Enga aðild að ESB

segir Diljá Mist Einarsdóttir sem vill verða þingmaður fyrir Sjálfstæðisflokkinn.

Diljá endar grein sína svofellt:

"... Við erum aðilar því sem hentar en stöndum utan við það sem ekki þjónar okkar hagsmunum.

Því hefur verið linnulaust haldið að íslenskum almenningi að við séum svo gott sem aðilar að ESB á grundvelli EES-samningsins vegna þess að við innleiðum svo mikið af regluverkinu (nefnt hefur verið 80-90%) og því allt eins gott að stíga skrefið til fulls.

Þetta eru blygðunarlausar rangfærslur. Í upphafi kjörtímabilsins lét utanríkisráðherra gera úttekt á þessu og leiddi hún svart á hvítu í ljós að frá gildistöku samningsins árið 1994 og til ársloka 2016 innleiddum við Íslendingar 13,4% þeirra gerða sem Evrópusambandið samþykkti á sama tímabili.

Þetta hlutfall hefur lítið breyst á síðustu fimm árum.

Innganga í ESB myndi þýða að allir 34 málaflokkar ESB ættu við um okkur en ekki einungis þeir sem okkur eru hagfelldastir.

Hagsmunagæsla mikilvæg innan EES

En þótt EES-samningurinn sé góður þá fáum við ekkert gefins. Við þurfum sjálf að búa þannig um hnútana að samningurinn þjóni sem best íslenskum hagsmunum og því miður hefur því mikilvæga verkefni ekki alltaf verið sinnt af nægilegri festu, þótt kúvending hafi orðið í þeim efnum á síðustu árum undir forystu Guðlaugs Þórs Þórðarsonar utanríkisráðherra.

Það er óskandi að Viðreisn og systurflokkur hennar á þingi haldi umræðu um aðild að Evrópusambandinu sem hæst á lofti í kosningabaráttunni sem fram undan er. Því betur sem að er gáð því verri er hugmyndin um aðild að Íslands að Evrópusambandinu."

Kannski er ástæða til að spyrja hvort forysta Sjálfstæðisflokksins deili eindregið þessari skoðun Diljár? Fóru ekki ESB hugmyndirnar með Viðreisnarliðinu úr Sjálfstæðisflokknum og flokkurinn vill enga aðild að ESB?

Carb-Fix bullið

tekur kollege Skúli Jóhannsson fyrir í enn einni Morgunblaðsgrein:

Hann segir:

 

"Um daginn eða 5.5. 2021 birtist grein í Morgunblaðinu þar sem ég skrifaði um áform Hitaveitu Reykjavíkur, Orku náttúrunnar og Carbfix í mengunarmálum, með fyrirhugaða förgunarstöð Coda Terminal við Straumsvík í huga. Hef ég nú í hyggju að bæta um betur.

Kolefnisföngun og -förgun eða KFF, sem er þýðing á hugtakinu CCS Carbon Capture and Storage, gengur út á eftirfarandi þætti:

1. Búnað til föngunar á kolsýringi CO2 í erlendri verksmiðju eða raforkuveri sem notar jarðefnaeldsneyti.

2. Leiðslukerfi til flutnings á kolsýringi frá verksmiðju að vökvagerðarstöð á hafnarsvæði, en sjaldnar með flutningabílum eða lestum, sem er áætlað tvöfalt dýrara.

3. Vökvagerðarstöð sem frystir kolsýringinn og sendir í tanka á hafnarsvæði.

4. Flutningaskip sem tekur við kolsýringi frá tönkunum (-50 °C og 7 bar) og flytur til Íslands. Siglingatími hvorrar leiðar er fjórir dagar með eins sólarhrings dvöl í höfn við löndun og losun. Hringurinn tekur því samtals 10 daga og með þremur skipum er þá landað í Straumsvík á 3,3 daga fresti.

5. Coda Terminal-blöndunarstöð og niðurdælingu í berggrunninn við Straumsvík.

Liðir 3 til 5 voru teknir fyrir í fyrrnefndri Mbl.-grein en nú ætla ég að skoða liði 1 og 2.

Til samanburðar má nefna að með því að taka aðeins tillit til atriða 3 til 5 var það hugsað eins og í safnstöð Sorpu, að þeir sem óska eftir að losna við sorp geta afhent það í greiningarstöð. Hins vegar ef menn losa sitt sorp heima við í öskutunnur þá þarf að sækja það alla leið til neytandans og aka sorpinu til förgunarstöðvar, samanber liði 1 og 2.

Kostnaður við kolefnisföngun

Í tiltækum gögnum var leitað eftir kostnaðarverði fyrir kolsýringsföngun og horft sérstaklega til kolaorkuvera. Áætluð niðurstaða er 40 USD/tCO2 en hafa ber í huga að breytileiki er töluverður og áætlunin í lægra lagi miðað við uppgefið óvissubil. Sjá meðfylgjandi mynd.

Þessi niðurstaða leiðir í ljós að ólíklegt er að KFF muni nokkurn tíma ná flugi á heimsmælikvarða og verði aðeins tekið upp og notað í samræmi við almenna stefnumörkun stjórnvalda í hverju landi fyrir sig, í tengslum við alþjóðlega stefnumörkun og heimsmarkmið og ávallt með hliðsjón af hagkvæmni.

Hér er hvorki tekið tillit til skattlagningar vegna út- eða innflutnings milli landa né sértækra ívilnana t.d. frá stjórnvöldum.

Hliðstæður

Í verkfræðinni í gamla daga lásum við í hljóðfræðinni, að til að losna við hávaða þyrfti eitt af þrennu: Stöðva hávaðann á upprunastað, einangra húsið t.d. með tvöföldu gleri eða halda fyrir eyrun. Ef vandamálið er kolsýrumengun frá kolaraforkuveri þá væri Coda Terminal með þá lausn að urða kolsýringinn hinum megin við hafið á sama hátt og að halda um eyrun í tilviki hljóðmengunar. En í rauninni væri eina vitið að stöðva ósómann á upphafsstað.

Leið í þessum málum væri að iðjuverin á upphafsstað, t.d. í Hollandi, losuðu sinn útblástur út í loftið áfram eins og hingað til, en lofthreinsunarstöð á Íslandi hreinsaði loftið á móti. Andrúmsloftið væri þannig óbeint notað sem flutningsmiðill fyrir kolsýringinn. Þessi aðferð er nú til rannsóknar hjá svissneska fyrirtækinu Climeworks sem er með rannsóknaraðstöðu við hliðina á tilraunaverksmiðju Carbfix á Hellisheiði.

Nokkrar staðreyndir

KFF er afskaplega dýr lausn, og ekki hjálpar að hún er orkufrek.

Til að farga 31 MtCO2/ári hafa verið reistar nokkrar verksmiðjur í ýmsum löndum á undanförnum árum, en hvergi heppnast sem skyldi. Margar verksmiðjur eru fyrirhugaðar.

Fljótlegasta og öruggasta leiðin til að minnka kolefnismengun vegna framleiðslu í raforkuverum sem nota jarðeldsneyti er að loka þeim hið snarasta og virkja í staðinn endurnýjanlegar orkulindir til að framleiða græna raforku. Sú þróun er nú í fullum gangi um allan heim, aðallega með vind- og sólarorkuverum, drifin áfram af miklu ódýrari lausnum en þeim sem nota jarðefnaeldsneyti.

Kostnaður við KKF er vissulega mikill hjá áburðarverksmiðjum og jarðvarmavirkjunum en enn þá meiri eða jafnvel miklu meiri hjá sementsverksmiðjum og kolaorkuverum, svo dæmi séu tekin.

Erlendar reynslutölur hafa leitt í ljós að kostnaður við KFF fyrir kolarafstöð gæti verið allt að sex sinnum meiri en að reisa ný jafnstór vind- og/eða sólarorkuver ásamt rafhlöðum með varaafli til að framleiða raforku þegar skortur er á vindi eða sólskini.

Staðhæft hefur verið að með KFF sé verið að leitast við að lengja að óþörfu endingartíma gamalla og úreltra raforkuvera sem nota jarðefnaeldsneyti og með tilheyrandi sóun á almannafé.

En hvers vegna Straumsvík? Er skortur á aðstöðu í heiminum til að urða kolsýring? Stutta svarið er nei. Það er alls staðar nóg af stöðum, þar sem hver notar sína aðferð við förgun allt eftir staðháttum. Sá kostur að senda kolsýring til Íslands til urðunar er kostnaðarsamari, en kannski betri í sumum tilvikum. Þó ætti helst að urða úrganginn „á staðnum“, að svo miklu leyti sem kostur er.

Niðurstaða

Líklega er eitthvað til í því að kolefnisverð á mörkuðum þyrfti að fara vel yfir 100 USD/tCOv til að Coda Terminal-hugmyndin gengi upp. Kannski er verðið á leiðinni þangað!"

Þjóðfrelsun

Það er þjóðfrelsun í svona mönnum eins og kollega Skúla sem taka svona delluhugmyndir kostnaðarblindra embættismanna eins og þeirra sem settu fram þessar hugmyndir um 600 manna opinberan vinnustað í Straumsvík.

Þau skötuhjúin spurðu ekki um hvort víðar veri berggrunnur til í heiminum eða þar sem CO2 útblásturinn á sér stað? 

Nei þeim dettur í hug að flytja lofttegundina með skipum til Íslands! Sem Skúli hefur nú líklega afgreitt og afhjúpað.

En heimskan heldur yfirleitt áfram að sækja á eins og allt kolefnisbullið hefur hertekið heiminn með. það mun þurfa veðurfarsbreytingar til að opna augu manna um að það sé engin kolefnisvá í heiminum.

Carb-Fix bullið endar líklega ekki fyrr en þá? 

Tryggjum öldruðum áhyggjulaust ævikvöld

er gamalt slagorð sem flokkur fólksins var að stela.

Dettur nokkrum í hug að þessi litli ljóti eiginhagsmunaflokkur formannsins  geti gert nokkuð í þessum málaflokki fyrir almenning?

Ekki mér að minnsta kosti hvaða slagorðum hann svo sem stelur.

Plentí bóluefni í Noregi

sækjum það í hvelli og keyrum þetta áfram með bóluefninu þaðan.

Níðskældur

virðast eiga örugga aðdáendur meðal Íslendinga.

Má minnast Ljósavatnssystranna, Raklear og Judithar á 19 öld.

Þær ortu:

"Fjallakauðaforinginn

fantur nauða grófur.

Er nú dauður afi minn

Oddur sauðaþjófur."

Þegar faðir þeirra var færður til kirkju á kviktrjám:

"Firðar draga feikna hlass

fullgreiður er vegur

Farðu nú í fjandans rass

faðir minn elskulegur."

 

Bóluhjálmar koma að Ljósavatni og lá önnur hvor systirin í rúmi. Hún svipti ofan af sér sænginni og sagði:

"Kvoðan þvær um kríkar mér

kviðurinn rær og yppar sér.

Sundur lærin liggja ber

og leikan hlær á móti þér."

Sagt var að Hjálmar hefði orðið nær ókvæða við.

Ég hitti yndislega konu fyrir mörgum árum. Hún kunni ókjör eftir systurnar. Því miður skrifaði ég ekki niður en finn nú óvíða nokkuð eftir þær og hitti ekki konuna lengur.

Einn maður var í Dölum vestur sem orti:

"Beitti hann fram á elliár

undirferli, rógi. 

Öfundsjúkur, aurasár

Ólafur í Skógi.

 

Hans var jafnan höndin treg

til hjálpar smælingjunum.

Gekk hann aldrei glæpaveg

en götuna meðfram honum."

 

Ég heyrði að hann hafi flæmst úr sveitinni fyrir svona kveðskap.Gaman væri að vita hver hann var þessi níðskælda.

 

 

r

Vinstri Gr......

virðast lenda meira í freistni á kynferðissviðinu en hægri menn.Eru þeir meira náttúraðir eins og Ágúst Ólafur Ólafsson, Kolbeinn Óttarsson Proppé og hvað þeir nú heita allir eða bara miður siðaðir?

Þurfa þeir V.Gr.... ekki að hafa sérstakar stuðningsdeildir í flokknum sínum til að tryggja siðferðið ef þeir eru svona meira útsettir fyrir freistingum?

Þorsteinn hrærir

fullveldissöluna ótrauður.

Það er alltaf gott að hafa sannfæringu en allt orkar tvímælis þá gert er.

Þorsteinn Pálsson fyrrum formaður sjálfstæðisflokksins segir í dag eins og að hlustað sé á hann einhversstaðar:

"Ríkisstjórnin hefur ákveðið opnun samfélagsins í júní og birt síðasta efnahagspakkann vegna Covid19. Vel má þó vera að við þurfum að lifa með veirunni næstu ár, hugsanlega með reglulegum bólusetningum.

En með þessum tveimur ákvörðunum verða þáttaskil. Þjóðfélagið fellur að mestu í sömu skorður og áður. Tími róttækra sóttvarna og bráðabirgðaráðstafana í efnahagsmálum er þá að baki.

Það þarf því ekki nýjar efnahagsráðstafanir til þess að hagvöxtur verði fljótlega sá sami og fyrir veirukreppuna. Það gerist sjálfkrafa. Og um leið fer atvinnuleysi minnkandi. Þessi mynd er tiltölulega einföld.

Of þröng staða

Flóknari myndi blasir við þegar horft er á verkefni næstu ára. Pólitíkin ætti að snúast um þá framtíðarsýn en ekki karp um bráðabirgðaráðstafanir liðinna mánaða.

Þó að ferðaþjónustan blómstri á ný getum við ekki lokað augunum fyrir hinu, að svigrúm okkar til að leysa skuldastöðu ríkissjóðs er þrengra en flestra grannríkja vegna verðbólgu, hærri vaxta og gengisáhættu. Samkeppnisstaða Íslands til að byggja upp þekkingariðnað er fyrir sömu sakir þrengri en annarra.

Lítill ágreiningur virðist vera um nauðsyn nýsköpunar í atvinnumálum og mikilvægi ábyrgrar fjármálastjórnar. Vandinn er að finna leið, sem gefur ríkissjóði sama svigrúm og grannlöndin hafa og styrkir samkeppnisstöðu atvinnulífsins.

Kaldar staðreyndir

Eftir að ferðaþjónustan nær sér stendur þjóðin andspænis nokkrum köldum staðreyndum:

1. mun meiri verðbólgu en þekkist í flestum vestrænum löndum,

2. miklu hærri vöxtum en í samkeppnislöndunum,

3. yfir þúsund milljarða króna ríkisskuldum vegna veirunnar,

4. allt að fimmtíu milljarða króna skattahækkunum á miðju næsta kjörtímabili samkvæmt fjármálaáætlun ríkisstjórnarinnar,

5. flótta erlendra fjárfesta út úr hagkerfinu vegna vantrausts á gjaldmiðlinum og

6. stórum erlendum lántökum ríkissjóðs, sem færir gengisáhættuna sem hvíldi á erlendum fjárfestum yfir á skattgreiðendur.

Stærstu kosningamálin

Í kosningum eru engin mál undanskilin.

En viðreisn þjóðarbúsins með stefnumörkun til langs tíma er óhjákvæmilega höfuðviðfangsefnið. Á næsta áratug þarf þekkingariðnaður að verða einn af burðarásum gjaldeyrisöflunar.

Seðlabankastjóri setti svo annað stórmál á dagskrá á dögunum. Allra stærsta óleysta mál stjórnmálanna gagnvart hagsmunum stórfyrirtækja snýst um virka eða óvirka þjóðareign auðlinda.

Tvær leiðir

Allir stjórnmálaflokkarnir vilja minnka þörfina á þeim rosalegu skattahækkunum, sem ríkisstjórnin boðar í fjármálaáætluninni. Allir vilja þeir stöðugan gjaldmiðil til þess að auðvelda atvinnulífinu að hlaupa hraðar, verja kjör launafólks og tryggja lægri vexti.

Tvær leiðir eru færar til að ná þessum markmiðum.

Ríkisstjórnin hefur lagt fram frumvörp um gjaldeyrishöft og skerðingu lífeyrisréttinda. Þetta er eina leiðin til að stuðla að stöðugleika krónunnar og ná fram varanlegri lækkun vaxta, ef viðhalda á sjálfstæðum gjaldmiðli án alþjóðlegs samstarfs. Ríkisstjórnin er með þetta á hreinu.

Hin leiðin er tillaga, sem óháðir sérfræðingar settu fram á sínum tíma og Viðreisn hefur nú tekið upp. Hún felst í því að halda krónunni en tryggja stöðugleika með formlegu gjaldmiðlasamstarfi við Evrópusambandið líkt og Danir gera.

Fyrri leiðin varðveitir sjálfstæði okkar í peningamálum en takmarkar frelsi í viðskiptum og leiðir óhjákvæmilega til skerðingar á lífeyrisréttindum. Seinni leiðin takmarkar frelsi í peningamálastjórn en tryggir meira viðskiptafrelsi og kemur í veg fyrir skerðingu á lífeyrisréttindum.

Báðum leiðum fylgja kostir og gallar. En minni skerðing á viðskiptafrelsi auðveldar okkur að hlaupa hraðar.

Lýðræði eða sérhagsmunir

Langstærsta óleysta málið gagnvart hagsmunaöflunum er einkarétturinn á nýtingu fiskimiðanna.

Enginn pólitískur ágreiningur er um þjóðareign auðlinda. Lítill ágreiningur er um að einkaréttur er nauðsynlegur til að tryggja hagkvæma nýtingu. Deilan stendur um það hvort þjóðareignin á að vera virk með tímabundnum einkarétti eða óvirk með ótímabundnum einkarétti.

Stærstu sjávarútvegsfyrirtækin vilja ótímabundinn einkarétt.

Í stjórnarskrármálinu hefur Sjálfstæðisflokknum tekist að koma í veg fyrir að samstarfsflokkarnir geti staðið við stefnu sína um tímabindingu. Stjórnarandstaðan er einhuga um tímabindingu að Miðflokknum undanskildum, sem hefur enn ekki tekið afstöðu.

Þetta er spurning um það hvort meirihluti þjóðarinnar eigi að ráða, eða stórfyrirtækin í gegnum stærsta stjórnarflokkinn."

 

Svartagall Þorsteins birtist svo og fullveldisvantrú í þessum setningum:

..."vegna verðbólgu, hærri vaxta og gengisáhættu. Samkeppnisstaða Íslands til að byggja upp þekkingariðnað er fyrir sömu sakir þrengri en annarra.

1. mun meiri verðbólgu en þekkist í flestum vestrænum löndum,

2. miklu hærri vöxtum en í samkeppnislöndunum,

3. yfir þúsund milljarða króna ríkisskuldum vegna veirunnar,

4. allt að fimmtíu milljarða króna skattahækkunum á miðju næsta kjörtímabili samkvæmt fjármálaáætlun ríkisstjórnarinnar,

5. flótta erlendra fjárfesta út úr hagkerfinu vegna vantrausts á gjaldmiðlinum og

6. stórum erlendum lántökum ríkissjóðs, sem færir gengisáhættuna sem hvíldi á erlendum fjárfestum yfir á skattgreiðendur."

Stórkostlegar erlendar fjárfestingar eins og í fiskeldi,baðaðstöðu á Kársnesi og víðar afhjúpa fáránleikann og þröngsýnina  í þessum málflutningi Þorsteins. Það bannar enginn neinum að taka erlent fé að láni og koma með hingað, ávaxta það með tilliti til þess og gera upp í þeim gjaldmiðlum sem menn kjósa. Það ríkir gjaldeyrisfrelsi á Íslandi.

Algjör steypa birtist svo í setningunni:" Hún felst í því að halda krónunni en tryggja stöðugleika með formlegu gjaldmiðlasamstarfi við Evrópusambandið líkt og Danir gera."

Alveg ósambærilegar aðstæður þar sem Danir eru í raun á markaðssvæði Þýzkalands.Það eru Íslendingar ekki heldur þveröfugt.

Síðan virðist Þorsteinn vera kominn í lið ,e'Dóru Björtu Pírata þegar hann úrskurðar um Sjálfstæðisflokkinn:

"Í stjórnarskrármálinu hefur Sjálfstæðisflokknum tekist að koma í veg fyrir að samstarfsflokkarnir geti staðið við stefnu sína um tímabindingu. Stjórnarandstaðan er einhuga um tímabindingu að Miðflokknum undanskildum, sem hefur enn ekki tekið afstöðu."

Hvernig ætlar Þorsteinn að samræma þessi atriði:

"Allir vilja þeir stöðugan gjaldmiðil til þess að auðvelda atvinnulífinu að hlaupa hraðar, verja kjör launafólks og tryggja lægri vexti."

Stöðugur gjaldmiðill er ávísun á litlar hreyfingar í efnahagslífinu og kjör launafólks hafa aldrei verið í takti við gengi gjaldmiðils heldur þveröfugt.Kjaradeilur hafa ávallt skaðað gengi gjaldmiðilsins en ekki styrkt.

Auðvitað verður þjóðin að borga til baka kostnaðinn af kóvídinu með einum eða öðrum hætti. Við getum bara þakkað fyrir ef tekst að halda Þorsteini Pálssyni og fullveldissöluflokki hans Viðreisn sem víðast fjarri þeim ráðstöfunum.

Eldræða Píratans

Dóru Bjartar í Borgarstjórn.

Svo segir í fréttum:

Átök og eldræða í borgarstjórn: „Sjálfstæðisflokkurinn er kýli á samfélaginu“

Eiður Þór Árnason skrifar 11. maí 2021 23:32

Frá öðrum fundi borgarstjórnar Reykjavíkur.VÍSIR/VILHELM

Átök brutust út á fundi borgarstjórnar í kvöld þegar rætt var um nýbirtan ársreikning Reykjavíkurborgar. Mikil spenna var milli fulltrúa minnihluta og meirihluta þar sem þeir fyrrnefndu gagnrýndu harðlega rekstrarniðurstöðu borgarinnar.

Allt ætlaði þó um koll að keyra þegar Dóra Björt Guðjónsdóttir, oddviti Pírata, gerði lítið úr athugasemdum Sjálfstæðismanna og beindi spjótum sínum rækilega að flokknum í ræðu sinni.

Dóra Björt Guðjónsdóttir, oddviti Pírata í Reykjavík.AÐSEND

„Ég vil leggja áherslu á og undirstrika að Sjálfstæðisflokknum er ekki treystandi fyrir styrkri fjármálastjórn, hvorki hér né annars staðar. Hans helsta áróðursmarkmið er að láta fólk trúa því að hann sé ofboðslega ábyrgur þegar kemur að fjármálum en hann er það ekki,“ sagði Dóra Björt í ræðupúlti borgarstjórnar.

„Sjálfstæðisflokkurinn og hans stjórnun er ekki ábyrg, ekki heiðarleg og ekki góð. Það sem hefur komið fram í dag er að flokkurinn hefði frekar viljað skera niður en axla þá ábyrgð sem við ákváðum að gera í þessari efnahagskreppu. Jákvæð niðurstaða í Excel skiptir Sjálfstæðisflokkinn meira máli en líf fólks, atvinnustig í samfélaginu eða efnahagsástand samfélagsins, þá vitum við það.“

Þá sagði Dóra Björt óábyrgt og skaðlegt að gagnrýna innviðafjárfestingu og leggja til að borgin myndi standa með hendur í skauti í núverandi efnahagsástandi.

„Það er í raun algjör vitleysa að Sjálfstæðisflokkurinn standi fyrir ábyrga efnahagsstjórn, hann stendur fyrir sérhagsmunagæslu, hann stendur fyrir spillingu og gæti ekki verið meira sama um velferð einstaklinga. Þetta fyrirlít ég,“ bætti hún við í eldræðu sinni við misgóðar undirtektir viðstaddra.

„Hann stendur fyrir þröngsýni og gamaldags nálgun á efnahagsmál og þar sem hann er við völd veldur hann oft miklum skaða. Sjálfstæðisflokkurinn er í raun kýli á samfélaginu, hann er hreint og beint hættulegur samfélaginu.“

„Hann stendur fyrir það að gata kerfið okkar svo fjármunir og eignir almennings geti lekið í þeirra eigin vasa. Það er ekki ábyrg fjármálastjórn,“ sagði hún enn fremur.

Horfa má á fundinn í spilaranum hér fyrir ofan. Ræða Dóru Bjartar hefst þegar fjórar klukkustundir eru liðnar af fundinum.

Kolbrún Baldursdóttir, borgarfulltrúi Flokks fólksins.AÐSEND

Sagði ræðuna vera drullukast

Kolbrún Baldursdóttir, borgarfulltrúi Flokks fólksins var fyrst til að svara ræðu Dóru Bjartar og kallaði efni hennar „skítkast dauðans.“

„Ekki það að ég sé að halda uppi einhverri vörn fyrir Sjálfstæðisflokkinn en við erum öll fólk hérna og þvílíkt drullukast á einn flokk,“ bætti hún við áður en hún líkti ummælum Dóru um Sjálfstæðisflokkinn í ræðustól og blaðagreinum við einelti.

„Mér finnst þetta ekki boðlegt. Ef við endurspilum þetta lið fyrir lið og orð fyrir orð þá hljóta allir menn að sjá að þetta er ekki mannsæmandi, hvorki hér eða annars staðar.“

Eyþór Arnalds, oddviti Sjálfstæðisflokksins í Reykjavík.VÍSIR/VILHELM

Ætti að halda þessu fyrir sig

Eyþór Arnalds, oddviti Sjálfstæðisflokksins í borgarstjórn, gagnrýndi Pawel Bartoszek, forseta borgarstjórnar, fyrir að leyfa Dóru Björt að fara út fyrir umræðuefni fundarins.

„Og að vera með ásakanir og dylgjur sem í raun og veru fer þvert gegn siðareglum okkar og ræða ekki ársreikninginn. Ég vil bara minna á það að við eigum að ræða hérna ársreikninginn og ef það er ekki virt þá getum við bara farið að ræða einhver allt önnur mál hérna undir; umferðarmál, húsnæðismál eða hvað einhver sé vondur í salnum.“

Vigdís Hauksdóttir, oddviti Miðflokksins, sagði Dóru Björt ganga enn á ný fram með „dylgjur og deleríngu úr ræðupúlti borgarstjórnar og það beinist allt gegn einum flokki.“

„Ef hún hefur þessa persónulegu skoðun þá verður hún að hafa hana fyrir sig. Þetta er ekki boðlegt fyrir borgarstjórn Reykjavíkur. […] Þetta ber forseta að stoppa.“

Vigdís Hauksdóttir, oddviti Miðflokksins í Reykjavík.VÍSIR/VILHELM

Sýni hvað meirihlutanum líði illa

Björn Gíslason, borgarfulltrúi Sjálfstæðisflokksins sagði málflutning Dóru „vera fyrir neðan allar hellur.“

„Það er mér algjörlega ótrúlegt að borgarfulltrúi eða forseti borgarstjórnar skuli ekki hafa stoppað þennan orðaflaum sem kemur úr munni borgarfulltrúans.“

„Það er algjörlega ótækt að menn hagi sér svona,“ sagði Björn og beindi orðum sínum að Pawel Bartoszek, forseta borgarstjórnar.

Björn Gíslason, borgarfulltrúi Sjálfstæðisflokksins.AÐSEND

Eyþór Arnalds steig síðar aftur í ræðupúlt borgarstjórnar. Aftur var ræða Dóru til umræðu sem hann sagði „vera til skammar.“

„Ég hefði viljað að málflutningur meirihlutans hafi fjallað meira um ársreikninginn og minna um önnur mál. Mér finnst eftirtektarvert að sjá hvað þeir fulltrúar meirihlutans sem hafa hér talað eru með böggum hildar og greinilega líður illa með þennan ársreikning og þessa stöðu. Það er eina skýringin á því hvernig þeir hafa hegðað sér hérna í dag, það er ekkert annað.

„Hér eigum við að tala faglega og yfirvegað um staðreyndir og tölur. Við höfum ákveðið að ræða bara einn hlut hér í dag, það er ársreikningurinn og þeir sem ekki treysta sér til þess eru greinilega að forðast að ræða það sem er til umræðu. Það dæmir sig sjálft, því meiri sem dónaskapurinn og dylgjurnar verða því meira er það staðfest að meirihlutanum líður illa með þessa stöðu,“ sagði Eyþór Arnalds á fundi borgarstjórnar í kvöld.

Reykjavík Borgarstjórn Stjórnsýsla

 

Tengdar fréttir

Rekstrar­niður­staðan nei­kvæð um nærri þrjá milljarða

Rekstrarniðurstaða samstæðu A- og B-hluta Reykjavíkurborgar árið 2020 var neikvæð um tæpa 2,8 milljarða króna en áætlanir gerðu ráð fyrir jákvæðri niðurstöðu upp á tæpa tólf milljarða króna.

 

Það hefur greinilega farið fyrir brjóstið á meirihlutanum að áætlunarskekkjan um afkomuna skeikaði aðeins 15 milljörðum.

Það er eiginlega mikill kjarkur sem Dagur B. Eggertsson sýnir þegar hann fimbulfambar um reikninga Reykjavíkurborgar  með rólegri röddu eins og ekkert hafi í skorist.

 

Dóra Björt er ekki í vafa að þessi niðurstaða sé alfarið spillingu Sjálfstæðisflokksins að kenna. Flokkurinn sé þvílíkt kýli á samfélaginu að því verði ekki stjórnað meðan hann leikur lausum hala í þjóðfélaginu.

 

 

 

 

 

Af hverju Sjálfstæðisflokkurinn?

frekar en aðrir flokkar?

Það skiptir máli að greina stefnu flokksins og gera sér ljóst í hverju stefna flokksins er frábrugðin til dæmis landssöluflokkunum,Samfylkingunni og Viðreisn sem eiga þá hugsjón eina að gangast undir erlent vald í Brussel. Hætta að hugsa sjálfstætt og og taka bara við fyrirskipunum frá 27 öðrum stærri ríkjum en Ísland er. Taka upp gjaldmiðilinn Evru og mynda tollabandalag gegn meirihluta heimsins og takmarka þannig verslunarfrelsi Íslands

Og svo að þetta sé ekki nóg vilja þessir flokkar stofna her með þessum ríkjum og gera Íslendinga herskylda í Evrópuhernum.

Fyrirlitlegri stjórnmálastefnu get ég ekki gert mér í hugarlund sem Íslendingur sem var á Þingvöllum við lýðveldisstofnunina 17.júní 1944 og upplifði það stolt sem þar ríkti þá.

Óli Björn Kárason hefur hugsað mikið um hversvegna hann fylgir Sjálfstæðisflokknum. Hann hefur gert upp við sig að hann fylgir aldrei Viðreisn þó að sá flokkur þykist vera honum andlega skyldur. Fullveldisfyrirlitningin greinir Viðreisn frá Sjálfstæðisflokknum þannig að þar á milli verða engar brýr byggðar nema af Viðreisn sjái eignhagsmuni í slíkri kaupmennsku sem ég vona að ekki þurfi nokkru sinni að kaupa af slíkum valdabraskflokki.

Óli Björn sækist eftir 2. sæti í Suðvesturkjördæmi í prófkjöri. Dóttir mín Karen Elísabet sækist eftir 3. sæti á lista Sjálfstæðisflokksins í sama kjördæmi.Hún er sömuleiðis eins og Óli Björn alveg skýr á því hversvegna hún er Sjálfstæðismaður en ekki ESB sinni í Viðreisn eða Samfylkingarkrati.

Það þarf víst ekki lengi að hvetja mig til að taka þátt í prófkjörinu í kraganum hjá Sjálfstæðiflokknum sem fer fram í sumar.

Og af hverju ég kýs Sjálfstæðisflokkinn í haust en ekki landsöluflokka  er augljóst mál. 

Plastpoka í ruslaföturnar?

hvar fáum við þá?

Af Frjálst Land:

"Nú bannar Brussel okkur að nota maíspoka af því að í þeim er plast: "- ef annað hvort íblöndunarefnum hefur verið bætt við náttúrulegt efni eða það hefur verið meðhöndlað með efnafræðilegum hætti þá er það plast-" !

Þetta er dæmigerð efnafræði EES-tilskipana sem þýðir að pappírspokar eru líka plast í ESB/EES, við framleiðslu þeirra er náttúrulegt efni meðhöndlað með efnum (t.d. vítissóda, súlfíti, klóri). Og taupokarnir eru úr efnameðhöndluðum trefjum.  ESB þarf líklega að taka af okkur pappírspokana og tauið líka nema Brussel- skriffinnarnir fái námskeið í efnafræði.

Við getum reddað okkur, við förum bara með skúringafötuna í búðina ef hún er úr járni. "

Mbl 10.5.2021

Hver getur verið á plastpoka til að setja í heimilisruslafötuna. Síðan að hnýta fyrir og fleygja snyrtilegum böggli í sorprennuna? Næsta poka kláran í ruslafötuna.Ég er farinn að kaupa 10 í einu þar sem þeir fást.Ég læt ekki umhverfisfíflin stjórna mér hvernig ég nota plastpokana.

Hvað fékk Gunnar Smári mikið?

Páll Vilhjálms blloggkóngur skrifar:

"Sósíalistar í rekstri, tapa 48 milljónum

Efling, rekstarfélag sósíalista á vinnumarkaðnum, tapaði 48 milljónum króna á síðasta ári.

Launþegar eru skyldaðir að greiða í sjóði Eflingar. Í fyrra innheimti sósíalistafélagið yfir tvo milljarða í nauðungargjöld af vinnandi fólki.

Þrátt fyrir áskrift að tekjum tekst Eflingarsossum að skila taprekstri.

Sósíalistar í félagi með Viðreisn og Samfylkingu boða stóraukin ríkisafskipti í sjávarútvegi og fasteignamarkaði. 

Rökin eru þau að sósíalistar og vinstrimenn kunna svo vel til verka í rekstri.

Jamm."

Hvað greiddi Efling mikið til Gunnars Smára Egilssonar formanns Sósíalistaflokksins  eða tengdra aðila honum, beint eða óbeint, á þessu ári og fyrir hvað?

 

VG seinheppnir?

þegar þeir ætla að frelsa lýðinn með atvinumálunum í kosningunum komandi.

Bendir ekki allt til þess ef bólusetningarnar ganga eitthvað að það verði komin bullandi spenna í atvinnulífinu og túrismanum þá?

Og spurning hvort ekki fer að slakna á CO2 vitleysunni þá líka?

Verða VG ekki bara verulega seinheppin með kosningamálin sín eins og endranær?