Stýrivaxtastjórnun kommanna

fer líklega eftir því hvernig vindurinn blæs hjá Helga Magnússyni og  Óla Bieltvedt alþjóðaspekingi.

Stýri­vaxta­hækkun Seðla­bankans í gær hefur vakið hörð við­brögð verka­lýðs­hreyfingarinnar. Verka­lýðs­leið­togar tala um stríðs­yfir­lýsingu og segja bankann leggja línurnar fyrir kröfu­gerð verka­lýðs­hreyfingarinnar í komandi kjara­samningum.

Stýri­vaxta­hækkun Seðla­bankans upp á 1 prósent, upp í 3,75 prósent, veldur skuldugum heimilum bú­sifjum.

Heimilin eru með um 700 milljarða í ó­verð­tryggðum hús­næðis­lánum á breyti­legum vöxtum. Vaxta­hækkunin í gær hækkar greiðslu­byrði þeirra um sjö milljarða á ári. Fyrir ári voru stýri­vextir 0,75 prósent. Þeir hafa hækkað um þrjú prósentu­stig á einu ári. Sú hækkun hækkar vaxta­byrði heimilanna um 21 milljarð á ári.

Hægt er að taka dæmi um tvær ís­lenskar fjöl­skyldur. Önnur skuldar 25 milljónir í hús­næðis­lán og hin 50 milljónir. Báðar fjöl­skyldurnar eru með ó­verð­tryggð lán á breyti­legum vöxtum.

Gangi stýri­vaxta­hækkun Seðla­bankans að fullu yfir í út­lána­vexti banka og líf­eyris­sjóða, eins og verður að telja mjög lík­legt að verði, hækkar greiðslu­byrði fjöl­skyldunnar sem skuldar 25 milljónir um 250 þúsund krónur á ári, eða ríf­lega 20.800 krónur á mánuði.

Sé hús­næðis­lánið 50 milljónir tvö­faldast þessar fjár­hæðir, þannig að ár­leg greiðslu­byrði hækkar um hálfa milljón og mánaðar­leg um 41.666 krónur.

SJÁ EINNIG

Seðlabankinn hækkar vexti um 1 prósent

Frá því í maí í fyrra hefur greiðslu­byrði hús­næðis­lána þessara fjöl­skyldna hækkað um 750 þúsund og 1,5 milljónir á ári. Mánaðar­leg greiðslu­byrði fjöl­skyldunnar með 25 milljón króna lán hefur hækkað um 62.500 krónur og sú sem skuldar 50 milljónir þarf nú að greiða 125 þúsund krónum meira í hverjum mánuði en áður en Seðla­bankinn hóf vaxta­hækkunar­ferli sitt í maí í fyrra.

 

Til saman­burðar er vert að nefna að séu þessi lán til 25 ára er greiðslu­byrði af höfuð­stól lægra lánsins 83.333 krónur á mánuði en 166.667 krónur af hærra láninu.

Af þessu er ljóst að vaxta­hækkanir Seðla­bankans valda ís­lenskum heimilum miklum bú­sifjum, jafn­vel svo miklum að hægt sé að tala um for­sendu­brest.

Einnig er ljóst að vaxta­stefna Seðla­bankans mun hafa mikil á­hrif á kröfu­gerð verka­lýðs­hreyfingarinnar í kjara­samningunum sem eru lausir í haust.

Ragnar Þór Ingólfs­son, for­maður VR, segir stýri­vaxta­hækkun Seðla­bankans galna. Með henni hafi Seðla­bankinn lagt línurnar fyrir kröfu­gerð verka­lýðs­hreyfingarinnar í kjara­samningum sem eru lausir í haust.

„Þetta er í raun ekkert annað en skýr stríðs­yfir­lýsing Seðla­bankans gagn­vart launa­fólki í landinu. Bankinn stendur með bönkunum og fjár­magninu gegn al­menningi. Þetta fer að verða spurning um að mót­mæla fyrir framan Seðla­bankann,“ segir Ragnar Þór.

SJÁ EINNIG

Gal­in vaxt­a­hækk­un sem kall­ar á hörð við­brögð

„Við hljótum að miða kröfu­gerð okkar við endur­heimt þess sem Seðla­bankinn tekur með því að láta launa­fólk bera allar byrðar af bar­áttu hans við inn­flutta verð­bólgu,“ segir Ragnar Þór.

Vil­hjálmur Birgis­son segir ljóst að aukinn fjár­magns­kostnaður fyrir­tækja mun fara beint út í verð­lag og þjónustu sem á endanum lendi á herðum neyt­enda.

„Gott væri ef seðla­banka­stjóri gæti út­skýrt á manna­máli hvernig kjara­samningar á al­mennum vinnu­markaði ógna ætíð stöðug­leika í ís­lensku sam­fé­lagi þegar bara þessi stýri­vaxta­hækkun kostar fyrir­tækin jafn­mikið og að ganga frá kjara­samningi á hinum al­menna vinnu­markaði,“ segir Vil­hjálmur."

Þeim lýtur að vera uppsigað við Seðlabanka Bandaríkjanna sem leyfði sér að hækka stýrivexti eins og Ásgeir um heilt prósent í gær.Sama máli gegndi um Englandsbanka.Þar voru vextir hækkaðir í 1 % sem er fjórða stýrivaxtahækkunin samfellt í röð á þeim bæ! Allt vegna verðbólguhættu.  

Og allstaðar er verið að hækka stýrivexti vegna verðbólguáhlaupsins í heiminum.

Því eru þeir Ragnar Þór og Vilhjálmur Birgisson á móti.Vill einhver yfirhöfuð borga vesti? 

Hvað vilja þeir gera?

Hvað vilja þeir að Bandaríkin geri?

Eða Bretland?

Eða Ásgeir?

Lækka stýrivexti?

Niðurgreiða  vexti?

Þvílík séní eru þessir menn ávallt í efnahagaslögmálum.

 

 

Óstöðvandi?

virðist Borgarlínubrautin í Reykjavík vera.

Og önnur sveitarfélög skulu dansa með nauðug eða viljug sem og að eyðileggja Reykjavíkurflugvöll  með illu eða góðu.

Í Morgunblaðinu í dag er þessi frétt:

"Vegagerðin og Betri samgöngur munu láta vinna frumdrög að jarðgöngum undir Miklubraut frá Snorrabraut og austur fyrir Grensásveg, til samanburðar við steyptan stokk sem leggja á frá Snorrabraut og austur fyrir Kringlu samkvæmt gildandi aðalskipulagi og samgöngusáttmála.

Þröstur Guðmundsson, forstöðumaður verkefna og áætlana hjá Betri samgöngum, segir hugsanlegt að jarðgöng séu fýsilegur kostur, alla vega sé vilji til að skoða þann valmöguleika en tekur fram að það sé annarra að ákveða breytingar ef sá kostur kemur vel út í samanburðinum. Gert hefur verið ráð fyrir því að stokkurinn verði byggður í tveimur áföngum.

Annars vegar á milli Snorrabrautar og Rauðarárstígs og hins vegar þaðan og austur fyrir Kringlu. Hugsanlegt er að hentað gæti að grafa jarðgöng austur fyrir gatnamót Grensásvegar. Frumdrög sem nú á að láta vinna og boðin hafa verið út fela í sér að fyrstu áætlanir eru gerðar og reynt að ná utan um verkefnið í heild.

Næsta stig hönnunar er forhönnun. Þá eru niðurstöður úr frumdrögum unnar lengra og byrjað að vinna að kostnaðar- og tímaáætlunum, umhverfismati og deiliskipulagi. Þriðji áfanginn er síðan verkhönnun þar sem mannvirkið er hannað að fullu til undirbúnings útboðs verklegra framkvæmda.

Sæbraut á annað stig

Sæbrautarstokkurinn, frá Vesturlandsvegi að Holtavegi, er að fara á annað stig hönnunar, forhönnun.

Stokkurinn verður 850 metrar að lengd, frá Vesturlandsvegi og fram yfir Kleppsmýrarveg og aðlögun stokks að núverandi vegi lýkur áður en komið er að Holtavegi."

Það virðist vera að ekki sé leyfilegt að hugsa aðra útfærslu á umferðargreikkun Miklubrautar en að grafa brautina í jörð.

Ef venjulegur bóndi væri beðinn um ódýra og einfalda afkastaaukningu á umferð um Miklatún myndi varla vefjast fyrir honum að skera svo sem einn eða tvo stigaganga af blokkinni á horninu á Miklubraut og Lönguhlíð og breikka brautina um svona 2 akreinar. Rífa nokkra gamla kofa við Rauðarárstíg og keyra umferðina áfram á mislægum gatnamótum þar sem þyrfti.

Þetta má ekki einu sinni ræða. Borgarlína og Stokkur er  hið eina leyfilega. Skynsemi virðist bönnuð í rennsli umferðar í Reykjavík.

Nóg pláss er samt til þarna til að breikka rennslið í báðar áttir. Bara kostar líklega ekki nógu mikið til að Þórdís Lóa og Viðreisn geti þóknast slíkar lausnir.  Hvað þá aðrar lausnir skipulags i Skerjafirði eða á Reykjavíkurflugvelli .

Það er eins og að einu lausnirnar  hljóti að felasat í því hversu dýrar er hægt að gera þær? 

Um það verði kosið 14.maí en ekki annað.

Borgarlínan virðist vera óstöðvandi því hvergi má til spara.

Skelfing

er að vita að ekki sé hægt að semja strax um það óhjákvæmilega í Úkraínu að Púrín fái afhenta Azovströnd og inn í Svartahaf. Spara öll þessi mannslíf og eyðileggingu  sem í gangi er. 

Frekari hetjuleg andspyrna Zelenskyys frestar aðeins því sem verður stríði gegn margfalt öflugra ríki. Mátturinn er Rússlands megin. Samningar eru eina leiðin með hagsmuni fólksins fyrir augum.

Þetta er skelfing til að vita.