íslandsbanki h/f kr.1.750.000.000

Útgefið 22.05.2020

 

2.Veðréttur: Handhafa (skuldabréfaútgáfan) kr.6.258.000.000

Útgefið 02.03.2016 og var á fyrsta veðrétti.

 

3.Veðréttur: Dalsnes ehf. kr.4.000.000.000

Útgefið 24.06.2020

 

Samtals eru þetta kr.12.008.000.000 sem hvíla á félaginu.

 

Nú þegar skuldirnar eru komnar í 12 milljarða, og verklok ekki í sjónmáli, er ljóst að félagið skuldar meira en fullkláraðar eignir munu standa undir. Og þannig skilmálar brostnir á skuldabréfunum sem gefin voru út 2016.

 

Einnig hlýtur að liggja fyrir að leigusamningurinn um hótelið komi ekki til með að standa undir framkvæmdakostnaði. Á manna máli þýðir þetta að félagið er tæknilea gjaldþrota.

Þó löngu ljóst væri að áætlanir um framkvæmdatíma og kostnað gætu aldrei staðist var samt haldið áfram til að allt liti út fyrir að vera slétt og fellt.

 

Þann 22. maí 2020 tekur Lindarvatn lán hjá ríkisbankanum Íslandsbanka upp á um 1.750 milljónir og það lán fært framfyrir veðrétt lífeyrissjóðanna.

 

Leiða má líkum að lánið hafi verið tekið til að geta staðið skil á skuldbindingum félagsins við skuldabréfaeigendur „lífeyrissjóðina“. Því ekki væri nokkur brú í því að einhver gefi eftir fyrsta veðrétt nema verkefnið væri í bullandi vandræðum eða að eftirstöðvar skuldabréfanna lækki um sömu fjárhæð, þ.e. 1.750 milljónir.+

 

Athygli vekur að Íslensk verðbréf veita veðleyfi án nokkurra skilyrða, s.s. um innborgun á skuldabréfin eins og eðlilegt væri.

 

Þann 22. júní 2020 er þinglýst öðru tryggingarbréfi til tryggingar skuld Lindarvatns við Dalsnesi ehf. (50% eiganda Lindarvatns á móti Icelandair) upp á 4 milljarða króna!

Væntanlega á lánið að tryggja framkvæmdafé til loka.

 

Engar upplýsingar liggja fyrir um vaxtakjör eða önnur skilyrði þessa láns og engar upplýsingar liggja fyrir um hvaða áhrif þessi lánveiting hafi á verðmæti eignarhlutar Icelandair, eignarhlutur sem Icelandair greiddi 1,8 milljarð fyrir árið 2017.

 

Verður ekki annað séð en að þeir fjármunir almennings, aðrir en þeir sem fóru í vasa vildarvina, séu endanlega tapaðir.

 

Þannig að rétt nýlega hefur Lindarvatni tekist að koma sér fyrir vind, væntanlega tímabundið, því ekki verður séð að 25 ára leigusamningur Icelandair "hótels" muni standa undir vaxtakostnaði á framkvæmd sem mun samkvæmt þessu slaga í 12 til 13 milljarða en ekki rúmlega 6,25 milljarða eins og upphaflega planið var.

 

Jóhannes gefur þannig allt annað í skyn en opinber gögn og staðreyndir bera með sér.

Covid 19 og áhrif þess verður væntanlegur sökudólgurinn þegar illa fer þó hægt sé að álykta að litlar líkur eru á að dæmið hefði gengið upp hvort sem er.

 

Í raun er málið ekkert ósvipað í eðli sínu og málefni Upphafs fasteignfélags sem rekið var af bröskurum sem virtust hafa lítið vit á því sem þeir voru að gera nema að fara með annara manna fé og græða sjálfir í leiðinni.

 

Það er rétt hjá Jóhannesi að uppbyggingin á Landsímareitnum mun lífga upp á miðbæinn til hins betra en hann verður að skýra út fyrir stjórn Icelandair og öðrum fjárfestum hverjir fengu greiddar tæpar 685 milljónir í þóknanir og hvers vegna í gegnum félögin MB2015 og Fellasmára ehf?

 

Þá verður hann einnig að skýra út hvert sé nú virði hluta Icelandair í Lindarvatni ehf?

 

Eftir að Jóhannes Stefánsson steig fram með fjarstæðukenndar útskýringar og ásakanir í minn garð rifjaðist upp fyrir mér annað mál sem er í eðli sínu ekki ósvipað þessu en það snýr að Íslenskri orkumiðlun ehf.

 

Ég vil sérstaklega biðja fjármálaeftirlitið, stjórn Festi og stærstu eigendur sem eru íslenskir lífeyrissjóðir að leggja við hlustir „lesa vel“ næstu daga en þá mun ég senda frá mér uppskriftina af því hvernig sjallarnir græða 850 milljónir, og grilla á kvöldin, með því að selja almenningshlutafélagi, í eigu lífeyrissjóðanna, 3 ára fyrirtæki, sem framleiðir ekki neitt, á 30 faldri ebitda en þar koma við sögu m.a. Magnús Júlíusson fyrrum formaður sambands ungra sjálfstæðismanna og fleiri góðir gestir."

 

Ég sem hélt að ég hefði verið að styðja stjórnmálaflokk alla ævina þegar mér er núna eiginlega sagt berum orðum af formanni mínum í stærsta verkalýðsfélags landsins að Sjálfstæðisflokkurinn sé bara ótínd glæpasamtök útvaldra braskara.

 

Þarf ég að fá áfallahjálp?

 

Ég hélt og held enn að Sjálfstæðisflokkurinn hefði verið stofnaður 1929 á grundvelli þess að hann ætlaði að "vinna í innanlandsmálum að víðsýnni og þjóðlegri umbótastefnu á grundvelli atvinnufrelsis og einstaklingsfrelsis með hagsmuni allra stétta fyrir augum", sem og

 

að standa vörð um sjálfstæði þjóðarinnar.

 

Ég treysti Sjálfstæðisflokknum samt ennþá betur en báðum landsöluflokkunum, Samfylkingunni og Viðreisn, V.G. eða skrípaflokknum Pírötum til að fara fyrir heiðarlegum þegnum landsins þegar mikið liggur við þó að upplýsa verði um vafasöm eða skemmd epli í viðskiptalífinu eins og Ragnar Þór er að fjalla um með réttu eða röngu.