AstraZeneca öruggt

þrátt fyrir lygaherferð Evrópusambandsins á hendur því.

Gunnar Rögnvaldsson skrifar:

"

Niðurstöður eru komnar úr klínískum prófunum á bóluefninu frá AstraZeneca í Bandaríkjunum. En bóluefnið er kennt við háskólann í Oxford í Stóra-Bretlandi, þar sem það var fundið upp

Í frétt Wall Street Journal í gærkvöldi kemur fram að klínískum prófunum sé nú lokið þar vestanhafs og að bóluefni AstraZeneca sé öruggt. Það er talið 80 prósent verndandi fyrir 65 ára og eldri, en sá aldurshópur í klínísku prófununum vestanhafs var mun stærri en þegar efnið var prófað austanhafs. Fær bóluefnið einkunnina 100 prósent í því að koma í veg fyrir alvarlegar sýkingar og sjúkrahúsinnlagnir hjá fólki á öllum aldri og kynþáttum

Engin vandamál með blóðtappa komu fram í prófunum. Hefur bandaríska ríkisstjórnin þegar pantað 300 milljón skammta af bóluefninu og þar af mun varnarmálaráðuneytið fá 200 milljón skammta. Um það bil 32.500 manns sem eru 18 ára og eldri tóku þátt í prófinu og var fimmtungur þeirra eldri en 65 ára

Framleiðandinn AstraZeneca segist muni halda áfram að rýna í niðurstöðurnar og ætlar að sækja um markaðsleyfi fyrir bóluefnið í Bandaríkjunum. En Donald J. Trump forseti lét Bandaríkin veita 1,2 milljarði dala til þróunar þess er hann setti Ljóshraðaáætlun sína til þróunar, framleiðslu og dreifingar bóluefna gegn kínversku Wuhanveirunni á laggirnar í mars 2020. Hátt í 20 milljarðar dala voru settir í áætlunina og hóf hinn fámenni en velmannaði vinnuhópur sem að áætluninni stóð, þegar greiðslur úr þeim poka af peningum í mars 2020. Þremur vikum síðar tók hinn litli vinnuhópur Borisar Johnsons til starfa við sama verk, austan Atlantsála í Bretlandi

En þá var hið helsjúka Evrópusamband, sem lífshættulegt er heilsu manna, ekki einu sinni vaknað í málinu og drattaðist það síðan síðast allra í veröldinni af stað í þessum málum. Varla hefur eins viðurstyggilegt og lífshættulegt fyrirbæri og Evrópusambandið skriðið um á evrópskri jörð á friðartímum, síðan að Adolf Hitler kanslari Þýskalands undirbjó sig þar síðast. Evrukreppan sem hófst 2008 var 10 ára hryllingur þjóðpyntinga og varir enn; Flóttamannamisfóstrið 2014 er enn að rústa Evrópu; Og núna síðast er það massadauði íbúanna vegna misþyrminga Evrópusambandsins á sjúkdómavörnum í löndum sambandsins. Tugir og aftur tugir þúsunda manna munu láta lífið af völdum Evrópusambandsins á þessu ári

Fáir nema vesælir og veiklunda menn og vitsmunaskertir einfeldningar leggja lag sitt við Evrópusambandið"

Sagt er að Frakkar hafi beitt áhrifum sínum í að tefja fyrir bólusetningum vegna þess að frönsk lyfjafyrirtæki voru langt á eftir í rannsóknum. 

Evrópusambandið er kaldrifjað þröngsýnt kúgunartæki sem vinnur á móti viðskiptafrelsi í heiminum. EVRAN er gjaldmiðill sem hentar ekki mismunandi efnhagskerfum og getur aldrei mælt allra hag í einu vegna þess.

Íslensk fífl vilja fórna okkar fullveldi á því altari eins og best sést í hegðun ESB í bóluefnaviðskiptum og lygina gagnvart AstraZeneca. 

Heimskulegasta efnahagsgreinin!

um hagfræði er eftir formann og varaformann Viðreisnar í Fréttablaðinu í dag og er þó grein eftir Óla Bieltvedt þar líka.

Greinin er svofelld:

"Nýju fötin keisarans í ævintýri H. C. Andersen af hjúpuðu hégóma og sjálfsblekkingu.

Nýju höftin Sjálfstæðisflokksins í frumvarpi, sem fjármálaráðherra hefur lagt fram á Alþingi, afhjúpa líka hégóma og sjálfsblekkingu um krónuna. Frumvarp fjármálaráðherra felur í sér að auk þjóðhagsvarúðartækja fái Seðlabankinn og fjármálaráðherra vald til þess að skella á jafn umfangsmiklum fjármagnshöftum og giltu eftir hrun krónunnar og fall bankanna 2008. Valdframsalið gerir ekki einu sinni ráð fyrir neinni pólitískri umræðu um svo viðamiklar og afdrifaríkar ákvarðanir. Um þær á einfaldlega að véla í lokuðum herbergjum.

Varanlegt vantraust á gjaldmiðlinum

Sennilega er þetta í fyrsta skipti sem stjórnmálaflokkur hefur kosningabaráttu með svona afgerandi uppgjafaryfirlýsingu. Fastheldni við krónuna og andstaða við hvers kyns alþjóðlegt samstarf í gjaldmiðilsmálum hefur verið hornsteinn í efnahagsstefnu Sjálfstæðisflokksins síðustu ár. Nú koma hins vegar talsmenn hans og segja að krónan gangi ekki upp nema Seðlabankinn og fjármálaráðherra fái varanlega víðtækustu haftaheimildir sem þekkjast á Vesturlöndum. Þessi aðgerð felur ekki í sér tímabundnar aðgerðir eins og eftir hrun. Það er verið að framselja Seðlabankanum og fjármálaráðherra varanleg og viðvarandi haftavöld í gjaldeyrismálum. Ástæðan er sem sagt ekki stundarerfiðleikar heldur varanlegt vantraust á gjaldmiðlinum.

Aðrar leiðir eru færar

Það vill svo til að Viðreisn er sammála þessu nýja mati Sjálfstæðisflokksins á krónunni. Svo lengi sem við höldum krónunni eru gjaldeyrishaftaáform fjármálaráðherra óhjákvæmileg. Ástæðan fyrir þeim grundvallarágreiningi, sem ríkir milli Viðreisnar og Sjálfstæðisflokksins, liggur í hinu að við þurfum ekki að þrengja að samkeppnisstöðu landsins með þessum hætti. Okkur eru aðrar leiðir færar. Því hafnar Sjálfstæðisflokkurinn. Það eru sérstök skilaboð til ferðaþjónustunnar og þekkingariðnaðarins að hóta nú gjaldeyrishöftum þegar mest á ríður að auðvelda þessum greinum að hlaupa hraðar. Meðal annars með því að laða að erlenda fjárfestingu.

Alþjóðlegt samstarf óhjákvæmilegt

Við höfum sýnt fram á að það myndi þjóna best samkeppnisstöðu landsins að taka upp evru með aðild að evrópska myntbandalaginu og Evrópusambandinu. Kreppan kallar hins vegar á skjótvirkari lausnir. Guðmundur Magnússon fyrrverandi háskólarektor og Stefán Már Stefánsson fyrrverandi lagaprófessor hafa í greinum sýnt fram á að Íslandi á að standa opin leið að semja við Evrópusambandið um samstarf til þess að tryggja stöðugleika á innri markaðnum, sem við eigum aðild að. Við höfum lagt til að þessi leið verði farin. Í ljós hefur komið að kreppan er ekki eins mikil og menn héldu í fyrstu. Það er engin gjaldeyriskreppa eins og 2008. Bankarnir blómstra. Sóknarfærin bíða. Samt þarf að lögfesta haftaheimildir.

Eigum ekki að hlaupa í öfuga átt

Ástæðurnar fyrir því blasa við: Við erum eina þjóðin á Vesturlöndum þar sem veirufaraldurinn hefur leitt til aukinnar verðbólgu. Hér hefur verðbólguþakið verið sprengt og atvinnuleysi aldrei verið meira. Þrátt fyrir sérsniðna krónu. Ríkisstjórnin fær ekki innlend lán á viðráðanlegum kjörum eins og hún stefndi að í fyrra. Þess í stað eru tekin erlend lán með mikilli gengisáhættu, sem skattborgararnir ábyrgjast. Seðlabankinn hefur ekki getað staðið við fyrirheit sín um innlenda lánsfjáröflun fyrir ríkissjóð og lýsir nú áhyggjum yfir því að útgjaldaáform ríkisstjórnarinnar séu of mikil. Og menn óttast vaxtahækkun. Samtök atvinnulífsins segja að fjármála- og efnahagsáætlun ríkisstjórnarinnar sýni að væntanlegur hagvöxtur verði of lítill til að standa undir lánum ríkissjóðs og því þurfi að skera niður eða hækka skatta. Þegar málum er þannig komið sér Sjálfstæðisflokkurinn það eitt til ráða að fá Alþingi til að framselja seðlabankastjóra og fjármálaráðherra ótakmarkað vald til þess að beita gjaldeyrishöftum. Þetta heitir ekki að hlaupa hraðar. Þetta er að hlaupa í öfuga átt.

Lífeyrisþegar í mestri hættu

Skaðsemi gjaldeyrishafta er margvísleg. Heimildirnar einar hræða erlenda fjárfesta. Beiting þeirra veikir samkeppnishæfni Íslands. Hún leiðir óhjákvæmilega til mismununar. Afleiðingin er spilling. Þeir sem telja sig hagnast á henni gleðjast hins vegar. Ein mesta hættan felst þó í því að Seðlabankinn og fjármálaráðherra muni nota haftaheimildirnar til þess að loka lífeyrissjóðina af í hagkerfi sem þeir eru löngu vaxnir upp úr. Á sama tíma er Seðlabankinn að þrýsta á fjármálaráðherra að afnema ávöxtunarkröfu lífeyrissjóðanna, sem er eina haldreipi sjóðfélaganna. Þróist mál á þennan veg verða lífeyrissjóðirnir að lána ríkissjóði á vöxtum sem verða til muna lægri en hagvöxturinn. Þar með geta þeir ekki tryggt sjóðfélögunum óskertan lífeyri í framtíðinni. Þetta þýðir að í stað almennra skattahækkana eða niðurskurðar eins og Samtök atvinnulífsins spá verða lífeyrisþegar látnir bera baggana.

Raunsæi í stað sjálfsblekkingar

Hér þarf öfluga viðspyrnu. Nýja hugsun. Við þurfum strax að leita eftir alþjóðlegu samstarfi til að tryggja stöðugleika gjaldmiðilsins. Sjálfsblekkingin má ekki ráða för. Við þurfum raunsæi til þess að auðvelda ferðaþjónustu og þekkingariðnaði að hlaupa hraðar en ekki síður verja hagsmuni lífeyrisþega."

Þessir spekingar segja ekki neitt um það hvernig þeir ætla að framkvæma peningaskiptin.Á hvaða gengi verði skipt? Hvaða kauptaxtar verða í gildi eftir evruupptökuna?

Þetta fólk bullar óaábyrgt um eitthvað sem það getur ekki útskýrt á neinn hátt á raunhæfan hátt.

Það er gjaldeyrisfrelsi á Íslandi í dag. Þetta fólk má nota evru fyrir öll sín viðskipti innanlands. Engin hindrar það í því. Til hvers er það með svona bulluskrif?

Ef einhverjir ætla að kjósa þetta fólk út á þetta efnahagslega bull þá þarf það a hugsa dæmið lengra en þessa heimskulegustu efnahagsgrein allra tíma.

Astra Zeneca

lygaþvælan úr ESB er afsönnuð.

Jón Magnússon lögmaður ritar svo:

"

Niðurstöður eru komnar úr klínískum prófunum á bóluefninu frá Astra Zeneca í Bandaríkjunum. En bóluefnið er kennt við háskólann í Oxford í Stóra-Bretlandi, þar sem það var fundið upp

Í frétt Wall Street Journal í gærkvöldi kemur fram að klínískum prófunum sé nú lokið þar vestanhafs og að bóluefni AstraZeneca sé öruggt. Það er talið 80 prósent verndandi fyrir 65 ára og eldri, en sá aldurshópur í klínísku prófununum vestanhafs var mun stærri en þegar efnið var prófað austanhafs. Fær bóluefnið einkunnina 100 prósent í því að koma í veg fyrir alvarlegar sýkingar og sjúkrahúsinnlagnir hjá fólki á öllum aldri og kynþáttum

Engin vandamál með blóðtappa komu fram í prófunum. Hefur bandaríska ríkisstjórnin þegar pantað 300 milljón skammta af bóluefninu og þar af mun varnarmálaráðuneytið fá 200 milljón skammta. Um það bil 32.500 manns sem eru 18 ára og eldri tóku þátt í prófinu og var fimmtungur þeirra eldri en 65 ára

Framleiðandinn AstraZeneca segist muni halda áfram að rýna í niðurstöðurnar og ætlar að sækja um markaðsleyfi fyrir bóluefnið í Bandaríkjunum. En Donald J. Trump forseti lét Bandaríkin veita 1,2 milljarði dala til þróunar þess er hann setti Ljóshraðaáætlun sína til þróunar, framleiðslu og dreifingar bóluefna gegn kínversku Wuhanveirunni á laggirnar í mars 2020. Hátt í 20 milljarðar dala voru settir í áætlunina og hóf hinn fámenni en velmannaði vinnuhópur sem að áætluninni stóð, þegar greiðslur úr þeim poka af peningum í mars 2020. Þremur vikum síðar tók hinn litli vinnuhópur Borisar Johnsons til starfa við sama verk, austan Atlantsála í Bretlandi

En þá var hið helsjúka Evrópusamband, sem lífshættulegt er heilsu manna, ekki einu sinni vaknað í málinu og drattaðist það síðan síðast allra í veröldinni af stað í þessum málum. Varla hefur eins viðurstyggilegt og lífshættulegt fyrirbæri og Evrópusambandið skriðið um á evrópskri jörð á friðartímum, síðan að Adolf Hitler kanslari Þýskalands undirbjó sig þar síðast. Evrukreppan sem hófst 2008 var 10 ára hryllingur þjóðpyntinga og varir enn; Flóttamannamisfóstrið 2014 er enn að rústa Evrópu; Og núna síðast er það massadauði íbúanna vegna misþyrminga Evrópusambandsins á sjúkdómavörnum í löndum sambandsins. Tugir og aftur tugir þúsunda manna munu láta lífið af völdum Evrópusambandsins á þessu ári

Fáir nema vesælir og veiklunda menn og vitsmunaskertir einfeldningar leggja lag sitt við Evrópusambandið."

Hvað kostar þetta samsæri Frakka og Þjóðverja  mörg mannslíf? Ekki bara þarlendis heldur hérlendis? 

Hér  liggja bólusetningar niðri af ástæðulausu. Af lygaþvælunni um Astra Zeneca.

 

 

 

Erum við að tapa

baráttunni við COVID19?

Smit innanlands stóraukast. Bólusetning virðist lítið ganga vegna skorts á bóluefnum.Aðeins 5 % hafa verið bólusett á fyrsta ársfjórðungi.

Borið saman við Bretland og Ísrael virðist þetta harla vesældarlegt og að 

Íslendingar verða ekki bólusettir fyrr en eftir langan tíma. Það gagnar þeim sem þá verður á lífi sagði séra Jens á Setbergi þegar ekkert neftóbak  hafði borist lengi.

Hvað er eiginlega að hjá okkar yfirvöldum? Geta þau ekkert án leyfis frá ESB?

Erum við að tapa þessu?

Hvað eigum við að borga?

fyrir eldfjöllin og kolefnisjöfnunina?

Jónas Elíasson skrifaði:

"Holuhraunsgosið sendi um 40.000 tonn af brennisteinsgasi frá sér á dag samkvæm flugmælingum Gylfa Árnasonar. Kolsýran hefur væntanlega verið í margfalt meira magni en það.

Til að áætla árlegt heildarútstreymi kolsýru frá Kötlu þarf að áætla hitaútstreymi frá eldstöðinni fyrst og fremst. Staðbundnar mælingar eru góðar til viðmiðunar en segja ekki mikið."

Tölur frá Magnúsi Tuma hafa slegið í 20 þús. tonn af CO2  á dag upp úr Kötlugíg í hvíld? Hvað með hin eldfjöllin?

Og nú blæs talsvert út í Fagradal. Á álverið í Straumsvík að borga?

Ætlar Kata að jafna þetta með skattfé? 

Mannkynið og lífið gengur á CO2 og jarðefnaeldsneyti ennþá. 

Hvað eigum við að borga fyrir bullið í sértrúnni í Grétu og AlGore og okkur sjálfum?

 

Síbyljan um orkuskiptin

er bæði vitlaus og leiðinleg.

Það eina sem hefur haldið mannkyninu frá hungursneyð eru jarðefnaeldsneytin kol og olía og svo kannski kjarnorkan til viðbótar.

Allt þetta batteríatal um að það minnki kolefnisfótsporið er meira og minna bull þar sem framleiðslan er flókin og mengandi.

Það eina raunhæfa væri að geta breytt útblæstrinum í eitthvað arðgæfara en að sleppa honum í andrúmsloftið. Það er orkan í iðrum jarðar sem mannkynið gengur á.Taktu þá orku í burt og mannkynið sveltur í hel sama hvað umhverfisbullið segir.

Síbyljan er bæði vitlaus og leiðinleg og leiðir ekki til neins nema stundargróða fyrir þá klóku.

Áhyggjur af ástandi Bidens

andlega er ég farinn að hafa vaxandi. 

Það er ferlegt ef maðurinn er orðinn svo tæpur að hann er hættur að hafa stjórn á orðum sínum. Er ekki erfitt að kalla Putin morðingja upphátt og flokka slíkt undir diplómatíu? 

Er ekki ástæða til að hafa áhyggjur af heimsfriðnum ef maðurinn hefur ekki stjórn á tungu sinni?

Þó Trump væri nú svona og svona þá var hann nú ekki svona.

Getur maður ekki haft áhyggjur af því hvar þetta getur endað með slíku ástandi Bidens sem getur líka versnað?

Skattar og Óli Björn

áf öðrum ólöstuðum finnst mér vera hann ÓLi Björn Kárason einn af þeim gamaldags hugmyndafræðilegum Sjálfstæðismönnum sem eftir eru. Mér finnst hann beintengdur við gömlu Sjálfstæðisstefnuna frá 1929 sem vildi vinna í "innanlandsmálum að víðsýnni og þjóðlegri umbótastefnu á grundvelli einstaklingsfrelsis og athafnafrelsis með hagsmuni allra stétta fyrir augum."

Hann hugsar um skatta með það fyrir augum að bæta haga sem flestra. Ekki hugnast líklega öllum að afnema þrepaskiptingar í tekjuskatti þannig að allir greiði flata prósentu þar sem flestir vilja að náunginn borgi meira en hann sjálfur. En það er smekksatriði hvað er sanngjarnast fyrir flesta.

En grunnhugmyndir Óla Björns um neikvæða tekjuskatta, sem minna á hugmyndir um borgaralaun, eru samt allrar athygli verðar.

Niðurlag greina Óla Björns í Morgunblaði dagsins er svona:

"..Flatur og einfaldur skattur

Ég hef sem sagt aldrei verið hrifinn af þrepaskiptu skattkerfi en barist fyrir flötum tekjuskatti. Í janúar 2018 setti ég fram tillögu, hér á síðum Morgunblaðsins, um flatan tekjuskatt – eina skattprósentu óháð tekjum – en um leið taka upp nýjan persónuafslátt sem lækki eftir því sem tekjur hækka. Í slíku kerfi er réttlætanlegt að ónýttur persónuafsláttur sé greiddur út – þ.e. tekjuskattur þeirra sem lakast standa verður neikvæður.

Meðfylgjandi skýringarmynd sýnir með einföldum hætti hvernig skattbyrðin verður misþung eftir tekjum. Launamaður með laun undir skattleysismörkum greiðir ekkert og fær hugsanlega greiddan út ónýttan persónuafslátt séu tekjur undir ákveðnu viðmiði. Raunskattprósentan (skattbyrðin í hlutfalli af launum) verður því hærri sem tekjur eru hærri enda lækkar persónuafslátturinn með hækkandi tekjum. Þegar þeim launum er náð, þar sem persónuafslátturinn er núll, verður skattprósentan flöt – sú sama.

Ég hef ekki talið skynsamlegt að leggja til ákveðna tölu um flata skattprósentu eða skattleysismörk (persónuafslátt). Það er hins vegar augljóst að kerfisbreytingin krefst þess að skattleysismörkin verði hækkuð verulega. Skattprósentan verður töluvert lægri en hæsta þrep gildandi tekjuskatts.

Stígandinn í skattbyrðinni er pólitísk ákvörðun (og einnig efnahagsleg) á hverjum tíma.

Hér skal það fullyrt að uppstokkun af þessu tagi styrkir stöðu langflestra launamanna, fyrst og síðast þeirra sem eru með lægstu launin og meðaltekjur.

Innbyggðar refsingar og letjandi hvatar eru sniðnir að mestu af. Að minnsta kosti verður sleggjan sem ber launafólk í hausinn þegar því tekst að bæta kjörin, fjarlægð og eyðilögð. Í aðdraganda kosninga er það a.m.k. einnar messu virði fyrir launafólk að krefja þá, sem leita eftir stuðningi til að setjast á Alþingi, svara við því hvort þeir eru tilbúnir til að taka þátt í aÍ aðdraganda kosninga er það a.m.k. einnar messu virði fyrir launafólk að krefja þá, sem leita eftir stuðningi til að setjast á Alþingi, svara við því hvort þeir eru tilbúnir til að taka þátt í að eyðileggja sleggjuna."

Eftir Óla Björn Kárason » Í slíku kerfi er réttlætanlegt að ónýttur persónuafsláttur sé greiddur út – þ.e. tekjuskattur þeirra sem lakast standa verður neikvæður. Óli Björn Kárason Höfundur er alþingismaður Sjálfstæðisflokksins.

Ég hallast að því að þessar tillögur Óla Björns séu til þess fallnar að skapa meiri sátt um dreifingu byrðanna meðal almennra skattgreiðenda. Stórtekjuskattar eru erfiðari að ná sátt um en það þarf að ræða slíkt með opnum huga.

Ég ber meiri væntingar til slíks hugsjónamanns sem er Óli Björn heldur en frambjóðenda Pírata sem ætla á Alþingi út 66 atkvæði eins og Þórhildur Sunna eða Björn Leví með 89 atkvæði. Merkilegt er að engir kjósendur þessa flokks skuli spyrja sig hvað liggi eftir þennan flokk sem einhver spor markar í þjóðlífið, hvort sem er í skattamálum eða öðrum en einskisnýtum upphlaupsmálum.

Ef menn kjósa ekki Sjálfstæðisflokkinn í haust þá skiptir litlu máli hvað þeir kjósa annað því það leiðir bara til áhrifaleysis og þokar Íslandi nær því að ganga í Evrópusambandið og afsal fullveldisins.

 

Drengir útundan

í skólakerfinu segir Helga Vala á Alþingi. Heimtar rannsókn á orsökunum.

Í mínum huga er þetta ekkert merkilegt. Drengir þrífst öðruvísi hjá kvenkennurum en karlkennurum og stúlkurnar áreiðanlega einnig í hina áttina.

Maður komst í svo í Gaggó Aust eftir austurbæjarskóla þar sem flestir kennarar voru líka karlkyns.Ég man ekkert mikið eftir verunni þar nema þar voru dansæfingar og maður fór að bjóða upp og svo þegar á leið í 2.og 3.bekk. Jú það var félagsvist og grímuball man ég þar sem Björgvin pabbi Eddu var aðalnúmerið.

Þarna voru alvöru karlkyns kennarar eins og Guðmundur Þorláksson, Gunngeir Pétursson sem allir elskuðu, Árni Guðnason magister, stóri Rauður (Þórður?) og litli Rauður(Andrés) Gráni(Sveinbjörn Sigurðsson pabbi Guðrúnar skólasystur minnar,áðurnefndur Björgvin,  Ástráður Sigursteindórsson, Helgi Þorláksson,Vignir Andrésson. Ég held bara að enginn kennari minn hafi verið kvenkyns alla veruna í Gaggó. 

En Guðrún P. Helgadóttir var illræmd fyrir strangleika sinn en hún kenndi mér aldrei og heldur ekki Helga stóra, síðar í Auðsholti í Bláskógabyggð.

Nú hefur þetta snúist svo við að drengir þrífast ekki hjá tómum kvenkennurum. Þetta skil ég vel því þetta voru svo virðulegir karlar allir saman að virðingin smitaði út í nemendurna. Það hefur því orðið þessi breyting á velsæld drengja í skólanum sem var öðruvísi í þessa daga, 

Nú eru kvenkennarar í yfirgnæfandi meirihluta í öllum skólum. Það er beinlínis rökrétt afleiðing að þetta vandamál sé uppi.

Eina leiðin er að breyta þessu og fjölga karlkennurum.En það er líklega hægar sagt en gert þar sem karlar sækja ekki lengur í kennslu líklega vegna launakjara.

Ég held að einhver vísindarannsókn Helgu Völu muni engu breyta um þetta þar sem mér finnst að vandamálið blasi við.Það verður að jafna kynin í kennslunni.Þá lagast þetta af sjálfu sér.

 

Chile bólusetur

Chile, COVID-19 Bóluefni Gefið Fjórðungi Alls Íbúa: Meira En 4 Milljónir Manna Fóru Yfir Kvóta

 

Meira en 4 milljónir manna í Chile hafa fengið COVID-19 bóluefnið samanborið við samtals íbúa innan við 19 milljónir

Chile: meira en 4 milljónir manna hafa fengið COVID-19 bóluefnið: Enrique Paris á blaðamannafundi

Heilbrigðisráðherra Chile, Enrique Paris, tilkynnti fréttirnar, ekki án ánægju: „Ég vil draga fram þá forréttindalegu og mikilvægu stöðu sem Síle hefur náð á þessu stigi í meðalskammtum á hverja 100 íbúa, þar sem eftir Ísrael er landið okkar í röð 0.74 meðaldagsskammtar síðustu 7 daga, á hverja 100 þúsund íbúa.

Þetta endurspeglar starf aðalþjónustu og embættismanna sjúkrahúsa, borgarstjóra og íbúa Chile sem eru áhugasamir um að láta bólusetja sig, “sagði París ráðherra á blaðamannafundi.

Utanríkisráðherra benti fyrir sitt leyti á að 2,608,017 manns 60 ára og eldri hefðu tekið þátt í fjöldabólusetningarátakinu.

Í þessu sambandi lagði hann áherslu á að „þessi tala er mikilvæg vegna þess að frá upphafi höfum við verið staðráðin í að bólusetja aldraða, það eru þeir sem eru flestir á sjúkrahúsi og hafa mesta banvæn á gjörgæsludeildum“.

Covid-19 var einnig frábært próf fyrir forystu Rómönsku Ameríku og eflaust brugðust margar þjóðir betur og betur við en allar þjóðir Evrópu og Norður-Ameríku. "

Á Ísalanii gengur erkkert. Alger aumingjaskapur okkar stjórnvalda.

Af hverju erum við svona miklir ræflar þegar Chile getur bólusett í þessum mæli?

 

Heilsuverndarstöðin

í Reykjavík var til umfjöllunar í þætti Sigurðar H. Kolbeinssonar á Hringbraut þar sem Pétur H. Ármannsson  arkitekt fjallaði um bygginguna og sögu hennar.

Ég heimsótti ömmu mína Sigríði Jónsdóttur Ólafssonar Bjarnason títt á þessa stofnun en hún lá þar rúmföst árum saman ásamt annarri hetju henni Björgu sem lá þar lömuð með henni. Ég var ekki mikið að spá í arkitektúrinn á þeim árum eða annað sem við kom húsinu. En í þessum þætti opnuðust augu mín fyrir því hversu þetta hús er einstakt og eiginlega hrein snilld hvar sem á það er litið. Það er aðdáunarvert hversu vel og fullkomleg er gengið frá öllu, einkanlega  innanstokks. Hvergi neitt hálfkaraðp heldur öllu lokið frábærlega fallega.  Mér fannst ég vera að horfa á listaverk í þessum þætti.

Mér finnst að þessi bygging þurfi að varðveitast svo einstök sem hún er. Það var viss lenska meðal ungra arkitekta í þá daga að tala niðrandi um stílinn á húsinu  sem er sérstakur. En ég held að þær raddir séu hljóðnaðar þegar menn skoða heildamyndina. Vonandi verða málsmetandi menn til þess að leggja lóð af mörkum til að svo megi verða svo að fólk geti notið um ókomna tíð og lofa húsameistarann Einar Sveinsson.

Kæru félagar

er Loga Má tamast á tungunni þegar hann ræðst til atlögu við fullveldi íslensku þjóðarinnar og krónuna. Allt skal víkja fyrir draumsýninni um að ganga í Evrópusambandið, taka upp Evru  og leggja niður fullveldið.

Hin pólitíska sýn er í sýnishorni svona:

"Fjármálaráðherra hefur áhyggjur af verðbólgu. Og einna helst áhrif launahækkana á verðbólguna –. Hann ræðir minna um einn stærsta áhrifavaldinn á verðbólguna þessa dagana; krónuna.

Lönd með örmynt geta ekki leyft sér að auka peningamagn í umferð án þess að nýta þá peninga mjög skynsamlega.

Það er ótrúlegt að hlusta á fjármálaráðherra horfa algjörlega fram hjá stærsta áhrifavaldi verðbólgunnar í dag, veikingu krónunnar, en með velþóknun á mörg hundruð milljarða af nýju fjármagni sem fer í örvun fjármálamarkaða, en ekki til hagvaxtarhvetjandi verkefna; innviða, ráðninga á fólki. Það er svona samspil, léleg nýting á fjármagni og of margar krónur í umferð, sem veikja krónuna. Og auka ójöfnuð í landinu.

Þetta er ríkisstjórn sem er sátt við eignabólu og sátt við örmynt. Báðir þættir eru í þágu þeirra fáu, þeirra eignamestu. Ekki í þágu þjóðarinnar.

Að sama skapi hefðu stjórnvöld sem skilja eðli ábyrgrar hagstjórnar sett miklu meira púður í opinberar fjárfestingar til að mæta slakanum í hagkerfinu – staðreyndin er að opinber fjárfesting dróst saman um 9,3 prósent í fyrra, í sögulegri keppu.

Forystufólk ríkisstjórnarinnar hefur þagað þunnu hljóði yfir þessum samdrætti eða afsakað sig með því að það taki sinn tíma að koma framkvæmdum af stað – eins og það hafi ekki legið fyrir að flóknar framkvæmdir taka tíma.

Ríkisstjórninni hefði betur hlustað á tillögur Samfylkingarinnar um nánara samstarf við sveitarfélög - sem geta farið af stað með samfélagslega mikilvægar framkvæmdar, strax í dag – en skortir fjármagn.

Á tímum þar sem svigrúm til aðgerða er takmarkað, í landi með brothættan gjaldmiðil og mikla verðbólgusögu felst hin raunverulega ábyrga hagstjórn í því að beina peningunum þangað sem þeirra er þörf.

Að skapa störf, verja velferð fólks, framleiðslugetu fyrirtækja og lyfta undir með sveitarfélögum. Aðeins þannig getum við tryggt öfluga viðspyrnu, sótt fram, varið jöfnuð og komist stolt út úr þessu ástandi - öll saman.

Kæru félagar:!"

Mótsagnirnar eru gríðarlegar. Það skortir prentun á örmyntinni til að skapa störf. Það er of mikil verðbólga á sama tíma. 

Efnahagslegt bull er þvílíkt að mann sundlar við ef þessi sjónarmið eiga að komast til áhrifa í haust. Og væntanlega eiga að styðja við þrautreynt Pírataliðið sem er búið að stilla sjálfu sér upp sem lýðræðisvalkost.Gud bevare os!

Páll Vilhjálmsson bloggkóngur hefur þetta að segja um ræðu Loga:

"

Logi formaður Samfylkingar segir Ísland vont land. Hér er ,,kerfisbundið misrétti", þeir ríku haldi landinu í heljargreipum misréttar og alþýða manna lepji dauðann úr skel.

Skotmark Loga er krónan og fullveldið. Hvorutveggja verði að farga til að hægt sé að innleiða sæluríkið ESB-Ísland. Í því skyni eru komin ný þingmannsefni í Reykjavík og Kraganum sem sérhæfa sig að hallmæla samfélaginu sem fóstraði þau.

Tilboð Loga og Samfylkingar til kjósenda er að sjá ömurleika í hverju landshorni og fyllast vanmetakennd yfir öllu sem íslenskt er. Logi veit af flokksreynslu að þegar hópur fólks fyllist sjálfsfyrirlitningu og ístöðuleysi er búið í haginn fyrir hreinsanir. Markmið formannsins er að ná völdum í haust yfir þjóð á vonarvöl sem örvæntir um framtíðina. Eilíf sæla sem hjálenda Evrópusambandsins er kosningaloforð Samfylkingar-Loga. 

Við hin sem munum vel samfélagstilraunir vinstristjórnarinnar kjörtímabilið 2009-2013 vitum fyrir víst sannindin í eftirfarandi slagorði: Betra Ísland án Samfylkingar."

Þeir sem eki trúa þessum útleggingum er bent á að lesa bulliðí heild sinni ef þeir treysta sér til:

•  Ræða Loga Ein­ars­son­ar
•  

 

Það er ástæða til að hafa áhyggjur af framtíð lands og þjóðar ef kosningarnar fara eitthvað í línu við ótrúlegustu skoðanakannanirnar um uppgang stjórnarandstöðuflokkanna en tap Sjálfstæðisflokksins.

Þá er ný lífskjaradýfa framundan sem mun taka tíma að vinda ofan af kæru félagar.