Náttúrupassinn er í lagi

finnst mér núna eftir að vera búinn að lesa grein Ragnheiðar Elínar í Fréttó í dag.

Hann verður til sölu á netinu fyrir 500 kall.Þetta er rafrænn passi ig er ekki prentaður passi, aðeins rafræn skrá yfir Íslendinga. Ég helda að það sé engin þörf fyrir að hafa endurkomu útlendinga á skránni. Þeir bara borga aftur ef þeir koma aftur hvað sem EES segir. Þú kaupir náttúrupassa og ert á skránni.Þú kaupir ekki náttúrupassa og ert ekki á skránni. Þú ferð inn á vernduðu svæðin við Gullfoss og Geysi.  Það getur komið eftirlitsmaður og spurt þig hvort þú hafir keypt náttúrupassa. Þú getur logið og sagt já eða nei. Hann kannski spyr þig um nafn og þú gefur það upp hafir þú hreina samvisku. Annars bara leggurðu á flótta og þá veit maðurinn að þú ert svindlari. Það nægir honum alveg og þú ert punktur í tölfræði hans.  Hann er ekki lögregla þannig að þar endar málið. Ef þú ert heiðvirður maður og segir til nafns og þá tékkar hann þig af í skránni og óskar  þér góðrar skemmtunar. Kannski sleppurðu líka við hann og þá geturðu glaðst alveg rosalega yfir þúsund kallinum sem þú græddir fyrir þig og kellinguna með því að svindla þér inn á þinn stórmannlega hátt.

En þú sérð að 99 % af af öllum sem eru þarna sem eru 99 % útlendingar sem eru þarna með þér eru að borga til bóta á landinu sem þú sérð að stynur undan átroðningi þínum, sem kannski borgar ekki neitt, og þeirra. Kannski verður settur upp sjálfsali við þessi svæði ef þú vilt kaupa þér náttúrupassa til að vera heiðvirður maður þar sem þessi ferð þín er óvænt og þú ætlaðir ekkert að fara inn á svona svæði þetta árið.

Það er enginn að koma að spyrja þig um passa í berjamó eða á gangi á Sprengisandi, Hljómskálagarðinum eða svoleiðis. Það er bara verið að reyna að hætta að leyfa ferðaskrifstofugróðapungunum að demba í eigin gróðaskyni hundruð þúsunda erlendra fóta inn á viðkvæm svæði án þess að borga fyrir þann átroðning. Af hverju eiga þær að taka á móti erlendum skipum með þúsundum farþega og keyra þá í rútum fyrir góðan pening fyrir sig eingöngu  til að sýna þeim Gullfoss og Geysi án þess að þessi náttúruvætti fái neitt annað en traðkið?

Þó að þú viljir ekki borga 500 kallinn af því að þú ferð ekkert þangað þá er það fínt. Þú þarft ekkert að borga. En ef þú ferð samt þangað þó þú borgir ekki og komist upp með það og gleðjist yfir því, þá skiptir það ekki máli í heildardæminu. Vertu bara þú sjálfur og borgaðu annaðhvort fimmhundruð kallinn með glöðu geði til að leggja þitt af mörkum til landsins þíns, að því gefnu að ráðherran ætli ekki að stela peningunum í annað. En ef þú vil bara fara eftir þínu skítlega eðli sem tekur helst allt án þess að borga neitt, þá bara það. Landið hefur lifað af aðra eins plágu og þig.

Þetta er bara góð og skynsmleg leið. Og það vona ég að kamarsmálin verði það fyrsta sem maður sjái leysast með þessum peningum. Að standa með fimmhundruð útlendinga í spreng í halarófu út á götu í Hveragerði til að nota ókeypis klósett sem eru fyrir viðskiptavini Bónusar og smáverslanir í Kjarnanum þar er skandall og niðurlæging leiðsögumannsins. Maður í spreng kaupir ekki neitt meðan hann er í biðröðinni og fer svo beint út í bíl af því að tíminn fór í biðina.

Sami skandall við Gullfoss. Ekki hægt að stoppa á neðra plani af því að þar er ekki hægt að m..a. Önnur niðurlæging. Og segja ferðamönnum að vertinn á sjoppunni segi ekkert af gæsku sinni við því þó þeir pissi þar inni án þess að borga neitt, er bæði hallærislegt og neyðarlegt fyrir íslenskan leiðsögumann sem getur ekki skýrt af hverju kostar að pissa á Sigríðarstofu, ef hún er þá opin sem er bara stundum.

Svo á að setja strax reglugerð sem skyldar erlendar ferðaskrifstofur að hafa íslenskan leiðsögumann í hverri rútu. Og svo á að banna allan innflutning matvæla í rútum og bílum sem koma með Norrænu. Ætti að vera auðvelt að finna passandi paragraff í öllu nýþýdda EES regluverkinu til þess.

Það er kominn tími til að hætta að láta frekjuliðið frá Evrópu gera grín að okkur fyrir sveitamennskuna í ferðamálunum.

Áfram Elín,með náttúruna!  

Náttúrupassann á strax þar sem hann leysir málið.

 

 

Þá borgum við Icesave

með því að Landsbankinn greiðir 400 milljarða í gjaldeyri til forgangskröfuhafa Landsbankans með sérstöku leyfi Seðlabankastjóra?

Ekki skyldu þetta vera erlendar skuldir óreiðumannanna sem hann Davíð talaði um?

Af hverju vill Heiðar Már gera Glitni gjaldþrota? Kom það ekki til álita með Landsbankann til að borga ekki Icesave skuldirnar í gjaldeyri? 

 

Bjóðum Pútín neyðarlán

það er allt í steik hjá kallgreyinu.

Rússar voru hvað vinamslegaastir við okkur Íslendinga þegar verst stóð hjá okkur. Bara Færeyingar stóðu þá með okkur en allir Kratavinir Samfylkingarinnar sýndu á sér hnakkann að norrænni samvinnu meðtaldri.Og Kaninn brást.

Hvernig væri að rétta Rússum hjálparhönd. Getum við ekki lánað þeim eitthvað sölutregt, kannski síld eða eitthvað annað?

Mér finnst við alveg geta sýnt Pútín vináttuvott.

Skipað gæti ég

væri mér hlýtt sagði einhver í þúsund og einni nótt.

Þegar maður hugleiðir kjaradeilur lækna og svo annarra í framhaldi,þá fellur menni ketill í eld. Það er endalaust hægt að gráta yfir því að ungi taugalæknirinn ætlar úr landi ef hann fær ekki hærra kaup. Hvað kaup skyldi hann vilja? Í krónum í dag miðað við gengi á dollara dagsins?

Ef þessi læknir fengi svo og svo mörg prósent ofan á núverandi laun og verður kyrr, hvað ætlar þá flugumferðarstjóri að fá? Og ljósmóðirin sem hlýtur að vera komin langt á eftir.Já og svo Gylfi með sitt láglaunafólk í ASÍ? Er þetta ekki málið. Hlutfallið?

Læknirinn sagðsit ætla úr landi og ekki koma hér meir. Það er virkilega slæmt. Ég held að hann verði aldrei ánægður nema að hann verði sjálfstæður verktaki og fái að bjóða í útboðna þjónustu svona eins og skúringaþrælarnir.

Auðvitað veit hann að það er ekki hægt að semja við hann upp á hvað sem er án þess að leitað sé annarra leiða? Það er hægt að ráða hingað taugalækna sem tala ensku til að byrja með ef hann segir upp og fer. Þeir eru auðvitað ekki eins góðir en fáum við nokkuð annað ef hann fer? Ísland getur ekki keppt við önnur lönd í kaupgreiðslum. Það eru aðrar hliðar hérlendis sem vigta.

Auðvitað er enginn ómissandi í þessu þjóðfélagi hvorki ég(sic!) né aðrir. Maður kemur ávallt manns í stað, hvort sem hann heitir Hannes Hafstein, Stalín, Fiedel eða Maó.Nema í Lögreglunni, þar er verra að fá innflutt fólk. og svo auðvitað í kennarastéttinni.

Hvern fjárann er eiginlega hægt að gera í þessum kjaramálum? Helst þannig að allir myndu hagnast til lengri tíma litið eins og i  þjóðarsátt.

Ef við byðum þessum lækni 7 % hækkun á næstu áramótum og öllum öðrum sem eru á taxtalaunum 3.5 %. Og svo aftur  sam 1. júní. Þá hefur læknirinn fengið helmingi meira en aðrir eða 14 %. ASÍ 7 %. Auðvitað þýðir þetta verðbólgu og vaxtahækkun. En hvað skal gera.  Eru þetta nægileg rök fyrir því að svo eigi að vera? Hafa ljósmæður verðskuldað að vera metnar að hálfu við lækna? Una flugumferðarstjórar þessu?

Látum svo vera. En hvað með forstjórana sem fengu miklu hækkanrinar? Er það ekki ólíðandi? Er hægt að fá þá til að færa laun sín til fyrra horfs? Er það ekki forsenda þess að við sem minni eða engar hækkanir fengu eða fá getum sofið?

Líklega myndi hver Íslendingur skilja það, að fái allir  vinnandi menn taxtaleiðréttingar upp á 20 % þá hefur það afleiðingar.Þetta var gert þegar vinstri stjórn Ólafs Jóhannessonar ákvað 1971 að öll laun í landinu skyldu hækka um 10 % og dagvinnuvikan skyldi styttast um 10 % líka. Ólafur taldi síðar, reynslunni ríkari, nauðsyn á að setja síðar með Jóhönnu Sig. lög um verðtryggingu fjárskuldbindinga. Í og með þar sem sparnaður var horfinn í landinu. Í kjölfarið  kom verðtryggingin.

Nú eru stýrivextir með lægra móti og verðbólga nær engin. Það er heldur enginn blússandi gangur í atvinnulífinu. Nema á spítölunum er allt að drukkna í ókeypis verkefnum í ókeypis heilbrigðisþjónustu. Og það er skortur á öllu sem er ókeypis, öldrunarþjónustu eða dýrum lækningatækjum. Mig sundlar við tilhugsunina hvað skorturinn er mikill og hvað ég er getulaus til að gera eitthvað sem um munar.

Ef mér til dæmis væri fleygt fram af ætternisstapa  myndi þá ástandið ekki lagast? Ber mér og jafnöldrum eiginlega ekki skylda til að losa þjóðfélagið við okkur og fremja sjálfsmorð til þess að þeir yngri megi betur lifa? Við erum bara fyrirhöfn og kostnaður sem gott væri að losna við. Þá væri hægt að borga læknum betur og þeir sleppa við að lækna okkur.

Ef okkur dámar þetta ekki þá væri hugsanlega mannúðlegra að allir sjötugir yrðu dæmdir útlægir og skyldu utan vera þrjá vetur við sjötugsaldurinn eins og var til forna.Þá yrði skyndilega öfugur straumur hælisleitenda frá landinu. Það væri líka hugsanlega hægt að skapa aðstæður fyrir fólk til að fara í svona útlegð og spara. Nú, eða borga fólki eingreiðslu fyrir að hverfa alveg. (Tölfræði er tilfinningalaus.) 

En ríkisstjórnin hefur það hlutverk að skipa málum. Ekki ég.

Og enginn má sköpum renna."Þeir sem aldrei þekktu ráð, þeir eiga að bjarga hinum." Samningsfrelsi eða þjóðarsátt um bættan hag allra?

En skipað gæti ég væri mér hlýtt. Og ég held að mínar skipanir væru hugsanlega skárri fyrir alla en það sem framundan er í verðbólgubáli og verkföllum en að frjálsir samningar fái að ráða rétt einu sinni enn. 

Ég skipa víst ekki mikið fyrir úr þessu, vesæll, aldraður og óábyrgur bloggari  og þaðan af síður yrði mér hlýtt.  

 

Bjart framundan

er hjá Íslendingum í raun og veru þegar grannt er skoðað.

Landsvirkjun er að skila 100 milljörðum frá rekstri inn í ríkiskassann. Það er hérumbil sama og Kárahnjúkavirkjun kostaði. Skiljið þið þetta? Landsvirkjun er að græða hérumbil eina Kárahnjúkavirkjun á ári? Samt tala menn um að það eigi að selja Landsvirkjun til að borga skuldir ríkissjóðs?  Sem eru á langtum lægri vöxtum en gróðinn af Landsvirkjun? 80 milljarðar á móti hundrað þetta árið og vaxandi.Er þetta ekki stórkostleg hagfræði?

Vor ágæta stjórnarandstaða er stundum að halda því fram að íslensk heimili séu að greiða niður raforkuna fyrir stóriðjuna í landinu.  Sem notar einhver 90 % af allri orkunni á meðan heimilin greiða hérlendis meira en helmingi minna fyrir rafmagnið sitt en meðal Evrópubúi.  Hversu gáfað getur fólkið orðið?  Að selja Landsvirkjun? Hverjum? Jú lífeyrissjóðunum? Eiga aðrir svoleiðis peninga? En þeir skulda samt ríkinu milljarða í framtíðarskattgreiðslum? Breytir það engu?

Álverðið er núna komið í 2100 dollara á tonnið.  Það er bara að hækka því það á að fara að framleiða hundrað milljónir bíla á næsta ári sem taka til sín meira ál með hverju módeli.Og svo hefur olían hefur lækkað um helming þannig að það verðu ódýrara að eignast bíl á næsta ári en nokkru sinni fyrr, fiska eða fljúga til sólarlanda.

Fiskur verður eftirsóttari með hverju ári. En hann er hættur að keyra heimilin í kaf hvenær sem verðsveifla verður á erlendum mörkuðum. Ferðamenn streyma til landsins sem aldrei fyrr og moka inn meiri gjaldeyri en fiskurinn.

Alþingismenn virðast ekki geta klárað gjaldtökumálin til verndar íslenskri náttúru öðruvísi en að gera málið óleysanlegt með eftirlitsstöðvum og passakoðurum um allt land. Og hafa svo fríkeypis fyrir Schengen liðið til viðbótar.

Auðvitað er nefskattur á alla Íslendinga og svo inngöngugjald fyrir alla útlendinga, austan að eða vestan frá, sem koma til landsins það rétta og einfaldasta. Því sem stjórnmálamenn ætla svo ekki að stela í annað eins og útvarpsgjaldinu, geta þeir meðal annars úthlutað til nauðsynlegra framkvæmda eins og byggingar salerna sem vantar sárlega víðast hvar við ferðamannastaði okkar.

Þá vill alls kyns gáfufólk opna hér allar gáttir fyrir innflutning framandi þjóða á íslenskan sósíal auk þess að fjölga hælisleitendum sem allra mest. Í stað þess að halda upp á íslenskt þjóðerni, menningu og sögu,  þá er eins og sumu fólki sé í nöp við hugtökin í alþjóðahyggju sinni og Evrópusambands dýrkun.  

Já landið okkar er fagurt og frítt.  Það er eiginlega meiri spurning hvort við mannfólkið séum samboðin landinu?  En um það getur maður stórlega efast á stundum þegar maður hlustar á það hversu gáfað sumt fólkið getur orðið.                                                           .

En í heildina tekið  finnst mér að bara bjart sé framundan í íslensku þjólífi.

 

Lífeyrissjóðavandinn

vex dag frá degi.

En hver er þessi vandi?

Einn þáttur hans er að lífeyrissjóðirnir hafa of mikla peninga miðað við þau fjárfestingatækifæri sem í boði eru hér innanlands. Í landinu ríkja gjaldeyrishöft af óleysanlegum áðstæðum sem standa í vegi fyrir fjárfestingum í útlöndum. Catch 22. Ekki er þó sjálfgefið að aðeins sé hagnaður af erlendum fjárfestingum lífeyrissjóða frekar en öðrum slíkum athöfnum. 

Gjaldeyrishöftin eru ekki að fara í næstu viku og ekki í þarnæstu viku heldur. Vandamálið heldur því áfram að vaxa. Óhemju fé safnast upp hjá lífeyrissjóðunum í hverri viku sem gæslumenn þurfa að reyna að fá arð af. Til þessara gæslustarfa eru einhverjir menn ráðnir sem enginn eigenda fjárins kannast þó við að hafa kosið sérstaklega.  Og fáir eru þeir sem geta nefnt þá með nafni sem þeirra sjóði ráða. Tilnefndir gæslumenn eru flestir venjulegt fólk án þess að þekking þeirra á heildsölu fjárfestingum hafi verið könnuð sérstaklega.

Hver er afleiðingin af þessu ástandi?

Lífeyrissjóðirnir eru búnir að eignast ráðandi meirihluta í fjölmörgum stórfyrirtækjum landsins og tilnefna ráðamenn í stjórnir þeirra allt frá Flugleiðum til fjölda fasteignafélaga. En hin síðastnefndu verður æ dularfyllri og fjölskrúðugri  dag frá degi. Innréttaðir eru að sögn þvílíkir lúxuskontórar að Baugsveldið sáluga bliknar í samanburði. En lúxus einstakra manna er algert aukatriði sem ekki skiptir máli í heildardæminu sem við blasir.

Allir þessir fjármunir eiga að renna til þeirra launþega sem með skattfrjálsum lífeyrisiðgjöldum sínum auk mótframlags launagreiðendanna, mynduðu þessa sjóði. Þegar aldurinn færist yfir, þá á launþeginn að fá fastar mánaðargreiðslur frá lífeyrisisjóðnum sínum með uppsafnaðri 3.5 % ávöxtun í það minnsta. Við það tækifæri verður reiknaður skattur af greiðslunni sem þá rennur til ríkis og sveitarfélaga og launþeginn fyrrverandi fær afganginn.

Þó svo að bæði opinberi hluturinn og lífeyrisgreiðslu þátturinn eigi að hafa ávaxtað sig með minnst 3.5% árlega samkvæmt stofnskrá lífeyrissjóðanna, þá hafa gengið yfir þá ýmsar skrokkskjóður sem skekkja myndina.  Hafi þessi 3.5 % ekki náðst, þá lækka greiðslurnar sem því nemur. Sé ávöxtun meiri njóta launþeginn og hinir opinberu aðilar þess.

Tap á fjárfestingu sjóðanna þýðir að hinir opinberu aðilar tapa skuldbindingunni sinni í hlutfalli og launþeginn sínum hluta.Lífeyrisgreiðslurnar til launþegans okkar skerðast þá sem nemur tapinu. Enginnn er ábyrgur fyrir því tapi sem myndast kann  né heldur bætir neinn það tap sem er ótryggjanlegt líka. Þó liggur húðlát við því að standa ekki skil á skattfé við mörg önnur tilefni.

Ríkið  okkar íslenska og sveitarfélög eru í vanda. Hið opinbera stendur ekki undir væntingum okkar þegnanna. Okkar vantar spítala, öldrunarheimili, fleiri lækna og hjúkrunarfólk, fleiri tæki, betri vegi. Allstaðar er skortur sem er ekki hægt að skipta. Okkar kjörnu fulltrúar eiga að leysa vandann. En þeim er þröngur stakkur skorinn vegna viðvarandi fjárskorts. Áföll hafa líka dunið yfir og ríkissjóður til dæmis er sokkinn í skuldir. Vaxtagreiðslur hans eru sagðar nema 80 milljörðum árlega. Á meðan svo er hljóta allir að sjá að það verður að skera niður allstaðar og þykir sá mestur ráðamanna sem mest sker.

Sem sagt, annarsvegar lífeyrissjóðir með of mikið af peningum fyrir það litla sem enn er hægt að kaupa af eignum og fyrirtækjum innanlands. Hinsvegar  er ríkissjóður með öðrum sem hafa of lítið af peningum. Lífeyrissjóðir kaupa og kaupa, fasteignir og fyrirtæki í örvinglun sinni yfir því að standa annars ekki undir væntingum eigendanna með 3.5 prósentin.  Ráðamenn okkar liggja undir linnulausum árásum þeirra sem ekki kusu þá fyrir að uppfylla ekki væntingar þeirra sem þó kusu þá til valda.

Núna eiga launþegar landsins þúsundir milljarða í lífeyrissjóðum sínum. Þegar þeir fá útborgaðan lífeyri verður reiknaður skattur af greiðslunni sem rennur til ríkis og sveitarfélaga. Það má því segja að hið opinbera eigi hluta af öllu því fé sem í lífeyrissjóðum okkar liggur þessa stundina. Það er bara ekki laust fyrr en í fyllingu tímans.

Hvernig rímar þetta núverandi ástand við sjálfstæðisstefnuna og hugsjónirnar um auðstjórn almeninngs sem Eyjölfur Konráð kenndi okkur að trúa á í gamla daga?  

Er í stað almenningshlutafélaga komin einskonar Nómenklatúra stjórnenda lífeyrissjóðanna sem ræður flestum fyrirtækjum og fasteignum landsmanna?

Hefur séreignastefnan í húsnæðismálum vikið til hliðar fyrir leiguliðastefnunni?

Er ekki svo að jafnvel fólk sem lokið hefur mikilli menntun sinni stendur frammi fyrir þeirri staðreynd að geta aldrei keypt sér eigið húsnæði vegna þess að það getur ekki staðið greiðslumat banka og sjóða?

Var það þetta sem ég sem Sjálfstæðismaður barðist fyrir barðist fyrir alla ævi? Eru þetta endimörk minna æskuhugsjóna í stjórnmálum?

Hversvegna er ekki hægt að hugsa sér lífeyrissjóðir og hinir opinberu aðilar semji um að þeir fái greidda einhverja  milljarða fyrirfram af eign sinni úr sjóðunum? Þurrka upp skuldir hins opinbera og vaxtagreiðslur?

Allar svona hugmyndir eru hinsvegar þaggaðar. Fást ekki ræddar. Einskonar Omerta eins og þeir þekkja á Sikiley ríkir um svona hugmyndir. Þar lýkur þeim.  Vera kann að það séu lífeyrissjóðrnir sjálfir sem eiga skuldir hinna opinberu aðila að einhverju leyti. Þeir vilji ekki fá borgaðan höfuðstól heldur fá bara vexti eins og Sikileyingar myndu manna best þekkja.

Vill enginn ræða lífeyrissjóðavandann?

 

 

Tímasprengja í Norðurhöfum

tifar á okkur.

Stærsta mengunarógnin á norðurslóðum  stafar af fyrrum Sovétríkjunum og ónýtum kjarnorkuflota þeirra.

 Kjarnorku kafbátnum   K-27 var sökkt í byrjun 1980 eftir að Sovétmenn gáfust upp við að ná stjórn á kjarnakljúf hans  áður en þeir sökktu honum  í Kara haf.

Bohmer hjá  Bellona Foundation sem er kjarneðlisfræðingur, sagði að  K-27 sé með tvo tilraunakjarnaljúfa um borð sem kældir eru með  fljótandi málmi sem eru  mikil ógnun við vistkerfi heimskautahafanna.  Ef hlíf kljúfanna brestur  og sjór kemst í mjög auðgað úran- eldsneyti þeirra þá getur þetta náð krítisku ástandi sem þýðir að annaðhvort sprenging getur átt sér stað eða meira hægfara ástand myndast. Skrifuð hefur verið norsk skýrsla um þessi mál sem enginn les auðvitað.

Í tilviki kjarnorkusamruna sem færi á stað við krítískt ástand, þá þýðir þetta ekki endilega að þetta springi í Kara-sjó num, sem þá yrði mjög alvarlegur atburður. En í staðinn getur þetta orðið að hægvirkara en sambærilegu Chernobyl-slysi  þegar yfirhitað eldsneytið  streymir úr kljúfnum  og puðrar geislavirkni í allar áttir. Afleiðingin yrðu allavega mjög mikil á allt lífríki í nágrenninu.

Handan við Kara-hafið eru að minnsta kosti tveir  kjarnorkukafbátar Sovétríkjanna sálugu  með hættulegum kjarnakljúfum.  K-159 í Barentshafi  og K-278 í Noregshafi. The K-278, einnig þekktur  sem Komsomolets, er of djúpt til þess að hægt sé að ná honum upp.

K-159 fór niður árið  2003 á meðan  verið var að draga það til niðurrifs til  Polyarny – aðal- skipasmíðastöðvar  Rússlands til viðhalds og eyðingar  kjarnorkubáta. Níu sjómenn létust við að reyna að halda bátnum  á floti þegar ofsaveður eyðilagði flotholtin sem héldu honum á floti svo að ryðgaður skrokkurinn myndi ekki gefa sig við sjóferðina. Áætlað er  að í kringum 800 kíló af úran eldsneyti séu   um borð í K-159, samkvæmt Bellona.

Aragrúi sovéskra kjarnorkubáta og sokkinna flaka liggur á norðurslóðum sem bíða þess að ryðga í sundur sem getur haft skelfilegar afleiðingar í för með sér fyrir öll norðurhöf. Rússar geta ekkert gert í málunum og bíða bara og vona.Við líklega líka. Sovétríkin eru horfin og Rússland og Pútín mikli eru á nýrri kennitölu svo enginn er ábyrgur. 

En tímasprengjan í Norðurhöfum  tifar og fer ekki neitt.

Murphy segir

If it works, don´t fix it.

Ef það virkar reyndu þá ekki að laga það.

Af hverju má ekkert vera í friði hér á Íslandi? Af hverju þurfa vinstri grænir að fara að skipta sér af klukkunni sem við erum búnir að hafa svona í 50 ár og allt gengið vel?

Af hverju má maður ekki þetta eða hitt? Af hverju má ég ekki vera eins og ég er? Af hverju þarf þetta vinstra lið alltaf að skipta sér af öllu? Geta þeir ekki séð neitt í friði þessir menn?

Klukkan er búin að vera svona í hálfa öld. Flestir eru ánægðir með þetta sem var ákveðið eftir mikla íhugun og yfirlegu. Af hverju þurfa þessir menn sem voru varla fæddir þá að fara að skipta sér af henni núna? Hvern fjáran vita þeir betur en allir hinir?  Við viljum bara ekki sjá neinar breytingar á þessari klukku, hún er ágæt eins og er. Og ég vil líka sjá sem minnst vinstri grænt.Það er mín bjargfasta skoðun að grænt sé grænt og eigi að vera hægra megin á skipinu og rautt vinstra megin. 

Ég og 82 % þjóðarinnar viljum hafa Reykjavíkurflugvöll kyrran þar sem hann er. Einhverjir vinstri villingar sem eru 18 % þjóðarinnar ætla samt að hafa vit fyrir öllum hinum og eyðileggja flugvöllinn. Sem virkar vel og þá er óþarfi að breyta því. Reynum heldur að bæta það sem er en ekki eyðileggja það sem virkar.Byggja mannsaæmandi aðstöðu fyrir flugið á Reykjavíkurflugvelli. Alveg án tillits til þess hversu lengi völlurinn verður þarna. Við erum búnir að búa við frost á öllum framkvæmdum í áratugi vegna þessarar þvælu í þessum 18 %. Af hverju megum við hin ekki núna fá einhver ár í sólinni? Af hverju er betra að gera aldrei neitt frekar en að gera eitthvað þó það sé kannski vitlaust?

Geta þeir vinstri grænir niðri á þingi ekki bara farið eftir honum Murphy sem hefur sýnt sig að vita miklu betur en meðal Alþingismaður og þá auðvitað miklu betur en nokkur siglingablindur vinstri grænn Alþingismaður?

If it works, don´t fix it segir Murphy´s lögmálið.

Golan

er aðeins að herða á sér. Ef menn fara á síðuna hans Gústa frænda,www.agbjarn.blog.is þá geta menn séð óveðrið í rauntíma. Mjög gaman að glápa á goluþytinn.

Á að sekta Íslendinga?

við Geysi eða Gullfoss  ef þeir hafa ekki náttúrupassa til að sýna?

Er ekki betra að láta okkur borga passann með nefskatti og útlendinga alla við komuna til landsins? Ekkert passakontról sem kostar.

Þá geta yfirvöld farið frjálslega með skatttekjurnar eins og þau gera með  nefskattinn til Útvarpsins sem fer í gæulverkefni ráðherrans sem svo býsnast yfir blánkheitum á Gufunni? 

GMT

Greenwich Mean Time er tíminn á Íslandi. Svo er búið að vera í nær hálfa öld.

Nú vilja VG og fleiri seinka klukkunni. Færa tímann afturábak. Þó vonandi ekki alla leið aftur til velmektarára Stalíns.

Læknir í Háskólanum segir að við höfum vitlausa sólarklukku og við eigum að seinka hennni. Þá verður klukkan hér GMT -1.

30.mars flýta Bretar sinni klukku í GM+1. 26 Október flytja þeir klukkuna til baka á GMT. Þýskaland byrjaði á þessari vitleysu með sumartímann á vígvöllunum í gamla striðinu 1916. Enda töpuðu þeir stríðinu nokkru seinna.  Maður er búinn að lenda í mörgum kárínum af þessu vestan hafs eða austan. Missa af þessu eða hinu og verða of seinn.

Er þetta eitthvað sniðugt? Munum við ekki bölvað hringlið með klukkuna hjá okkur sem við höfðum loks vit á að hætta og tókum upp GMT allt árið um kring. Hér er sólargangur það langur að sólarklukkan stjórnar okkur ekki neitt og við notum gardínurnar til þess stjórna svefntímanum. Það er bara dimmt í Desember og svo lagast það.

Eins og allt sem kemur frá afturhaldinu skulum við láta þetta lönd og leið og halda okkur við GMT. 

Einkabíllinn

 

 er sá fararskjóti sem nútímamaðurinn hefur valið sér. Þessi litlii reykspúandi  málm-og plastkassi á fjórum gúmmíhjólum er uppspretta lífsgæða fjölskyldanna.

Ég man eftir því hvað við hjónin urðum sæl þegar hún amma mín heitin, hún Sigríður Jónsdóttir Ólafssonar ritsjóra "lánaði" okkur þrjúhundruðþúsund (hálfsárs laun) fyrir fyrsta bílnum okkar. Tveggjadyra 13 ára Bjúikk. Við bjuggum í kjallara inn í Skipasundi, hennar fólk var á Selfossi en mitt niður á Snorrabraut og þar í mýrinni umhverfis.

Það var reynt að fara í strætó,  labba og hjóla en þetta var ekkert líf. Bjúkkinn breytti öllu og lífið fór á stjá. Mynd af honum og númerið prýðir heimilið hjá okkur ennþá.

Við borguðum henni aldrei því hún gaf okkur seinna eftir skuldina því hún sagðist sjálf ekki vera að fara neitt annað en til himnaríkis sem hún þó ekki gerði fyrr en löngu síðar. Hún var stórkostleg manneskja hún Sigríður amma mín. Hún var langveik og var lengi á spítölum en kvartaði aldrei og var alltaf í góðu skapi og glettin. Þar sagði hún sjúkrahúsprestinum sem spurði hana hvort hann ætti ekki að biðja fyrir henni. "Æ þakka yður kærlega fyrir Magnús minn en ég er viss um að hann Drottinn muni alveg sjá fyrir mér þó að þér séuð ekki að rella í honum." Þannig var hún amma mín, utan kirkju eins og það hét, þótti undurvænt um hann séra Jakob frænda sinn og var það gagnkvæmt. Hún sagði mér að hún vissi að til væri annað líf og þegar ég efaðist lofaði hún að gera mér viðvart ef hún gæti ef svo reyndist vera.

Nú er komin einhver ný tegund af stjórnmálamönnum, að vísu nokkuð bundin við Reykjavík, sem segir okkur að við hjónin höfum miksskilið allt þarna um 1963 þegar við fengum Bjúkkann. Við hefðum átt að höndla hamingjuna án hans.

Ég bísaði þessu línuriti hjá honum Ívari Pálssyni. Það sýnir svo ekki verður um villst nútímamaðurinn vill hafa fleiri en eitt bílastæði við hverja íbúð. Gefur það enga vísbendingu um hvað fólkið vill í borgarskipulagi?  Samt skipuleggja menn heilu hverfin án þess að teljandi bílastæði eigi að fylgja? 

Maður undrast byggingar Háskólans í nágrenni Flugvallarins í Vatnsmýrinni. Á þessu dýra svæði eru heilu hektararnir lagðir undir ofanjarðar bílastæði. Gönguleiðir í öllum veðrum í hinar ýmsu byggingar eru ofanjarðar. Ég spurði í einfeldni minni á einum kynningarfundi hvort arkitektar hefðu velt því fyrir sér að nota jarðvegsdýpið sem þarna er til að búa til parkhús og hafa síðan túnnela og torg undir byggingunum þar sem vagnar gengju milli þeirra þannig að fólk kæmist þurrum fótum og fljótt  á milli hinna ýmsu Háskóladeilda? Þeir horfðu á mig eins og þeir hefðu séð draug og þar með endaði sá fundur.

Maður horfir líka á Háskólann í Reykjavík þar sem bílastæðin þenja sig yfir stærri flöt en húsin. Þarna er líklega ekki verið að spá í lóðarverðið né heldur það að trufla flugvöllinn sem minnst.

Mér finnst að bíllinn sé máttarstoð efnahagslífsins og því sé siðferðislega rangt að leggja skatta á hann og eldsneytið eins og þetta sé lúxus. Þeir stjórnmálamenn sem það gera ættu ekki að tala um það fyrir kosningar hvað þeim þykir vænt um einstæðar mæður, aldraða og öryrkja. Mannsins lífsgæði eru svo nátengd því að komast á milli þeirra staða sem hann kýs.

Einkabíllinn er og verður lengi enn heimilisarinn fjölskyldunnar.