Riðuketið einskis vert í hungursneyð?

Fréttir berast af börnum í svelti í Ymen?

Er vel soðið rituket verra en að börnin í Ymen deyi úr hungri?

Er ekki auðveldara að sjóða það og senda þangað en að urða eða brenna þusundir kinda?

Heimurinn sveltur.

Er ekki allt hey í harðindum? Er riðuketið einskis vert í hungursneyð?

Þorgerður Katrín

er hreinskilin í skoðunum sínum svo sem til fyrirmyndar er. Hún er hreinskilin í skoðunum sínum og er ekki að blekkja neinn. Berum þetta saman við litla og ljóta smáflokkinn Pírata sem enginn veit hvaða stefnu hefur. Og eignilega gildir sama um flokk fólksins þar sem enginn veit hvaða stefnu hefur nema heimta gjafafé til fátæklinga, hversu margir sem þeir kunna að vera..

 

Hún segir m.a.: 

 

"... Ég get til dæmis leyft mér að fagna því innilega að Dýrafjarðargöngin hafi verið opnuð; mikilvæg innviðaframkvæmd sem mun umbylta samskiptum Vestfirðinga, styrkja ferðaþjónustu og á sama tíma kallað eftir því að Borgarlínan verði kláruð.

Að ég vilji blómlega landsbyggð og öfluga höfuðborg.

Ábyrga efnahagsstjórn og á sama tíma kalla eftir sterku velferðarkerfi.

Að ég vilji öflugan landbúnað sem og sjávarútveg og að þeir grundvallaratvinnuvegir verði uppfærðir í átt að auknu gegnsæi, réttlæti, frjálslyndi.

Að ég vilji nýja stjórnarskrá og að hún sé á grunni þeirrar gömlu.

Að ég vilji inngöngu í Evrópusambandið og öfluga hagsmunagæslu fyrir land mitt og þjóð.

Að ég vilji sterkt opinbert kerfi og öflugt einkaframtak.

Að ég vilji að öryrkjar og eldri borgarar njóti sómasamlegrar framfærslu og að við stöndum okkur vel í því að taka á móti flóttamönnum og fólki af erlendum uppruna, sem hingað vill koma og vinna.

Eitt þarf ekki að útiloka annað líkt og margir rótgrónir flokkar virðast stóla á.

Við stöndum frammi fyrir tækifæri til að byggja upp samfélag á gömlum og nýjum gildum. Fara skapandi leiðir, ótroðnar slóðir og bera virðingu fyrir því sem á undan er gengið.

Að við þorum að hugsa öðruvísi og breyta umræðuhefðinni. Þar sem umhyggjan er af lið sem knýr okkur áfram.

Að við náum að hífa okkur upp úr skotgröfunum og áttum okkur á því að samvinna og samheldni kemur okkur lengra.

Því saman gerum við samfélagið betra."

Viðreisn er grímulaus sísíalistaflokkur sem vill öflugt ríkisvald.Hún vill aukin fjölda hælisleitenda.Hún vill borgarlínu, Hún vill hærri skatta , aukna samneyslu og aukið opinbert kerfi.

Getur Logi Már og Samfylkingin bara ekki notað copy-paste á þetta?

Ég á ekkert sameiginlegt með neinu sem hún boðar í stjórnmálum.

Ég á algerlega ekkert samkomulegt með sósíalistaflokknum Viðreisn  sem grundvallast líka á inngöngu í Evrópusambandið.

Takk fyrir hreinar línur Þorgerður Katrín. 

Haf og himinn er á milli okkar Þorgerðar Katrínar í fullveldismálum Íslands.

Þörf grein

kollega Sigurðar Oddssonar í Morgunblaðinu í dag.

Hann segir:

"Ráðherrar sem vilja fara að lögum í málefnum hælisleitenda eru ásakaðir um tilfinningarleysi og mannvonsku af lögfræðingum Rauða krossins. Tilgangurinn er að tefja framgang mála með því að móta skoðanir almennings og hvetja til mótmæla. Mótmæla því að hælisleitendum, sem skv. lögum eru ekki hælisleitendur, sé vísað úr landi.

Það er ekki hægt annað en finna til með ráðherrum sem verða fyrir árásum Rauða krossins eftir að Útlendingastofnun hefur komist að niðurstöðu um brottvísun. Ráðherrarnir hafa sjálfir komið sér í þessa stöðu með eftirgjöfum sem kalla á fleiri hælisumsóknir og saga brottvísana endurtekur sig.

Alþingi ber ábyrgð á ástandinu með aðgerðaleysinu. Lausn þessa vandamáls ætti að hafa forgang á brennivín í matvörubúðir og breytingu á nafnalögum. Af ótta við að verða kallaðir rasistar þora fáir að koma ráðherrunum til varnar. Alþingi virðist ekki sjá að með 400-500 miljarða fjárlagahalla og 10-15% atvinnuleysi er ekkert vit í að halda landamærum opnum á grundvelli Schengensamkomulagsins.

Niðurstaðan er að inn streymir fólk sem hefur keypt farseðil aðra leiðina og biður um hæli. Margir sem koma hafa fengið hæli í öðrum löndum og eiga engan rétt á hæli hér. Íslendingur, sem kom frá Sviss í sumar með millilendingu, sagði engan hafa fengið að fara frá borði í Kaupmannahöfn án þess að sýna gilt vegabréf.

Við ættum að fara eins að. Gera flugfélögum skylt að flytja frá landinu á eigin kostnað þá sem við tökum ekki við. Í viðbót við skilyrði um gilt vegabréf ætti að sýna farseðil frá landinu og að farþegi eigi fyrir framfærslu þar til hann fer. Flugvélar fengju ekki heimild til flugtaks fyrr en þetta hefði verið skoðað. Áhrifin kæmu strax fram í því að færri kæmu sem ekki ættu erindi til Íslands og Útlendingaeftirlitið fengi frið til að ljúka þeim málum sem eru í vinnslu.

Allir þessir fólksflutningar byggjast á skipulagðri glæpastarfsemi. Líklega er ódýrast að komast í ofhlöðnum bátum til Grikklands og Ítalíu. Miðað við þau lönd er Ísland, líkt og Saga Class, mikið dýrara og jafnvel innifalið í verði tenging við lögfræðinga Rauða krossins þegar hingað er komið.

Það er dýrt að koma með fjölskylduna í flugi. Þeir sem þannig koma eru í allt annarri stöðu en bátafólkið og nauðsynlegt að kanna bakgrunn þeirra ofan í kjölinn. Hvaðan komu þeir og hvers vegna til Íslands?

Það fyrsta sem ég man eftir Rauða krossinum er frá öskudeginum þegar safnað var í bauk með rauðum krossi. Síðan fylgdist maður með Rauða krossinum senda lækna og hjálp þangað sem voru náttúruhamfarir eða stríðsátök. Nú er Rauði krossinn með tugi lögfræðinga í vinnu og helstu fréttir eru hvernig þeim gengur að tefja mál hælisleitenda. Allt á kostnað skattgreiðenda.

Hvað skyldi heildarkostnaður vera orðinn mikill og hversu mikið hafa lögfræðingar fengið frá Rauða krossinum? Ég meina skattgreiðendum. Ég fór að velta kostnaðinum og forgangsröðinni fyrir mér fyrir nokkrum vikum eftir fréttir um fjáröflun fyrir dreng frá Hornafirði, sem þurfti að komast til læknis í útlöndum. Svo voru nú um helgina sjónvarpsfréttir um konu með MSsjúkdóm sem heilbrigðiskerfið náði ekki utan um."

Mikill meirihluti landsmanna er þeirrar skoðunar að skynsemi þurfi að komast að í málefnum hælisleitenda. Þeir eiga að vera vistaðir í búðum en ekki hleypt tafarlaust á almenning í landinu að óathuguðu máli.

Okkar félagslega kerfi ræður einfaldlega ekki við að ausa velferð til allskyns lýðs sem hingað streymir til að leggjast upp á okkur. Vel stæðir en mögulegir glæpamenn úr hryðjuverasamtökum eru bornir á gullstólum af innlendu æsingaliði sem æpir og skrækir fyrir utan dómsmálaráðuneyti lýðveldisins. Áslaug Arna á heiður skilið fyrir að láta ekki teyma sig endalaust af þessu liði til að kikna í hnjáliðum. Að sama skapi eru störf lögmanna lítt aðdáunarverð sem lifa af því að grafa undan íslenska velferðarkerfinu með múgæsingum sem spila á frumstæðar órökrænar tilfinningar góðhjartaðs en athugunarlauss fólks.

Sigurður Oddsson á þakkir skildar fyrir að vekja athygli á þessum málum með þessari þörfu grein.  

Lygileg

er frásögn Morgunblaðsins í Reykjavíkurbréfi af forsetakosningunum vestra.

"...Trump gekk vissulega mun betur í öllum efnum í síðara einvíginu.

En gallinn er að þá voru mun færri óákveðnir eftir og tugir milljóna hafa þegar sent sitt atkvæði í pósti frímerkt af demókrötum.

Hér er ekki átt við utankjörfundaratkvæði sem við þekkjum, heldur er átt við atkvæði greidd á seðla sem menn hafa pantað að fá heim til „kjósenda“ í sumum ríkjum og er svo safnað af útsendurum flokka og komið á talningarstað!

Eftirlitsmenn með kosningum í ríkjum sem komin eru stutt á lýðræðisbraut myndu fordæma slíkan framgang harðlega og telja að hann gæti leitt til ógildingar kosninga.

En slíkt er ekki gert í einu stærsta lýðræðisríki heims, enda sætir það ekki slíku eftirliti og myndi aldrei sætta sig við það. Við það bætist að demókratar hafa barist gegn og komið í veg fyrir að kjósendur sýni persónuskilríki á kjörstað, sem er víðast annars staðar algild regla.

Bera demókratar það fyrir sig að krafa um persónuskilríki sé með einhverjum dularfullum hætti árás á kjósendur úr röðum minnihlutahópa, einkum blökkumanna!

Verður ekki betur séð en að slík fullyrðing sé miklu fremur mjög niðurlægjandi gagnvart þeim stóra hópi. Kannanir um fylgi hafa lengst af sýnt að Joe Biden hafi 9-12 prósenta forskot á forsetann.

En seinustu tvo daga sýna kannanir þennan mun kominn niður í 4-5% sem væru mikil tíðindi. En skýringarfólk vestra bendir á að áður hafi komið könnunardagar sem hafi sýnt slíka sveiflu, þótt beggja vegna, dagana á undan og eftir, hafi munurinn svo haldist sá sem áður var nefndur.

En haldist þessi nýi munur næstu daga, þá er ekki útilokað að vonir forsetans séu að glæðast á Stutt í raunverulega niðurstöðu ’

Frægt er að Lyndon Johnson varaforsetaefni tryggði þá að í kosningum í Texas „kysu“ tugir þúsunda látinna manna forsetaefni sitt. Það er að segja að kosið var í þeirra nafni. Reykjavíkurbréf23.10.20 lokasprettinum. En þá má ekki gleyma því, sem fyrr sagði, að fjöldi atkvæða er þegar „kominn í hús“ og þau breytast ekki, þótt sveifla verði núna. Þannig að enginn veit neitt með öruggri vissu fyrr en eftir rúma viku. "

Hvernig listist mönnum á svona fyrirkomulag hérna? 

Þetta finnst manni eiginlega of lygilegt til að geta verið satt -sem það þó er.

5.ta á fullu

Í leiðara Morgunblaðsins eru athyglisverðir punktar sem varða mikla hagsmuni Íslendinga:

"....Daniel Hannan, sem sat á Evrópuþinginu fyrir Íhaldsflokkinn þar til Bretar sögðu skilið við sambandið, ritaði grein í The Telegraph um helgina og vék þar einnig að þeirri fyrirstöðu sem hagsmunir Macrons væru orðnir í Brexit-viðræðunum, en sagði um leið að það væri að nokkru leyti viðeigandi að Brexit-viðræðurnar skyldu á endanum snúast um fiskveiðar.

Sama mál hafi yfirskyggt viðræðurnar um inngöngu Breta á sínum tíma og hafi ekki verið leyst fyrr en fáeinum dögum áður en Bretland gekk inn.

Hannan bendir á að samkvæmt alþjóðlegum leikreglum eigi lögsaga Breta að miðast við 200 sjómílur eða miðlínu og þær viðmiðanir veiti Bretum yfirráð yfir um 2 ⁄3 af fiskistofnum í Norðursjónum en hlutdeild Breta í veiðum þar sé nú aðeins um 1 ⁄5. Hann bætir því við að fjörutíu og sjö ár innan fiskveiðikerfis Evrópusambandsins hafi veikt útgerð í Bretlandi svo mjög að bresk skip ráði ekki við að veiða allan þann afla sem þau ættu að eiga rétt á.

Hann nefnir einnig Ísland og þá staðreynd að þó að fiskveiðar vegi ekki þungt í efnahag annarra landa, séu til dæmis innan við 0,2% af landsframleiðslu Bretlands, gegni öðru máli hér á landi þar sem sjávarútvegur sé þýðingarmikill og tækniframfarir hafi verið miklar í greininni.

Athyglisvert er að þessi breski fyrrverandi stjórnmálamaður skuli átta sig á þessum staðreyndum sem sumum íslenskum stjórnmálamönnum virðast ekki kunnar.

Hér eru enn starfandi stjórnmálaflokkar, Samfylking og Viðreisn, auk Pírata sem daðra við það sama, sem vilja að Ísland fari í aðildarviðræður og gangi í Evrópusambandið, enda sé hagsmunum Íslands betur borgið innan þess en utan, eins og Samfylking og Viðreisn orða það.

Þessir flokkar mættu að ósekju horfa til sjávarútvegsins í Evrópusambandinu og hvernig honum hefur vegnað. Þeir gætu líka lítið til þróunar sjávarútvegsins í Bretlandi síðastliðin fjörutíu og sjö ár eins og Hannan bendir á, sem fær aðeins að veiða innan við þriðjung þess afla sem honum ber.

Það er auðvitað gróf blekking að halda því fram að hagsmunum Íslands væri betur borgið innan Evrópusambandsins þegar svo augljósir og ríkir hagsmunir segja hið gagnstæða. Þessir Evrópusambandsflokkar halda því fram að Ísland geti samið á hagfelldan hátt um þessi mál, en reynslan sýnir að slíkt tal er hrein fjarstæða.

Aðlögunarviðræðurnar sem vinstri stjórnin, Samfylking og Vinstri græn, drógu þjóðina út í þegar hún var í sárum eftir fall bankanna, sýndu svo ekki verður um villst að Evrópusambandið undanskilur ekki fiskveiðistefnuna þegar ríki fara í gegnum aðlögunarferlið.

Tal um annað er blekking. Evrópusambandið er ekki einu sinni reiðubúið að leyfa Bretum að fá aftur yfirráð yfir eigin fiskveiðiauðlindum þegar þeir eru gengnir úr sambandinu og er þar þó við tugmilljóna þjóð að eiga sem verið hefur einn af burðarásum sambandsins um áratugaskeið.

Hvernig dettur íslenskum stjórnmálamönnum í hug að halda því fram að hagsmunum Íslands væri betur borgið innan þessa sambands en utan?"

Í sama blaði er grein eftir einn Evrópusinnann Einar Benediktsson fv. sendiherra.

Hann lýkur sinni grein svo:

"Staða og þróun alþjóðamála er hvikul, í biðstöðu. En sjálfir geta Íslendingar valið sér traustari stöðu.

Er ekki frekara öryggi tryggara innan sameiginlegra landamæra Evrópu vegna ágengni Kínverja og efnahagurinn tryggari með bindingu gjaldmiðils við evruna, eins og er með Færeyjar?"

Yfirráð yfir auðlindum Íslands sem sem var í tilviki Bretlands er einlægur vilji 5.tu herdeildar ESB á Íslandi. Hún vinnur að því öllum árum að koma Íslandi í Evrópusambandið og afsala fullveldinu.

Er stuðningur við þessi sjónarmið útbreiddur í þessu landi?  Svarið er já. Viðreisn og Samfylking eru einbeitt í sinni afstöðu og skoðanaleysingjar í litlu og ljótu flokkunum eru hvikulir í rásinni. Þó er ekki líklegt að þessi öfl hafi meirihluta einn sem komið er.

En 5.ta herdeildin er á fullu við að reyna að breyta því.

Spurningunni í leiðara Morgunblaðsins er þar með svarað á skilmerkilegan hátt af málsmetandi manni. 

5.ta herdeild Evrópusambandsins á Íslandi er ótrauð í baráttu sinni.

 

Hvað ertu að kjósa?

 þegar þú kýst Joe Biden?

Ertu að kjósa leiðsögn hans eða Kamalu Harris?

Hver er hún? Hefur húnn nægilega reynslu og þekkingu?

Biden sýnir augljós merki sjúkleika að margra mati.Hann er  orðinn 78 áa gamall. Hann getur orðið ófær fyrr eða síðar.

Trump virðist vera hressari. Við vitum fyrir hvað hann stendur eftir þessi 4 ár.Við þurfum ekki að spyrja Þorvald Gylfason eða álíka víðsýna spekinga og gáfnamatsmenn álits.

Trump vill friðvænlegri heim og hefur stigið skref í þá átt. Hann er ekki stjórnmálamaður að köllun heldur bisnessmaður sem vill að öll starfsemi gangi vel.Allir fá hlutdeild í auknum efnahag.Hóflega skatta.Reyna að bæta samskiptin  við í heiminum eins og í kring um Ísrael. 

Allt er þetta öndvert við Demókrataflokkinn sem er sósíalistaflokkur aukinnar samneyslu og hærri skatta. Árásargjarnari utanríkisstefnu og fjandskapar við Rússland.Imperíalisma eins og birtist þegar Hillary tók Libíu að sér og lét myrða Gaddafi.Heilt ríki í rúst.

Maður heitir Nial Fuller í Ástralíu.www.learntotradethemarkets.com Athyglisverður fjármálamaður. Hann er búinn að veðja 6 stafa tölu á Trump einsog hann gerði síðast. Hann greinir þetta svona:

Trump is selling his Pro Economy, Pro Jobs, Pro Business and Pro Law & Order stance. Biden isn’t really selling anything other than Raising taxes and Covid-19.(Trump er að selja bættan efnahag, fleiri störf, meiri viðskipti og lög og reglu.Biden er ekki að selja nett nema að hækka skatta og Covid19)

Margt fleira týnir Njáll til skynsamlega sem skemmtilegt er að lesa.

En veit maður nokkurn tímann hvað maður er að kjósa þegar maður fer á kjörstað annað en auknar líkur á einhverri ímyndun sem maður sjálfur hefur?

Fáum við Favipiravir?

spyr Þorvaldur Gunnlaugsson náttúrufræðingur í Mogga dagsins:

"Í upphafi Covidfaraldursins lýstu kínverskir vísindamenn því að japanska flensulyfið amigan virkaði vel til að stöðva veiruna.

Japönsk stjórnvöld gáfu Íslendingum (Landspítalanum) nokkurt magn af þessu lyfi stuttu síðar.

Virka efnið er favipiravir sem er ekki með einkaleyfi og er tekið í töfluformi og þarf því í raun ekki innlögn á spítala.

Lyfið eyðileggur nýmyndun veirunnar, en læknar ekki skemmdir, sem þegar eru orðnar, né hindrar ofvirkni ónæmiskerfisins, og þarf því að gefa strax við greiningu. Þó að vírusinn greinist í nokkurn tíma eftir meðhöndlun er þar væntanlega um veiklaðar veirur að ræða.

Bandaríska lyfið remedisivir, sem virðist hafa verkað vel á forseta Bandaríkjanna, hefur svipaða verkun, en samanburður hefur sýnt að favipiravir er síst lakara.

Góð virkni í tilfelli forsetans stafar líklega af því að hann var prófaður reglulega og því hægt að hefja lyfjagjöf snemma.

Remdesivir er háð einkaleyfi og þarf að gefa í æð.

Favipiravir var framleitt í Japan en er nú í framleiðslu víðar. Nokkrir framleiðendur eru á Indlandi og sýnist mér fimm daga skammtur þar kosta um 5.000 kr.

Ekki hef ég heyrt af notkun favipiravirsins á Landspítalanum, en þar sem stefnan hefur verið að fólk héldi sig heima ef það greindist sýkt þar til alvarleg einkenni kæmu fram hefur það ósennilega verið notað nógu snemma.

Því spyr ég: Hefur favipiravir verið notað á Landspítalanum, hvernig var það notað og hefur verið gerður samanburður við sambærilegan ómeðhöndlaðan hóp?

Hafa verið gerðar ráðstafanir til að kaupa meira af lyfinu? Væri ekki ráð að hefja almenna meðhöndlun með þessu lyfi sem gera má án innlagnar strax við greiningu?

Væntanlega mætti þá slaka á fyrirbyggjandi aðgerðum vegna minna álags á heilbrigðiskerfið. Þar sem ég er aldraður og fékk slæma lungnabólgu í fyrrasumar, gæti ég þá treyst því að fá favipiravir strax við greiningu?

Ef ég panta lyfið frá Indlandi, verður því þá fargað í tollinum?"

Er þarna eitthvað sem við þurfum að athuga sem fyrst. Hvað segja Kári og Þórólfur?

Er framtíð  í Favipiravar?

Við viljum Villa !

á þing. Vilhjálmur Bjarnason fyrrum lektor undirstrikar enn á ný víðsýni sína og víðtæka reynslu af lífinu og fjölbreyttri atvinnuþátttöku sinni skrifar í Mogga dagsins.

Mér finnst ekki úr vegi að taka þetta upp þar sem manni er sagt að æ færri lesi blöð sér til gagns og að hlutur Mogga sé ekki sá sami og var.Þeir fáu sérvitringar sem heimsækja þetta blogg reka kannski augun í þetta og þá er vel  þar sem Mogginn borgar kostnaðinn af bloggsíðunni.

En Villi segir:

 

"Sá er þetta ritar hefur fylgst með atvinnulífi í sem næst 60 ár. Einhverjum kann að þykja það mörg ár miðað við aldur. Svo bar til þá er ég var 9 ára gamall að ég var sendur í sveit í bæ. Þar voru himinn og fjöll öðruvísi en í Reykjavík. Frjálst framtak, sem ég sá í Reykjavík, var reykhús í Klömbrum á Klambratúni og síðar kartöflurækt í Kringlumýri, þar sem nú er Kringlan.

Nýr himinn og ný fjöll

Hinn nýi himinn og nýju fjöll voru austur á Djúpavogi við Berufjörð. Atvinnulíf byggðist á sjávarútvegi. Þar var Kaupfélag með frystihús og tvo báta, og fjórir bátar hjá frjálsu framtaki skipstjóra og fjölskyldum þeirra. Svo voru nokkrir, sem gerðu út vörubíla. Sumardvalirnar urðu þrjár og á síðasta sumrinu var söltuð síld, og reyndar sú fjórða á bæ á Berufjarðarströnd. Ári áður hafði ég saltað síld undir enn öðrum himni við önnur fjöll í Neskaupstað. Það var launuð vinna á Mánaplaninu og þar fékk ég greiddar 39 krónur fyrir eina tunnu saltaða. Söltunarstöðin Máni var frjálst framtak í návist Síldarvinnslunnar, sem ekki hafði byrjað sína stórútgerð. Daginn eftir fermingu mína, tveimur dögum fyrir fjórtán ára afmælisdaginn, hóf ég launaða vinnu hjá menningarfélagi hins frjálsa framtaks, Almenna bókafélaginu. Ég hef verið í launuðu starfi hjá smákapítalistum og ríkisstofnunum í full 55 ár.

Hverjir eru smákapítalistar?

Sennilega er ekkert hugtak jafn útjaskað og afflutt og kapítalismi, eða auðhyggja, ef reynt er að færa hugtakið á íslensku. Í bók eftir þýska fræðimanninn Max Weber fjallar hann um „Auðhyggju og siðfræði mótmælenda“. Meginboðskapur Max Weber fjallaði um iðjusemi og sparsemi mótmælenda, sérstaklega kalvínista. Með gildum rökum má heimfæra rök Max Weber um auðhyggju, iðjusemi og sparsemi til viðhorfa sósíalista í Neskaupstað, sem stofnuðu og ráku Síldarvinnsluna. Það má einnig heimfæra rök Max Weber til viðhorfa sr. Friðriks Friðrikssonar í starfsemi KFUM&K. Iðjusemi og sparsemi er forsenda auðhyggju og frjáls sparnaðar. Mammon kemur fyrst við sögu í græðgi og undirferli. Þá er fjandinn laus.

Viðhorf auðhyggumanna

Viðhorf atvinnurekenda á Akranesi og í Bolungarvík voru svipuð og viðhorf sósíalista í Neskaupstað. Það mátti engin vinnufús hönd vera án atvinnu. Á öllum þessum stöðum, hvort heldur Akranesi og Bolungarvík þar sem einstaklingar höfðu forystu í atvinnulífi, eða á Djúpavogi þar sem samvinnuhreyfingin hafði forystu í atvinnulífi, eða í Neskaupstað þar sem sósíalistar höfðu forystu í atvinnulífi, allir virðast undir áhrifum Max Weber, vitandi eða óafvitandi. Á öllum þessum stöðum voru einyrkjar og smáatvinnurekendur með atvinnurekstur, sem sinntu nauðsynlegri starfsemi fyrir samfélagið.

Reynslan frá Vestmannaeyjum

Umfangsmest reynsla mín af atvinnulífi er í starfi mínu í Útvegsbankanum í Vestmannaeyjum. Veganesti mitt til þess starfa frá bankastjóranum í Reykjavík, að því er ég taldi sósíalista; var „ekki rífa kjaft við kallana í Vestmannaeyjum því þar eru þeir miklir menn“. Í Vestmannaeyjum voru þrjú stór frystihús, átta loðnubátar og fjórir togarar, sem fjölgaði í sjö, og fjöldi minni báta. Eigendur nokkurra loðnubáta og minni bátanna voru skipstjórar, smáatvinnurekendur, sem létu sér annt um sinn atvinnurekstur og ekki síður sinn mannskap, og rétt eins og sr. Friðrik, höfðu umhyggju fyrir sínu fólki. Auk útgerðarmanna var fjöldi smáatvinnurekenda, sem ráku margs konar þjónustustarfsemi, til að veita bæjarbúum og atvinnulífi þjónustu. Mér hefur alltaf verið mjög hlýtt til þeirrar þjónustu, sem netagerðir veita útgerðarfyrirtækjum. Enginn veiðir fisk án veiðarfæra.

Breytingar í kjölfar breyttrar fiskveiðistjórnunar

Þegar stjórnvöld töldu rétt og eðlilegt að takmarka sókn í fiskistofna, var aflahlutdeild úthlutað til bráðabirgða á grundvelli veiðireynslu. Sú úthlutun á aflaheimildum átti aldrei að verða varanleg eða grundvöllur eignarheimildar. Samþjöppun er aldrei hægt að réttlæta með hagkvæmni einni saman. Það kann að draga úr hagkvæmni með eðlilegri gjaldtöku. Þá færist arður af auðlind til samfélagsins. Það er vissulega arður til samfélagsins að ekki þarf að fella gengi vegna aflabrests eða verðfalls. Það er alveg ljóst að löggjafinn hefur allar heimildir til að endurúthluta eða taka leigu af aflaheimildum á grundvelli löggjafar. Til þess þarf ekki heimild í stjórnarskrár.

Samþjöppun og fækkun smákapítalista

Á þeim 35 árum, sem liðin eru frá úthlutun aflaheimilda, hefur ein stétt horfið. Það eru smákapítalistarnir, nema ef til vill trillukarlarnir, sem stunda strandveiðar. Að því var aldrei stefnt. Hvergi er hið frjálsa framtak eins augljóst og í eðli og innræti trillukarlsins. Enda sagði einn samherji íslenskra trillukarla, sem jafnframt var bóndi en dæmdur og húðstrýktur fyrir snærisþjófnað, Jón Hreggviðsson bóndi á Rein, „mér er samahvort ég er sekur eða saklaus, ég vil aðeins hafa bátinn minn í friði“. Með bátnum og snærinu öðlaðist Jón Hreggviðsson sjálfstæði til að verða mikill maður. Mun það skaða íslenska fiskistofna ef trillukörlum er heimilt að stunda veiðar umhverfis Ísland? Vissulega er það fiskur af grunnsævi, en það má ná orminum úr holdinu. Margir háskólanemar hafa komist hjá námslánum með því að vera trillukarlar og trillukonur að sumri. Á Suðurnesjum hafa aflaheimildir flust í burtu. Með því hafa atvinnuhættir breyst. Suðurnes er þjónustusamfélag. Það er mikill fjöldi smákapítalista og einyrkja, sem veita flugtengdri starfsemi ferðaþjónustu sína þjónustu.

Breytingar í Reykjavík

Það er í raun allra eðlilegasti hlutur að atvinnuhættir breytast. Reykjavík hefur breyst úr framleiðslusamfélagi í þjónustusamfélag. Eitt sinn voru 25 togarar gerðir út frá Reykjavík. Þeir öfluðu fyrir fimm stór frystihús. Þau eru öll horfin. Framleiðniaukning í framleiðslusamfélagi krefst aðfanga úr þjónustusamfélagi. Atvinnuleysi hefur ekki aukist og lífskjör hafa ekki versnað við að reykhús hefur lokað á Klambratúni og kartöflurækt er horfin úr Kringlumýri.

Hefur Sjálfstæðisflokkurinn gleymt trillukörlum?

Það er álitamál hvort Sjálfstæðisflokkurinn hefur gleymt sínu traustasta stuðningsfólki.

Frelsi og framtak í atvinnumálum er ekki aðeins fyrir útvalda.

En eins og skáldið sagði:

Og

margir

vinna mikið

og lengi að því

að mega loks vera

að því

að vera

(Andræði, Sigfús Bjartmarsson)"

 

Vilhjálmur Bjarnason fyrrum lektor við Háskóla Íslands var Alþingismaður fyrir Sjálfstæðisflokkinn í áravís. Hann tók þátt í prófkjöri flokksins og lenti í öruggu sæti.Fyrir aðför formanns flokksins að úrslitum prófkjörsins samkvæmt reglum flokksins og Kjördæmisráði fékk formaður því framgegnt að Vilii var lækkaður niður um sæti til að leiðrétta kynjahalla listans.Við sætinu tók Bryndís Haraldsdóttir úr Mosfellsbæ. Hún hefur auðvitað ekkert staðið sig illa sem glæsileg kona vel gerð til munns og handa.En hvort þessi aðferð formanns breytti einhverju um fylgi Sjálfstæðisflokksins á eftir að koma í ljós.

Vilhjálmur, eða Villi Bjarna eins og þjóðin kallar hann dregur enga dul á það að hann ætlar sér í framboð aftur. 68 ára fer hann að  nálgast lágmarksaldur sem menn þurfa til að bjóða sig fram í Forsetaembætti Bandaríkjanna.En það má víst ekki ræða hérlendis þar sem sem flestir eiga að vera á framfærslu og kjósa Samfylkingarflokkanna sem vilja gera allt fyrir alla. Og sérdeilis  Trump skyldi nú vinna verður jarmið háværara í Ingu Snæland sem vill útrýma fátækt hjá öllum sem höllum fæti standa.

Villi er ekki frá því að kosið verði í vor frekar en í haust þannig að hann er til alls vís. Eitt er víst að ég tel Villa eiga fullt erindi inn í þingmannahópinn og tel að það muni ekki lækka þá greindarvísitölu sem þar er að finna eftir að fylgjast talsvert með ræðum Pírata  á þeim ágæta stað í sjónvarpinu.

Hugmynd að slagorði fyrir kosningarnar:

Við viljum Villa!

Trump og Biden

voru í hanaatinu í kvöld sem var öllu prúðmannlegra en leiðinlegra en það fyrra. Ég asnaðist til að vaka og skrifa þetta í framhaldi.

Það er farið yfir svo víðan völl að maður fær engin tæmandi svör við neinu.

Trump var ósvífnari í að skjóta á Biden sem svaraði aldrei beinu beint að mér fannst. 

Þeir þvældu mikið um Covid án nokkur árangurs nema Trump sagðist vongæður um bóluefnin á næstu vikum hjá Johnson&Johnson, Pfizer og Moderna.Þeir voru sammála um að staðan væri alvarleg og mörg mistök hefðu verið gerð. En munurinn væri áberandi eftir fylkjum og þeirra flokkar hefðu staðið sig betur en hinn að sjálfsögðu.

Gegnumgangandi spurning Trump var hversvegna Biden þættist nú ætla að gera allt gott sem hann hefði ekki gert á þeim 8 árum sem hann var við völdin sem varforseti? Af hverju væri allt svona miklu auðveldara núna? Biden sagði á nú yrði hann forseti en  ekki varaforseti en fór ekki út í neinn rökstuðning fyrir slagorðunum(sem mér fannst í Samfylkingarstíl Loga Más.)

Trump sagði að hann Biden hefði verið á móti fracking í olíuvinnslunni og vildi vindmyllur og sólarsellur í staðinn í orkumálum sem væru miklir mengunarvaldar í byggingu og dræpu fugla meðan náttúrlegt gas frá olíuiðnaðinum mengaði ekki. Biden reyndi að segjast hafa átt við opinbert land til að bjarga sér frá þessu.

Trump sagðist hafa gert Bandaríkin óháð erlendri orku í fyrsta sinn í sögunni. Hann hefði ekki átt samleið með París þar sem Kína og Indland væru ekki með fyrr en eftir mörg ár  og Bandaríkin menguðu nú minnst af öllum ríkjum.  Líka hefði hann gert mest af öllu forsetum fyrir blökkumenn í Bandaríkjunum af öllum forsetum Bandaríkjanna frá Abram Lincoln.Hann væri minnsti rasistinn af öllum viðstöddum þó hann sæi ekki einu sinni framan í fólkið í myrkrinu. Biden ætlaði að þvæla honum eitthvað í þessu með samlíkingunni við Lincoln en rann á rassinn með það. Tíminn er líka svo naumur að það næst ekki að klára neitt.

Trump klúðraði mörgu með lélegum undirbúningi, endurtekningum  og málskrúði í óðamælgi og (helvítis) handapati.

Sérlega klúðraði hann lokaspurningunni sem Biden var búinn að æfa vandlega og raða saman öllum málum ("kosningalygum") sínum vandlega á dæmigerðan hátt atvinnustjórnmálamannsins. Ætlaði  að gera allt fyrir alla  bara ef hann væri kosinn.

Sem menn verða að gera upp við sig hvort þeir kaupa þessa ræðu af manni sem er búinn að vera áratugi í stjórnmálum og áreiðanlega ekki staðið við allt á fyrri tímum eða reyna að meta áhættuna sjálfir núna 3.nóvember.

En vel kom hann fyrir og er fallegur og trúverðugur í framan  sem er auðvitað ekkert að marka. Því fegurðin er aðeins skinndjúp en illskan gengur inn að beini segir Murphy.

Trump talaði ekki sem pólitískur sölumaður í lokaorðum sínum og ávarpaði ekki kjósendur sína eða með beiðnum um atkvæði. Hann væri á leið með að endurreisa efnhag Bandaríkjanna. Hann ætlaði ekki að hækka skatta til þess eins og Biden sem ætlaði að gera það.

Það rifjuðust upp fyrir mér orð sem einn viðmælandi minn spurði mig að um Trump: Er honum kannski virkilega alveg sama hvort hann vinnur eða tapar?

 

Ég var ekkert ánægður með Trump í það heila tekið en ég get hafa haft rangt fyrir mér með staðalhugmyndir mínar hvernig stjórnmálamenn eigi að koma fram sem mér fannst Biden miklu fremur leika það hlutverk eins og ég býst við af reynsluboltum  hvað trúðshátt og  ósvífnar lygar varðar.En ég er ekki trúaður á Biden sem forseta og set stórt spurningamerki við þessa Kamelu Harris,

Trump er ekki æfður stjórnmálamaður né afburða ræðumaður heldur viðskiptamaður sem framkvæmir hlutina án mikilla langorðaðra afsakana. Notar twitter sem engum hafði dottið í hug að gera í þessu starfi.Og áróðursmaður er hann sem kann að halda athyglinni á sér hvort heldur hann er í sókn eða vörn og hversu grimmilega er að honum sótt alla daga af engum smáveldum og peningaafli.

Biden reyndi að ásaka hann um skattaskýlingar af klókindum sínum til að borga lítið í skatta en Trump sagðist vera búinn að borga milljónir dollara í fyrirfram greidda skatta.En hvernig varðst þú svona ríkur skyndilega Joe með öll þín hús út um allt?  

Mér fannst ég sjá að heilabilunin gægist fram stöku sinnum þegar Biden eins og missti þráðinn og stamar en þetta var sjaldan og hann spólaði sig út úr því fljótt og vel.En ég set spurningamerki við framhaldið hjá honum, það er eitthvað í gangi í höfðinu á honum sem enginn veit hvaða stefnu tekur og hvenær.

Sem sagt stíll Trumps var mér lítt að skapi en staðreyndirnar eru allar á sínum stað hjá honum. Erlend samskipti bara á góma og gengu klögumálin á víxl vegna Rússa, Iran, Kina og Norður Kóreu. Hann spurði Biden hvort talvan (hans Hunters) væri áróðursverk Rússanna en Biden svaraði i því ekki en sagði að hann hefði aldrei tekið við eyri frá erlendum ríkjum.

Þar fannst mér hann taka mikla áhættu að kveða svona fast að á þessum hættutíma.

Honum getur orðið hált á þessu þegar fram líða stundir og í ljós kemur á hverju hann hefur auðgast svo mikið og á mörg hús eins og Trump sagði hann eiga og hvort hann væri ekki bara Mister Big Guy í tölvupóstunum frá Rússlandi með öll prósentin sem sá ætti að fá. Biden svaraði því ekki frekar en öðru.

Í heild fannst mér stjórnandinn vera hlynntari Biden, eins og hún væri að eitthvað að vernda hann fyrir andstæðingnum. En Trump fannst mér ekki flytja sitt mál vel eins og fyrr segir og var miklu minna grimmur en ég bjóst við út af málunum sem skipta munu máli þegar farið verður að rannsaka allt ofan í kjölinn ef það næst fyrir kosningarnar.

 

 ps: Fremur en að fara að stela vinnu blaðamanns Moggans sem skrifaði líka um þetta á sama tím aog ég tilfæri é hér nokkrar klausur frá honum til að skapa betri mynd af þessu fyrir þann sem slystast til að kesa þetta blogg:

Moggi segir m.a. :

"

01:21

„Ég vil loka á veiruna, ekki loka land­inu“ sagði Biden, spurður út í hvernig hann hefði brugðist við far­aldr­in­um. Trump sagði þá að Biden tali ekki um annað en lok­an­ir og út­göngu­bann. Trump seg­ist vilja opna skóla, smit­hætta sé lít­il inn­an skóla og ekki sé hægt að halda land­inu í lamasessi. „Lausn­in get­ur ekki verið verri en vanda­málið,“ sagði Trump. Biden sagði þá að fyr­ir­tæki og ein­stak­ling­ar verði að geta opnað starf­semi sína og farið út í sam­fé­lagið á nýju á ör­ugg­an hátt. Trump hafi ekki tryggt það.

1:28

Þá fær­um við okk­ur úr umræðum um Covid-19 í þjóðarör­yggi. Greint hef­ur verið frá því að bæði Íran og Rúss­land hafi reynt að hafa áhrif á for­seta­kosn­ing­arn­ar. Biden sagði að þær þjóðir sem ógni full­veldi Banda­ríkj­anna þurfi að svara fyr­ir það verði hann kjör­inn for­seti. „Ég skil ekki af hverju þessi for­seti vill ekki tak­ast á við Pútín þegar Pútín greiðir leigu­morðingj­um fyr­ir að myrða banda­ríska her­menn.“

Hvað varðar loft­lags­breyt­ing­ar seg­ir Trump að drykkjar­vatn í Banda­ríkj­un­um sé krist­al­tært og að kol­efn­is­los­un sé í lág­marki í Banda­ríkj­un­um. Hann seg­ir að Kína, Ind­land og Rúss­land séu „skít­ug“ lönd. Hann muni ekki fórna at­vinnu­tæki­fær­um og fyr­ir­tækj­um til að taka þátt í Par­ís­ar­sam­komu­lag­inu. „Við höf­um unnið frá­bært starf fyr­ir um­hverfið. Við höf­um hrein­asta vatnið, hrein­asta loftið,“ sagði Trump. Biden sagði þá að tím­inn til að grípa til aðgerða og snúa við loft­lags­breyt­ing­um sé naum­ur. Hann seg­ir Trump hafa sett Banda­ríkja­menn í afar slæma stöðu með því að snúa við lög­gjöf Obama sem snýr að um­hverf­is- og loft­lags­áhrif­um. Biden sagði að í hans áætl­un­um er varða loft­lags­breyt­ing­ar fel­ist ýmis at­vinnu­tæki­færi fyr­ir Banda­ríkja­menn ásamt því að hægt sé að tryggja framtíð kom­andi kyn­slóða. Trump hafði þá að Biden viti ekk­ert um lofts­lagið, hans áætlan­ir muni ein­ung­is leiða til þess að millj­ón­ir missi störf sín.

01:32

Trump seg­ist ekki hafa tekið við nein­um fjár­greiðslum frá Rússlandi. Þvert á móti hafi Biden fengið 3,5 millj­ón­ir doll­ara greidd­ar frá rúss­nesk­um áhrifa­mönn­um. „Það hef­ur eng­in verið harðari gagn­vart Rússlandi en Don­ald Trump.“ Biden sagðist þá aldrei hafa tekið við greiðslu frá er­lend­um aðilum. „Ég hef gefið út all­ar mín­ar skatta­skýrsl­ur. Þú hef­ur ekki gefið neina. Hvað ertu að fela,“ spurði Biden for­set­inn þá. „Birtu skatta­skýrsl­urn­ar þínar eða hættu að tala um spill­ingu.“

Hvað varðar landa­mæra­eft­ir­lit og stefnu­mál í inn­flytj­enda­mál­um kom Biden hart niður á Trump varðandi aðskilnað for­eldra og barna við landa­mær­in. Trump sagði að þau börn sem ekki hafa verið sam­einuð við for­eldra sína að nýju fái „góða umönn­un“. Trump sagði þá að Biden hafi verið vara­for­seti í 8 ár og aldrei gert neitt í mál­efn­um inn­flytj­enda. Biden sagði þá að hann hafi gert mis­tök, hann og Obama hafi brugðist of seint við. Það muni ekki ger­ast verði hann kjör­inn for­seti.

Trump seg­ir að Biden sé frjáls­lynd­ari en Bernie Sand­ers og að áætlan­ir hans utan um heil­brigðis­trygg­ing­ar sé ekki annað en rík­i­s­væðing heil­brigðisþjón­ustu. „Hann gleym­ir hverj­um hann er í fram­boði á móti. Þú ert í fram­boði á móti Joe Biden. Ég sigraði for­kosn­ing­arn­ar af því ég var ósam­mála hinum fram­bjóðend­un­um,“ sagði Biden þá. Trump brást við með því að segja að verðbréfa­markaður­inn muni hrynja nái Biden kjöri. Biden svaraði þá að venju­legt fólk lifi ekki af verðbréfa­markaðinum.

01:53

Hvað varðar heil­brigsðis­trygg­ing­ar seg­ist Trump ætla að leggja fram „frá­bæra áætl­un“ sem geti komið í staðinn fyr­ir Obamacare. Biden sagði þá að Trump hafi talað um slíka áætl­un í lang­an tíma en al­menn­ing­ur sé enn engu nær um hvað slík áætl­un eigi að snú­ast um. Biden seg­ir mik­il­vægt að Banda­ríkja­mann geti nýtt sér op­in­ber­ar heil­brigðis­trygg­ing­ar kjósi þeir það. Það eigi að vera und­ir hverj­um og ein­um komið hvort að borg­ar­ar velji að nýta sér op­in­ber­ar heil­brigðis­trygg­ing­ar. Trump sagði þá að Biden hafi verið í Banda­ríkjaþingi í fleiri ára­tugi en aldrei lagt fram áætl­un utan um heil­brigðis­trygg­ing­ar áður.

01:46

Nú hef­ur umræðan færst að mál­efn­um Norður-Kór­eu. Biden seg­ist ekki ætla hitta Kim Jong-un, leiðtoga Norður-Kór­eu, án fyr­ir­fram ákveðinna skil­mála. Trump sagði þá að Obama og Biden hafi reynt að hitta hann, en að Kim Jong-un hafi ein­fald­lega ekki líkað vel við Obama.

01:40

Biden og Trump hafa skipst á að saka hvorn ann­an um að hafa átt í vafa­söm­um viðskipt­um er­lend­is, meðal ann­ars í Kína. Trump hef­ur meðal ann­ars talað um viðskipti Hun­ter Biden í Úkraínu og víðar sem hann seg­ir hafa verið „hræðileg“. Biden sagði þá að viðskipti Hun­ter í Úkraínu hafi verið rann­sökuð og ekk­ert at­huga­vert hafi verið við þau.

01:43

Trump seg­ist hafa greitt at­vinnu­rek­end­um í land­búnaði millj­arða doll­ara sem hann hafi fengið frá Kína. Biden sagði þá að Kína hafi ekk­ert greitt, um­rætt fé hafi komið frá skatt­greiðend­um. Biden sagði þá að aðal­málið væri hvort að hinn hefðbundi Banda­ríkjamaður hefði það betra í dag en fyr­ir fjór­um árum. „Týpísk­ur stjórn­mála­maður, ég er ekki týpísk­ur stjórn­mála­maður,“ sagði Trump þá og sakaði Biden um að færa umræðuna frá Kína.

Trump nýtti tæki­færið til að beina spjót­um sín­um að Biden og sagði meðal ann­ars að sá síðar­nefndi muni hækka skatta og fleira. Biden aft­ur á móti sagði að per­sóna þjóðar­inn­ar væri und­ir í kosn­ing­un­um. Hann sagðist velja von fram yfir ótta og að hann yrði for­seti allra, bæði þeirra sem kusu hann en ekki síður þeirra sem kusu Trump."

 

Þarna hefur Moggi náð ýmsu betur en ég svo ég læt þetta fylgja til upplýsingar.

Að skjóta sendiboðann

er það sem Dagur B. Eggertsson borgarstjóri gerir 

Stjórnmálaskúrinn Dagur B. skýtur sendiboðann óhikað þegar reikningar hans eru ekki taldir á traustum grunni.

Hann úrskurðar Einar S. Hálfdánarson, hæstaréttarlögmann,viðskiptafræðing,löggiltan endurskoðanda og dómara óhæfan til að lesa ársreikninga! Neitar að láta kjósa hann til endurskoðendastarfa.

Hefur einhver prófað reikningsgetu borgarstjóra? Kann hann litlu margföldunartöfluna.? Kann að prósentureikning? Kann hann yfirleitt að reikna og fara með tölur?

Eð skýrist fjöldi aðstoðarmanna á hans kontór af því að það verður að reikna allt fyrir hann? Braggakostnaðinn sem vínveitingakostnaðinn á vinnustofu Kjarvals?

Það skyldi enginn sendiboði dirfast að færa Degi Bé slæmar fréttir. 

 

Fake News?

https://www.foxnews.com/politics/hunter-biden-business-partner-email-genuine-joe-biden-advice

The email includes a note that “Hunter has some office expectations he will elaborate.” A proposed equity split references “20” for “H” and “10 held by H for the big guy?” with no further details.

RATCLIFFE SAYS HUNTER BIDEN LAPTOP, EMAILS 'NOT PART OF SOME RUSSIAN DISINFORMATION CAMPAIGN'

"The reference to 'the Big Guy' in the much publicized May 13, 2017 email is in fact a reference to Joe Biden," Bobulinski said in a statement to Fox News.

Bobulinski said he is the CEO of Sinohawk Holdings, which he explained "was a partnership between the Chinese operating through CEFC/Chairman Ye and the Biden family." He said he was brought on as CEO by Hunter Biden and James Gilliar, who was listed as the sender of the email.

Bobulinski went on to say he does not believe Joe Biden's past claim that he and Hunter did not discuss his son Hunter's business, claiming that Hunter "frequently referenced asking him for his sign-off or advice on various potential deals."

"I’ve seen Vice President Biden saying he never talked to Hunter about his business. I’ve seen firsthand that that’s not true, because it wasn’t just Hunter’s business, they said they were putting the Biden family name and its legacy on the line," Bobulinski said."

Ætlar Google ,Washington Post og Facebook að takast að halda þessum fréttum frá bandarískum kjósendum nægilega lengi til að ekki verði tekið mark á þeim?

Er komið að Biden að verjast með vopnum Trumps?

Rúv er að sýna framhaldsþætti í 3 liðum til að sverta Trump. Stormy DAniels kemur fram og fleira gott fólk.

Truman sagði að sá sem efnaðist á stjórnmálaþáttöku væri crook.En Truman kom blánkur til Washington og fór þaðan blánkur.

Eru þessar fréttir  um fjármálabrask vellauðugs Joe´s Bidens Fake News? 

Hver er staða veirumála í í Kína?

Er veiran ekki lengur vandamál í landinu?

Til mín kom maður og sagði að kínverski kommúnistaflokkurinn hefði látið búa veiruna til á rannsóknastofunum í vinabæ Kópavogs Wuhan og búið til bóluefni um leið.

Síðan hefðu þeir sleppt veirunni á heiminn í viðskiptalegum tilgangi en gert sitt fólk ónæmt sem þeir vildu ekki missa.

Héldu sýningar á sínum vandamálum í byrjun faraldursins en nú væri komið hjarðónæmi með bólusetningum í landinu og allt komi á fullt í efnahagslífinu meðan allur heimurinn er að drepast.

Mér skildist á Trump að hann kenndi Kínverjum um að hafa sleppt veirunni lausri á okkur. Þeir skyldu fá það borgað. Hann fer varla með fleipur frekar en fyrri daginn karlinn sá.

Nú hafa skipst veður í lofti hvað varðar Biden og soninn Hunter. Einnig er Biden sjálfur orðið milljóner eftir heimsókn til Kína.Tumann sagði að það væri eitthvað bogið við þann sem efnaðist af þátttöku í stjórnmálum.Harry kom blánkur i Hvíta húsið og fór það eins.

Ég kvika því ekki í stuðningi mínum við Trump hvað sem RÚV ætlar að sýna margar lygar og falsfréttir af Stormy Daniels um hann.  

Ég spyr hversu mörg smit og skimanir eru á dag  í Kína?