Ríkið skaffi veiðivötn

þar sem Grenlækur og fleiri uppþornaðar ár féllu áður fram.

Ríkið á sem sagt að skaffa veiðibændum vatn svo þeir geti selt veiðileyfi hér eftir sem hingað til.

Frá þessu er sagt í blöðum í beinu framhaldi af rotþróamálum ferðamannastaða við Mývatn. 

Það er minna gert í því að ræða orsakir vandamálanna heldur skammtíma lausnir. Ríkið bara borgi, allir borgi aðrir en þeir sem vilja græða á því sem nú vantar.

Um sáraeinfaldar kröfur hagsmunaaðilanna  má lesa í blöðunum. Ríkið skaffi veiðivötn og aðrar náttúruperlur til áframhaldandi starfsemi ferðaþjónustugreifanna.

En á þjóðin einhverja ferðamannastaði, veiðivötn eða fiskveiðiauðlindir? 

Framboð Davíðs

sem nýtur langmests trausts í íslenskra stjórnmálamanna eða rúmlega þrefalds á við næsta mann, vekur sterk viðbrögð með og á móti.

Rógur andstæðinganna er hinsvegar gríðarlegur á móti Davíð. Sýnishorn er ekki langt undan ef tekinn er kafli úr skrifi prófessors doktors Þorvaldar Gylfasonar í Fréttablaðinu í dag, sem hefur verið óskorað málgagn Samfylkingarinnar og VG.

 

"..... Fyrir liggur að Sjálfstæðisflokkurinn gengur sundraður til næstu alþingiskosninga þar eð Viðreisn Benedikts Jóhannessonar tölfræðings er fyrst og fremst stefnt gegn Sjálfstæðisflokknum vegna vanefnda flokksins í Evrópumálum.

Það veikir flokkinn enn frekar að nú hefur fv. formaður flokksins, forsætisráðherra og seðlabankastjóri tilkynnt framboð sitt til forseta Íslands, maður sem hefur skilið eftir sig sviðna jörð hvar sem hann hefur drepið niður fæti sl. aldarfjórðung. Hann kýldi kjörfylgi Sjálfstæðisflokksins niður um þriðjung, kýldi lestur Morgunblaðsins niður fyrir Bændablaðið, keyrði Seðlabanka Íslands í þrot... 

....Rannsóknarnefnd Alþingis ályktaði að hann hefði líkt og sex aðrir menn gerzt brotlegur við lög í aðdraganda hrunsins.

Fjórir af þessum sjö voru hátt settir sjálfstæðismenn. Nánar tiltekið segir RNA í skýrslu sinni (2. kafli, bls. 46) að seðlabankastjórinn þáv. „hafi sýnt af sér vanrækslu í skilningi … laga … í tilteknum störfum sínum við framkvæmd laga og reglna um fjármálastarfsemi og eftirlit með henni.“

Ætla má eftir allt sem á undan er gengið að einhverjir flokksmenn sjái e.t.v. votta fyrir tormerkjum á að senda mann með slíkan feril til Bessastaða. Stjórnmálaflokkar hafa losnað úr límingunum af minna tilefni.

Spyrjið repúblikana."

Þetta er ekki dæmigerður rógur andstæðinga Davíðs enda er prófessorinn ekki venjulegur maður heldur langt þar fyrir neðan.

En þetta er samt sagt um manninn sem sagði Íslendinga "ekki eiga að borga erlendar skuldir óreiðumanna".  Þvert ofan í það sem prófessorinn og meðreiðarsveinar hans úr Háskólanum sögðu, Kúbu Gylfi, Stefán Ólafsson og hvað þeir nú heita allir saman, Steingrímur Jóhann Sigfússon og Jóhanna Sigurðardóttir.

Hvert einasta orð og atriði í grein prófessorsins um Davíð Oddsson í tilvitnaðri grein er lygi og aftur lygi. Af því að það er prófessorinn sjálfur sem skrifar þetta undir nafni þá æsir sig enginn upp yfir þessu. Það vita allir hvernig hann doktor Þorvaldur er innréttaður.

Ég er persónulega ekki hrifinn af framboði Davíðs af þeirri eigingjörnu ástæðu að ég les hvert orð sem hann skrifar í Mogga með áfergju. Hann er besti stjórnmálapenni þjóðarinnar og sá maður sem hefur næmastan skilning á eðli hlutanna. Og man fleira en aðrir menn og kann að nota það. Reynsla hans og þekking er ótrúlega víðfeðm.  Þess vegna hefði ég viljað hafa hann á Mogganum áfram til að kveða niður daglegar lygar vinstri pressunnar.

En ef hann endilega vill þetta maðurinn, þá verð ég auðvitað að gera það sem hann biður um. Og áreiðanlega verður Davíð góður Forseti, það efa ég ekki.

En ég er ekki viss um að þjóðin hafi vit til að gera sér þetta ljóst og það verður henni kannski líka fyrir bestu þegar upp verður staðið því Davíð hefur lofað að fara aftur á Moggann ef hann tapar. Og það er þá líka best eins og hann Árni Oddsson heitinn í Steypustöðinni gæti hafa orðað það.

En á meðan hann Davíð er í framboði þá hefur fólkið valið. Hvernig sem kosningin fer þá vinnur þjóðin. Það er þjóðin sem verður sigurvergarinn á hvorn veginn sem er þegar framboð Davíðs Oddssonar er gert upp. 

Hvað er að?

þessu fólki sem ætlar að kjósa VG?  Fimmti hver kjósandi aðeins?

Er þetta í framhaldi af því að Evrópusambandsflokkurinn Samfylkingin er önduð eða hér um bil? Magnús Orri Schram vill láta kjósa sig formann hennar til að leggja hana niður og ganga í aðra hreyfingu? VG eða Píarata? Eru fleiri hreyfingar í boði?

Er þetta fólk á móti afnámi vörugjalda og lækkun virðisaukaskatts? Er það á móti fullri atvinnu? Er það á móti lækkun byggingakostnaðar? Er það á móti lækkun norsku krónunnar og aukningu kaupmáttar íslensku krónunnar? Er það á móti slökunar gjaldeyrishafta? Hvort vill það ganga í ESB eða ekki? Er það á móti verðtryggingu langra húsnæðislána? Er það á móti verðtryggingu sparifjár ef hún væri í boði? Er það á móti 30 % eignaaukningu íslenskra heimila á síðustu 2 ríkisstjórnarárum Framsóknar og Sjálfstæðisflokks?

Hvað vill þetta fólk í raun og veru? Hvað er að þessu fólki?

Áður en ríkisspeninn

er tottaður á Mývatni af öllu Alþingi, þá er kannski rétt að lesa blog Jóns Kristjánssonar. Þar segir :

 

".....Stundum hefur þetta verið svipað í Mývatni. Byrjum með hreint borð:

1. Vatnið er tært að vori, mikið af krabbaflóm í vatninu, mikið mý, nóg fæða fyrir silung sem þrífst vel, engin hornsíli.

2. 1-2 árum síðar, hornsílum fjölgar, krabbaflóm fækkar og vatnið fer að gruggast, dregur úr vexti silunga.

3. Vatnið grænt, fullt af hornsílum, krabbinn horfinn, silungur horaður. Allt fiskafóður upp étið og það endar með því að hornsílin yfirgefa vatnið. Ég hef séð þau synda úr vatninu niður Laxá í milljónatali.

4. Aftur á byrjunarreit, hornsílin farin, krabbaflær komnar aftur og vatnið tært. Þessi hringrás endurtekur sig á 5-7 árum.

Sé rétt að hornsílin séu nú horfin úr Mývatni (stofninn hruninn eins og sagt er) þá er vatnið að færast yfir á stig 4 hér að ofan og verða tært næsta sumar. Sjáum hvað setur.

Kúluskítur og annar botngróður er horfinn vegna þess að bláþörungasúpan kemur í veg fyrir að ljósið nái niður á botninn. Vandamálið er því bláþörungurinn, hvað veldur því að hann blossar svona upp? Þekkt er að það hafa skipst á tímabil með u.þ.b. 7 ára millibili, þar sem vatnið skiptist á að vera tært og gruggugt af þörungum. Alltaf er samt sama innstreymi af næringarefnum. Hvernig má vera að stundum valdi þau þörungablóma og stundum ekki? Það hljóta að vera aðrir líf- og vistfræðilegir þættir sem þarna eru að verki. Samt er það eina sem mönnum dettur í hug núna er að ráðast í að lagfæra klóak, sem aðeins stendur fyrir um 1% af innstreymi næringarefna ef marka má nýútkomna rannsóknaskýrslu. Ráðherrann vitnar í skýrsluna og telur að ástand vatnsins sé ekki af manna völdum. Samt á að ráðast í dýrar framkvæmdir því "það er það eina sem við getum gert. Hvernig væri nú að skyggnast í hugmyndir og tillögur sem stungið hefur verið undir stólinn?

Ég stundaði rannsóknir í Laxá og Mývatni samfellt frá 1974 til 1986, var í sérfræðinganefnd um Mývatnsrannsóknir í mörg ár og var í stýrihópi um rannsóknir erlendu sérfræðinganna 1998 og 1999. Ég hef sett upp síðu um Mývatnsmál hér. Þar eru slóðir, m.a. á skýrslu erlendu sérfræðinganna."

Á að fara að moka ríkispeningum í að snúa við eðlilegri hringrás náttúrunnar? Eru ferðabændur bara að skrúfa út peninga handa sér af því að landsbyggðarsinnað Alþingi liggur ávallt vel til höggsins eins og smalamaður?

Er ekki í lagi að athuga sinn gang áður en hlaupið er til eftir pípu Steingríms J Sigfússonar?

Hvar endar þetta múslímerí?

á Vesturlöndum?

Það var verið að lýsa því í sjónvarpinu hvernig lögreglan fer ekki inn í hverfi múslíma í Svíþjóð nema í skotheldum vestum. Þarna lifa aðfluttir múslímar sínu eigin lífi, gera fátt annað nema taka bætur og hatast við Svía og Svíþjóð. Hvar skyldi þetta enda? Eða mun þetta batna af sjálfu sér?

Mér hefur verið sagt að Ísabella og Ferdínand hafi sett Márum á Spáni úrstlitakosti á sínum tima. Annað hvort köstuðu þeir trúnni og gerðust Spánverjar eða þeir færu af yfirborði Spánar. Þeir máttu ráða því hvort þeir færu með hausinn á sér eða ekki. Munu mál þróast í þessa átt eða finnast betri lausnir?

Á Spáni skildi þetta fólk eftir sig mikil listaverk í byggingalist. Eitthvað hefur breyst með þetta fólk í nútímanum. Núna virðist það aðallega skilja eftir sig vandamál en lítið fréttist af menningu eða verðmætum.

Enoch Powell velti framtíð Bretlands fyrir sér með vaxandi fjölda múslíma. Hann talaði um það þá, að reyna að kaupa þá til að fara úr landi. Það var ekki gert og Enoch myndi varla þekkja sig í London nú til dags þar sem heilu hverfin eru undirlögð. Meira að segja múslími orðinn borgarstjóri í London.

Ég held að við höfum ekki séð neitt ennþá af nýjum þjóðernisflokkum í Vestur Evrópu sem krefjast þess að fá feðralönd sín aftur. Það er sama þótt góða fólkið geysi sig, andspyrnan gegn innflutningi óþjóða fer vaxandi. Ef ekkert verður að gert til að koma til móts við þjóðernissinnað fólk, mun eitthvað gerast sem við sjáum ekki fyrir.

Hingað flytur margt erlent verkafólk og enginn tekur eftir því né amast við því. Þetta er nefnilega flest indogermanskt siðað fólk sem er komið til að vinna. En einhverjir eru líka annarrar gerðar og liggja á sósíalnum.

Hugsanlega hætta múslímar fordæðuskap sínum einhvern tímann og fara að taka meiri þátt í efnahagslífinu lífinu í gistilöndunum. Sem þeir hafa margir ekki gert til þessa og þá heldur farið í hina áttina ef nokkuð er.

Sem betur fer er þetta vandamál hvergi orðið eins slæmt og hjá okkur og það er í Svíþjóð. Og vonandi verður innflutningurinn til okkar nægilega hægur til þess að hér myndist ekki svona ghetto eins og sjónvarpið lýsir. En það eru hávær öfl hér hjá okkur sem heimta opin landamæri og helst óheftan innflutning allra sem hingað vilja koma og setjast að.

Ég held að það sé hollt fyrir þá sem allt vilja opna að svara því hvernig við myndum taka svona þúsund Sómölum í hóp? Hversu marga slíka þolir samfélagið? Eða vildi ekki krataprófessorinn fá 10.000 Afríkumenn á Suðurlandsundirlendið í einum kipp hér um árið?

En án gamans, hvar endar þetta múslímerí?

Óábyrgt kúkerí

hefur víst átt sér stað við Mývatn. 

Þar hefur framtaksemi íbúa við að afla sér tekna af ferðamönnum frá því að Kísiliðjan hætti að dæla úr vatninu leitt til þess að þörungagróður sem þrífst af þvottaefnum líklega eins og gerðist í Lake Erie hefur útrýmt kúluskít og fleiru af botngróðri.

Þá er allt í einu fjör á Alþingi. Engum þótti merkilegt að Þistilfirðingurinn Steingrímur J. væri fremstur í flokki að garga á að hundruð milljóna verði strax settir í kaupa rotþrær handa mývetnskum ferðamönnum að kúka í.

Nú er mengun af blómlegri ferðamannastarfsemi Mývetninga orðið málefni þjóðarinnar að leysa strax. Og þingmaður eftir þingmann jafnvel af Suðurlandi tekur undir sönginn. Mývetningar geta ekki keypt sér rotþrær, það er svo dýrt. 

Áður en þetta varð urðum menn langa vegu frá Þingvallavatni að hlíta fyrirmælum Þingvallanefndar og kaupa rándýrar rotþrær til allra nýbygginga á svæðinu. Ekkert heyrðist þá frá Steingrími Jóhanni sparisjóðakóngi  eða hysteríska liðinu á Alþingi vegna vegna ágangs ferðamanna hér sunnanlands á gullna hringnum til dæmis. Við máttum borga allar mengunarvarnir styrkjalaust.

Einu sinni var sagt að félli hæfileg rigning félli á jarðir bænda þá væri afrakstur túnanna þeirra eign. Ef óþurrkar væru væri það málefni þjóðarinnar að borga ónýt hey og kalskemmdir.

Það var svo sem auðvitað hversu botninn í Mývatni er allt í einu orðinn vandamál þjóðarinnar. Ég hélt að hann óhjákvæmilega myndi fara í fyrra horf ef Mývetningar tækju upp ábyrgt kúkerí eins og við hér sunnanlands.

Guðni vill opna á gátt

allar hurðir fyrir innflytjendur til Íslands á grundvelli kristilegs siðgæðis og við eigum að borga það sem það kostar. Þetta heyri ég á Útvarpi Sögu.

Sem sagt, svo sem þúsund Sómalir í hóp væru velkomnir hingað. Við höfum vel ráð á því. Hann sér ekkert athugavert við innflutning óskilgreinds fólks erlendis frá.

Við höfum ekkert að gera við svona mann í Forsetaembætti. Hann er vel geymdur uppi í Háskóla innan um hina sem þar eru.

Guðni vill opna allar gáttir til Íslands.

Krateríið kveður

ef marka má orð Árna Páls. Það blasir ekkert við í Samfylkingunni annað en vonbrigði,ósamlyndi og upplausn. Enginn veit hvert á að stefna eftir að ljóst er að ESB og frekara fullveldisframsal er ekki lengur það lím sem alltaf má grípa til þegar í harðbakkann slær.

Formaðurinn er mæddur í raunum sínum við að vera foringi í heimskum her þar sem siglt er aust-vest frá rauðum Chavez-kommúnisma til hægri daðurs við eitthvað óútskýrt viðskipta-og athafnafrelsi sem megi grípa til á kosningadögum ef það NB rúmast innan nauðsynlegs regluverks og gagnsæis innanlands?

Og þurfum við að sjá eftir þessu fyrirbæri Samfylkingunni sem þeir Jón Baldvin og Ólafur Ragnar stofnuðu til á rauðum ljósum á sínum ungu dögum? Óskapnaður ósamrýmanlegra hugmyndakerfa um fangabúðafrelsi fyrir fávísan lýðinn undir varðmennsku þeirra sjálfra sem Nomenklatúrunnar? Liggur eitthvað eftir þetta apparat sem kallast Samfylking? 

Svik og heigulsháttur við erfiðleikana 2007 er flestum í fersku minni? Samfylkingin hafði aldrei verið í Hrunstjórninni með honum Geir?  Þjónkun við illgirnina í kommúnistunum í VG þegar tækifæri bauðst til að reyna að klekkja á Geir H. Haarde með atbeina dómsvaldsins? Skattlagning og eyðslustefna Jóhönnustjórnarinnar?

Geir var dæmdur fyrir að upplýsa ekki stjórnina nægilega vel. Þegar staðreyndin var að einn ráðherra Samfylkingarinnar sérstaklega var svo mikill þrjótur að hann mátti ekkert heyra í trúnaði án þess að kjafta frá því umsvifalaust. Geir gat ekki rætt við ríkisstjórnina um erfið mál. Og það er mála sannast að krötum er aldrei hægt að treysta og má þá vitna til orða formanns þeirra á sinni tíð sem sagði þá vera sprengingamenn.

Mislukkuð vegferð til fullveldisafsalsins? Var ekki Samfylkingin bara kamelljón sem skipti litum til að blekkja kjósendur til stjórnlyndis til aðgreiningar frá hreinum kommúnisma Steingríms J.Sigfússonar? Saman varð kokkteillinn görótt blanda síðustu vinstristjórnar sem setti lífskjör þjóðarinnar aftur um mörg ár undir blaðrinu um að hér hefði orðið hrun sem aldrei varð neitt raunverulegt. Er nokkur eftirsjá í þessum vanskapningi sem Samfylkingin er sem stjórnmálaflokkur?

Líklega er þjóðin ekki eins vitlaus og maður heldur stundum. Það sýnir sú hægfara þróun sem menn eru að sjá í fylgi flokkanna. Hvað stjórnarflokkanna varðar þá virðist heiðarleiki og undanbragðaleysi skila þeim auknu trausti. Fólk sér að ráðherrar eru einlægir í gerðum sínum og eru ekki að reyna að þykjast neitt. Þeir segja hvað þeir ætla að gera og gera það. Reyna ekki að fela neitt.

Að sama skapi skýrist myndin af ráðleysi stjórnarandstöðunnar og fólk spyr sig að því hvort það telji að ástandið batni ef hún tæki við? Það er svo margt sem gerst hefur að svarið hjá æ fleirum er bara stórt NEI.

Krateríið má gjarnan kveðja þessa þjóð og kommúnisminn hjá VG vera virkilegi valkosturinn til vinstri.

 

 

Ólafur leysti málið

fyrir mig og skaut Freyfaxa. Nú er ég frjáls og þarf engann smalamann að drepa. Hrafnkell eða smalinn föttuðu þennan möguleika ekki sjálfir.

Búinn að skrá mig á Davíð og ætla að kjósa hann og það þýðir ekkert að hræra í mér með það.

Málið er leyst hvað mig varðar.

Það er stand á Goddastöðum

hvað mig áhrærir að minnsta kosti.

Búinn að lýsa því yfir opinberlega að ég styðji Ólaf Ragnar svo lengi sem hann þarfnist mín, hlýtur mér að líða eins og Hrafnkatli Freysgoða núna sem neyddist til að drepa smalamanninn vegna fyrri of sverra yfirlýsinga.

Hvað á ég að gera þegar allt í einu hann Davíð kemur fram og segir skák á Ólaf? Ég hef áður sagt frá því að ég hef enn pólitíska timburmenn fyrir það að finnast það ósvífni af Davíð á þeim tíma að fara gegn sitjandi formanni á sinni tíð. Og verða að þola það allan þann tíma sem liðinn er að Davíð var og er minn maður að öllu æði og orði.

Já mín pólitíska tíð hefur ekki alltaf verið sældarvist allt frá því að kjósa séra Bjarna, og alla þá sem töpuðu í Forsetakosningum  fram að Icesave. Ég átti fáein góð ár í sólinni með Gunnari Birgissyni og Sigurði Geirdal hér í Kópavogi. Það var gaman á þeim tímum þegar allt reis uppá við.

Svo krassaði þetta allt og Gunnar farinn norður að stýra Fjallamönnum og ég sit eftir hér i Kópavogi sem geðvont gamalmenni sem enginn nennir að tala við lengur um pólitík. Þó er dóttirin komin í pólitíkina með honum Ármanni og þeim gengur bara vel að mér sýnist úr fjarskanum. Ég ætti bara kannski að flytja til Timbúktú í þeirri von að einhver tali við mig þar. En líklega hef ég heldur ekki neitt að segja lengur svo mér sé bara sæmst að húka hér í minni holu áfram.  

Og nú finnst mér ég auðvitað vera í vanda sem þó hugsanlega getur leysts ef Ólafur leysir mig frá Freyfaxa. Kannski get ég líka lýst því yfir að ég sé orðinn geðveikur af öllu þessu forsetarugli og ég taki mér vikulangt sumarleyfi þegar kosið verður og geti ekki kosið vegna stundarbrjálæðis. Plead temporary insanity eins og þeir gera fyrir westan. Hugsanlega stingur einhver upp á snæri en ég er ekki alveg tilbúinn í það.

En það er aldeilis stand á Goddastöðum fyrir mig í þessari kosningatíð.

Útför Óla Steph

frænda míns var gerð í gær frá Dómkirkjunni að viðstöddum húsfylli.

Þessi athöfn var eiginlega listaverk, svo mjög náði hún persónuleika Óla, sem var eins og allir vita víðfeðmur snillingur í orði og æði. Hafi aðstandendur mína virðingu og samúð við þessi tímamót.

Faðir minn og Stephan kaupmaður í Verðanda(eins og verslunin hans var kölluð) voru vel kunnugir í gegn um hestamennskuna og ég dinglaði þar oft með. Stephan var með skemmtilegustu mönnum að hitta. Talaði um sjálfan sig, hesta sína og frændur í hástigi lýsingarorða og það glampaði svolítið  í augunum hans  án þess að hann brygði svip þegar hann var að segja sögurnar ótrúlegustu sem viðstaddir máttu hafa sig alla við að trúa. Það var alltaf hátíð þegar riðið var fram á Stebba Ste og bróðir hans Magnús. En Magnús kenndi okkur Óla bróður að taka í nefið löngu fyrir fermingu við MagnúsarStephensenar- steininn sem enn stendur undir Draughlíðum við Elliðaár.

Ég kynntist Ólafi Stephensen ungur að árum þó ekki væri hann mikið með föður sínum í hestunum. Ég leit upp til hans því hann spilaði á harmónikku miklu betur en ég og svo á píanóið. Hann var samt alþýðlegur við mig yngri strákinn og kom fram við mig sem jafningja. Og þannig var það alla tíð síðan er við hittumst.Hann var mjög skemmtilegur í samræðum og kom sífellt á óvart vegna margvíslerar þekkingar sem hann hafði umfram mann.

Við frændur umgengumst aldrei mikið né þétt enda starfsvettvangur nokkuð ólíkur. En það birti einhvernveginn alltaf þegar maður hitti Óla Steph. Svo maður minnist ekki á þegar maður kom þar sem hann var sestur með tríóinu sínu.

Hann var ákaflega smekkvís tónlistarmaður og hæverskur gagnvart meðleikurum sínum sem fengu að njóta sín að vild. Leikur hans var fremur einfaldur en margbrotinn en ákaflega hljómfagur, maður spurði sig ósjálfsrátt af hverju get ég ekki gert þetta svona? Maður bara gat það ekki.

Því hann var tónlistarmaður með hæfileika. Ég þakka Óla frænda fyrir samfylgdina og mun hans minnast að  góðu einu.

 

Afstaða Guðna til Icesave

er rifjuð upp af höfundu Reykjavíkurbréfs, hver sem það skyldi nú vera, svofellt:

"..getan og viljinn En þetta smámál skiptir að sjálfsögðu engu um það, hvort Guðni sé upplagður sem forseti Íslands eða ekki.

En það er jafnsérkennilegt að þetta smáræði í „settinu“ sé talið réttlæta framboð til forseta. Annað segir meiri sögu, og kannski hana alla.

Stærstu atvik í sögu forsetaembættisins snúa að Icesave-samningunum. Hræðsluáróður stjórnar Jóhönnu og Steingríms við atkvæðagreiðslu þjóðarinnar var magnaður. Margir kiknuðu.

Einn af þeim var sérfræðingur „RÚV“ um forsetaembættið. Tímaritið Grapevine segir: „I’m glad that I’m not in the Icelandic government. I wouldn’t know what to do, I wouldn’t know if I should accept this agreement or not. Guðni Thorlacius Jóhannesson.“

Og um fyrsta Icesave-samninginn, sem almennt er viðurkennt að hafi verið sá vitlausasti þeirra allra, segir hann:

„We might not like the Icesave deal, but the alternative is much worse, and maybe this is the best we or anyone else could get. Take it or leave it, that’s the message we got. I think anyone criticizing the negotiations team for being weak are ignoring, wilfully or not, the incredibly difficult position the Icelandic authorities find themselves in.“

Þarna talar maður sem hafði kokgleypt áróðurinn og skalf af hræðslu.

Dettur nokkrum manni sem þetta les í hug að Guðni hefði sem forseti staðið með þjóðinni þegar mest lá við? Nei.

Er eitthvað sem bendir til þess að hann hafi breyst? Guðni segist þakklátur fyrir að vera ekki í ríkisstjórn sem þarf að fást við þetta stórmál.

Mega ekki Íslendingar vera mun þakklátari fyrir það, að hann var ekki á Bessastöðum þá? Og í mars 2010 skrifar Guðni og nú í Fréttablaðið:

„Niðurstaðan er þessi: Ætli menn að halda því fram að Íslendingar séu að reyna sýna umheiminum fram á óréttlætið í því að ríkisvaldið þurfi að ábyrgjast innstæður í einkareknum bönkum verða þeir að bæta við orðum sem gætu hljómað eitthvað á þessa leið: „það er að segja í útlöndum en á Íslandi hljóta aðrar reglur að gilda“.

Hæstiréttur hafnaði sjónarmiðum af þessu tagi sem fráleitum með dómi sínum um neyðarlögin."

Þarf Guðni Thorlacius ekki að sýna fram á það að hann hafi allt aðra afstöðu til Icesave núna en hann hafði þá? Og sýna fram á hversvegna honum sé núna betur treystandi og þá? Og svara beint um afstöðu sína til þjóðkirkjunnar? Og afstöðu sína til inngöngu í ESB og upptöku Evru?

Þó að Ólafur Ragnar hafi á sínum tíma haft rökþrota meiningu um eðliskost pólitísks andstæðings síns, þá kiknaði hann ekki í Icesave eins og Guðni Th.,Steingrímur Jóhann, Kúbu-Gylfi og jafnvel fleiri.

Afstaða Guðna og þeirra til Icesave er ljós.